celle sepmainne quatre jours, et au cinquime s’en
[218] parti à celle fois que onques depuis n’i rentra, et s’en
vint à Lille, et là s’ordonna pour ivrener. A son
departement de Gaind, à painnes prist il congiet à
nullui, et s’en parti par mautalent, dont li plus de
5 chiaulx de le ville s’en contentèrent mal et dissent
que il ne leur feroit jamais bien ne jamais ne les ameroit
parfaitement enssi que il avoit fait autrefois, et
que Ghisebrès Mahieu et si frère et li doiiens des
menus mestiers les honnissoient et le fourconsilloient
10 de che que si soudainement et sans amour il estoit
partis de Gaind. Jehans Prouniaulx, Rasse de Harselle,
Piètre dou Bos, Jehans Boulle et les cappitainnes
des mauvais estoient tout liet [et] semoient
parolles et faissoient semer aval la ville, mais que li
15 estés revenist, li contes ou ses gens brisseroient le
paix, et que on avoit bien mestier que on fust sus
sa garde et pourveu de blés, d’avainnes, de chars,
de sels et de toutes pourveances, car il ne veoient en
leur paix nul seur estat. Si se pourveïrent cil de
20 Gaind grandement de blés et de toutes autres coses
appartenans à iaulx, dont li contes, qui en fu enfourmés,
avoit grant mervelles, ne de qui il se doubtoient.
Au voir considerer, on se puet de ces parolles que je
dis et ai dites en devant esmervillier comment cil
25 de Gaind se disimulloient et estoient dissimullé très
le commenchement. Li riche, li sage et li notable
homme de le ville ne se pueent mies escuser que, au
commenchement de ces ahaties, se il vosissent bien
acertes, il n’euissent mis remède, car, quant Jehans
30 Lion commencha à mettre les blans capprons avant,
il l’euissent bien debatu, se il vosissent, et envoiié
contre les fosseurs de Bruges autres gens qui euissent
[219] ossi bien esploitiet que li blanc cappron. Mais
il les souffrirent, pour tant que il n’en voloient point
estre nommé ne renommé, et se voloient bouter
hors de le presse, et tout il faissoient et consentoient,
5 dont chierement le comparèrent puisedi
tout li plus rice et li plus sage, car tant laissièrent
ces folles gens convenir, que il furent signeurit et
menet par iaulx, ne il n’osoient parler de cose que il
vosissent dire ne faire. La raison que cil de Gaind i
10 mettent, il dient que pour Jehan Lion ne pour Ghisebrest
Mahieu ne pour leurs linages ne pour leurs
guerres ne envies il ne se fuissent jamais ensonniiet
ne bouté si avant en la guerre fors que pour garder
leurs francisses tant des bourghesies que d’autres
15 coses; et quoique en guerre, en haïnne et en mautallent
il fuissent l’un contre l’autre, si voloient il
estre tout un au besoing pour tenir, garder et deffendre
les francisses [et] bourghesies de Gaind, enssi
que depuis il le monstrèrent, car il furent, leur
20 guerre durant qui dura priès de set ans, si bien d’accord
que onques n’eurent entre iaulx estri dedens la
ville; et ce fu ce qui plus les soustint et garda que
autre cose: ens et hors, il estoient si en unité que
point de diferent n’i avoit, mès metoient avant or
25 et argent, jeuiaulx et chavance, et qui le plus en
avoit, il l’abandonnoit, enssi comme vous orés recorder
ensiewant en l’istoire.
§ 131. Ne demora depuis gaires de tamps que li
contes de Flandres fu partis de Gaind et revenus à
30 Lille, que messires Oliviers de Hauterive, cousins germains
à Rogier d’Auterive que cil de Gaind avoient
[220] ocis, envoiia deffier le ville de Gaind pour la mort
de son cousin: ossi fissent messires Phelippres de
Mamines, li Gallois de Mamines, [li bastars de
Weldinghes] et pluiseurs autres. Et, tantos ces deffiances
5 faites, il trouvèrent environ quarante navieurs, bourgois
de Gaind, qui amenoient par le rivière d’Escaut
bleds à Gaind: si se contrevengièrent de le mort de
leur cousin sus ces navieurs et les decoppèrent trop
villainnement et crevèrent les ieulx, et les renvoiièrent
10 enssi à Gaind afollés et mehaigniés: lequel
despit cil de Gaind tinrent à grant. Li juret, qui
estoient en le loi pour ce tamps, asquels ces plaintes
vinrent, furent tout courouchiet et n’en seurent
bonnement que dire ne qui encouper, fors que les
15 faisseurs. Murmurations monta aval la ville; et
disoient li grigneur partie des gens de Gaind que li
contes de Flandres avoit che fait, ne à paines l’osoit
nuls homs de bien escuser.
Sitos que Jehans Prouniaux entendi ces nouvelles,
20 qui estoit pour le tamps des blans capprons li plus
grans mestres et cappitains, sans sonner mot ne parler
as jurés de la ville, ne sai se il en parla as autres
cappitains, je croi bien que oïl, il prist la grignour
partie des blans capprons et encores assés de poursieuwans
25 entalentés de mal faire, et se parti sus un
soir de Gaind, et s’en vint bouter en Audenarde.
Quant il i entra premierement, il n’i avoit ne garde ne
gait, car on ne se doubtoit de nulli, et se saissi de le
porte, et puis i entrèrent toutes ses gens, et estoient
30 plus de cinq cens. Quant che vint au matin, il mist
ouvriers [en oevre], maçons, carpentiers et autres gens
qu’il eut tous aparilliés à son commandement et pour
[221] malfaire. Si ne cessa si eut fait abatre deus portes, les
tours et les murs, et reversés ou fosset au lés deviers
Gaind. Or regardés comment cil de Gaind se pueent
escuser que il ne consentirent ce fourfait, car il furent
5 en Audenarde abatans portes et murs plus d’un
mois. [Se] il euissent remandé leurs gens sitos que il
en sceurent les nouvelles, on les euist escusés, mès
nennil; anschois clignièrent il leurs ieulx et souffrirent
tant que les nouvelles vinrent au conte qui se
10 tenoit à Lille, comment Jehans Prouniaulx estoit
larecineusement venus de nuit en Audenarde et s’estoit là
boutés et avoit abatu et fait abatre deux portes, les
tours et les murs. De ces nouvelles fu li contes durement
courouchiés, et bien i eut cause, et dist: «Ha!
15 des maleoites gens! li diables les tient bien! je n’arai
jamais paix tant que cil de Gaind soient en poissance.»
Adonc envoia il deviers iaulx de son conseil
en iaulx remonstrant le grant outrage que il avoient
fait, et que ce n’estoient mies gens que on deuist
20 croire ne tenir en nulle pais, quant la paix que li dus
de Bourgongne leur avoit à grant painne fait avoir, il
avoient enfraint et brissiet. Li maieur et li juret de le
ville de Gand s’escusèrent et respondirent que, salve
leur grace, il ne pensèrent onques à brissier la pais,
25 ne volenté n’en eurent; et, se Jehans Prouniaulx
avoit fait un outrage de soi meïsmes, la ville de
Gaind ne le voloit mies avoer, mais s’en escusoit
loiaument et plainement: «mais li contes a consenti;
et sont issu de son hostel cil ou aucun qui ont fait si
30 grant outrage que il ont mort, mehaigniet et afollet
nos bourgois, qui est uns grans inconveniens à tout
le corps de le ville.»--«Dont dites vous, signeur,
[222] répliquèrent li commissaire dou conte, que vous
estes contrevengiet?»--«Nennil, respondirent li juret,
nous ne dissons pas que ce que Jehans Prouniaux a
fait à Audenarde, que ce soit contrevengance, car,
5 par les tretiés de le pais, nous le poons monstrer et
prouver, se nous vollons, et de ce nous en prendons
en tesmongnage monsigneur de Bourgongne, que
Audenarde estoit à abatre, ou point où elle est, toutes
fois que nous volions; et à priière de monsigneur de
10 Bourgongne nous le mesimes en souffrance.»
--«Dont, respondirent li commis dou conte, enssi
appert par vos parolles que vous l’avez fait faire, ne
vous ne vo[u]s poés escuser. Quant vous sentiés que
Jehans Prouniaux estoit alés en Audenarde, qui i
15 entra à main armée, larechineusement et en boine pais,
et que il abatoit portes et murs et reversoit ens es
fossés, vous deuissiez estre alé au devant et li deffendu,
que il n’euist point fait cel outrage tant que
vous euissiez remonstré vos plaintes au conte. Et, se de
20 le navrure ou bleceure de vos bourgois il ne vous euist
fait adrèce, vous deuissiez estre trait deviers monsigneur
de Bourgongne qui les tretiés de la pais mena,
et li remonstré vostre afaire. Enssi euissiés vous
embelli vostre querelle, mais nenil: ore et autrefois,
25 che vous mande messires de Flandres, li avés vous
fais des despis, priiet l’espée en le main et plaidiet
saissi; che set Dieux qui tout voit et congnoist, et qui
un jour em prendera sur vous si cruel vengance, que
tout li mondes en parlera.» Atant se departirent il
30 des maieur et jurés de le ville, et issirent apriès
disner de Gaind, et s’en retournèrent par Courtrai
à Lille et recordèrent au conte comment il avoient
[223] besongniet et les escusances que cil de Gaind mettaient
en ces besongnes.
§ 132. On se puet esmervillier, qui ot parler et tretier
de ceste matère, des pourpos estraignes et mervilleus
5 que on i tre[u]ve et voit, qui tous les list et bien
les entent. Li aucun en donnent le droit de la guerre,
qui fu en che tamps si grande et si cruelle en Flandres
à chiaux de Gaind, et dient que il eurent juste
cause de guerriier; mais il me semble jusques à chi
10 que n’en ont point eu, ne je ne puis veoir ne entendre
ne concevoir que li contes n’euist toudis plus
amet le pais que la guerre, reservé se hauteur et sen
honneur. Ne leur renvoiia il mies le bourgois de
Gaind qui estoit en sa prison à Erclo? Me[s]
15 Dieux, si fist, et il li ocirent son baillieu. Encores de
rechief, il leur pardonna cel outrage pour eulx tenir
en paix, et sur che il esmeurent toute Flandres un
jour sur li, et ocirent en le ville de Ippre, voires chil
de Ippre meïsmement, cinq de ses chevaliers, et vinrent
20 assieger Audenarde, et se missent en painne de
l’avoir et dou destruire. Encores en vinrent il à chief
et à paix, et ne voloient amender le mort de Rogier
d’Auterive, dont ses linages l’avoient pluiseurs fois
remonstré au conte de Flandres; et, se il contrevengièrent
25 le mort de leur cousin sus aulcuns navieurs,
par lesquels de premierement toutes ces haïnnes
estoient esmeutes et eslevées, convenoit il pour ce
que Audenarde en fust abatue? Il m’est avis, ossi
est il à pluiseurs, que nennil. Encores avoit li contes
30 assés à sorre enviers chiaux de Gaind, che dissoient
il, et voloient que il leur fust amendé li
[224] affaires des navieurs, anchois que il rendesissent
Audenarde.
Li contes, qui se tenoit à Lille, et son conseil
dallés li, estoit courouchiés de che que li Gantois
5 tenoient Audenarde, et ne le savoit comment ravoir,
et se repentoit trop fort, quelque pais que il euist
juret ne donnet as Gantois, que il ne l’avoit toudis
bien fait garder. Si escrisoit souvent à ceulx de Gaind
et mandoit que on li rendesist, ou il leur feroit
10 guerre si cruelle que à tous jours il s’en sentiroient.
Chil de Gaind nullement ne le voloient avoer che fait
que il euissent le pais brissie. Finablement, aucunes
bonnes gens de Gand, rice homme et sage homme,
qui ne voloient que bien et pais, alèrent tant au
15 devant de ces besongnes, tels que Jehans de le Faucille,
sire Ghisebrest de Grute et sire Simons Bette
et pluiseurs autres, que le dousime jour de march,
chil qui estoient en le ville d’Audenarde s’en partirent,
et fu rendue as gens dou conte. Et parmi tant,
20 pour apaissier le conte, Jehans Prouniaulx estoit
banis de Gaind et de Flandres; pour ce estoit devissé
en sa banissure que il estoit allés prendre Audenarde
sans le sceu de chiaulx de Gaind. Et estoient banit
de la conté de Flandres à tousjours et sans rapiel
25 messires Phelippres de Mamines, messires Oliviers
d’Auterive, li Gallois de Mamines, li bastars de
[Weldinghes] et tout cil qui avoient esté à decopper
les navieurs bourgois de Gaind. Et parmi ces banissures
s’apaissoient li une partie et li autre; si vuidièrent
30 tout Flandres. Et vint Jehans Prouniaux demorer
à Ath en Braibant, qui siet en le conté de Hainnau.
Messires Phelippres de Mamines vint à Valenchiennes,
[225] mais, quant cil de Gaind le seurent, il
esploitièrent tant deviers les prouvos et jurés de
Valenchiennes [qu’il en fissent partir le chevalier]. Et
estoit pour che tamps prouvos Jehans Partis, qui
5 bellement et doucement en fist partir le chevalier;
et issi de la ville de son bon gré, et s’en vint demorer
à Warlaing dalés Douai, et là se tint tant que il
oï autres nouvelles. Et li autre chevalier et escuier
vuidièrent Flandres, et allèrent en Braibant ou ailleurs
10 tant ossi que il oïrent autres nouvelles.
§ 133. Sitos que li contes de Flandres fu revenus
en posession de le ville de Audenarde, il manda ouvriers
à force et le fist remparer, portes, tours et murs,
plus fort que devant, et relever tous les fossés. Che
15 savoient bien li Gantois que li contes i faissoit
ouvrer, mais nul semblant n’en faissoient, car il ne
voloient point estre repris de enfraindre le pais, et
dissoient li fol et li outrageus: «Laissons ouvrer: se
Audenarde estoit toute d’achier, [si] ne poroit elle
20 durer contre nous, quant nous voldrions.» Et quoique
il i euist adonc pais en Flandres, li contes estoit
en soupechon et en doubte toudis de chiaulx de
Gaind, car tous les jours, on li rapportoit dures
nouvelles, et cil de Gaind enssi dou conte, et n’estoient
25 mies bien asseguret. Jehans de le Faucille s’en
vint demorer à Nazaret, une trop belle maison et
assés fort lieu que il avoit à une grande lieue de
Gaind, et là fist son atrait tout bellement. Et venoit
trop peu à Gaind, et se disimulloit che qu’il pooit;
30 et ne voloit point estre as consaulx de chiaulx de
Gaind, par quoi il n’en fust demandés dou conte. Ossi
[226] dou conte il se mettoit arrière che que il pooit, pour
tenir chiaulx de Gaind à amour: enssi nooit il entre
deux aiges, et se faisoit neutres à son pooir.
Entrues que li contes de Flandres faissoit remparer
5 la ville de Audenarde et [en] estoit tout au dessus,
il procuroit par lettres et par mesages deviers son
cousin le duck Aubert, bail de Haynnau, que il peuist
avoir Jehan Prouniaul, qui se tenoit à Ath. Tant
esploita que on li delivra, et fu amenés à Lille.
10 Quant li contes le tint ens ou castiel de Lille, il le
fist decoller, et puis mettre sus une [roe] comme un
traïteur. Enssi fina Jehans Prouniaulx.
Encores en celle saisson, li contes de Flandres s’en
vint à Ippre, et là fist il faire grant fuisson de justices et
15 decoller mescheans gens, tels que foullons [et] tisserans
qui avoient mors ses chevaliers et ouvert les
portes à l’encontre de chiaulx de Gaind, affin que li
aultre i presissent exemple.
