[d’Amiens], et dissent li aucun que il tendoit à
25 estre pappes. Tout un esté furent il en une variation,
car cil qui tiroient à faire pappe, n’osoient descouvrir
ou monstrer leurs secrés generaulment pour
les Roumains et tant que, sur les [vacations] de court,
pluiseur cardinal partirent de Romme et s’en allèrent
30 esbatre environ Romme en pluiseurs lieus à leur
plaissance. Urbains s’en alla en une citté que on dist
Tieulle, et là se tint un grant tamps. En ces vacations
[145] et en che termine qui longement ne pooit demorer,
car trop grant fuisson de clers des diversses
parties dou monde estoient à Romme, atendant grasses,
et ja les pluiseur estoient proumisses et coloquies,
5 li cardinal qui estoient d’un accord et de une
volenté, se missent ensamble et fissent pappe. Et cheï
li sors et li vois à monsigneur Robert de Genève,
jadis fils au conte de Genève, et fu de ses premières
promotions evesques de Terewane et puis evesques
10 de Cambrai, et s’appeloit li cardinaux de Genève. A
ceste ellection faire furent la grigneur partie des cardinaux,
et fu appellés Clemens.
En che tamps avoit en le marce de Romme un
mout vaillant chevalier de Bretaigne, qui s’apeloit
15 Selevestre Bude. Chils tenoit desoulx lui plus de deus
mil Bretons et s’estoit les anées [passées] grandement
bien portés contre les Florentins, que pappes Grigoires
avoit guerriiés et escumegniiés pour leur rebellion,
et avoit cils Selevestre Bude tant fait que il
20 estoient venu à merci. Pappes Clemens et li cardinal
qui de son accord estoient, le mandèrent secretement
et toutes ses gens d’armes. Si s’en vint bouter ou
bourc Saint Piere et ou fort castiel de l’Angle, dehors
Romme, pour mieux constraindre les Roumains. Si
25 ne ossoit Urbains partir de Tieule ne li cardinal qui
de son accord estoient, granment n’en i avoit mies,
pour le doubtance de ces Bretons, car il estoient
grant fuisson et toutes gens de fait qui ruoient jus tout
ce que il trouvoient ne rencontroient. Quant li Roumain
30 se veïrent en che parti et en che dangier, si
mandèrent autres saudoiiers allemans et lombars qui
escarmuchoient tous les jours contre ces Bretons.
[146] Clemens ouvri grasses et fist à tous clers qui avoir
les vorrent, et segnefia son nom par tout le monde.
Quant li rois de France, qui pour che tamps resgnoit,
en fu segnefiés, [si] li vint de premiers à grant mervelle,
5 et manda ses frères et les haus barons de son
roiaulme et tous les prelas et le recteur et les maistres
[et] docteurs de le université de Paris, et pour savoir
à laquelle ellection de ces pappes, ou la première ou
la daraine, il se tenroit. Ceste cose ne fu pas sitos
10 determinée, car pluiseur cler varioient; mais finablement
tout li prelat de France s’enclinoient à Clement,
et ossi faissoient li frère dou roi et la grigneur partie
de l’université de Paris. Et fu li rois de France Carles
en ces jours tellement monstrés et enfourmés par tous
15 les plus grans clers de son roiaulme que il obbeï à
pappe Clement et le tint à droit pappe, et fist un
commandement especial par tout son roiaulme que
on tenist Clement à pappe et tout obeïssent à lui
sicom à Dieu en terre. Li rois d’Espaigne tint ceste
20 oppinion; ossi fist li contes de Savoie, et li sires de
Mellans et la roïne de Napp[l]es. Che que li rois de
France creï en Clement, couloura grandement son
fait, car li roiaulmes de France che est li fontaine
de creance et de excellense pour les nobles eglises
25 qui i sont et les hautes prelacions. Encores vivoit
Charles de Boèsme, rois d’Allemaigne et emperères
de Romme, et se tenoit à Prage en Behaigne, et estoit
bien enfourmés de toutes ces choses qui li venoient
à grant mervelles; et quoique tous ses empires
30 d’Allemaigne, excepté l’arcevesquiet de Trèves, creïssent
de fait, de corage et de intencion en Urbain ne
ne voloient oïr parler d’autre, li emperères se faindi
[147] et disimula tant qu’il vesqui, et en respondoit, quant
on en parloit en sa presence, si courtoissement que
tout prelat et baron de son empire s’en contentoient.
Non obstant tout che, les eglisses de l’empire obbeïssoient
5 à Urbain, et ossi fist tous li roiaulmes d’Engletière;
et li roiaulmes d’Escoce obeï à Clement. Li
contes Loeïs de Flandres qui pour che tamps resgnoit,
greva trop grandement Clement ens es parties de
Braibant, de Haynnau, de Flandres et dou Liège, car
10 il volt toudis demorer urbanistres, et dissoit que on
faissoit [à] che pappe tort; et cils contes estoit adonc
tant creus et renommés ens es parties où il conversoit,
que pour ce les eglises et li signeur terriien se
tenoient à son oppinion. Mais cil de Haynnau, les
15 eglises et li sires conjoins avoecq iaulx, qui s’appelloit
Aubiers, demorèrent neutre et obeïrent non plus
à l’un comme à l’autre; de quoi li evesques de Cambrai
qui pour ce tamps resgnoit, qui s’apelloit Jehans,
en perdoit [en] Haynnau toutes les revenues de
20 sa temporalité.
En ce tamps fu envoiiés ens es parties de France et
de Haynnau, de Flandre et de Braibant, de par le
pappe Clement, li cardinaulx de Poitiers, uns mout
preudons et vaillans homs et sages clers, pour ensaignieir
25 et preechier le peuple, car il avoit esté à le
première ellection: si monstroit bien comment par
constrainte il avoient l’arcevesque de Bar fait pappe.
Li rois de France, si frère et li prelat de France le
requeillièrent benignement et entendirent volentiers
30 à ses parolles, et leur samblèrent toutes veritables:
pour tant i ajoustèrent il plus grant credense. Et
quant il ot esté en France à son plaisir, il s’avalla
[148] en Haynnau où il fu recheus dou duck Aubiert
liement; ossi fu il en Braibant dou duck et de la
duchoise, mais autre cose n’i conquesta. Il quida à
son venir aler ou Liège, mais il en fu si desconsilliés
5 que point n’i alla. Si retourna à Tournai et là se
tint, et quidoit aler en Flandres pour parler au conte
et au païs; mais point n’i ala, car il li fu segnefiiet
dou conte que il n’i avoit que faire pour ceste
cause, car il tenoit Urbain à pappe et tousjours le
10 tenroit, et en cel estat viveroit et morroit. Si se parti li
cardinaulx de Poitiers, de Tournai, et s’en vint à
Valenchiennes et de là à Cambrai, et là se tint un
mout lonc tamps en esperant de oïr toudis bonnes
nouvelles.
15 § 97. Enssi estoient li roiaulme crestiien par le
fait de ces pappes en variacion et les eglises en different.
Urbains en avoit la grignour partie, mais la plus
pourfitable tant k’à la cavance, et de plaine obeïssance,
Clemens le tenoit. Si envoiia Clemens, par
20 le consentement des cardinaulx, en Avignon pour
raparillier le lieu et le palais; et estoit bien sen entente
que là se trairoit au plus tost comme il poroit. Et
s’en vint sejourner Clemens en la citté de Fondes et
là ouvri ses grasses: si se traïssent toutes manières
25 de clers qui ses grasses voloient avoir, celle part; et
tenoit sus les camps ens es villages grant fuisson de
saudoiiers qui guerrioient et herioient Romme et
[les Romains. Et ossi cil qui estoient] ou bourc Saint
Pierre les travilleient nuit et jour d’assaus et d’escarmuces
30 grandement, et ossi cil qui estoient ou castiel
de Saint Angle, au dehors de Romme, faissoient mout
[149] [de] destourbiers as Roumains. Mais cil de Romme
se forteffiièrent de saudoiiers alemans et en prissent
grant fuisson avoec le poissance de Romme que il
asamblèrent, que un jour il conquissent le bourc
5 Saint Pière. Adonc se boutèrent li Breton, qui bouter
se peurent, ou castiel Saint Angle, et là se requellièrent.
Toutes fois par force d’armes il menèrent
tels ces Bretons que il rendirent le castiel, salve leurs
vies. Si s’en partirent li Breton, et se traïssent tout
10 vers Fondes et là environ sus le plat païs; et li Roumain
abatirent le castiel de Saint Angle et ardirent
tout le bourc Saint Pière. Quant messires Selevestre
Bude, qui se tenoit sus le païs, entendi que ses gens
avoient enssi perdu le bourc Saint Pière et le castiel
15 de Saint Angle, si en fu durement courouchiés
et avisa comment il se poroit sus ces Roumains
contrevengier. Toutes fois il li fu dit par ses espies que
li Roumain, tout li plus notable de la citté, devoient
[une relevée] estre ensamble en Campdole en conseil.
20 Sitos comme il fu enfourmés de ces nouvelles, il mist
une chevaucie sus de gens d’armes que il tenoit dallés
li, et chevauça che jour par voies couvertes tout
secretement viers Romme, et sus le soir entra ens par le
porte de Naples. Quant cil Breton furent entré ens,
25 il prissent le chemin de Campdole, et là vinrent si
à point que tout li conseil de Romme estoient issu
hors de le cambre et se tenoient sus le place. Chil
Breton abaissièrent les glaves et esperonnèrent les
chevaulx, et se boutèrent en ces Roumains, et là en
30 ocirent et abatirent trop grant fuisson et tous des plus
notables de le ville; et i ot mors sus le place set
banerès et bien deus cens aultres riches hommes et
[150] grant fuisson de mehaigniés et de navrés. Quant chil
Breton eurent fait leur emprisse, il se retraïssent sus
le soir, et tantos fu tart. Si ne furent noient poursievoit
tant pour le nuit que pour ce qu’il estoient si
5 effraet dedens Romme, que il ne savoient à quoi
entendre fors à leurs amis qui estoient mort ou bleciet.
Si passèrent le nuit en grant angoisse de coer,
et ensevelirent les mors et missent à point les navrés.
Quant che vint au matin, pour eulx contrevengier,
10 s’avisèrent de une grant cruauté, car les povres clers,
qui en Romme sejournoient et qui nulles couppes à
ce meffait n’avoient, il asaillirent et en ocirent que
mehaignèrent plus de trois cens; et par especial nuls
Bretons qui cheoit en leurs mains, n’estoit pris à
15 merchi. Ensi estoient les coses en es parties de
Romme par le fait des pappes en grant tribulacion,
et le comparoient tous les jours cil qui coupes n’i
avoient.
§ 98. Entrues que pappes Clemens se tenoit à
20 Fondes, la roïne de Napples le vint veoir de bon
corage, et se mist li et le sien en son obeïssance, et le
volt bien tenir à pappe. Ceste roïne avoit eu en pourpos
un grant tamps que li roiaulme de Sesille, dont
elle estoit dame et roïne, et la [conté] de Prouvence,
25 qui dou roiaulme dependoit, elle [remettroit] en le
main dou pappe pour faire ent sa pure volenté et
donner et ahireter un haut prince, quelqu’il fust, dou
roiaulme de France qui poissance eust de obstenir
encontre ceuls que elle haioit à mort, qui descendoient
30 dou roiaulme de Hongueriie, messire Charle
de la Pais. Quant la roïne de Napples fu venue à
[151] Fondes, elle se humelia mout envers le pappe et se
confessa à lui et li remonstra toutes ses besongnes et
se descouvrit de ses secrés et li dist: «Pères sains, je
tieng pluisieurs grans hiretages et nobles, tels que le
5 roiaulme de Naples, le roiaulme de Sesille, Puille et
Calabre et la [conté] de Provence. Bien est verité que
li rois Loeïs de Sesille, duc de Puille et de Calabre,
mon père vivant, il recongnissoit toutes ces terres de
l’Eglise, et me prist par le main ou lit de la mort et
10 me dist ensi: «Ma belle fille, vous estez hiretière de
mout rices et grans païs, et croi bien que pluiseur
hault signeur presseront à vous avoir à femme pour les
biaus hiretages et grans que vous tenrés. Si vous
enjoing et commande que, par le conseil des haulx
15 princes des hiretages que vous tenrés vous voelliés
user, et vous mariés à si haut signeur que il soit
poissans de vous tenir en pais et tous vos hiretages,
et, se il avient enssi que Dieus le consente que vous
n’aiiés nuls hoirs de vostre char, si remettés tous
20 vos hiretages en le main dou Saint Père qui pour ce
tamps sera, car li rois Robiers, mes pères, ou lit de le
mort, le me carga enssi: pour quoi, ma belle fille, je
vous en carge et [si] m’en descarge.» Et adonc, Pères
Sains, je li euch en convent par ma foi, present tous
25 ceuls qui en le cambre pooient estre, que je li acompliroie
son darrain desirier. [Voirs est], Pères Sains,
que apriès son trespas, par le consentement des
nobles de Sesille et de Naples, je fui mariée à Andrieu
de Honguerie, frère au roi Loeïs de Honguerie, dou
30 quel je n’euch nul hoir, car il morut jones à Ais en
Prouvence. Depuis sa mort, on me remaria au prince
de Tarente qui s’apelloit mesires Charles, et en oc une
[152] fille. Li rois de Honguerie pour le desplaissance que
il ot [de la mort] dou roi Andrieu, son frère, fist guerre
à mon marit messire Charle de Tarente, et li vint
tollir Puille et Calabre, et le prist par bataille et l’enmena
5 en prison en Honguerie, et là morut. Depuis
par l’acord des nobles de Sesille et de Naples, je
me remariai au roi Jame de Maïogres et mandai en
France messire Loeïs de Navare pour espouser ma
fille, mais il morut sus le chemin. Li rois de
10 Maïogres, mes maris, se departi de moi en volenté
de reconquerir son hiretage de Maïogres, que li rois
d’Arragon li obtenoit à force, car il l’en avoit deshireté
et fait morir le roi, son père, en prison. Bien
disoie au roi, mon marit, que je estoie dame assés de
15 poissance et de richoisse pour le tenir en tel estat
comme il vorroit, mais tant me preecha et monstra
de belles raisons en desirant de recouvrer son hiretage,
que je m’asenti, enssi que par demie volenté,
que il fesist son plaisir; et à son departement je li
20 enjoindi et enortai especiaulment que il alast deviers
le roi Charle de France et li remonstrast ses
besongnes et se ordonnast tous par li. De tout ce
n’a il riens fait, dont il l’en est mesvenu, car il s’alla
rendre au prince de Galles, qui li ot en convenant
25 de aidier, et ot grignour fiance au prince de Galles
que au roi de France à qui je sui de linage. Et
entrues que il estoit sus son voiage, je escripsi deviers
le roi de France et envoiai grans mesages em priant
que il me vosist envoiier un noble homme de son
30 sanc auqué je peuisse ma fille mariier, par quoi nos
hiretages ne demorast mies sans hoir. Li rois de
France entendi à mes parolles, dont je l’en sai bon
[153] gré, et m’envoia son cousin messire Robert d’Artois,
liquels ot ma fille espousée. Pères Sains, ens ou
voiage que li rois de Maïogres, mes maris, fist, il
morut. Je me sui remarié[e] à mesire Oste de Bresvich,
5 et pour tant que messires Charles de la Paix a
veu que j’ai volu ravestir [en] son vivant de mon
hiretage mesire Hoste, il nous a fait guerre et nous
prist ou castiel de l’Oef par encantement, car il nous
sambloit, à nous qui estions ou castiel de l’Uef, que
10 la mers estoit si haute que elle nous pooit acouvrir.
Si fumes à celle heure si eshidé que nous no[u]s
rendesimes à messire Charle de la Pais, tous quatre,
salve nos vies. Il nous a tenu en prison moi et men
marit, ma fille et son marit; [et tant est avenu que
15 madite fille et son marit] i sont mort. Depuis par
tretié nous sommes delivré parmi tant que Puille et
Calabre li demeurent, et tent à venir à l’iretage de Naples,
de Sesille et de Prouvence, et [quiert] aliances
partout, et efforcera le droit de l’Eglise, sitos comme
20 je serai morte, et ja moi vivant, il en fait son plain
pooir. Pour quoi, Pères Sains, je me voel acquiter
envers Dieu et enviers vous, et acquiter les ames de
mes predicesseurs; si vous raporte et mech en vostre
main très maintenant tous les hiretages qui me sont
25 deu de Sesille, Naples, Puille, Calabre et Prouvence,
et les vous donne à faire vostre volenté pour donner
et ahireter qui que vous volés et que bon vous samble,
qui obstenir les pora contre nostre aversaire,
mesires Charle de la Pais.» Li pappes Clemens rechut
30 ces parolles en très grant bien et le don en grant
reverensse, et dist: «Ma fille de Naples, nous en
ordenerons temprement tellement que li hiretage
[154] aront hiretier de vostre sanc, noble et poissant et
fort assés pour resister contre tous ceulx qui le voldront
nuire.» De toutes ces parolles, ces dons, ces
deshiretances et ahiretances on fist instrumens publicques
5 et autentiques, pour demorer les coses en tamps
à venir en droit et pour estre plus autentiques et
patentes à tous ceuls qui en oront parler.
