20 Hantonne à tout deus cens hommes d’armes et quatre
cens archiers, entendi par gens qui furent pris sur
mer en une nef normande, que l’armée dou duc de
Lenclastre avoit nettiet tous les havenes de Normendie
des Franchois, et que nuls n’en y avoit sur mer.
25 Si ordonna tantost ses vaisseaux et ses besoingnes et
quatre nefs chargies de pourveances, et puis entra en
sa navie. Il heut vent à volenté; si s’en vint ferir ou
havene de Chierebourcq, où il fut des compaignons
receus à grant joie. Et demora li castiaux de Chierebourcq
30 en la garde et ou peril des Englès, et s’en
[partirent] li Navarois. Mais pour ce ne s’en parti
[73] mies Pierres Bascles, qui capitaines en avoit esté,
ainchois demora dalés les Englès, et le tinrent à
compaignon. Et vous di que Chierebourcq n’est
point à conquerre, se n’est par famine, car c’est uns
5 des plus fors chastiaux dou monde et bien confortés
de le mer de toutes pars. Si fisent chil qui dedens se
tinrent pluisieurs bielles yssues et emprises sour
chiaux de [Valoingne], quant messire Jehan d’Arondiel
s’en fu partis, car il n’y sejourna que quinse
10 jours depuis que il heut ravitaillié [Chierebourcq],
et s’en vint arriver à Hamptonne, dont il estoit cappitaine.
Or parlons dou siège de Saint Malo.
§ 53. Quant li Englès entrèrent premierement ou
havene de Saint Malo, il trouvèrent grant fuison
15 de vassiaux de le Rochelle, tous chargiés de bons
vins. Li marchant heurent tantost tout vendu: li vin
furent pris et deschargiet et les nefs arses. Or se fist
li sièges devant Saint Malo grans et biaux, car il
estoient bien gens pour le faire. Si commenchièrent
20 à courir li Englès sur le païs et à faire mout de desrois;
et chil qui estoient le plus souvent sour les
camps, ce estoient messires Robers Canolles et messires
Hues Broés, ses nepveus, qui congnissoient le
païs. Chil doi couroient presque tous les jours, et li
25 canonnes de Robersart en leur compaignie; une
fois perdoient, et le plus gaignoient. Si gastèrent et
ardirent tout le païs environ Saint Malo. Li hos dou
duc de Lanclastre et dou conte [de Cantebruge], son
frère, estoit mout plentiveuse de tous vivres, car il
30 leur en venoit fuison d’Engleterre et des isles prochaines
qui appendoient à yaux. Si y heut fait devant
[74] Saint Malo par pluisieurs fois pluisieurs grans assauls
durs et merveilleux et bien deffendus, car il y avoit
dedens très bonnes gens d’armes qui n’estoient mies
legiers à conquerir, mais bien gardant et deffendant
5 contre les assaillans. Et fisent li seigneur de l’ost
ouvrer et carpenter manssions d’assault, et avoient
en l’ost bien quatre cens canons mis et assis tout
autour de le ville, qui constraindoient durement
chiaux de le ville. Entre les assauls en y heut un dur
10 et pesant et merveilleux, car il dura un jour tout
enthier; et là [furent] ochis et blechiés pluisieurs Englès,
car chil de dedens se deffendoient si vaillanment
que nulles gens mieux d’iaux. Et là heut mort à l’assault
un chevalier d’Engleterre qui s’appielloit messires
15 Pière l’Estrangne, pour lequel li dus de Lenclastre et
ses frères furent moult courouchiet. Nous parlerons
un petit dou siège de Mortaigne sus mer en Poito, et
de Yeuwain de Galles.
20 § 54. Ieuwain de Gales avoit durement abstraint
chiaux de Mortaigne en Poito, dont li soudis
de l’Estrade estoit cappitaine, et les avoit assiegés
en quatre lieux et par quatre bastides. La première
des bastides [seoit] sour le bout d’une
roche devant le castel, sur le debout de la rivière de
25 Garone, par où devant il convient toutes nefs passer
allant de Garone en la mer et de la mer rentrant en
Garone; et là en ceste bastide estoit Yeuwains de
Gales. La seconde bastide estoit entre l’yauwe et le
castel, bas en uns prés et devant une posterne dont
30 nuls ne pooit yssir ne partir, s’il ne voloit yestre
perdus. La tierce bastide estoit à l’autre lés dou
[75] castel. La quatrisme bastide estoit en l’eglise de
Saint Ligier, à demie lieuwe près dou fort. Ches
bastides et ches sièges avoient tellement constraint
chiaux de Mortaigne par là estre longement, car li
5 sièges dura longement priès d’un an et demi, que il
n’avoient de coi vivre ne cauche ne sorler en piés;
et si ne leur apparoit confors ne secours de nul
costé, dont il estoient tout esbahi.
Che siège estant devant Mortaigne, yssi hors dou
10 roiaume d’Engleterre et de la marce de Gales uns
escuiers galois. Peu fu gentils homs, et bien le demoustra,
car onques gentil coer ne pensa ne fist traïson;
et s’appielloit chis Jaque Lambe. A son departement,
il fu fondés sus maise entente, et voellent li aucun
15 dire en Engleterre meïsmes que à son departement
il fu chargiés et enfourmés d’aulcuns chevaliers
d’Engleterre de faire la traïson et le mauvaistié
qu’i[l] fist, car Yeuwains de Gales estoit grandement
haïs en Engleterre et en Gascoingne pour le cause
20 dou captal de Bues que il prist et aida à ruer jus
devant Subise en Poito, de laquelle prise on ne le
pot onques ravoir ne pour escange dou conte de
Saint Pol ne pour autrui, ne pour or ne pour argent
que on en sceust offrir ne presenter; et le convint
25 morir par merancolie en la tour dou Temple à Paris,
dont grandement desplaisoit à ses amis.
Chis Jaques Lambes, en ce temps, arriva en Bretaigne
et fist tant par son esploit que il vint en Poito.
Et partout passoit, car il se disoit à estre des gens à
30 chel Yeuwain de Gales, pour tant que il parloit assés
bon françois et sçavoit galois, et disoit que il venoit
de la terre de Gales pour parler à Yeuwain. De che
[76] estoit il assés legierement creus; et fu des gentils
hommes dou païs, pour l’onneur et amour de
Yeuwain, aconvoiiés jusques à Mortaigne où li sièges
se tenoit, et là laissiés. Adonc se traïst sagement et
5 bellement chis Jaques Lambe devers Yeuwain, quant
il veï que heure fu, et se engenilla devant lui, et lui
dist en son langaige que il estoit yssus hors de Gales
pour lui veoir et servir. Yeuwains, qui nul mal n’i
pensoit, le crut legierement et l’en sceut bon gré, et
10 lui dist tantost que son service il voloit bien avoir, et
puis lui demanda des nouvelles [dou païs]. Il l’en dist
assés, fussent voires ou bourdes, et lui fist acroire que
toute li terre de Gales le desiroient mout à ravoir à
seigneur. Cheste parolle enamoura mout ce Jaque
15 Lambe de Yeuwain, car cascuns par droit revient
volentiers au sien, et en fist tantost son cambrelencq.
Chis Jacques de plus en plus s’acointa [si] bien de
Yeuwain, que il n’avoit en nullui si grant fiance
comme il avoit en lui. Tant s’enamoura Yeuwains
20 de Jaque et tant le creu que il y en mescheï, dont
ce fu damages, car il estoit grans et haus, gentis
durement et bon homme et vaillant as armes. Et
fu jadis fils un prince de Gales que le roi d’Engleterre
avoit fait decoler, la cause pourcoi je l’ignore;
25 et avoit li rois d’Engleterre saisi toute la terre et la
princhauté de Gales et encachié cel enfant, liquels
en sa jovenesse s’en vint demorer en France et
remonstra ses besongnes au roi Phelippe de France,
qui volentiers y entendi et le retint dalés lui; et fu,
30 tant comme il vesqui, des enfans de sa cambre
avoecq ses nepveus d’Alenchon et autres, et ossi fist
li rois Jehans. [Et s’arma toudis du temps du roi
[77] Jehan], et fu à le bataille à Poitiers, mais point n’y
fu pris; mieux ou ottant lui vausist à estre mort. Et
quant la paix fu faicte, il s’en alla en Lombardie, et
là continua les armes; [et quant la guerre fu renouvelée,
5 il retourna en France] et s’i porta si bien que
il fu grandement alosés et amés dou roi de France
et de tous les seigneurs. Or parlons de sa fin, dont je
parole envis, fors tant que pour sçavoir ou tamps
advenir que il devint.
10 § 55. Yeuwains de Gales avoit en usage, lui estant
à siège devant Mortaigne, que volentiers dou matin,
quant il estoit levés, mais que il fesist bel, il s’en
venoit devant le castel seoir sour une tronche qui là
avoit esté dou temps passé amenée pour ouvrer au
15 castel; et là se faisoit pignier et galonner le chief une
longhe espasse, en regardant le castel et le païs d’environ,
et n’estoit en nulle doubte de nul costé. Et
par usage nuls n’aloit là si songneusement avoecq lui
que chis Jaque Lambe, et mout souvent lui advint
20 que il s’i parvestoit et apparilloit de tous poins; et
quant on voloit parler à lui ou besoingnier, on le
venoit là querre. Avint que le darain jour que il y
vint, che fu assés matin; et faisoit bel et cler, et avoit
toute le nuit fait si caut qu’il n’avoit peu dormir.
25 Tous desboutonnés en une sengle cote et sa chemise,
affublé [d’]un mantel, il s’en vint là et s’i assist, che
Jaque Lambe en sa compaignie. Toutes gens en son
logeis dormoient ne on n’y faisoit point de gait, car
il tenoient ensi que pour conquis chiaux de le forteresse.
30 Quant Yeuwains de Gales se fu assis sus celle
boise et tronche de bois, que nous appellons souche
[78] en françois, il dist à Jaque Lambe: «Allés querir
mon pigne. Je me voel ichi un petit rafreschir.»
--«Monseigneur, respondi chis, volentiers.» En allant
querir ce pigne et en raportant, li diables alla entrer
5 ou corps de ce Jaque, car avoec le pigne il apporta
une petite courte darde espagnolle à un large fer,
pour acomplir sa mauvaistié. Si très tost que il fu venu
devant son maistre, sans riens dire, il [l’]entoise
et l’avise, et li lance celle darde ou corps qu’il avoit
10 tout nu, et li passe tout oultre et le reverse d’autre
part: vous poés bien croire que il estoit mort. Quant
il ot ce fait, il lui lait le darde ou corps, et se part et
se trait tout le pas à le couverte devers le castiel et
fait tant que il vint à la barière. Si fu mis ens et
15 recoellis des gardes, car il s’en fist congnissable, et
fu amenés devant le soudis de l’Estrade: «Sire, dist il
au soudis, je vous ay delivret dou plus grant ennemi
que vous heussiez.»--«De qui?» dist li soudis.
--«De Yeuwain de Gales,» respondi Jaque.--«Et
20 comment?» dist li soudis.--«Par telle voie,»
respondi Jaques. Adonc lui recorda de point en point
toute l’istoire, ensi que vous avés oï. Quant li soudis
l’eut entendu, si crolla la teste et le regarda fellement,
et dist: «Tu l’as mourdry, et saches bien, tout consideré,
25 que, se je ne veoie nostre plus grant pourfit en
ce fait, je te feroie trenchier la teste et jetter corps et
teste ens es fossés; mais puisqu’il est fait, il ne se puet
deffaire. Mais c’est damaige dou gentil homme, quant il
est ensi mort; et plus y arons de blasme que de loenge.»
30 § 56. Ensi alla de la fin Yeuwain de Gales et fu
ochis par grant mesaventure et par traïson, dont
[79] chil de l’ost furent durement triste et courouchié,
quant il le sceurent, et ossi furent toutes manières
de bonnes gens, quant les nouvelles en furent sceues,
et par especial li rois Charles de France; et mout le
5 plaindi, mais amender ne le pot. Si fu Yeuwains de
Gales ensevelis en l’eglise de Saint Legier, où on avoit
fait une bastide, à demie lieuwe près dou castel de
Mortaigne; et là furent tout li gentil homme de l’ost
à son obsèque, qui lui fu fais mout reveranment.
10 Pour ce ne se deffist mie li sièges de devant Mortaigne,
car il y avoit des boins chevaliers et escuiers
bretons et poitevins et françois, qui jamais ne s’en
fussent parti, se poissance n’i mettoit remède; et
furent en plus grant volenté que devant de conquerir
15 le fort pour yaux contrevengier de la mort Yeuwain
de Gales, leur boin cappitaine. Et se tinrent là, en ce
parti que il estoient ordonné, sans faire nuls assaus,
car bien sçavoient que il les avoient si abstrains que
vivres de nuls costés ne leur pooient venir ne aultre
20 pourveance nesune, dont il demoroient en grant
dangier. Nous nous souffrerons [à parler] tant qu’à
present dou siège de Mortaigne sus mer, et retournerons
au siège de Saint Malo, et premierement nous
parlerons dou siège d’Ewr[e]ux, et comment chil qui
25 assiegé l’avoient perseverèrent.
§ 57. Le siège estant devant Ewreux, [chiaux qui
assegié l’avoient, c’estoient] li sires de Couci et li
sires de la Rivière qui souverain en estoient, ooient
souvent nouvelles dou roi de France, car il se tenoit
30 à Roem au plus près de ses gens que il pooit par
raison, et estoit se intencion que il se delivrassent
[80] de prendre Ewr[e]ux ou de le avoir par composicion
au plus tost que il peussent, car il sentoit les Englès
efforciement en Bretaigne. Si voloit que toutes gens
d’armes se traïssent de celle part pour lever le siège
5 de Saint Malo ou pour combatre les Englès. Chil doi
seigneur, à l’ordonnance dou roi, s’en acquitèrent
loiaulment et vaillanment, car presque tous les jours
y avoit assault ou escarmuche, et avoec tout ce grans
moyens par biaux traictiés que chil seigneur envoioient
10 as bourgois de la ville, en yaux remonstrant que il se
faisoient trop guerrier et essillier leurs biens sans
raison et abatre ou plat païs leur maisons, car il
avoient leur droit seigneur naturel avoec iaux, messire
Charle de Navare, auquel, par la succession de
15 sa dame de mère, toute la conté d’Ewr[e]ux lui estoit
devolue et rescheue, et ne tenissent mie l’erreur ne
l’oppinion d’un fol Navarois qui là estoit, Ferrando,
pour iaux tous perdre, car bien sceussent, avoec le
bon droit que il avoient en le querelle dou calenge
20 de icelui pour qui il faisoient la guerre, de là jamais
ne partiroient si en aroient leur volenté; et, se de
force il estoient conquis, non par traictiet, il seroient
tout mort et sans merci, et au mieux la ville repeuplée
de nouvelles gens. Tels offres et tels parolles et tels
25 manaches estoient remonstrées à chiaux d’Ewr[e]ux;
et pour ce ne demoroit mies que il ne fussent tous les
jours assaillis. Chil d’Ewrues se commenchièrent à
doubter, car confors ne leur apparoit de nul costé, et
[si] veoient es requestes des dessus dis seigneurs
30 pluisieurs [causes] raisonnables, pour tant que li rois
de France ne calengoit mies la terre pour lui, fors que
pour son nepveu Charle de Navare: si entrèrent en
[81] traictiet devers le seigneur de Coucy. Quant Ferandos
sceut [ce], si se tint ens ou chastel sans partir, et
ne [voult] estre à nuls des traictiés. Finablement il se
rendirent, sauf leur corps et tout le leur as camps et
5 à le ville, et rechurent Charle de Navare à seigneur,
et puis assisent le castiel. Ferrandos, qui se veoit
assegiés et ensus de tous confors, commencha à
traictier devers ces seigneurs de France que, se on le
voloit laissier partir, les siens et tout le leur, et conduire
10 sauvement jusques à Chierebourcq, il renderoit
le chastel. On lui [respondit] oïl. Assés tost après, chil
dou chastel chargèrent tout [le leur] et se partirent
d’Ewr[e]ux ou conduit le seigneur de Coucy qui les fist
mener à Chierebourcq. Ensi fu toute Ewr[e]ux franchoise.