§ 134. De toutes ces coses estoient enfourmé li
20 Gantois: si se doubtèrent trop plus que devant, et
par especial les cappitainnes qui avoient esté en ches
chevaucies et devant Audenarde, et dissoient bien
entre iaulx: «Certes, se li contes puet, il nous destruira
tous. Il nous aime bien: il n’en voelt que les
25 vies. N’a il mies fait morir Jehan Prouniel? Certes,
au voir dire, nous avons fait à Jehan Prouniel
grant tort, quant nous l’avons enssi escachiet et
eslongiet de nous; nous sommes coupable de sa
mort, et à celle fin venrons nous tout, se on nous
30 puet atrapper. [Si] soions sus no garde.» Che dist
Piètres dou Bos: «Se j’en estoie creus, il ne
[227] demor[r]oit en estant forte maison de gentil homme
en le païs de Gaind, car, par les maisons des gentils
hommes qui i sont, porions nous [estre] et serons
encores tout destruit, se nous n’i pourveons de remède.»
5 Respondirent li autre: «Vous dites voir. Or
tos avant, abatons tout.» Adonc s’ordonnèrent ces
cappitainnes Piètres dou Bos, Jehan Boulle, Rasses
de Harselle, Jehans de Lannoit et pluiseurs autres;
et se partirent un jour de Gaind bien quinse cens,
10 et allèrent en celle sepmainne tout environ Gaind
en le païs de Gaind, et abatirent et ardirent toutes
les maisons des gentils hommes; et tout che que il
trouvèrent ens, il le departirent entre iaulx au
butin. Et puis, quant il eurent enssi esploitiet, il
15 rentrèrent en Gaind, ne onques ne trouvèrent qui
desist: «Vous avés mal fait.»
Quant li gentil homme, chevalier et escuier, qui
se tenoient à Lille dallés le conte et ailleurs, entendirent
ces nouvelles, si en furent durement courouchiet,
20 et à bonne cause; et dissent au conte que il
convenoit que cils despis fu amendés, et li orgueils
de chiaulx de Gaind abatus. Adonc abandonna li
contes as chevaliers et escuiers à faire guerre as Gantois
et à contrevengier leurs damages. Si se requellièrent
25 et missent ensamble pluiseurs chevaliers et
escuiers de Flandres, et priièrent leurs amis en Hainnau
pour eulx aidier à contrevengier; et fissent leur
cappitainne dou Hasse de Flandres, ainnet fil bastart
dou conte, un mout appert chevalier. Chils Hasses
30 de Flandres et si compaignon se tenoient une fois en
Audenarde, l’autre à Gauvres, puis à Alos, puis à
Tenremonde, et herioient grandement les Gantois,
[228] et couroient jusques as barières de le ville, et abatirent
priès que tous les moulins à vent qui estoient
environ Gaind, et fissent en celle saisson mout de
despis à chiaulx de Gaind. Et estoit en leur compaignie
5 uns jones chevaliers de Hainnau, et de grant
volenté, qui s’appelloit messires Jaquemes de Werchin,
senescal de Hainnau. Chils en celle saisson fist
pluiseurs grans apertisses d’armes environ Gaind, et
s’aventuroit, tels fois estoit, mout follement et
10 mout outrageusement, et venoit lanchier et combattre
as barrières, et conquist par deux ou par trois
fois de leurs bacinès et de leurs arbalestres. Chils
messires Jaquemes de Werchin, senescal de Hainnau,
fu uns chevaliers de grant volenté et qui mout amoit
15 les armes, et euist fait sans faulte de lui vaillant
homme, se il euist longhement vesqui; mais il
morut jones, et sus se[n] lit, ou chastiel d’Oubies
dallés Mortaigne, dont che fu damages.
§ 135. Li Gantois qui se veoient heriiet des gentis
20 hommes dou païs de Flandres et d’ailleurs, estoient
courouchiet et eurent en pensé de envoiier et de
priier au duc Aubert que il vosist retraire et rappeller
ses gentils hommes qui les guerriioient; mais, tout
consideré, il veïrent bien que il perderoient leur
25 painne, car li dus Aubiers n’en feroit riens. Et ossi
il ne le voloient mies courouchier, ne mettre sus ne
avant cose par quoi il le courouchaissent ne
merancoliaissent, car il ne pooient sans lui ne ses païs;
et ou cas que Hainnau, Hollandes et Zellandes leur
30 seroi[en]t clos, il se contoient pour perdus. Si ne tinrent
mies che pourpos, mais eurent un autre, que il
[229] manderoient as chevaliers et as escuiers de Hainnau
qui tenoient aucuns hiretages ou rentes en Gaind et
en le castelerie de Gaind, que il les vosissent servir,
ou il perderoient leurs revenues. Ils le fissent, mais
5 nuls n’en fist compte de leur mandement. Et par
especial il mandèrent au signeur d’Antoing, messire
Hues, qui est chastelains et hiretiers de Gaind, que il
les venist servir de sa chastelerie, ou il perderoit ses
drois et li abateroient son castel de Vianne, qui sciet
10 [dalés Gramont]. Li sires d’Antoing leur remanda que
volentiers il les serviroit à leur destruction, et que il
n’euissent en lui nulle fiance, car il leur seroit contraires
et fors ennemis, ne il ne tenoit riens de iaulx
ne voloit tenir, fors de son signeur le conte de Flandres,
15 auquel il devoit service et obeïssance. Li sires
d’Antoing leur tint bien tout che que il leur proumist,
car il leur fist guerre mortelle, et leur porta
mout de damages et de contraires, et fist garnir et
pourveïr son castiel de Vianne, de laquelle garnison
20 chil de Grammont estoient fort heriiet et travilliet.
D’autre part, li sires d’Enghien, qui estoit encores
uns jones escuiers et de grant volenté, et s’appelloit
Wautiers, leur faissoit mout de contraires et de despis.
Enssi se continua toute celle saisson [la guerre],
25 et n’osoient li Gantois issir hors de leur ville, fors en
grant route, liquel, quant il trouvoient leurs anemis,
il ne avoient nulle merchi tant que il fuissent li plus
fort, mais ocioient tout. Enssi s’enfelenia et monteplia
ceste guerre entre le conte de Flandres et chiaulx
30 de Gaind, qui cousta depuis cent mille vies deus fois,
ne à grant painne puet on trouver fin ne paix,
car les cappitainnes de Gaind si se sentoient si
[230] meffait envers leur signeur le conte et puis le duch
de Bourgongne, que il n’esperoient mies que, pour
seellet ne pour tretiet que on leur jurast ne fesist,
il peuissent jamais venir à paix que il n’i mesissent
5 les vies. Celle doubte leur faissoit tenir leur
oppinion et guerriier hardiement et outrageusement.
Si leur cheï bien par pluiseurs fois de leurs
emprisses, enssi comme vous orés recorder avant
en l’istoire.
10 § 136. Li contes de Flandres, qui se tenoit à Lille,
ooit tous les jours dures nouvelles de chiaulx de
Gaind, et comment il abatoient et ardoient tous les
jours ses maissons et les maissons des gentils hommes.
Si en estoit tous courouchiés, et dissoit que il
15 en prenderoit encores si cruel vengance que il meteroit
Gaind en feu et en flame et tous les rebelles ossi.
Si rappella li contes, pour estre plus fors contre ces
Gantois, tous les banis de Flandres, et leur abandonna
son païs pour resister contre les blans capprons,
20 et leur bailla deus gentils hommes à cappitainnes,
le Gallois de Mamines et Pière de Stienehus.
Chil doi, avoecques leurs routes, portèrent le banière
dou conte, et se tinrent environ trois sepmainnes
entre Audenarde et Courtrai, sus le Lis, et i fissent
25 mout de damages.
Quant Rasses de Harselle en sceut le convenant, il
vuida hors de Gaind à tout les blans capprons, et s’en
vint à [Deinse], et quida trouver les gens dou conte;
mais, quant cil banit sceurent que li Gantois venoient,
30 il se retraïssent vers Tournai et s’amasèrent
[en le Pèvle], et se tinrent un grant tamps entours
[231] Orchies et le Daing et Rongi et Warlain. Et n’osoient li
marceant aler de Tournai à Douai et à Lille pour ces
banis, et disoit on adonc que li Gantois venroient
assegier Lille et le conte de Flandres dedens et tretoient
5 à chiaux de Bruges et de Ippre pour faire ceste
emprisse, et avoient Granmont et Courtrai de leur
acord. Mais cil de Ippre et de Bruges varioient, car li
gros et li rice bourgois, en ces deus villes, n’estoient
mies bien d’accord as menus mestiers, et disoient
10 que che seroit grans follie de aller si lonc mettre siège
que devant Lille, et que li contes, leurs sires, poroit
avoir aliances grandes au roi de France, enssi que
autrefois il a heu, dont il poroit estre aidiés et confortés.
Ces doubtes ratinrent les bonnes villes de
15 Flandres en celle saisson que nuls sièges ne se fist ne
mist devant Lille.
Bien se doubtoient li Gantois que li rois de France
ne confortast par linage son cousin le conte de Flandres
ou par le pourcach et tretié de son cousin
20 et fil le duc de Bourgongne, et avoient envoiiet
lettres mout amiables devers le roi, en remonstrant
que pour Dieu il ne se vosist mies laissier consillier
contre euls à leur damage, car il ne voloient au roi
ne au roiaulme que amour, pais, obeïssance et service,
25 et que leurs sires, à tort et à grant pechiet, les
travilloit et grevoit; et que ce que il faissoient, che
n’estoit fors que pour soustenir leurs francisses, lesquelles
leurs sires leur voloit oster et abatre, et que il
leur estoit trop cruels. Li rois moiienement s’enclinoit
30 assés à euls, et n’en faissoit enssi que nul compte,
ossi ne faissoit ses frères, li dus d’Ango, car li contes
de Flandres, quoique che fust leurs cousins, n’estoit
[232] mies bien en leur grace pour le cause dou duc
de Bretaigne, que il avoit soustenu et tenus dallés
li en son païs, oultre leur volenté, un grant
tamps: [si] ne faissoit compte de ses anois. Ossi ne
5 faissoit pappes Clemens, et disoit que Dieux li envoiioit
ceste verghe, pour tant que il li avoit esté
contraires.
§ 137. En che tamps, se tenoit li connestables de
France en Auvergne, messires Bertrans de Claiekin, à
10 grant gent d’armes, et se tenoit à siège devant Chastel
Noef de Randon, à trois lieues de la citté de Mende et
à quatre lieues dou Pui; et avoit enclos en che castiel
Englès et Gascons, ennemis au roiaulme de France,
qui estoient issut hors de Limosin, où grant fuisson de
15 forterèce[s englesses] avoit. Si fist, le siège durant
devant, faire pluiseurs assaulx, et dist et jura que de
là ne partiroit si aroit le castiel. Une maladie prist au
connestable, de laquelle il acoucha au lit: pour che,
ne se deffist mies li sièges, mais furent ses gens plus
20 aigre que devant. De ceste maladie messires Bertrans
morut, dont che fu damages pour ses amis et pour
le roiaulme de France. Si fu aportés en l’eglise des
Cordeliers au Pui en Auvergne, et là fu une nuit. A
l’endemain, on l’embausuma et apparilla, et fu mis
25 en sarcu et aportés à Saint Denis en France, et là fu
ensepvelis asés priès de la tombe et ordenance dou
roi Charle de France, laquel il avoit fait faire très son
vivant; et fist le corps de son connestable mettre et
couchier [à ses piés], et puis fist faire en l’eglise de
30 Saint Denis son obsèque ossi reveranment et ossi
notablement que dont que che fust ses fils; et i furent
[233] tout si troi frère et li noble dou roiaulme de France.
Enssi vaca par le mort dou connestable de France
li offices de le connestablie: si fu avissé et ordonné
et regardé de qui on le feroit. Si en estoient nommet
5 pluiseur hault baron dou roiaulme, et par especial li
sires de Couchi et li sires de Cliçon. Et volt li rois
de France que li sires de Couchi fust regars de toute
Picardie; et adonc li donna il toute la terre de Mortaigne,
qui est uns biaux hiretages seant entre Tournai
10 et Valenchiennes, et en fu deportés messires
Jaquemes de Werchin, li jones senescaulx de Hainnau,
qui le tenoit de la sucession son père, qui en fu
sires un grant tamps. Et vous di que cils sires de
Couchi estoit grandement en la grace et amour dou
15 roi de France, et voloit li rois que il fust connestables,
mais li gentils chevaliers s’escusoit par pluiseurs
raisons, et ne voloit mies encores emprendre si
grant fais que de la connestablie, mais dissoit que
messires Oliviers de Cliçon en estoit bien merites et
20 mieulx tailliés de l’iestre que nuls, car il estoit vaillans
homs et sages et amés et congneus des Bretons. Si
demora la cose en cel estat encores une espasse de
tamps, et les gens messire Bertram de Claiekin retournèrent
en France, car li castiaulx se rendi à iaulx le
25 propre jour que li connestables morut. Et s’en rallèrent
cil qui le tenoient, en Limosin, en la garnison de
Caluisiel et de Ventadour. Quant li rois de France veï
les gens dou connestable, si se ratenri pour le cause
de ce que mout l’avoit amet, et fist à cascun selonc
30 son estat grant pourfit.
Nous no[u]s soufferons à parler de euls, et recorderons
comment messires Thumas, contes de Bouquighem,
[234] mainés fils dou roi Edouwart d’Engletière,
mist sus en celle saisson une grant armée de gens
d’armes et d’archiers, et passa parmi le roiaulme de
France et vint en Bretaigne.
5 § 138. Vous avés bien oï recorder que, quant li
dus de Bretagne issi hors d’Engletière, que li rois
Richars et si oncle li eurent en convenant que il le
conforteroient de gens d’armes et d’archiers. Et li
tinrent che convenant, comment que il ne leur en
10 cheïst pas bien, car il li envoiièrent messire Jehan
d’Arondiel à tout deux cens hommes d’armes et
otant d’archiers. Et cil eurent une si dure fortune sus
mer que il furent peri, et se sauvèrent à grant malaisse
messires Hues de Cavrelée et messires Thumas
15 Trivès; et i ot bien peris quatre vins hommes d’armes
et otant ou plus d’archiers, et fu par celle dure
fortune celle armée route. Dont li dus de Bretaigne
s’esmervilloit trop grandement, et ossi faissoient cil
de son costé, de che que il n’ooient nulles nouvelles
20 d’Engletière, et ne pooit penser ne imaginer à quoi
il tenoit; et veïst volentiers que il fust confortés, car
il estoit asprement guerriés de monsigneur Olivier
de Cliçon, de messire Gui de Laval, de messire Olivier
de Claiekin, conte de Longueville, dou signeur
25 de Rochefort et des Franchois qui se tenoient sus les
frontières de son païs: si eut conseil li dus que il
envoiieroit souffissans hommes en Engletière pour savoir
pour quoi il perissoit, et pour avoir confort hasteesment,
car il leur besongnoit. Si en furent priiet dou
30 duch et de chiaulx dou païs qui avoecques le duc se
tenoient, pour aler en ce mesage, li sires de Biaumanoir
[235] et messires Ustasses de la Houssoie: il l’acordèrent
et respondirent que il iroient volentiers. Si
leur furent lettres baillies, escriptes et seellées de par
le duc et de par le païs. Si partirent de Bretaigne et
5 montèrent en mer assés priès de Vennes: si eurent
vent à volenté, et arivèrent sans peril et sans damage
à Hantonne. Si issirent dou vaissiel et montèrent as
chevaus et chevauchièrent tant que il vinrent à Londres.
Che fu environ la Pentecouste, l’an de grace mil
10 trois cens et quatre vins.
§ 139. De la venue le signeur de Biaumanoir et le
signeur de la Houssoie furent tantos segnefiiet li
rois et si troi oncle. La feste de le Pentecouste vint:
li rois [alla] tenir sa feste à Widesore, et là furent si
15 oncle et grant fuisson de barons et de chevaliers
d’Engletière; et là vinrent li doi chevalier dessus nommé,
qui furent bellement recheu dou roi et des barons. Et
baillièrent li chevalier de Bretaigne leurs lettres et au
roi et à ses oncles: si les lissirent et congnurent
20 comment li dus de Bretaigne et ses païs prioient
afectueusement que il fuissent conforté. Adonc sceurent
li doi chevalier de Bretaigne la mort à messire Jehan
d’Arondiel et des autres qui estoient peri sus mer, en
cheminant vers Bretaigne; et s’escusa bien li dus de
25 Lancastre que che n’estoit mies la couppe dou roi ne
de son conseil, mais la fortune de mer contre qui
nuls ne puet resister, quant Dieux voelt. Li chevalier
à ces parolles tinrent bien le roi et son conseil pour
escussé, et plaindirent grandement le mort des bons
30 chevaliers et escuiers qui estoient peri sus mer. La
feste de la Pentecouste passée, uns parlemens fu assignés
[236] à estre à Westmoustier, et i furent mandé tout
cil dou conseil dou roi. A ce parlement vinrent prelat,
baron et chevalier d’Engletière et tout chil qui dou
conseil estoient.
