§ 1. En ce temps que li dus de Bourgoingne fist son
armée en Picardie, si comme il est contenu chi dessus,
li dus d’Ango estoit en le bonne cité de Thoulouse
dalés madame sa femme, et visoit et soutilloit
5 nuit et jour comment il porroit porter contraire et
dommaige les Englès; car il sentoit encores pluisieurs
villes et castiaus sur la rivière de Dourdonne et les
frontières de Roerge, de Thoulousain et de Quersin
et de Limosin [qui contrarioient grandement le païs
10 et travailloient toutes gens dont il avoit l’obeïssance.
Si s’avisa qu’il y pourveroit de remède, et jeta son
advis à aler mettre le siège devant Bergerach pour
tant qu’elle est la clef de Gascoingne, tant que sur
la frontière de Rouergue, de Quersin et de Limosin].
15 Et pour tant que il sentoit pluiseurs grans barons
de Gascoingne bons Englès et contrairez à lui, tels
[2] que le seigneur de Duras, le seigneur de Rosem, le
seigneur de Moucident, le seigneur de Lagurant, le
seigneur de Gernolz et de Carlès, messire Pière de
Landuras et pluisieurs aultres, il s’avisa que il feroit
5 un grant et poissant mandement de toutes bonnes
gens d’armes pour resister contre les dessus dis, et
estre si fors que pour tenir les camps. Si escripsi par
devers messire Jehan d’Armignacq que à che besoing
il ne lui volsist faillir, et ossi devers le seigneur de
10 Labreth. Et avoit mandé en France le connestable,
le marissal de France messire Loys de Sansoirre, et
ossi le seigneur de Coucy et pluiseurs aultres barons,
chevaliers et escuiers en Picardie, en Bretaigne et en
Normendie, qui tous estoient desirant de lui servir
15 et de leurs corps avanchier; et ja estoient venus dalés
lui li connestablez et li mareschaux de France. Bien
sçavoit li dus d’Ango que il y avoit un grant differend
entre les cousins et proïsmes des seigneurs de Pumiers,
gascons, et messire Thumas de Felleton, grant
20 senescal de Bourdiaux et de Bourdeloix: la raison
pourquoi, je le vous diray.
§ 2. En devant ce temps, en l’an de grace mil trois
cens et settante et cinc, estoit avenu une cruelle justice
en la cité de Bourdiaus, emprise, faite et acomplie
25 de messire Thumas de Felleton, lieutenant dou
roi d’Engleterre ens es marces de Bourdiaux, sus le
seigneur de Pommiers, qui s’appielloit messires
Guillaumes, et tout par amise de traïson, de coi on fu
mout esmerveilliés. Et furent pris un jour en la cité
30 de Bourdiaux, au commandement et ordonnance
dou senescal, chis sires de Pumiers et uns siens clers,
[3] conseilliers et secretaires [de la nacion de Bourdeaulx],
qui s’appelloit Jehan Coulon. Et fu prouvé
sur iaux, si comme je fus adont informés, que li sires
de Pommiers se devoit rendre, son corps et ses castiaux,
5 françois; ne onques ne s’en peut escuser ne
oster que il ne l’en convenist morir. Et furent li sires
de Pumiers et ses clers publiquement decolés en le
cité de Bordiaux, en le place, devant tout le pueple,
dont on fu mout esmerveilliés et tinrent ce fait
10 à grant blasme chil de son lignage. Et se parti de
Bourdiaux et de Bourdeloix chis gentilz chevaliers,
oncles au dessus dit, messires Aymenions de Pumiers,
et prist ce fait en grant vergoingne, et jura que
jamais pour le roy d’Engleterre ne s’armeroit; si s’en
15 alla oultre mer au Saint Sepulcre et en pluisieurs
aultres voiages. Et quant il fu retournés, il s’ordonna
françois et se mist, lui et sa terre, en l’obeïssance
dou roi de France, et deffia tantost le seigneur de
Lespare, gascon, et li fist grant guerre, pour tant que
20 il avoit esté au jugement rendre de faire morir sen
nepveu le seigneur de Pumiers.
Encores pour ce meïsmes fait et soupechon et pour
le castel de [Fronsach] qui fu pris et livrés aux
Franchois, qui estoit de l’eritage le seigneur de Pumiers,
25 morut et fu decolé en le cité de Bourdiaux
messires Jehans de Plasac. Et en furent acuset de
ceste mesme traïson messires Pierres de Landuras
et messires Bertrans dou Franc, et en tinrent prison
à Bourdiaux plus de un mois; mais depuis en furent
30 il delivré par le pourcas de leurs amis, car on ne
pooit riens prouver sur iaux. Et en demora un lonc
temps en grant dangier et en telle tache et paroles
[4] messires Gaillars de Vighiers: dont on estoit moult
esmerveilliés, pour tant que il n’estoit mies ou païs,
mais en Lombardie avec le seigneur de Couci et ens
ou service dou pape Grigoire, qui l’en aidièrent à
5 escuser, quant la congnoissance leur en fu venue.
Et en demora li chevaliers sour sen droit. Si se
engendrèrent et nourrirent en Gascoingne, [pour ces
besoignes], pluisieurs haynes couvertes, dont pluisieurs
meschiefs depuis en nasquirent.
10 § 3. Quant li dus d’Ango vei que temps fu de partir
de la cité de Thoulouse et que la greigneur partie
de ses gens d’armes estoient venu et trait sus les
camps, et par especial le connestable [de France] en
qui il avoit mout grant fiance, il se parti de Thoulouse
15 et se mist au chemin tout droit devers Bregerach.
De Bregerach estoit gardiens et capitaine messires
Perducas de Labreth, et se tenoit à un castel à
une lieuwe près de là que on appelle Montcucq. Tant
se esploitièrent les gens de l’ost dou duc d’Ango que
20 il vinrent devant Bregerach, et se logièrent [à l’environ],
au plus près de la rivière qu’il peurent, pour
avoir l’aise d’iaux et de leurs chevauz. Là estoit,
avoecq le duc d’Ango, grans gens et nobles,
premierement messires Jehans d’Armignacq à grant
25 route, li connestables de France ossi à grant charge,
messires Loys de Sansoirre, messires Jehans de Bueil
et messires Pierres de Bueil, Yeuwains de Gales,
messires Meurisses [de Triseguidi] qui jadis fu en
Bretaigne de la partie des François Bretons li uns des
30 Trente, messires Alain de Biaumont, messires Alain
de la Houssoye, [messires] Guillaume de Moncontour,
[5] messires Pierre de Mornay, messires Jehan de Vers,
messires Bauduin de Crenon, Tiebaut dou Pont,
Aliot de Calay et pluisieurs autres bonnes gens d’armes
en grans routes. Si se estendirent et firent leurs logeis
5 sur ces biaux prés au lonc de la rivière de Dourdonne,
et estoit grant plaisance au regarder. Au plus près
dou logeis le duc d’Ango estoit logiés li connestables
de France. Si venoient souvent li compaignon, qui
desiroient les armes et leurs corps à avanchier,
10 escarmuchier as barrières: si en y avoit souvent des trais,
des blechiés et des navrés, ensi comme en telz advenues
li fait aviennent.
§ 4. Au chief de sis jours que li sièges se fu mis
devant Bregerach, vinrent en l’ost dou duc, en grant
15 arroy et bien acompaigniés de gens d’armes et de brigans,
li sires de Labreth et messires Bernard de
Labreth, ses cousins. Si y furent receu à grant joye,
car li hos en fu grandement reconforté et renforchié.
Au huitime jour dou siège, furent li dus d’Ango
20 et les cappitaines de l’ost en conseil comment on polroit
le plus tost et le plus appertement grever chiaux
de Bregerach. Si heut là plusieurs paroles dictes et
devisées, et furent sus un estat longement que de
assaillir la ville. Depuis heurent nouvel conseil que
25 li assaus leur pooit trop blechier de leurs hommes à
petit de conquest. Et se departi chis consaus, sans
avoir nul certain arrest, fors que de tenir le siège;
car encores attendoit on grant gens d’armes qui venoient
de France, par especial le seigneur de Couci.
30 § 5. Vous devés sçavoir que messires Thumas de
[6] Felleton, qui se tenoit à Bourdiaus et qui sentoit ses
ennemis à douse lieuwes prez de là et si poissans que
de poissance il ne pooit resister contre iaux, n’estoit
mie bien liés, et toute le saison avoit entendu que li
5 dus d’Ango avoit fait son mandement. Pour coi, l’estat
des François il avoit mandé en Engleterre au roi
et à son conseil; mais chil qui envoiiet y avoient
esté, n’avoient nient esploitiet, car li païs d’Engleterre
estoit en branle et en different l’un contre l’autre. Et
10 par especial li dus de Lenclastre n’estoit mie bien en
la grace dou commun pueple; pour coi, pluisieurs
incidences perilleuses et hayneuses avinrent puis en
Engleterre. Et ne se partirent en ce temps nulles gens
d’armes d’Engleterre pour venir en Gascoingne ne en
15 Bretaigne: de coi, cil qui les frontières tenoient pour
le jouene roy, n’en estoient mie plus resjoï. Et estoit
advenu que messires Thumas de Felleton avoit prié
le seigneur de Lespare d’aller en Engleterre pour
mieux enfourmer le roi ses oncles et le païs des besoingnes
20 de Gascoingne, affin qu’il y pourveissent de
conseil. Et estoit li sires de Lespare, à le prière de
messire Thumas, partis de Bourdiaus et entrés en
mer; mais il heut une fortune [de vent sur mer] qui
le bouta en le mer d’Espaigne. Si fu rencontré de nefs
25 espaignolles à qui il heut la bataille, mais il ne peut
obtenir la place pour li, et fu pris et menés prisonniers
en Espaigne, et là [fu] plus de an et demi, car
il estoit tousjours aggrevés dou lignage de chiaux de
Pumiers.
30 § 6. Messires Thumas de Felleton, qui mout vaillans
chevaliers estoit, avoit escript et mandet mout
[7] especialement au seigneur de Moucident, au seigneur
de Duras, à celui de Rosem, à celui de Lagurant, qui
estoient [les quatre barons] li plus vaillant, li plus
haut et li plus poissant de toute Gascoingne, de le
5 partie des Englès, que, pour leur honneur et pour
l’eritage dou roi leur seigneur aidier et deffendre et à
garder aucunement, il venissent à Bourdiaux à toute
leur poissance. Chil chevalier, qui en tous cas se voloient
acquiter envers le roi leur seigneur et ses officiers,
10 estoient venus à Bourdiaux; et quant il se
furent tous mis ensamble, il se trouvèrent bien cinc
cens lances, et se tenoient à Bourdiaux et en Bourdelois
dou temps que li dus d’Ango estoit à siège
devant Bregerach. Et heurent avis messires Thumas
15 de Felleton et chil quatre baron gascon, que il
chevaucheroient sur les frontières des Franchois et se
metteroient en lieu parti, pour sçavoir se sus leur
avantaige il porroient riens pourfiter. Et se departirent
de Bourdiaus par routes plus de trois cens
20 lanches, et se misent sus les camps et prisent le
chemin de le Riole, et vinrent sus un certain pas et
une ville que on appielle Ymet, et là se logièrent.
De ceste embusche et de cest affaire ne sçavoient riens
li François, dont il heurent près receu un grant
25 damage.
§ 7. Ensi se tint li sièges devant Bregerach, et y
heut fait pluisieurs escarmuces et apertises d’armes
de chiaux de dehors à chiaux de [dedens]; mais petit
y gaignoient li François, car messires Perducas de
30 Labreth, qui capitaines en estoit, en songnoit tellement
que nulz blasmes ne l’en doit reprendre. Or
[8] heurent conseil chil de l’oost pour leur besoingne
approchier et pour plus grever leurs anemis, que il
envoiieroient à le Riole querre un grant engien que
on appielle une truie, liquels engiens estoit de telle
5 ordonnance que il gettoit pierres de fais, et se pooient
bien cent hommes d’armes ordonner dedens et en
approchant assallir la ville. Si furent ordonné, pour
aller querre cel engien, messires Pières de Bueil,
messires Jehan de Vers et messires Bauduins Crenons,
10 li sires de Moncalais et li sires de Quaines; et
se partirent de l’ost à tout trois cens lances de bonnes
gens d’estoffe, et passèrent à gué la rivière de
Dourdonne, et chevaucièrent devers le Riole et fisent
tant qu’il y parvinrent. Entre le Riole et Bregerach,
15 en une place que on dist à Ymet, estoient li Englès
en enbusce plus de quatre cens combatans, et riens
ne sçavoient des François. Nouvelles vinrent en l’ost
et au connestable de France que li Englès chevauchoient;
mais on ne lui sçavoit point à dire quel
20 chemin il tenoient. Tantost, et pour la doubtance
de ces gens qui chevauchoient ossi, il mist sus une
autre armée de gens d’armes, pour contregarder les
fourrageurs qui chevauchoient entre la rivière de
Dourdonne et la rivière de Geronde, desquelz il fist
25 capitaines messire Pières de Mornay, Yeuwain de
Galles, Thiebault dou Pont et Aliot de Calay. Si
estoient bien en celle route deus cens lances de gens
d’estoffe. Messires Pierre de Bueil et li autre, qui
estoient allé querre celle truie à le Riole, esploitièrent
30 tant que il y vinrent, et le fisent sus grans fuisons
de cars chargier; et puis se misent au retour
devers l’ost et par un autre chemin que il ne fussent
[9] venu, car il leur convenoit tenir le plus ample chemin
pour leur caroy, et passer par Ymet ou assés
près où li Englès estoient en embusce. Or heurent si
belle aventure, ainçois qu’il peussent venir jusques à là,
5 que, à une petite lieuwe de Ymet, y trouvèrent li
François l’un l’autre; et quant il se furent tous mis
ensamble, il estoient bien sis cens lances: si cheminèrent
plus hardiement et à plus grant loisir.