15 Après ce conquès, li sires de Coucy et li sires
de la Rivière, messires Jehans Le Merchier et toutes
les cappitaines de l’ost se traïsent [à Roem], là où li rois
de France se tenoit, pour sçavoir quel cose il feroient,
car bien avoient entendu que li siège des Englès
20 estoit devant Saint Malo en Bretaigne. Si les rechupt
li rois de France liement, et conjoï especialement le
seigneur de Coucy et le seigneur de la Rivière de che
que il avoient si bien esploitié. Si demo[rè]rent ces
gens d’armes en Normendie, et ne furent nuls des
25 cappitaines cassés, mais retenus et toudis paiiés
avant de leurs gaiges.
§ 58. Li rois de France, qui se tenoit pour le temps
en le cité de Roem, avoit bien entendu comment li
Englès avoient poissanment assis le ville de Saint
30 Malo; et presque tous les jours ses gens, qui dedens
estoient, estoient assaillis et durement abstrains. Si ne
[82] mies voloit perdre ses gens ne la boine ville de Saint
Malo, car, se elle estoit englesse, Bretaigne de ce
costé en seroit trop affoiblie. Si avoit li rois de France
en celle instance, pour icheux conforter et remedier
5 contre la poissance des Englès, fait un très especial et
fort mandement auquel nuls n’avoit osé desobeïr. Et
s’avalèrent, à tout très grans gens d’armes, si doi
frère, li dus de Berri et li dus de Bourgoingne, li dus
de Bourbon, li contes de la Marce, li dauffins d’Auvergne,
10 li contes de Genèves, messires Jehans de Boulongne
et ossi grant fuison de chevaliers, de barons et
de toutes bonnes gens d’armes. Et manda li rois à son
connestable messire Bertran de Claiequin que nullement
il ne [de]laiast que il ne fust à celle assemblée.
15 Li connestables ne volt mies desobeïr, mais vint à
tout gran[s] gens d’armes d’Ango, de Poito et de
Thouraine. Ossi fisent li doi maressal de France, li
maressaux de Blainville et li maressaux de Sansoirre.
D’autre part, revinrent messires Oliviers de Clichon,
20 li viscontes de Rohem, li sires de Laval, li sires de
Rais, li sires de Rochefort, li sires de [Dinant], li sires
de Lion et tout li baron de Bretaigne, et furent bien
dis mil hommes d’armes, et estoient sur les champs
plus de cent mil chevaux. Si se logièrent toutes ces
25 gens d’armes de France au plus près de leurs anemis
par raison que il peurent; mais il i avoit entr’iaux et
les Englès un flueve de mer et une rivière, et, quant
la mer estoit retraite, je vous dy que aulcun jone chevalier
et escuier qui aventurer se voloient, se abandonnoient
30 en celle rivière plate et y faisoient de grans
apertises d’armes. Onques si grande assamblée de
bonnes gens d’armes ne fut faicte [en Bretaigne] ne
[83] de si noble et bonne chevalerie, comme elle fut là,
car, se li François y estoient poissanment, ossi estoient
li Englès. Et se cuidoient bien et li un et li autre combatre,
car il en faisoient tous les jours les apparans,
5 et s’ordonnoient sus les camps, banières et pennons
ventelans, et se remonstroient en bataille. De veoir
la poissance des Franchois et le grant fuison de
seigneurs, de banières et de pennons qui là estoient,
estoit grant plaisance; et s’ordonnoient mout souvent
10 par bataille et venoient sur la rivière et monstroient
par semblant proprement que il se voloient combatre.
Et le [cuidoient] li Englès, en disant ensi: «Veci,
veci nos ennemis qui tantost, à basse euwe, passeront
la rivière pour nous combatre.» Mais il n’en avoient
15 nulle volenté, car li rois de France de son temps
ressoingnoit si les fortunes perilleuses, que nullement il
ne voloit que ses gens s’aventurassent pour combatre
par bataille, se il n’en avoient de set les cinc.
§ 59. En ces monstres et en ces assamblées, et ensi
20 heriant et a[r]doiant l’un l’autre, avint une fois que li
contes [de Cantebruge] dist ensi et jura, se plus veoit
de tels ahaities, puisque on ne les venoit combatre,
il les iroit combatre, quel fin que il en deussent
prendre; et avoi[t] adonc l’avant garde et grant fuison
25 de bonnes gens avoecq lui, qui tout se desiroient à
avanchier. Li connestables de France, qui savoit
d’armes quanques on en pooit sçavoir et qui sentoit
les Englès cauls et boulans et aventureux, ordonna
une fois toutes ses batailles sus le sablon et au plus
30 près de la rivière comme il pot par raison et tout à
piés. Li contes [de Cantebruge], qui estoit d’autre
[84] part, en veï la manière; si dist: «Qui m’aime, si me
sieuche, car je m’en irai combatre.» Adonc se frappa
en l’iauwe qui estoit au plat, mais li flueves revenoit,
et se mist ou droit fil de la rivière, sa banière et
5 toutes ses gens, et commenchièrent li archier fort à
traire sus les François. Adonc se retraï li connestables
de France et fist retraire ses batailles sus les
camps, qui cuida lors tout veritablement que les
Englès deuissent passer, et voulentiers heust veu que
10 il les heust tenus oultre l’iauwe. Li dus de Lenclastre,
à tout une grosse bataille, estoit de son costé tout
apparilliés pour servir son frère, se il veïst que besoings
fust; et dist à Gerart d’Obies, un escuier de Haynnau
qui estoit dalés lui: «Gerart, regardés mon frère
15 comment il se aventure. A ce qu’il monstre, il donne
exemple as François que il se combateroit volentiers,
mais il n’en ont nulle volenté.» Ensi se porta ceste
besoingne sans nul fait d’armes qui à recorder fache.
Li François d’un lés et li Englès d’autre, [estant
20 priès de combatre], li flos commencha à monter. Si
se retraïsent li Englès hors de la rivière et s’en
vinrent à leur logeis, et li François se retraïsent ossi
au leur.
§ 60. De tels ahaities, de tels affaires et de tels
25 monstres l’un contre l’autre, le siège estant devant
Saint Malo, il y heut pluisieurs [faites]. Li François
gardoient bien et tellement leur frontière que
li Englès n’osoient passer la rivière. Si avint il par
pluisieurs fois que amont sus le païs aucun chevalier
30 et escuier breton qui congnissoient le marche,
chevauchoient par compaignies et passoient la rivière
[85] à gué et rencontroient souvent les fourrageurs des
Englès. Là en y avoit souvent des rués jus: une heure
perdoient, li autre gaignoient, ensi que en tels fais
d’armes les aventures aviennent. Le siège durant et
5 ces envaïes faisant, li seigneur d’Engleterre, pour
leur besongne approchier, avisèrent que il feroient
une mine pour entrer dedens Saint Malo, ne autrement
il ne le pooient avoir, car la ville estoit
bien pourveue de gens d’armes qui songneux en
10 estoient; avoec tout ce, il avoient grant fuison de
toutes pourveances et d’arteillerie qui mout aidoit à
leur besoingne. Et presque tous les jours il les convenoit
armer et mettre ensamble pour atendre la
bataille, se li François traioient avant, pour laquelle
15 cose il n’avoient pas trop de loisir pour le faire assaillir,
fors que de leurs canons; mais de ce avoient il très
grant plenté et qui mout grevoient la ville. Si avisèrent
lieu et place pour faire leur mine, et furent
mineur et houilleur mis en oevre. Nous nous tairons
20 un petit d[ou] siège de Saint Malo, et parlerons dou
siège de Mortaigne en Poito et comment chil qui
assis l’avoient perseverèrent.
§ 61. Vous avés bien chi dessus oï recorder la
25 mort de Yeuwain de Gales et comment il fu mourdris,
et ossi comment li Breton et li Poitevin estoient
pardevant [Mortaigne], desquels messires Jaques de
Monmore, messires Perchevaux d’Aineval, Guillaumes
de Moncontour et messires Jaques de Surgières
30 estoient cappitaine; et ne veurent mies pour ce
brisier leur siège, quoyque il furent mout courouchié
de la mort Yeuwain de Gales, leur souverain
[86] cappitaine, car il avoient grant desir de contrevengier
sa mort sour chiaux de la forteresse. Si avés oï comment
messires Thommas Trivet, messires Guillaumes
Scrouip, messires Thumas Abretons [et] messires
5 Guillaumes Cendrins, à une [compaignie de hommes
d’armes] et d’archiers, estoient ordonnés de venir à
Bourdiaux, tant que pour conforter chiaux de Mortaigne
comme [ossi] messire Mahieu de Gournay qui
se tenoit à Bayone et qui tous les jours avoit à faire
10 en celle marce contre les Gascons et les Bretons qui
y tenoient pluisieurs fors. Cil quatre chevalier dessus
nommet et leurs routes avoient geu à Plewemoude
bien un mois, et ne pooient avoir vent qui leur
durast pour aller en Gascoingne, dont il estoient
15 mout courouchié, mais amender ne le pooient. Et si
avés oï comment li sires de Nuefville, d’Engleterre,
estoit ordonnés à tout gens d’armes et archiers de
venir conforter contre les Espaignols le roi de
Navare et pour estre senescal de Bourdiaux et de
20 Bourdeloix. Si se trouvèrent toutes ces gens d’armes
à Plewemoude et furent mout resjoï l’un de l’autre.
Depuis la venue le seigneur de Nuefville, il ne sejournèrent
point plenté que il heurent vent à volenté: si
entrèrent en leurs vaisseaus qui chargiet estoient, et
25 desancrèrent dou havene de Plewemoude et levèrent
les voilles et singlèrent devers Gascoingne. Et estoient
d’une flote sis vins vassiaux et quarante barges, et
pooient estre environ mil hommes d’armes et deus mil
archiers. Et n’eurent nul empeschement sus [mer]
30 que chis vens ne leur durast toudis: si entrèrent ou
havene de Bourdiaux le nuit Nostre Dame en septembre,
l’an de grace mil trois cens soixante et dix wit.
[87] § 62. Quant li Breton et li Poitevin, qui tenoient
le siège devant Mortaigne sus mer, les veïrent passer,
de une flote si grant quantité de vassiaux trompant,
cornemusant et faisant grant feste, si furent tout
5 pensieu, et cil dou fort tout resjoï, car bien pensoient
que il seroient temprement delivré, ou il y aroit
bataille, et que pas pour noiant faire il ne venoient
ou païs que il n’i heust aucun esploit d’armes. Messires
Jaques de Monmore et les cappitaines de l’ost se
10 misent ensamble en conseil et parlementèrent longhement
comment il se maintenroient, et se repentoient
des traictiés que il avoient laissiet passer, car
un petit endevant li soudis de l’Estrade avoit volu
rendre le fort, sauf tant que yaux et le leur s’en peussent
15 yestre allé à Bourdiaux sauvement; mais li
Franchois n’i volrent entendre. Si envoiièrent un
heraut parlementer à iaux que maintenant il seroient
receu à traictiés. Li soudis leur fist respondre que
[maintenant] il n’avoient que faire d’entrer en nul
20 traictié, et que leurs secours estoit venus: ou francement
s’en partiroient, ou tout en leur volenté demorroient.
Si demora la chose en ce parti, et li sires de
Noefville et li Englès s’en vinrent à Bourdiaus. Si
furent de messire Guillaume Helman, senescal des
25 Landes, et de messire Jehan de Multon, maire de le
cité de Bourdiaux, et de l’arcevesque dou lieu et des
bourgois et des dames grandement et bel conjoï et
receu. Si se loga li sires de Noefville en l’abeïe de
Saint Andrieu, et fu et demora senescal de Bourdiaux
30 et de Bourdeloix. Assés tost après, li sires de Noefville
fist un mandement de chevaliers et d’escuiers gascons
qui pour englès se tenoient, et assembla tant de
[88] toutes manières de gens que il furent bien quatre
mil. Si ordonnèrent naves et vassiaux sour la rivière
de Garone, et se departirent de Bourdiaux en instance
que pour venir lever le siège de Mortaigne.
5 Ches nouvelles furent sceues en l’ost des Franchois
que Englès et Gascons, gens d’armes et archiers,
venoient efforciement contreval la rivière de Garonne
pour lever le siège et iaux combatre. Si se misent les
capitaines tout ensamble et se conseillièrent. Si fu
10 ensi conseilliet que il n’estoient mie poissans ne
gens assés pour attendre tel host: si leur valoit mieux
à perdre leur saison dou siège de Mortaigne que
d’iaux mettre en plus grant peril. Et sonnèrent les
trompettes de deslogement et boutèrent les feus en
15 leurs logeis et se deslogièrent sans plus riens faire, et
se retraïsent en Poito. Mais tout ne se departirent
mies, ainçois demora une grant route de Bretons et
de Galois, des gens Yeuwain de Gales, ou fort de
Saint Ligier, et disent que il faisoit bien à tenir contre
20 tout homme: si retraïsent toute leur artillerie là
dedens.
§ 63. Chil chevalier d’Engleterre et chil Gascon,
qui venoient à plain voile en barges, en [hoquebos]
et en calans parmi la rivière de Garone, s’arrestèrent
25 à l’ancre devant Mortaigne, et puis yssirent hors
petit à petit de leurs vassiaux. Et tout ensi comme il
yssoient, il se ordenoient pour venir combatre le
fort de Saint Ligier où chil Breton estoient retrait.
Là heut de venue grant assault et dur et entroes
30 que on assalloit, li sires de Noefville envoia un hiraut
parler au soudis et sçavoir comment il lui estoit. Li
[89] hiraus fist son message et raporta que tout estoient
en boin point, mais il estoient si nus que il n’avoient
sorler en piet.
Li assauls devant Saint Ligier dura bien trois heures
5 que riens n’y conquisent, mais en y ot des blechiés
et des navrés assés. Adonc se logièrent li
seigneur et toutes manières de gens, et fu leur
entente que point de là ne partiroient si aroient conquis
le fort de Saint Ligier. Et estoient trop courouchié
10 que le seigneur de Monmore [ne le seigneur de
Montcontour] ne seigneur de nom ne le tenoient,
et que dedens enclos il n’estoient; mais chil seigneur
sagement parti s’en estoient et les Bretons laissiés y
avoient.
15 § 64. Quant ce vint à l’endemain, li sires de Noefville
et chil chevalier d’Engleterre ordonnèrent que
on iroit assaillir. Si sonnèrent leurs trompettes et
departirent leurs livrées, et puis approchièrent le
fort de Saint Ligier. Si commencha li assaus durs,
20 grans et fors merveilleusement. Chis fors de Saint
Ligier siet sour une roche que on ne puet, fors à
malaise, approchier; et, au plus foible lés, il y a
grans fossés qui ne sont mies à passer legierement. Si
se travilloient li assallant grandement et riens ne faisoient,
25 mais en y avoit des mors et des blechiés
grant fuison. Adonc cessa li assaus, et fu aviset pour
le mieux que on rempliroit les fossés et puis on aroit
milleur avantage d’assaillir. Si furent les fossés remplis
à grant paine et tout teret par deseure [telement
30 que tout homme y pouoit passer]. Quant li Breton,
qui dedens le fort estoient, veïrent che, si se doubtèrent
[90] plus que devant, et raison fu, et entrèrent en
traictiés. Chil seigneur d’Engleterre qui avoient bien
ailleurs où entendre tant as besoingnes dou roi de
Navare comme à delivrer pluisieurs fors que li Breton
5 tenoient en Bourdeloix et en Bayonnois, s’acordèrent
legierement à ces traictiés; et fu li fors de Saint
Ligier rendus parmi tant que chil qui le tenoient s’en
partoient sans peril et damage, yaux et le leur, et
estoient conduit là où il voloient aller. Ensi demora
10 li fors de Saint Ligier englès, et vinrent li seigneur
ou castel de Mortaigne. Si trouvèrent le soudis de
l’Estrade ou parti que li hiraus avoit dit. Si fu mis
en arroy, ensi comme il appartenoit, et li fors rafresquis,
ravitailliés et repourveus de nouvelles gens;
15 et puis s’en retournèrent par la rivière de Garonne
à Bourdiaux le cemin que il estoient venu.