5 Entrues que ces cosses s’aprochoient et ordonnoient,
trespassa de che siècle chils gentils et vaillans
chevaliers en le citté de Londres messires Guichars
d’Angle, contes de Hostindonne. Si fu ensepvelis en
l’eglisse des Augustins à Londres, et là li fist li rois
10 faire son obsèque très reveranment; et i eut grant
fuisson de prelas et de barons d’Engletière, et canta la
messe che jour li evesques de Londres.
Tantost apriès commenchièrent li parlement. Si
fu adonc ordonné que messires Thumas, maisnés fils
15 dou roi d’Engletière, passeroit la mer et venroit
prendre tière à Callais, et passeroit, se Dieux l’ordonnoit,
parmi le roiaulme de France, trois mille
hommes d’armes en se compaignie et trois mille
archiers, et venroit en Bretaigne, et seroit acompaigniés
20 de contes, de barons et de chevaliers, enssi
comme à fil de roi apartenoit et qui entreprent un si
haut voiage que de passer parmi le roiaulme de France,
qui est si grant et si nobles et où tant a de bonne
chevalerie.
25 § 140. Quant ces coses furent consillies et arestées
et li voiages dou tout accordés, li rois d’Engletière
et si oncle escripsirent lettres et seellèrent au
duck de Bretaigne et au païs, et leur mandèrent une
grant partie de leur entente et dou conseil parlementé
30 et arresté à Londres, et que à ce n’i aroit nulle
deffaute que li contes de Bouquighem en celle saison
[237] passeroit. Li rois d’Engletière honnoura mout les
chevaliers et leur donna des biaux dons, et ossi fissent
si oncle; et puis partirent et retournèrent arrière
en Bretaigne, et donnèrent leurs lettres au duck
5 qui les ouvri et lissi, et veï tout ce que elles contenoient;
si les monstra au païs, liquel se contentèrent
de ces responses et se ordonnèrent sur che. Et li rois
d’Engletière et si oncle ne missent mies en oubli le
voiage qui estoit empris; mais furent escript, segnefiiet
10 et mandé tout cil qui esleu estoient d’aller oultre
avoecques le conte de Boukinghem, li baron d’un lés
et li chevalier d’autre. Et furent paiiet et delivret à
Londres pour trois mois; et commenchoient leurs
gages à entrer sitos comme il estoient arivet à Calais,
15 tant de gens d’armes comme d’archiers, et leur delivroit
li rois passage à ses [frès]. Si vinrent à Douvres,
et passèrent petit à petit, et arivèrent à Callais, et
missent plus de quinse jours à passer, anchois que il
fuissent venut.
20 Bien veoient cil de Boulongne que grant gent
d’armes issoient hors d’Engletière et passoient le
mer et arivoient à Callais. Si les segnefiièrent sus le
païs et par toutes les garnissons, affin que il ne fuissent
soupris. Lors que les nouvelles furent sceues en
25 Boulenois, en Ternois et en le conté de Ghines, si se
avisèrent chevalier et escuier dou païs, et fissent
traire ens es fors tout ce que leurs gens avoient, se il
ne le voloient perdre; et les cappitainnes telles que
le cappitainne de Boulongne, le cappitainne d’Arde,
30 de le Montoire, d’Esprelecque, de Tournehem, de
Hames, de Lisques et des castiaulx sus les frontières
entendirent à pourveïr grandement leurs lieus, car
[238] bien savoient, puisque li Englès passoient à tel flote,
que il aroient l’assaut.
Les nouvelles dou passage furent segnefiies au roi
Charle de France, qui se tenoit à Paris; si envoiia
5 tantos deviers le signeur de Couchi qui estoit à Saint
Quentin, que il se pourveïst de gens d’armes et s’en
alast en Picardie, et reconfortast les villes, les cittés
et les castiaulx. Li sires de Couchi obbeï au mandement
dou roi, che fu raisons, et resvilla chevaliers et
10 escuiers d’Artois, de Vermendois et de Picardie, et
fist son mandement à Pieronne en Vermendois. Et
estoit pour che tamps cappitainne d’Arde li sires de
Saintpi, et de Boulongne messire Jehans de Lonvillers,
et de Monstruel sur le mer messires Jehans de
15 Fosseux. Si ariva à Callais trois jours devant le
Madalaigne, ou mois de julle, li contes de Boukinghem,
en l’an de grace Nostre Signeur mil trois cens et quatre
vins.
§ 141. Quant li contes de Boukinghem fu arivés à
20 Callais, li compaignon en eurent grant joie, car bien
savoient que point longhement ne sejourneroient là
que il n’alaissent en leur voiage. Li contes se rafresqui
deus jours à Callais, et au tierch jour partirent et
se missent sus les camps, et prissent le chemin de
25 [Marquigue].
Or est il drois que je vous nomme les bannerès et
les pennonchiers qui là estoient: premierement, le
conte Thumas de Boukinghem, le conte d’Asquesufort,
qui avoit sa nièce espousée, fille au signeur de Couchi;
30 apriès, le conte de Devesciere. Apriès chevauchoit,
banière desploïe, li sires Latiniers qui estoit
[239] connestables de l’ost, et puis li sires de Fil Wattier,
mareschaulx; après, le signeur de Basset, le signeur
de Boursier, le signeur de Ferrières, le signeur de
Morlais, le signeur d’Arsi, messire Guillaume de
5 Windesore, messire Hue de Cavrelée, messires Robers
Canolles, messires Hues de Hastingues, messire Huge
de la Souce. A pennon, messires Thumas de Persi,
messires Thumas Trivet, messires Guillaume Cl[i]nton,
messires Yon de Fil Warin, messires Huges Toriel, le
10 signeur de Vertaing messires Ustasse, messires Jehan
de Harleston, messires Guillaume de Ferinton, messires
Guillaume de Briane, messires Guillaume Draiton,
messires Guillaume Franke, messires Nicolle et
messires Jehan d’Aubrecicourt, messires Jehan Masse,
15 messires Thumas Camois, messires Raoul, fil le signeur
de Noefville, messires Henri de Ferrières, le bastart,
messires Huge Broe, messires Joffroi Ourselée, messires
Thumas West, le signeur de Saint More, David
Hollegrave, Hugekin de Cavrelée, bastart, Bernart de
20 Cederières et pluiseurs autres.
Si chevauchoient ces gens d’armes en bonne ordenance
et en grant arroi, et n’alèrent le jour que
il issirent de Callais plus avant que à Marquigue, et
là s’arestèrent pour entendre à leurs besongnes et
25 avoir conseil entre iaulx lesquels chemins il tenroient
pour acomplir à leur certain pooir leur voiage, car il
en i avoit pluiseurs en la route qui onques mais
n’avoient esté en France, especiaulment li fils dou
roi et pluiseur baron et chevalier. Si estoit bien cose
30 raisonnable que cil qui connissoient le roiaulme et
qui autrefois l’avoient passet et chevauchiet, euissent
cel avis et gouvrenement que à leur honneur il
[240] l’acomplesissent. Voirs est que, quant li Englès dou tamps
passet sont venu en France, il ont eu tel ordenance
entre iaulx que les cappitaines jurent entre le main
dou roi d’Engletière et son conseil trois coses: elles
5 sont telles que à creature dou monde, fors entre
iaulx, il ne reveleroient leurs secrés ne leur voiage,
ne là où il tendent à aler; la seconde cose est que [il
acompliront leur voiage à leur pooir; la tierce cose
est que] il ne pueent faire nul trettiet à leurs ennemis,
10 sans le sceu et volenté dou roi et de son conseil.
§ 142. Quant cil baron, chevalier et escuier et leurs
gens se furent repossé et arresté à Marquigue trois
jours, et que tout furent venu et issu de Callais qui
ou voiage devoient aller, et que les cappitainnes
15 eurent avissé à leur besongne et quel chemin il tenroient,
au quatrime jour il se partirent et missent au
chemin en très bonne ordenance. Et passèrent tout
pardevant Arde, et là boutèrent hors leurs banières
li doi conte, li contes d’Asquesufort et li contes de
20 Douvesciere, et arresta toute li hos devant la bastide
d’Arde, pour euls monstrer as gens d’armes qui dedens
estoient. Et là fu fais chevalier dou conte de
Bouquighem li contes de Douvesciere et li sires de
Morlas; et missent cil doi signeur là premierement
25 hors leurs banières. Encores fist là li contes de
Boukinghem chevaliers cheus qui s’ensieuent: le fil dou
signeur de Fil Watier, messire Rogier d’Estragne,
messire Jehan d’Ippre, messire Jehan Collé, messire
Jame de Citelée, messire Thumas Roumeston, messire
30 Jehan de Noefville, messire Thumas Roselée, et
vint l’ost gesir à Hosque, sus une mout belle rivière;
[241] et furent fait cil chevalier nouvel pour la cause de
che que li avant garde s’en allèrent che jour par
deviers une forte maison seant sus le rivière, que on
dist Flolant, où dedens avoit un escuier à qui le maison
5 appartenoit, que on clamoit Robert. Chils escuiers
estoit bons homs d’armes: si avoit garni et
pourveu sa maison de bons compaignons que il avoit
pris et requelliés là environ, et estoient environ quarante,
et monstrèrent bon samblant de iaulx deffendre.
10 Cil baron et chil chevalier, en leur nouvelle
chevalerie, vinrent jusques à là et environnèrent le
tour de Flolant et le commenchièrent à asaillir de
grant volenté, et cil qui dedens estoient, à eulx deffendre.
Là eut fait par assaut tamainte belle apertisse
15 d’armes; et traioient cil dou fort mout asprement,
dont il navrèrent et blechièrent aucuns des asaillans,
qui s’abandonnoient trop avant; car il avoient
des bons arbalestriers que li cappitainne de Saint
Omer, messires Bauduins de le Boure, leur avoit envoiiés
20 à le requeste de l’escuier, car bien pensoit que
li Englès passeroient devant sa maison: [si] le voloit
tenir et garder à son pooir, enssi que il fist, car il se
porta vaillanment. Englès asailloient, et chil dedens
se deffendoient mout aigrement. Là dist une parolle
25 li contes de Douvesciere, qui estoit sus les fossés, sa
banière en present que ce jour avoit premierement
mis hors, qui mout encoraga les compaignons: «Et
comment, signeur, en nostre nouvelle chevalerie nous
tenra meshui chils coulombiers! Bien nous deveroient
30 tenir li fort chastel et les fortes places qui sont
ou roiaulme de France, quant une telle platte maison
nous tient. Avant! avant! monstrons chevalerie.»
[242] Quant li contes eut dist ceste parolle, bien le nottèrent
cil qui l’entendirent, et se vaurent mains espargnier
que devant, et entrèrent tout abandonneement
ens es fossés; et passèrent li aucun sus pavais, affin
5 que la bourbe ne les engloutesist, et vinrent jusques
au mur. Et là traioient archier si ouniement que à
painnes se ossoit nuls amonstrer as deffenses: si en
i ot dou trait des archiers pluiseurs blechiés et navrés.
La basse cours fu prise et arsse, et li tours fort
10 asaillie. Finablement, il furent tout pris, mais mout
vaillant se vendirent, ne il n’i eut onques homme qui
ne fust bleschiés. Enssi fu la maison de Flolant prise,
et Robert Flolant dedens et prisonniers au conte de
Douvescière, et li autre à ses gens. Et toute li hos
15 se loga sus le rivière de Hosque, en attendant messire
Guillaume de Widesore, qui menoit l’arierre
garde, qui point n’estoit encores venus; mais il vint
che soir. Et à l’endemain se deslogièrent tout ensamble,
et partirent en ordenance et cheminèrent ce jour
20 jusques à Esprelesque, et là se logièrent. La cappitaine
de Saint Omer, qui sentoit les Englès si priès
de li, renforcha les gais et fist toute la nuit villier
plus de deux mille hommes, par quoi la ville de Saint
Omer ne fust sousprise des Englès.
25 § 143. A l’endemain, ensi que à six eures, se deslogièrent
li Englès de Esprelesque, et chevauchièrent
en ordenance de bataille deviers Saint Omer. Chil de
la ville de Saint Omer, quant il seurent que li Englès
venoient, s’armèrent tout enssi que commandé leur
30 estoit, et se ordonnèrent ou marchiet, et puis allèrent
as portes, as tours et as crestiaulx mout estoffeement,
[243] car on leur dissoit que li Englès les asaudroient.
Mais il n’en avoient nulle volenté, car li ville est trop
forte, et plus i pueent gens d’armes pierdre à l’asaillir
que gaaignier. Toutefois, li contes de Bouquighem,
5 qui onques mais n’avoit esté ou roiaulme de France,
volt veoir Saint Omer, pour tant que elle li sambloit
belle de murs, de portes et de tours et de biaux clochiers.
Si s’en vint arrester sus une montaigne enssi
que à une petite demi lieue priès; et là fu li hos
10 toute rengie et ordonnée en bataille plus de trois
heures; et là eut aucuns jones chevaliers et escuiers,
montés sus fleurs de coursiers, qui esperonnèrent
jusques as barières et demandèrent joustes de fiers
de glaves as chevaliers ou escuiers qui dedens Saint
15 Omer estoient; mais il ne furent point respondu. Si
retournèrent arrière, en esperonnant leurs coursiers
et en faissant grant samblant de voloir faire fait d’armes.
Che jour que li contes de Bouquighem vint
devant Saint Omer, à le veue de chiaulx de la ville,
20 il fist chevaliers nouviaulx chiaulx qui s’ensieuent:
et premiers, messire Raoul de Noefville, fil au signeur,
messire Betremieu Boursier, fil au signeur, messire
Thumas Camois, messire Fouke Courbet, messire Thumas
d’Angain, messire Raoul de Pippes, messire Loeïs
25 de Saint Obin et messire Jehan Paullé. Chil nouviel
chevalier, en leur chevalerie, courirent là sus les
camps, montés sus bons coursiers et vinrent courir
jusques as barrières et demandèrent joustes, et point
ne furent respondu, et retournèrent pour le doute
30 dou trait, car il ne voloient mies perdre leurs chevaulx.
Quant li contes de Bouquighem et li signeur
eurent veu que nuls ne se metteroit as camps à
[244] l’encontre d’eus, si passèrent oultre mout ordonneement
et tout le pas, et s’en vinrent che jour logier as Esquelles
en mi chemin de Saint Omer et de Thierewane,
et là se tinrent toute la nuit; et à l’endemain
5 il partirent, et s’acheminèrent vers Tierewane.
§ 144. Quant chil de le garnisson de Boulogne, de
Arde, de Tournehem, d’Audrehem, de le Montoire,
de Hames et des castiaulx de le conté de Boulongne
et d’Artois et de Ghingnes veïrent le convenant des
10 Englès, que il aloient toudis devant iaulx sans arrester,
si segnefiièrent l’un à l’autre leurs volentés en
dissant que il les feroit bon et honnerable poursieuir,
et que on i poroit bien gaaignier, et que gens d’armes
se doivent aventurer, quant il sentent leurs
15 ennemis sur les camps et en leur païs. Si se quellièrent
tout et asamblèrent desoubs les pennons dou
signeur de Fransures et dou signeur de Saintpi, deus
mout vaillans et entreprendans chevaliers, et se trouvèrent
bien deux cens lances. Si commench[i]èrent à
20 costiier, à frontiier et à poursieuir les Englès; mais li
Englès se tenoient tout ensamble, qui point ne se
desroutoient, ne on ne s’ossoit bouter en iaulx, qui
ne voloit trop pierdre. Toutesfois chil chevalier et
escuier françois rataindoient à le fois, et ruoient jus
25 les fourageurs englès, par quoi il estoient plus resongnié,
et n’osoient mais li fourageur chevauchier ne
aller en fourage, fors en grant route. S’en i avoit à
le fois des rués jus et pris des uns et des autres, et
puis fait escanges [et] pareçons telles que li fait d’armes
30 demandent. Quant li contes de Bouquighem et
son hoost furent parti d’Esquelles, il chevauchièrent
[245] che jour vers Thierouane, et passèrent oultre sans riens
faire, car li sires de Saintpi et li sires de Fransures i
estoient et leurs routes. Si vinrent logier à [Wicerne],
et là se rafresquirent un jour et reposèrent, je vous
5 dirai pourquoi.