§ 99. Quant la roïne de Naples et messires Ostes
de Bresvich eurent fait ce pour quoi il estoient venu
10 à Fondes devers le pappe, et il eurent là sejourné
à leur volenté et plaisance, il prisent congiet au
pappe et as cardinaus, et s’en retournèrent à Naples.
Depuis ne demora gaire de tamps que pappes Clemens
imagina en lui meïsmes que li trop longement
15 sejourner ens es parties de Romme ne li estoit point
pourfitable et que li Roumain et Urbains travilloient
grandement à avoir l’amour des Neapoliiens et de
mesire Charle de la Pais; si se doubta que li chemin
ne fuissent tantos si clos par mer et par terre que il
20 ne [peust] retourner en Avignon où il desiroit à venir.
Et la plus principaulx et especiaulx cose qui l’enclinoit
à retourner, c’estoit ce qu’il voloit donner en
don, enssi que recheu l’avoit, au duc d’Ango les drois
que la roïne de Naples li avoit donnés et seelés. Si
25 ordonna ses besongnes si sagement et secre[t]ement,
et montèrent en mer ils et li cardinaulx et toutes leurs
familles en gallées et en vaissaulx qui leur estoient
venu d’Arragon et de Marselle, le conte de Rokebertin
en leur compaignie, un vaillant homme
30 d’armes d’Arragon. Si eurent vent et ordenance de
mer en volenté, et arivèrent sans peril et sans
[155] damage à Marselle, dont tout li païs fu grandement
resjoïs; et de là vint li pappes en Avignon. Si segnefia
sa venue au roi de France et à ses frères, qui en
furent tout resjoï.
5 Adonc le vint veoir li dus d’Ango, qui se tenoit
pour le tamps à Toulouse; [si] li donna li pappes à
sa venue tous les dons dont la roïne de Naples l’avoit
ravesti. Li dus d’Ango qui tendoit tousjours à
signouries et à hautes honneurs, retint ces dons en
10 grant magnificensse et les accepta pour li et pour
ses hoirs, et dist au pappe que dou plus tost que il
[porroit, il] iroit si fors ens es parties par de delà
que pour resister contre tous les nuissans à la roïne
de Naples. Si fu li dus d’Ango avoecques le pappe
15 environ quinse jours, et puis s’en retourna il à Toulouse,
dalés la ducoise sa femme, et Clemens demora
en Avignon. Si laissa ses gens d’armes messire Selevestre
Bude et messire Bernart de la Salle et Florimont
gueriier et heriier les Roumains.
20 § 100. En che tamps avoit en le marce de Toskane
[en] Italie un vaillant chevalier d’Engletière qui
s’appelloit messires Jehans Haccoude, qui pluiseurs
grans apertisses d’armes i fist et avoit faites en
devant, et estoit issus hors dou roiaulme de France,
25 quant la pais fu traitie et parlementée des deus rois
à Bretegni dallés Chartres. En ce tamps, c’estoit uns
povres baceliers: si regarda que de retourner en son
païs il ne pooit noient pourfiter, et quant il convint
toutes manières de gens d’armes vuidier le roiaulme
30 de France par l’ordenance des tretiés de le pais, il se
fist chiés de une route de compaignons que on appeloit
[156] les Tart venus, et s’en vinrent en Bourgongne,
et là s’asamblèrent grant fuisson de tels routes, Englès,
Bretons, Gascons et Allemans, et gens de compaignes
de toutes nations, et fu Haccoude uns [des
5 chiefs] par especial avoecques Briquet et Carsuelle,
par qui la bataille de Brinai fu faite, et aida à prendre
le pont de Saint Esperit avoecq Bernart de Sorges.
Et quant il eurent assés gueriiet et heriiet le païs, le
pappe et les cardinaulx, on treta vers eulx et vers le
10 marquis de [Montferrat], qui en che tamps avoit
guerre as signeurs de Melans. Cils marquis les enmena
oultre lez mons, quant on leur heut delivret sissante
mille frans, dont Haccoude eut en se part diis mille
pour li et pour sa route. Quant il heurent achievé le
15 guerre dou marquis, li pluiseur retournèrent en
France, car messires Bertrans du Claiequin, li contes
de la Marce, li sires de Biaugeu et li mareschaulx
d’Audrehem les enmenèrent en Espaigne contre le
roi dan Piètre pour le roi Henri, et ossi li pappes
20 Urbains Ves les i envoiia. Messires Jehans Haccoude
et sa route demorèrent en Italie, et l’ensonnia tous[jours]
pappes Urbains, tant que il vesqui, contre les
signeurs de Mellans: ossi fist pappes Grigoires [regnans]
apriès lui. Et fist cils messires Jehans Haccoude
25 avoir le signeur de Couci contre le conte de
Vertus et les Lombars une très belle journée, et
dient, et de verité, li pluiseur que li sires de Couci
euist esté rués jus des Lombars et dou conte de
Vertus, se n’euist esté Haccoude qui le vint aidier à
30 cinc cens combatans, pour la cause de che que li
sires de Couchi avoit à femme la fille dou roi d’Engletière,
et non pour nulle autre cose.
[157] Chils messires Jehans Haccoude estoit uns chevaliers
mout adurés et renommés en es marces de
Italie, et i fist pluiseurs grans apertisses d’armes. Si
s’avisèrent li Roumain et Urbains qui se nommoit
5 pappes, quant Clemens fu partis de [Fondes], que il
le manderoient et le feroient mestre et gouverneur de
toute leur guerre. Si le mandèrent et li offrirent grant
pourfit et le retinrent li et sa route as saulx et as
gages; et ils s’en acquita loiaulment, car ils, avoecques
10 les Roumains, desconfi un jour messire Selevestre
Bude et une grant route de Bretons, et furent
sus le place tout mort ou pris, et Selevestre Bude
amenés à Romme prisonniers et en grant peril de
estre decollés. A voir dire, trop mieulx vausist que,
15 pour l’onneur de li et de ses amis, il l’euist esté au
jour que il fu amenés à Romme, car depuis le fist li
pappes Clemens decoller en la cité de Mascons, et
un autre escuier breton avoecques lui, qui s’appeloit
Guillaume Boilewe; et furent soupechonné de traïson
20 pour tant que il estoient issu hors de le prison des
Roumains, et ne pooit on savoir par quel tretiet,
et vinrent en Avignon, et là furent il pris. De leur
prisse fu coupables li cardinaulx d’Amiens, car il les
haioit pour tant que, [dou temps] que il faissoient
25 guerre en Roumagne pour le pappe, il avoient sus
les camps rués jus les sonmiers le cardinal d’Amiens
ens es quels il avoit grant finance de vaisselle d’or et
d’argent, et l’avoient toute departie as compaignons
qui ne pooient estre paiiet de leurs gages, dont li
30 cardinaulx tint che fait à grant despit et les accusa
couvertement de traïson. Quant il furent venu en
Avignon et furent amis que il estoient là trait
[158] cauteleusement pour trahir le pappe, si furent pris et
envoiiet à Mascons et là decollé. Ensi se portoient
li affaire en che tamps ens es parties par de delà,
et vous di que messires Bertrans de Claiequin fu
5 durement courouchiés de la mort messire Selevestre
Bude, son cousin, sus le pappe et les cardinaulx, et,
se il euist vesqui longuement, il leur euist remonstré
ou fait remonstrer que la mort de li li estoit desplaissans.
Nous no[us] soufferons à parler presentement
10 de ces matères, et entrerons ens es matères des
guerres de Flandres qui commenchièrent en celle
saisson, qui furent dures et cruelles, et de quoi grant
fuisson de peuple furent mort et essilliet, et li païs
contournés en tel violensse que on dissoit adonc que
15 cent ans à venir il ne faissoit mies à recouvrer ne
à remettre ou point où les guerres le prisent, et
remonsterons et recorderons par quelle incidensse
ces maleoites guerres commenchièrent.
§ 101. Quant les haïnnes et tribulacions vinrent
20 premierement en Flandres, li païs estoit si plains et
si raemplis de tous biens que merveilles seroit à considerer,
et tenoient les gens ens bonnes villes si
grans estas que merveilles estoit à regarder. Et devés
savoir que toutes ces guerres et haïnnes meurent par
25 orguel et par envie que les bonnes villes de Flandres
avoient l’un[e] sus l’autre, chil de Gand sus la ville de
Bruges, et cil de Bruges sus ceulx de Gand, et enssi
les autres villes les unes sus les autres. Mais tant i
a de resort que nulles guerres entre elles principaument
30 ne se pooient mouvoir ne eslever, se leurs sires
li contes ne le consentoit, car il i estoit tant cremus
[159] et tant amés que nuls ne l’osoit courouchier. Enssi li
contes, qui estoit sages et soutieus, resongnoit si la
guerre et le mautallent entre ses gens et li, que oncques
nuls sires feïst plus de li, et fu premierement si
5 frois et si durs à esmouvoir la guerre que nullement
il ne s’i voloit bouter, car bien sentoit en ses imaginacions
que, quant li differens seroit entre li et son
païs, il en seroit plus foibles et mains doubtés de ses
voisins. Encore resongnoit il la guerre pour un autre
10 cas, quoi que en le fin il li convenist prendre:
guerres sont destrucions de misse, de corps et
de chavance, et en son tamps il avoit vesqui et
resgné en grant prosperité et en grant pais et eu otant
de ses deduis que nuls sires terriiens pooit avoir eu.
15 Et ces guerres qui li sourdirent sus le main
commenchièrent par si petite incidence que, au justement
considerer, se sens et avis s’en fuissent ensongniiet,
il n’i deuist avoir eu point de guerre; et pueent dire
et poront cil qui ceste matère liront ou lire feront,
20 que ce fu oevre de diable, car vous savés ou
avés oï dire les sages que li diables soutille et atisse
nuit et jour à bouter guerre et haïnne là où il voit
pais, et qu[i]ert au lonch et de petit à petit comment
il puist venir à ses ataintes. Et ensi fu et avint en
25 Flandres en che tamps, sicom vous porés clerement
veoir et cognoistre par les tretiés de l’ordenance de
la matère qui s’ensieut.
§ 102. En che tamps que li contes Loeïs de Flandres
estoit en sa grignour prospérité, avoit un bourgois
30 à Gand, qui s’appelloit Jehan Lion, sage homme,
soutil, hardit, cruel et entreprenant et froit au
[160] besoing assés. Cils Jehans Lions fu si très bien dou
conte qu’il aparut, car li contes l’ensonnia de faire
ochire un homme en Gand, qui li estoit contraires
et desplaissans; et au commandement dou conte,
5 couvertement Jehans Lions prist parolles de debat à
celi et l’ocist. Le bourgois mort qui s’apelloit [Jehan
d’Iorque], il s’en vint demorer à Douai, et là fu
priès de trois ans, et tenoit bon estat et grant, et tout
paiioit li contes. Pour celle occision, Jehan Lion en
10 la ville de Gand perdi un jour tout ce que il i avoit,
et fu banis de le ville de Gand à cinquante ans [et un
jour]. Depuis li contes de Flandres esploita tant que
il li fist pais avoir à partie et ravoir la ville de Gand
et le francisse, che que on n’avoit onques mais veu,
15 dont pluiseurs gens en Gand et en Flandres furent
mout esmervilliet; mais enssi fu et avint. Avoecques
tout ce, li contes, pour [le] recouvrer en chavanche
et pour tenir son estat, le fist doiien des naviieurs.
Chils offisses li pooit bien valoir mil livres l’an,
20 à aler droiturierement avant. Chils Jehan Lion
estoit si très bien dou conte que nuls mieux de li.
En che temps avoit un autre linage à Gand que
on appelloit les Mahieus, et estoit cil set frères, et les
plus grans de tous les naviieurs. Entre ces set frères
25 en i avoit un qui s’apelloit Gisebrest Mahieu, riche
homme, sage, soutil et entreprendant grandement
trop plus que nuls de ses frères. Chils Ghisebrest
avoit grant envie sus Jehan Lion couvertement de ce
que il le veoit si bien dou conte de Flandres, et
30 soutilloit nuit et jour comment il le poroit oster de
sa grace. Pluiseurs fois eut en pensée que il le feroit
ocire par ses frères, mais il ne parosoit pour le
[161] doutance dou conte. Tant soutilla, visa et imagina que
il i trouva le chemin. Et la cause pour quoi principaulment
il s’entre haioient, je le vous dirai pour
mieux venir à la fondacion de ma matère.
5 Anciiennement avoit eu en le ville dou Dan une
guerre mortel de deus rices hommes navieurs et de
leurs linages, qui s’appelloient li uns sire Jehan Piet
et l’autre sire Jehan Barde: de celle guerre, d’amis estoient
mort [d’]eulx dis et uit. Ghisebrest Mahieu et si
10 frère estoient dou linage de l’un; Jehan Lion estoit
de l’autre. Ces haïnnes couvertes estoient enssi de
lonc tamps nouries entre ces deus, quoique il parlaissent,
buissent et mengassent à le fois ensamble;
et trop plus grant compte en faissoient li Mahieu
15 que Jehan Lion ne fesist. Ghisebrest Mahieu, qui
soutilloit à destruire Jehan Lion sans cop ferir, avisa
un soutil tour. Et sejournoit une fois li contes de
Flandres à Gand. Ghisebrest s’en vint à l’un des plus
prochains cambrelens dou conte et [s’acointa] de li,
20 et li dist: «Se messires de Flandres voloit, il aroit
un grant pourfit tous les ans sus les naviieurs, dont
il n’a maintenant riens; et ce pourfit li estraingnier
navieur paieroient, voires mais que Jehan Lion, qui
doiiens est et mestres des navieurs, s’en vosist loiaulment
25 acquiter.» Chils cambrelens dist que il remonsteroit
ce au conte, enssi que il fist. Li contes, enssi
que pluiseur signeur par nature sont enclin à leur
pourfit et ne regardent mies loiaulment à le fin où
les coses pueent venir, [fors] à avoir le misse et le
30 chevance, et ce les deçoit, respondi à son varlet:
«Faites moi venir Gisebrest Mahieu, et nous orrons
quel cose il voelt dire.» Chils le fist. Ghisebrest
[162] parla et remonstra au conte pluiseurs raisons raisonnables,
ce sambloit il au conte, par quoi li contes
respondi: «C’est bon que enssi soit, et on face venir
Jehan Lion.» Jehans Lions fu appellés en la presence
5 dou conte et de Ghisebrest, qui riens ne savoit
de ceste matère, quant li contes li entama et li dist
enssi: «Jehan, se vous vollés, nous arons grant
pourfit à ceste cose.» Jehans qui estoit loiaulx, en
ceste ordenance regarda que ce n’estoit pas une cose
10 raisonnable, et si n’osoit dire dou non; et respondi:
«Monsigneur, ce que vous demandés et que Ghisebrest
met avant, je ne le puis pas faire tous seuls, et
dur sera à l’esvoiturer.»--«Jehan, respondi li contes
qui s’enclinoit à son pourfit, se vous vo[u]s en volés
15 loiaulment aquiter, il [se] fera.»--«Monsigneur,
respondi Jehans, j’en ferai mon plain pooir.» Enssi
se departi leurs parlemens. Ghisebrest Mahieu, qui
tiroit à mettre mal Jehan Lion dou conte de Flandres,
ne n’entendoit à autre cose, s’en vint à ses
20 frères tous siis, et leur dist: «Il est jours mais que
vous me voelliés aidier en ceste besongne, enssi que
frère doient aidier l’un l’autre, car c’est pour vous
que je me combas. Je desconfirai Jehan Lion sans
cop ferir, et le meterai si mal dou conte que onques
25 n’en fu si bien que il en sera mal. Quoi que je die ne
monstre en ce parlement, quant tout li naviieur
seront venu [et que Jehans Lions fera sa demande],
si le debatés; et je me fainderai, et dirai et maintenrai
à Monsigneur que, se Jehans Lions voloit
30 et se loiaulment s’en acquitast, ceste ordenance se
feroit. Je congnois bien de tant Monsigneur: anchois
qu’il n’en viegne à son entente, Jehans Lion perdera
[163] toute sa grace, et li ostera son office, et me sera
donnés; et quant je l’arai, vous l’acorderés. Nous
sommes fort et poissant en celle ville entre les navieurs:
nuls ne nous contredira nos volentés, et puis
5 de petit en petit je menrai tel Jehan Lion que il sera
tous rués jus. Enssi en serons nous vengiet soutieument
et sans cop ferir.» Tout si frère li accordèrent.