§ 65. Quant chil chevalier furent retourné à Bourdiaux,
entrues que il s’i rafresquissoient, il entendirent
que à sis lieuwes de là il y avoit Bretons qui
20 tenoient un fort que on dist Saint Maubiert, en un
païs que on appielle Madoch, liquel Breton grevoient
grandement le païs où il sejournoient. Si fisent chargier
leurs pourveances grandes et belles sus la rivière
de Garonne et toute leur artillerie; et puis montèrent
25 as chevaux environ trois cens lances, et s’en vinrent
par terre jusques à Saint Maubiert. Là estoient des
Gascons avoec [messire Jehan] de Noefville, messires
Archebaus de Grailly, [messires Pierres] de Rosem, li
sires de Duras et [Thomas] de Courton. Quant chil
30 baron et leurs routes furent venu devant Saint Maubert,
il se logièrent et tantost allèrent assaillir; et y
[91] heut de ce premier grant assaut et dur, car li Breton
qui Saint Maubert tenoient, estoient toutes gens de
fait et de grant volenté, et avoient un cappitaine breton,
un escuier allosé et usé d’armes, qui s’appielloit
5 Virelion, auquel il se ralioient et par qui conseil
il usoient. Chis premiers assauls ne greva nient les
Bretons. Adonc se retraïsent Englès et Gascon à leurs
logeis, et à l’endemain il fisent drechier leurs engiens
devant le fort, qui jettoient pières et mangonniaux
10 pour effondrer les thois de le tour où il se tenoient.
Le tierch jour qu’il furent là venu, il ordonnèrent
un assaut et disent que telle ribaudaille que chil Breton
estoient ne leur devoient point longhement tenir
ne durer. Là heut grant assaut et dur, et tamaint
15 homme mort et blechié; ne onques gens ne se
deffendirent si vaillanment que chil Breton faisoient.
Toutesfois finablement il regardèrent que confort
ne leur apparoit de nul costé: si entrèrent en traictiés,
car il veïrent bien que chil seigneur ne les lairoient
20 point en paix si les aroient conquis, com
longement qu’il y deussent [demorer]. Traictiés se
portèrent entre les seigneurs de l’ost et iaux, qu’il
renderoient Saint Maubert et s’en partiroient, iaux
et le leur, sans damage, et se retrairoient en Poito
25 ou quelque part qu’il volroient, et seroient jusques
à là conduit. Ensi leur fu tenu comme il le traictièrent,
et se departirent li Breton sans damage et rendirent
Saint Maubert. Quant li sires de Nuefville le
reut, il le fist remparer, rafresquir et ravitaillier de
30 nouvelles pourveances et d’artillerie, et y mist Gascons
pour le garder et un escuier gascon qui s’appeloit
Pières de Presiacq, bon homme d’armes et
[92] vaillant durement; et puis s’en retournèrent à Bourdiaux,
et là se rafresquirent. Si entendoient tous les
jours que li sièges estoit devant Panpelune en Navare
que l’enfant de Castille avoit assegiet, mais il n’ooient
5 nulles certaines nouvelles dou roi de Navare, dont il
estoient tout esmerveilliet. Et ossi li rois de Navare
n’ooit nulles nouvelles d’iaux, dont il lui tournoit
à grant desplaisir. Nous retournerons as besoingnes
de Bretaigne et de Normendie, et parlerons dou siège
10 de Saint Malo et comment il se persevera.
§ 66. Devant la ville de Saint Malo heut grant
siège et poissant, et fait maint assault et dur, car li
Englès qui devant se tenoient, avoient bien quatre
cens canons qui jettoient nuit et jour dedens la forteresse.
15 Li cappitains qui s’appielloit Morfouace, vaillant
hommes d’armes durement, songnoit moult
bien dou deffendre et dou garder, avoec les bons
consauls de messire Henri de Malatrait, dou seigneur
de Combor et dou visconte de le Berlière, et tant que
20 nuls damaiges ne leur estoit encores apparant. Sus
les plains, ens ou païs, si comme je vous ay dit autreffois,
estoit toute la fleur de France, tant que de grans
seigneurs; et se trouvoient bien quinse mil hommes
d’armes, chevaliers et escuiers, et estoient bien cent
25 mil chevaux et plus. Et volentiers heussent combatu
les Englès à leur avantage, se il peussent, et li Englès
ossi yaux en avoient grant desir, ce poés vous bien
croire, se il veïssent leur plus biel; mais ce qui leur
brisoit leur pourpos, et brisa par trop de fois, c’estoit
30 que il y avoit une rivière grande et grosse, quant li
mers retournoit, entre [les] deus hos, par coi il ne
[93] pooient avenir l’un à l’autre. Et toudis se faisoit li
mine: bien s’en doubtoient chil de Saint Malo.
Vous devés sçavoir que en tels assemblées et en
tels fais d’armes comme là avoit, ne pooit yestre
5 que à le fois li fourrageur ne se trouvassent sour les
camps ou rencontrassent, car il y avoit des appers
jovenes chevaliers d’un lés et de l’autre qui se desiroient
à avanchier. Si en y avoit à le fois des rués jus
de l’un costé et de l’autre, ensi que en tels fais
10 d’armes tels aventures aviennent. Li mineur dou
duc de Lenclastre ouvroient songneusement nuit et
jour en leur mine pour venir pardesoubs terre dedens
la ville et faire reverser un pan de mur, affin que
tout legierement gens d’armes et archiers peussent
15 entrer ens. De cel affaire se doubtoient grandement
Morfouache et li chevalier qui dedens estoient, et
congnissoient assés que par ce point il pooient yestre
perdu, et n’avoient garde de nul assaut fors de
cesti là, car leur ville estoit bien pourveue de toute
20 artillerie et de vivres pour yaux tenir deux ans, se il
leur besoingnoit, et avoient entr’iaux grant cure et
grant entente comment il porroient rompre celle
mine, et estoit le plus grant soing que il avoient dou
brisier. Tant y pensèrent et traveillièrent que il en
25 vinrent à leur entente et par grant aventure, ensi
que les coses doivent avenir merveilleusement.
Li contes Richars d’Arondiel devoit une nuit faire
le gait à tout une quantité de ses gens. Chis contes ne
fu mies bien songneux de faire che où il estoit commis,
30 et tant que chil de Saint Malo le sceurent, ne
sçai par leur espies ou autrement. Quant il sceurent
que heure fu et que, sus le fiance dou gait, toute li
[94] hos estoit endormie, il partirent secretement de leur
ville et vinrent à le couverte à l’endroit où li mineur
ouvroient, qui gaires n’avoient mais à ouvrer pour
acomplir leur emprise. Morfouache et se route, tout
5 apparilliet de faire che pour quoi il estoi[en]t là venu,
tout à leur aise et sans deffence rompirent leur mine,
de coi il y heut aucuns mineurs là dedens estains
qui onques ne s’en partirent, car la mine reversa sur
iaux. Et quant il heurent ce fait, il disent que il
10 resveillieroient l’ost au lés devers leur ville, affin que
chil de l’ost sentesissent et congneussent que vaillanment
il s’estoient porté. Si s’en vinrent ferir en l’un
des corons, en escriant leur cry et en abatant tentes
et trefs et logeis et en blechant et ochiant gens, tant
15 que toute li host se commencha durement à effraer.
Adonc se commencha à retraire Morfouache et li sien
dedens Saint Malo sans point de damage. Et chil de
l’ost s’armèrent et se traïsent devant le tente dou duc
qui fu grandement esmerveilliés de ceste advenue et
20 demanda que ce avoit esté. On lui recorda que
par le faute dou gait on avoit perdu le mine et receu
ce damaige. Adonc fu mandés li contes d’Arondiel
devant le duc de Lenclastre et le conte [de Cantebruge].
Si fu grandement aqueullis de ceste avenue,
25 mais il s’escusa au plus bel qu’il pot et en fu, si
comme j’oïch dire adonc, tous honteux et heust
plus chier avoir perdu cent mille frans.
§ 67. Cheste besoingne avenue et ceste mine perdue,
li seigneur de l’ost se traïsent ensemble à conseil
30 pour sçavoir quel cose il feroient. Si regardèrent
l’un par l’autre que il avoient perdu leur saison,
[95] lequelle cose n’estoit pas à recouvrer, et que de faire
nouvelle mine il ne venroient jamais à chief, car la
saison s’en alloit aval et li yviers approchoit. Si heurent
conseil, tout consideré pour le meilleur, que il
5 se deslogeroient et s’en retrairoient en Engleterre.
Adonc fu ordonné de par le duc et les marescaus
dou deslogier et de rentrer en leur navie qui gisoit
à l’ancre ou havene de Saint Malo. Tantost fu deslogiet
tout et toursé et mis es vassiaux. Il avoient vent
10 à volenté; si entrèrent en leur navie et siglèrent devers
Engleterre. Si arrivèrent et prisent terre à Hamptonne,
et là issirent de leurs vaissiaux et trouvèrent
que messires Jehans d’Arondiel, la capitaine de
Hamptonne, estoit allés à Chierebourcq pour rafresquir le
15 garnison et veoir les compaignons, messire Jehan de
Harleston et les autres. Ensi se desrompi en celle
saison li armée des Englès, et se traïsent cascun en
son lieu; et rapassèrent Alemant et Haynuier le mer
et retournèrent en leur païs. Si commencièrent à
20 murmurer les communautés d’Engleterre sus les nobles
en disant que il avoient en celle saison petit
esploitié, quant Saint Malo leur estoit ensi eschapée,
et par especial li contes Ricars d’Arondiel en
avoit petite grace. Nous nous soufferons à parler de
25 chiaux d’Engleterre, et parlerons des François et de
Chierebourcq.
§ 68. Assés tost après le departement de Saint Malo
et que li François heurent rafresqui le ville et le
chastel, li connestables de France et li [baron] heurent
30 conseil que il venroient mettre le siège devant
Chierebourcq, dont messires Jehans de Harleston estoit
[96] cappitaine, et avoit dalés lui et desoubz lui pluisieurs
chevaliers et escuiers, englès et navarois. Mais toute
ceste grant host ne se traïst mies ceste part, ainchois
se departirent li dus de Berri, li dus de Bourgoingne,
5 li dus de Bourbon, li contes de la Marce, li dauffins
d’Auvergne et tous les chiefs des grans seigneurs, et
renvoièrent leur gens en leur païs; et li pluisieurs
vinrent veoir le roi qui se tenoit à Roem, qui liement
les rechut. Aucun Breton et Normant, environ trois
10 cens lances, s’en vinrent à Valongne, à sept lieuwes
de Chierebourcq, et là fisent leurs bastides. Bien
sçavoient que monseigneur Jehans d’Arondiel avoit
rafresqui la garnison, et supposoient bien que il y
estoit encores.
15 Entre Chierebourcq et Valoingne, de ce costé, ce
sont tous haus bos et forte forest de une part et
d’autre jusques à la cité de Coustances. Et [pueent]
chil de Chierebourc issir et chevauchier sus le païs à
l’aventure, toutes fois qu’il voellent, car il ont fai
20 parmi le bois un chemin et si fort haiiet d’un lés et
d’autre que, quant il sont en leur chevaucie, on ne
les puet approchier, et est Chierebourcq un des fors
chastiaux dou monde. Chil qui estoient en garnison
à Valongne estoient mout courouchiés de ce qu’il
25 ne pooient porter damage as Englès qui herioient le
païs. Si s’avisa messires Oliviers de Claiequin, frères
à messire Bertran, que il venroit à le couverte chevauchier
parmi les bois et aviser Chierebourq de
plus près, pour sçavoir se on porroit devant mettre
30 le siège; à tout le mains, se il pooient prendre la ville
qui siet bien en sus dou chastiel, il feroient un grant
esploit, car tantost il l’aroient si fortefiie que chil
[97] dou chastel ne polroient issir ne saillir hors, qu’il ne
rechussent damage. Messires Oliviers en ce pourpos
persevera et prist environ quarante lances et guides
qui bien le sceurent mener parmi les bois, et se
5 partirent par un matin de Valoingne et tant chevaucièrent
que il vinrent oultre les bois à l’encontre de
Chierebourcq.
En ce propre jour, estoit messires Jehans d’Arondel
venus ens ou bourcq esbatre, et [là] avoit amené
10 [avecques lui] un escuier navarois qui s’appelloit
Jehan Cocq, pour monstrer la ville. Evous que nouvelles
vinrent ou bourcq que li François chevauchoient
et estoient là venu pour aviser la plache:
«Sire, che dist Jehans Coc à messire Jehan d’Arondiel,
15 j’ai entendu que messires Oliviers de Claiequin,
frère dou connestable, a passé le bois pour aviser
nostre forteresse. Pour Dieu, que il soit poursievis!
Je vous pense tellement aconduire et mener que il
ne nous puet escapper que il ne nous viengne ens es
20 mains. Et d[ou c]onquès tout soit moitié à moitié.»
--«Par ma foi, ce dist messires Jehans, je le voel.»
Adonc s’armèrent il secretement et montèrent as
chevaux, et furent environ cent lances, tous compaignons
d’eslite; et se partirent de Chierebourcq
25 et entrèrent ens es bois que onques li Franchois
n’en sceurent riens, et entrèrent en leur
chevauchoire.
Quant messires Oliviers de Claiequin heust avisé le
plache que il veï durement forte et en lieu impossible
30 pour assegier ne pour hostoiier, si se retraïst et prist
le chemin de Valoingne, tout ensi comme il estoit
venus. Il n’eut pas chevauchié deus lieuwes d’assés,
[98] quant evous Jehan Coc et messire Jehan d’Arondiel
et leur route qui avoient esté si justement mené que
il vinrent droit sur iaux en escriant: «Nostre Dame!
Arondiel!» Quant messires Oliviers oï ce cri et les
5 veï de rencontre, si volsist bien yestre à Valongne,
et monta tantost sus un bon coursier et se cuida
sauver, car il ne se veoit pas à jeu parti pour combatre.
Si entrèrent ses gens ou bois, li uns chà et
l’autre là, et sans deffence; trop peu s’en tinrent
10 ensamble. Jehans Coc, comme bons hommes d’armes
et vaillans, poursievi de si près messire Olivier
que finablement il le prist et fiancha son prisonnier.
Et en y ot des autres pris dis ou douse; li demorant
se sauvèrent et se boutèrent ens es bos et retournèrent
15 à Valongne, quant il peurent, et recordèrent à
monseigneur Guillaume des Bordes et as compaignons
qui là estoient, comment il avoient perdu et par embusche,
et que messires Oliviers de Claiequin estoit
demorés. Et de che furent li chevalier et escuier bien
20 courouchiés, mais amender ne le peurent. Si fu messires
Oliviers de Claiequin de chiaux de le garnison
de Chierebourcq amenés ou castel, et fu là dit que
il paieroit bien quarante mil frans. De la prise dou
chevalier furent grans nouvelles en France et en
25 Engleterre, et demora la cose un temps en cel estat.
§ 69. Messires Oliviers de Claiequin demora prisonniers
un temps à Chierebourcq en le garde de
Jehan Coc, navarois, qui pris l’avoit; mais messire
Jehan d’Arondiel partoit au pourfit. Depuis fina messires
30 Oliviers pour lui et pour tous chiaux qui avoecq
lui furent pris, mais ce ne fu mies si tost.
[99] Quant la garnison de Chierebourcq fut rafresquie
et ravitaillie, messires Jehans d’Arondiel s’en parti et
s’en retourna arrière à Hamptonne dont il estoit
capitains. Si demorèrent en Chierebourcq avoec messire
5 Jehan de Harleston, capitaine dou lieu, aucuns
chevaliers englès, tels que messire Jehan de Coppellant,
messire Jehan Bourlé, messire Thumas Picourde
et pluisieurs autres chevaliers et escuiers qui grandement
ensongnièrent tant qu’il n’i prisent point de
10 damage. Nous nous soufferons à parler de chiaus de
Chierebourcq tant que lieux [et temps] venra, et
parlerons de messire Jehan de Nuefville, senescal de
Bourdiaus, et de ses compaignons, messire Thomas
Trivet et des aultres, comment il perseverèrent.