§ 145. Vous savés, sicom il est chi dessus contenu
en l’istoire, comment li rois Richars d’Engletière,
par le promotion de ses oncles et de son conseil,
avoit envoiiet en Allemaigne son chevalier messire
10 Simon Burllé deviers le roi des Roumains, pour avoir
sa suer en mariage. Li chevaliers avoit si bien esploitié
que li rois des Roumains li avoit acordé par le
bon conseil des haus barons de sa court, et envoiiet
li rois des Roumains en Engletière, avoecques messire
15 Simon Burllé, le duc de Tassen, pour avisser le
roiaulme d’Engletière pour savoir comment il plairoit
à sa suer, et pour parconfremer là les ordenances;
car li cardinaulx de Ravane estoit en Engletière, qui
se tenoit Urbanistres, et convertissoit les Englès à
20 l’oppinion d’Urbain, et attendoit la venue dou duc
dessus nommé, liquels, à la priière dou roi d’Allemaigne
et dou duc de Braibant et de madame de Braibant,
ils et toute sa route, avoient sauf conduit de
passer parmi le roiaulme de France et d’aller à Callais.
25 Si estoient venu par Tournai, par Lille et par
Biethune, et vinrent à Wicerne pour veoir le conte
de Bouquighem et les barons, liquel requellièrent le
duch de Tassen et ses gens mout honnerablement;
et leur donna li contes à disner et à soupper en son
30 logeis, et l’endemain il prissent congiet li un de l’autre.
Si passèrent li Allemant oultre, et vinrent à Aire
[246] et à Saint Omer, et puis à Callais; et li contes de
Bouquighem et toute li hoos chevauchièrent leur chemin,
et passèrent devant Lillers, et vinrent che jour
logier à Bruais lés [la] Buissière. Si se tinrent tout aise
5 de che qu’il avoient; et tous les jours les poursieuoient
li sires de Saintpi et li sires de Fransures et
leurs routes, mais toutes les nuis il gissoient en villes
fremées.
§ 146. Quant che vint au matin, dont la nuit toute
10 li hoos avoit jeu à Bruai, il se levèrent et aparillièrent.
Si sonnèrent leurs trompètes de departement;
si s’aroutèrent sus les camps et chevauchièrent vers
Bethune. En la ville de Bethune avoit grant garnison
de gens d’armes, chevaliers et escuiers, que li sires
15 de Couchi, qui se tenoit à Arras, i avoit envoiiés, tels
que le seigneur de Hanget, messire Jehan et messire
Tristram de Roie, messire Joffroi de Cargni, messire
Gui de Honcourt et mout d’autres. Si passa toute li
hoos des Englès à la veue de Bethune à heure de
20 tierce tout oultre: onques ne fissent samblant d’assaillir,
et vinrent gesir à [Sauchières]. A heure de vespres,
vinrent li sires de Saintpi et li sires de Fransurez,
et se boutèrent en Bethune, et à l’endemain bien
matin il s’en partirent et chevauchièrent vers Arras;
25 et là trouvèrent le signeur de Couchi, qui les rechut
liement et leur demanda des nouvelles et quel
chemin li Englès tenoient. Li chevalier l’en respondirent
ce qu’il en savoient et que il avoient
jeu à Sauchières et chevauchoient trop sagement,
30 car point ne se desroutoient, mais se tenoient toudis
ensamble. Dont dist li sires de Couchi: «Il
[247] cheminent par l’apparant enssi que gens qui demandent
la bataille: [si] l’aront, se li rois, nos sires, me
voelt croire, anchois que il aient paracompli leur
voiage.» Enssi dissoit li sires de Couchi. Et li contes
5 de Bouquighem et toute li hoos cheminèrent che
jour, depuis que il furent parti de Sauchières, et passèrent
au dehors d’Arras mout arre[e]ment en ordenance
de bataille, banières et pennons ventelans, et
tant que cil qui estoient monté es portes et es clochiers,
10 les pooient bien avisser.
Si passèrent che jour tout oultre sans riens faire,
et vinrent logier à A[ves]nes, et l’endemain à Miraumont,
et puis à Clari sus Somme, car il poursieuoient
les rivières. Quant li sires de Couchi, qui se tenoit à
15 Arras, entendi que il prendroient che chemin, si
envoiia le signeur de Hangiet à Brai sus Somme, et
en sa compaignie trente lances, chevaliers et escuiers,
et à Pieronne messire Jaqueme de Werchin, senescal
de Hainnau, et le signeur de Haverech et messire
20 Jehan de Roie, messire Gerart de Markelies et
des aultres chevaliers et escuiers dou païs là environ;
et il s’en ala vers Saint Quentin, et envoiia le
signeur de Clari et messire Tristram de Roie et messire
Gui de Honcourt à Hen en Vermendois, dont il
25 se tenoit enssi que sires, pour entendre à la ville et
remparer, car elle est grande et estendue et mal fremée.
Si ne voloit mies que par se negligense elle
recheuist nul damage des Englès.
§ 147. La nuit que li Englès se logièrent à Clari sus
30 Somme, s’avissèrent aucun chevalier de leur costé,
tels que messires Thumas Trivet, messires Guillaumes
[248] Clinton, messires Yon Fil Warin, par l’esmouvement
le signeur de Vertaing qui congnissoit le païs
et qui sentoit le signeur de Couchi à grant gent d’armez
en la citté d’Arras, que il chevaucheroient au
5 matin avoecques les fourageurs de l’ost, assavoir se il
trouveroient jamais cose qui bonne leur fust, car il
desiroient à faire fait d’armes. Enssi comme il l’avisèrent,
il le fissent, et se partirent au matin environ
trente lances, et fissent les fourageurs chevauchier
10 devant, et chevauchièrent à l’aventure.
Ce propre jour au matin, parti et issi d’Arras à
grant route li sires de Couchi, et prist le chemin de
Saint Quentin. Quant il furent sus les camps, li sires
de Brimeu et si enffant, environ trente lances, issirent
15 hors de la route le signeur de Couchi, enssi que
cil qui desiroient les armes et qui demandoient aventures.
Si se trouvèrent sus les camps Englès et François,
et veïrent bien et parchurent que il convenoit
que il se veïssent de plus priès: si esperonnèrent tantos
20 li un contre l’autre, en escriant leur cri. De premières
venues, il en i ot rués jus des mors et des
bleciés, de l’une partie et de l’autre; et là, selonc
leur quantité, i ot fait belles appertisses d’armes, et
se missent tantos tout à piet l’un contre l’autre, et
25 commenchièrent à pouser des lances. Là veït on les
plus fors et les plus appers et les mieux combatans,
et mout bien se portèrent et li une partie et li autre.
Et furent en cel estat environ une heure, toudis combatant
et poussant, et faissant d’armes ce que on en
30 pooit par raison faire, que on ne seuist à dire ne
imaginer, qui les veïst, liquel en aroient le milleur;
mais finablement la place demora as Englès et le
[249] obtinrent. Et prist de sa main messires Thumas Trivès
le signeur de Brimeu et ses deus fils Jehan et Loïs,
et en i ot là pris sus le place environ seise hommes
d’armes: li demorant se sauvèrent ou furent mort.
5 Enssi alla de ceste aventure as [gens] le signeur de
Couchi, et retournèrent messires Thumas Trivès et sa
route en l’oost à tout leur gaaing, et furent li bien
venu dou conte de Bouquighem et des aultres: che
fu raisons.
10 Si sejourna li hoos sus la rivière de Somme, en
venant de Pieronne, un jour et une nuit, pour tant
que che jour il fissent leur monstre, car il entendirent
par leurs prisonniers que li sires de Couchi estoit à
Pieronne et aroit bien mille lanches, chevaliers et
15 escuiers. [Si] ne savoient se il les voldroient
combatre.
§ 148. Che propre jour que on fist la monstre, se
boutèrent hors de l’oost avoec les fourageurs et
de l’avant garde li sires de Vertaing et Fier à Bras li
20 bastars, ses frères, messires Yon Fil Warin et pluiseur
autre, et s’en vinrent courir jusques au Mont Saint
Quentin. Et là se tinrent en enbusce, car bien savoient
que en Pieronne, qui estoit droit dallés, estoient li
senescaulx de Hainnau, li sires de Haverech et
25 grant gent d’armes, chevaliers et escuiers, dou païs;
et sentoient le jone senescal de Hainnau de grant
volenté et outrequidiet: si esperoient bien que il
isteroit hors, enssi qu’il fist. Chil de l’avant garde
envoiièrent courir dix hommes d’armes devant Peronne,
30 Thieri de Soumaing, le bastart de Vertaing,
Hugekin de Cavrelée, Hopekin Hai et des aultres,
[250] liquel, monté sus fleurs de coursiers, s’en vinrent à
l’esperon jusques as barrières de Pieronne. Li senescaulx
de Hainnau et ses gens, qui là se tenoient,
estoient tout apparilliet, et fissent ouvrir les barrières,
5 et estoient bien cinquante lances, et quidièrent ces
compaignons coureurs atrapper, car il se missent en
cache sus les camps apriès iaulx, et cil à fuir vers leur
enbusque, et iaulx après. Là chevaucoit li senescaulx
de Hainnau, son pennon devant lui, montés sus fleur
10 de coursier. Quant cil de l’embusque veïrent comment
li François cachoient, si en furent tout resjoï
et descouvrirent leur enbusque; mais che fu un peu
trop tempre, car, quant li senescaulx de Hainnau,
li sires de Haverech et li autre les veïrent venir et
15 une grosse route, et tous bien montés, il jeuèrent de
le retraite. Et là sceurent cheval que esperon valloient,
car, quanque il pooient estekier, il ne cessèrent
jusques il furent sus le cauchie, et trouvèrent
bien à point li signeur les barrières ouvertes. Toutefois
20 il furent de si priès poursieuoit que il convint
demorer prisonniers deviers les Englès des gens le
senescal: messire Gerart de Marquillies, messire Loïs
de Vertaing, cousin au signeur de Vertaing qui là
estoit, Houart de le Houarderie, Boulhart de Saint
25 Ylaire et bien dix hommes d’armes; et tout li autre
se sauvèrent. Quant li Englès sceurent que li senescaulx
de Hainnau, li sires de Haverech, li sires de
Clari, messires Robers de Cleremont, li sires de
Saint Digier et bien vint chevaliers avoient esté sus les
30 camps et tout s’estoient sauvet, si dissent: «Dieux!
quel rencontre! Se nous les euissons tenus, il nous
euissent paiiet quarante mille frans!» Si retournèrent
[251] chil fourageur en l’oost, et n’i eut plus riens
fait pour l’eure ne pour le journée.
§ 149. Trois jours fu li hoos à Clari sus Somme,
et là environ. Au quatrime, il se partirent, et
5 et s’en vinrent logier en l’abbeïe de Vaucelles, à trois
petites lieues de Cambrai; et l’endemain il s’en partirent,
et chevauchièrent vers Saint Quentin, et fist ce
jour mout bel. On dist, et voirs est, que li premier
chevauchant ont toudis les aventures soit à perte ou
10 à gaaing. Je le di pour ceuls de l’avant garde qui
chevauchoient avoecques les fourageurs. Che propre
jour, chevauchoient les gens le duc de Bourgongne,
environ trente lances, et venoient d’Arras à
Saint Quentin, car là estoit li dus de Bourgongne.
15 Messires Thumas Trivès, messires Yon Fil Warin, li
sires de Vertaing, messires Guillaume Clinton, qui
estoient à l’avant garde et avoec les fourageurs, enssi
que il venoient à Farvakes pour prendre les logeis, il
encontrèrent ces Bourgignons. Là convint il avoir
20 hustin, et i ot bataille; mais elle ne dura point longuement,
car cil Bourgignon furent tantos esparpilliet,
li uns chà et li autres là, et se sauva qui sauver se
peut. Toutesfois messires Jehans de Mornai ne se sauva
pas, mais demora sus la place en bon convenant, son
25 pennon devant lui, et se combati ce que durer pot,
mout vaillanment; mais finablement il fu pris et dix
hommes d’armes en se compaignie. Et souppèrent
celle nuit en es logeis des compaignons à [Fonsomme],
à deux lieuwes de Saint Quentin, où li avant garde se
30 loga; et il quidoient, au disner, soupper à Saint Quentin.
Enssi va des aventures.
[252] § 150. A l’endemain, au matin, quant li contes de
Bouquighem et li signeur orent oï la messe en
l’abbeïe de Farvacques, et il eurent mengié et beu un
cop, il s’ordonnèrent et apparillièrent, et missent au
5 chemin pour venir vers Saint Quentin, en laquelle
ville avoit grant gent d’armes, mais point n’issirent.
Si i eut aucuns coureurs englès qui allèrent courir
jusques as barrières et escarmuchier à eulx; mais
tantos s’en partirent, car toute li hoos passa oultre
10 sans arrester, et vint che jour logier à Oregni Sainte
Benoite et ens es villages d’environ. En la ville
d’Oregni a une mout belle abbeïe de dames, et
pour ce tamps en estoit abbesse la ante le signeur de
Vertaing, qui estoit en l’avant garde. A la priière de li,
15 l’abbeïe et toute la ville furent sauvées d’ardoir et de
pillier. Et se loga li contes en l’abbeïe, mais che soir
et toute la nuit ensieuant il i ot à Ribeumont, qui
est mout priès de là, grant escarmuce d’Englès et
de François; et en i ot des mors et des blechiés, de
20 une part et d’autre.
Au matin, on se desloga de Orgny, et s’en vint li
hoost logier che jour à Creci sus Selle, et [là loga l’ost
un jour tout enthier; et au deslogement, on passa la
rivière de Selle, et] vint on [logier] devant la citté
25 de Laon, et passa l’oost à Vaulx desoulx Laon;
et ot escarmuce des fourageurs de l’avant garde
à Bruières; et vint che jour logier l’ost à Sisone; et
à l’endemain passa l’oost la rivière d’Ainne au Pont
à Vaire, et vinrent logier à Hermonville et à Courmissi,
30 à quatre lieuwes de la citté de Rains. Et vous
di, che chemin faissant, quoique il fuissent en
bon païs et cras et plentiveux de vins et de vivres,
[253] il ne trouvoient riens, car les gens avoient tout
retrait en es bonnes villes et ens es fors; et avoit li
rois de France abandonné as gens d’armes de son païs
tout ce que il trouvoient ou plat païs. Si eurent li
5 Englès par pluiseurs fois grant souffraite, et especiaulment
de chars: quant il vinrent en le marce de
Rains, n’avoient il nulles. Si eurent avis, à leur
deslogement de Hiermonville et de Courmissi, que il
envoiieroient un hiraut à Rains, pour tretier deviers
10 les bons hommes dou plat païs qui là estoient retrait,
et deviers les bourgois de Rains qui avoient le leur
aus villages, que il leur vosissent envoiier une quantité
de bestes, de pains et de vins, ou il arderoient
tout le plat païs. Chils avis fu tenus, et envoièrent
15 un hiraut à Rains, qui leur remonstra toutes ces
coses. Il respondirent generaument que il n’en
feroient noient, et que il fesissent che que bon leur
sambloit. Quant li Englès oïrent ceste response, si
furent tout courouchiet: lors envoiièrent il tous leurs
20 coureurs par les villages, et en ardirent en une sepmaine
plus de soissante en le marche de Rains. Encores
de rechief li Englès sceurent que cil de Rains
avoient en leurs fossés de la ville mis à sauf garant
toutes leurs blancques bestes, qui là se quatissoient et
25 paissoient. De ces nouvelles furent il mout resjoï, et
dissent tout chil de l’avant garde: «Alons, alons!
