Chez CLAUDE DE MONSTR'OEIL, tenant sa boutique en la cour du
Palais au nom de Jésus.
=================================================
_Avec privilége du Roy._
iii/59 EPISTRE
TRES NOBLE HAUT & PUISSANT SEIGNEUR MESSIRE CHARLES
DE MONTMORENCY, Chevalier des Ordres du Roy, Seigneur
d'Ampville & de Meru, Comte de Secondigny, Vicomte de
Meleun, Baron de Chateauneuf & de Gonnort, admiral de France
& de Bretagne.
_Monseigneur,
Bien que plusieurs ayent escript quelque chose du pays de
Canadas, je n'ay voulu pourtant m'arrester à leur dire, & ay
expressement esté sur les lieux pour pouvoir rendre fidèle
tesmoignage de la vérité, laquelle vous verrez (s'il vous
plaît) au petit discours que je vous adresse, lequel je
iv/60 vous supplie d'avoir pour agreable, & ce faisant, je
prieray Dieu, Monseigneur, pour votre grandeur & prosperité,
& demeureray toute ma vie_
Votre très humble &
obeïssant serviteur
S. CHAMPLAIN.
v/61 LE SIEUR DE LA FRANCHISE
AU DISCOURS
DU SIEUR CHAMPLAIN.
Muses, si vous chantez, vraiment ije vous conseille
Que vous louiez Champlain, pour estre courageux:
Sans crainte des hasards, il a veu tant de lieux,
Que ses relations nous contentent l'oreille.
Il a veu le Pérou [1], Mexique & la Merveille
Du Vulcan infernal qui vomit tant de feux,
Et les saults Mocosans [2], qui offensent les yeux
De ceux qui osent voir leur cheute nonpareille.
Il nous promet encor de passer plus avant,
Réduire les Gentils, & trouver le Levant,
Par le Nort, ou le Su, pour aller à la Chine.
C'est charitablement tout pour l'amour de Dieu.
Sy des lasches poltrons qui ne bougent d'un lieu!
Leur vie, sans mentir, me paroist trop mesquine._