15 § 70. Bien estoit informés li sires de Noefville, qui
se tenoit à Bourdiaux, que l’enfant de Castille à tout
grant poissance d’Espaignols, avoit assegié la bonne
cité de Panpelune, le visconte de Castielbon et le
seigneur de Lescut, Raymons de Ramasen et pluisieurs
20 autres dedens, et si n’ooit nulles certaines nouvelles
dou roi de Navare où il se tenoit, dont il estoit
tous esmerveilliés; mès il supposoit que hasteement
il en orroit nouvelles. Ossi cil dou païs de Bourdelois
lui prioient trop fort que il ne se volsist mies
25 departir de la marce de Bourdiaux ne faire vuidier
ses gens d’armes, tant que gens d’armes bretons ne
françois tenissent riens sus le païs. Et par especial on
lui disoit que chiaux de Besacq herioient trop [le
païs de] Bordiaux; et demanda li sires de Noefville
30 quel quantité de Bretons il pooit avoir en Besac. On
lui dist que il pooient estre environ cinc cens combatans.
[100] Adonc appella il le senescal des Landes, messire
Guillaume Helman, et messire Guillaume Scromp,
puis leur dist: «Prendés deux ou troix cens lances
de nos gens et ottant d’archiers, et allés veoir chiaux
5 de Besac, et faites tant que vous en delivrés le païs,
et puis entenderons à plus grant cose.» Li doi
chevalier ne veurrent mie desobeïr, mais prisent deux
cens lances des leurs et ottant d’archiers, et passèrent
le Garonne, et puis chevaucièrent vers Besac.
10 Che propre jour que li Englès chevauchoient, ossi
chil de Besach chevauçoient environ sis vins lances,
tout contremont la rivière de Garonne, pour sçavoir
se il trouveroient point de navie, et avoient à capitaine
un chevalier de Pieregorch qui s’appelloit messires
15 Bertrans Raymons, bon homme d’armes et allosés
durement. A une petite lieuwe de Besac, li Englès
et li François trouvèrent li un l’autre. Quant messires
Bertrans veï que combatre le convenoit, si ne
fu nient effraés, mais ordonna ses gens et mist en
20 bon convenant; et estoient presque tout gascon.
Evous venus les Englès, lances abaissies et ferant
chevaux des esporons quanques il pooient randonner,
et se boutèrent en iaux de plains eslais. Là
en y ot de premièr[e] venue des abatus des uns et
25 des autres, et fait tant mainte belle appertise d’armes.
Finablement li François gascoing ne peurent
souffrir ne porter le fais, car li Englès estoient
là grant fuison et toute gent d’eslite: si furent tout
chil de le garnison de Besac mort ou pris; petit s’en
30 sauvèrent. Et fu pris messires Bertrans Raimons et
prisonniers à messire Guillaume Helman; et, tantost
le camp delivré, il chevaucièrent devers Besac. Quant
[101] chil de la garnison veïrent que leurs gens estoient
mort et pris, si furent tout esbahi et rendirent le fort,
sauf leur vies. Ensi fu Besac englesse, et puis retournèrent
à Bourdiaux sus la Garonne.
5 § 71. Che propre jour fu la nuit de la Toussains,
l’an mil trois cens soissante et dis uit, que li Englès
retournèrent de Besach; et en ce propre jour vint li
rois de Navare à Bourdiaux, dont on ne se donnoit
de garde. Si le recheurent li Englès mout honnourablement
10 et le logièrent, lui et ses gens, à leur
aise; et lui demandèrent des nouvelles de son païs
et des Espaignols, car il en estoient chargiés de l’enquerre
et dou sçavoir. Il leur en dist assés, et respondi
plainement que Jehan, l’enfant de Castille, avoit
15 assegié Panpelune à grant puissance, et estoient mout
constraint chil qui dedens estoient. Si leur requeroit
et prioit, scelon l’ordonnance et commandement que
il avoient heu dou roi d’Engleterre et que il savoient
les grans alloiances que il avoient ensamble, que il
20 se volsissent prendre priès de conforter ses gens
et lever le siège. Chil chevalier d’Engleterre respondirent
que il en estoient en boine volenté et que
par iaux ne leur negligence ne demorroit pas le siège
à lever, mès en ordeneroient hasteement. Et disent
25 encores ensi: «Sire, vous retournerés en vostre païs,
et ferés un especial mandement et [assamblerés vos
gens, et nous serons là sur un certain jour; et quant
tous seront venus, nous en serons de plus forts ensemble],
car vos gens cognoissent mieux le païs que
30 nous ne fachons.» Li rois de Navare respondi que il
parloient bien et que ensi seroit fait. Despuis ces
[102] parolles ne fu il avoec les Englès que trois jours. Si
prist congié et se parti de Bourdiaux, et se mist au
retour et prist le chemin de la marine, car il y avoit
environ Bayone et le cité de Dax en Gascoingne
5 pluisieurs [fors] que Breton tenoient; et tant fist li
rois de Navare qu’il vint en le ville de Saint Jehan
dou Piet des Pors, et là se tint.
§ 72. Entroes que li rois de Navare fist son voiage
à Bourdiaux et sejourna là, et que depuis il retourna
10 en son païs, Jehans de Castille, aisnés fils au roi
Henri de Castille qui chiés se faisoit de ceste guerre,
et le connestable dou roiaume de Castille avoec
[lui], qui s’appelloit dans Pières de Maric, tenoient le
siège et avoient en devant tenu environ la bonne cité
15 de Panpelune et grant gent desous iaux. En leur
compaignie estoient li contes dant Alphons, li contes
de Medine, li contes de Marions, li contes de Ribède,
Pières Ferrans de Balesque et Pierres Gonsart de
Mo[n]desque et pluisieurs autres barons et chevaliers
20 de Castille et leurs gens. Et avoient cil Espaignol, en
venant devant Panpelune, pris et ars la ville de Lorinch
et le cité de Viane dalés Le Groing; et n’i avoit
seigneur nul en Navare, qui s’osast monstrer contre
iaux, mais se tenoit cascuns en son fort et ens es
25 montaignes. Et tout che savoit bien li rois de Navare, car
tous les jours il avoit messagiers allans et venans;
mais ils seulx n’y pooit remediier sans le poissance et
le confort des Englès.
Li sires de Noefville, qui se tenoit à Bourdiaux et
30 qui là estoit envoiés de par le roi d’Engleterre et son
conseil, ensi que vous sçavés, pooit bien savoir les
[103] nouvelles des grans alliances que li rois ses sires et li
rois de Navare avoient ensamble, et avoit ja prommis
au roi de Navare que il les acompliroit à son loial
pooir. Si pensa sus et appella messire Thomas Trivet,
5 un moult vaillant chevalier, et lui dist: «Messire
Thomas, vous savés comment nous sommes envoiié
par dechà pour regarder as frontières dou païs et bouter
nos ennemis hors, et pour conforter et conseillier le
roi de Navare; et ja a il chi esté et nous a remonstré
10 le grant besoing que il lui touche. Vous fustes presens
où je li heuch couvenant que il seroit servis et
aidiés. Il convient que il le soit: autrement, nous y
ariens blame, siques, chiers amis et compains, je vous
ordonne à estre chiés de nos gens en ceste guerre, et
15 voel que vous y allés à tout sis cens lances et mil
archiers. Et je demorrai en le marce de Bourdiaux,
pour tant que j’en suis senescaux et regars de par le
roi d’Engleterre, et entenderay as besoingnes qui y
demeurent, car encores n’est pas tous li païs bien
20 nettiés ne delivrés de nos ennemis.»--«Sires, respondi
messires Thumas, vous me faites plus d’onneur
que je ne vaille, et je obeïray à vous, car c’est raison,
et m’en acquiteray à mon loial pooir.»--«Messire
Thumas, respondi li sires de Noefville, de cela sui je
25 tous confortés.»
§ 73. Depuis ne demora gaires de temps que messires
Thommas Trivès ordonna toutes ses besoingnes
et se departi de la cité de Bourdiaus à toute sa charge
de gens d’armes et d’archiers, et prist le chemin de
30 Dax en Gascoingne. En sa compaignie estoient messires
Guillaumes Cendrins, messires Thumas Abreton,
[104] messires Jehan Afuselée, messires Henris Paule, messires
Guillaume Triquelet, messires Loys Malin, messires
Thumas Foucque, messires Robers Haston, Andrieux
[Hausdrach] et [Monnet] de Plaisac, gascons.
5 Quant ces gens d’armes et leur routes furent parvenues
jusques à Dax en Gascoingne, il oïrent là
nouvelles que li rois de Navare estoit à Saint Jehan
dou Piet des Pors et faisoit là son mandement et son
amas de gens d’armes; si en furent plus resjoï.
10 De la cité de Dax estoit capitains uns chevaliers
d’Engleterre, oncles à messire Thomas Trivet, qui
s’appielloit messire Mahieu de Gournay, liquels rechut son
[nepveu] et tous les autres moult liement et les aida
tous à logier. Li intencion de messire Thumas Trivet
15 estoit telle que d’aler tout droit son chemin et sans
arrest; mès monseigneur Mahieux de Gournay li dist:
«Biaux niés, puisque vous estes chi à poissance de
gens d’armes et d’archiers, il fault delivrer le païs de
aucuns Bretons et François qui tiennent bien douse fors
20 entre chi et Bayonne. Autrement, se vous les laissiés
derrière, il vous porteront en cel yver trop de contraires;
et, là où vous le ferés, le païs vous en sara
bon gré, et je vous en prie.»--«Par ma foy, respondi
messires Thommas, et je le voel.»
25 Assés tost apriès ces parolles, il fist ordonner ses
besongnes, et se misent toutes manières de gens
d’armes et d’archiers sus les camps, et vinrent devant
un fort que on clamoit Monpin, que Bretons tenoient;
et en estoit capitaine uns escuiers de la conté de
30 Fois, que on appeloit Tallardon. Sitost que ces gens
d’armes furent là venu, il commenchièrent à assaillir
fort et dur, et fut appertement continués li assauls et
[105] tant que de force li fors fu pris. Si furent mort tout
chil qui dedens estoient, exepté Taillardon, mès il
demora prisonniers. Si fu li castiaux remparés et
rafreschis de nouvelles gens; et puis passèrent oultre,
5 et vinrent devant un fort que on clamoit Clarelack,
et le tenoient Gascons. Quant ces gens d’armes
furent venu, il assallirent tantost, mais il ne l’eurent
mie d’assault ne le premier jour; si se logièrent.
Quant ce vint à l’endemain, il retournèrent tout à l’assaut
10 et l’assallirent de si grant volenté que de force
il le prisent. Si furent tout mort chil qui dedens
estoient, hormis le capitaine qui estoit bretons bretonnans
et s’appeloit Yvenès Apprissedi. Chis demora
devers les Englès prisonniers, et fu li castiaus tous
15 ars. Et puis passèrent oultre, et s’en allèrent devant
un autre fort que on nommoit Besenghen; et en estoit
cappitaine uns escuiers gascons qui s’appelloit Rogiers
de Morelach. Li Englès furent deus jours devant ainchois
que il le heussent; et quant il l’eurent, ce fu par
20 traictiet, et s’en partirent tout chil qui dedens
estoient, sain et sauf et sans damage, et se retraïst
cascuns où il amoit le mieux.
§ 74. De ce castiel vinrent il devant Tasseghen, un
castiel seant à trois lieuwes de Bayone, et misent là
25 le siège. Sitost que li Bayonnois sceurent que li castiaux
estoit assegiés, il en furent mout resjoï et vinrent
là au siège bien cinc cens hommes de le ville à
lances et à pavais, et y firent acariier le plus grant
engien de Bayone. Chil de le garnison de Tasseghen
30 avoient porté tant de contraires as Baïonnois que pour
ce les desiroient il mout à tous destruire; et jamais ne
[106] les heussent heus, se n’eust été le sens et l’avis des
Englès. Avoecq encores toute leur force il furent là
quinse jours, ainchois que il les peussent avoir, et
quant il l’eurent, ce fu par traictiet. Encores s’en
5 partirent il sans damage et sus le conduit et sauveté
de messire Thumas Trivet, qui les fist mener et conduire
jusqu’à Bregerach qui se tenoit franchoise. Si
acatèrent le castiel chil de Bayone as Englès trois mil
frans, et puis l’abatirent et en fisent mener toute la
10 pière à Bayone, ne onques depuis n’y heut chastel.
Si s’en vinrent li Englès rafresquir à Bayone, où il
furent recoellit à grant joie et heurent toutes coses à
leur volentet parmi leurs deniers païans.
§ 75. Li rois de Navare, qui se tenoit en la ville de
15 Saint Jehan dou Piet des Pors, estoit durement courouchiés
de ce que li Englès sejournoient tant à venir,
car ses païs estoit en très grant peril. Et bien vous di
que Panpelune eust esté prise et conquise des Espaignols,
se n’eust esté li sens et la boine garde dou
20 visconte de Chastielbon, qui en estoit cappitaine à
tout deus cens lances de Gascons et Foisois; mais li
sens de lui et la bonne ordonnance le garda de tous
perils.
De la ville de [Thudelle] en Navare estoit capitaine
25 messires Perducas de Labreth. De la cité de Mirande
estoit cappitains li contes de [Pallas], et avoec lui
messires Rogiers, ses frères. De une autre forte ville
en Navare que on appelloit Arques, estoit cappitaines
uns chevaliers de Casteloingne qui s’appelloit messires
30 Raymons de Baghes. Sur le fiance de ces cappitains
se tenoit li rois de Navare à Saint Jehan du Piet
[107] des Pors, et les laissoit convenir. Mais tous li plas
païs environ Panpelune estoit rifflés et perdus, ne
nuls ne tenoit les camps fors li Espaignol, et cuidoient
bien que par lonc siège la cité de Panpelune
5 se deuwist rendre, mais il n’en estoient en nulle
volenté, car li viscontes de Castielbon et li sires de
Lescut et Guillaumes de Pans et Hortingos ensongnièrent
grandement et tant que li Espaignol se commenchièrent
tout à tasner, car li yviers leur venoit
10 et estoit environ le Saint Andrieu. Si leur commencièrent
vitailles à faillir, et, se n’eust esté le visconte
de Rochebertin, qui les rafresqui de gens d’armes et
de soixante sommiers de vitaille, il se fussent parti
très le Toussains.
15 Li rois de Navare envoia un sien chevalier qui
s’apeloit messires Pierres li Bascles, devers les Englès,
en priant que il se volsissent delivrer, et que trop
longhement metoient au venir, scelon ce que besoings
touchoit et que il avoient heu en convenant. Li chevaliers
20 esploita si bien qu’il vint en le marce de
Bayone et trouva les Englès devant un chastel qui
s’appielle Pouillac. Si fist son message bien et à point
et tant que messires Thumas Trivès dist que, ce fort
conquis par traictié ou autrement, il n’entenderoit
25 jamais à autre cose si seroit allés en Navare, et que,
sus ceste parole, li chevaliers pooit bien retourner, et
retourna. Ne demora depuis que deus jours que li
castiaus se rendi par traictiet, et se partirent chil qui
dedens estoient, et fu rafresqui de nouvelles gens.
30 Che castiel pris, le païs demora assés à paix. Encores
y avoit aulcuns petis fors qui se tenoient, moustiers
et eglises, et qui heriioient le païs quant il pooient,
[108] mais il n’avoient nulle poissance grant. Si ne veurent
mie li Englès plus sejourner, mais disent que il voloient
aller en Navare et lever le siège de Panpelune
et com[ba]tre les Espaignols.
5 § 76. Messires Thommas Trivès et messires Mahieus
de Gournay et toutes leurs gens s’en retournèrent à
Dax en Gascongne, et là sejournèrent par quatre
jours et s’i rafresquirent. Au cinquime jour, il s’en
partirent et prisent le chemin de Navare; mais messires
10 Mahieus de Gournay retourna en le cité de
Bayone avoec chiaux de sa delivrance, pour garder le
païs et reconquerir cel yvier aucuns petis fors qui se
tenoient de Bretons.
Tant esploitièrent messire Thumas Trivès et se
15 route que il vinrent à Saint Jehan dou Piet des Pors,
et là trouvèrent le roi de Navare qui les rechut à
grant joye. Si se logièrent li chevalier en le ville, et les
gens d’armes et li archier sus le païs au mieux qu’il
peurent. Li rois de Navare, endevant ce, avoit fait un
20 très grant mandement par son païs que toutes manières
de gens, en eage pour porter armes, venissent
devers lui et se assamblassent devant la cité de Mirande.