On se doit aventurer pour son vivre.» Lors s’en
vinrent tout cil de l’avant garde à chevauchant jusques
sus les fossés de la citté de Rains, et là descendirent
30 et fissent leurs gens descendre et entrer ens es
fossés et cachier toutes hors ces bestes; ne nuls
n’osoit issir ne aler au devant, ne li amonstrer as
[254] creniaulx ne as deffenses, car li archier, qui estoient
rengiet sus les fossés, traioient si ouniement que nuls
n’osoit venir avant pour deffendre la proie. Enssi fu
elle misse toute hors des fossés, où bien i ot plus de
5 quatre mille bestes, dont il eurent grant largaiche.
Avoec tout che il mandèrent à chiaulx de Rains que
il arderoient tous leurs blés environ Rains, se il ne
les racatoient de vivres, de pains et de vins. Chil de
Rains doubtèrent celle manace et pestillence d’ardoir
10 leurs biens as camps: si envoiièrent en l’oost six
carées de pains et otant de vins. Parmi che, li blés
et les avaines furent respitées d’ardoir. Si passèrent à
l’endemain tout li Englès en ordenance de bataille par
devant la citté de Rains, et vinrent gesir à Biaumont
15 sus Velle, car ja avoient il au desous de Rains passet
la rivière.
§ 151. Au deslogement de Biaumont sus Velle
chevauchièrent li Englès amont pour passer la belle
rivière de Marne, et vinrent à Condet sus Marne, et
20 trouvèrent le pont deffait; mais encores estoient les
[estaches] en l’aige: si trouvèrent plances et bois et
mairiens, et fissent tant que il ordonnèrent un bon pont
par où li hoos passa, et vint che jour logier à Genville
sus Marne, [et] à l’endemain en la ville de Vertus;
25 et là ot grant escarmuce au castiel et grant fuisson de
gens blechiés. Et se loga li contes de Bouquighem en
l’abbeïe de Vertus, et li autre par les villages environ.
Si fu, la nuit, li ville de Vertus toute arse, horsmis
l’abbeïe qui n’eut garde, pour tant que li contes
30 i estoit logiés. Autrement elle euist esté arse sans
deport, car cil de la ville s’estoient retrait ou fort,
[255] qui point ne se voloient racater ne rançonner. Et
ossi li hiraut de l’oost en furent mout coupable,
car il se plaindirent au conte de Bouquighem, que il
portoient et faissoient tous les tretiés des racas des
5 fors à l’avant garde, et si n’en avoient nul pourfit; et,
au voir dire, il en apartenoit à iaulx aucune cose.
Dont li contes, à la complainte de eulx, commanda
que on ardesist tout, se des racas à argent il n’avoient
leurs drois. Par enssi fu la bonne ville de Vertus toute
10 arsse, et li païs d’environ.
A l’endemain, on se desloga, et vint on passer
devant le castiel de Monmer, qui est biaulx et fors et
hiretages au signeur de Castillon. Li castiaulx estoit
bien pourveus d’artellerie et de gens d’armes, chevaliers
15 et escuiers dou païs, que li sires de Castillon i
avoit envoiiés et establis. [Si] ne se peurent aucun
compaignon de l’avant garde astenir, en passant
devant, que il ne l’alaissent veoir et asaillir à la barrière;
et là ot un petit d’escarmuce et aucunes
20 gens blechiés dou trait. Si passèrent oultre et
vinrent logier à Pelotte, en aprochant la citté
de Troies, et là se tinrent un jour; et à l’endemain
il chevauchièrent devers Planssi sus Aube. Et chevauchoit
li avant garde tout devant; et i avoit
25 aucuns compaignons anoieus de ce que il ne trouvoient
armes et aucun pourfit, et [si] savoient bien,
selonc che que on les avoit enfourmés, que en la
citté de Troies avoit grant fuisson de gens d’armes et
qui là venoient de tous lés, car li dus de Bourgongne
30 i estoit à tout grant poissance, et là avoit fait
son mandement.
Si s’avisèrent li sires de Castiel Noef et Jehans de
[256] Castiel Noef, ses frères, et Rammonnès de Saint Marsen,
Gascons et aultres, Englès et Hainnuiers, environ
quarante lances, que il chevaucheroient à l’aventure
pour trouver quelconques cose. Si chevauchièrent
5 che matin de une part et d’autre, et riens ne trouvèrent,
dont il estoient tout anoieus. Enssi que il
retournoient vers lors gens, il regardent et voient sus
les camps une route de gens d’armes qui chevauchoient
vers Troies; et c’estoit li sires de Hangiers,
10 qui voirement aloit che chemin, car li sires de Couchi,
desous qui il estoit, se tenoit à Troies. Sitos que
cil Gascon et Englès veïrent le pennon le signeur de
Hangiers et le route, il congneurent bien que il
estoient françois: si commenchièrent à brochier
15 apriès iaulx chevauls des esperons. Li sires de
Hangiers les avoit bien veus, et doubta que il
n’i euist plus grant route que il ne fuissent; si dist
à ses gens: «Chevauchons ches plains deviers
Plansi, et nous sauvons, car cil Englès nous ont descouvert,
20 et leur grosse route est priès de chi. Nous
ne les poons fuir ne escapper: il sont trop contre
nous, mais mettons nous à requelloite et à sauveté
ou chastiel de Planssi.»
Enssi comme il l’ordonna, il le fissent, et tirèrent
25 celle part. Evous les Englès venant et esperonnant
sus iaulx, qui les sieuoient de priès. Là heut un
homme d’armes de Hainnau et de Valenchiennes, de
le route le signeur de Vertaing, appert homme d’armes,
et s’apelle Pières Bro[chons], qui bien estoit
30 montés, et abaisse son glave et s’en vint sus le signeur
de Hangiers qui fuioit devant li viers Planssi, et li
adrèce son glave ens ou dos par derière, et puis fiert
[257] cheva[l] des esperons, et le cuide mettre hors de la
selle; mais non fist, car onques li sires de Hangiers
n’en perdi selle ne estriers, quoique li homs d’armes
li tenist toudis le fier au dos; et enssi boutant et
5 chevauchant, ils et sa route, s’en vinrent à Planssi. Et
droit à l’entrée dou castiel, li sires de Hangiers, par
grant apertisse de corps, sailli jus de son cheval par
devant sans prendre damage, et se deffiera dou glave,
et entra ens es fossés.
10 Chil dou castiel entendirent à lui sauver et requellier,
et vinrent à la barière, et là eut dure escarmuce,
car li François, qui estoient afui jusques à là, monstrèrent
vissage, et cil dou castiel ossi. Là traioient cil
dou castiel mout aigrement, car il avoient des bons
15 arbalestriers, et là ot fait des belles appertisses d’armes
de une part et d’autre; et à grant painne sauvèrent
il et requellièrent le signeur de Hangiers, qui très
vaillamment, en rentrant ou chastiel, se combati. Et
toudis venoit gens de l’avant garde, messires de Vertaing,
20 messires Thumas Trivès, messires Hues de Cravelée
et li autre, car leurs logeis estoit ordonnés là. Si
i souffrirent très grant painne li François, et ne peurent
mies tout entrer ou castiel, car il estoient si
priès quoitié que il n’osoient ouvrir avant la barrière
25 que il ne fuissent efforchié. Si en i ot, que de mors,
que de pris, environ trente; et dura li escarmuce
priès que trois heures, et fu li basse cours dou castiel
toute arsse, et li castiaulx [fors] asaillis de toutes pars,
mais ossi fu il bien deffendu, et furent li moulin de
30 Planssi ars et abatu. Et passa par là toute li hoos au
pont [et au gué] la rivière d’Aube, et cheminèrent
vers Vallant sus Sainne, pour là venir à la giste.
[258] Enssi fu che jour li sires de Hangiers de estre pris en
grant aventure.
§ 152. Che propre jour que toute li hoos vint
logier à Vallant sus Sainne par dessus Troies, pour
5 là passer à gué la rivière, chevauchoient li fourageur
de l’avant garde, messires Thumas Trivès,
messires Hues de Cravelée, li sires de Vertaing, li
bastars ses frères, Pières Bro[chons] et pluiseur
autre. Et ensi que compaignon qui desirent à pourfiter,
10 il en i avoit aucuns qui chevauçoient devant
à l’aventure: si encontrèrent messire Jehan
de Roie et environ vint lances des gens le duc de
Bourgongne, qui s’en aloient à Troies. Quant chil
Englès les perchurent, il ferirent des esperons apriès
15 eulx, et li François à euls sauver, car il n’estoient
mies gens assés pour les attendre; et se sauvèrent la
grigneur partie, et messires Jehans de Roie et li autre
se boutèrent ens es barrières de Troies: jusques à là
furent il cachiet. Au retour que li Englès fissent, li
20 bastars de Vertaing et ses gens en prissent quatre qui
ne se peurent sauver.
Entre les autres là avoit un escuier dou duch de
Bourgongne, qui s’appelloit Guion Goufer, appert
homme durement, desous qui ses chevaulx estoit
25 estanchiés. Si estoit arrestés as camps et avoit adossé
un noiier, et là se combatoit très vaillanment à deux
Englès qui le coitoient de mout priès, car il ne
savoient riens [de] françois, et li escuiers ne savoit
riens [d’]englès. Bien li disoient chil en englès:
30 «Ren toi! Ren toi!» et ils ne voloit riens faire,
car il ne savoit que il dissoient. Dont il le combatoient
[259] si avant que il l’euissent là occis, quant li bastars
de Vertaing, qui retournoit de la cace, vint sus
iaulx. Si descendi de son coursier, et vint à l’escuier
et dist: «Ren toi!» Chils qui entendi son langage,
5 respondi: «Ies tu gentils homs?» Et li bastars
dist: «Oïl.»--«Donc me rench je à toi.» Et li
bailla son gant et son espée. Enssi fu pris Guion
Gaufier, dont li Englès, qui l’avoient combatu, en
eurent grant engaigne, et le voloient tuer ens es
10 mains dou dit bastart, et dissoient que il n’estoit mies
bien courtois, quant il leur avoit tolut leur prisonnier;
mais li bastars estoit là plus fors que il ne
fuissent: [si] li demora. Nonpourquant, au soir, il
en fu question devant les mareschaux, mais, tout
15 consideré et bien entendu, ils demora au bastart de
Vertaing, qui le rançonna che soir et le recrut sus sa
foi et le renvoia au matin à Troies.
Et toute li hoos se loga à Valant sus Sainne. A
l’endemain, il passèrent tout à gué la rivière de
20 Sainne, et s’en vinrent logier à une petite lieuwe de
Troies en un village que on dist Barnars Saint Siple;
et là se tinrent tout quoi et se aissièrent de che que
il avoient. Et là eurent grant conseil li signeur et
les cappitainnes ensamble.
25 § 153. En la citté de Troies estoit li dus de Bourgongne,
et avoit là fait son mandement especial, très
les Englès venant et cheminant parmi le roiaulme
de France, car il avoit intencion et volenté de eulx
combatre entre la rivière de Sainne et de Yone. Et
30 ossi baron, chevalier et escuier dou roiaulme de
France ne desiroient aultre cose, mais nullement li
[260] rois de France, pour le doubte des fortunes et perils,
ne s’i voloit acorder, car tant resongnoit les grans
pertes et damages que li noble de son roiaulme avoient
eu et recheu dou tamps passet par les victoires des
5 Englès, que nullement il ne voloit que on les combatesist,
se ce n’estoit à leur trop grant avantage. Avoecques
le duck de Bourgongne estoient en la citté de
Troies li dus de Bourbon, li dus de Bar, li contes
d’Eu, li sires de Couchi, li sires de Castillon, messires
10 Jehans de Viane, amiraulx de France, li sires de
Viane et de Sainte Crois, messires Jaquemes de
Viane, messires Gautiers de Viane, li sires de la
Tremoulle, li sires de Vregi, li sires de Rougemont,
li sires de Hanbue, li senecaulx de Hainnau, li
15 sires de Saintpi, li [Barrois] des Barres, li sires de
Roie, messire Jehans de Roie, li viscontes d’Assi,
messires Guillaumes, bastars de Lengres et plus de
mille chevaliers et escuiers. Et me fu dit que li sires
de la Tremoulle estoit envoiiés à Paris, de par les
20 dus et les signeurs, au roi pour savoir son plaisir et
pour impetrer que on les peuist combatre: [si] n’estoit
point encores revenus au jour que li Englès vinrent
devant Troies. Cil signeur de France, qui bien
savoient que li Englès ne passeroient jamais sans
25 iaulx veoir et venir escarmuchier, avoient fait faire
au dehors de la porte de Troies, enssi comme au trait
d’un arck, et carpenter une bastide de gros mairiien
à manière de une requelloite, où bien pooit mille
hommes, et estoient ces bailles faites de bon bois
30 par bonne ordenance.
Au conseil dou soir, en l’oost des Englès furent
appellé toutes les cappitainnes à savoir comment à
[261] l’endemain il se maintenroient. Si fu ordonné et
arresté que tout li signeur, baron et chevalier à
bannière et à pennon, armé de leurs armes, sus chevaulx
couvers de leurs armes, en trois batailles
5 rengies et ordonnées, chevaucheroient devant Troies,
et s’arresteroient sus les camps, et envoiieroient leur
hiraut à Troies as signeurs et leur presenteroient la
bataille. Sus che conseil il souppèrent et se couchièrent,
et fissent la nuit deus gais, à cascun gait de
10 la moitiet de l’oost. Quant che vint au matin au
point de set heures, il fist mout bel et mout cler.
Dont sonnèrent les trompettes parmi l’ost, et s’armèrent
toutes gens de toutes pièches et missent
en arroi et ordenance très convegnable, enssi que
15 pour tantos conbatre. Et estoient li signeur montés
sus chevaulx couvers, parés de leurs armes,
dont les sambues et li houcement aloient jusques
en tière. Enssi estoient il vesti et houcié dessus leurs
armeures et tout paré de leur plainne armoierie,
20 cescuns sires desoulx sa banière ou son pennon,
enssi comme à lui appartenoit et que, pour tantos
entrer en bataille au plus honnourablement et notablement
que cescuns peuist, et pour eulx bien joliier
et quintoier, très estant en Engletière, avoient il mis
25 leur entente.
En celle friceté et en ordenance de bataille, tout
rengié et mout serré, banières et pennons ventelans,
tout le pas, mis en trois batailles, il s’en vinrent
devant Troies en uns biaulx plains, et là s’arestèrent.
30 Et là fu dou conte de Bouquighem appelles Camdos
et Aquitainnes, doi roi d’armes [asquels li contes
dist ensi]: «Vous en irés vers Troies et parlerés as
[262] signeurs, dont il i a grant fuisson, et leur presenterés
de par nous et nos compaignons la bataille; et leur
dirés que nous sommes issu hors d’Engletière pour
faire fait d’armes; et, là où nous les quidons trouver,
5 nous les demandons, ne autre cose nous ne
volons ne requerons, fors à faire fait d’armes contre
nos ennemis. Et pour ce que nous savons que une
partie de la fleur de la chevallerie de France reposse
là dedens, nous sommes venu en che chemin, et, se
10 il nous voellent calengier aucun droit que il dient
que il aient pour eulx, il nous trouveront sus les
camps en le fourme et manière que vous nous laissiés
et que on doit trouver ses ennemis.»--«Monsigneur,
respondirent li doi roi, nous ferons vostre
15 commandement volentiers.» Adonc se partirent li
doi roi dou conte et de lors mestres, et chevauchièrent
viers Troies. [Si] leur fu ouverte la baille de la
bastide, et les barrières ossi, et arrestèrent là, et ne
peurent venir à la porte, car il en issoient grant
20 fuisson de gens d’armes et d’arbalestriers, qui se
mettoient par ordenance en la bastide, dont il avoient
fait leur requelloite; et estoient li doi roi vesti et
paré de cottes d’armes dou conte de Bouquighem. Et
demandèrent li signeur que il voloient: il respondirent:
25 «Nous volons, se nous poons, parler à monsigneur
de Bourgongne.»