Nouvelles vinrent à messire Thumas de Felleton
10 [et aux barons de Gascoingne qui à Ymet se tenoient]
que li François chevauçoient et venoient ce
chemin et amenoient un trop grant engien de le Riole
devant Bregerach. De ces nouvelles furent il tout
resjoï, et disent que c’estoit ce qu’il demandoient.
15 Adonc s’armèrent il et montèrent sour leurs chevaux
et se ordonnèrent dou mieux qu’il peurent. Quant il
furent tout trait sus les camps, il n’eurent gaires
atendu quant evous venir les François qui venoient
en bon arroy et en grant route. Sitost comme il se
20 porrent congnoistre et appercevoir, comme cil qui se
tenoient à ennemi li un l’autre et qui se desiroient à
avanchier et combatre, en esporonnant leurs chevaux
et en abaissant les glaves, en escriant leurs cris,
entrèrent l’un en l’autre. Là heut de premiers, je
25 vous di, fait tamainte belle jouste et grans appertises
d’armes, et maint chevalier et escuier reversé jus de
sen cheval à terre. En fais d’armes et en telz poingneys
perilleux n’est aventure qui ne aviengne. Là fu
Allios de Callay, qui mout appers escuiers et [bon]
30 hommes d’armes estoit, conssuis de cop de glave ou
haterel d’un large fer de Bourdiaus, ossi trenchant et
affilié que nuls rasoirs. Chis fers lui trencha tout le
[10] haterel et lui passa oultre et lui coppa toutes les
vaines, douquel cop il fu porté à terre et là tantost
mors, dont ce fu damages, quant par telle aventure
il fina ensi son temps. Là avoit un chevalier de Berri
5 et de Limosin, qui s’appielloit messire Jehan de Lignac,
appert hommes d’arme et vaillant durement,
qui ce jour y fist tant mainte belle proèche.
§ 8. Moult fu chis rencontres durs et fors et bien
combatus de l’un costé et de l’autre en celle place
10 que on dist Ymet, assés près dou dit village; et quant
les lances furent faillies, il sacquièrent les espées,
dont il se rencontrèrent fierement, et se combatoient
main à main mout vaillanment. Là heut fait tamaintes
grandes appertises d’armes, mainte prise et mainte
15 rescousse. Et là fu mors sus le place, dou costé des
Englès, uns chevaliers gascons qui s’apeloit li sires
de Gernolz et de Carlès et, dou costé des François,
Thiebaut dou Pont. Cheste bataille fu mout bien
combatue et longement dura, et y heut fait de biaux
20 fais d’armes; car che estoient toutes gens de fait. Par
coi la bataille dura plus longement, mais finablement
li Englès et li Gascon ne peurent obtenir le plache,
et les conquisent li François par biau fait d’armes.
Et là prist et fiancha messires Jehans de Lignacq prisonnier
25 messire Thumas de Felleton, senescal de
Bourdiaus. Et furent là pris sus le place li sires de
Mucident, li sires de Duras, li sires de Longheren
et li sires de Rosem et s’en sauvèrent petit, de la
part des Gascons et des Englès, qui ne fussent pris ou
30 mort. Et chil qui se sauvèrent encontrèrent, sour leur
retour vers Bourdiaus, le senescal [des Landes],
[11] messire Guillaume Helmen, et le maieur de Bourdiaus,
messire Jehan de Multon, à tout cent lances, qui s’en
venoient à Ymet; mais quant ils oyrent ces nouvelles,
il retournèrent devers Bourdiaux.
5 § 9. Apriès ceste besoingne faicte et le camp delivré,
et que tout chil qui prisonnier estoient furent
mis en ordonnance, on se mist au retour pour revenir
au siège de Bregerach. Vous devés sçavoir que li
dus d’Ango fu grandement resjoys de ces nouvelles,
10 quand il sceut de verité comment ses gens avoient
esploitié, et que toute la fleur de Gascoingne de ses anemis,
chevaliers et escuiers, estoient pris, et messires
Thumas de Felleton qui tant de contraires lui avoit
portez, ossi. Et ne volsist mie de ceste aventure avoir
15 cinc cens mil frans. Tant esploitièrent messires Pières
de Bueil, messire Jehan de Lignac, Yeuwain de Gales
et les autres qu’il vinrent en l’oost devant Bergerach,
dont parti il s’estoient. Si furent grandement festiiet
et conjoy dou duc d’Ango, dou connestable, des
20 barons et de leurs amis, et tinrent ceste aventure à
belle, à bonne et à pourfitable pour iaux. A l’endemain,
la truie, que amenée et achariée avoient, fu
levée au plus près de Bregerach comme il porent,
qui grandement esbahi chiaux de la ville. Et heurent
25 entr’iaux avis et conseil comment il se maintenroient
et en parlèrent à leur cappitaine, car il veoient
bien que longuement il ne se pooient tenir; et si
n’atendoient secours ne confort de nul costé, ou cas
que messires Thumas de Felleton, leurs senescaux,
30 estoit pris, et li chevalier de Gascoingne, ens esquelz il
avoient heu grant esperance. Messires Perducas leur
[12] dist que il estoient encores fort assés pour iaus tenir
et bien pourveu de vivres et d’artillerie, par coi il
ne fesissent nul mauvais marchié. Si demora la chose
en cel estat jusques à lendemain que on sonna en
5 l’ost les trompettes d’assault, et se mist cascuns à sa
livrée. Li connestables de France, qui estoit sus les
camps en grant arroy avant que on assausist Bregerach
ne que nulz des leurs fussent blechiet ne traveilliet,
envoia parlementer à chiaux de le ville, et leur fist
10 remoustrer comment il tenoient tous leurs cappitaines
par lesquels confors leur peust estre venus, et que ja
estoient il en traictiet que de devenir boins François,
et yaux et leurs terres mettre en l’obeissance
dou roi de France, par coi nulz secours ne leur
15 apparoit de nul costé; et, se il se faisoient assallir et
prendre par force, ensi que il le seroient, on metteroit
la ville en feu et en flamme et à destruction, sans nul
prendre à mercy. Ches manaches esbahirent mout
chiaux de Bregerach, et demandèrent [temps] à avoir
20 conseil; on leur donna. Adonc se misent li bourgois
de la ville ensamble et sans appeller leur cappitaine,
et estoient en volenté et furent que d’iaux rendre
bons François, affin que paisievlement et doucement
on les volsist prendre sans mettre nulles gens d’armes
25 en leur ville. On leur accorda legierement. Quant
messires Perducas de Labreth entendi ces traictiés,
il monta à cheval et fist monter ses gens et passa
les pons et s’en vint bouter au chastel de Moncucq,
et Bregerac se rendi françoise. Si en prist li connestables
30 la possession, et y envoia capitaine et gens
d’armes pour le tenir et garder.
[13] § 10. Quant Bregerach se fu rendue françoise, li
dus d’Ango heut conseil que il chevaucheroit plus
avant et venroit mettre le siège devant Chastillon
sur la Dourdonne. Ches nouvelles s’espandirent parmi
5 l’ost, et s’ordonna cascuns à ce faire. Et se partirent
li dus, li connestables et toutes gens d’armes, exepté
li marissaulx [de France], qui demora derière pour
attendre le seigneur de Coucy, car il devoit estre là
[au soir], ensi qu’il fu. Et alla à tout grant route de
10 ses gens li marescaux à l’encontre de lui; si se
recoeillirent mout amiablement, et demorèrent celle
nuit en le plache dont li dus s’estoit au matin partis.
Si vint li dus et li host logier ce jour en uns biaux
prés sur la Dourdonne, ou chemin de Chastillon.
15 En la route et de la charge le seigneur de Coucy estoient
messires Aymenions de Pumiers, messires Tristrans
de Roye, messires Jehans de Roye, li sires de
Fagnoelles, messires Jehans de Jeumont, messires
Jehans de Rosoyt, messires Robers de Clermont et
20 pluisieurs autres chevaliers et escuiers. A l’endemain,
il se departirent de leurs logeis et chevauchièrent
tant, en le compaignie dou mareschal de France, que
il vinrent en l’ost dou ducq, où il furent receu à grant
joye.
25 En allant vers Chastillon sciet une ville que on
appielle Sainte Foy. Li avant garde dou duc, ainçois
qu’il parvenissent à Castillon, se traisent celle part et
l’environnèrent et le commenchièrent à assaillir fortement.
En la ville de Sainte Foy n’avoit fors hommes
30 de petite deffence, qui ne se fisent point longhement
assaillir, mais se rendirent, et en yaux rendant
elle fu toute pillie.
[14] § 11. Li sièges fu mis devant Castillon. Si se logièrent
li seigneur et toutes manières de gens d’armes
devant Castillon et sus la belle rivière de Dourdonne,
et furent là environ quinse jours. Si y ot pluisieurs
5 escarmuces et envayes devant les barrières, car il y
avoit aucuns Englès et Gascons, qui là s’estoient
retrectz de le desconfiture de Ymet, qui tenoient la
ville assés vaillanment.
Encorez estoient li quattre baron gascon, qui à
10 Ymet avoient esté pris, en l’ost dou duc et en grant
traictiet d’iaux tourner françois, mais messires Thumas
de Felleton n’en estoit mie requis, pour tant
qu’il estoit Englès; et fu mis à finance de son maistre
messire Jehan de Lignac, à qui il paia trente mil
15 frans, et puis fu delivrez, mais ce ne fu mies si tost.
Tant furent menet, traitiet et parlementet li quatre
baron gascon que il se tournèrent françois, et heurent
en convent au duc d’Ango, par leurs fois et sour
leurs honneurs, qu’il demorroient boins François à
20 tousjours mais, yaux et leurs terres, et parmi tant li
dus d’Ango les delivra tous quittes. Si se departirent
dou duc, et sus bon convenant, li sires de Duras et
li sires de Rosem, en l’entente que pour raller en
leurs païs; et li sires de Moucident et li sires de Lagurant
25 demorèrent en l’ost avoec le duc d’Ango, qui
les tenoit tout aise, et souvent disnoient et soupoient
en son logeis avoec lui.
§ 12. Chil baron de Gascoingne trouvèrent le
duc d’Ango mout amiable, quant si legierement il les
30 laissa passer, dont depuis s’en repenti: [vez ci] pour
coi. Sur les camps s’avisèrent li sires de Rosem et li
[15] sires de Duras, et parlementèrent ensamble en disant:
«Comment porrions nous servir le duc d’Ango et les
François, quant nous avons tous jours esté loial Englès?
Il vaut trop mieux à mentir no serement devers le
5 duc d’Ango que devers le roi d’Engleterre, no naturel
seigneur, qui nous a tant de biens fais.» Che pourpos
il tinrent et se ordonnèrent sur che que il
yroient à Bourdiaus et se remoustreroient au senescal
des Landes, messire Guillaume Helmen, et lui diroient
10 que leurs coers nullement ne se pooient [rapporter] à
che que il deviengnent françois. Dont chevaucièrent
chil doy baron ensamble, et esploitièrent tant que il
vinrent à Bourdiaus. Il y furent receu à grant joye,
car on ne sçavoit encores riens de leur convenant.
15 Li senescaux des Landes et li maires de Bourdiaux
leur demandèrent des nouvelles comment il avoient
finet. Il respondirent que, par constrainte et sour
manache de mort, li dus d’Ango les avoit fait devenir
François: «Mais, seigneur, nous vous disons
20 bien que, au faire le serement, toudis en coer nous
avons reservé nos fois devers no naturel seigneur le
roi d’Engleterre; ne pour cose que nous avons dit
ne fait, nous ne demorrons ja François.» De ces paroles
furent li chevalier d’Engleterre tout resjoï, et
25 disent qu’il se acquitoient loiaument envers leur
seigneur.
Au chief de cinc jours après, li dus d’Ango estant
devant Chastillon, vinrent nouvellez en l’ost que li
sires de Duras et li sires de Rosem estoient tourné
30 Englès. De ces [nouvelles] furent li dus d’Ango, li
connestables et les barons de France moult esmerveilliet.
Adonc manda li dus d’Ango devant li le seigneur
[16] de Moucident et le seigneur de Lagurant, et leur
remoustra de coi il estoit enfourmés, et leur demanda
qu’il en disoient. Chil baron, qui tout courouchiet
estoient, respondirent: «Monseigneur, se il voellent
5 mentir leurs fois, nous ne volons pas mentir les
nostres. Et ce que nous vous avons dit et juret, nous
vous tenrons loiaument; ne ja ne serons repris dou
contraire, car par vaillance et biau fait d’armes vos
gens nous ont conquis. Si demorrons en vostre obeissance.»
10 --«Je vous en croi bien, respondi li dus
d’Ango, et je jure à Dieu premierement et à monsigneur
mon frère que, nous parti de chi, nous n’entendrons
jamès à autre cose si arons mis le siège
devant Duras et destruit la terre au seigneur de Duras,
15 et puis apriès celi de Rosem.» Ensi demora la cose
en cel estat, li dus d’Ango courouciés pour le defaute
de ce que il avoit trouvé en ces deux barons de
Gascoingne, et li sièges de Castillon.