Nuls n’osa desobeïr au commandement dou
roi, et se pourveïrent et apparillièrent parmi Navare
25 chevalier et escuier et toutes autres gens as lances et
as pavais, et [s’ordonnèrent] pour venir devant Panpelune
combatre les Espaignols.
Nouvelles vinrent en l’ost que li Englès à tout
grant poissance estoient avoecq le roi de Navare à
30 Saint Jehan dou Piet des Pors et que il se trouvoient
bien vint mil hommes d’armes parmi les archiers
[109] pour iaux venir combatre. Adonc se misent les capitaines
ensamble pour conseillier quel cose il feroient
et comment il se maintenroient, se il attenderoient
le roi de Navare ou non, ou se il retrairoient. Là
5 heut en l’ost grant conseil et longhement parlementé.
Et voloient li aucun des capitaines que li Englès et
Navarois fussent attendu; et li autre disoient non, et
que il n’estoient point si fort que pour attendre tel
poissance encores en l’ivier, et que par lonc siège il
10 estoient trop travilliet. Chis parlemens fu longhement
debatus. Toutesfois finablement uns certains
arriest et consaux fu donnés dou deslogier et retraire
tout sagement et bellement en leur païs. Et che qui
plus les inclina à ce faire, car bien disoient li pluisieurs
15 vaillans hommes, chevalier et escuier usé d’armes,
que point ne faisoient leur honneur, che fu ce
que dans Henris de Castille, estans en son païs puis
quinse jours, avoit remandé son fils et ne voloit plus
que li sièges se tenist devant Panpelune. Si se deslogièrent
20 li Espagnol. A leur deslogement, il boutèrent
les feus dedens leur logeis, et retraïsent devers Le
Groing et devers Saint Dominique en Castille. Quant
chil de Panpelune, qui estoient mout abstraint, veïrent
les deslogemens, si en furent tous resjoïs, car il n’avoient
25 pas esté toudis à leur aise.
§ 77. Nouvelles vinrent au roi de Navare et as Englès
qui se tenoient à Saint Jehan dou Piet des Pors
que li Espaignol estoient deslogiet et retrait en leur
païs; si en furent par semblant tout courouchiet, car
30 volentiers les heussent combatus. Nonobstant ce, il
se deslogièrent de là où il estoient logiet, et s’en
[110] vinrent vers Panpelune. Si trouvèrent le [vis]conte de
Chastelbon et le seigneur de Lescut et les autres qui
les recoeillirent liement. Quant ces gens d’armes et
leurs routes se furent deux ou trois jours rafresquis
5 à Panpelune, il heurent conseil que il se partiroient
et s’en iroient par garnisons pour estre mieux au
large et pour plus aise passer l’ivier, car les montaignes
de Navare sont trop dures et trop froides en
yvier pour hostoyer et trop y a de nège. Si furent ordené
10 li Englès que de aller à Thudelle, et là allèrent.
Et li contes de Palas et messires Rogiers, ses frères,
s’en allèrent à Corelle, et li sires de Lescut au Pont
la Roïne, li viscomtes de Casti[e]lbon à Mirande, et
Monnet de Plaisac à Caskain. Ensi se departirent ces
15 gens d’armes, et li rois de Navare [demora] à Panpelune
o chiaux de son hostel. Ensi se tenoient ces
garnisons en Navare tout en paix et sans riens faire,
et ne monstroient point que en l’ivier il volsissent
chevauchier. De coi tout li Espaignol ossi se departirent,
20 et s’en alla li rois dans Henris à Sebille pour là
sejourner, et y mena sa femme et ses enfans.
Messires Thumas Trivès et si compaignon qui se
tenoient à Thudelle et qui encores n’avoient riens fait
despuis qu’il vinrent en Navare, entendirent par
25 leurs espies que li Espaignol estoient retrait. Si se
avisèrent que il chevaucheroient vers Espaigne pour
emploier leurs gaiges, car li yviers, quoiqu’il fust
mout avant, estoit si courtois que riens de froit n’y
faisoit, mais ossi souef que en waïn. Si misent secretement
30 une chevaucie sus de gens d’armes, d’archiers
et de pavescheurs, et le segnefièrent au conte de
Pallas et à monseigneur Rogier, son frère, et y vinrent
[111] à tout deus cens lances et trois cens pavescheurs.
Si fisent chargier sus sommiers grant plenté de pourveanches,
vins et vivres, et s’assemblèrent tous à Thudelle,
et pooient estre en tout uit cens lances et
5 douse cens archiers et ottant d’autres gens, brigans
et pavescheurs. Et puis se departirent et vinrent
droitement la vegille dou Noël, en une belle praerie
et sus une rivière au piet de la montaigne de Mont
Kaieu, laquelle depart les trois roiaumes, Navare,
10 Castille et Arragon. Et d’autre part la montaigne est
uns païs en Castille qui s’appielle le Val de Sorie; et
fist ce jour si bel et si caut que il se disnoient tout
seant à table ou sus leurs sommiers en purs leurs
chiefs.
15 § 78. Quant il heurent disné, toutes les cappitaines
se traïsent ensamble à conseil pour savoir comment
il se maintenroient pour celle nuit et se il se
tenroient là le jour dou Noël, ou se il feroient aucun
esploit d’armes, car il estoient à l’entrée de le terre
20 de leur ennemis. Conseillié fu que de nuit il chevauceroient
et venroient, à l’ajournement dou jour de
Noël, eschieller la cité dou Val de Sorie. Chis consaus
fu tenus et arrestés, et s’ordonnèrent toutes manières
de gens sur che, et ne devoient estre à che faire
25 que trois cens lances; et demoroient tout li demorant
et gent de piet et leurs pourveances là où il
estoient logiet, jusques à l’endemain qu’il leur
seroit segnefié comment il aroient esploitié. Li contes
de Palas à tout cent lances, li viscontes de Castelbon
30 à tout cent lances et messires Thumas Trivès et se
route avoient guides qui les devoient mener, et
[112] devoient chevauchier en trois routes et en troix
agais pour plus secretement faire leur emprise et
mieux venir et plus aise à leur entente. Environ deus
heures de nuit, il s’armèrent tout et furent as chevaus,
5 et n’avoient nulles trompettes, mais les capitaines
et guides savoient bien les certains lieus où il
se devoient retrouver pour venir tout et d’un point
devant le Val de Sorie. Et avoient ja passet le montaigne
et trespasset, et chevauchoient sur les plains,
10 quant uns gresis et une grosse nège commencha à
venir si fort et si roit que merveilles fu; et là dirent
les ghides qu’il avoient perdu leur chemin, et furent
en grant destroit de froit et de nège, et chevaucièrent
à l’endemain jusques à nonne, ainchois qu’il
15 peussent trouver l’un l’autre. Cheste mesaventure
des Englès cheï grandement à point pour chiaux dou
Val de Sorie qui ne se donnoient garde de ceste
[chevauchée et] embusce, car, se il se fussent tout
trouvé ensamble à l’heure que ordonnée il avoient,
20 il l’eussent heu par eschiellement ne ja n’i heussent
failli.
§ 79. Quant messires Thumas Trivès et chil qui
ces gens d’armes menoient veïrent que il avoient
failli à leur entente, si furent durement courouchié;
25 si se recoellirent et remisent ensamble au mieux
qu’il peurent, et puis heurent nouvel conseil. Si se
conseillièrent de boire un cop sus les sommiers et
puis envoiier courir devant le Val de Sorie. Ensi fu
fait. Tantost apriès le desjung qui fu mout brief,
30 messires Raymons de Baghes, navarois, fu esleus à
quarante lances de faire une course devant la ville
[113] pour atraire les geniteurs qui le gardoient. Si chevaucha
li chevaliers et li sien devant le Val jusques as
barières, et là ot grant escarmuche, car chil geniteur,
qui estoient bien deus cens, saillirent tantost hors
5 et commencièrent à traire et à lanchier sus ces gens
d’armes, qui petit à petit se reculoient pour iaux traire
plus avant hors de leur ville. Et vous di que il heussent
vaillanment foulé ces gens d’armes, se li embusche
ne fust traite avant; mais il vinrent tout esperonnant
10 jusques à là, abaissant les lances et frapant
en iaux. Si en y ot de premièr[e]s venues mout d’abatus,
de mors et de bleciés, et furent rebouté, à
leur grant damage, dedens leur ville. Si fremèrent
leurs barrières et leurs portes, et puis montèrent as
15 cretiaux, car il cuidoient bien avoir l’assaut; mais
non heurent, car li Englès et li Navarois se retraïsent
et rappassèrent la montaigne de Mont Kayeu tout
de jour et revinrent à leurs logeis où il trouvèrent
leurs gens. Si se tinrent là celle nuit, et l’endemain,
20 qui fu le jour Saint Estiène, il se retraïsent devers
une ville prochaine de là, que on dist Cascan, en
Navare; et là trouvèrent le roi qui y estoit venus
le vegille dou Noël. Mais, en venant en la ville de
Cascan, li Englès ardirent le jour Saint Estièvene aucuns
25 villages ou Val de Sorie, et par especial un gros
village qui s’appelle Nigrète, et le pillèrent tout.
§ 80. Les nouvelles vinrent au roi dan Henri de
Castille, qui se tenoit à Sebille ou [cuer] de son
royaume, que li Englès avoient chevaucié et ars ou
30 Val de Sorie, en faisant guerre pour le roi de Navare.
Si en fu durement courouchié et jura que che
[114] seroit amendé, et escripsi tantost lettres devers son
fil Jehan de Castille, en lui mandant expressement
que il fesist un mandement par tout son roiaume
des nobles, et les assemblast, car il seroit temprement
5 en Espaigne et se contrevengeroit sur le roi de Navare
des despis que on lui avoit fais. L’enfant de
Castille ne volt ne n’osa desobeïr au commandement
de son père, et fist et intima le mandement, ensi que
commandé lui fu.
10 Entroes que ces gens d’armes s’assemblèrent et que
li rois Henris estoit encores à venir, messires Thumas
Trivès se avisa que il metteroit sus une petite chevaucie
de gens d’armes et iroit devant une ville en
Espaigne que on dist Alphore. Si se parti un soir de
15 Caskan et dou roi de Navare, et chevaucha; et n’avoit
en sa compaignie que cent lances, mais c’estoient
toutes gens d’estoffe. Et chevaucièrent devers Alphore:
sus l’adjournement, il vinrent à une petite
lieuwe de le ville et se boutèrent là en embusche. Si
20 furent envoiiet pour courir devant le ville messires
Guillaumes Cendrins et Andrieus Hausdrac, et avoient
en leur compaignie environ dis lances: si vinrent
jusques à un rieu qui queurt devant la ville, lequel
on passe oultre à grant meschief. Touteffois il le
25 passèrent, et fisent Andrieus Hausdrac et Pières
Mascles, navarois, saillir oultre leurs coursiers, et
vinrent jusques as barrières. Adonc commencha li
effrois grans et fors à lever en la ville, et sonnèrent
leur trompettes les gens d’armes qui dedens estoient.
30 Si s’assemblèrent et ouvrirent leur portes et les barrières;
si se misent tout au dehors et commenchièrent
à traire et à escarmuchier. Des dis lances n’en y
[115] avoit plus qui heussent passé le rieu, que les deux
dessus nommés. Si retournèrent, quant il veirent le
faix venir et fisent rassaillir leurs coursiers oultre.
Chil d’Alphore veïrent que ces gens n’estoient c’un
5 petit et riens ne savoient de leur embusche: si les
sieuwirent caudement de près et passèrent le rieu à
un pont amont où il savoient bien le passage.
Ches dis lances se fisent cachier jusques à leur enbusche;
adonc sallirent avant messires Thumas Trivès et
10 li aultre, en escriant leur cri, et se boutèrent en ces
gens qui estoient yssu hors d’Alphore et en portèrent
à ce commenchement de leurs lances grant fuison
à terre. Au voir dire, li Espaignol ne peurent
longhement durer contre les Englès et retournèrent
15 qui mieux mieux; mais trop petit s’en sauvèrent, qui
ne fussent mort ou pris. Li effrois fu grans en la
ville, et le cuidièrent li Englès trop bien avoir de
venues [pour tant que il veoient que les gens du lieu
se desconfissoient], mès non heurent, car les femmes
20 de la ville le sauvèrent et recouvrèrent par leur bon
convenant. Car entroes que li Englès passoient le rieu,
elles [s’ensonnièrent] et vinrent clorre et fermer les
barrières et le porte, et puis montèrent as cretiaux de
la ville et monstrèrent grant volenté de elles deffendre.
25 Quant messires Thumas Trivès en veï l’ordenanche,
si dist en riant: «Velà bonnes femmes! Retournons
arrière; [nous n’avons riens fait.» Adonc
retournèrent il et passèrent le rieu où il l’avoient
passé, et retournèrent] vers Caskan et enmenèrent
30 leur prisonniers, et tant fisent que il y parvinrent.
De ceste chevauchie acquist grant grace messires
Thumas Trivès au roy de Navare.
[116] § 81. Environ quinse jours après que messires
Thumas Trivès ot fait ceste chevaucie devant Alphore
et que il fu retraict en la garnison de Caskan, Jehans,
fils au roi dant Henri de Castille, qui son mandement
5 avoit fait par tout le roiaume de Castille au
commandement et ordonnance de son père, s’en vint
à Alphore à tout vint mil hommes à cheval et à piet,
en grant volenté de combatre les Englès et les gens
le roi de Navare. Quant li rois de Navare sceut ces
10 nouvelles, il s’en vint à Thudèle, et messires Thumas
Trivès et li Englès en sa compaignie, et manda tous
chiaux des garnisons dou roiaume de Navare. A son
mandement ne volt nuls desobeïr, et vinrent tantost
devers lui et se logièrent à Thudelle ou là environ,
15 et n’atendoient autre cose que li Espaignol chevauchassent.
Ossi li Espaignol n’atendoient aultre cose
que li rois Henris fust venus, liquels se parti de
Sebille à grant gent et chevaucha parmi sen roiaume,
et fist tant que il vint à Saint Dominge, et là s’arresta;
20 et ses gens se logièrent sus les camps et desoubs
les oliviers. Quant Jehans, ses fils, sceut que ses pères
estoit venus à Saint Dominge et là logiés, si se parti
de Alphore et là se retraïst et toutes ses gens. Et vous
di que c’estoit li intencions des Espaignols de venir
25 mettre le siège devant Tudèle, et enclorre le roi de
Navare là dedens, ou combatre. De tout ce estoit li
rois de Navare tous enformés, et bien veoit et savoit
que il n’avoit mie puissance de attendre à bataille le
roi Henri [si estoffeement acompaigné], car il avoit
30 plus de quarante mil hommes à cheval et à piet.
Entre le roi Henri et le roi de Navare avoit aucuns
sages vaillans hommes de l’un roiaume et de l’autre,
[117] prelas et barons, qui ymaginoient le grant peril et
damaige qui entre iaux naistre en porroient, se par
bataille s’entre encontroient. Si commenchièrent à
traictier sus une partie et l’autre d’un respit avoir
5 pour mieux amoiienner les besoingnes. Et convint les
traicteurs avoir beaucoup de paine et de traveil
d’aller de l’un à l’autre, ainchois que la besoingne
se peust entamer, car li Englès, qui se trouvoient bien
doy mille, se tenoient grant et orgheilleux contre les
10 Espaignols et conseilloient au roi de Navare la bataille.
D’autre part, li Espaignol, qui estoient grant
fuison, amiroient petit les Englès ne les Navarois:
pour tant estoient li traictié plus dur à conclurre.
Nequedent tant y traveillèrent chil qui s’en essonnièrent,
15 que uns respis fu pris entre ces deux rois et
leurs roiaumes à durer sis sepmaines, et là endedens
bonne paix, mais que on l’i peust trouver. Et estoit
li intencion des traicteurs que uns mariages se feroit
de l’enfant de Castille, aisné fil au roy Henri, à la
20 fille dou roi de Navare, par coy plus sceure et
plus ferme pais demorroit et seroit entr’iaux à tousjours.