§ 154. Entrues que Camdos [et Aquitaine firent leur]
mesage deviers le duck de Bourgongne, entendirent
si signeur et mestre à ordonner leurs batailles et
30 besongnes; et quidoient ce jour pour certain avoir
la bataille, et sus cel estat il s’ordonnoient. Là furent
[263] appellé tout cil qui nouviel chevalier devoient et voloient
estre; et tous premiers messires Thumas Trivès
aporta sa banière toute envollepée devant le conte
de Bouquighem, et li dist: «Monsigneur, se il vous
5 plaist, je desvoleperoie volentiers, à le journée d’ui,
ma banière, car, Dieu merchi, je ai misse assés et
chevance pour parmaintenir l’estat tel comme à la
banière apartient.»--«Il nous plaist bien,» respondi
li contes. Adonc le prist il par l’anste, et li
10 rendi en se main, et li dist: «Messire Thumas,
Dieux vous en laist vostre preu faire chi et aultre
part!» Messire Thumas Trivès prist sa banière et le
desvolepa, et puis le bailla à un sien escuier où il
avoit la grignour fiance, et chevaucha oultre, et vint
15 à l’avant garde, car il en estoit par l’ordenance dou
connestable [le] signeur Latinier et dou mareschal de
l’oost le signeur de Fil Watier. Adonc fist là en present
li contes chevaliers ceulx que je vous nommerai:
et premiers messire Pière B[roch]on, messire
20 Jehan et messire Thumas Paulé, messire Jehan Stinquelée,
messire Thumas d’Ortingue, messire Jehan
Wallekock, messire Thumas Hersie, messire Jehan
Brainne, messire Thumas Bernier, messire Jehan
Colleville, messire Guillaume Evrart, messire Nicolle
25 Stinquelée et messire Huge de [Lume]; et à
fait que cil nouviel chevalier avoient pris l’ordenance
de chevalerie, il se traioient en la première
bataille, pour avenir premiers as fais d’armes.
Adonc fu appellés uns mout gentils escuiers de
30 la conté de Savoie, dou conte de Bouquighem, qui
autrefois avoit esté requis d’enprendre l’ordenance
de chevalerie devant Arde et devant Saint Omer et
[264] tout sus che voiage; et s’appelloit Raoulx de Gruières,
fils au conte de Gruières. Et li dist li contes de
Bouquighem enssi: «Raoul, nous arons hui, se il
plaist à Dieu et à saint Gorge, convenant d’armes:
5 si volons que vous soiiés chevaliers.» Li escuiers
s’escusa enssi que escusé s’estoit autrefois, et dist:
«Monsigneur, Dieux vous puist rendre et merir le
bien et honneur que vous me vollés, mès je ne serai
ja chevaliers, se mes naturés sires li contes de
10 Savoie ne le me fait où bataille de crestiiens operé
ne soit l’un contre l’autre.» On ne l’examina plus
avant: e[n]ssi fu il deportés à estre adonc chevaliers.
Et depuis, l’anée apriès, le fu il en Prusse; et eurent
adonc li crestiien rèse: che fu adonc quant li sires
15 de Mastaing et Jehans d’Obies et li autre de Hainnau
i demorèrent.
§ 155. De veoir l’ordenance des batailles des
Englès comment il estoient rengiet sus les camps et
mis en trois batailles, les archiers sus elle et les gens
20 d’armes ou front, che estoit très grant plaisance au
regarder; et furent, en ordonnant leurs batailles et
faissant les chevaliers nouviaulx, plus de une heure
sans point partir de là. Otant bien se ordonnoient
li François en leur bastide, car bien pensoient li
25 signeur de France que dou mains il i aroit escarmuce,
et que tels gens d’armes que li Englès estoient et
enssi ordonné, ne se partiroient point sans iaulx venir
veoir de priès. Si se mettoient tout sus celle entente
en bonne et convingnable ordenance. Et estoit li
30 dus de Bourgongne au dehors armés de toutes pièces,
une hace en sa main et un blanc baston en l’autre;
[265] et passoient tout baron, chevalier et escuier, qui
aloient vers la bastide, devant lui, et i avoit si grant
presse que on ne pooit passer avant, ne li hiraut ne
pooient oultre [passer ne aler] pour venir jusques
5 au duck et faire leur mesage, enssi que il leur estoit
cargiet.
§ 156. Avoecques les parolles chi dessus dites dou
conte de Bouquighem as deus rois hiraus, Acquitainnes
et Camdos, i avoit bien aultres, car, le
10 soir que li signeur furent à conseil en l’oost d’Engletière,
fu consilliet et dit as hiraus: «Vous ferés
che mesage et dirés au duck de Bourgongne que li
dus de Bretaigne et li païs de Bretaigne conjoins
ensamble, ont envoiiet deviers le roi d’Engletière,
15 pour avoir confort et aide à l’encontre de aucuns
barons et chevaliers de Bretaigne rebelles au duch
et liquel ne voellent obbeïr à leur signeur en la
fourme et manière que li plus sainne partie fait, mais
font guerre au païs et se sont efforcié dou roi de
20 France. Et pour ce que li rois d’Engletière voelt
aidier le duch et le païs et tenir en droit en especialité,
il a envoiiet et envoiie son bel oncle le conte de
Bouquighem et une quantité de gens d’armes pour
aller en Bretaigne et conforter le duc et le païs à leur
25 priière et requeste; et sont arivé à Calais, et ont pris
leur chemin à passer parmi le roiaulme de France,
et sont si avant venu que devant la citté de Troies, là
où il sentent très grant fuisson de signeurs et par
especial le duc de Bourgongne, fil au roi de France
30 et frère au roi de France. [Si] requ[i]ert messires
Thumas, contes de Bouquighem, fils dou roi d’Engletière,
[266] la bataille en le manière com il le voldront
avoir.»
Au baillier ces parolles, li hiraut en demandèrent
lettres, et on leur respondi que il les aroient au
5 matin. Si les demandèrent au matin, et on eut aultre
conseil que on ne leur en donroit nulles; et leur fu
dit: «Alés, et si dites che dont vous estes enfourmés;
vous estes creable assés, et, s’il voellent, il vous
en creront.» Sus cel estat estoient venu à Troies li
10 hiraut, qui ne peurent parler au duc de Bourgongne
ne faire leur mesage, je vous dirai pour quoi: on
estoit tout entouelliet, et estoit li presse si très
grande de gens d’armes alant à la porte où li dus
estoit, que il ne le pooient rompre; et si avoient ja
15 li nouviel chevalier d’Engletière commenchiet
l’escarmuce: pour quoi on estoit tout entouelliet; et
aucun chevalier et gens d’armes asquels li hiraut
parloient, dissoient bien: «Signeur, vous allés en
grant peril, car il i a mauvais commun en ceste
20 ville.» Ceste doubte, et che que il ne peurent passer,
fist retourner les hiraus sans riens faire.
Or, parlons de l’escarmuce, comment elle se porta.
§ 157. Tout dou premiers il i ot un escuier englès
qui s’apelloit [Jehan Ston], liquels estoit mout
25 apers homs d’armes, et là le monstra. Ne sai se
l’apertisse que il fist, il l’avoit de veu, mais il esperonna
son coursier le glave ou poing et la targe au
col, et vint tout fendant le chemin et les cauchies,
et le fist saillir par dessus les bailles des barrières de
30 la porte, et vint jusques à la porte où li dus de Bourgongne
et li seigneur estoient, qui tinrent ceste apertisse
[267] à grande. Li escuiers quida retourner, mais il
ne peut, car au retour ses chevaulx fu lanchiés des
glaves et là abatus, et li escuiers mors. Dont li dus de
Bourgongne fu mout courouchiés que on ne l’avoit
5 pris prisonnier.
Tantos evous les grosses batailles dou conte de
Bouquighem qui s’en viennent, banières et pennons
ventellans, et tout à piet, deviers ces gens d’armes
qui estoient en la bastide, laquelle on avoit faitte de
10 huis et de fenestres et de tables; et n’estoit pas cose,
au voir dire, que contre tels gens d’armes que li
Englès estoient, il peuissent longuement durer. Quant
li dus de Bourgongne les veï avaller si espessement
et de si grant vollenté, et que li signeur, baron et
15 chevalier, qui estoient en celle bastide, n’estoient
mies fort assés pour iaulx attendre, si commanda, et
tantost, que cascuns rentrast en la ville, horsmis les
arbalestriers. Si rentrèrent li signeur en la porte petit
à petit; et, entroes que il rentroient, li Genneuois et
20 li arbalestrier traioient et les Englès ensongnioient.
Là ot bonne escarmuche et dure, et fu tantost celle
bastide conquise, point ne dura longuement as
Englès, et reboutèrent toutes manières de gens à
force en le porte; et enssi comme il rentroient, il
25 s’ordonnoient et rengoient sus les cauchies. Là estoit
li dus de Loraingne en bonne ordenance; ossi estoit
li sires de Couchi, li dus de Bourbon et tout li
autre. Là eut entre la porte et les bailles fait tamainte
apertisse d’armes, des mors et des blechiés et des
30 pris. Quant li Englès veïrent que li François se
retraioient et que point de bataille il ne feroient fors
escarmuce, si se retraïssent tout bellement sus le
[268] place dont il estoient parti, et là furent en ordenance
de bataille plus de deus heures; et, sus la remontière,
il retournèrent en leurs logeis asés priès dou
lieu où il avoient esté logiet la nuit devant, à Saint
5 Lié priès de Barbon, et à l’endemain à Mailliers le
Visconte priès de Sens en Bourgongne. Et là demora
l’oost deus jours pour euls rafresquir et pour rançonner
le plat païs d’environ as vivres, dont il
n’avoient point assés, mès en avoient mout grant
10 deffaute.
§ 158. Vous entendés bien comment li Englès
chevaucoient le roiaulme de France et prendoient
leur chemin pour venir en Bretaigne, et disoient et
maintenoient [que] li dus de Bretaigne et li païs les
15 avoient mandés, quoique autrement il euissent bien
cause de faire guerre pour le matèr[e] et occoisson
dou roi d’Englelière, leur signeur; mais à present il se
nommoient saudoiier[s] au duc et au païs de Bretaigne.
Li rois Charles de France, qui [regnoit] pour
20 ce tamps, comme tous enfourmés de ces matères et
comme sages et visseux que il estoit, doubta les perils
et incidensses qui de ce pooient naistre et venir, [et]
regarda que, se li païs de Bretaigne avoec les Englès
li estoit contraires, sa guerre as Englès en seroit plus
25 fele et plus dure; et par especial il ne voloit mies,
quoique il fust dou duch, que les bonnes villes
de Bretaigne li fuissent ennemies et ouvertes à ses
ennemis, car, ou cas que che se feroit, che li seroit
uns trop grans prejudices. Si envoiia moiiennement
30 et secretement lettres closes, douces et gracieusses
deviers chiaulx de Nantes, qui est la clef et li chiefs
[269] de toutes les villes de Bretaigne, en remonstrant que
il s’avisaissent, et que li Englès qui cheminoient parmi
son païs, se vantoient et affremoient que il les
avoient mandés, et se tenoient leurs saudoiiers; et,
5 ou cas que il avoient che fait et voloient perseverer
en che meffait, il estoient enceu et ata[i]nt de foi
mentie, de obligacion brissie, de sentensse de pappe
encourue sus iaulx de deus cens mille florins de
paine que il pooit loiaulment ataindre sus iaulx,
10 [ou cas que il voloient brisier] les tretiés jadis fais,
accordés et seellés, requis et priés par iaulx, desquels
il avoient les coppies, et eulx ossi, c’est à entendre
li roiel; et que tous jours leur avoit esté
doulx, propisses et amis, et aidiés et confortés à
15 leurs besoings, et que il ne fesissent pas tant que il
euissent tort, car il n’avoient nul certain title ne
article de eulx trop avant plaindre de li pour eulx
bouter si avant en une guerre que de rechepvoir ses
ennemis, mais bien s’avisaissent et consillaissent
20 loiaulment; et que, se il avoient esté mal enorté et
consillié par foible conseil, che leur pardonnoit
il[s] bonnement, ou cas que il ne se vosissent mies
ouvrir contre ses ennemis les Englès; et les voloit
tenir en toutes leurs francisses jurées et renouveller
25 en tout bien, se il besongnoit.
Quant ces parolles et offres que li rois de France
offroit et presentoit à ciaulx de Nantes, furent leues
et entendues, si regardèrent sus, et dissent bien li
plus notable de la ville que li rois de France avoit
30 droit et cause de remonstrer tout ce que il dissoit, et
que voirement avoient il juret, proumis et escript et
seellé que ja ne seraient ennemi au roi de France ne
[270] aidant à ses ennemis. Si coumenchièrent à estre sus
leur garde et renvoiièrent secretement deviers le roi
de France que de ce il ne s’en sousiast en riens, car
ja les Englès à main armée, pour grever ne guerriier
5 le roiaulme de France, il ne metteroient ne soustenroient
en leur ville, mais il voloient, se il besongnoit,
estre aidiet et conforté des gens le roi, et à ceulx il
ouveroient leur ville, et as aultres non. Li rois de
France, qui ooit tous ces tretiés, s’en tenoit bien à
10 leur parolle, car voirement en Nantes ont il tousjours
esté bon et loial François; et de tout ce ne savoit encores
riens li dus de Bretaigne, qui se tenoit à Vennes,
mais quidoit bien que cil de Nantes deuissent
demorer dallés li et ouvrir leur ville as Englès,
15 quant il venroient.
Or retournons as Englès qui estoient logiet assés
priès de Sens en Bourgongne, en laquelle citté, pour
la doutance de eulx, avoit grant garnisson de gens
d’armes; et s’i tenoit li dus de Bar, li sires de Couchi,
20 li sires de Saintpi et li sires de Fransures et
leurs routes.
§ 159. Quant li contes de Bouquighem et leurs
routes se furent repossé et rafresqui à Mailliers le Visconte
assés priès de Sens en Bourgongne, il eurent
25 conseil dou deslogier et de eulx traire en ce bon païs
et cras de Gastinois. Si se deslogièrent un merquedi
au matin, et che jour il passèrent au pont deseure
Sens la rivière d’Yone, et vinrent ce jour logier à
Jenon à une lieue de Sens; et vinrent leur fourageur
30 courir jusques ens es fourbours de Sens, et puis s’en
retournèrent, ne il n’i ot fait nul esploit d’armes
[271] che jour ne le soir ensieuant, qui face à ramentevoir.
A l’endemain, il se deslogièrent, et vinrent logier à
Saint Jehan de Nemousses et là environ, et l’autre
jour apriès à Biane en Gastinois, et l’autre jour à
5 Peuviers en Gastinois; et demora l’oost là trois jours
pour le bon païs et cras que il trouvèrent. Et eurent
là conseil ensamble quel chemin il tenroient, ou la
plainne Biause, ou se il sieuroient la rivière de Loire:
consillié fu que il chevaucheraient la Biausse. Si se
10 deslogièrent de Peuviers au quatrime jour, et
chevauchièrent vers Tori en Biause.
Ens ou castiel de Thori estoient li sires de Saintpi,
messires Oliviers de Mauni, messires Guis li Baveus
et grant fuisson de gens d’armes. Oultre, en Ianville
15 en Biausse estoient en garnisson li Bèges de [Vilaines],
li [Barois] des Bares et pluiseurs autres, environ trois
cens lances. Par tout les fors et les castiaulx de
Biausse estoient gens d’armes mis et bouté pour garder
le païs encontre les Englès. Chils de l’avant garde
20 de l’oost d’Engletière, quant il furent venut à Thori,
ne se peurent astenir, ne ossi il ne vorrent, que il
n’alaissent veoir chiaulx dou fort et escarmuchier à
eulx. Et vinrent as barrières dou castiel li sires de
Saintpi, messires Guis li Baveus et li chevalier et li
25 escuier qui là dedens estoient en[s], cascuns sus sa
garde, enssi que ordonné devant estoient; et là ot
bonne escarmuche et dure, lanciet, trait et ferut,
navrés [et] blechiés des uns et des aultres, et fais pluiseurs
grans appertisses d’armes. Si estoit li contes de
30 Bouquighem, li avant garde et li arriere garde, logiet
à Thori en Biausse et là environ; si trouvoient li
fourageur des vivres à grant plenté, et ossi il avoient,
[272] [ou] païs de Gastinois dont il estoient issut, abbeïes et
belles maisons rançonnées à vins, que il avoient mis
sus leurs carios en tonniaulx et en grans flascons et
baris, dont il se tenoient tout aisse.