Li parlemens vint; li navieur furent tout apparilliet
et là remonstrèrent Jehans Lion et Ghisebrest
10 Mahieu le vollenté dou conte et de ce nouvel estatut
que il voloit eslever sus le navire dou Lis et de l’Escaut,
laquelle cose sambla à tous trop dure et trop
nouvelle, et especiaulment li siis frère Ghisebrest
tout de une oppinion i estoient plus dur et plus contraire
15 que tout li autre, dont Jehans Lions, qui tous
souverains estoit de iaulx et qui les voloit tenir à son
loial pooir as francisses anchiennes, en estoit tous
liés et quidoit que che fust pour li, et c’estoit contre
li du tout.
20 § 103. Jehan Lion raporta le responsse des naviieurs
au conte, et li dist: «Monsigneur, c’est une
cose que nullement ne se puet faire et dont uns trop
grans maulx poroit venir. Laissiés les coses en leur
estat anciien, et ne faites riens de nouvel.» Ceste
25 response ne plaissi mies bien au conte, car il veoit
que, [à] chela eslever dont il estoit enfourmés, il pooit
tous les ans avoir siis ou sept mille florins de pourfit.
Si se teut adonc, et pour ce ne pensa il mies mains,
et fist songneussement poursieuwir par parolles et
30 tretiés ces naviieurs, lesquels Jehans Lions trouvoit
tous rebelles. De costé, Ghisebrès Mahieus venoit au
[164] conte et à son conseil, et dissoit que Jehans Lions
s’aquittoit trop mollement en ceste besongne et que,
se il avoit son office, il aroit tels tous les naviieurs que
li contes de Flandres aroit hiretablement che pourfit.
5 Li contes qui n’i veoit mies bien cler, car la convoitise
de la chevance l’aveulissoit, eut conseil, et de
li meiismes il osta Jehan Lion de son office, et i
mist Ghisebrest Mahieu. Quant Ghisebrès fu doiiens
des navieurs, il tourna tous ses frères à sa volenté
10 et fist venir le conte à son entente et à ce pourfit,
dont il n’estoit mies le mieux amés de la grignour
partie des navieurs; mais il leur convenoit souffrir,
car li set frère estoient trop grant avoecques l’aide
dou conte: si les convenoit taire et souffrir. Enssi
15 vint par soutieue voie Ghisebrest Mahieu en le
grace et amour dou conte, et Jehans Lions en fu dou
tout planés et ostés, et donnoit Ghisebrès Mahieus
as gens dou conte, as cambrelens et officiiers, grans
dons et biaux jeuiaux, par quoi il avoit l’amour
20 d’iaulx, et ossi au conte, dont il l’aveulissoit tout.
Et [tous ses] dons et ses presens faissoit il paiier as
navieurs, dont li pluiseur ne s’en contentoient mies
trop bien, mais il n’osoient mot sonner. Jehans
Lions qui estoit tous hors de la grace et de l’amour
25 dou conte, se tenoit en sa maison et vivoit dou sien
biellement, et souffroit trop bellement tout ce que on
li faissoit; car Ghisebrès Mahieu, qui doiiens des
navieurs estoit et qui ce Jehan couvertement haioit,
li retrencoit au tierch ou au quart les pourfis que il
30 deuist avoir de sa navie. Jehans souffroit tout ce et
ne sonnoit mot, et se dissimuloit sagement et prendoit
en gré tout ce que on li faissoit, de quoi Piètres
[165] dou Bos, qui estoit li uns de ses varlès, s’esmervilloit
grandement et li remonstroit à le fois comment
il pooit souffrir les tors que on li faissoit, et Jehans
respondoit: «Or tout quoi; il est heure de taire et
5 s’est heure de parler.»
Ghisebrès Mahieu avoit un frère que on appielloit
Estievenart, soutil homme et visseus durement, et
disoit à ses frères et sortissoit bien tout ce que il leur
avint: «Chertes, signeur, Jehan Lion se sueffre
10 maintenant et baisse la teste bien bas; mais il le fait
tout par sens et par malise, car encores nous honnira
il tous et nous metera plus bas que nous ne soions
maintenant haut. Mais je consilleroie une cose,
entrues que nous sommes en le grace de Monsigneur
15 et ils en est tous hors, que nous l’ocisiièmes.
Je l’ocirai trop aisse, se j’en sui cargiés; et
enssi serons nous hors de peril, et trop legierement
nous venrons [sus] de la mort de li.» Si autre
frère nullement ne le voloient consentir, et disoient
20 que il ne leur faisoit nul mal et que point on ne
doit homme occire, se il ne l’a trop grandement
deservi.
Si demora la cose en cel estat un tamps et tant
que li diable, qui onques ne dort, resvilla chiaulx de
25 Bruges à faire fosser pour avoir l’aissement de la
rivière dou Lis, et en avoient assés le conte de leur
accord, et i envoiièrent grant quantité de fosseurs et
de gens d’armes pour eulx garder. En devant autres
anées, avoient il enssi fait; mais chil de Gaind par
30 poissance leur avoient toudis brissiet leur pourpos.
Ches nouvelles vinrent à Gaind que de rechief chil de
Bruges faissoient efforciement fosser pour avoir le
[166] cours de le rivière dou Lis, qui leur estoit trop grandement
à leur prejudice. Si commenchièrent à murmurer
mout de gens parmi la ville de Gaind, et especiaulment
li navieur asquels la cose touchoit trop
5 mallement, [disant] que on ne devoit mies souffrir à
ceuls de Bruges de fosser enssi à l’encontre de la
rivière pour avoir le cours et le fil de l’aige, dont leur
ville serait deffaitte. Et dissoient encores li aucun
tout quoiement: «Or Dieus gart Jehan Lion! Se ce
10 fust nos doiiens, la besongne ne se portast pas enssi.
Chil de Bruges ne fuissent si ossé que de venir si
avant sur nous.» Jehans Lions estoit bien enfourmés
de toutes ces parolles, et se commencha un petit à
resvillier, et dist en soi meïsmes: «J’ai dormi un
15 tamps; mais il appert à petit d’affaire que je me resvillerai,
et meterai un tel tourble entre celle ville
chi et le conte, qu’il coustera cent mille vies.» Ceste
cose de ces fosseurs commença à augmenter et à enflamer,
et avint que une femme qui revenoit de
20 pelerinage de Nostre Dame de Boulongne, toute
lassée et escauffée, s’asist enmi le marchié là où il
avoit le plus de gens, et fist mout grandement l’esbahie.
On li demanda dont elle venoit; elle respondi:
«De Boulongne. Si ai veu et trouvé sus
25 mon chemin le plus grant meschief qui onques avenist
à le bonne ville de Gaind, car il sont plus de cinc
cens fosseurs qui nuit et jour oevrent au devant dou
Lis, et aront tantos la rivière, se on ne leur debat.»
Les parolles de la femme furent bien oïes et
30 entendues et recordées en pluiseurs lieus en la ville.
Adonc s’esmurent cil de Gaind, et dissent que ce ne
faissoit mies à soustenir [ne] à consentir: si se traïssent
[167] li pluiseurs deviers Jehan Lion, et li demandèrent
conseil de ceste cose et comment on en pooit user.
Quant Jehans Lions se veï appelés de chiaulx dont
il desiroit à avoir le grace et l’amour, si fu en coer
5 grandement resjoïs, mais nul [samblant] de sa joie il
ne fist, car il n’estoit pas encores heure tant que la
cose fust encores mieux entouellie, et se fist priier et
requerre trop durement anchois que il en vosist
riens dire ne monstrer; et quant il parla, il dist:
10 «Signeur, se vous volés ceste cose esvoiturer et
mettre sus, il faut en la ville de Gaind que uns anciiens
usages qui jadis i fu soit recouvrés et renouvellés:
c’est que li blanc cappron soient remis avant,
et cil blanc cappron aient un chief auquel il se
15 puissent tout retraire et raloiier.» Ceste parolle fu
très volentiers oïe et entendue, et dissent tout de
une vois: «Nous le volons! nous le volons! Or
avant as blans capprons!» Là furent fait li blanc
cappron, donnet et delivret plus de cinc cens, et as
20 compaignons qui trop plus chier avoient la guerre
que la pais, car il n’avoient riens que pierdre. Et fu
Jehans Lions esleus à estre chiés de ces blans capprons,
lequel office il rechut assés liement pour li
contrevengier de ses ennemis et pour entouellier la
25 ville de Gaind encontre ceulx de Bruges et le conte
son signeur; et fu ordonnés à aler contre ces fosseurs
de Bruges comme souverains cappitains, et li doiiens
des blans capprons en sa compaignie. Chil doi avoecques
leurs gens avoient plus chier assés guerre que
30 pais [ne] amour.
§ 104. Quant Ghisebrès Mahieus et si frère veïrent
[168] la contenance de ces blans capprons, si n’en furent
pas trop resjoï, et dist Estievenins, li uns des frères:
«Je le vous dissoie bien: certes cils Jehans Lion nous
desconfira par sa soutieuté. Mieux vausist que on m’en
5 euist laissiet convenir de li occire que dont que il fust
en l’estat où il est et où il venra, et tout par ces
blans capprons que il a remis sus.»--«Nenil, dist
Ghisebrest, mais que je aie parlé à Monsigneur, on
le metera tout jus. Je voel bien que il facent leur enprisse
10 de aler contre ces fosseurs de Bruges pour le
pourfit de nostre ville, car, au voir dire, autrement
nostre ville seroit perdue.»
Jehans Lions et sa route tout à blans capprons se
departirent de Gaind en volenté et en pourpos que
15 de tous occire ces fosseurs et ceuls qui les gardoient.
Les nouvelles vinrent à ces fosseurs et à leurs gardes,
que les Gantois venoient là efforciement; si se doubtèrent
de tout perdre et laissièrent leur ouvrage et
se retraïssent à Bruges tout effraé; onques puis ne
20 s’ahatirent de fosser. Quant Jehan Lion et li blanc
cappron veïrent que nuls il n’en avoient trouvés, si
furent courouchiet et se retraïssent en Gaind. Pour
che ne cessèrent il mies de leur office, mais aloient
li blanc cappron tous wisseux parmi la ville; et les
25 tenoit Jehan Lion en cel estat et dissoit bien as aucuns
tout secreement: «Tenés vous tout aisse, buvés
et mengiés, et ne vous effraés de cose que vous
despendés. Tels paiera temprement votre escot,
qui maintenant ne vous donroit point un disner.»
30 § 105. Che terme pendant et en celle meïsmes sepmaine
que Jehans Lions et li blanc cappron furent à
[169] [Deinse] pour trouver les fosseurs de Bruges, estoient
venues nouvelles à Gaind et requestes pour ceulx qui
des francisses de Gaind se voloient aidier, en dissant
à ceuls qui le loi maintenoient pour la saison: «Signeur,
5 on tient prisonnier à Erclo, chi dallés nous,
qui est en le francise de Gaind, en la prison dou
conte, un nostre bourgois, et en avons sommé le
baillieu de monsigneur de Flandres; mais il dist que
il n’en rendera point. Enssi se desrompent petit à
10 petit et afoiblissent vos francisses qui dou tamps
passé ont esté si hautes, si nobles et si prisies, et avoec
che si bien tenue[s] et gardées que nuls ne les osoit
enfraindre ne brisier; [et] li plus nobles chevaliers de
Flandres s’en tenoient à bien paret quant il estoient
15 bourgois de Gaind.» Chil de la loi respondirent à
chiaulx de la partie dou bourgois que on tenoit en
prison: «Nous en escriprons volentiers deviers le
baillu de Gaind et li manderons que il le nous renvoiie,
car voirement ses offices ne s’estent mies si
20 avant que il puist tenir nostre bourgois en la prison
dou conte en la paix de la ville.» Sicom il le dissent,
il le fissent, et escripsirent au baillieu, pour ravoir che
prisonnier, à Erclo. Li baillieus fu tantos consilliés
dou respondre et dist: «Que nous oons de parolles
25 pour un mounier! Dites, ce dist li baillieus, à chiauls
de Gaind, qui s’apielloit Rogiers d’Auterive, que, se
c’estoit uns bien riches homs diis fois plus qu’il ne
soit, ne sera il jamais hors de nostre prison, se monsigneur
de Flandres ne le commande. J’ai bien poissance
30 de l’arrester, mais je n’ai nulle poissance dou
delivrer.» Les parolles et responses de Rogier d’Auterive
furent enssi recordées à chiaulx de Gaind, dont
[170] il furent tout courouchiet, et dissent que orgilleusement
il avoit respondu. Pour tels responses, pour
telles incidenses que des fosseurs de Bruges qui
fosser voloient sus l’iretage de ciaulx de Gaind, et pour
5 tels coses samblables dont on voloit ou pooit de force
blecier les franchisses de Gaind, souffroient li rice
homme et li sage de Gaind à courir parmi la ville et
sus le païs celle pendaille et ribaudaille que on nommoit
les blans capprons, pour estre plus cremu et
10 renommé, car il besongne bien à un linage que il i
ait des fols et des outrageus pour soustenir les
paisibles.
§ 106. Les nouvelles de ce mounier, bourgois de
Gaind, que on tenoit en la prison dou conte à Erclo,
15 que li baillieus ne voloit rendre, s’espardirent parmi
la ville de Gaind, et en commenchièrent pluiseurs
gens à murmurer et à dire que che ne faisoit mies à
souffrir, et que par estre trop mols, les francisses de
Gaind se poroient perdre, qui estoient si nobles.
20 Jehan Lion qui ne tendoit que à une cose, ce estoit
de entouellier tellement la ville de Gaind envers le
signeur que on ne le peuist ne seuist destouellier sans
trop grant damage, n’estoit mies courouciés de tels
avenues, mais vosist bien que tous les jours il en venist
25 trente; [si] boutoit parolles de costé et semoit couvertement
aval la ville de Gaind, et disoit: «Oncques
puis que office furent accaté en une ville, les juriditions
ne furent plainement gardées.» Et mettoit ces
parolles avant pour Ghisebrest Mahieu, et voloit dire
30 que il avoit mieux que accaté l’office des rivières et
dou naviage, car il avoit bouté le navie en une nouvelle
[171] debte qui estoit grandement contre le francise
de Gaind et [les privilèges anchiens]; car li contes de
Flandres rechevoit tous les ans trois ou quatre mille
florins hors de la coustumance anchienne, dont li
5 marcheant et li naviieur anchiien se plaindoient
grandement. Et resongnoient ja à venir à Gaind chil
de Valenchiennes, de Douai, de Lille, de Bietune et
de Tournai; et estoit une cose par quoi li ville de
Gaind poroit estre encore perdue, car petit à petit on
10 leur torroit leurs francisses, et [si] n’i avoit homme
qui en osast parler.
Ghisebrès Mahieu et li doiiens des menus mestiers,
qui estoit de son aliance, ooient tous les jours tels
parolles à leurs oreilles et les reconnissoient que elles
15 venoient de Jehan Lion, mais il n’i pooient ne
osoient remediier, car Jehan Lions avoit ja tant semés
de blans capprons aval la ville et donnés as compaignons
hardis et outrageus, que on ne l’osoit asaillir.
Et ossi Jehan Lion n’aloit mies seus, car, quant il
20 issoit de sa maisson, il avoit dou mains deus cens
ou trois cens blans capprons autour de li. Et ossi il
n’aloit point aval la ville, se trop grans besoings n’estoit,
et se faissoit très grandement priier pour avoir
son conseil des incidensses et avenues qui avenoient
25 en Gaind et au dehors contre les francisses de le ville.