§ 13. La ville de Chastillon sus la Dourdonne
20 estoit ville et heritage au captal de Buc, que li rois
de France avoit tenu en prison à Paris. Le siège
estant devant Chastillon, y eschei une très grant
famine, ne à paines, pour or ne pour argent, on ne
pooit recouvrer de vivres. Et convenoit les fourrageurs
25 sus le païs chevaucier douse ou quinze
lieuwes pour avitaillier l’ost: et encores alloient il et
retournoient en grant peril, car il y avoit pluisieurs
castiaux et garnisons sus les frontières, qui issoient
hors et faisoient embusches sur iaux. Et les atendoient
30 as destroix et as passages et, quant il se veoient
plus fort que li fourrageur n’estoient, il [leur] courroient
[17] sus; et les mehaignoient et ochioient et affoloient
et leur tolloient leurs vitailles: pour coi il
ne pooient ne osoient chevauchier, fors en grans
routes.
5 Tant fu li sièges devant Castillon et tant fu constrainte
par assaulz et par engiens que il ne se peurent
plus tenir, et se rendirent saulve leur vies et le leur.
Et s’en partirent toutes gens d’armes qui dedens
estoient et qui partir s’en volrent, et s’en vinrent à Saint
10 Malquaire où il y a forte ville et bon castiel. Quant
Chastillon fu rendue, li dus d’Ango en fist prendre
la saisine et la possession et le feauté et hommage de
toutes les gens, et y renouvella officiers; et y mist
cappitaine de par lui ung chevalier de Touraine, qui
15 s’appielloit messires Jaques de Montmartin.
Au departement de Castillon, il jettèrent leur advis
quelle part il trairoient. Et fu avisé qu’il iroient
devant Saint Malquaire; mais il y avoit sus le païs,
ainchois qu’il y peussent venir, aulcuns petis fors
20 qui n’estoient pas boin à laissier derière pour les
fourrageurs, et s’en vinrent au departement de Castillon
mettre le siège devant [Sauveterre]. Là vinrent autres
nouvelles dou seigneur de Rosem et dou seigneur de
Duras, que il n’estoit mies ensi que on avoit raporté.
25 Voirement estoient il allé à Bourdiaus, mais on ne
sçavoit sus quel traictié. Ches nouvelles s’espardirent
en l’ost en pluisieurz lieux, tant que li sires de
Moucident et li sires de Lagurant en furent enfourmé,
et en parlèrent au seigneur de Coucy et à
30 messire Pières de Bueil que il vosissent les chevaliers
aidier à escuser et que c’estoit grant simplesse de
croire parolles volans si legierement. Il respondirent
[18] que il le feroient volentiers, et en parlèrent au
duc, et li dus leur dist que il verroit volentiers tout
le contraire de ce que il avoit oy dire. Si demora
la chose en cel estat, et li sièges devant [Sauveterre].
5 La ville de [Sauveterre] ne les tint que trois jours, car
li chevaliers qui sires en estoit se rendi au duc, son
corps, ses hommes et tout le sien. Et parmi tant il
passèrent oultre, et vinrent devant Sainte Bazille, une
boine ville fermée, qui se rendi et mist en l’obeissance
10 dou roi de France. Et puis s’en vinrent devant Montsegur
et, tantos que il furent là venu, il le assaillirent,
et point ne l’eurent de ce premier assault; si
se logièrent et rafresquirent le nuit. Et l’endemain, de
rechief, il se misent en ordonnance pour assaillir;
15 et quant chil de le ville veirent que c’estoit acertes,
si s’esbahirent et conseillièrent entr’iaus. Finalement,
consaux se porta que il se rendirent, saulve leur
vies, leurs corps et leurs biens. Il furent ensi receu,
et puis chevaucièrent oultre devers une autre bonne
20 ville fremée, qui sciet entre Saint Malquaire et
le Riole et a à nom Auberoche. Là furent il quatre
jours, ainçois que il le peussent avoir, et se rendirent
par traictiet; et puis vinrent devant Saint Malcaire.
§ 14. Tous les jours mouteplioit li hos dou duc
25 d’Ango, et venoient gens de tous costés, car chevalier
et escuier qui se desiroient à avanchier le venoient
veoir et servir. Si fu mis li sièges devant Saint Malcaire
biaux et fors et bien ordonnés. Et vous di que
là dedens estoient retrait toutes manières de gens
30 d’armes, qui estoient parti des garnisons qui rendu
s’estoient. Si en estoit la ville plus forte et mieux
[19] gardée. Si y heut là pluisieurs grans assaux et biaux, et
fait tamainte belle escarmuche devant les barières.
Adonc fu ordonné dou duc d’Ango et dou connestable
de France, le siège estant devant Saint Malcquaire,
5 que les cappitaines et leurs routes chevauçassent
le païs, li uns chà et l’autre là. Si s’espardirent gens
d’armes de tous lés: premierement li mareschaus de
France à grant route, li sires de Coucy ossi à grant
route, Yeuwains de Galez à grant route, messires
10 Perchevaux d’Aineval, Normant, et Guillaumes de
Moncontour à grant route. Si demorèrent ces gens
d’armes sis jours sus les camps, et prisent pluisieurs
villes et petis fors, et misent tous le païs de là environ
en leur subjeccion et en l’obeissance dou roi de
15 France; ne [nuls ne] leur alloit au devant, car le païs
estoit tout wis et despourveus de gens d’armes dou
costé dez Englès. Si s’en alloient li fuiant devers
Bourdiaux. Quant il heurent fait leurs chevaucies,
il s’en retournèrent en l’ost. Chil de Saint Malcaire
20 congneurent bien que longhement il ne se pooient
tenir que il ne fuissent pris, et on leur prommettoit
tous les jours, se par force il estoient pris, sans merci
il seroient tout mort. Si se doubtèrent de le fin
que elle ne leur fust trop cruelle, et fisent un secret
25 traictiet devers les François que volentiers il se renderoient,
saulve le leur et leurs biens. Et les gens
d’armes qui dedens [Saint Makaire] estoient perchurent
ce convenant; si se doubtèrent des hommes de
la ville que il ne fesissent aucun mauvais traictiet
30 contre iaux. Si se traisent tantost au castiel qui est
biaus et fors et qui fait bien à tenir, et y boutèrent
tout le leur et encorez assés dou pillage de le ville.
[20] Adonc se rendirent chil de Saint Malcaire et se misent
tout en l’obeissance dou roi de France.
§ 15. Nouvelles estoient venues au duc d’Ango,
très le siège de devant Monsegur, que la duchoise, sa
5 femme, estoit [à Thoulouse] ajeute d’un biau fil. Si
devez savoir que li dus et tout li host en estoient
plus liet, et li fait d’armes empris plus hardiement.
Sitost que Sains Malcaires se fu rendue, on entra
dedens le ville, car là avoit biau logeis et grant. Si se
10 aisièrent et rafresquirent toutes manières de gens
d’armes, et bien trouvèrent de coy, car la ville estoit
bien pourveue. Adonc fu li castiaux environnés, et
mist on engiens devant, qui ouniement y gettoient
pières de faix, et che esbahi grandement chiaux de
15 le garnison.
Entroes que on estoit là à siège, vinrent les vraies
nouvelles dou seigneur de Duras et dou seigneur de
Rosem, par un hiraut qui les apporta, que il estoient
tourné englès. Dont dist li dus que, lui delivré de
20 Saint Malcaire, il venroit tout droit mettre le siège
devant Duras, et fist en ceste instance fortement et
fierement assaillir chiaux dou castel, car il ne le voloit
mie laissier derrière. Chil qui ens ou castel estoient,
veoient que il estoient assaillis de tous costés et que
25 nuls confors ne leur apparoit, et bien sçavoient que li
dus ne li connestables ne partiroient jamès de là si
les aroient ou bellement ou autrement: de coi, tout
consideré, il se misent en traictiet et rendirent le
castiel, sauf leurs corps et leurs biens, et furent encorez
30 avoecq ce conduit jusques à Bourdiaus. Ensi fu
Saint Macquaire, ville et castiau, françoise. Si en prist
[21] li dus la possession et y establi capitaine et castelain,
et puis se deslogièrent toutes gens d’armes et prisent
le chemin de Duras.
§ 16. Tant esploitièrent les hosts au duc d’Ango
5 que il vinrent devant Duras, et quant il se deubrent
approchier, il fu ordonné de tantost assaillir. Dont se
misent gens d’armes en ordonnance d’assaut et tous
leurz arbalestriers paveschiés devant, et ensi approchièrent
le ville. Et vous di que il y avoit là aucuns
10 varlès dessoubz les seigneurs qui s’estoient pourveus
d’eschièles pour avoir mieux l’avantaige pour monter
sus les murs. Si furent en pluisieurs lieux ces esquièles
drecies et mises contre ces murs; et lors fu li assauls
grans et orribles. Chil qui montoient se combatoient
15 main à main à chiaux de dedens, et dura de venue
chis assaus mout longhement. Si heut là fait sus les
esquièles pluisieurs grans appertises de armes, et se
combatoient chil de dehors à chiaux de dedens main
à main, et dura chiux assaux le plus grant partie
20 dou jour. Quant il se furent bien combatu et traveilliet,
par l’ordonnance des marescaux on sonna les
trompettes de retraite. Si se retrait çascuns en son
logeis. Che soir arrivèrent en l’ost messires Alains de
la Houssoye et messires Alains de Saint Pol et une
25 grant route de Bretons, qui avoient chevaucié vers
Liebronne et assailli une garnison d’Englès qui s’appielle
Cadillac. Si l’avoient pris à force et ochis tous
chiaux qui dedens estoient.
§ 17. Quant ce vint au matin, li dus d’Ango commanda
30 que on allast à l’assaut et que çascuns s’i
[22] esprouvast sans faintise, et fist assavoir par un cri et
par un hirault que li premiers qui enteroit dedens
Duras, il gaigneroit cinc cens frans. La convoitise de
gaignier fist avanchier pluisieurs povres compaignons;
5 dont furent esquielles levées en pluisieurs lieux autour
des murs. Et là commença li assaulz fiers et grans et
qui fu bien continués, car li jouene chevalier et
escuier, qui se desiroient avanchier, ne s’espargnoient
nient, mais s’abandonnoient et assailloient de grant
10 volenté.
Li sires de Lagurant estoit sour une esquièle tout
premiers, l’espée ou poing, et rendoit grant painne à
ce que il peust entrer premiers en la ville, non pour
gaignier les cinq cens frans, mais pour exauchier sen
15 nom, car il estoit durement courouchiés sus le seigneur
de Duras pour tant que si legierement il s’estoit
retournez englès. Et vous di que chis sires de
Lagurant y fist de la main merveilles d’armes, et tant
que ses gens et pluisieurs autres estrangiers estoient
20 esbahi de ce qu’il faisoit. Et tant se avancha que de
sa vie il se mist en grant aventure, car chil de dedens
par force li esrachèrent son bachinet à tout le camail
hors de la teste, et heust esté mort sans remède;
mais uns siens escuiers, qui de priès le sievoit, le
25 couvri de se targe et descendi petit à petit jus; mais
il rechut, en descendant, tamaint dur horion sus sa
targe. Si fu mout prisiés à cel assaut de tous chiaux
qui le veirent.
D’autre part, messires Tristrans de Roye et messires
30 Perchevaux d’Aineval, sus une eschielle, assalloient
moult vaillanment; et ossi faisoit messires
Jehans de Jaimont et messires Jehans de Rosoyt.
[23] Çascuns à sen endroit y faisoit merveilles d’armes.
D’autre part, à un autre crestiel, estoit li sires de
Soriel montés sur une esquielle, et se combatoit main
à main à chiaux de dedens; et disoient li aucun qui le
5 veoient que, se nuls pooit avoir l’avantage de entrer
premiers dedens, il en estoit ou chemin. Li chevaliers
ne s’aventuroit mies pour le pourfit des cinc cens
frans, fors que pour son honneur et pour l’avancement
de son corps; mais, ensi que les fortunes sont
10 perilleuses et merveilleuses à pluisieurs gens, il fu là
de chiaux dedens boutez si très roit de cop de glave,
que il fu reversez ou fons dou fosset, et li rompi li
colz. Ensi morut li chevaliers, et ossi fist uns escuiers de
Bretaigne qui s’armoit de gueulez à deux kieuvrons
15 estreciés d’or et d’asur, et dont li connestables fu
moult courouchiés. Adonc se resgrami li assauls et
renforcha de toutes pars plus grant que devant. Et là
fu boins chevaliers li sires de Moucident, et monstra
bien, à che qu’il assalloit, qu’il estoit boin françois.
20 Finablement li ville de Duras fu par force concquise,
et y entrèrent tout premiers messires Tristans de Roye
et messires Jehans de Rosoit. Quant les gens d’armes
qui dedens Duras estoient veirent que leur ville se
commenchoit à prendre, si se retraisent ou castiel et
25 laissièrent convenir le demorant.
§ 18. Ensi fu la ville de Duras prise et pillie, et
chil tout mort qui dedens furent trouvet, et puis se
retraisent les gens d’armes dedens leur logeis. Si se
desarmèrent et aisièrent, car il trouvèrent bien de
30 coi. A l’endemain, li connestables de France monta à
cheval, et li mareschaux de France avec lui; et en
[24] allèrent aviser le castiel et veoir par quel costé on le
porroit assaillir et prendre. Tout ymaginet, il le trouvèrent
merveilleusement fort, et disent que sans lonc
siège il n’estoit miez à prendre, et à leur retour il
5 contèrent tout ce au duc d’Ango. «Ne puet chaloir,
dist li dus; j’ai dit et juret que jamais de chi
ne partiray si arai le castel à ma volenté.» Respondi
li connestables: [«Et vous n’en serés ja
desdis.»]