5 A l’escarmuce de Thori en Biausse eut là un escuier
de Biausse, gentil homme et de bonne vollenté, qui
s’avança de son fait sans mouvement d’autrui et vint
à la barrière tout en escarmuchant, et dist as Englès:
«A là nul gentil homme qui, pour l’amour de sa
10 dame, voldroit faire aucun fait d’armes? Se ils en
i a nuls, vés me chi tout aparilliet pour issir hors
armés de toutes pièces, montés à chevaulx, jouster
trois cops de glave, ferir trois cops de hache et trois
cops de dage. Si en ait qui puet, et tout pour
15 l’amour de sa dame. Or vera on entre vous, Englès,
se il i a nul amoureux.» Et on appeloit l’escuier françois
Gauwain Micaille. Ceste parolle et requeste fu
tantos espandue entre les Englès. Adonc se traïst
avant uns escuiers englès, appert compaignon et bien
20 joustant, qui s’appeloit Janekin Kator, et dist: «Oïl,
oïl, je le voel delivrer, et tantos faictes le traire
hors dou castiel.» Li sires de Fil Watier, qui
estoit mareschaulx de l’oost, vint aus barrières et
dist à messire Gui le Baveus, qui là estoit: «Faites
25 vostre escuier venir hors: il a trouvé qui le delivera
très volentiers, et l’asseurons en toutes coses.» Gauwains
Micaille fut mout resjoïs de ces parolles et
s’arma incontinent; et l’aidièrent li signeur à armer
de toutes pièces mout bien, et monta sus un bon
30 cheval que on li delivra. Si issi hors dou chastiel, li
troisime; et portoient si varllet trois lances, trois
dages et trois haces. Et sachiés que il fu mout regardés
[273] des Englès, quant il issi hors; et li tenoient celle
emprisse à grant outrage, car il ne quidoient mies
que nuls François cors à cors se osast combatre. Encores
en ceste emprise i avoit trois cops d’espée, et
5 toutes trois Gauwains les fist porter avoecques li,
pour l’aventure dou brissier.
§ 160. Li contes de Bouquighem, qui estoit ja à son
logeis, fu enfourmés par les hiraus de ceste ahatie:
si dist qu’il le volloit veoir, et monta à cheval, le
10 conte d’Askesufort et le conte de Douvesciere [et
pluisieurs autres barons et chevaliers] dallés li; et
par ceste ahatie cessa li assaulx à Thori, et se retraïssent
tout li Englès pour veoir le jouste. Quant li contes
de Bouquighem et li signeur furent là venu, on fist
15 venir avant l’Englès qui devoit jouster, qui s’appelloit
Janekins Cator, armés de toutes pièches et montés
sus un bon cheval. Quant il furent en la place où li
jouste devoit estre, tout se rengièrent de une part et
d’autre, et leur fist on voie, et leur bailla on cascun
20 sa lance bien enfierée. Il se joindirent en leurs targes
et abaissièrent leurs lances et esperonnèrent les chevaulx;
et vinrent l’un sus l’autre, au plus droit que
il peurent, sans iaulx espargnier au samblant que il
monstroient. Ceste première jouste, il faillirent par
25 le desroiement de lors chevaulx; à la seconde jouste,
il se consieuirent, mais che fu en vuidant. Adonc dist
li contes de Bouquighem pour tant que il estoit sus
le plus tart: «Hola! ho!» Et dist au connestable, le
signeur Latinier, et au mareschal: «Faictes les cesser:
30 il en ont fait assés meshui. Nous leur ferons faire et
acomplir leur emprisse d’aultre part, à plus grant
[274] loisir que nous n’aions ores, et gardés bien que li
escuiers françois n’ait nulle faute que il ne soit ossi
bien gardés que li nostres; et dictes ou faites dire à
ceulx dou castiel que il ne soient en nul soussi de
5 leur homme, et que nous l’enmenons avoecques nous
pour parfurnir son emprise, non pas comme prisonnier,
et, li delivré, se il en puet escaper vifs, nous leur
renvoierons sans nul peril.» La parolle dou conte fu
acomplie, et fu dit à l’escuier françois dou mareschal:
10 «François, vous chevaucherés avoecques nous
sans peril; et, quant il plaira à Monsigneur, on vous
delivera.» Gauwains dist: «Dieux i ait part!»
Tantos fu tart, on ala soupper. On envoiia un hiraut
à chiaulx dou castiel, qui leur dist les parolles que
15 vous avés oïes. Enssi se porta ceste journée, ne il n’i
ot plus riens fait.
§ 161. A l’endemain, on sonna mout matin les
tromppètes de deslogement: si se missent en arroi et
au chemin toutes manières de gens, et chevauchièrent
20 en bonne ordonnance tout enssi comme il
avoient en devant fait, vers Ianville en Biausse. Si
fist che jour mout bel et mout cler, et estoient en
trois batailles, la bataille dou connestable et dou mareschal
devant, et puis, le conte de Bouquighen, le
25 conte d’Asquesufort et le conte de Douvesciere et
leur bataille, et puis, aloit tous leurs carois; et puis,
venoit l’arriere garde, dont messires Guillaume de
Widesore estoit chiés. Et vous di que il ne furent
onques si asseuré, en cheminant parmi le roiaulme
30 de France, que il n’euissent espoir tous les jours de
estre combatu, car bien savoient que il estoient
[275] poursieuwi des François et costiiet de otant de gens ou
plus que il ne fuissent. Et voirement li signeur, duc,
conte, baron, chevalier et escuier et gens d’armes dou
roiaulme de France, qui les poursieuoient, en estoient
5 en grant vollenté et les desiroient mout à combatre,
et dissoient entre iaulx li pluiseur, sus les camps et
en leurs logeis, que ce estoit grans blasmes et grant
virgongne, quant on ne les combatoit. Et tout ce dou
non combatre se brissoit par le roi de France, qui tant
10 doubtoit les fortunes que nuls rois plus de li, car
li noble dou royaulme de France, par les batailles que
il avoient donnet as Englès, avoient tant perdu dou
tamps passet que à painnes faissoient il à recouvrer.
Et quant on l’emparloit de che voiage, il respondoit:
15 «Laiiés leur faire leur chemin: il se degasteront
et perderont par eulx meïsmes, et tout sans bataille.»
Ches parolles dou roi rafrenoient de non
combattre les Englès, liquel aloient toudis avant, sus
l’intencion d’entrer en Bretaigne, car à che faire il
20 avoient enssi premierement empris leur chemin en
Engletière, comme vous avés oï.
§ 162. Ens ou fort de Ianville en Biausse avoit
plus de trois cens lances de François; et là dedens
estoient li Barois des Bares, li [Bèges de Vilaines],
25 messires Guillaumes li Bastars de Lengres, messires
Jehan de Relli, li sires de Hangiers, li sires de Mauvoisin
et pluiseur autre chevalier et escuier. Si passèrent
li avant garde et li arriere garde et tout cil de
l’oost pardevant Ianville, et ot as barrières un petit
30 d’escarmuce; mais li arriere garde et tout cil de
l’oost pardevant Ianville passèrent tout oultre, car
[276] tantos li assaus se cessa, car li Englès i perdoient
leur painne. Au dehors de Ianville a un bel moulin
à vent; si fu abatus et tout deschirés. Assés priès de
là a un gros village que on dist à Puisset, et là vinrent
5 cil de l’avant garde disner, et li contes de Bouquighem
se disna à Iterville et descendi à le maison
des Templiers. Cil qui estoient au Puisset entendirent
que il avoit une grosse tour qui là siet sus une
motte, [en laquelle avoit] environ soissante compaignons.
10 Si ne se peurent astenir cil de l’avant garde
que il ne les alaissent veoir et asaillir, et l’environnèrent
tout autour, car elle siet en plainne terre
à petit de deffensse. Là eut grant assault, mais il
ne dura point longuement, car cil archier traioient
15 si ouniement que à painnes ne s’osoit nuls mettre
ne apparoir aus garittes ne aus deffensses. Si fu
la tour prisse, et cil dedens mort et pris, qui le gardoient;
et puis boutèrent li Englès le feu dedens,
de quoi tous li carpentages ceï, et puis passèrent
20 oultre. Et se hastoient li Englès de passer delivrement
celle Biausse, pour le dangier des aiges dont il
estoient à grant meschief pour euls et lors chevaulx,
car il ne trouvoient que puis moult parfons, et à ces
puis n’avoient nuls seaulx. Si avoient, à trop grant
25 dangier, de l’aige et eurent tant que il vinrent à
Ourmoi, et là se logièrent sur la rivière de la
Kenie; et là se reposèrent et rafresquirent deus
nuis et un jour. A l’endemain, il se deslogièrent et
s’en vinrent à Villenuefve la Freté, en la conté de
30 Blois, à la veue dou Chastiel Dun, et s’en vinrent
logier en la forest de Marceaunoi en Blois; et là s’arresta
toute l’oost, pour le plaissant lieu et bel que
[277] il i trouvèrent, et s’i repossèrent et rafresquirent
trois jours.
§ 163. Dedens la forest de Marceaunoi a une très
belle et bonne abbeïe de monnes de l’ordene de Chistiaux,
5 et properment on appelle celle abbeïe Cistiaux.
Et est l’abbeïe raemplie de mout grans et biaux edefisses,
et le fist jadis fonder et edefiier uns mout
vaillans et preudons qui s’appella li contes Tiebaus de
Blois, et i laissa et ordonna grans revenues et bielles;
10 mais les guerres les ont mout amenries et afoiblies
depuis. Li monne qui pour le tamps estoient en
l’abbeïe furent souspris des Englès, car il ne quidoient
mies que il deuwisent faire che chemin. Si
leur tourna à contraire, quoique li contes de Bouquighem
15 fesist faire un bant sus la teste que nuls ne
fourfesist à l’abbeïe ne de feu ne d’autre cose, car le
jour Nostre Dame en septembre il i oï messe, et fu
là tout le jour, et i tint son estat et cour ouverte as
chevaliers de son hoost. Et là fu ordonné que Gauwains
20 Micaille, françois, et Jankeins Cator parferoient
à l’endemain leur emprise.
Che jour vinrent li Englès veoir le castiel de Marceaunoi,
qui est en la conté de Blois, et i a un très
bel fort et de belle veue. Pour le tamps, en estoit
25 cappitains et gardiiens uns chevaliers dou païs au
conte de Blois, qui s’appelloit messires Guillaumes de
Saint Martin, sage homme et vaillant as armes; et
estoit tous pourveus et avissés avoecques ses compaignons
de deffendre le castiel, se on les euist asaillis,
30 mais nennil. Quant li Englès en veïrent le manière,
il passèrent oultre, et retournèrent en leurs logeis, en
[278] la forrest de Marceaunoi. D’autre part, li sires de
Vievi en Blois estoit en son castiel au dehors de la
forrest, qui siet sus le chemin de Dun et de Blois; et
avoit li sires de Vievi grant fuisson de chevaliers et
5 escuiers avoecques li, qui tout s’estoient obligiet au
bien deffendre et garder le lieu, se il estoient asailli.
Et les vint veoir li sires de Fil Watier, mareschaulx
de l’ost, et sa route, non pour asaillir, mais pour parler
au chevalier à la barrière, car bien le connissoit,
10 car il s’estoient veu tout doi en Prusse. Li sires de
Fil Watier se fist connissables au signeur de Vievi et
li pria que il li envoiiast de son vin par sa courtoisie;
et toute sa terre en seroit respitée de non
ardoir et de estre courue. Li sires de Vievi l’en envoiia
15 bien et largement, et trente blances mices
avoecq, dont li sires de Fil Watier li sceut grant gret
et li tint bien son convenant.
§ 164. A l’endemain dou jour Nostre Dame, on fist
armer Gauwain Micaille et Janekin Kator et monter
20 sur leurs chevaulx, pour parfaire devant les signeurs
leur ahatie. Si s’en[tren]contrèrent de fiers de glaves
mout roidement et jousta li escuiers françois à la puissance
dou conte mout bien. Et li Englès le feri trop
bas en la quisse, tant que il li bouta son fier de glave
25 tout oultre le quisse: de ce que il le prist si bas, fu
li contes de Bouquighem tous courouchiés; ossi furent
li signeur, et dissent que c’estoit mal honnerablement
jousté. Depuis furent ferut li troi cop
d’espée, et feri cascuns les siens. Adonc dist li contes
30 que il en avoient assés fait, et voloit que il n’en fesissent
plus, car il veoit l’escuier françois fort sanner.
[279] A ceste ordenance se tinrent tout li signeur. Si fu
Gauwains Micaille desarmés et remués et mis à point;
et li envoiia li contes de Bouquighem par un hiraut
en son logeis cent frans, et li donnoit congiet de
5 retraire sainnement deviers ses gens, et li mandoit
que il s’estoit bien acquités. Si s’en retourna Micaille
deviers les signeurs de France, qui se tenoient amassé
sus le païs en pluiseurs lieus; et li Englès se departirent
de Marcheaunoi et prissent le chemin de Vendome,
10 mais avant il se logièrent en la forrest dou
Coulembier.
§ 165. Vous savés comment li rois Charles de
France, qui se tenoit à Paris, traitoit quoiement et
secretement deviers les bonnes villes de Bretaigne à
15 le fin que il ne se vosissent mies ouvrir pour requellier
les Englès, et là où il le feroient, il se fourferoient
trop grandement, et seroit cils fourfais impardonnables.
Chil de Nantes, qui est la clef des cittés et
bonnes villes de Bretaigne, li remandèrent secretement
20 que il n’en fust en nulle doubte, que ossi ne
feroient il, quel samblant ne quel tretiet que il euissent
enviers leur signeur; mais il voloient, se li
Englès aprochoient, que on leur envoiiast gens d’armes,
tant que pour bien tenir et garder la ville et les
25 bonnes gens contre leurs ennemis. De che faire estoit
li rois de France en grant vollenté, et l’avoit recargiet
à son conseil. De tous ces tretiés estoit enssi que
tous mestres et souverains messires Jehans de Buel,
de par le duc d’Ango qui se tenoit à Angiers. Li dus
30 de Bourgongne se tenoit en le citté del Mans; par
toutes les villes et les castiaulx de là environ se
[280] tenoient li signeur, li dus de Bourbon, li dus de
Lorrainne, li dus de Bar, li contes d’Eu, li sires de
Couchi et tant de gens d’armes que il estoient plus
de six mille hommes d’armes; et dissoient bien entre
5 iaulx, vosist ou non li rois, que il combateroient les
Englès, anchois que il euissent passet la rivière de
Sartre, qui depart [le Maine] et Ango.