Et quant il estoit en conseil où il remonstroit une
parolle en general au peuple, il parloit de si biau retorique
et par si grant art, que cil qui le ooient estoient
tout resjoï de son langage, et dissoient communement
30 et de une vois de quanqu’il disoit: «Il dist
voir! Il dist voir!» Bien disoit Jehan Lion par
grant prudensse: «Je ne di mies que nous afoiblissons
[172] ne amenrissons l’iretage de monsigneur de Flandres,
et, se faire le volions, [si] ne porions nous, car
raisons ne justice ne le poroit souffrir, ne ossi que
nous querons ne cautelons nulle incidense par quoi
5 nous soions mal de li ne en se indination, car on
doit tousjours estre bien de son seigneur. Et mesires
de Flandres est nos bons sires et uns hauls princes,
cremus et renommés, qui nous a tousjours tenus en
grant pais et en grande prosperité, lesquels coses
10 nous devons bien recongnoistre, et en devons plus
souffrir, et tenu i somes, que dont que il nous
euist guerriiet et herriiet, travilliet et proposé pour
avoir le nostre; et, se à present il est fourconsiliés
ou enfourmés contre nous et les francisses de la
15 bonne ville de Gaind, et que cil de Bruges soient
mieux en sa grace que nous ne soions, enssi comme
il appert par les fosseurs, lui estant à Bruges, qui sont
ve[n]u pour brissier nostre hiretage et tollir nostre
rivière dont la bonne ville de Gaind seroit deffaite
20 et perdue, et que il voelt faire faire, sicomme renommée
queurt, un castiel à [Deinse] à l’encontre de nous
pour nous tenir en dangier et en foiblèce, et que cil
de Bruges li proumettent et ont proumis dou tamps
passé, chela savons nous tout clerement, que, se il
25 avoient l’aissement et le cours de la rivière dou Lis,
il li donroient par an dis ou douse mille [florins], je di
et conseille que la bonne ville de Gaind envoie deviers
li sages hommes bien avissés et endotrinés de
parleure, qui li remonstrent hardiement et par avis
30 toutes ces coses, tant dou bourgois de Gaind qui est
en sa prison à Erclo que ses baillieus ne voelt rendre,
que autres coses avenues dont la bonne ville de Gaind
[173] ne se contente mies bien, et incidensses qui tous les
jours avenir pueent toutes encloses ens, par quoi il
ne pensse mies ne ses consaulx que nous soions si
mort que, se besoings est, nous ne no[u]s puissons et
5 volons [resusciter]; et, ses responses oïes, la bonne
ville de Gaind ara avis de punir le meffait sus ceuls
qui seront trouvé couppable envers li.»
Quant Jehan Lion eut remonstré ceste parolle en
le place que on dist ou marchiet des devenres, cascuns
10 dist: «Il dist, il dist bien!» Adonc se retraïst
cascuns en sa maison. A ces parolles que Jehans
Lions avoit remonstrées, Ghisebrest Mahieu n’avoit
point esté, car ja doubtoit il les blans capperons;
mais Estievenins, ses frères, i fu, qui toudis sortissoit
15 leur tamps à venir. Si dist, quant il fu revenus: «Je
le vous disoie bien et ai toudis dit, par Dieu, Jehan
Lion nous destruira tous. A mal heure fu, quant vous
ne m’en laiastes convenir, car, se je l’euisse occis,
j’en fuisse trop legierement venus [sus]. Or n’est il pas
20 en no poissance que nous le puissions ne osions occire:
il est plus fors en le ville que li contes n’i soit.» Ghisebrès
respondi et dist: «Tès toi, soteriaux. Quant
je vorrai bien acertes, avoecques le poissance de
Monsigneur, tout cil blanc cappron seront ruet jus, et
25 tés les porte maintenant, qui temprement n’ara que
faire de cappron.»
§ 107. Or furent ordonné et cargiet et enditté pour
aller en mesage deviers le conte aucun sage et notable
homme de la ville de Gaind; et me samble que
30 Ghisebrest Mahieus, doiiens des navieurs, fu uns de
chiaux qui i furent esleu d’aler, pour tant que il estoit
[174] bien dou conte. Et ce bont li donna Jehans Lions
tout par cautelle affin que, se il raportoient riens de
contraire contre les francisses de Gaind, il en fust
plus demandés que li autre. Il se partirent et trouvèrent
5 le conte à Malle. Je ne sçai mies comment il les
rechut, ou bellement ou laidement, mais finablement
il esploitièrent si bien que li contes leur accorda
toutes leurs requestes: dou bourgois prisonnier que
on tenoit à Erclo rendre à chiaulx de Gaind, de
10 voloir tenir toutes les francisses de Gaind sans
nulle brisier et deffendre à chiaulx de Bruges que
plus ne se hatesissent de fosser sus l’iretage de Gaind;
et ot là en convent, pour mieulx complaire à chiaulx
de Gaind, que il commanderoit à chiaulx de Bruges
15 que ce que fosset avoient remplesissent. Et se partirent
li Gantois sur cel estat amiablement dou conte, et
retournèrent à Gaind et recordèrent tout ce que il
avoient trouvé ou conte leur signeur, comment il
voloit tenir toutes les francisses sans nulle enfraindre
20 ne brissier; mais il requeroit par douceur que cil
blanc cappron fuissent mis jus. En ces parolles les
gens dou conte ramenèrent le prisonnier de Erclo, et
le rendirent par voie de restablissement, enssi que
ordonné estoit, à le ville de Gaind, dont on ot grant
25 joie. A ces responsses faire estoient Jehan Lion et li
doiien des blancs capprons et diis ou douse des plus
notables de leurs routes. Quant il eurent oï comment
li contes requeroit que li blanc cappron fuissent
mis jus, si se teurent, mais Jehan Lion parla et
30 dist: «Bonnes gens de Gaind qui chi estes, vous
savés et avés veu et veés maintenant se li blanc
cappron ne vous gardent mieulx vos franchisses et
[175] remettent sus que li vermel et li noir et li cappron
d’autres couleurs. Bien ait qui on crient. Soiiés tout
seur et dites que je l’ai dit: sitos que li blanc cappron
seront jus par l’ordenance que Monsigneur les
5 voelt abattre, je ne donroie de vos francisses trois
deniers.» Ceste parolle aveula si le peuple que tout
partirent sans response, mais la grigneur partie, en
rallant en leurs maisons, disoient: «Il dist voir!
Laissons le convenir. Encores n’avons nous veu en
10 lui que tout bien et pourfit pour nostre ville.» Si
demora la cose en cel estat, et Jehans Lions en plus
grant cremeur de sa vie que en devant, et imagina
tantos l’afaire enssi que il avint, car bien veoit que
Ghisebrest Mahieu avoit en che voiage aucune cose
15 brasset contre lui au conte et contre ses compaignons,
pour tant que li contes avoit fait si amiables
responses. Si contrepenssa sus les penseurs, et
ordonna secretement à tous les cappitainnes des blans
capprons, à centeniers, chienquanteniers et diseniers:
20 «Dites à vos gens que il soient toudis nuit et jour
pourveu et sus leur garde, et, sitretos que il sentent ne
voient nul esmeutin, que il se traient tout deviers
moi. Encores vault mieulx que nous occions que
nous soions occis, puisque nous avons mis les coses
25 si avant.» Tout enssi comme il l’ordonna, il le fissent,
et se tint cascuns sus se garde.
§ 108. Ne demora gaires de tamps puisse di que
li baillus de Gaind, Rogiers d’Auterive, vint à Gaind
à bien deus cens chevaulx, et s’ordonna pour faire
30 ce que commandé li estoit et que ordonné estoit entre
le conte et Ghisebrest Mahieu et ses frères. Li baillus,
[176] atout ses deus cens hommes que amenés avoit, s’en
vint tout fendant les rues, la banière dou conte en
sa main, jusques ou marquiet des devenres, et là
s’arresta et mist la banière devant li. Tantost se
5 traïssent deviers lui Ghisebrès Mahieus et si frère et
li doiiens des petis mestiers. Il estoit ordonné que
ces gens d’armes devoient aler de fait en le maison
Jehan Lion et le devoient prendre et enssi le doiien
des blans capprons et siis ou siept de leur sexte des
10 plus notables, et les devoient amener ou castiel de
Gaind, et là tantost copper les testes. Jehans Lions, qui
ne pensoit mies mains et qui tous avisés estoit de
cel afaire, et qui avoit ses gettes et ses escoutes semés
aval la ville, sceut la venue dou baillieu; il veï bien
15 que c’estoit acertes. Ossi fissent tout cil qui blans
capprons portoient et que la journée [estoit] assisse
pour iaulx. Tous pourveus de leur fait et sur leur
garde, il se requellièrent et missent ensamble derrière
l’ostel Jehan Lion, qui les attendoit devant
20 sa maison, et là venoient chi diis, chi vint; et,
à fait que il venoient, il se rengoient sus la rue.
Quant il se furent asamblé, il furent bien quatre
cens. Jehans Lions se parti plus fiers que uns lions,
et dist: «Alons, alons sus les traïtours qui voellent
25 le bonne ville de Gaind trahir. Je pensoie bien que
toutes ces douces parolles que Ghisebrest Mahieu
nous rapporta l’autre jour, che n’estoit que dechevanche
et destrucion pour nous, mais je leur ferai
comparer.» Adonc s’en vint, il et sa route, le grant
30 pas, et toudis li croisoient gens, car tels n’avoient
mies encores blans capprons, qui se boutoient par
faveur en sa compaignie, et crioient en venant:
[177] «Trahi! trahi!» Et vinrent au tour par une estroite
rue ens ou marquiet des devenres, où li baillus
de Gaind, qui representoit la personne dou conte,
estoit, la banière dou conte devant lui et le banière
5 des navieurs et le banière des menus mestiers.
Ossitretos que Ghisebrest Mahieu et si frère
veïrent entrer ou marchiet Jehan Lion et les blans
capprons, il laissièrent le baillieu et se desroutèrent,
et s’enfuirent cascuns à qui mieux mieux, li
10 uns chà et li autres là, et li pluiseur des autres
ossi, ne nuls ne tint arroi ne ordenance, fors que
ceulx que li baillieus avoit amenés. Assés tost apriès
che que Jehans Lions fu venus sus le place, li doiiens
des blans capprons et une grosse route de eulx se
15 traïssent viers le baillieu, et sans sonner mot, il fu
pris et aterés, et là fu presentement occis, et la
banière dou conte rué[e] par terre et toute depechie;
ne onques à homme qui là fust, il n’atouchièrent,
fors que seullement au baillieu, et puis se remissent
20 dallés Jehan Lion tout ensamble. Les gens dou conte,
quant il veïrent leur cappitainne le baillieu atierret
et mort, et le banière dou conte toute deschirée, furent
tout esbahi et enssi que gens desconffis, et tout s’enfuirent
et espardirent, et montèrent sus leurs chevaulx
25 au plus appertement qu’il peurent, et vuidièrent
la ville de Gaind, et prisent les camps.
§ 109. Vous devés savoir que li enffant sire Jehan
Mahieu, Ghisebrest et si frère, qui se sentoient
fourfait enviers Jehan Lion et ennemit à lui et as
30 blans capprons, ne furent mies bien asegur en leurs
maisons; mais se departirent au plus tost qu’il peurent,
[178] li un par devant et li autre par derière, et
vuidièrent le ville de Gaind, et [laissièrent] femmes
et enffans et hiretages, et se traïssent au plus tost qu’il
peurent deviers le conte de Flandres, auquel il recordèrent
5 ceste aventure et de son baillieu qui mors
estoit et sa banière toute deschirée. Li contes de
ces nouvelles fu trop durement courouchiés et à
bonne cause, car on li avoit fait un trop grant despit,
et dist adonc et jura que il seroit si grandement
10 amendé, enchois que jamais rentrast en Gaind ne
que la ville euist pais à lui, que toutes autres gens
i prenderoient example. Si demorèrent li enffant
Mahieu dallés lui, et Jehans Lion et li blanc cappron
perseverèrent en leur outrage.
15 Quant Rogiers d’Auterive fu occis, enssi que vous
savés, et tout li autre esparpilliet, et que nuls ne
s’amonstroit contre les blans capprons pour contrevengier,
Jehan Lion, qui tendoit à courre les Mahieus,
car il les haioit à mort, dist tout hault: «Avant,
20 avant as traïteurs mauvais, qui voloient aujourd’ui
destruire les francisses de la bonne ville de Gaind!»
Enssi s’en allèrent il tout criant parmi les rues jusques
en leurs maisons, mais nuls n’en trouvèrent,
car il estoient ja parti. Si furent il quis et trachiet
25 dedens leurs hostels de trau en trau, et quant Jehan
Lion veï que nuls n’en aroient, si fu grandement
courouchiés. Adonc abandonna il tout le leur à ses
compaignons. Là furent toutes leurs maisons fustées,
ne oncques riens n’i demora, et tantos abatues
30 et jettées par terre, enssi comme il fuissent traïteur à
tout le corps de le ville. Quant il eurent chela fait,
il se retraïssent en leurs maisons, ne onques puis ne
[179] trouvèrent eskevin ne officiier de par le conte ne le
ville, qui leur desist: «Vous avez mal fait!» Et ossi
pour l’eure on n’euist [osé], car cil blanc cappron
estoient ja tant montepliiet en la ville que nuls ne les
5 osoit courouchier. Et aloient par les rues à si grans
routes que nuls ne se metoit au devant d’iaulx, et
disoit on en pluiseurs lieus en la ville et au dehors
aussi, que il avoient aliances à aucuns eskevins et
riches hommes de linage en Gaind; et ce fait bien à
10 croire, car, de commenchier, tel ribaudaille que il
estoient, n’euissent jamais ossé [emprendre] d’avoir
occis si hault homme, le banière dou conte leur
signeur en sa main et faissant son office, que Rogier
d’Auterive, baillieu de Gaind, se il n’euissent des
15 coadjousteurs et soutoiteurs en leur emprise. Et
depuis, sicom je vous recorderai ensievant, il
montepliièrent tant et furent si fort en le ville, que il
n’eurent que faire de nulle aide que de la leur, ne on
ne les euist [osé] courouchier ne desdire de cose que
20 il vosissent entreprendre ne faire. Rogiers d’Auterive
des Frères Meneurs de Gaind fu pris et levés de
tière et aportés en leur eglise, et là ensepvelis.
§ 110. Quant ceste cose fu avenue, pluiseurs
bonnes gens de la ville de Gaind, li sage homme
25 et li riche homme, en furent courouchiet et en
commenchièrent à parler et à murmurer ensamble,
et à dire qu’on avoit fait un trop grant outrage,
quant on avoit occis le baillieu dou conte faissant
son office, et que leurs sires, et de droit,
30 en seroit si courouchiés que on n’en venroit
jamais à pais, et que mescheans gens avoient bouté
[180] la ville en grant peril de estre encores toute
destruite, se Dieus proprement n’i pourveoit de
remède. Nonobstant toutes ces parolles, il n’estoit
nuls qui en vausist faire fait ne osast, pour lever ne
5 prendre amende ne corigier ceuls qui ces outrages
avoient fait. Jehans de le Faucille, qui pour che
tamps en la ville de Gaind estoit uns mout renommés
homs et sages tenus, quant il veï que li affaires
estoit allés si avant que on avoit outrageusement
10 ocis le baillieu dou conte, senti bien que les coses
venroient à mal, et affin que il n’en fust demandés
ne de la ville ne dou conte, il se departi de Gaind
au plus quoiement que il peut, et s’en vint en une
mout belle maisson que il avoit au dehors de Gaind,
15 et là se tint, et fist dire que il estoit dehaitiés; ne
nuls ne parloit à lui, fors que ses gens; mais tous
les jours il ooit nouvelles de Gaind, car encores i
avoit il la grignour partie dou sien, sa femme, ses
enffans. Ensi se dissimula il un grant tempore.
20 § 111. Les bonnes gens de Gaind, li riche homme
et li notable, qui avoient là dedens leurs femmes et
leurs enffans et leurs marcheandisses, leurs hiretages
ens et hors, et qui avoient apris à vivre honnerablement
et sans dangier, n’estoient mies bien aisse de
25 ce que il veoient les coses en che parti, et se sentoient
trop grandement fourfait enviers leur signeur.