10 Adonc fist on drechier tous les engiens qui là
estoient au tour dou castel, et mettre en oevre carpentiers
pour faire et carpenter atournemens d’assaus
pour esbahir chiaux dou chastiel. Quant chil dou
fort veirent les atournemens et l’ordonnance de
15 chiaux [de la ville] et des François, et que li assauls
leur seroit plus felenés et perilleux, si se avisèrent
que il se metteroient en traictié. Si traictièrent devers
le connestable que on les volsist prendre à merci,
sauf leurs corps et le leur, et il renderoient le castel.
20 Li dus d’Ango heut conseil, par l’avis dou connestable,
que il ne voloit plus traveillier ne blechier ses
gens, et que il les prenderoit par ce parti. Au tierch
jour, il se partirent et furent conduit là où il voloient
aller. Et li connestables prist la possession dou castel,
25 mais il me semble que li dus d’Ango ordonna et
commanda que il fust abatus.
§ 19. Après le conquès de le ville et dou castel de
Duras, li dus d’Ango ordonna à demorer en le ville
de Landuras, car li sires de Landuras estoit devenus
30 françois de la prise qui fu à Ymet, messire Jehan de
Jeumont, messire Jehan de Roye et messire Jehan
[25] de Rosoit, à tout cent lances de bonnes gens, pour
tenir et garder la frontière encontre les Bourdelois;
et heut volenté de retourner arrière vers Thoulouse
et veoir sa femme qui estoit relevée d’un biau fil, et
5 voloit à ces relevailles à Thoulouse tenir et faire une
grant feste. Si ordonna par toutes les villes et les
castiaux, que en celle saison il avoit conquis, gens
d’armes, et mist en garnison pour resister poissanment
contre les ennemis; et donna toutes manières
10 d’autres gens congiet. Et dist à Yeuwain de Gales:
«Vous prenderés de vostre charge Bretons, Poitevins
et Angevins, et en irés en Poito mettre le siège
devant Mortaigne sus mer, que li soudis de l’Estrade
tient; et ne vous partés, pour mandement que on
15 vous fache de par le roy, tant que vous en ayés la
saisine, car c’est une garnison qui moult nous a
fait de contraires.»--«Monseigneur, respondi
Yeuwains, à mon loial pooir obeïrai à vostre
commandement.»
20 Là furent ordonné en l’ost, de par le duc d’Ango
et le connestable, tout chil qui avoec Yeuwain de
Gales devoient aller en Poito. Si se departirent dou
duc bien cinc cens lances de bonnes gens d’armes et
prisent le chemin de Saintonge pour venir vers
25 Saint Jehan d’Angeli; et li dus d’Ango, li connestables,
li sires de Coucy, li marescaux de France,
messires Jehans et messires Pierres de Bueil retournèrent
arière à Toulouse, et trouvèrent que la duchoise
estoit nouvellement relevée. Si y ot à ces
30 relevailles grans fiestes et grans joustes. Après ces
festes, li connestables de France et li sires de Coucy
retournèrent en France et li marescaux de Sansoirre
[26] s’en alla en Auvergne en confortant le dauffin d’Auvergne
et les barons d’Auvergne qui guerrioient as
Englès qui se tenoient en Limosin et en Roerghe sus
les frontières d’Auvergne. Or parlerons comment
5 Yeuwains de Gales mist en celle saison le siège devant
Mortaigne sus mer et comment il constraindi chiaux
de le garnison.
§ 20. Ieuwains de Gales qui voloit obeir au
commandement dou duc d’Ango, car bien sçavoit
10 que che que li dus faisoit, ch’estoit li ordenance dou
roi Charle de France, son frère, car il paioit tous les
deniers dont ces emprises se faisoient, s’en vint à
Saintez en Poito et là se rafresci. Et ossi firent toutes
gens d’armes en ce bon païs et cras entour Saintes
15 et Pons en Poito, sus ces belles rivièrez et praeries
qui là sont. Si estoient en se compaignie li sires
de Pons, li sires de Tors, li sires de Vivone, messires
Jaque de Surgières et grant fuison de chevaliers
et d’escuiers de Poito. D’autre part, des Bretons
20 et des Normans estoient cappitaines messires Meurisses
Trisiguedi, messires Alain de le Houssoye, messires
Alain de Saint Pol, messires Perchevaux d’Aineval,
Guillaume de Moncontour, li sires de Montmore et
Morelet, ses frères. Si se departirent ces gens d’armes
25 et leurs routes, quant l’ordenance fu; et s’en vinrent
devant Mortaigne, liquels castiaux est li plus biaux et
li plus fors seans sour le rivière de Garonne et après
sour l’embouque de le mer, qui soit sour toutes les
marces et frontières de Poito, de le Rocèle et de
30 Saintonge.
Quant Yeuwains de Gales [fu venus], et chil baron
[27] et chevalier avoec lui, devant Mortaigne, il bastirent
leur siège bien et sagement, et se pourveirent petit
à petit de tout ce que il leur besongnoit. Bien sçavoient
que par assault jamais le castel ne conquerroient fors
5 que par famine et par lonc siège. Si ordonna Yeuwains
quatre bastides à l’environ, par coi nuls ne les peuwist
avitaillier par mer, par le rivière ne par terre. A le
fois, li jone chevalier et escuier, qui avanchier se
voloient et qui les armes desiroient, alloient jusques
10 as barrières dou chastel, et là escarmuchoient à
chiaux de dedens, et chil dou fort à yaux. Si y avoit
fait pluisieurs grans appertises d’armes. Dedens Mortaigne
estoit uns chevaliers gascons, qui s’appelloit li
soudis de l’Estrade, vaillant chevalier et boin homme
15 d’armes durement, par lequel conseil il ouvroient
ensi comme à leur capitaine. De vins et de vivres
dedens le castel avoient il assés et largement; mais
de autres menues coses, le siège durant, heurent il
grant necessité.
20 § 21. Li rois Charles de France, coique il se tenist
à Paris en ses deduis ou où mieux lui plaisoit en
France, sans ce que de sa personne il s’armast, faisoit
ensi à tous lés guerriier sez ennemis les Englès, et
avoit partout ses alliances tant que as roiaumez et
25 païs voisins, plus que nuls de ses predicesseurs, quatre
ou cinc rois endevant, n’eussent onques esté ne heu,
et tenoit grandement à amour chiaux dont il pensoit
à y estre aidiés. Et pour ce qu’il sentoit le roi Richart
d’Engleterre jone et le païs en toueil, il avoit envoiiet
30 en Escoche devers le roi Robert, car li rois David
estoit mort, amiables traitiez et remonstrances
[28] d’amour qui dou temps passé avoient esté entre
les rois de France ses predicesseurs et le roi Robert
Brus d’Escoce, sen tayon, et le roy David, son
oncle, pour tousjours entretenir aliances et amour,
5 et que de leur partie il fesissent bonne guerre et
aspre as Englès et les ensonniassent tellement que
il ne heussent poissance de passer la mer. De coi il
estoit avenu que li rois Robers d’Escoche, en celle
saison qui li rois Edouwars d’Engleterre estoit mors
10 et li rois Richars couronnés, assembla sen conseil en
Haindebourcq. Et là furent la greignour partie des
barons et des chevaliers d’Escoche, dont il pensoit
à estre servis et aidiés. Et leur remonstra comment li
Englès, dou temps passet, leur avoient fait pluisieurs
15 anois, ars leur païs, abatus leurs castiaux, ochis et
rançonnés leurz hommes: dont li temps estoit venus
que de che il se pooient contrevengier, car il y avoit
un jone roy en Engleterre, et si estoit li rois Edouwars
mors, qui les belles fortunes avoit heuwes: pour coi,
20 il en fust respondus de une commune et boine volenté.
Li baron d’Escoce et li jouene chevalier et escuier,
qui se desiroient à avanchier et à contrevengier les
anois et damages que li Englès leur avoient fait dou
temps passé, respondirent que il estoient tout apresté,
25 apparilliet et pourveu de chevauchier en Engleterre,
dou jour à l’endemain, quant on vorroit. Ches nouvelles
plaisirent grandement au roi d’Escoce, et dist
à tous grans mercis.
Là furent ordonnés quatre contes à estre capitaines
30 de ces gens d’armes, ch’est assavoir: le conte
de Douglas, le conte de Mouret, le conte de le Mare
et li contes de Surlant; et connestables d’Escoche,
[29] messire Archebaut Douglas, et mareschal de toute
l’ost, monseigneur Robert de Versi. Si fisent leur
mandement tantost et sans delai à estre à un certain
jour à la Mourlane. Là est li departemens auques
5 d’Escoce et d’Engleterre. Che mandement faisant et
ces gens d’armes assemblant, se parti Alixandre de
Ramesay, uns moult vaillans escuiers d’Escoce, et se
avisa de emprendre et achiever à son pooir une
haulte emprise. Et prist quarante compaignons de sa
10 route, tous bien montés; et chevauchièrent tant, de
nuit et par embusces à le couverte, que sus un adjournement
il vinrent à Bervich, qui se tenoit englesse.
De la ville de Bervich estoit cappitaines uns escuiers
au conte de Northombrelant messire Henri de
15 Persi, qui s’appielloit [Jehans] Bisès, et dou castel de
Bervich uns mout appers chevaliers qui s’appielloit
Robers [Asneton]. Quant li Escot furent venu jusques
à Bervich, il se tinrent tout coi et envoiièrent une
espiie devant devers le castel pour sçavoir en quel
20 estat on y estoit. Li espiie entra ens es fossés où point
d’iauwe n’a ne puet avoir, car il sont sus savelon
boulant, et regarda desoubz et deseure, et n’y oy ne
vei ame, et tout cela rapporta il ensi à son maistre.
Adonc s’avancha Alixandre de Ramesay, et fist avanchier
25 ses compaignons tout coiement et sans sonner
mot; et entrèrent ens es fossés, et estoient pourveu
de bonnes esquielles que il drechièrent contre les
murs. Alixandres fu tout li premiers qui y monta,
l’espée en la main, et entra par les murs ens ou chastel,
30 et tout li sien le sieuwirent que onques n’y heut
contredit. Quant il furent tout ens, il se traisent
devers le grosse tour où li cappitaines dormoit, Robert
[30] [Asneton]; et avoient boines grossez haches, de coi il
commenchièrent à fraper en l’uis. Et au desrompre
li capitaine se esvilla soudainement, qui toute nuit
avoit dormi et fait trop povre gait, tant que il le compara,
5 et ouvri l’uis de se cambre, et cuida de premiers
que ce fussent chil de là dedens qui le vosissent
mourdrir, pour tant que en le sepmaine il avoit heu
estri à yaux; et ouvri une fenestre sus les fossés et
salli hors tous eshidés, sans ordenance et sans advis,
10 et tant que il se rompi le hateriel, et là morut. Li
gaite dou chastel, qui sus le jour se estoit un petit
endormi, oy la friente; si s’esvilla et perchut bien
que li chastiaux estoit eschiellés et emblés. Si commencha
à sonner en sa trompette: «Trahi! trahi!»
15 Jehans Bisès, qui estoit capitaine de la ville et qui
veilloit, entendi celle voix; si s’arma et fist armer
tous les plus aidables de la ville, et se traisent tout
devant le castiel, et ooient bien le hustin que li Escot
faisoient là dedens; mais entrer n’y pooient, car la
20 porte estoit fermée et li pons levés. Lors s’avisa chis
Jehans Bisès d’un grant advis, et dist à chiaux de le
ville qui dalés lui estoient: «Or tos, rompons les
pons au lés devers nous, par coi chil qui dedens [sont]
ne puissent issir, fors par no dangier.» On courut
25 tantost as haches et as cuignies, et fu li pons devers
la ville rompus. Encorez envoia Jehans Bisès un certain
homme des siens à [Anwich], à douze petites
lieuwes de là, devers le seigneur de Persi, que tantost
et sans delay il venist là à toute sa poissance, et que li
30 castiaux de Bervich estoit [pris] et emblés des Escos.
Encores dist il à Thommelin Friane que il y envoia:
«Ditez à monseigneur de Persi le convenant où
[31] vous nous laissiés, et comment li Escot sont enclos
ou chastel et n’en pueent partir, fors au saillir hors
pardessus les murs. Si se hastera plus tost dou
venir.»
5 § 22. Alixandre [de] Ramesay et ses gens, qui eschielet
avoient le chastel de Bervich et qui trop bien cuidoient
avoir esploitiet, et ossi avoient il, car il eussent
esté seigneur de la ville se Jehans Bisès n’y heust
pourveu de conseil, prisent et ochisent de chiaux
10 de là dedens desquels qu’il vorrent, et les prisonniers
enfremèrent en le tour et puis s’ordonnèrent et
disent ensi: «Alons là jus en la ville, car elle est
nostre. Nous en prenderons tout l’avoir et ferons
apporter ceens par les boins hommes et femmes de
15 la ville, et puis bouterons le feu en la ville, car elle
ne fait pas à tenir pour nous; et dedens trois ou
quatre jours venra secours d’Escoche, par coi nous
sauverons tout no pillage, et au departir nous y bouterons
le feu. Ensi paierons nous nostre hoste.» A ce
20 pourpos s’accordèrent tout li compaignon, car il
desiroient à gaignier. Si restraindirent leur armeures,
et prist çascuns le lance en son poing, car il en
avoient là dedens assés trouvés, et ouvrirent le porte
et puis avalèrent le pont.