A ce entendoit li rois de Navare volentiers, car
il veoit sa fille hautement mariée et dalés lui. Chis
premiers traictiés ne se peut tenir, car l’enfant de
25 Castille estoit obligiés ailleurs par mariage.
Or fu regardé des prelas et barons de l’un roiaume
et de l’autre, que Charle de Navare, aisné fils dou
roi de Navare, aroit la fille dou roi dant Henri. Chis
traitiés passa oultre, parmi tant que li rois dant
30 Henri devoit tant faire envers le roi de France, en
cui garde Charle de Navare estoit, que il devoit
retourner en Navare, ensi qu’il fist. Car à sa prière li
[118] rois de France l’i renvoia, et deubt, parmi le mariage
faisant, li rois de Navare prester dis ans, en cause de
sceureté, au roi Henri le ville et le castel de l’Estoille,
le cité et le chastel de Thudelle, le ville et le chastel
5 de la Garde; et devoit li rois Henris rendre as Englès
messire Pière de Courtenay qui estoit son prisonnier,
ensi qu’il fist, et le seigneur de Lespare, gascon.
Toutes ces coses furent seelées, confermées et
accordées et jurées à tenir fermes et estables à tousjours
10 mais entre l’un roi et l’autre et leurs roiaumes;
et quiconques les brisoit ne rompoit par aucune incidence,
il se metoit et soubmettoit en la sentence
dou pape.
§ 82. Entroes que cil traictié se faisoient et composoient,
15 li rois de Navare, qui estoit tenus devers
les Englès en le somme de vint mil frans, pour lui
acquiter envers iaux, [envoya] en Arragon le visconte
de Chastelbon pour querir ces deniers et emprunter
au roi d’Arragon, liquels rois lui presta volentiers.
20 Mais ses bonnes villes en demorèrent en plèges, telles
que Panpelune, Mirande, le [Pont] le Roïne, Corelle
et Saint Jehan dou Piet des Pors. Ensi furent li Englès
paiiés [et delivrés], et se partirent content dou
roi de Navare et retournèrent arrière à Bourdiaus et
25 de là en Engleterre. Et li mariage se fist de Charle
de Navare et de la fille au roi Henri qui s’appielloit
Jehanne, mout belle dame.
En cel an, trespassa li rois dans Henris de Castille,
dont tous ses roiaumes fu durement courouciet.
30 Tantost après son trespas, li Espaignol et li Castellain
couronnèrent à roi son aisnet fil dant Jehan. Si
[119] demora rois par l’acort des prelas et des barons dou
roiaume d’Espaigne, de Castille, de Galice, de Sebille
et de Corduan, et li jurèrent tout foi et hommage
à tenir à tousjours mais. Adonc s’esmut la
5 guerre entre le roi de Portingal et le roi Jehan de
Castille, qui dura mout longhement, sicomme vous
orrés recorder avant en l’istore; mais nous retournerons
as besoingnes de France.
§ 83. Vous avés bien chi dessus oï recorder comment
10 li sires de Moucident se tourna françois par le
prisse où il fu pris à Ymet en Gascongne, et comment
il vint en France veoir le roi de France et
sejourna bien un an ou plus à Paris. Et tant i fu
que il i prist desplaissance, car il cuida au
15 commenchement et ossi [au] definement trouver au roi de
France tel cose que il ne trouva mies, dont il se
merancolia et se repenti grandement de ce que il
estoit tournés françois; mais il dissoit que ce avoit
esté par constrainte et non par autre voie. Si s’avisa
20 que il s’embleroit de Paris, où il avoit trop sejourné,
et retourneroit en son païs et se renderoit englès,
car mieux en corage li plaissoit li services dou roi
d’Engletière que dou roi de France. Si [fist] ensi
comme il l’ordonna, et donna à entendre à tous
25 chiaulx dont il avoit la connissance, excepté à chiaux
de son conseil, que il estoit dehaitiés. Si monta un
soir à cheval li troisime, tous desconneux, et se
parti de Paris et chevaucha vers son païs: ses gens
petit à petit le sievirent. Tant esploita par ses journées
30 que il vint à Bourdiaux. Si trouva là messire
Jehan de Nuefville, senescal de Bourdiaulx, à qui il
[120] recorda son aventure: si se tourna englès et dist que
il avoit plus chier à mentir sa foi deviers le roi de
France que enviers son naturel signeur le roi d’Engletière.
Enssi demora li sires de Moucident englès
5 tant comme il vesqui. De quoi li dus d’Ango fu
moult courouchiés et dist bien et jura que, se jamais
le tenoit, il li toroit la teste. De che estoit li sires de
Moucident tous enfourmés et avisés: si se gardoit
dou mieux qu’il pooit.
10 § 84. Encores se tenoit li sires de Lagurant
françois, liquels estoit uns moult apers chevaliers, et
faissoit pluiseurs contraires en la terre les signeurs
retournés englès qui li marcissoient, tels que le
signeur de Moucident, le signeur de Rosem et le
15 signeur de Duras. De quoi chil troi baron estoient
moult courouchiet, et metoient grant entente à ce
que il le peuissent ochire ou faire ochire, car il leur
estoit trop fors ennemis. Li sires de Lagurant, qui
estoit uns chevaliers de grant volenté, chevauchoit
20 un jour [et avoit] en se compaignie environ quarante
lances; et vint assés priès de une garnisson englesche
que on dist Canillac, qui estoit de l’iretage le captal
de Bues et à son frère. [Si] fist une embusce de ses
gens en un bois et dist: «Demorez chi. Je voel aler
25 tous seulx courir devant che fort pour savoir se nuls
saudra hors contre nous.» Ses gens demorèrent. Il
chevaucha oultre montés sur fleur de coursier, et vint
devant les barrières de Canillac et parla as gardes et
demanda: «Où est Bernars Courans, vostre cappitaine?
30 Dites li que li sires de Lagurant li demande
une jouste. Il est bien si boin homme d’armes et si
[121] vaillans que il ne le refusera pas pour l’amour de sa
dame; et, se il le refuse, il li tournera à grant blame,
et dirai partout où je venrai, que il m’ara refusé
par couardisse une jouste de fier de lance.» A la
5 barrière, pour l’eure, estoit uns des varlès Bernart
Courant, qui li dist: «Sire de Lagurant, j’ai bien
oï [vostre parole]. Or vous souffrés un petit: je irai
parler à mon maistre. Ja ne sera reprocié que par
lasqueté il vous refusse, mais que vous le voelliez
10 atendre.»--«Par ma foi, respondi li sires de
Lagurant, oïl.» Li varlès se part[i] et vint en une
cambre où il trouva son maistre: [si] li recorda les
parolles que vous avés oïes. Quant Bernars ot che
entendu, [si] li engroissa li cuers ou ventre, et felenia
15 grandement et dist: «Çà, mes armes! Ensielés
moi mon coursier: il n’en ira ja refussés.» Tantos
fu fait: il s’arma et monta à cheval, et prist sa targe
et son glave, et fist ouvrir la porte et la barrière, et se
mist as camps.
20 Quant li sires de Lagurant le veï venir, si fu tous
resjoïs et abaissa son glave, et se mist en ordenance
de bon chevalier, et ossi fist li escuiers; si esperonnèrent
leurs chevaulx. Tout doi estoient bien monté
et à volenté; si se consievirent si roidement des
25 glaves enmi leurs escus que elles vollèrent en pièces.
Au passer oultre, Bernars Courans consieuwi à meschief
de l’espaulle le signeur de Lagurant et le bouta
hors de sa selle et le jetta sus la terre. Quant Bernars
Courans le veï aterré, il fu tous resjoïs et tourna
30 tout court son coursier sus li, et à ce que li sires de
Lagurant se releva, Bernars, qui estoit fors escuiers
et appers, le prist à deux mains par le bacinet et le
[122] tira si fort à lui que li esracha hors de la teste et le
jetta desoulx son cheval. Les gens le signeur de
Lagurant, qui estoient en l’embusce, veoient bien
tout ce: si se commenchièrent à desrouter pour
5 venir celle part et rescoure leur signeur. Bernars
Courans regarda sus costé et les veï venir: si
traïst sa dague et dist au signeur de Lagurant:
«Rendez vous, sire de Lagurant, mon prisonnier,
rescous ou non rescous; ou autrement vous
10 estes mors.» Li sires de Lagurant, qui avoit fiance
en ses gens pour estre rescous, se taissi tous quois
et riens ne respondi. Quant Bernars Courans veï che
que il n’en aroit autre cose, si fu tous enflamés d’aïr
et se doubta que il ne perdesit le plus pour le mains,
15 et li avalla une dague que il tenoit sus le cief que il
avoit [tout nut] et li embara là dedens; et puis le
rasache, et fiert cheval des esperons et se relance ens
es barrières, et là descent, et se met en bon convenant
pour li deffendre et garder, se il besongnoit. Quant
20 les gens le signeur de Lagurant furent venus jusques
à lui, il le trouvèrent navré à mort. Si furent tout
courouchié et en ordonnèrent et aparillièrent au
mieux qu’il peurent, et le raportèrent arrière en son
chastiel; mais il morut à l’endemain. Enssi avint en
25 che tamps en Gascongne de che signeur de Lagurant.
§ 85. En che tamps avint uns fais d’armes en Rocelois,
car Helios de Plaisac, uns moult adurés escuiers
et vaillans homme as armes, estoit cappitainne de
Bouteville, un fort englès, et tenoit là en garnisson
30 environ sis vins lanches de compaignons englès et
gascons qui moult constraindoient le païs et couroient
[123] priès que tous les jours en devant la Rocelle
[et] en devant Saint Jehan l’Angelier, et tenoient ces
deus villes en tels doubtes que nuls n’ossoit issir fors
en larcin. Dont li chevalier et li escuier dou païs
5 estoient moult courouchiet, et s’avisèrent un jour
qu’il i pourveroient de remède à leur loial pooir,
car il seroient de leurs ennemis mort ou pris sus les
camps. Si se quellièrent et asamblèrent en la Rocelle
environ deus cens lances, car ce estoit la ville où
10 Helios et li sien couroient le plus souvent devant; et
là estoient de Poito et de Saintonge, li sires de Tors,
li sires de Puissances, messires Jaques de Surgières,
messires Perchevaux de Coulongne, messires Renaulx
de Touwars, messires Hues de Vivonne et pluiseurs
15 autres en grant volenté de rencontrer leurs ennemis.
Et seurent ces cappitainnes par leurs espies que
Helios de Plaisac chevauceroit et venroit devant la
Rocelle aquellir le proie. Si se ordonnèrent selonc
che et se partirent dou soir, tout bien armé et monté
20 à cheval, et se missent as camps. A leur departement,
il ordonnèrent que, à l’endemain bien matin,
on mesist tout le bestail hors as camps à l’aventure.
Enssi fu fait que ordonné fu.
Quant che vint au matin, Helios de Plaisac et sa
25 route s’en vinrent courir devant la Rocelle et ferir
jusques as barrières. Entrues chil qui commis i
estoient, asamblèrent toute la proie et le fissent mener
des hommes dou païs devant iaulx. Il ne l’eurent
pas mené une lieuwe quant evous les François qui
30 estoient plus de deus cens lances, qui leur vinrent
sus elle; et ne s’en donnoient garde li Englès, et se
boutèrent de plains eslais et as roides lances sus leurs
[124] ennemis. De premières venues, il en i eut pluiseurs
rués jus à terre. Là dist Helios de Plaisac: «A piet,
à piet, tout home! et nuls ne fuie, et lesse cescuns
aler son cheval. Se la journée est nostre, nous arons
5 chevaulx assés; et, se elle est contre nous, nous no[u]s
passerons bien de chevaus!» Là se missent Englès et
Gascon et cil dou costé Heliot tout à piet et en bon
convenant. Ossi fissent li François, car il doubtèrent
à perdre leurs chevaulx dou [fer] des glaves. Là eut
10 dur rencontre et forte bataille et qui longuement
dura, car il estoient tout main à main; et pousoient
de leurs glaves si roit là où il carquoient, que il se
mettoient jusques à l[e] grosse alainne. Là ot fait pluiseurs
grans appertises d’armes, mainte prise et
15 mainte rescouse. Finablement, li Poitevin et li Saintongier
obtinrent le place, et furent leur ennemi
desconfi, tout mort et tout pris, petit s’en sauvèrent,
et toute la proie rescousse, et Helios de Plaisac pris et
amenés en le Rocelle. Tantos apriès ceste avenue,
20 on ala devant le castiel de Bouteville qui fu pris; et
legiers estoit à prendre, car on n’i trouva nullui.
Enssi fu Bouteville franchoisse, dont tous li païs
d’environ eut grant joie, et demora Helios de Plaisac
en prison un lonc tamps.
25 § 86. En che tamps retournèrent en Engletière
messires Thumas Trivès, messires Guillaumes Helmen
et li aucun chevalier et leurs routes qui avoient esté
en Espaigne et aidiet à faire la guerre le roi de
Navare. Si se traïssent tantos deviers le roi d’Engletière,
30 qui pour ce tamps estoit à Cartesée, et si doi
oncle, li dus de Lancastre et li contes de Cambruge,
[125] dallés li. Si furent li chevalier liement requelliet
dou roi et des signeurs, et furent enquis et examiné
à dire nouvelles. Il en dissent assés, toutes celles que
il savoient et coument li affaires s’estoit portés en
5 Espaigne et en Navare, et de la pais qui estoit entre
le roi de Castille et le roi de Navare, et comment li
rois de Navare avoit mariet Carle, son ainsnet fil, à
la fille dou roi dan Henry, et tout de point en point
comment li traitiet s’estoient porté. Li dus de Lancastre
10 et li contes de Cambruge estoient durement
pensieu sus ces parolles, car il se dissoient et tenoient
ho[i]rs de toute Espaigne de par leurs femmes. Si
demandèrent en quel tamps li rois Henris bastars
estoit mors et se li Espagnol avoient couronné à
15 roi son fil. Messires Thumas Trivès et messires Guillaumes
Helmen respondirent, et cascuns par soy:
«Mi chier signeur, à la mort dou roi Henri ne au
couronnement de son fil ne fumes nous pas, car
pour che tamps nous estions retrait en Navare; mais
20 vechi un hiraut qui i fu: si le poés savoir par lui,
se il vous plaist.» Adonc fu li hiraus apiellés et
demandés dou duc de Lancastre comment li afaires
avoit allé. Il en respondi enssi et dist: «Monsigneur,
à la requeste de vous j’en parlerai. Entrues
25 que mi signeur qui chi sont, estoient à Panpelune,
en atendant l’acomplissement des tretiés qui fait
estoient, par leur congié je demorrai dallés le roi de
Navare moult honnourés de li et de ses gens. Me parti
de Panpelune en sa compaignie, et vint li rois à
30 Saint Dominige. Contre sa venue issi hors li rois
Henris à grant gent, qui en amour et par bonne pais
l’attendoit; et fu li rois de Navare moult honnerés
[126] de li et de ses gens, et li donna che soir à soupper
moult hautement. Apriès soupper, nouvelles vinrent
que uns senglers estoit ens es landes asés priès de là.
Si fu ordonné que à l’endemain on l’iroit cachier.
5 A celle cache furent li doi roi et leurs veneurs, et fu
li senglers pris; et retournèrent en grant amour che
soir à Saint Dominige. A l’endemain, se departi li
rois Henris et s’en ala à la Pière [Ferrade] pour une
journée que il avoit là contre ses gens. Là li prist
10 une maladie dont il morut, et sceut sa mort li rois
de Navare sus les camps, car il le venoit veoir. Adonc
retourna il tous courouchiés en son païs, et je pris
congiet à lui. Si m’en alai en Castille pour veoir et
aprendre des nouvelles. Et trespassa li rois Henris
15 le jour de le Pentecouste. Assés tost apriès, le
XXVe jour de julle, le jour Saint Jaqueme et Saint
[Cristofle], fu couronnés à roi dans Jehans de Castille,
ainés fils dou roi Henri, en l’eglise catedral de la
citté de Burghez, auquel couronnement furent tout
20 li prelat et li noble de Castille, d’Espaigne, de Galise
et de Corduwan et de Sebille; et tout li jurèrent sus
saintes Evangilles à tenir à roi. Et fist che jour deus
cens et dis chevaliers et donna moult de biauls
dons. A l’endemain de son couronnement, à grant
25 compaignie de nobles, il s’en vint en une abbeïe de
dames au dehors de Burghez, que on dist le Sorghes.