Si regardèrent entre iaulx que il i convenoit pourveïr
de remède et amender che fourfait ores ou autre
fois, et euls mettre en le merchi dou conte: si valoit
30 mieux tempre que tart. Si eurent conseil et parlement
ensamble assavoir comment il en poroient user
[181] au pourfit et à l’onneur de eulx et de la ville de
Gaind. A ce conseil et parlement furent appellé Jehan
Lion et les cappitainnes des blans capprons: autrement
on ne l’euist point oset faire. Là eut pluiseurs
5 parolles retournée[s] et pluiseurs pourpos avissés;
finablement consaulx se porta tout de un accord et
de une vois et de une aliance que on esliroit en conseil
douse hommes notables et sages, liquel iroient
deviers le conte et li requerroient merchi et pardon
10 de le mort de son baillu que on avoit occis, et se
parmi tant on pooit venir à pais, che seroit bon,
mais que tout fuissent en le paix et que jamais riens
n’en fust demandé. Chils consaulx fu tenus et accordés,
et li bourgois esleu qui en che voiage devoient
15 aler. Et toudis dissoit Jehan Lion: «Il fait bon estre
[bien] de son signeur;» mais il voloit tout le contraire,
et le pensoit, et bien dissoit en li meïsmes
que la cose n’estoit point encores ou point où il le
meteroit. Chils consaulx s’espardi, li douse bourgois
20 partirent et chevauchièrent tant que il vinrent
à Malle dallés Bruges, et là trouvèrent le conte,
lequel il trouvèrent à l’aprochier [felon] et cruel et
durement courouchiet sus ceuls de Gaind. Chil douse
bourgois fissent mout le piteux envers le conte et li
25 priièrent à mains jointes que il vosist avoir pité de
iaulx, et escusoient de la mort de son baillieu toute
la loi et les hommes notables de la ville, et li dissoient:
«Chiers sires, accordés que nous reportons
pais à la bonne ville de Gaind qui tant vous ainme,
30 et nous vous proumettons que, ou tamps avenir,
cils outrages sera si grandement amendés sus ceulx
qui [l’ont fait et esmeu] affaire, que vous vo[u]s
[182] en contenterés et que à toutes autres bonnes villes
il sera exemples. Tant priièrent et supplièrent et
de si grant affection chil douse bourgois de Gaind
le conte, que il se rafresna grandement de son aïr,
5 avoecques les bons moiiens qu’il eurent. Et fut la
cose en tel parti que toute accordée et pardonnée sus
article de pais; et pardonnoit li contes ses mautalens
à chiaux de Gaind parmi une amende qui
devoit estre faite, quant autres nouvelles vinrent,
10 lesquelles je vous recorderai.
§ 112. Jehans Lion, qui estoit demorés à Gaind et
qui pensoit tout le contraire de ce qu’il avoit dit en
parlement: que on devoit toudis estre bien de son
signeur, il savoit tout de certain que il avoit ja tant
15 courouchiet le conte que jamais ne venroit à pais, et,
se il i venoit par voie de disimulacion, bien savoit il
que il en morroit: si avoit plus chier à tout parhonnir,
puisque commenchiet avoit, que de estre ou
peril ne en l’aventure de la mort tous les jours. Je
20 vous dirai qu’il fist. Che terme pendant que li consauls
de la ville estoient deviers le conte, il avisa que
il couroucheroit le conte si acertes que cil qui
estoient deviers li alé pour le pais avoir, ne raporteroient
nul tretié de paix. Il prist tous ceuls dont il
25 estoit souverains, les blans capprons et de tous les
mestiers de Gaind gens lesquels il avoit le mieux de
son accord, et vint à ses ataintes par soutieue voie;
et dist, quant il furent tout asamblé: «Signeur, vous
savés comment nous avons courouchiet monsigneur
30 de Flandres, et sur quel estat nous avons envoiiet
devers lui. Nous ne savons que nos gens raporteront,
[183] ou paix ou guerre, car il n’est mies legiers à
rapaisier et si a dallés li qui bien li esmouvera en
courous: Ghisebrest Mahieu et ses frères: s’est cent
contre un que venons à pais. Si seroit bon que nous
5 regardissons en nous meïsmes, se nous avons guerre,
de qui nous no[u]s aiderons et comment ossi nous
sommes armet. Et entre vous, doiien et disenier de
tels mestiers et de tels, regardés à vos gens, et si en
faites demain venir sus les camps une quantité:
10 si verrés comment il sont abilliet. Il se fait bon
aviser, anchois que on soit soupris. Tout ce ne
nous coustera riens, et si en serons plus cremu.»
Tout respondirent: «Vous dites bien.» Chils consauls
fu tenus: à l’endemain il vuidièrent tout par le
15 porte de Bruges et se traïssent sus les camps et en
uns biaus plains au dehors de Gaind, enssi comme
au quart de une lieuwe à l’encontre d’un trop bel
hostel et castiel que li contes de Flandres avoit au
dehors de Gaind, que on dist Ondreghien. Quant il
20 furent là tout venu, Jehans Lions les regarda mout
volentiers, car il estoient bien siis mille, et tout
bien armés; si leur dist: «Veci belle compaignie.»
Quant il eut là esté une espasse et ala autour, il leur
dist: «Je loroie que nous alissons veoir l’ostel de
25 Monsigneur, puisque nous sommes si priès. On m’a
dit que il le fait trop grandement pourveïr: si poroit
estre uns grans prejudisses à le bonne ville de
Gaind.» Tout s’i accordèrent et vinrent à Ondreghien,
qui adonc estoit sans garde et sans deffense. Si
30 entrèrent ens, et le commenchièrent à cherquier
desouls et deseure. Li blanc cappron et [li] ribaudaille
qui dedens entrèrent, l’eurent tantos despoulliet,
[184] et pris et levé tout che que il i trouvèrent. Si i
avoit il de bons jeuiaulx et de rices, car li contes
en faissoit sa garde reube. Jehans Lions fist samblant
que il en fust mout courouchiés, mès non estoit,
5 enssi que il apparut, car, quant il furent partit doudit
castiel et retrait sus les camps, il regardèrent de
derière iaulx. Si virent que il ardoit tous et que li
feus i estoit boutés en plus de vint lieus, et n’estoit
mies en poissance de gens que il le peuissent estaindre,
10 et ossi il n’en estoient mies en volenté. Dont
demanda Jehans Lions qui fist mout l’esmervilliet:
«Et dont vient cils feus en l’ostel de Monsigneur?»
On li respondi: «D’aventure.»--«Or, dist il, on
ne le puet amender. Encores vault mieux que aventure
15 l’ait ars que nous, et ossi, tout consideré, che
nous estoit uns perilleus voisins: Monsigneur en peuist
avoir fait une garnison qui nous euist porté grant
contraire.» Tout li autre respondirent: «Vous
dites voir.» Lors s’en retournèrent il en la ville de
20 Gaind, et n’i eut plus rien fait pour la journée.
Mais elle fu grande assés et malle, car elle cousta puisedi
deus cens mille vies, et fu une des coses principaulment
dont li contes de Flandres s’enfelenia
le plus; et pour che le fist Jehan Lion, qui ne voloit
25 venir à nulle pais, car bien savoit, quel tretié ne quel
accord que il i euist, il i meteroit la vie. Chils
castiaulx de Ondreghien avoit bien cousté au conte de
Flandres, au faire ouvrer et edeffiier, deus cens mille
frans, et l’amoit sur tous ses hostels. Les bonnes gens
30 de Gaind qui pais desiroient à avoir, furent de ceste
avenue durement courouchiet, mais amender ne le
peurent ne nul samblant n’en osèrent faire, car li
[185] blanc cappron dissoient que li castiaulx estoit ars
par mescheance et non autrement.
§ 113. Ches nouvelles vinrent au conte de Flandres
qui se tenoit à Malle, et li fu dit: «Sire, vous ne
5 savés? Vostre belle maison de Ondreghien, que tant
amiés et qui tant vous a cousté à faire, est arsse.»
--«Arsse!» dist li contes qui fu de ces nouvelles mout
courouchiés et mout esmervilliés.--«Mes Dieus,
sire, voire.»--«Et comment?»--«De feu de mescheance,
10 sicom on dist.»--«Ha! dist li contes, c’est
fait! Jamais n’ara pais en Flandres, tant que Jehans
Lions vive. Il le m’a fait ardoir couvertement, mais
che sera chier comparé!» Adonc fist il venir les
bourgois de Gaind devant lui et leur dist: «Malle
15 gent, vous me priiés l’espée en le main, et vous
avoie accordé toutes vos requestes, enssi que vous
voliés; et vos gens m’ont ars l’ostel ou monde que
je amoie le mieux! Ne leur sambloit il pas que il
m’euissent fait des despis assés, quant il m’avoient
20 occis mon baillieu faissant son office, et deschiret
ma banière et pifflée as piés? Sachiés, se che
n’estoit pour men honneur et que je vous euisse
donné sauf conduit, je vous fesisse tous trenchier les
testes. Partés de ma presensse, et dites bien à vos
25 malles gens et orgilleus de Gaind, que jamais pais il
n’aront ne à nul tretiet je n’entenderai, tant que
j’en arai desquels que je voldrai, et tous les ferai
decoller, ne nuls n’i sera pris à merchi.»
Chil bourgois, qui estoient mout esbahi et courouchiet
30 de ces nouvelles, comme cil qui nulles coupes n’i
avoient, se commenchièrent à escuser et à escuser les
[186] bonnes gens de Gaind, mais escusance n’i valoit riens,
car li contes estoit tant courouchiés que il n’en voloit
nulle oïr. On les fist partir de sa presence; il montèrent
as chevaulx et retournèrent à Gaind sans riens
5 faire, et recordèrent comment il avoient bien esploitiet,
et fuissent venu à pais et à apointement envers
le conte, se chils diables de castiel n’euist esté ars.
Outre li contes les manechoit grandement et leur
mandoit que jamais paix n’aroient si en aroit li contes
10 tant à sa volenté que bien li souffiroit. Les bonnes
gens de la ville veoient bien que les coses aloient
mal et que li blanc cappron avoient tout honnit, mais
il n’i avoit si hardit qui en osast parler.
Li contes de Flandres se parti de Malle et tous
15 ses ostels, et s’en vint à Lille et là se loga, et manda
là tous les chevaliers de Flandres et les gentils hommes
qui de li tenoient, pour avoir conseil comment
il se poroit tenir de ces besongnes et contrevengier
de chiaulx de Gaind, qui li avoient fait tant de despis.
20 Tout li gentil homme de Flandres li jurèrent à
estre bon et loial, enssi que on doit estre à son signeur
sans nul moiien. De che fu li contes grandement resjoïs.
Si envoiia gens par tout ses castiaulx, à Tenremonde,
à Ripeumonde, à Alos, à Gauvre, à Audenarde,
25 et partout fist grandes garnissons.
§ 114. Or fu Jehans Lions trop grandement resjoïs,
quant il veï que li contes de Flandres voloit ouvrer acertes
et que il estoit si enfeleniiés que cil de Gaind ne
poroient venir à pais, et que il avoit par ses soutieux
30 ars bouté la ville de Gaind si avant en la guerre, que
il convenoit, vosissent ou non, que il guerriaissent.
[187] Adonc dist il tout hault: «Signeur, vous veés et entendés
comment nos sires li contes se pourvoit contre
nous, et ne nous voelt requellier à paix. [Si] lo et
conseil pour le mieux que, anchois que nous soions
5 plus grevé ne apressé, nous sachons liquel de Flandres
demoront dallés nous. Je respons pour ceulx de
Granmont; il ne nous feront nul contraire, mais
seront volentiers dallés nous. Ossi seront cil de Courtrai,
car c’est en nostre castelerie, et s’est Courtrai
10 nostre cambre. Mais velà chiaulx de Bruges qui sont
grant et orgilleus, et par eulx toute ceste felonnie est
esmeue. S’est bon que nous alons deviers yaulx et si
fort que, bellement ou laidement, il soient de nostre
accord.» Cascuns respondi: «Il est bon, il est bon.»
15 Adonc furent ordonné par paroces tout cil qui iroient
en ceste legacion: si se pourveïrent et ordonnèrent
et tout par monstre, ensi que à iaulx appartenoit, et
se partirent de Gaind entre noef et diis mille hommes,
et enmenèrent grant carroi et grans pourveances,
20 et vinrent che premier jour jesir à [Deinse]. A l’endemain,
il aprocièrent Bruges à une petite lieue priès.
Adonc se rengièrent il tous sus les camps et se missent
en ordenance de bataille, et leur carroi derière
iaulx. Là furent ordonné de par Jehan Lion aucun
25 doiien des mestiers, et leur dist: «Alés vous ent à
Bruges et dites que je et la bonne ville de Gaind
venons chi, non pour guerre ne iaulx grever, se il
ne voellent, ou cas que il nous ouveront deboinairement
les portes; et nous raportés se il nous voldront
30 estre ami ou ennemi, et sur ce arons avis.» Chil se
departirent de la grose route, qui ordonné i furent,
et s’en vinrent as bailles de Bruges et les trouvèrent
[188] fremées et bien gardées. Il parlèrent as gardes et leur
remonstrèrent ce pour quoi il estoient là venu. Les
gardes respondirent que volentiers il en iroient parler
au bruguemestre et as jurés qui là les avoient establis,
5 enssi qu’il fissent. Li bruguemestre et li juret
respondirent: «Dittes leur que nous en arons avis et
conseil.» Il retournèrent, et fissent ceste response.
Adonc se departirent des bailles li commis Jehan Lion
et retournèrent viers leurs gens qui toudis tout bellement
10 aprochoient Bruges. Quant Jehan Lion oï la
response, si dist: «Avant! avant! alons de fait à
Bruges. Se nous atendons tant que il soient consilliet,
nous n’i enterons point fors à painne: si vault
mieux que nous les asaillons avant que il se conseillent
15 que apriès, par quoi soudainement il soient soupris.»
Chils pourpos fu tenus, et vinrent li Gantois
jusques as barrières de Bruges et as fossés, Jehan Lion
tout devant montés sus un noir moriel, et mist tantos
piet à terre et prist sa hache en sa main. Quant cil
20 qui gardoient le pas, qui n’[estoit] point si fors adonc
comme il est ores, veïrent venus les Gantois en convenant
pour asaillir, si furent tout effraé, et s’en
alèrent li aucun parmi le grant rue jusques au marchiet,
[criant]: «Vé les ci! Vé les chi, les Gantois! Or
25 tos as deffenses! il sont ja devant nos portes.» Chil de
Bruges qui s’asambloient ou marchiet pour eulx consillier,
furent tout effraé, et n’eurent li grant mestre
nul loisir de parler ensamble ne de ordonner nulles de
leurs besongnes, et voloient la grigneur partie de la
30 communaulté que tantos on leur alast ouvrir les
portes. Il convint que cils consaulx fust tenus; autrement
la cose euist mal alé sus les rices hommes de la
[189] ville, et s’en vinrent li bruguemestre et tout li eschevin
et mout d’aultre peuple à le porte où li Gantois
estoient, qui grant apparant d’asaillir faissoient. Li
bruguemestre et li signeur de Bruges qui l’avoient à
5 gouverner pour che jour, fissent ouvrir le guichet et
vinrent as bailles parlementer à Jehan Lion. En che
parlement il furent si bien d’accord que par grant
amour on leur ouvri les bailles et le porte, et entrèrent
tout ens; et chevauchoit Jehans Lions dalés le
10 brughemestre, qui bien se monstroit à estre hardis
et outrageus homs, et toutes ses gens armés au cler
le sievoient par derière. Et fu adonc très belle cose
de eulx veoir entrer par ordenance à Brughes, et s’en
vinrent ens ou marchiet; et enssi comme il venoient,
15 il s’ordonnoient et rengoient sus le place; [si] tenoit
Jehans Lions un blanc baston en sa main.
§ 115. Entre ceuls de Gaind et de Bruges furent
là faites aliances, jurées et convenanchies, que il
devoient demorer toudis li un dallés l’autre enssi
20 comme bon amie et voisin; et les pooient cil de Gaind
semonre, mander, avoir et mener avoec eulx partout
où il voloient aler. Assés tost apriès que tout li Gantois
furent venu et rengiet sus le marchiet, Jehans
Lions et aucunes cappitainnes de ses gens montèrent
25 hault en la halle. Et là fist on un banc de par le
bonne ville de Gaind et un commandement que cascuns
se traisist à hostel bellement et doucement et se
desarmast, et ne fesist noise ne esmeutin, sus la teste
à perdre, et que cescuns, selonc se ordenance, fesist
30 son ensaigne à son ostel et que nuls ne se logast l’un
sus l’autre ne fesist le maistre au logier, par quoi
[190] noise ne estris peuissent mouvoir, et sus la teste, et
que nuls ne presist riens de l’autrui que il ne le
paiast tantos et sans delai, et tout sus la teste. Che
banc fait, on en fist un autre de par le ville de Brughes
5 que cascuns et cascune receuist bellement et
doucement en ses hostels les bonnes gens de Gaind
et que on leur amenistrast vivres et pourveances,
selonc le fuer commun de la ville, ne nulle cose ne
fust rencierie ne que nuls n’esmeuist noise, debath
10 ne esmeutin, et toutes ces coses sus la teste. Adonc
se retraïssent cescuns as hostels, et furent en cel estat
chil de Gaind en Bruges deus jours mout amiablement,
et se loiièrent et obligièrent li un à l’autre
moult grandement.