25 A ce que li pons cheï, les cordes qui le portoient
rompirent; car li pons n’eut point d’arrest ne de
soustenance, car li baus sur coi il devoit cheoir estoit
ostés, et les plancques deffaites au lés devers le ville.
Quant Jehans Bisès et chil de la ville qui en la
30 plache estoient veirent ce convenant, si commencièrent
tout d’une voix à huier et à dire: «Tenés
[32] vous là; tenez vous là, Escot failli. Point n’en partirés
sans no congiet.» Quant Alixandres [de] Ramessay
en vei le couvenant, si perchut bien que chil de la
ville avoient esté bien avisé de eulx mettre ens ou
5 parti où il se trouvoient. Si refremèrent le porte pour
le trait, et s’enfremèrent là dedens. Si entendirent à
garder leur castiel, et misent hors les mors ens es
fossés, et les prisonniers enfremèrent il en une tour.
Bien se sentoient en forte place assez pour iaux là
10 tant tenir que secours leur seroit venus d’Escoche,
car li baron et li chevalier faisoient leur amas à le
Mourlane et là environ; et ja estoit li contes de
Douglas et messires Archebaux Douglas partis de
Dalquest et venus à Dombare. Or parlerons de l’escuier
15 Jehan Biset comment il vint à Anwich devers
le seigneur de Persi et lui segnefia ceste adventure.
§ 23. Tant exploita Thommelin Froiane que il vint
à Anwich et entra en le porte par le congnissance
que il y ot, et estoit si matin que li sires de Persi
20 estoit encorez en sen lit. Tant fist que il parla à lui,
car besoings le hastoit: «Sire, li Escot ont celle nuit
pris et emblet le castiel de Bervich; et le capitaine
de Bervich m’envoye devers vous, affin que vous en
soiés avisés, car vous estes gardiens de ce païs.»
25 Quant li contes Henris de Northombrelant, sires de
Persi, entendi ces nouvelles, si se hasta dou plus tost
qu’il peut pour conforter et conseillier chiaux de
Bervich, et envoiia messages et lettres partout en la
contrée de Northombrelant as chevaliers et escuiers
30 et à tous hommes dont il pensoit à estre aidiés, en
iaux mandant et segnefiant que tantost et sans delai il
[33] venissent à Bervich, car il alloit assegier les Escos qui
s’estoient bouté ens ou castel. Chis mandemens fu
sceus parmi la contrée. Dont se partirent de leurs
hosteux toutes manières de gens d’armes, de chevaliers
5 et d’escuiers et d’archiers; et vinrent là li sires
de Noefville, li sires de Lussi, li sires de Grascop, li
sires de Stafort, li sires de Weles, li capitaine dou
Noef Chastel et ung mout vaillant chevalier et boin
homme d’armes, qui s’appielloit messires Thumas
10 Mousegrave. Et tous premiers li contes de Northombreland
avoec ses gens s’en vint à Bervich: dont chil
de la ville de sa venue furent mout resjoy. Ensi se
fist li sièges des Englès en celle saison devant le
chastel de Bervich, et tous les jours venoient gens de
15 toutes pars, et furent bien dis mil. Et environnèrent
le castel par telle manière et assiegèrent de si près
que uns oiselès ne s’en fust point partis sans congié;
et commenchièrent li Englès à faire mine pour plus
tost venir à leur entente des Escos et de reprendre
20 le castiel.
§ 24. Nouvelles vinrent à ces barons et chevaliers
d’Escoce que li contes de Northombrelant et li baron
et li chevalier de celi contrée avoient assegiet leurs
gens ens ou chastel de Bervich. Si s’avisèrent l’un par
25 l’autre que il venroient lever le siège et rafresquir le
chastel; et tenoient ceste emprise, que Alixandre [de]
Ramesay avoit faicte, à haulte et belle. Et dist li
connestables d’Escoce messires Archebaus Douglas:
«Alixandre est mon cousin, et lui vient de haute gentillesse
30 d’avoir empris et achievé si haute emprise
que d’avoir pris le castel de Bervich. Si le devons
[34] tous à ce besoing conforter; et, se nous poons lever
le siège, il nous tournera à grant vaillance. Et je voel
que nous allons celle part.» Dont ordonna il liquel
seroient de se route et liquel demorroient. Si prist
5 cinc cens lances à l’eslite tous les milleurs d’Escoce;
et se partirent tout bien monté et en boin couvenant,
et chevauchièrent vers Bervich.
Ches nouvelles vinrent as Englès et as barons de
Northombrelant qui estoient à Bervich en grant
10 estoffe, car il estoient bien dis mil hommes parmi les
archiers, que li Escot venoient pour lever le siège et
rafresquir le castel. Si heurent tantost conseil comment
il se maintenroient [et dirent que ilz prendroient
place et terre et les attendroient et les combatroient],
15 car ossi les desiroient il à avoir. Et
fist li sires de Persi toutes manières de gens armer
et appareillier et traire sus les camps et faire leur
monstre. Si se trouvèrent bien trois mil homme[s]
d’armes et sept mil archiers. Quant li contes de
20 Northombrelant vei que il estoient tant de gens, si
dist: «Or, nous tenons sur nostre place, car nous
sommes gens assés pour combatre le poissance d’Escoce.»
Si se misent en uns biaux plains au dehors
de Bervich en deux batailles et en bonne ordonnance.
25 Et n’eurent pas là esté une heure, quant il perchurent
aulcuns coureurs escos qui chevauçoient devant,
trop bien montés, pour aviser les Englès. Là heut
aulcuns chevaliers et escuiers d’Engleterre, qui trop
volentiers se fussent avanchiet de courir jusques à
30 ceulx qu’il veoient chevauchier, qui ne leur heust
rompu leur [propos]; mais li sires de Persi leur
disoit: «Souffrés vous et laissiés venir leur grosse
[35] [route]; car, se il ont volenté de nous combatre, il
nous approceront de plus près.» Ensi se tinrent tout
coy li Englès, qui bien avisèrent leurs deux batailles
et quel quantité de gens il pooient [estre].
5 § 25. Quant li coureur escochois heurent avisé le
couvenant dez Englès, si retournèrent à leur maistres
et leur recordèrent tout che que il avoient veu
et trouvé, et leur disent: «Seigneur, nous avons
chevaucié si avant, en approchant les Englès, que
10 nous avons avisé en partie leur couvenant; et vous
di que il vous attendent en deux belles bataillez
ordonnées sus uns plains, et pooient estre en çascune
bataille cinc mil hommes: si aiiés sur ce avis. Nous
les aprochames de si près que bien congneurent que
15 nous estions coureur escot; mais il n’en fisent nul
semblant, ne onques nuls d’iaux ne se deffoucqua
pour chevauchier sur nous.» Quant messires Archebaus
de Douglas et li chevalier d’Escoche qui là estoient
oyrent ces parolles, si furent tout pensieu et
20 dirent: «Nous ne poons veoir que nostre pourfit
soit à chevaucier maintenant plus avant sus les Englès,
car il sont dix contre un de nous, et toutes gens de
fait. Si polrions plus perdre que gaignier, et folle
emprise ne fu onques bonne faite.» Là avoit Alixandre
25 de Ramesay un vaillant chevalier à oncle, qui
s’apeloit Guillaume de Lindesée, qui mettoit grant
paine que ses cousins fust confortés, et disoit: «Seigneur,
mon nepveu, sus le fiance de vous et de vostre
confort, a fait sa chevaucie et pris le chastel de
30 Bervich. Si vous tournera à grant blasme, se il est
perdus; et une autre fois chil de nostre costé ne
[36] s’aventuront point si volentiers.» Là respondirent li
autre, et disoient que on ne le pooit amender, et que
tant de bonnes gens qui là estoient ne se pooient
pas perdre ne mettre à l’aventure de estre perdu, pour
5 l’emprise d’un escuier. Et fu acordé entr’iaux dou
retraire plus avant en leur païs et logier sus les montaignes
près de la rivière de Tuyde, et là se retraïsent
tout bellement et par loisir. Quant li contes de
Northombreland et li contes de Notinghem et li
10 baron d’Engleterre perchurent que li Escot ne trairoient
plus avant, si envoièrent leurs coureurs assavoir
que il estoient devenu. Il rapportèrent que il
estoient retrait vers la Mourlane oultre Rosebourcq.
A ces nouvelles, sur le soir, se retraïsent tout bellement
15 li Englès en leurs logeis, et fisent boin gait jusques
à l’endemain.
§ 26. Environ heure de prime, furent toutes
manières de gens d’armes et d’archiers apparilliet
pour aller assaillir le castel de Bervich. Et lors commencha
20 li assaus, qui fu grans et fors, et dura tout
le jour jusques à remontière; ne onques on ne vit peu
de gens si bien tenir ne deffendre que li Escochois
faisoient et se deffendoient, ne ossi castel assallir si
asprement, car on avoit esquielles en pluisieurs lieux
25 drechies contre les murs, et là montoient gens d’armes
les targes sus leurs testes, et venoient combatre
main à main as Escos. Si estoient à le fois rués jus et
reversés ou fons des fossés. Et ce qui plus ensonnioit
et traveilloit les Escos, ch’estoient li archier d’Engleterre
30 qui traioient si ouniement que à paines osoit
nuls apparoir as deffences. Tant fu chis assaulz
[37] continués et pourmenés, sans nul chès, que li Englès entrèrent
de force et de fait ens ou chastel. Si commenchièrent
à prendre et à ochire tous ceux que il
trouvèrent; ne onques nus n’en escappa de tous
5 chiaux qui dedens estoient, qui ne fust mort, exepté
Alixandre [de] Ramessay qui fu prisonniers au seigneur
de Persi. Ensi fu li castiaux de Bervich delivrés dez
Escos. Si en fu capitaine, de par le conte de Northombreland,
Jehans Bisès, uns mout vaillans escuiers
10 qui l’avoit aidié à reconquerre, ensi que vous avés
oy, liquels le fist remparer de tous poins et refaire le
pont que il avoient romput. Or parlerons nous de
l’ordenance des Englès comment il perseverèrent.
§ 27. Apriès le reconquès dou castiel de Bervich,
15 li contes de Northombreland et li contes de Nothinghem,
qui estoient li doi plus grant de l’oost, avisèrent,
ou cas que il avoient toutes leurs gens mis
ensemble, que il chevaucheroient vers leurs ennemis
et, se il les trouvoient, il les combateroient. Ensi fu
20 il devisés et ordonnés en leur host, et se departirent
tout un matin et chevaucièrent le chemin de Rosebourcq,
tout contremont la rivière de Thuyde. Quant il
heurent chevauchiet ensamble environ trois lieuwes,
il heurent nouvel conseil. Et avisèrent li doi conte
25 qui là estoient que il envoiieroient de leur gens devers
Miauros, une grosse abbaye de noirs moisnes qui
siet sour la rivière de Thuide et le departement des
deux roiaulmes, pour sçavoir se il y avoit là nuls
Escos embuschiés; et iaux et leur plus grosse route
30 [chevaucheroient] vers la Mourlane. Et, à faire che
chemin, il ne pooit estre qu’il n’eussent nouvelles dez
[38] Escos. Si fu ordonnés à cappitaine de ces gens d’armes
[qui devoient estre trois cens lances et autant
d’archiers, un moult vaillant chevalier qui s’appelloit
messires Thomas Mousegrave. Si se departirent ces
5 gens d’armes] de l’ost, et prisent le chemin [li un] à
destre et li autre à senestre. Et chevauchièrent tant
messires Thommas Mousegrave et ses fils, à tout trois
cens lances et ottant d’arciers, que il vinrent à Miauros,
et se logièrent de haulte heure pour rafreschir
10 yaux et leurs chevaux et pour enquerir justement où
li Escot estoient. Il envoiièrent deux escuiers des leurs,
bien montés, pour chevauchier sour le païs à savoir
dou couvenant des Escos ne où il se tenoient.
§ 28. Chil doi escuier, quant il se furent parti de
15 leurs maistres, chevauchièrent tant qu’il s’embatirent
sus une embusche des Escos, desquels messires Guillaume
de Lindesée estoit chiés. Et se tenoit là à l’aventure
pour oyr nouvelles de Bervich et de son nepveu
Alixandre [de] Ramesay en quel parti il pooit estre des
20 Englès, et mout le desiroit à sçavoir; et pooit avoir
avoec lui environ quarante lances. Si tost que chil
Englès furent entré en leur embusche, il furent happet,
dont li chevaliers heut grant joye, et leur demanda
de quel part il venoient. Envis parloient
25 pour descouvrir le fait de leurs maistres; mais parler
les convint, car li chevaliers leur prommist que il leur
torroit les testes se il ne disoient verité de tout che
que on leur demanderoit. Quant ce vint au fort et il
virent que autrement il ne pooient finer, il parlèrent
30 et recordèrent comment li castiaus de Bervich estoit
conquis, et tout chil qui dedens avoient esté trouvet,
[39] mort, exepté Alixandre [de] Ramesay, et après comment
li contes de Northombrelant et li contes de Notinghem
chevauchoient amont le Thuyde pour trouver
les Escos, et comment monseigneur Thumas Mousegrave
5 et ses fils et monseigneur Jehan Asneton et
monseigneur Thumas Barton et bien trois cens lances
et ottant d’archiers estoient logiet et arrestet en
l’abeye de Miauros; et puis recordèrent comment
de ces chevaliers il estoient envoiié sur le païs pour
10 savoir justement où li Escot se tenoient. «Par ma
foy, respondi Guillaumes de Lindesée, vous nous
avés trouvez, mais vous demorrez avoec nous.» Lors
furent trait d’une part et requierquiet as compaignons,
sus les tiestes, que bien les gardassent. Et puis tantost
15 il fist partir ung homme d’armes de sa route et
lui dist: «Chevauciés devers nos gens et leur dites
tout ce que vous avés oy et le couvenant dez Englès;
et je me tenray chi jusques au soir pour sçavoir se
autres nouvelles nous venront.» Chis hommes d’armes
20 se parti et chevaucha tant que il vint en un gros
village oultre le Thuyde et la Mourlane, que on dist
Hondebray, entre les montaignes; et là a bon pays
et cras et belles praeries, et pour ce s’i tenoient li
Escot. Sus le soir, vint là li escuiers, et trouva le
25 conte de Douglas, le conte de Muret, le conte de Surlant,
messire Archebaut de Douglas et lez aultres. Si
tost que il fu venus, on sceut bien que il apportoit
nouvelles. Si fu mené devers les seigneurs asquels il
recorda tout l’affaire, ensi que vous avés oy.