En che tamps, prist une maladie au roi de France,
dont ils principaulment et tout cil qui l’amoient
10 furent mout esbahi et desconforté, car on n’i veoit
point de retour ne de remède, que il ne convenist
dedens briefs jours passer oultre et morir. Et bien en
avoit il meïsmes la connissance: ossi avoient si
surgiien et si medechin, je vous dirai pourquoi et
15 comment. Veritez fu, selonc le fame qui adonc courut,
que li rois de Navare, dou tamps que il se tenoit
en Normendie et que li rois de France estoit dus de
Normendie, il le volt faire enpuissonner; et rechut
li rois de France le venin, et fu si avant menés que
20 tout li cheviel dou chef li cheïrent et toutes les ongles
des mains et des piés, et devint ossi secks que uns
bastons, et n’i trouvoit on point de remède. Ses
oncles, li emperères de Romme, oï parler de sa maladie:
[si] li envoiia tantos et sans delai un maistre
25 medechin que il avoit dallés [lui], le meilleur maistre
et le plus grant en sience qui fust en che tamps ou
monde ne que on seuist ne conneuist, et bien le
veoit on par ses oevres. Quant chils maistres medechins
fu venus en France dallés le duc de Normendie
30 et il ot la connissance de sa maladie, il dist que il
estoit enpuissonnés et en grant peril de mort; si fist
adonc, en che tamps, de celi qui puis fu li rois de
[281] France, la plus belle cure que on euist onques oï
parler, car il amorti tout ou en partie le venin que
il avoit pris et rechu sur li, et li fist recouvrer
cheviaulx et ongles et santé, et le remist en point et
5 en force d’omme, parmi tant que cils venins petit à
petit li issoit parmi une petite pistoule que il avoit
ou brach; et à son departement, car on ne peut le
retenir en France, il donna une rechepte dont on
useroit, tant comme il viveroit. Et bien dist adonc au
10 roi de France et à cheulx qui dallés li estoient: «Si
tretos que ceste petite pistoulle laira le couller et
seccera, vous morrés sans point de remède, mais vous
arés quinse jours ou plus de loisir, pour vous avisser
et penser à l’ame.» Bien avoit li rois de France
15 retenu toutes ces parolles, et porta ceste pistoulle
vint et trois ans, laquelle cose par pluiseurs fois l’avoit
mout eshidé. Et les gens ou monde pour sa santé
où il avoit la grignour fiance, ce estoit en bons mestres
medecins; et cil medecin le confortoient et resjoïssoient
20 mout souvent, et li dissoient, parmi les
bonnes recceptes que il avoient, il le feroient tant
vivre par nature que bien deveroit souffire. De ces
parolles se contemptoit et contempta li rois mout
d’anées et vivoit en joie à le fois sus leur fiance.
25 Avoecq tout ce, d’autres maladies dedentrainnes
estoit li rois trop durement grevés et bleciés, et par
especial dou mal des dens: de che mal avoit il si
grant grief et si grant rage que on ne l’adiroit à nul
homme.
30 Et bien sentoit li rois par ses maladies dont il
estoit tant bleciés que il ne pooit longement vivre;
et la cause del monde, sus la fin de son terme, qui
[282] plus le reconfortoit et resjoïssoit, c’estoit que Dieux
li avoit donné trois biaux enffans vivans, deus fieulx
et une fille, Charlle, Loïs et Kateline. Siques, quant
ceste pistoulle comenchia à sechier et non à couller,
5 les doutes de le mort le commenchièrent à aprochier:
si ordonna, comme sages et vaillans homs que il estoit,
toutes ses besongnes, et manda ses trois frères ens
esquels il avoit la grignour fiance, le duc de Berri, le
duc de Bourgongne et le duc de Bourbon, et laia
10 derrière le duc d’Ango, son second frère, pour tant
que il le sentoit convoiteus; et dist as trois dessus dis:
«Mi biau frère, par ordenance de nature, je sench
bien et congnois que je ne puis longuement vivre: si
vous remande et recarge Charle, mon fil, et usés en
15 enssi que bon oncle doient user de leur nepveut, et
vous en acquittés loiaulment et [le] couronnés à roi
au plus tost apriès ma mort que vous poés, et li consilliés
en tous ses affaires loiaulment, car toute ma
fiance en gist en vous. Et li enffes est jones et de
20 legier esprit: si ara mestier que il soit menés et gouvrenés
de bonne doctrine; et li ensengniés et faites
ensengnier tous les poins et les estas roiaulx qu’il
doit et devera tenir; et le mariés en lieu si hault que
li roiaulmes en vaille mieux. Je ai eu lonc tamps un
25 mestre astronomiien, qui dissoit et affermoit que en
sa jonèce il aroit mout à faire et isteroit de grans perils
et de grans aventures: pour quoi, sus ces termes,
je ai eu pluiseurs imaginacions et mout penssé coment
che poroit estre, se che ne vient et naist de la
30 partie de Flandres; car, Dieu merchi, les besongnes
de nostre roiaulme sont en boin point. Li dus de Bretaigne
est uns cauteleux homs et diviers, et a eu tousjours
[283] le corage plus englès que françois: pour quoi
tenés les nobles de Bretaigne et les bonnes villes à
amour, et par ce point vous li briserés ses ententes:
je me lo des Bretons, car il m’ont toudis servi
5 loiaument et aidiet à garder et à deffendre contre
mes ennemis mon roiaulme. Et faittes le signeur de
Cliçon connestable de France, car, tout consideré, je
n’i sai nul [plus] propise de li. Enquerés pour le mariage
de Charle, mon fil, en Allemaigne, par quoi les
10 aliances i soient plus fortes. Vous avés entendu comment
nostre aversaire s’i doit et voelt mariier: ce est tout
pour avoir plus d’alliances. De ces aides dou roiaulme
de France, dont les povres gens sont tant travilliet
et grevés, usés ent à vostre consience, et les hostés
15 dou plus tost que vous poés, car che sont coses, quoique
je les aie soustenues, qui mout me grèvent et
poissent en corage; mès les grandes guerres et les
grans aliances que nous avons eu à tous lés, pour la
cause de ce pour avoir le misse, m’i ont fait entendre.»
20 Pluiseurs parolles telles et aultres, lesquelles je ne
peusse pas toutes oïr ne savoir, remonstra li rois
Charlles de France à ses frères, present Carle le
dauffin, son fil, et le duc d’Ango absent; car bien volloit
li rois de France que li autre s’ensonniaissent en
25 chief des besongnes dou roiaulme de France et li dus
d’Ango, ses frères, en fust assentés, car il le doubtoit
mervilleusement, et convoiteux le sentoit: [si] resongnoit
che peril. Mais, quoique li rois de France le
absentast ou lit de le mort et eslongast des besongnes
30 de France, li dus d’Ango ne s’en absenta ne eslonga
pas trop, car il avoit mesagiers allans et venans toudis
songneusement entre Angiers et Paris, qui li raportoient
[284] le certainneté dou roi; et avoit li dus d’Ango
gens secretaires [dalés] le roi, par lesquels, de jour
en jour, il savoit tout son estat; et au destroit jour
que li rois de France trespassa de che siècle, il estoit
5 à Paris et assés priès de sa cambre et i entendi
pour li, enssi que vous orés tamprement recorder.
Mais nous poursieurons la matère des Englois, et
recorderons petit à petit comment il cheminèrent et
quel chemin il tinrent et fissent, anschois que il venissent
10 en Bretaigne.
§ 166. Quant li contes de Bouquighem et toutes
ses routes se departirent de la forrest de Marceaunoi,
en la conté de Blois, il cheminèrent vers Vendosme
et vers le foriest dou Coulembier; et estoient
15 cil de l’avant garde trop courouchié de ce que il ne
trouvoient mais nulles aventures. Che propre jour
que il se deslogièrent de la foriest dou Colombier et
que il chevauchoient priès de Vendome, li avant
garde chevauchoit tout devant, enssi que raissons
20 est: si chevauchoient ensamble messires Thumas
Trivès et messires Guillaumes Clinthon, environ quarante
lances. Si encontrèrent sus leur chemin d’aventure
le signeur de Hangiès qui s’en venoit à Vendome
et avoit en sa route environ trente lances. Li Englès
25 congneurent tantos que ce estoient François: si
esperonnèrent caudement sus iaulx et abaissièrent
les glaves. Li François, qui ne se veoient pas à jeu
parti, n’eurent tallent d’atendre, car il estoient priès
de Vendome: si esperonnèrent celle part pour eulx
30 mettre à sauveté, et Englès apriès, et François devant.
Là furent ruet jus de cops de glaves Robers de Hangiers,
[285] cousins au signeur, et Jehans de Mon[t]igni et
Guillaume de Launai et encores cinq ou six; et
furent tantos enclos, et les convint rendre prisonniers
ou pis finer. Li sires de Hangiers vint si à
5 point à la barière que elle estoit ouverte: si descendi,
et entra dedens, et puis prist son glave, et se mist
vaillanment à deffensse; et furent petit à petit tout si
compaignon requelliet, et enssi que il venoient, il
descendoient et se mettoient à deffensse. Toutesfois, il
10 en i ot des prisonniers jusques à douse, et puis
retournèrent li Englès. Enssi alla de ceste aventure.
Che propre jour aussi chevauchoient Robiers Canolles
et sa route: si encontra et trouva le signeur
de Mauvoisin et sa route. Si se ferirent li un dedens
15 l’autre, Englès et François, car il estoient assés à jeu
parti. Et ne daigna li sires de Mauvoisin fuir, mais
se combati à piet mout vaillanment; mais finablement
messires Robiers Canolles le prist de sa main,
et fu son prisonnier. Et che jour passa l’oost devant
20 Vendome et la rivière de Lar, et vint logier et gesir
à Ausie, en la conté de Vendome, et l’endemain à
Saint Callais; et là se repossa l’oost deus jours. Au tier
jour, il se deslogièrent et vinrent à Lussé, et l’endemain
au Pont Volain.
25 § 167. Enssi cheminoient li Englès et ne savoient
à qui parler, car nuls ne leur aloit au devant ne au
devant de leur chemin. Si estoit tous li païs cargiés
et raemplis de gens d’armes, et en i avoit à
merveilles grant fuisson en la citté del Mans et
30 en la citté d’Angiers. Et s’en vint adonc li dus
d’Ango par Tours en Tourainne et par Blois et par
[286] Orliiens à Paris, car il entendi que li rois, ses frères,
agrevoit mout et que il n’i avoit point de retour; si
voloit estre à son trespas. Et pour ce ne se departoient
mies les gens d’armes de leurs garnissons, mais
5 poursieuoient et costioient les Englès à leur loial
pooir, sans euls abandonner entre iaulx trop avant.
Et ordonnèrent les gens d’armes de France, qui
connissoient les passages des rivières, que, sus la rivière
de Sartre, laquelle il convenoit les Englès passer, car
10 [si] il faissoient ce chemin, il les ensonnieroient mallement
et les encloroient, se il pooient, ou païs: par
quoi il les afameroient, et puis les aroient à volenté
et les combateroient à leur avantage, vosist li rois de
France ou non. Si fissent li signeur de France, qui le
15 plus estoient usé d’armes, sus le passage par où il
convenoit les Englès passer, en la rivière de Sartre,
avaler gros mairiiens aguissiés et ferir à force en la
rivière, par quoi eulx ne leurs carois ne peuissent
passer; et encores, au descendement de la rivière, au
20 prendre tière, il fissent fosser grans fossés et parfons,
par quoi on ne peuist ariver. Enssi ordonnèrent il
leur besongne, pour donner grant empecement as
Englès.
Or cheminoient li contes de Bouquighem et ses
25 routes, quant il se partirent dou Pont Volain; et passèrent
la forrest del Man[s] et vinrent sus la rivière de
Sartre, et là s’aresta toute li hoos, car il ne trouvoient
ne veoient point de passage, car la rivière est grosse
et parfonde et trop malle à passer, se ce n’est sus les
30 certains pas là où on le passe sans pons. Li avant
garde, qui chevauchoit devant, avoit quis et cargiet
desous et desus la rivière à tout lé; [mais] on n’i
[287] trouvoit point de passage fors en che lieu où li mairiien
estoient mis et planté à force dedens la rivière.
Adonc descendirent li signeur et imaginèrent le passage,
et dissent: «Par ci, se nous volons [aler] oultre,
5 nous faut passer, car ailleurs ne trouvons nous point
de passage.»--«Or, avant! dissent toutes manières
de gens d’armes; il ne nous fault point espargnier:
il nous faut à force [oster] et traire hors ces mairiiens
de l’aige, qui nous tollent le passage.» Là veïssiés
10 barons, chevaliers et escuiers entrer en la rivière qui
estoit rade et courans, et iaulx mettre en grant aventure
d’aler aval, car il estoient armé de toutes pièces
horsmis leurs bachinès, et là s’aherdoient à ces mairiiens
traire hors à force; et eurent, je vous di, mout
15 de painne anchois que il les peuissent avoir hors, si
parfont i estoient il fichiet. Toutesfois, finablement
il les eurent et traïssent tous hors, et laissièrent aler
aval l’aige; et quant il eurent che fait, encores eurent
il mout de painne à ravaler [et] ouniier le rivage,
20 pour passer ouniiement leur carroi: onques gens
n’eurent tant de painne. Or regardés se les François qui
les poursieuoient et qui les desiroient à combatre,
seuissent che convenant, se il ne leur euissent porté
grant damage, car li premier ne peuissent avoir aidiet
25 ne conforté les daarrains ne li darrains les premiers,
pour les grans marescages que il i avoient à passer.
Toutesfois, tant fissent li Englès et tant esploitièrent
que il furent tout oultre, carroi et tout, et vinrent
che jour logier à Noion sus Sartre.
30 § 168. Che propre jour que li Englès passèrent
le rivière de Sartre à si grant painne, comme
[288] vous avés oï, trespassa de che siècle, à son ostel
à Saint Pol sus Saine, li rois de France Charles. Si
tretos que ses frères, li dus d’Ango, sceut que il
avoit clos les iex, il fu saisis de tous les jeuiaulx dou
5 roi, son frère, dont il avoit sans nombre, et fist tout
mettre en sauf lieu à garant pour li; et esperoit que
il li venroient bien à point à faire son voiage où il tendoit
aller, car ja s’escripsoit il rois de Sesille, de Puille
et de Calabre et de Jherusalem. Li rois Charles de
10 France, selonc l’ordenance des roiaulx, fu aportés
tout parmi la citté de Paris à viaire descouvert, ses
frères et si doi fil derrière li, jusques à l’abbeïe de
Saint Denis, et là fu ensepvelis mout honnerablement,
enssi comme en devant, lui vivant, il l’avoit
15 ordonné; et gist messires Bertrans de Claiekin, qui
fu ses connestables, à ses piés. Et vous di, quoique
li rois Charles, ou lit de le mort, euist ordonné ses
aultres frères à avoir le gouvrenement du roiaulme
de France dessus le duc d’Ango, [si] n’en fu riens fait,
20 car il se mist tantost en posession et en resgne par
dessus tous, reservé ce que il voloit que Charles, ses
biaux nepveux, fu couronnés à roi; mais il voloit avoir
le gouvrenement dou roiaulme ossi avant que li autre
ou plus, pour la cause de ce que il estoit ainnés:
25 nuls, ou roiaulme de France, ne li osoit ne voloit
debattre son pourpos. Et trespassa li rois de France
environ le Saint Michiel.
Tantos apriès son trespas, li per et li baron de
France regardèrent et avissèrent que, à le Tousains
30 apriès, on couronneroit le roi à Rains. A che pourpos
se tinrent bien li troi oncle, Ango, Berri et Bourgongne,
mès que il euissent le gouvrenement dou
[289] roiaulme tant et si longuement que li enffes aroit
son eage, c’est à entendre vint et un ans. Et tout
che fissent il jurer les haus barons et prelas dou
roiaulme de France. Adonc fu segnefiiés li couronnemens
5 dou jone roi ens es païs lontains, au duc de
Braibant, au duc Aubiert, au conte de Savoie, au
conte de Blois, le conte Jehan, au duck de Gerlles,
au duc de Jullers, au conte d’Erminach, au conte de
Fois. Li dus de Bar, li dus de Lorraine, li dauffins
10 d’Auviergne, li sires de Couchi estoient en le poursieute
des Englès: si ne furent mies si trestos remandé,
mais li contes de Flandres en fu priiés et
segnefiiés de estre en la citté de Rains au jour qui
assignés i estoit expresseement; on le nommoit le
15 jour de la Tousains, qui devoit estre en diemenche.
De le mort dou roi de France furent cil de Gaind
grandement courouchiet, car bien sentoient que il
aroient plus dur tamps, pour le nouviel conseil que
cils jones rois aroit, que il n’avoient eu, car li rois
20 Carles, de bonne [memoire], leur guerre durant, il
leur avoit esté mout propisses, pour tant que il
n’amoit c’un petit le conte de Flandres.
Or parlons des Englès, et puis nous retournerons
au couronnement dou jone roi Charle, et recorderons
25 petit à petit les termes de son resgne et
quels coses li avinrent.