15 Ches obligacions prisses et faites, escriptes et seellées,
au tierch jour chil de Gaind se partirent et s’en
alèrent deviers la ville dou Dan, où on leur ouvri les
portes tantos et sans dangier. Et i furent li Gantois
requelliet mout courtoisement, et là sejournèrent
20 deus jours. En che sejour, et mout soudainement,
prist une maladie à Jehan Lion, dont il fu tous enflés.
Et la propre nuit que la maladie le prist, il avoit
souppet en grant reviel avoecques damoisselles de la
ville, pour quoi li aucun voellent dire et maintenir
25 que il fu là enpuisonnés. De chela je ne sai riens,
je n’en volroie pas parler trop avant, mès je sai bien
que, à l’endemain que la maladie le prist, de nuit il
fu mis en une litière et aportés à Ardembourch. Il
ne peut aler plus avant, et là morut, dont cil de
30 Gaind furent mout courouchiet et trop grandement
desbareté.
[191] § 116. De la mort Jehan Lion furent tout si ennemi
resjoï, et si ami courouchiet. Si fu aportés à Gaind,
et pour la mort de li retourna toute leur hoost. Quant
les nouvelles de sa mort furent venues à Gaind, toutes
5 gens en furent très grandement courouchiet,
car mout i estoit amés, excepté cil qui estoient de
le partie dou conte. Si vuidièrent les eglisses à l’encontre
dou corps, et fu amenés en la ville à ossi
grant solempnité que dont que ce fust li contes de
10 Flandres, et fu ensevelis mout reveranment en
l’eglise de Saint Nicollai, et là gist.
Pour che, se Jehans Lions fu mors, ne se brisèrent
mies adonc les convenances que cil de Gaind avoient
à chiaulx de Bruges, car li Gantois avoient de ceulx
15 de Bruges pris bons ostages et tenoient en le ville
de Gaind, pour quoi les obligances ne se pooient
desrompre. De la mort Jehan Lion fu li contes de Flandres
grandement resjoïs; ossi furent Ghisebrest Mahieu
et si frère et li doiiens des menus mestiers de
20 Gaind et tout cil de le partie dou conte. Si fist li
contes de Flandres plus fort que devant pourveïr ses
villes et ses castiaulx, et envoiia en le ville de Ippre
grant fuisson de bons chevaliers de le castelerie de
Lille et de Douai, et dist que il aroit temprement
25 sa raison de chiaulx de Gaind.
Tantos apriès le mort Jehan Lion, chil de Gaind
regardèrent que il ne pooient longuement estre sans
cappitainnes. Si en ordonnèrent li doiien des mestiers
et li chiencquantenier des portes quatre, à leur
30 avis les plus outrageus, hardis et entreprendans de
tous les autres: tout premiers Jehan Prouniau, Jehan
[Boule], Rasse de Harselle et Piètre dou Bos. Et
[192] jurèrent toutes manières de autres gens à obeir à ces
cappitainnes sans nulle excepcion et sus la teste; et
les cappitainnes jurèrent à garder l’onneur et les francisses
de le ville.
5 Ces quatre cappitainnes esmeurent chiaulx de Gaind
à aler à Ippre et ou Franc de Bruges pour avoir
l’obbeïssance d’iauls ou tout ocire. Si se departirent de
Gaind ces cappitainnes et leurs gens en grant arroi,
et estoient bien douse mille tout armé au cler. Si
10 cheminèrent tant que il vinrent à Courtrai. Chil de
Courtrai les laissièrent entrer en leur ville sans dangier,
car elle sciet en la castelleriie de Gaind, et se
tinrent là tout aisse et s’i rafresquirent, et furent deus
jours. Au tierch jour, il s’en partirent et s’en allèrent
15 viers Ippre, et enmenèrent avoec eulx douse cens
[hommes] tous armés au cler, parmi les arbalestriers
de la ville de Courtrai, et prissent le chemin
de Tourout. Quant il furent venu à Tourout, là
s’arestèrent, et eurent conseil les cappitainnes de
20 Gaind que il envoieroient trois ou quatre mille de
leurs gens devant et le cappitainne des blans capprons,
pour traitiier à chiaulx de Ippre, et la grosse
bataille les sievroit par derière pour iaulx conforter,
se mestier faissoit. Ensi que il fu ordonné, il fu fait,
25 et s’en vinrent cil à Ippre. Quant li communs de
Ippre et cil des menus mestiers sceurent la venue de
chiaulx de Gaind, si s’armèrent et se ordonnèrent
tout sus le marchiet, et estoient là bien cinq mille.
Là n’avoient li rice homme et li notable de le ville
30 nulle poissance. Li chevalier, qui estoient en garnison
de par le conte en le ville de Ippre, s’en vinrent
mout ordonneement à le porte de Tourout là où li
[193] Gantois estoient arresté devant les bailles et requeroient
que on les laissast [entrer] ens. Chil chevalier
et leurs gens estoient tout rengiet devant le porte et
monstroient bonne deffensse, ne jamais li Gantois
5 n’i fuissent entré sans asaut et sans trop grant damage,
mais li menut mestier de la ville, vosissent ou
non li gros, se partirent dou marchiet et s’en vinrent
deviers le porte que li chevalier gardoient, et dissent:
«Ouvrés, ouvrés à nos bons amis et voisins de
10 «Gaind. Nous volons que il [entrent] en no ville.»
Li chevalier respondirent que non feroient et que il
estoient là establi de par le conte de Flandres et
avoient à garder la ville: si le garderoient à leur loial
pooir, et n’estoit mies en la poissance de chiauls de
15 Gaind que il i peuissent entrer, se ce n’estoit par
traïson. Parolles montepliièrent tant entre les gentils
hommes et les doiiens des menus mestiers, que on
escria à eulx: «A le mort! Vous ne serés pas signeur
de no ville.» Là furent il asailli radement et recullé
20 contreval la rue, car la force n’estoit pas leur,
et en i eut mors cinq chevaliers, desquels messires
de Roubais et messires Houars de le Houarderie
furent là ateret, dont che fu damages. Et i fu en trop
grant peril messires Henris d’Antoing: à painnes le
25 peurent aucun rice homme de la ville sauver. Toutesfois
on le sauva, et en i ot sauvés grant fuisson d’autres.
Mais la porte fu ouverte, et i entrèrent li Gantois
et furent mestre et signeur de la ville, sans ce
que nul mal i fesissent. Et quant il i eurent esté deux
30 jours et il eurent pris la seurté de chiaulx de la
ville, qui leur jurèrent en le fourme et manière que
chiaulx de Bruges, de Courtrai, de Granmont et
[194] dou Dam avoient fait, il le tenroient, et de che il
livrèrent bons ostages, il s’en partirent tout courtoisement,
et s’en retournèrent parmi Courtrai à Gaind.
§ 117. Li contes de Flandres, qui se tenoit à Lille,
5 entendi que cil de Ippre estoient tourné [gantois] et
que tout che avoient fait li menut mestier: si fu durement
courouchiés, tant pour le mort de ses chevaliers
qui dedens avoient esté occis, que pour autres
coses. Toutesfois il se reconforta et dist: «Se nous
10 avons perdu Ippre ceste fois, une autre fois nous le
recouverons à leur malle mescheance; car j’en ferai
encores [à] tant trenchier les testes et là et ailleurs,
que li autre s’en esbahiront.» Li contes entendi par
especial mout grandement à pourveïr la ville d’Audenarde
15 de pourveances et de bonnes gens pour le
garder, car il supposoit assés que li Gantois o leur
effort le venroient assegier; et che li seroit uns trop
grans contraires, se il en estoient signeur, car il
aroient la bonne rivière d’Escaut et le navire à leur
20 aisse et volenté. S[i] i envoia pourveuement grant fuisson
de chevaliers et d’escuiers de Flandres, de Hainnau
et d’Artois, qui tout s’i boutèrent et amasèrent,
et en furent mestre, vosissent les gens de la ville
ou non.
25 Les cappitainnes de Gaind, qui estoient retrait en
leur ville, entendirent coument li contes pourveoit
grandement la ville d’Audenarde. Si eurent conseil
que il le venroient asegier et ne s’en partiroient si
l’aroient conquisse et tous mors chiaulx qui dedens
30 estoient, et les portes et les murs abatus. Si fissent
un commandement en Gaind que cascuns fust pourveus
[195] bien et souffissanment, enssi comme à lui appertenoit,
pour partir et aler là où on les voldroit mener.
A che banc ne desobeï nuls, et se ordonnèrent, et
cargièrent tentes et trés et pourveances; et partirent
5 de Gaind et s’en vinrent logier devant Audenarde sus
ces biaus prés contreval l’Escaut. Trois jours après,
vinrent chil de Bruges qui furent mandé, et se logièrent
au lés deviers leur ville, et amenèrent grant carroi
et grosses pourveances. Puis vinrent cil de Ippre
10 ossi en grant arroi, chil de Poperinghe, chil de Meschines
et dou Franc de Bruges; et ossi cil de Granmont
estoient en conte. Li Flament devant Audenarde
estoient plus de cent mille, et avoient fait pons
de nefs et de cloies sus l’Escaut où il aloient de l’un
15 à l’autre. Li contes de Flandres, qui se tenoit à
Lille, eut en pourpos que il venroit à Tenremonde,
car il avoit mandé en Allemaigne, en Guerles et en
Braibant grant fuisson de chevaliers et d’escuiers et
par especial son cousin le duc des Mons, qui le vint
20 servir à grant fuison de chevaliers et d’escuiers; et
se boutèrent à Tenremonde, et i trouvèrent le conte
de Flandres, qui ja i estoit venus par les frontières de
Hainnau et de Braibant, qui fu mout resjoïs de leur
venue.
25 § 118. Enssi se tint li sièges devant Audenarde des
Flamens mout longement. Si i eut fait, le siège
estant, pluiseurs grans assaulx et escarmuces; et priès
que tous les jours i avoit fais d’armes as barrières
et gens mors et blechiés, car cil Flament s’aventuroient
30 follement et outrageusement, et venoient
jusques as bailles lanchier et escarmuchier: si en
[196] i avoit souvent des mors et des bleciés par leur
outrage.
En la ville de Audenarde avoit bien uit cens
lances, chevaliers et escuiers, et mout vaillans hommes
5 là dedens. En che tamps estoient uit baron, tels
que le signeur de Gistelle, le signeur de Villers et de
Hullut, le signeur d’Escornay, Flamens; et Hainnuiers,
le signeur d’Enghien Watier, le signeur d’Antoing,
le signeur de Brifuel, le signeur de Lens et le
10 signeur de Goumignies, les trois frères de Haluin,
messire Jehan, messire Daniel et messire Josse, le
signeur d’Estainbourcq, le signeur de Crane, messire
Gerart de Marquellies, le signeur de Cohem, le signeur
15 de Montegni en Hainnau, messire Rasse de
Montegni, messire Theri de le Hamaide, messire
Jehan de Grées et tant de chevaliers que il estoient
cent et cinq. Et si faissoient bons gais et grans, et
n’avoient nulle fiance en ceulx de la ville, et avoient
fait retraire les femmes et les enffans de la ville ens
20 es moustiers, et là se tenoient; et cil signeur et
leurs gens se tenoient en leurs maisons. Et pour le
trait des canons et dou feu, que li Flament lançoient
et traioient songneusement en la ville pour tout ardoir,
on avoit fait couvrir les maisons de tière, par
25 quoi li feus ne s’i peuist prendre.
§ 119. Le siège estant devant Audenarde, li Flament
et les cappitainnes qui là estoient, entendirent
que li contes, leurs sires, estoit à Tenremonde, et
avoit le duc des Mons, son cousin, et grant fuisson de
30 chevaliers et d’escuiers dalés lui: si eurent conseil que
il envoiieroient là siis mille de leurs gens pour veoir
[197] que c’estoit et pour livrer un assault en Tenremonde.
Sicom il le consillièrent, il le fissent, et se departirent
un jour de l’oost tout cil qui ordonné i furent
de l’aler, et avoient à cappitaine Rasse de Harselle.
5 Tant esploitièrent cil Flament que il i vinrent un
joeudi au soir en un village à une petite lieue de
Tenremonde, sus la rivière de Tenre, et là se logièrent.
Cil Flament avoient pourveu grant fuisson de
nefs et fait venir aval sus le rivière, pour entrer ens
10 et assaillir par l’ague et par le tière. Un petit apriès
mienuit, il se levèrent et armèrent et aparillièrent de
tous poins, enssi que pour tantos asaillir que il
seroient là venu, et sousprendre les chevaliers en leurs
lis, et puis se missent au chemin. Aucunes gens dou
15 païs, qui seurent che convenant, s’en vinrent de nuit
à Tenremonde et enfourmèrent les gardes de cel
afaire, et leur dissent: «Soiés sus vo garde, car
grant fuisson de Gantois gissent anuit mout priès
de chi, et ne savons que il voellent faire.» Les
20 gardes des portes recordèrent tout che au chevalier
dou gait, qui s’appelloit messires Theris de Brederode,
de Hollandes. Lors que il en fu avissés, il fu sus sa
garde et le fist segnefiier ou chastel et par tout les
ostels en la ville où li chevalier se logoient. Droitement
25 sus le point dou jour, vinrent li Flament par
tière et par aigue sus leurs nefs, et avoient si bien
aparilliet leur besongne que pour tantos asaillir.
Quant cil dou castiel et de la ville sentoient que il
aprochoient, si commenchièrent à sonner leurs trompettes
30 et à resvillier toutes gens; et ja estoient la grignour
partie des chevaliers et des escuiers tous armés.
Li contes de Flandres, qui dormoit ens ou castel,
[198] entendi ces nouvelles que li Flament estoient venu
et ja asailloient: tantos il se leva et arma, et issi hors
dou castiel, sa banière devant lui. Dalés luy, à ce
jour, estoient messires Gossuins de Wille, grant baillieu
5 de Flandres, li sires de Grutus, messires Gerars
de Rasenghien, messires Phelippes li Jones, messires
Phelippes de Mamines et autres, tels que messires
Huge de Regni, bourgignon. Si se traïssent tout cil
chevalier desoulx la banière dou conte, et allèrent à
10 l’asaut qui estoit ja commenchiés durs et oribles; car
cil Flament avoient aportés en leurs nefs canons dont
il traioient les kariaus si grans et si fors que qui en
estoit consieuwis il n’avoit point de remède que il ne
fust mors; mais à l’encontre de ces kariaus on estoit
15 mout fort pavesciet, et avoient les gens dou conte
grant fuisson de bons arbalestriers qui donnoient par
leur trait mout affaire as Flamens. D’autre part, en
son ordenance et à sa deffense estoit li dus des
Mons, sa banière devant lui. En sa compaignie
20 estoient li sires de Brederode, messires Guillaumes
Joie, messire Thieris de Le Naire, messire Winans
de Clinperoie et pluiseurs autres; et faisoit cascuns
bien son devoir dou deffendre. A une autre porte
estoient messires Robers d’Aske, messires Jehans Villains,
25 li sires de Widescot et messires Robiers Marescaulx.
Et vous di que cils assauls fu grans et fors, et
asailloient mout ouniement par tière et par aigue en
leurs nefs li Flament; et en i ot grant fuisson de bleciés
de une partie et de l’autre, et plus des Flamens
30 que des gentils hommes, car il s’abandonnoient trop
folement. Si dura cils assaulx, sans point cesser, dou
point dou jour jusques à haute nonne; et là eut mort
[199] un chevalier de le partie dou conte, qui s’apelloit
messires Huges de Regni, bourgignon; dont che fu
damages, et ot grant plainte, car par son hardement
et li trop abandonner il fu ochis. Là estoit Rasse de
5 Harselle qui ossi se portoit vaillanment, et de sa
parolle avoecques son fait rafresquisoit grandement
les Gantois.
§ 120. Quant che vint apriès nonne, li assaulx
cessa, car Rasse veï bien que il se travilloient en vain
10 et que dedens Tenremonde il i avoit trop bonnes
gens, par quoi la ville n’estoit mies à prendre, et se
commenchoient ses gens fort à lasser: si fist sonner
de la retraite. Adonc se retraïssent li Gantois tout
bellement selonc la rivière, et en remenèrent toute
15 leur navie, et s’en vinrent che soir logier dont il estoient
au matin parti; et à l’endemain il s’en retournèrent
en l’oost devant Audenarde.