Là oï la messe et disgna; et là ot grans joustes, et en
ot le pris li viscontes de Rokebertin d’Arragonne, et
che soir retourna li rois à Burghez. Et du[rè]rent ces
30 festes bien quinse jours.»
Adonc demanda li dus de Lancastre se li rois de
Portingal avoit point esté priiés d’avoir là esté. Il
[127] respondi: «Oïl, mais il n’i volt venir. Et fui enfourmés
que il avoit respondu as mesages qui i estoient
allé, que ja ne seroit au couronnement dou fil d’un
bastart qui avoit mourdrit son frère.»--«Par ma
5 foi, respondi li dus, de ces parolles dire il fu bien
consilliés, et si l’en sai bon gré; et les coses ne demoront
pas longuement en cel estat, car moi et mon
frère li calengerons l’iretage dont il se dist rois.»
Atant finèrent ces parolles; si demandèrent le vin.
10 Nous no[u]s soufferons maintenant à parler de ceste
matère et parlerons des [avenues] de France.
§ 87. Li rois Charles de France, qui pour che
tamps resgnoit, sicom vous poés savoir par ses
oevres, fu durement sages et soutils, et bien le monstra
15 tant comme il vesqui; car, tous quois, estans en
ses cambres et en ses deduis, il reconqueroit ce que
si predicesseur avoient perdu sus les camps, la teste
armée et l’espée en le main, dont il en fait grandement
à recommander. Et pour ce que li rois de
20 France savoit que li rois Robers d’Escoce et tous li
roiaulmes d’Escoce entirement avoient guerre et
mortelle haïne as Englès, car onques ne peurent chil
doi royaulme amer l’un l’autre, pour nourir plus
grant amour entre li et les Escoçois, il s’avissa que
25 il envoiieroit un sien chevalier secretaire et de son
conseil deviers le roi d’Escoce et les Escos, pour
parlementer, traitier et avisser le païs et connoistre
les barons, et savoir se par Escoce ses gens poroient
faire une bonne guerre as Englès. Car Yeuwain de
30 Galles vivant, il l’avoit enfourmé que par Escoche
ce estoit li païs ou monde par où on pooit mieux
[128] nuire les Englès. Et sus che pourpos li rois de France
avoit eu pluiseurs ymaginacions, et tant que il ordonna
un sien chevalier sage et bien enlangagiet
qui s’apelloit messires Pière, signeur de Bournesiel,
5 et li dist: «Vous ferés che message en Escoce et me
saluerez le roi et tous les barons, et li dirés que
nous et nostres roiaulmes sommes ouvert et apparilliet
pour iauls requellier: [si] tretiés deviers
le roi et iaulx enssi comme à nos bons amis, par
10 quoi, à la saisson qui vient, nous i puissons envoier
gens et par là avoir entrée en Engletière, enssi que
nostre predicesseur dou tamps passé ont eu. Et tenez
estat, enssi comme à message dou roi de France
apartient, car nous le vollons, et tout sera paiiet.»
15 Li chevaliers respondi et dist: «Sire, à vostre
commandement.» Depuis ne sejourna il gaires longuement,
quant toutes ses besongnes furent apparillies,
et se party dou roi et de Paris, et esploita
tant par ses journées que il vint à l’Escluse en Flandres;
20 et là s’aresta en attendant vent et passage, et
i sejourna environ quinse jours, car il avoit vent
contraire. En che sejour, il tenoit grant estat et
estoffe de vaisselle d’or et d’argent courant parmi
sa salle ossi largement que che fust uns petis dus,
25 et faisoit porter devant lui une espée toute engaïnnée
et enarmée très ricement d’or et d’argent;
mais bien estoit paiiet tout ce que ses gens prendoient.
Dou grant estat que li chevaliers menoit, tant en
30 son hostel que sus les rues, estoient pluiseurs gens de
la ville esmervilliet. Si fu avissés et regardés dou
baillieu de l’Escluse, qui là estoit officiiers de par le
[129] conte de Flandres, et tant que li baillus, qui ne s’en
peut taire, dont il fist mal, le vint segnefiier au conte
qui se tenoit pour celle saisson à Bruges, et le duc de
Bretaigne, son cousin, dallés lui. Li contes de Flandres,
5 quant il eut un petit penssé, avoec ce que li
dus de Bretaigne i rendi painne, ordonna que il fust
là amenés. Li baillieus retourna à l’Escluse et vint au
chevalier dou roi mal courtoissement, car il l’aresta
de main misse de par le conte. De quoi li chevaliers
10 fu tous esmervilliés que on li demandoit, et dist
adonc au baillu que il estoit chevaliers et messages
commissaires au roi de France. «Sire, dist li baillus,
je le croi bien, mais il vous fault venir parler au
conte, et m’est commandé que je vous i maine.»
15 Onques ne se peut li chevaliers escuser que il n’en
fust menés dou baillu et de ses gens à Bruges. Quant
il fu venus en la cambre dou conte à Bruges, li contes
de Flandres et li dus de Bretaigne s’apoioient tout
doi à une phenestre sus les gardins. Adonc se mist en
20 genoulx li chevaliers devant le conte, et dist: «Monsigneur,
veci vostre prisonnier.» De ceste parole fu
li contes durement courouchiés, et dist par grant
irour: «Comment, ribaus, dis tu que tu ies mon prisonnier,
pour ce se je t’ai mandé à venir parler à
25 moi? Les gens Monsigneur pueent bien venir devant
moi et parler à moi, et tu ne t’es pas bien acquités,
quant tu as tant sejourné à l’Escluse et tu me sentoies
si priès de toi, et tu ne venoies parler à moi.
Mais tu ne daignoies!»--«Monsigneur, respondi
30 li chevaliers, salve la vostre grace.» Adonc prist la
parolle li dus de Bretaigne et dist: «Entre vous,
bourdeur et langageur et vendeur de bourdes et de
[130] langages ou palais à Paris et en la cambre de Monsigneur,
mettés le roiaulme à vostre vollenté et jeués
dou roi à vostre entente, et en faites bien et mal qui
que vous volés, ne nuls haus prinches de son sanc,
5 puis que vous l’avés encargié en haïne, ne puet estre
oïs! Et on en pendera encores tant de tels gens que
li gibet en seront raempli.» Li chevaliers qui là estoit
en genoulx, fu tous honteus, car tels parolles à oïr li
estoient moult dures, et bien veoit que taire li estoit
10 plus pourfitables que parler. Si ne respondi onques
mot à ces parolles et se disimulla au mieux qu’il peut
et sceut, et se departi de la presense des signeurs en
prendant congiet, quant il veï que heure fu. Ossi
aucunes gens de bien qui estoient dallés le conte, li
15 fissent voie et l’enmenèrent boire. Depuis monta à
cheval li sires de Bournisel et retourna à l’Escluse à
son hostel; et vous dirai comment il li cheï. Quoique
toutes ses pourveances fuissent apparillies et cargies,
et euist bon vent pour singler viers Escoce, il ne
20 s’osa partir ne mettre ou dangier de la mer, car il li
fu segnefiiet que il estoit espiés et avissés d’Englès qui
sejournoient à l’Escluse, et que, se il se mettoit en
son voiage, il seroit happés sus mer et menés en
Engletière. Pour celle doubte, ses voiages fu brissiés,
25 et se parti de l’Escluse et s’en retourna en France et à
Paris deviers le roi.
§ 88. Vous devés savoir que li sires de Bournisiel
ne recorda mies mains au roi de France de l’aventure
qui li estoit avenue en Flandres que il n’i euist,
30 mais tout enssi come la cosse avoit alé; et bien li
besongnoit que il montrast diligensse et escusance, car
[131] li rois estoit mout esmervilliés de son retour. A ce
recort que messires Pières fist, estoient pluisieur chevalier
de la cambre dou roi, et par especial messires
Jehans de Gistelles, de Haynnau, cousins au conte de
5 Flandres, i estoit, qui notoit et engorgoit toutes les
parolles dou chevalier, et tant que finablement il ne
s’en peut taire pour tant que messires Pières, che li
sambloit, parloit trop avant sus la partie dou conte;
si dist: «Je ne puis tant oïr parler dou conte de
10 Flandres, mon chier signeur, et, se vous vollés dire,
chevaliers, que il soit tels que vous dites ci ne que il
ait de son fait empechiet vostre voiage, je vous en
appelle de camp, et en velà mon gage.» Li sires de
Bournisiel ne fu pas esbahis de respondre, et dist
15 enssi: «Messire Jehan, je di que je fui enssi menés
et pris dou baillieu de l’Escluse et amenés devant le
conte; et toutes les parolles que j’ai dites, li contes
de Flandres et li dus de Bretaigne les ont dites. Et
se vous vollés parler dou contraire qu’il ne soit enssi,
20 je leverai vostre gage.»--«Oïl,» respondi messires
Jehans de Gistelles. A ces parolles, se merancollia li
rois et dist: «Alons, alons, nous n’en volons plus
oïr.» Si se parti de la place et rentra en sa cambre
avoecques ses cambriers tant seullement, mout resjoïs
25 de ce que messires Pières avoit si francement parlé
et relevé la parolle de messire Jehan de Gistelles, et
dist enssi en riant: «Leur a il bien masquiet? je
n’en vauroie pas tenir vint mil frans.» Depuis avint
que messires Jehans de Gistelles fu si mal de court,
30 qui estoit cambrelens dou roi, que on l’i veoit envis,
et bien s’en perchut: si n’en peut souffrir les dangiers
et prist congiet dou roi et se parti, et s’en
[132] vint en Braibant, dallés le duch Wincelin de Braibant
qui le retint. Et li rois de France se tint dur enfourmés
sus le conte de Flandres tant pour ce que il
avoit, che sambloit à pluiseurs dou roiaulme, empechiet
5 le signeur de Bournesiel à faire son voiage en
Escoce et que il tenoit dalés lui le duc de Bretaigne,
son cousin, qui estoit grandement en sa malivolense;
et se perchevoient bien chil qui dallés le roi
estoient, que li contes de Flandres n’estoit pas bien
10 en sa grace.
§ 89. Un petit apriès ceste avenue, li rois de
France escripsi unes letres mout dures deviers le
conte de Flandres, son cousin, et parloient ces letres
sus manaces pour tant que il soustenoit avoecques
15 lui le duc de Bretaigne, lequel il tenoit à ennemi.
Li contes de Flandres rescripsi au roi et se escusa
au plus bellement qu’il peut et bien le sceut faire.
Ceste escusance ne valli noient que li rois de France
ne li renvoiiast plus dures letres en remonstrant que,
20 se il n’eslongoit de sa compaignie le duch de Bretaigne,
son adversaire, il li feroit contraire. Quant li
contes de Flandres veï que che estoit acertes et que
li rois de France le poursievoit de si priès, si ot avis
de soi meïsmes, car il estoit mout imaginatis, que il
25 remonsteroit ces manaches à ses bonnes villes et par
especial à chiaulx de le ville de Gand, pour savoir
que il en responderoient; et envoiia à Bruges, à Ippre
et à Cou[r]trai, et se parti de Malle, le duch de
Bretaigne en se compaignie, et s’en vint à Gant et se
30 loga à le Poterne. Si fu liement recheus des bourgois
de Gand, car à che jour il l’amoient mout dallés eulx.
[133] Quant aucun bourgois des bonnes villes de Flandres
qui envoiiet i furent, enssi que ordonné estoit, furent
là tout asamblet, li contes les fist venir en une plache
et là remonstrer par Jehan de le Faucille toute se intencion,
5 et lire les letres que li rois de France depuis
deus mois li avoit envoiies. Et quant ces letres eurent
esté leutes, li contes parla et dist: «Mi enfant et
bonnes gens de Flandres, par la grace de Dieu, j’ai
ja esté vos sires un mout lonc tamps et vous ai menés
10 et gouvernés en paix à mon pooir, ne vous n’avez en
moi veu nul contraire que je ne vous aie tenu en
toute prosperité, enssi que uns sires doit tenir ses
gens; mais il me vient à grant desplaissance, et ossi
doit il vous faire qui estes mes bonnes gens, quant
15 mon signeur le roi me herie et voelt heriier pour
tant que je soustieng en mon païs et tieng en ma
compaignie le duc de Bretaigne, mon cousin germain,
qui n’est pas pour le tamps bien clers en
France, ne bonnement il ne s’ose asseurer en ses
20 gens en Bretaigne pour le cause de cinc ou de sis
barons qui le héent; et voelt li rois que je l’eslongne
et boute hors de mon hostel et de ma terre: che li
seroit grant estrangnerie. Je ne di mies, se je confortoie
mon cousin de villes, de castiaulx et de gens
25 d’armes à l’encontre dou roiaulme de France, que li
rois n’euist bien cause de [se] plaindre de moi, mais
nenil, ne nulle volenté n’en ai. Et pour tant je vous
ai chi asamblés et vous remonstre les perils qui en
poroient nestre et venir, à savoir se vous vollés demorer
30 dallés moi.» Il respondirent tout de une vois:
«Monsigneur, oïl, et ne savons aujourd’ui signeur,
quels qu’il soit, se il vous voloit faire guerre, que
[134] vous ne trouvissiés [au bout de vostre terre de Flandres]
deus cens mil hommes tous armés.» Ceste parolle
resjoï grandement le conte Loeïs de Flandres,
et dist: «Mi bel enfant, grant merchis.»
5 Sus ces parolles se defina parlemens, et se contenta
li contes grandement de ses gens et leur donna
congiet de retourner à leurs maisons. Si retourna
cascuns en pais, et li contes, quant il sceut que
bon fu, s’en retourna à Bruges, le duc de Bretaigne
10 en sa compaignie. Si demorèrent les coses
en cel estat, li contes grandement en la grace de
ses gens et li païs en pais [et] prosperité, qui depuis,
et ne demora gaires, par incidenses merveilleuses
esceï en grant tribulation, sicom vous orés recorder
15 avant en l’istoire.