30 § 29. Quant li chevalier escochois entendirent que
li chastiaux de Bervich estoit repris des Englez, si
[40] furent grandement courouchié; mais che les confortoit
et raleschoit que monseigneur Thumas Mousegrave
et li chevalier et escuier dessus la rivière dou
Hombre estoient logiet à Miauros, assés en jeu parti.
5 Si se ordonnèrent que sur ces nouvelles il se departiroient
de là, et iroient deslogier leurs anemis et reconquerir
aucune cose de leurs damages. Si s’armèrent
et ensielèrent leurs chevaux, et se partirent tout de
nuit de Hondebray et chevaucièrent devers Miauros
10 à l’adrèche, car bien congnissoient le païs. Et furent
là venu environ mienuit, mais il commencha à plouvoir
une si grosse [plueve] et si ouniement, et monta
uns [tel] vens que à paines pooient il tenir leurs
chevauls et si fors, qui les frapoit parmi les visages,
15 qu’il n’y avoit tant joli qui ne fussent si vain de le
pleuve et dou vent que merveilles. Et li page, de froit,
ne pooient porter leurs lances, mais les laissoient
cheoir, et se desroutoient li un de l’autre et perdoient
leur chemin. Adonc s’arrestèrent les ghides,
20 par le commandement dou conestable, tout coi sur
les camps, à l’encontre d’un grant bos parmi où il les
couvenoit passer; car aucun sage chevalier et bien
usé d’armes, qui là estoient, disoient que il chevauçoient
folement et que ce n’estoit mies estas de chevauchier
25 ensi par tel temps et à tel heure, et que
plus y porroient perdre que gaignier. Si se quatirent
et esconsèrent, yaux et leurs chevaux, desoubz quesnes
et grans arbres, tant que li jours fust venus. Et li
aucun, qui tout engelet estoient et tout hors mouilliet,
30 faisoient grans feux pour iaux ressuyer et rescauffer;
mès, ainçois qu’il peussent venir au feu, il
heurent trop de paine. Touteffois, de fuisilz et de
[41] secqs bois il en fisent tant qu’il en heurent assés en
pluisieurs lieux. Et dura ceste plueve et ceste froidure
jusques à soleil levant, et toudis plouvina il
jusques à prime.
5 § 30. Entre prime et tierce se commencha li jours
à rescauffer, et li sollaux à luire et à monter, et les
alloes à canter. Adonc se traïsent ensamble les cappitaines
pour conseillier quel cose il feroient, car il
avoient failly à leur entente à venir de nuit à Miauros.
10 Si fu conseillié que il se desjuneroient là sus les
camps de ce que il avoient, et se rafreschiroient
yaux et leurs chevaux, et envoiieroient leurs varlès
fourragier sus le païs. Ensi fu fait qu’il fu ordonné.
Et se departirent la greigneur partie de leurs varlès
15 fourrageurs, et s’espardirent ens es villages voisins:
si rapportèrent li pluisieur fain et avaine pour leurs
chevaux et vivres assés pour leurs maistres. D’aultre
part, li fourrageur englez, qui en l’abeye de Miauros
estoient logiet, pour trouver vivres, avoient ce matin
20 chevaucié si avant que li aucun fourrageur englès et
escot se trouvèrent. Et ne l’eurent mie les varlès
englès d’avantage; mais en y ot en ce rencontre des
mors, des blechiés et des batus, et leurs fourrages
perdus, tant que les nouvellez en vinrent à monseigneur
25 Thumas Mousegrave et as chevaliers d’Engleterre
qui à Miauros estoient. Dont disent il que li
Escot n’estoient pas loing de là. Si sonnèrent leurs
trompettes et fisent ensieller leurs chevaux et s’armèrent
et heurent conseil que d’iaux traire sus les
30 camps. Ossi furent aviset d’iaux li chevalier d’Escoce
par leurs fourrageurs. Si se hastèrent, dou plus tost
[42] qu’il peurent, de rafreschir yaux et leurs chevaux, et
puis yaux mettre en ordenance de bataille au lonc
de ce bois et tout à le couverte. Si estoient bien sis
cens lances et deux mil aultres gens, que nous appellerons
5 d’orez en avant gros varlès, à lances, à haches
et as bastons d’armes. Et disoient ensi messires Archebaus
de Douglas et li contes de Douglas ses cousins:
«Il ne puet nullement demorer que nous n’aions
besoingne, car li Englès chevauchent ou chevaucheront
10 à ceste remontière. Si soyons sur no garde, et
les combatons, se nous les veons à jeu parti.» Adonc
ordonnèrent il deux de leurs hommes d’armes à
courir, pour descouvrir lez Englès et sçavoir le couvenant,
et se tinrent tout coi en leur embusche.
15 § 31. Messires Thumas Mousegrave et li chevalier
de Northombrelant de sen costé, qui mout
desiroient à jeu parti à trouver lez Escos, se departirent
de Miauros et prisent le chemin de Mourlane
et laissièrent la rivière de Thuyde à le senestre main
20 et montèrent amont vers une montaigne que on
claime Saint Gille. Là estoient li doy coureur d’Escoce,
qui trop bien avisèrent [les Englès] et qui tantost
se partirent et retournèrent à leurs maistres, et
leur disent le couvenant comment il chevauçoient, et
25 n’y avoient veut ne aviset que troix banières et dis
pennons. De ces nouvelles furent li Escot tout resjoï
et disent de grant volenté: «Chevauchons vers yaux,
ou non de Dieu et de saint Jorge, car il sont nostre.»
Adonc prisent [il un cri, et me samble que tout
30 devoient criier: «Douglas! Saint Gille!» pour la cause
de] la montaigne qui s’appelloit Saint Gille. Il
[43] n’eurent pas chevauchié une demie lieuwe que il veirent
leurs ennemis, et li Englès yaux; dont congneult li
une partie et li autre que combatre les couvenoit. Là
fist li contes de Douglas sen fil messire Jame chevalier
5 et lui fist lever banière; et là fist il chevaliers
deux des filz le roi d’Escoche, messire Robert et
messire David, et tout doi levèrent banière. Et y
heut fait sus le place environ trente chevaliers de le
partie des Escos, et uns chevaliers de Suède qui s’appelloit
10 messires Jorges de Wesmède, et porte d’argent
à un fier de molin de gheules à une bordure endentée
de gheules et crie: «Mesonde!» D’autre part, monsigneur
Thumas de Mousegrave fist sen fil messire
Thumas chevalier: et li sires de Stafort et li sires de
15 Grascop ossi en fissent çascun de sen hostel et de sa
congnissance. Si ordonnèrent leurs archiers et misent
sus elle. Et fu ce jour li cris des Englès: «Nostre
Dame! Arleton!»
Là commencha chis rencontres grans et fors, et
20 archier à traire et à ensonniier gens d’armes; mais
toutesfois li Escot estoient grant fuison. Si ne
pooient mie li archier partout entendre. Là heut fait
entre ces chevaliers et escuiers, de l’une partie et de
l’autre, mainte jouste et mainte belle apertise d’armes,
25 et pluisieurs hommes reversés de leurs chevaux,
fait mainte prise et mainte rescousse. De premières
venues, messires Archebaux de Douglas, qui estoit
grans chevaliers et adurés durement et ressoingniés
de ses ennemis, quant il deut approchier, mist piet à
30 terre et prist à son usage une longhe espée qui avoit
d’alemielle bien deux aulnes. A paines le peust uns
aultres homs lever ensus de terre; mais elle ne lui
[44] coustoit nient au masnier, et en donnoit les cops si
grans que tout ce qu’il aconsieuwoit, il mettoit par
terre; et n’i avoit si hardi ne si joli, de le partie des
Englès, qui ne ressoingnast ses cops.
5 Là heut belle bataille et dure et longhement combatue:
de ce que elle dura, che ne fu pas plenté, car
li Escochois estoient troys contre un et toutes
gens de fait. Je ne di mie que li Englès ne se portassent
très vaillanment; et y fisent grant fuison de
10 belles apertises d’armes, mais finablement il furent
desconfi, et obtinrent li Escot la place, et furent pris
monseigneur Thumas Mousegrave et ses filz et pluisieurs
autres chevaliers et escuiers. Et heurent li
Escot bien sis vins prisonniers boins, et dura la cache
15 jusques à la rivière de Thuyde, et là en heut de mors
et d’ochis de chiaux de piet grant plentet.
Si se retraïsent li Escochoix après celle desconfiture
sour leur païs, et heurent avis et conseil que il
s’en iroient tous devers Haindebourcq, car il savoient
20 par leur prisonniers que li contes de Northombreland
et li contes de Nothinghem estoient sour le
païs par delà la Tuyde sus le chemin de Rosebourcq;
et estoient gens assés pour combatre les Escos et
toute leur poissance: pour coi leur chevaucie se
25 pooit bien desrompre, pour iaux traire à sauveté et
garder leurs prisonniers. De ceste cose faire et dou
retraire sans sejourner furent il bien conseilliet; car,
se ce soir il fussent revenu à leurs logeis de Hondebray,
il heussent esté en aventure de estre tout rué
30 jus, si comme je vous diray.
§ 32. Li contes de Northombreland et li contes de
[45] Notinghem et li baron d’Engleterre, quant il se partirent
de Bervich [et de messire Thumas Mousegrave
et furent venu sus les camps à l’encontre de
Rosebourcq], furent enfourmé par leurs espies que li
5 Escot, que il demandoient à trouver et à combatre,
estoient logiés à Hondebray: dont il estoient tout
resjoï, et avoient jetté leur advis que de nuit il les
venroient escarmuchier. Et venoient là celle propre nuit
que s’en estoient parti li Escot; mais il pleut si fort
10 et si ouniement que il ne peurent parfurnir leur
emprise, et se logièrent ens es bos jusques à l’endemain.
Et quant il vinrent au jour, de rechief il
envoièrent leurs espies à savoir où li Escot se tenoient;
et chil qui envoiiet y furent rapportèrent que li
15 Escos estoient parti et que il n’en avoient nulles nouvelles.
Adonc heurent il conseil que il se trairoient
devers Miauros pour là oyr nouvelles de monseigneur
Thommas Mousegrave et de leurs compaignons.
Quant il se furent disné et rafreschi yaux et leurs
20 chevaux, il chevaucièrent tout contreval la rivière
de Thuyde en venant vers Miauros, et avoient envoié
leur coureurs par delà l’iawe assavoir quelles nouvelles
il en porroient oyr. Droit après la desconfiture
dou rencontre dou camp Saint Gille que je
25 vous ay dit, chil coureur trouvèrent leur gens qui
fuioient ensi que gens desconfis. Si recordèrent de la
bataille ce qu’il en savoient. Adonc retournèrent chil
coureur à leurs maistres et amenèrent avoec iaux les
fuians: si leur recordèrent, au plus priès qu’il peurent,
30 la verité des Englès et des Escos et de la bataille.
Bien sçavoient que leurs gens estoient desconfi;
mais il ne pooient sçavoir liquel y estoient ne
[46] mort ne pris. Quant chil seigneur de Northombrelant
[et de Notinghem] entendirent ces nouvelles, si
furent plus pensieu que devant, à boine cause; car il
estoient courouchié pour deus afaires, l’un pour ce
5 que leurs gens avoient perdu, l’autre que point n’avoient
trouvé les Escos que tant desiroient à combatre.
Si eurent là sus les camps grant conseil dou poursieuwir;
mais il ne sçavoient lequel chemin li Escot
tenoient, et si approchoit li viespres, sique, tout
10 conseilliet, il se traïsent à Miauros, et là se logièrent.
§ 33. Il ne sceurent onques sitost venir à Miauros
que les nouvelles leur vinrent veritables de le bataille
et que messires Thumas Mousegrave et ses filz
et bien sis vins hommes d’armes estoient pris, et les
15 enmenoient li Escot et s’en raloient devers Haindebourcq.
Chil baron de Northombreland veirent bien
que ce damaige il leur couvenoit porter, et que pour
le present il ne le pooient amender. Si passèrent la
nuit au mieux qu’il peurent, et à l’endemain se deslogièrent.
20 Et donna li sires de Persi, contes de Northombreland,
congiet à toutes manières de gens de
retraire çascun en son lieu, et il meismes se retraist
en sen païs, et tout li autre ou leur. Ensi se desrompi
ceste chevaucie. Et li Escot ossi s’en retournèrent
25 à Haindebourcq li aucun; mais li contes de
Douglas et ses filz demorèrent sour le chemin à Dalquest.
Si fu grant nouvelle parmi Escoche de ceste
besoingne et de le belle journée que leur gens
avoient heuwe. Si goïrent paisiblement, chevalier et
30 escuier, de leurs prisonniers et les rançonnèrent
courtoisement, et finèrent au mieux qu’il peurent. Nous
[47] nous souffrerons à parler des Escos à present et parlerons
d’autres incidences qui advinrent en France.