Si demora depuis Tenremonde en pais tant que
pour celle saisson, mais li sièges se tint devant Audenarde
20 mout longuement. Et estoient li Flament, qui
là seoient, signeur des camps et de la rivière, ne
nulles pourveances n’entroient en Audenarde, se ce
n’estoit en grant peril au lés deviers Haynnau; mais à
le fois aucun vitaillier, qui s’aventuroient pour gaaignier,
25 quant on dormoit en l’oost, s’embloient et se
boutoient ens es bailles d’Audenarde, et puis on les
metoit en la ville. Entre les assauls qui furent fais à
Audenarde, il en i eut un trop durement grant et
qui dura un jour toute jour; et là furent fait li nouviel
30 chevalier de Haynnau, de Flandres et d’Artois qui
estre le vaurent, et en leur nouvelle chevalerie on
[200] ouvri le porte deviers Gaind. Et s’en vinrent cil nouviel
chevalier combatre as Gantois as baillies, et là ot
bonne escarmuche, et fait des grans appertisses d’armes,
et pluiseurs Flamens mors et bleciés; mais il en
5 faissoient si peu de conte et si petit resongnoient le
mort que il s’abandonnoient trop hardiement. Et
quant cil qui devant se tenoient, estoient mort ou
blechiet, li autre, qui estoient derière, les tiroient
hors, et puis se remetoient devant et monstroient
10 grant visage. Enssi se continua cils assaulx qui dura
jusques au soir que cil d’Audenarde rentrèrent en leur
ville et fremèrent portes et barières, et li Flament
ralèrent à leurs logeis; si entendirent à ensevellir les
mors et à aparillier les navrés.
15 § 121. Chil Flament de Flandres, qui seoient à
siège devant Audenarde, esperoient bien par lonc
siège à conquerre la ville et ceuls qui dedens estoient,
ou par afamer ou par assaut, car bien savoient que
il l’avoient si bien environnée que par le rivière ne
20 par tière riens ne leur pooit venir; et li sejourners
là ne leur grevoit riens, car il estoient en leur païs
et dallés leurs maisons; si avoient tout che que il
leur besongnoit, vivres et autres coses, plus largement
et à milleur marchiet que dont que il fuissent à
25 Bruges ou au Dam.
Li contes de Flandres, qui sentoit en le ville de
Audenarde grant fuisson de bonne chevalerie, se
doubtoit bien de ce point que par lonc siège il ne
fuissent là dedens afamet, et euist volentiers veu
30 que aucuns tretiés honnerables pour li se fust entamés,
car, au voir dire, la guerre à ses gens le hodoit
[201] trop, ne onques ne l’encarga volentiers. Et ossi sa
dame de mère, la contesse Margherite d’Artois, en
estoit trop courouchie et l’em blamoit trop fort, et
volentiers i euist mis pais par moiien, se elle peuist,
5 et enssi qu’elle fist.
Ceste contesse se tenoit en la cité d’Arras. Si
escripsi deviers le duc Phelippe de Bourgongne, auquel
li hiretages de Flandres de par madame Marguerite,
sa femme, devoit parvenir apriès le mort dou
10 conte, que il vosist traire avant et venir en Artois.
Li dus, qui bien estoit avissés de ces besongnes,
car tous les jours il en ooit nouvelles, vint [à] Arras,
et son conseil avoecques li, messires Guis de la Tremoulle,
messires Jehan de Viane, amiraut de France,
15 messires Guis de Pontarliés et pluiseurs autres. La
contesse d’Artois les veï mout volentiers et leur
remonstra mout sagement comment ceste guerre
entre son fil et son païs estoit mal appartenant et li
desplaissoit grandement et devoit desplaire à toutes
20 bonnes gens qui amoient raison, et comment ossi cil
vaillant homme, baron, chevalier et escuier, quoique
il geuissent honnerablement en le ville de Audenarde,
i estoient en grant peril, et que pour Dieu on i vosist
pourveïr de conseil et de remède. Li dus de Bourgongne
25 respondi que à ce faire estoit il tenus et que
il en feroit son plain pooir. Assés tost apriès che, il
se departi de Arras, et s’en vint à Tournai, où il fu
recheus à grant joie, car cil de Tournai desiroient
ossi mout à avoir la pais pour la cause de la marcandisse
30 qui leur estoit close sus la rivière d’Escaut.
Li dus de Bourgongne envoiia l’abbet de Saint Martin
en l’oost devant Audenarde pour savoir comment
[202] ces cappitainnes de Gaind voldroient entendre as
tretiés. Si raporta li abbes au duc de Bourgongne
que pour l’onneur de li il i entenderoi[en]t volentiers.
Si leur donnoit li dus sauf conduit jusques au Pont à
5 Rosne; et ossi li Flament li donnoient et à ses gens
jusques à là. Si vint li dus au Pont à Rosne parlementer
as Flamens, et li Flament à lui; et duroient li
parlement dou matin jusques au soir que li dus retournoit
en Tournai, le prouvos de Tournai en sa compaignie,
10 qui là l’amenoit et remenoit. Chil parlement
durèrent quinse jours que à painnes i pooit
on trouver nul moiien, car li Flament voloient avoir
Audenarde abatue, et li dus et ses consaulx ne s’i
pooit assentir. Li Flament, qui se tenoient grant et
15 orgilleus par samblant, ne faissoient nul conte de
pais, car il maintenoient que Audenarde et cil qui
dedens estoient, ne pooient partir fors que par leur
dangier, et les tenoient pour conquis. Li dus de
Bourgongne, qui veoit ces Flamans grans et orgilleus
20 contre ses tretiés avoit grant merveille à quoi il tendoient,
et enpetra un jour un sauf conduit pour son
mareschal aler veoir les chevaliers de Audenarde; on
li donna trop legie[re]ment. Li mareschaulx de Bourgongne
vint à Audenarde et trouva les compaignons
25 en bon convenant, mais de aucunes coses il avoient
grans defautes. Toutesfois il dissent mout vaillanment:
«Sire, dites de par nous à monsigneur de
Bourgongne que il ne face pour nous nul mauvais
traitié, car, Dieu merchi, nous sommes en bom
30 point et n’avons garde de nos ennemis.» Ces responses
plaisirent mout bien au duck qui se tenoit au
Pont à Rosne, mais toutesfois il n’en laissa mies pour
[203] ce à poursievir ses tretiés. Au voir dire, cil de Bruges
et de Ippre estoient enssi que tout tanet, et ossi
estoient cil dou Franc, et resongnoient l’ivier qui
leur aprochoit. Si remonstrèrent ces coses en conseil,
5 ou cas que li dus de Bourgongne, qui pour bien
s’ensongnoit de ceste afaire, s’estoit tant travilliés que
venus deviers eulx, et que il leur offroit à tout faire
pardonner et le conte amiablement retourner à Gaind
et là demorer, et que de cose qui fust avenue il ne
10 monsteroit jamais samblant: che estoient bien coses
où on se devoit bien encliner et que voirement on
devoit reconnoistre son signeur, ne on ne li pooit
tolir son hiretage. Ces parolles amolièrent mout ceulx
de Gaind et s’acordèrent. Et donna un jour [li dus
15 de Bourgongne] à disner au Pont à Rosne mout
grandement les cappitainnes de Gaind et chiaulx de
Bruges et Ippre et de Courtrai; et en che jour fu tout
conclut que li sièges se devoit lever, et bonne paix,
devoit estre en Flandres entre le conte et ses gens;
20 et pardonnoit li contes tout sans nulle reservacion,
excepcion ne disimulacion; et devoit li contes venir
demorer à Gaind, et dedens l’an, chil de Gaind li
devoient faire refaire son castiel de Ondreghien que
li Gantois avoient ars, sicom renommée couroit. Et
25 pour toutes ces coses plus plainement confremer,
Jehans Prouniaulx devoit venir à Tournai avoec le
duch de Bourgongne, et là devoient les lettres
autentiquement estre faites, escriptes et seellées. Sus cel
estat, retourna li dus de Bourgongne à Tournai, et
30 Jehans Prouniaulx et Jehans Boulle retournèrent en
l’oost. A l’endemain, la pais fu criiée tout partout
entre ces parties. Si se deffist li sièges, et s’en ralla
[204] cascuns en son lieu. Et li contes de Flandres donna
tout partout ses saudoiiers congiet, et remerchia les
estraingniers grandement des biaus services que il li
avoient fais; et puis s’en vint à Lille pour mieux
5 confermer les ordenances que ses fils de Bourgongne
avoit faittes. Et disoient enssi li aucun ens es païs
voisins et lontains que ce estoit une paix à deux visages
et qui se resbouleroit temprement, et que li contes
ne s’i estoit acordés fors que pour ravoir la grant
10 fuisson de nobles chevaliers et escuiers, qui gissoient
en grant peril en Audenarde.
§ 122. Jehans Prouniel, apriès le departement dou
siège de Audenarde, vint à Tournai mout estoffeement,
et li fist li dus de Bourgongne très bonne
15 chière. Et là furent parfaites toutes les obligances et
les ordenances de la pais, et les saiielèrent li dus de
Bourgongne et li contes de Flandres. Et puis retourna
Jehans Prouniaulx à Gaind, et monstra che que il avoit
esploitiet. Et tant avoit priiet li dus de Bourgongne
20 et remonstré de douces parolles à chiaulx de Gaind
que Audenarde demoroit entire, car, au tretiet de la
paix et au lever le siège, li Gantois, se il voloient,
pooient, au lés deviers iaulx, abatre deux portes, les
tours et les murs, affin que elle leur fust à toute heure
25 ouverte et apparillie. Quant li contes de Flandres
eut esté une espasse à Lille, et li dus de Bourgongne
s’en fu rallés en France, il s’en vint à Bruges, et là se
tint, et remonstra couvertement, sans autre pugnision,
grant mautalent à aucuns bourgois de Bruges de ce
30 que si tos l’avoient relenqui, et s’estoient mis ou service
de chiaulx de Gaind. Chil bourgois s’escusèrent
[205] et dissent, et verités estoit, que ce n’avoit pas esté leur
coupe, mais la couppe des menus mestiers de Bruges,
qui se voloient prendre et mesler à iaulx, quant Jehan
Lion vint devant Bruges. Li contes passa son mautalent
5 au plus bel qu’il peut, mès pour ce ne pensa il
mies mains.
Nous no[u]s soufferons un petit à parler de li et de
chiaulx de Flandres, et retournerons as besongnes
de Bretaigne.
10 § 123. Vous savés comment li dus de Bretaigne
estoit en Engletière dalés le roi Richart et ses oncles,
qui li faissoient bonne chière; et ses païs estoit en
tourble et en guerre, car li rois de France i avoit
envoiiet son connestable à grant gent d’armes qui se
15 tenoient à Pontorson et vers le Mont Saint Michiel,
et guerioient le païs. Les cités et les bonnes villes de
Bretaigne se tenoient tout clos et desiroient mout
que leurs sires li dus retournast ou païx, et ja l’avoient
mandé par lettres et par mesages, mais il ne s’i osoit
20 encores assegurer, et tant que li prelat et li baron de
Bretaigne et les bonnes villes en murmurèrent et dissent:
«Nous mandons par lettres toutes les sepmainnez
le duc, et point ne vient, mais s’escuse.»--«En
non Dieu, dissent li aucun, il i a bien cause, car
25 nous le mandons trop simplement. Bien apartenroit
que nous i envoisions un ou deux chevaliers de
creance, ens esquels il se peuist confiier et qui li
remonstraissent plainement l’estat dou païs.» Chils
pourpos fu mis avant et consaulx tenus: si en furent
30 priiet d’aller en Engletière doi mout vaillant chevalier,
messires Joffrois de Karesmiel et messires Ustasses
[206] de la Housoie, à le priière et requeste des prelas,
des barons et des bonnes villes de Bretaigne.
Chil doi chevalier s’aparillièrent pour aler en Engletière,
et entrèrent en un vaissel à Konce, et eurent
5 vent à volenté, et singlèrent tant que il vinrent à
Hantonne, et là prisent il tière. Si issirent de leurs
vaissaulx et chevauchièrent tant que il vinrent à Londres.
Là trouvèrent il le duc de Bretaigne, et le ducoise
et messire Robert Canolles, qui les rechut à grant
10 joie. Li chevalier recordèrent au duck tout l’estat de
son païs et comment on l’i desiroit à ravoir, et monstrèrent
lettres de creance des barons, des prelas, des
cittés et des bonnes villes. Li dus creï mout bien les
chevaliers et les lettres ossi, et en ot grant joie; et
15 dist que il en parlerait au roi et à ses oncles, enssi
que il fist. Quant li rois d’Engletière fu enfourmés et
si oncle ossi comment li païs de Bretaigne, excepté
Claiekin, Cliçon, Rohem, Laval, Rocefort, mandoient
leur signeur, [si] li dissent: «Vous en irés par delà,
20 [puis]que on vous mande, et vous raquiterés de vo
païs; et tantos nous vous envoierons gens et confort
assés pour tenir et garder vos frontières contre vos
ennemis; et nous lairés vostre femme la ducoise par
dechà avoecques sa mère et ses frères, et vous entenderés
25 par delà au guerriier.» De ces parolles fu li
dus tous resjoïs, et se ordonna sur ce.
§ 124. Ne demora depuis gaires de tamps que li
dus de Bretaigne ordonna toutes ses besongnes à Hantonne,
et prist congiet au roi et à ses oncles, à madame
30 la princesse et à sa femme, et ordonna à son
departement, et seella grans aliances au roi d’Engletière
[207] et jura par foi et sus son scellé, là où il seroit
hasteement confortés des Englès, il demoroit tousjours
dalés eulx et feroit son loial pooir de tourner
son païs englès, et le trouveroient cil d’Engletière
5 ouvert et aparilliet en quelconques manière que il i
voldroient venir. Sus cel estat, il se parti d’Engletière,
messires Robers Canolles en sa compaignie et
les deux chevaliers qui l’estoient venu querre, et environ
chent hommes d’armes et deux cens archiers. Si
10 vinrent à Hantonne, et là attendirent vent. Quant il
l’eurent bon, il entrèrent ens es vaissaulx, et singlèrent
tant par mer que il vinrent au port de Guerlande.
Là prissent il tière et chevauchièrent vers Vennes.
Chil de la citté de Vennes rechurent le duc Jehan à
15 grant joie; et ossi fist tous li païs, quant il seurent sa
venue. Si se rafresqui à Vennes li dus cinq jours ou
environ, et puis s’en vint à Nantes. Là le vinrent veoir
baron et prelat, chevalier et dames, et se offrirent et
missent tout en se obeïssance, et se complaindirent
20 grandement des François et dou connestable de France
qui avoit courut au lés deviers Rennes sus son païs.
Li dus les apaissa bellement, et dist: «Bonnes gens,
je doi temprement avoir confort d’Engletière, car,
sans l’aide des Englès, je ne me puis bonnement deffendre
25 contre les François, car il sont trop fort contre
nous, ou cas que en ce païx nous sommes en different
ensamble. Et quant cil seront venu que li rois
d’Engletière me doit envoiier, se on nous a fait des
tors, nous en ferons ossi.» De ces parolles se contemptèrent
30 grandement chil de Bretaigne, qui estoient
de la partie dou duck.
En che tamps, environ le Saint Andrieu, trespassa
[208] de che siècle, à Prage en Behaigne, messires Charles de
Boësme, rois d’Allemaigne et emperères de Romme.
Le roi Charle vivant, il avoit tant fait par son or et
par son argent et par grans aliances, que li eslisseur
5 de l’empire d’Allemaigne avoient juret et seelet à
tenir roi son fil de toute Alemaigne apriès sa mort et
faire leur loial pooir de tenir siège devant Ais, et de
demorer dalés lui contre ceulx qui i voldroient debatre,
siques, tantost apriès le mort de l’empereur,
10 messires Charles, ses fils, s’escripsi rois de Behaigne
et d’Alemaigne et rois des Rommains.