§ 90. Vous poés et devés bien croire que li rois
de France fu enfourmés de toutes ces coses et comment
li contes de Flandres avoit respondut. Si ne l’en
ama mies miex, et li convint ce passer et porter:
20 autre cose n’en peut il avoir, mais bien dissoit que
li contes de Flandres estoit li plus orgilleus et presumptieus
princes que on seuist, et encores oultre,
sicom je fui adonc enfourmés, [on] veoit bien à sa
manière, que on disoit, que c’estoit li sires que plus
25 volentiers euist mis à raison ou volentiers euist veu
[que] qui que fuist li euist porté contraire ou damage,
par quoi ses grans orguels fust plus abatus. Li contes
de Flandres, quoique li rois de France euist escript
à lui que c’estoit grandement à se desplaissance que
30 il soustenoit le duc de Bretaigne, pour ce ne li
donna il mies congiet, mais le tint dallés lui tant
[135] que demorer i volt, et le faisoit tenir son estat bel et
bon. Et en le fin li dus eut conseil et volenté que il
se retrairoit en Engletière; si prist congiet au conte,
son cousin, et s’en vint à Gravelines, et là le vint
5 querir li contes de Salleberi à cinc cens lances et mil
archiers, pour le doubte des garnissons françoises, et
l’amena à Calais dont messires Hues de Cavrelée
estoit cappitains, qui le rechut liement. Quant li dus
de Bretaigne eut sejourné à Calais environ cinc
10 jours, il eut vent à volenté: si monta en mer, et li
contes de Salleberi en se compaignie. Si arrivèrent
à Douvres, et de là [il] vinrent deviers le jone roi Richart
qui le rechut à grant joie, et ossi fissent li dus
de Lancastre, li contes de Cantbruge et li contes de
15 Bouquighen et li hault baron d’Engletière.
§ 91. Vous avés bien chi dessus oï recorder comment
messires Wallerans de Lucembourc, li jones
contes de Saint Pol, fut pris des Englès par bataille
entre le bastide d’Arde et Calais, et fu menés en Engletière
20 prisonniers en la volenté dou roi, car li rois
Edouwars d’Engletière, lui vivant, l’acata au signeur
de Goumignies, qui avoit esté ses maistres, car li sires
de Goumignies avoit mis sus la chevaucie en laquelle
il fu pris d’un escuier, bon homme d’armes, de la
25 ducé de Guerles. Si demora grant tamps li jones
contes de Saint Pol prisonniers en Engletière sans
avoir sa delivrance. Bien est verités que li rois
d’Engletière, le captal de Bues vivant, le offri
pluiseurs fois au roi de France et à ses amis pour
30 le dit captal, mais li rois Charles ne li consaulx
de France n’i voloient nullement entendre ne
[136] donner pour cange, dont li rois d’Engletière avoit
eu grant indinacion. Si demora la cose longuement
en cel estat, et li jones contes de Saint Pol prisonniers
en Engletière ens ou biau castiel de Windesore,
5 et avoit si courtoisse prison que il pooit partout aler
jeuer et esbatre et voller des oissaulx environ Windesore:
de ce estoit il recreus sus sa foi. En ce tamps
se tenoit ma dame la princesse mère dou roi Richart
d’Engletère à Windesore, et sa fille dalés lui, ma dame
10 Mehaut, qui estoit la plus belle dame de toute Engletière.
Li contes de Saint Pol et celle jone dame
s’enamourèrent loiaulment li uns de l’autre et estoient
à le fois ensamble en danses et en carolles et en
esbatemens tant que on s’en perchut; et s’en descouvri
15 la dame, qui amoit le conte de Saint Pol ardanment,
à ma dame sa mère. Si fu adonc tretiés uns mariages
entre le conte [de Saint Pol] et ma dame Mehaut
de Hollandes, et fu mis li contes à finance à sis vint
mil frans, desquels, quant il aroit espousé la dame,
20 on l’en rabateroit soixante mil, et les autres soixante
mil il paieroit. Et pour trouver le finance, quant les
convenances furent prises entre le conte et la dame,
li rois d’Engletière fist grace au conte de Saint Pol
de rapaser la mer et de retourner sus sa foi dedens
25 l’an. Si vint li contes en France veoir le roi et ses
amis et le conte de Flandres et le duck de Braibant
et le duck Aubiert, ses cousins, qui le conjoïrent
liement. Li rois de France en cel an fu enfourmés
trop dur sus le conte de Saint Pol, car on le mist en
30 soupechon que il devoit rendre et livrer as Englès le
fort castiel de Bohain, et le fist li rois saisir de main
misse et bien garder, et monstra li rois que li contes
[137] de Saint Pol voloit faire enviers lui aucuns mauvais
tretiés; ne onques ne s’en peut escuser, et pour ce
fait furent en prisson ou castiel à Mons en Haynnau
messires li canonnes de Robertsart, li sires de Vertaing,
5 messires Jaquemes dou Sart et Gerart d’Obies.
Depuis se diminuèrent ces coses et alèrent toutes à
noient, car on ne peut riens prouver sus yaulx, et
furent delivret; et li jones contes de Saint Pol s’en
retourna en Engletière pour lui acquiter envers le
10 roi, et espousa sa femme et fist tant que il paia les
soixante mil frans en quoi il estoit obligiés; et puis
[r]apassa la mer, mais point n’entra en France, car li
rois l’avoit en haïne. Si allèrent demorer li contes
et la contese sa femme ens ou castiel de Hen sus
15 Heure, que li sires de Moriaumés qui avoit sa suer
espousée, leur presta, et là se tinrent tant que li rois
Charles de France vesqui, car onques li contes, che
roi de France vivant, ne peut retourner à son amour.
Nous no[u]s soufferons à parler de ceste matère et
20 retournerons as besongnes dou roiaulme de France.
§ 92. En che tamps se tenoit toute Bretaigne close
tant que pour le roi de France que l’un contre l’autre,
car les bonnes villes de Bretaigne estoient assés
de l’acort dou duck, et avoient les pluiseur grant
25 merveille que on demandoit à leur seigneur; et ossi
estoient de leur acord pluiseur chevalier et escuier
de Bretaigne et la comtesse de Pentèvre, mère as
enfans de Bretaigne, par aliance avoecques eulx.
Mais li connestables de France, messires Bertrans de
30 Claiekin, li sires de Clichon, li sires de Laval, li
viscontes de Rohem et li sires de Rochefort tenoient
[138] le païs en guerre avoecques le poissance qui leur
venoit de France, car à Pont Orson et à Saint Mallo
de l’Ille et là environ avoit grant fuisson de gens
d’armes de France, de Normendie, d’Auviergne et de
5 Bourgongne, liquel i faisoient mout de desrois. Li
dus de Bretaigne, qui se tenoit en Engletière, estoit
bien enfourmés de ces avenues et comment li dus
d’Ango, qui se tenoit à Angiers, lui faisoit destruire et
guerriier son païs, et comment les bonnes villes se
10 tenoient closes ou non de li, et aucun chevalier et
escuier de Bretaigne, dont il leur savoit grant gret.
Mais non obstant toutes ces coses, [si] ne s’i osoit il
bonnement affiier de retourner en Bretaigne sus le
fiance de ses gens et se doubtoit tousjours de traïson,
15 et ossi il ne le trouvoit point en conseil deviers le roi
d’Engletière ne le duch de Lancastre.
§ 93. D’autre part en Normendie se tenoient à
[Valongne] en garnisson messires Guillaumes des Bordes,
liquels en estoit cappitains, en sa compaignie li
20 petis senescaus d’Eu, messires Guillaumes Martiel,
messires Bracques de [Braquemont], li sires de Troci,
messires Perchevaulx d’Ainneval, li Bègues d’Iveri,
messires Lancelos de [Lorris] et pluiseurs autres chevaliers
et escuiers. Et soutilloient ces gens d’armes
25 nuit et jour comment il peuissent adamagier et porter
contraire à chiaulx de Chierebourch, dont messires
Jehans de Harleston estoit cappitains. Chil de
la garnisson de Chierebourc issoient souvent hors,
quant bon leur sambloit, car il pooient, et pueent,
30 toutes fois que il leur plaissoit, chevauchier à le couverte
que on ne sot riens de leurs issues pour [les]
[139] grans bois où il marcissent, car il ont fait une voie
et tailliet à leur vollenté, que il pueent issir hors et
chevauchier sur le païs en Normendie sans le dangier
des François. Et avint en celle saisson que li François
5 chevauchoient, et euls ossi, et riens ne savoient li
uns de l’autre, et tant que d’aventure il se trouvèrent
ens es bois en une plache que on dist Pestor. Lors
que il se trouvèrent, enssi que chevalier et escuier qui
se desirent à combatre, il [se] missent tout à piet à
10 terre, excepté messires Lancelos de Loris. Cils demora
sus son coursier la glave ou poing et la targe au col,
et demanda une jouste pour l’amour de sa dame. Là
estoit qui bien l’entendi: si fu tantos requelliés, car
otant bien i avoit des chevaliers amoureus avoecques
15 les Englès que il estoit; et me samble que messires
Jehans Copelant, uns mout rades chevaliers, se
mist à lui. Adonc esperonèrent il leurs deus chevaulx
et se boutèrent l’un sus l’autre de plains eslais
et se donnèrent sus les targes très grans horions. Là
20 fu consieuwis messires Lancelos dou chevalier englès
par tel manière que il li perça le targe et toutes ses
armeures et li passa tout oultre le corps, et fu navrés
à mort, dont che fu damages, car il estoit mout
appers chevaliers, jones, jolis et amoureus, et fu là et
25 ailleurs depuis mout plains. Adonc se boutèrent François
et Englès li uns dedens l’autre, et se combatirent
longuement de leurs glaves et puis des haces,
et vinrent tout [à] main. Là furent bon chevalier de
le part des François messires Guillaumes des Bordes,
30 li petis senescaulx d’Eu, messires Guillaumes Martiel,
Brakes de Brakemont et tout li autre, et se combatirent
vaillanment; et ossi fissent li Englès, messires
[140] Jehans de Harleston, messires Phelippes
Picourde, messires Jehans Burlé, messires Jehans
de Copelant et tout li autre. Et avint finablement
que par bien combattre la journée leur demora,
5 et obstinrent la place; et furent tout pris li François,
chevaliers et escuiers, et prist uns escuiers
de Haynnau, qui s’appelloit Guillaumes de Biaulieu,
messire Guillaume des Bordes. Si furent chil
prisonnier menet en Chierebourcq, et là trouvèrent
10 messire Olivier de Claiekin qui estoit prisonniers
ossi. Enssi ala de ceste besongne, sicom je fui adonc
enfourmés.
§ 94. D’autre part en Auviergne et en Limosin
avenoient priès tous les jours fais d’armes et mervilleuses
15 emprisses, et par especial, dont ce fu trop
grans damages pour le païs, li castiaulx de Mont Ventadour
en Auviergne, qui est uns des fors castiaulx
dou monde, fu trahis et vendus à un Breton le plus
cruel et hauster de tous les autres, qui s’appelloit Joffrois
20 Teste Noire, et je vous dirai comment il l’eut.
Li contes de Ventadour et de Montpensé estoit uns
anchiiens et simples preudons qui plus ne s’armoit,
mais se tenoit tous quois en son castiel. Cils contes
avoit un escuier à varlet, qui s’apelloit Ponces dou
25 Bois, liquels l’avoit servi mout longement et trop
petit avoit pourfité en son service et veoit que nul
pourfit d’or ne d’argent il n’i pooit avoir: si s’avisa
d’un mauvais avis que il se paieroit. Si fist un tretiet
secret à Joffroi Teste Noire, qui se tenoit en
30 Limosin, et tant que il deubt livrer le castiel de Ventadour,
enssi qu’il fist, pour sis mille frans. Mais bien
[141] mist en ses devisses que à son mestre le conte de
Ventadour on ne feroit ja nul mal, et le meteroient
hors dou castel deboinairement et li renderoient tout
son arroi. Il li tinrent ce convenant: onques li Breton
5 et li Englès qui dedens entrèrent, ne fissent nul
mal au conte ne à ses gens, et ne retinrent fors les
pourveances et l’artellerie, dont il i avoit grant fuisson.
Si s’en vint li contes de Ventadour, sa femme
et ses enffans, demorer à Montpancier dallés Aigeperse
10 en Auviergne, et cils Joffrois Teste Noire et ses
gens tinrent Mont Ventadour, par lequel il adamagièrent
mout le païs et prissent pluiseurs castiaux
fors en Auviergne, en Roergue, en Limosin, en Quersin,
en Chevaldam, en Bigore et en Angenois, tout
15 venant l’un de l’autre. Avoecq Joffroy Teste Noire
avoit pluiseurs autres cappitains qui faissoient mout
de grans apertisses d’armes, et prist Ainmerigos Marcés,
uns escuiers de Limosin englès, le fort castiel de
[Calusiel] seant en Auviergne en l’evesquiet de Cleremont.
20 Chils Ainmerigos avoecques ses compagnons
couroient le païs à leur vollenté. Si estoient de sa
route et cappitainnes des autres castiaulx li bours
[de] Carlat, li bours englès, li bours de Campaigne
et Raimmons de Sors, gascon, et Piere de Bierne,
25 [biernois].
§ 95. Ainmerigos Marcel chevauçoit une fois, li
dousimes de compaignons tant seullement, à l’aventure,
et prist son chemin pour venir à Aloise, dalés
Saint Flour, qui est un biaus castiaulx de l’evesque
30 de Clermont. Bien savoit que li castiaulx n’estoit
point gardés fors que dou portier seullement. Enssi
[142] qu’il chevauchoit à le couverte tout quoiement devant
Aloise, Ainmerigos [regarde] et voit que li portiers
seoit sus une tronce de bois au dehors dou
castiel. Adonc dist là uns Bretons qui trop bien
5 savoit jeuer de l’arbalestre: «Volés vous que je vous
rende tout mort ce portier et dou premier cop?»--«Oïl,
ce dist Ainmerigos, je t’en pri.» Chils arbalestriers
entoisse et trait un quariel et assène le portier
de droite vissée en la teste et li enbare tout ens.
10 Li portiers qui estoit navrés à mort, se sent ferus et
rentre en la porte, et quida refremer le guichet en
rentrant; mais il ne peut, car il cheï là tous mors.
Ainmerigos et si compaignon se hastèrent et vinrent
à le porte et entrèrent ou guichet; si trouvèrent
15 mort le portier et sa femme dallés lui toute effraée,
à lequelle il ne fissent nul mal, mais li demandèrent
où li castelains estoit: elle respondi que il estoit en
Clermont. Li compaignon assegurèrent la femme de
sa vie, affin que elle leur baillast les clés dou castiel
20 et de la mestre tour. Elle le fist, car en li n’i avoit
point de deffense; et puis le missent hors et li rendirent
toutes ses coses, voire ce que porter en peut.
Si s’en vint à Saint Flour, une citté à une lieuwe de
là; [si furent les gens de la ville bien] esbahi, quant
25 il sceurent que Aloisse estoit englesce, et ossi furent
cil dou païs environ.
Assés tost apriès reprist Ainmerigos Marcel le fort
castiel de Vallon et l’embla par eschiellement; et
quant il fu dedens, la cappitaine dormoit en la grosse
30 tour qui n’estoit mies à prendre de force, car par
celle tour se pooit tous li castiaulx recouvrer. Adonc
s’avisa Ainmerigos d’un soutil tour, car il tenoit le
[143] père et le mère dou cappitainne: si les fist venir devant
le tour et leur fist samblant que il les feroit là
decoler, se leurs fils ne rendoit la tour. Les bonnes
gens doubtoient le mort: si dissent à leur fil [qui]
5 estoit en la tour, que il l’en presist pité de eulx, et
plouroient tout doi mout tenrement. Li escuiers se
ratenri grandement, et n’euist jamais son père ne sa
mère laissié morir: si rendi tantos le tour, et on les
bouta hors dou castiel. Enssi fu Vallon englesse, qui
10 mout greva le païs, car toutes manières de gens qui
voloient mal faire, s’i retraioient ou en Calusiel, à
deus lieues de Limoges, ou en Carlat ou en Aloise
ou en Ventadour ou en pluiseurs autres castiaulx. Et
quant ces garnissons s’asambloient, il pooient bien
15 estre cinc cens ou sis cens lances et couroient tout le
païs et la terre au conte dauffin qui leur estoit vosine,
ne nuls ne leur aloit au devant tant que il fuissent
ensamble. Bien est verités que li sires d’Achier
leur estoit uns grans ennemis. Ossi estoient li sires de
20 Solleriel et li bastars de Solleriel, ses frères, et uns
autres escuiers de Bourbonnois qui s’apelloit Gourdinès.
Chils Gourdinès, par biau fait d’armes et d’un
rencontre, prist un jour Ainmerigot Marcel et le rançonna
à cinc mil frans: tant en eut il. Ensi se portoient
li fait d’armes en Auviergne et en Limosin et
25 ens es marces par de delà.
§ 96. Je me sui longuement tenus à parler dou fait
de l’Eglise: si m’i voel retourner, car la matère le
requiert. Vous avés bien chi dessus oï dire et recorder
30 comment par l’effort des Roumains li cardinal
qui pour le tamps resgnoient, et pour le peuple de
[144] Romme apaisier qui trop fort estoit esmeu sus iaulx,
fissent pappe et nommèrent l’arcevesque de Bar qui
s’appelloit en devant Betremieux des [Aigles]. Chils
rechut la papalité et fu nommés Urbains li sisimes,
5 et ouvri grasses ensi comme usages est. Li intencions
de pluiseurs cardinaulx estoit que, quant il verroient
leur plus biel, il remetteroient leur ellection ensamble
et ailleurs, car cils pappes ne leur estoit mies
pourfitables ne ossi à l’Eglise, car il estoit trop feumeus
10 et trop merancolieus. Quant il se veï en prosperité
et en poissance de papalité et que pluiseur roi
crestiien escrisoient à lui et se mettoient en son obeïssance,
il s’en outrequida et enorgilli, et volt user de
poissance et de teste et retrenchier as cardinaulx
15 pluiseurs coses de leur droit et oultre leur acoustumance.
De quoi il leur desplaissi grandement, et
en parlèrent ensamble et dissent et imaginèrent que
il ne le leur feroit ja bien et que il n’estoit pas dignes
ne merites de gouverner le monde. Si proposèrent li
20 pluiseur que il en esliroient un autre qui seroit
sages et poissans et par lequel li Eglise seroit bien
gouvernée.