§ 34. En ce temps trespassa, ou mois de fevrier, la
royne de France et de [se coupe], che disoient li medecin;
5 car elle gisoit d’enfant de madame Catheline
sa fille, qui puis ce di fu duçoise de Berri, car elle
heut à mari Jehan de Berry, fil au duc Jehan de
Berri. Là, si comme je vous dy, en celle gesine, n’estoit
pas bien haitie, et lui avoient li maistre deffendu
10 les baings, car il lui estoient contraire et perilleux.
Nonobstant ce, elle se volt baignier et là conchupt le
mal de la mort. Si demora li rois Charles de France
vesves, ne onques puis ne se remaria.
§ 35. Après le trespas de le royne de France trespassa
15 la royne de Navare, suer germaine au roi de France.
Cheste roïne de Navare morte, murmurations se eslevèrent
en France entre les sages et les coustumiers,
que la conté d’Ewrues, qui sciet en Normendie,
estoit, par droite hoirrie de succession de leur mère,
20 revenue as enfans dou roi de Navare, qui estoient
desoubz eage et ou gouvernement dou roi Charle de
France, leur oncle. Chis rois Charles de Navare estoit
soupechonnés dou temps passé d’avoir fait, consenti
et eslevet ou roiaume de France tant de maux que
25 de sa personne il n’estoit mie dignes ne tailliés de
tenir heritage ou roiaume en l’ombre de ses enfans.
Si revint d’Acquitaines, en ce tamps, en France,
li connestables, qui s’estoit toute la saison tenus
avoecq le duc d’Ango, et amena en sa compaignie le
30 seigneur de Moucident, de Gascoingne, pour veoir
[48] le roi et acointier de lui, ensi qu’il fist. Si fu li
connestables receus dou roi à grant joye, et li sires de
Moucident pour l’amour de lui. Entre le roi et le
connestable heut pluisieurs paroles et secrés consaux,
5 qui point si tost ne s’ouvrirent sus l’estat de
France et de Navare. Nous retournerons assés briefment
à ceste matère; mais, pour cronisier justement
toutes les notables advenues qui à ce temps avinrent
ou monde, je vous parlerai d’un grant commencement
10 de pestilence qui se bouta en l’Eglise: de coi
toute chrestienté, pour ce temps, fu en grant branle,
et mout de maulz en nasquirent et descendirent.
§ 36. Vous avés ci dessus oy recorder comment
papes Gregoires XIe de ce nom, qui pour le temps
15 tenoit le saint siège de Romme en la cité d’Avignon,
quant il vei que il ne pooit trouver nulle paix entre
le roi de France et le roi d’Engleterre, dont trop lui
venoit à desplaisir, car mout i avoit traveilliet et fait
traveillier les cardinaux, se avisa et heut devotion
20 que il iroit viseter Romme et le Saint Siège que sains
Pières et sains Pols avoient edefiiet et augmentet. Et
ossi, très s’enfance, il avoit prommis que, se en son
vivant il estoit ja prommeus de si haut et de si digne
degré que à celi de papalité, à son loïal pooir il ne
25 tenroit son siège ailleurs que là où sains Pières l’avoit
tenu. Chis papes estoit de petite et povre complection
et maladieux. Si ressongnoit tant paine que nuls plus
de lui; et lui, estant en Avignon, il estoit si fort
quoitiés des besoingnes de France et tant traveilliés
30 dou roi et de ses frères que à paines pooit il à el
entendre. Si dist en soi meismes que il les eslongeroit
[49] pour estre mieus à son repos. Si fist faire et ordener
ses pourveances grandes et belles sus la rivière de
Janneues et par tout les cemins, ensi comme à si
haute personne comme il estoit appertenoit; et dist
5 à ses frères les cardinaulz que tout s’avisassent, mais
il voloit là aller et iroit. De celle motion furent tout
li cardinal esbahi et courouchiet, car il ressongnoient
trop les Rommains, et l’en heussent volentiers destourné,
se il peussent; mais onques ne peurent.
10 Quant li rois de France entendi ce, si en fu durement
courouchiés, car trop mieux lui estoit il [là] à
main que autre part. Si escripsi tantost à son frère le
duc d’Ango, qui estoit à Thoulouse, en lui segnefiant,
ces lettres veues, il allast en Avignon et parlast au pape
15 et lui brisast son voiage. Li dus d’Ango fist ce que li
rois lui mandoit, et vint en Avignon où il fu receus
des cardinaux à grant joie, et se loga au palaix dou
pape, pour mieux avoir loisir de parler à lui. Vous
devez croire et poez savoir que il s’aquita grandement
20 de parler au pape et de lui remonstrer pluisieurs
parolles pour lui brisier ce pourpos; mais
onques li papes n’i volt entendre. Et quoique li dus
d’Ango sejournast en Avignon, toudis se esploitoient
les besoingnes et les pourveances dou pape. Si furent
25 ordonné quatre cardinal à demorer en Avignon pour
entendre as besoignes de dechà les mons; et leur
donna li papes plaine poissance de faire ce que
il pooit faire, reservé aucuns cas papaulx que il ne
puet donner à nul homme ne hoster de sa main.
30 Quant li dus d’Ango vei que il n’en venroit point à
chief, pour raison ne belle parole que il sceut dire
ne monstrer, si prist congiet au pape et lui dist au
[50] partir: «Pères saint, vous en allés en ung païs et
entre gens où vous estes petit amés, et laissiés le
fontaine de foy et le roiaume où li Eglise a plus de
voix et d’excellence que en tout le monde; et par
5 vostre fait porra cheoir l’Eglise en grant tribulacion;
car, se vous morez par dedelà, che qu’il est bien
apparant, si comme vos maistres phisiciens le me
dient, li Rommain, qui sont merveilleux et traïtre,
seront maistres [et seigneurs] de tous les cardinaulz et
10 feront pape de force à leur seance.» Nonobstant
toutes ces parolles et pluisieurs autres belles raisons,
onques il ne volt arrester que il ne se mesist à chemin,
et vint à Marceille où les galées de Genneues
estoient toutez ordonnées pour lui venir querre; et
15 li dus d’Ango retourna arrière à Thoulouse.
§ 37. Papes Grigoires monta en mer à Marseilles à
belle compaignie et grant, et ot bon vent pour lui et
pour ses gens. Et prirent terre à Geneues, et là se
rafresquirent il, et rechargèrent leurs galées de nouvelles
20 provisions; puis rentrèrent ens et siglèrent
tant que sans peril il arrivèrent assés priès de Romme.
Vous devez sçavoir que li Rommain furent mout liet
de sa venue, et montèrent tout li capitoles de Romme
sour chevaus couvers, et l’amenèrent à grant triomphe
25 à Romme. Si se loga ou palais Saint Pière et visetoit
souvent une eglise ou clos de Romme, que il avoit
grandement à grace, et y avoit fait faire des biaus
ouvraiges, que on appelle Nostre Dame Majour:
ouquel clos et en laquelle eglise de Nostre Dame,
30 assés tost après que il fu là venus, il morut [le
XXVIIIe jour de mars mil trois cens settante et set,
[51] avant Pasques], et fu ensepvelis là dedens, et là gist.
Se li fist on son obsèque grandement et bien, ensi
comme à pape appertient.
§ 38. Tantost apriès la mort dou pape Grigoire,
5 li cardinal se traïsent en conclave ou palais Saint
Pierre. Sitost comme il y furent entré pour eslire
à leur usage [pape], qui fust bons et pourfitables pour
l’Eglise, li Rommain se queillirent et assemblèrent
mout efforciement et vinrent ou bourc Saint Pière,
10 et estoient bien là plus de trente mil, c’uns c’autres,
tous encoragiés de mal faire, se la cose n’aloit à leur
volenté. Et vinrent pluisieurs fois devant le conclave
et disoient ensi: «O vous, seigneur cardinal, delivrés
de faire pape, car trop vous y mettés; et se le faites
15 Rommain, car nous ne volons autre. Car, se aultre
vous le faisiés, li pueples de Romme ne li concille
ne le tenroient point à pape, et vous metterez tous
en aventure de estre mort.»
Li cardinal, qui estoient ou dangier des Rommains
20 et qui ces paroles entendoient, n’estoient mie bien
aise ne bien assegur de leurs vies, et les apaisoient et
abatoient leur ire et mautalent ce qu’il pooient. Et
tant se mouteplia ceste cose et la felonie des Rommains
que chil qui le plus prochain estoient dou conclave,
25 pour doner cremeur as cardinaux et à celle fin
que il descendissent plus tost à leur volenté, rompirent
par leur mauvaiseté le conclave où li cardinal
estoient; et bien cuidièrent lors li cardinal estre
mort, et s’enfuirent, [pour sauver leurs vies], li uns
30 chà et l’autre là. Li Rommain ne se tinrent mie atant,
mais remisent les cardinaux ensamble, volsissent ou
[52] non, et leur disent que il feroient pape. Li cardinal,
qui se veoient ou dangier des Rommains et en grant
peril, s’en delivrèrent pour apaisier le pueple. Nequedent,
il le fisent par bonne election d’un mout
5 saint homme cardinal et de la nacion romaine et que
Urbains Ves avoit fait cardinal, et l’appelloit [on] le
cardinal Saint Pierre.
Cheste election plaisi grandement as Rommains,
et ot li preudons tous les drois de papalité, mais il
10 ne vesqui que trois jours. Je vous diray pourcoi. Li
Rommain, qui desiroient à avoir ung pape rommain,
furent si resjoï de ce pape que il prisent le
preudomme, qui bien avoit cent ans, et le montèrent
sur une blanque mulle, et le menèrent et
15 pourmenèrent tant parmi Romme, en exauchant leur
mauvaiseté et en monstrant que il avoient vaincu les
cardinaulz quant il avoient ung pape rommain, que
il fut tant traveillié de la paine et dou traveil que il
heut, au tierch jour il s’alita et morut. Si fu ensevelis
20 en l’eglise Saint Pière de Romme et là gist.
§ 39. De la mort de ce pape furent li cardinal tout
courouchiet, car il veoient bien que les cosez alloient
mal; car, ce pape vivant, li cardinal avoient avisé que
il se dessimuleroient entre les Rommains deux ou
25 trois ans et metteroient le siège allieurs que à Romme,
à Naplez ou à Genneuez, hors dou dangier des Rommains;
et ensi comme il avoient proposé, il en fust
avenu; mais par sa mort fu tout rompu. Dont se
remisent en conclave li cardinal en plus grant peril
30 que devant, car tout li Rommain s’assemblèrent tout
ou bourcq Saint Pière et devant le conclave; et
[53] monstroient par semblant que ils vosissent tout tuer
et brisier, s’il n’aloit à leur volenté. Et disoient as
cardinalz, en escriant par dehors le conclave: «Avisés
vous, [avisez vous] seigneur, et nous bailliés ung
5 pape rommain qui nous demeure; ou autrement
nous vous ferons les testes plus rouges que vostre
capel ne soient.»
Telz parolez et telz manacez esbahissoient bien les
cardinaux, car il avoient plus chier à morir confès
10 que martir. Adonc, pour iaux hoster de ce dangier
et peril, il se delivrèrent de faire pape; mais
ce ne fu mie de l’un de leurs frères cardinaux; ainchois
esleurent et nommèrent l’arcevesque de Bar,
ung grant clercq et qui mout avoit traveilliet pour
15 l’Eglise.
A ceste promocion de papalité, pour le romain
pueple apaisier, li cardinal de Geneues bouta hors sa
teste par une des fenestres dou conclave et dist tout
hault au pueple de Romme: «Apaisiés vous, car
20 vous avez pape rommain, Berthemieu dez Aigles,
archevesque de Bar.» Li pueples respondi tout
d’une voix: «Il nous souffist.» A ce jour n’estoit
pas chilz archevesques à Romme, et croi qu’il estoit
à Naples: si fu tantost envoiiés querre. De ces nouvelles
25 fu il grandement resjoïs et vint à Romme
et s’amoustra as cardenaux. A sa venue, on lui fist
grant feste, et fu entre les cardinaux pris et eslevés
et heut toutes les droitures de papalité et ot nom
Urbain, VIe de ce nom. Si en heurent li Rommain grant
30 joie, pour le boin Urbain Ve qui mout les avoit amés.
Sa creacion fu segnefie et publie par toutes lez eglises
de chrestienté, ossi as empereurs, as rois, as dus et
[54] as contes; et le mandèrent li cardinal à leurs amis que
pape avoient par bonne et digne election: dont despuis
aucun s’en repentirent que parlé en avoient si avant.
Si [revoca] chis papes toutes gracez en devant faites.
5 Si se departirent de leurs contrées et de leurs lieux
[toutes manières de clercs] et se allèrent vers Romme
pour avoir graces. Nous nous souffrerons ung petit
à parler de ceste matère, et nous retournerons à
nostre principal histore et as besoingnes de France.
10 § 40. Vous avez bien chi dessus oy recorder comment
li rois de Navarre fu vesves, qui avoit heu à
femme le suer dou roy de France, et comment li sage
et li coustumier dou roiaume de France, par l’avis
l’un de l’autre, disoient et pourposoient que li heritages
15 as enfans dou roi de Navare, qui leur [venoit]
de par leur mère, leur estoit escheus, et que li rois de
France, leurs oncles, par le succession de sa suer, en
devoit avoir, ou nom de ses nepveus, la mainburnie;
et devoit y estre toute la terre que li rois de
20 Navare tenoit en Normendie raportée en la garde
dou roy de France, tant que si nepveu aroient eage.