§ 125. En celle saisson eut grans consaulx en Engletière
des oncles dou roi, des prelas et des barons
dou païs pour le jone roi Richart d’Engletière mariier,
15 et euissent volentiers li Englès veu que il se
fuist mariiés en Hainnau pour l’amour de la bonne
roïne Phelippre, leur dame, qui leur fu si bonne, si
large et si honnerable, qui avoit esté de Hainnau;
mais li dus Aubiers en che tamps n’avoit nulle fille
20 en point pour mariier. Li dus de Lancastre euist volentiers
veu que li rois, ses [nepveus], euist pris sa fille
que il eut de madame Blance de Lancastre, sa première
femme; mais li païs ne le voloit mies consentir
pour deus raisons: li une estoit que la dame estoit sa
25 cousine giermainne, che par estoit trop grant proïsmetté;
et li autre que on voloit que li rois se mariast
oultre le mer pour avoir plus de aliances. Si fu misse
avant la soer dou jone roi Charle de Boësme et
d’Allemaigne, fille à l’empereur de Romme qui avoit esté:
30 à tel avis se tinrent tout li consaulx d’Engletière. Si
en fu cargiés pour aller en Allemaigne et pour tretier
[209] che mariage uns mout vaillans chevaliers dou roi,
qui avoit esté ses maistres et fu toudis mout prochains
dou prince de Galles, son père. Si estoit nommés li
chevaliers messires Simons Burllé, sage homme et
5 grant tretieur durement. Si fu à messire Simon ordonné
tout che que à li appartenoit, tant de misses
comme de autres coses. Si se parti d’Engletière en
bon arroi, et ariva à Callais, et de là vint il à Gravelines
et à Bruges, et de Bruges à Gaind, et de Gaind à
10 Brouselles; et là trouva le duck Wincelin de Braibant et
le duck Aubiert, le conte de Blois, le conte de Saint Pol,
messire Robert de Namur, messire Guillaume de Namur
et grant fuisson de chevaliers de Hainnau et de Braibant,
car là avoit une grosse feste de joustes et de
15 behourt: pour ce i estoient tout cil signeur asamblé.
Li dus de Braibant et la ducoise rechurent, pour
l’onneur dou roi d’Engletière, le chevalier mout liement;
et quant il sceurent la cause pour quoi il aloit
en Allemaigne, si en furent tout resjoï et dissent que
20 ce estoit une cose bien prise dou roi d’Engletière et
de leur nièce. Si cargièrent à messire Simon Burlé, à
son departement, lettres especiaulx adrechans au roi
d’Allemaigne, en remonstrant que il avoient grant
affeccion en che mariage. Si se parti de Brouselles li
25 chevaliers, et prist le chemin de Louvain pour aler à
Coulongne.
§ 126. Encores en celle saisson furent ordonné d’aller
en Bretaigne dou conseil de Engletière deux cens
hommes d’armes et quatre cens archiers, desquels
30 messires Jehans d’Arondiel devoit estre souverains
menères et cappitaine. En celle armée furent esleu et
[210] nommé messires Hues de Cavrelée, messires Thumas
Bonnestre, messires Thumas Trivès, messires Gautiers
Paule, messires Jehans de Boursier, li sires de Ferrières
et li sires de Basset. Chil chevalier s’ordonnèrent
5 et aparillièrent et se traïssent tout à Hantonne,
et fissent cargier leurs vaissaulx de tout che que il
leur besongnoit. Quant il peurent sentir qu’il eurent
vent pour partir, il croisièrent leurs nefs et entrèrent
en leurs vaissaulx, et desancrèrent et partirent. Che
10 premier jour, li vens leur fu assés bons: sus le soir,
li vens les retourna et leur fu tous contraires, et les
bouta, vosissent ou non, ens es bendes de Cornuaille; et
avoient vent si fort que il ne pooient ancrer ne osoient.
A l’endemain, cils vens contraires les bouta en la mer
15 d’Irlande, et là ne furent il mies bien assegur, enssi
que il apparut, car il allèrent frotter as roches d’Irlande,
et là rompirent trois de leurs vaissaulx, ens
esquels messires Jehan d’Arondiel, messires Thumas
Bonnestre, messires Hues de Cavrelée, messires Gautiers
20 Paule estoient et bien cent hommes d’armes.
Des cent en i eut les quatre vins peris, et furent perit
messires Jehans d’Arondiel, li cappitainne de tous,
dont che fu damages, car il estoit vaillans chevaliers,
hardis, courtois et amoureux et entreprendans, et
25 messires Thumas Bonnestre et messires Gautiers Paulle
et pluiseurs autres. Et fu messires Hues de Cavrelée
en si grant peril que onques ne fu ou pareil ne si
priès de le mort, car tout cil qui en sa nef estoient,
excepté sept maronnier et li, autre furent noiiet. Mais
30 messires Hues et li autre qui se sauvèrent, s’aherdirent
au cable et au mas, et li vens les bouta sus le sablon;
mais il burent assés et en furent grandement mesaissiet.
[211] De che peril escapèrent messires Thumas Trivès
et pluiseurs autres qui en furent ewireus. Si furent il
mout tourmenté sus le mer, et retournèrent, quant il
peurent, à Hantonne, et s’en vinrent deviers le roi et
5 ses oncles, et recordèrent leur aventure. Et tenoient
que messires Hues de Cavrelée estoit peris, mais non
fu, enssi que il apparut, et retourna à Londres à son
pooir. Enssi, pour celle saisson, se desrompi ceste
chevauchie et armée de Bretaigne, et ne peust estre
10 li dus confortés des Englès, dont il li vint à grant
contraire, car, toute celle saisson et l’ivier, li François
li fissent grant guerre; et prisent li Breton, messires
Olivier de Clichon et ses gens, la ville de Dignant
en Bretaigne par nacelles: si fu toute pillie [et] robbée,
15 et le tinrent depuis un grant temps contre le duck
et le païs. Or nous retournerons nous au besongnes
de Flandres.
§ 127. Vous savés que, quant li paix fu accordée
dou conte de Flandres à chiaux de Gaind par le
20 moiien dou duck de Bourgongne, dont il acquist grant
grace de tout le païs, li intencion et plaissance très
grande de chiaulx de Gaind estoit que li contes de
Flandres venroit demorer à Gaind et tenir son hostel:
ossi li contes estoit bien consilliés dou prouvost de
25 Harlebecque et de tous ses plus prochains de chela
faire pour nourir plus grant amour entre chiaux de
Gaind et li. Li contes se tenoit à Bruges, et point ne
venoit à Gaind, dont chil de Gaind estoient tout
courouchiet, voire les bonnes gens, li riche et li sage,
30 qui ne demandoient que pais; mais li pendaille et li
blanc cappron et cil qui ne couvoitoient que le hustin
[212] et l’avantage, n’avoient cure de sa venue, car bien
savoient que, se il i venoit et s’i amasast, que tout coiement
et sagement il seroient corrigiet des maulx que
il avoient fait. Non obstant, quoique il fuissent en
5 celle doute, cil qui gouvrenoient la loi de la ville et
li consaulx et les bonnes gens voloient outreement
que il i venist et que on l’alast querre; et leur sambloit
que il n’avoient point d’estable pais ne ferme
ne seure, se li contes ne venoit à Gaind. Et furent
10 ordonné [de par] eulx vint quatre hommes notables
pour aler à Bruges li querir et remonstrer la grant
affeccion que cil de Gaind avoient à lui. Et se departirent
de Gaind chil qui esleu i furent mout honnerablement,
enssi que on doit aller vers son signeur,
15 et leur fu dit: «[Ne] retournés jamais en la ville de
Gaind, se vous ne nous ramenés le conte, car vous
trouveriés les portes closes.» Sus cel estat, se missent
au chemin chil bourgois de Gaind, et chevauchièrent
vers [Deinse]. Entre [Deinse] et Bruges, il entendirent
20 que li contes venoit: de che furent il mout resjoï. Enssi
que une lieue apriès que il eurent encontre des officiiers
dou conte qui chevauchoient devant pour aministrer
leur office, il regardèrent, et voient sus les
camps le conte et se route. Quant chil bourgois
25 l’aprochièrent, il se traïssent tout sus les camps, et se
ouvrirent tout en deux parties, et passèrent li contes
et tout si chevalier parmi iaulx. Chil bourgois, en
passant, s’enclinèrent mout bas et fissent le conte
et ses gens à leur pooir grant reverence. Li contes
30 chevaucha tout droit oultre, sans euls regarder, et
mist un petit [sa] main à son cappel, ne onques sus
tout le chemin il ne fist samblant de parler à eulx.
[213] Et chevauchièrent enssi li contes de une part, et li
Gantois d’autre, tant que il vinrent à [Deinse], et là
s’arestèrent, car li contes i devoit disner, ensi qu’il
fist; et li Gantois prissent hostels pour iaulx, et là
5 disnèrent.
§ 128. Quant che vint apriès disner, cil Gantois
se traïssent mout bellement et en bon arroi deviers
le conte, leur signeur, et s’engenoullièrent tout devant
lui, car li contes seoit sus un siège; et là li representèrent
10 mout humblement l’afeccion et le service
de le ville de Gaind, et li remonstrèrent comment
par grant amour chil de Gant, qui tant le desiroient
à ravoir dallés eulx, les avoient là envoiiés: «Et au
partir, monsigneur, il nous dissent que nous n’aviens
15 que faire de retourner en Gaind, se nous ne vous
amenions en no compaignie.» Li contes, qui trop
bien entendi toutes leurs parolles, se teut une espasse
tous quois et, quant il parla, il dist: «Je croi bien
que il soit tout che que vous dites et que li pluiseur
20 en Gaind me desirent à ravoir, mais je m’esmervel
de che que il ne leur souvient mies ne n’a volu souvenir
dou tamps passé, à che que il m’ont monstré,
comment je leur ai esté propisces, courtois et debonaires
en toutes leurs requestes, et ai souffert à bouter
25 hors de mon païx mes gentils hommes, quant il
se plaindoient d’eus, pour garder leur loi et leur
justice. J’ai ouvert mes prisons par trop de fois pour
eulx rendre leurs bourgois, quant il le me requeroient;
je les ai amés, portés et honnerés plus que
30 nuls de mon païs: et il m’ont fait tout le contraire,
ocis mon baillu, abatu les maisons de mes gens,
[214] banis et escaciés mes officiiers, ars l’ostel ou monde
que je amoie le mieux, efforchiet mes villes et mis à
leur entente, ocis mes chevaliers en la ville de Ippre,
fait tant de malefisses contre moi et ma signourie
5 que je sui tous tanés dou recorder, et voldroie que
il ne m’en souvenist jamès! Mès si fera, voelle ou
non.»--«Ha! monsigneur, respondirent cil de
Gaind, ne recovrés jamais à cela: vous nous avés
tout pardonné.»--«C’est voirs, dist li contes, je
10 ne voel pas pour mes parolles ou tamps à venir que
vous en vailliés mains, mais je les vous remonstre
pour les grans cruaultés et felonnies que j’ai trouvé
en ceuls de Gaind.» Adonc s’apaissa li contes et se
leva et les fist lever, et dist au signeur de Rainseflies,
15 qui estoit dallés lui: «Faites aporter le vin.» On
l’aporta: si burent chil de Gaind, et puis se partirent
et se retraïssent à leurs hostels; et furent
là toute la nuit, car li contes i demora ossi, et
l’endemain tout ensamble il chevauchièrent viers
20 Gaind.
§ 129. Quant chil de Gaind entendirent que leurs
sires li contes venoit, si furent mout resjoï et vuidièrent
à l’encontre de li à piet et à cheval; et chil qui
l’encontroient, s’enclinoient tout bas à l’encontre de
25 li et li faissoient toute l’onneur et reverence que il
pooient. Il passoit oultre sans parler, et les enclinoit
un petit dou chief. Enssi s’en vint il jusques à son
hostel, que on dist à le Posterne, et là disna; et li
furent fait de par la ville tamaint present, et le vinrent
30 veoir li juret de la ville, che fu raisons, et se humeliièrent
mout envers lui. Là leur requist li contes et
[215] dist que en bonne paix ne doit avoir que paix, mais
il volloit que li blanc cappron fussent ruet jus et que
li mors de son baillieu fust amendée, car il en estoit
requis de son linage. «Monsigneur, respondirent li
5 juret, c’est bien nostre entente, et nous vous prions
que, [par] vostre grant humelité, vous voelliés demain
venir en le place et remonstrer deboinairement vostre
entente au peuple; et, quant il vous verront, il
seront si resjoï que il feront tout che que vous voldrés.»
10 Li contes leur accorda. Che soir sceurent
trop grant fuisson des gens aval la ville que li contes
seroit à uit heures ou marchiet des devenres et que
là il precheroit. Les bonnes gens en furent tout
resjoï, mais li fol et li outrageus n’en fissent compte,
15 et dissent que il estoient tout prechiet et que bien
savoient quel cose il avoient à faire. Jehan Prouniel,
Rasse de Harselle, Piètre dou Bos, Jehan Boulle et
les cappitainnes des blans capprons se doubtèrent
que che ne fust sus leur carpent, et parlementèrent
20 che soir ensamble, et [si] mandèrent aucuns de leurs
gens, tous les plus outrageus et pieurs de leur compagnie,
et leur dissent: «Entendés, tenés vous anuit
et demain tout pourveu de vos armeures, ne, pour
cose que on vous die, n’ostés point vos capprons.
25 Et soiiés tout ou marchiet des devenres à set
heures; mais ne faites nul esmeutin, se on ne le
commence premierement sur vous, et dites enssi à
vos gens, ou vous leur faites savoir par qui que soit.»
Il respondirent: «Volentiers.» Et enssi fu fait. Le
30 matin à [set] heures, il vinrent tout ou marchiet, enssi
que ordonné leur fu, et ne se missent mies tout
ensamble, mais dis ou vint ensamble se tenoient
[216] tout en un mont, et là estoient entre iaulx leurs
cappitainnes. Li contes vint ou marchiet tout à
cheval, acompaigniés de ses gens, chevaliers et
escuiers, et des jurés de le ville; et là estoit Jehans
5 de le Faucille dallés li et bien quarante des plus
rices et plus notables de le ville. Li contes, en fendant
le marchiet, jettoit communement ses ieulx sus
ces blans capprons qui se mettoient en sa presence,
et ne veoit autres gens, che li estoit avis, que blans
10 capprons: si en fu tous merancolieus. Si descendi de
son cheval, et ossi fissent tout li autre, et monta sus
à unes phenestres, et s’apoia là, et avoit on estendu
un drap vermeil devant lui. Là commencha li contes
à parler mout sagement. Tout se teurent, quant
15 il parla. Là leur remonstra il de point en point l’amour
et l’affeccion que il avoit à iaulx, avant que il l’euissent
courouchié; là leur remonstra il comment uns
sires devoit estre amés, cremus, servis et honnerés
de ses gens; là remonstra il comment il avoient fait
20 tout le contraire; là remonstra il comment il les avoit
tenus, gardés et deffendus contre tout homme; là
leur remonstra il comment il les avoit tenus en
paix et en pourfit et en toutes prosperités, depuis
que il estoit venus à tière, ouviers les passages de
25 mer qui leur estoient clos en son jone avent. Là
leur remonstroit il pluiseurs poins raisonnables que
li sage concevoient, et entendoient bien clerement
que de tout il dissoit verité. Pluiseurs l’ooient volentiers,
et li aucun non, qui ne demandoient que
30 l’enredie. Quant il eut là esté une heure et plus, et
que il leur ost remonstrées toutes ses intencions
bellement et douchement, en le fin il dist que il
[217] voloit demorer leurs bons sires en le fourme et manière
que il avoit esté par devant, et leur pardonnoit
rancunes, haïnnes et mautalens que il avoit eu à
iaulx et aussi malefisces fais, ne plus n’en volloit oïr
5 nouvelles, et les voloit tenir en droit et en signourie,
enssi que tousjours avoit fait; mais il leur prioit que
riens ne fesissent de nouviel et que cil blanc cappron
fuissent [mis] jus. A toutes ces parolles on se taissoit
et teut ossi quoit que dont que il n’i euist nullui;
10 mais, quant il parla des blans capprons, on
commencha à murmurer, et bien se perchut que
c’estoit pour cheli cause. Adonc leur pria il que il se
traïssissent tout b[el]lement et en pais en leurs maisons.
A ces cols il descendi, et toutes ses gens partirent
15 dou marchiet et retraïssent à leurs hostels;
mais je vous di que li blanc cappron furent cil qui
premiers vinrent ou marchiet et qui darrainement
s’en partirent. Et quant li contes passa parmi iaulx,
il s’ouvrirent, mais fellement le regardèrent, che li
20 sambla, et ne le daignèrent onques encliner, dont il
fu mout merancolieus. Et dist depuis à ses chevaliers,
quant il fu retrais à son hostel à le Posterne:
«Je ne venrai pas aisse à men entente de ces blans
capprons: che sont male gent et fourconsilliet. Li
25 cuers me dist que la cose n’est pas encores où elle
sera; à che que je puis perchevoir, elle se taille bien
que mout de maux en naissent encores. Pour tout
pierdre, je ne les poroie veoir ne souffrir en leur
orguel.»