De toutes ches coses se doubtoit bien li rois de
Navare, car il sçavoit mout des usagez et coustumes
de France. Si se avisa de deus coses, l’une que il
25 envoieroit l’evesque de Panpelune et messire Martin
de le Kare en France devers le roi, en lui priant et
traictant doucement que par amour il lui volsist renvoiier
ses deux enfans Charle et Pierre; et, se il venoit
à plaisance [au roy] que tous deux ne les volsist
30 renvoiier, à tout le mains il lui renvoiast Charle, car
mariage se commenchoit à tractiier de lui et de la fille
[55] le roi Henri de Castille. La seconde cose estoit que,
nonobstant tout ce que il envoieroit en France, secretement
ossi il envoieroit en Normendie viseter et
rafresquir les castiaux, affin que li François n’i peussent
5 mettre la main; car de fait, s’il n’estoient pourveu,
il s’i porroient bouter et, se il en avoient pris
la possession, il ne lez [en] osteroit mie, quant il vorroit.
Si avisa deux mout vaillans hommes d’armes
navarois et ens esquels il avoit mout grant fiance.
10 L’un estoit nommés Pières Bascle, et l’autre Ferrando.
Li premier message vinrent en France, li
evesques de Panpelune et messires Martins de la Kare;
et parlèrent au roi à grant loisir, en yaux mout humiliant
et recommandant le roi de Navare, et en priant
15 que ses deux fieux il lui volsist renvoiier. Li rois respondi
que il en aroit advis. Despuis en furent il respondu,
ou nom dou roi et present le roi, que les
deus enfans ses nepveus li rois amoit bien dalés lui
et que nullement il ne pooient [mieulx estre] et que
20 mieux les devoit amer le roi de Navare dalés le roi
leur oncle que aultre part, et que nuls il n’en renvoieroit,
mais les tenroit dalés lui et leur feroit tenir
estat bel, grant et souffissant, ensi que à enfans de
roi et ses nepveus appertenoit. Autre responce il
25 n’en peurent avoir.
Vous devés sçavoir, entretant que cil traicteur
estoient en France, Pierre Bascle et Ferrando arrivèrent
à Chierebourcq à tout grans pourveances de
vins, de vivres et d’arteillerie. Si departirent ces
30 pourveances en pluisieurs lieux ens es villes et ens es
castiaux dou roi de Navare en Normendie; et visetèrent
chil doi gouverneur, de par le roi de Navare,
[56] toute la conté d’Ewrueux et renouvellèrent officiers
et misent gens à leur plaisance. Entrues retournèrent
en Navare li evesques de Panpelune et messires Martins
de le Care, et recordèrent au roi, que il trouvèrent
5 à Tudelle, tout ce que il avoient trouvé en
France. Si ne fu mies li rois de Navare trop resjoys
de ces nouvelles, quant il ne pooit avoir ses enfans
dalés lui, et en queilla en grant hayne le roy de
France et lui heust volentiers de fait monstré, se il
10 peust; mais se poissance ne se pooit mies estendre si
avant, en grevant et guerriant le royaume de France,
se il n’avoit alloiances ailleurs. Encores se souffri il de
toutes ces coses tant que il heut mieux cause de parler
et que on lui fist plus grant grief que on n’avoit
15 encores fait.
§ 41. Li rois de France et ses consaulz estoient
bien enfourmet que li rois de Navare faisoit en Normendie
ravitaillier et rafresquir les chastiaux et les
villes que il nommoit estre siens. Si ne savoit à quoy
20 il voloit penser.
En ce temps, se faisoit une secrète armée dez Englès
sus mer, et estoient deus mil hommes d’armes et huit
mil archiers et n’avoient nuls [d’eulx] chevaux: de
laquelle armée li dus de Lencastre et li conte de
25 Cantbruge estoient chief. Et tout ce avoient li Normant
rapporté sceurement au roi de France que
ceste armée se mettoit sus allencontre des bendes de
Normendie. On ne sçavoit mies à dire quelle part il
se volroient traire, et suposoient li aucuns ou roiaume
30 de France que li rois de Navare les faisoit mettre sus
pour rendre et livrer ses castiaus au roi d’Engleterre.
[57] Si fu ensi dit au roi de France que il allast ou fesist
aller au devant hasteement, pour coi il fust sires des
castiaus le roi de Navare, et que trop avoit atendu.
Car, se li Englès s’i boutoient, il porroient bien trop
5 grever le roiaume de France; et seroit li une des
plus belles entrées que il porroient avoir, se il estoient
seigneur en Normendie des cités, des villes
et des castiaux que li rois de Navare à ce jour y
tenoit.
10 En ce temps furent pris en France doy secretaire
dou roi de Navare, uns clers et uns escuiers. Li clers
se nommoit maistre Pière dou Tiertre, et li escuiers
Jaques de Rue; et furent amené à Paris et là examinet,
15 et congneurent si avant des secrés du roi de
Navare qu’ilz avoient volu empoisonner le roy de
France, en voellant le roiaume de France adamagier,
que il les convint morir, et furent executet à
mort à Paris.
Ches nouvellez et haynes se mouteplioient tellement
20 sur le roi de Navare, que li rois de France jura
que jamais n’entenderoit à autre cose, si aroit hosté
hors de Normendie et attribué à lui et pour ses nepveus
les villes et chastiaux que li rois de Navare
tenoit. De jour en jour, venoient durez informacions
25 et nouvelles, pour le roi de Navare, en France et en
l’ostel dou roi; car on disoit tout notoirement que li
dus de Lenclastre devoit donner Katheline sa fille au
roi de Navare, et parmi tant li rois de Navare devoit
delivrer au duc de Lenclastre toute la conté d’Ewrueux.
30 Ches parollez estoient trop bien creuez en France,
car li rois de Navare y estoit petitement amés. Si s’en
vint en ce temps li rois de France sejourner à Roem,
[58] et fist ung grant mandement de gens d’armes, desquelz
li sires de Coucy et le seigneur de la Rivière
estoient chief et meneur. Si se traïsent toutes ces gens
d’armes devant Ewrueux, une cité en Normendie,
5 qui se tenoit navaroise. Et [avoient] chil doi baron
avoec yaux les deulx fils au roi de Navare, Charle et
Pière, pour moustrer à chiaux dou païs de la conté
d’Ewrueux que la guerre que il faisoient, c’estoit ou
nom des enfans, que li heritages estoit leur et rescheus
10 de par leur mère, et que li rois de Navare n’y avoit
nulle cause dou tenir; mais la greigneur partie des
gens d’armes estoient si conjoint d’amour au roi de
Navare que il ne sçavoient partir de son service. Et
ossi li Navarois, qui y estoient amassé et que li rois
15 de Navare y avoit envoiiez, lui faisoi[en]t sa guerre
plus belle.
§ 42. Li rois de France envoia commissaires de par
lui à Montpellier pour saisir toute la terre et baronnie
20 de Montpellier que li rois de Navare tenoit. Quant
chil commissaire de par le roy, messire Guillaume de
Dormans et messire Jehan le Merchier, furent venu à
Mon[t]pellier, il mandèrent des plus notables de la ville
et leur moustrèrent les commissions. Chil de Mon[t]pellier
25 obeïrent, car faire leur convint. Se il heussent
desobey, mal pour yaulx; car li dus d’Ango et
li connestables de France estoient sur le païs à tout
grans gens d’armes qui ne demandassent mies mieux
que la guerre à chiaux de Mon[t]pellier. Si furent pris
30 et prisonnier doi chevalier de Normendie, gouverneur
et regart à Mon[t]pellier de par le roy de Navare,
messires Ghis de Gauville et messires Legiers
[59] d’Orgensi, et demorèrent depuis grant temps en prison.
Ensi fu toute la ville de Mon[t]pellier et la baronnie
franchoise.
§ 43. Nous retournerons à l’armée de Normendie
5 et conterons comment li sires de Couchi et li sires
de la Rivière y esploitièrent. Il vinrent devant
Ewrues et misent le siège. Chil de ces garnisons
dou roy de Navarre estoient tous clos contre les
Franchois, et n’estoit mie leur entente d’iaux si tost
10 rendre.
Quant li rois de Navare entendi que on avoit pris
et saisi la ville de Montpellier et toute le terre, et que
grans gens d’armes estoient en le conté d’Ewrueux
qui lui prendoient et abatoient ses villes et ses maisons,
15 si veï bien que c’estoit adcertes, et heut pluisieurs
ymaginacions et consaulz avoecq chiaux où il
avoit la plus grant fiance. Finablement, il fu regardé
en sen conseil que il ne pooit nullement estre aidiés
ne confortés, se ce n’estoit dou costé des Englès; et
20 heut conseil que il y envoieroit un sien especial
homme avoec lettres de creance pour sçavoir se li
jouenes rois d’Engleterre et ses consaulz y vouroient
point recoellir alliances, et il leur jur[er]oit de ce jour
en avant et seelleroit à estre boins et loials devers les
25 Englès, et leur metteroit à main toutes les forteresses
que il tenoit en Normendie. Pour faire ce message et
aller en Engleterre, il appella un sien clercq, sage
homme et bien enlangaigiet, en qui il avoit grant
fianche, et lui dist: «Maistre Paschal, vous en irés
30 en Engleterre. Esploitiez si bien que vous en raportés
boinnes nouvelles. Pour tous jours mais, je me voel
[60] tenir et alloier avoecq les Englès.» Maistre Pascal fist
ce dont il estoit chargiés, et apparilla ses besoingnes,
et monta en un port en Navare, et singla tant que il
prist terre en Cornuaille, et puis chevaucha tant par
5 ses journées que il vint à Chenes dalez Londres, où
li rois se tenoit. Si se traist devers lui et lui recommenda
le roi de Navare, son seigneur à lui. Li rois lui
fist boine chière. Et là estoient li conte de Salebrin
et messire Simon Burlé, qui s’ensonnioient dou
10 parler et dou respondre, et disent que li rois venroit
à Londres et là manderoit son conseil, et seroit là
respondu.
Maistre Paschal se contenta de ces parolles et vint
à Londres, et li rois fist là venir son conseil au jour
15 qui nommez y fu. Là remoustra maistres Pascal au
roy et à son conseil ce dont il estoit chargiés, et parla
si bel et si sagement que il fu volentiers oys. Et fu
respondus par le conseil que li rois heut que les
offres, que li rois de Navare mettoit avant en termes,
20 faisoient bien à recoellir et non pas à renonchier.
Mais bien appartenoit à faire si grans alliances que li
rois de Navare y venist en personne pour oyr plus
plainement ce que il voloit dire, car li rois d’Engleterre
estoit uns jouenes sires, si le verroit volentiers;
25 et, ou cas que il venroit là, ses besoingnes en
vaurroient trop grandement mieux. Sur cel estat s’en
parti maistre Pascal et retourna en Navare, et recorda
tout ce que il avoit trouvé et comment li jouenes
rois d’Engleterre et ses consaulz le voloient vëoir.
30 Adonc respondi li rois de Navare et dist qu’il yroit.
Si fist apparillier un vaissiel que on appelle lin, qui
va par mer de tous vens et sans peril. Si entra li rois
[61] de Navare dedens ce vaissiel à privée maisnie. Toutesfois,
il enmena messire Martin de la Kare et maistre
Pascal avoecq lui, et esploitièrent tant qu’il vinrent
en Engleterre.
5 § 44. Un petit avant sen partement, li rois de
France, qui avoit enchargié en grant hayne le roy
de Navare et qui savoit couvertement par les gens de
l’ostel de Navare tous les secrés traictiés que il avoit
as Englès, avoit tant esploitié devers le roi Henri de
10 Castille, que il l’avoit deffiiet et lui faisoit grant
guerre. Si avoit, avant son partement, li rois de
Navare laissiet en son païs le visconte de Castielbon,
le seigneur de Lescut, Pière de Berne et le Bascle
et grant gens d’armes, tant de son païs comme de la
15 conté de Fois, pour garder les frontières contre les
Espaignars. Quant il fu montés en mer, il heut vent
à volonté, et prist terre en Cornuaille. Et puis
esploita tant par ses journées que il vint à Wyndesore,
où li rois Richard et ses consauls l’atendoient,
20 qui le rechurent liement; car il en pensoient mieux à
valoir de sa terre de Normendie, especialement de la
ville et dou chastel de Chierebourcq, dont li Englès
desiroient mout à estre seigneur. Li rois de Navare
remoustra au roi d’Engleterre sagement et doucement
25 et par biau langaige ses besoingnes et ce pour coi il
estoit là venus, et tant que mout volentiers il fu là
oys dou roi et de son conseil, et sour ce conseilliés et
reconfortés tant que bien s’en contenta. Je vous diray
comment traictiet se portèrent entre ces deux rois:
30 que li rois de Navare devoit à tousjours mais demorer
bons englès et loiaux, et ne pooit ne devoit faire paix
[62] ne acort au roi de France ne au roi de Castille, sans
le sceu et consentement dou roi d’Engleterre. Et devoit
le ville et le chastel de Chierbourcq mettre en la
main dou roi d’Engleterre ou de ses gens, liquels le
5 devoit à ses coustenges faire garder trois ans, mais
tous jours la souverainnité et seignourie demoroit au
roi de Navare; et, se li rois d’Engleterre ou ses gens
pooient par leur poissance obtenir les villes et les castiaux,
que li rois de Navare avoit adonc en Normendie,
10 contre le roi de France ou les Franchois, elles
demoroient englesses, mais tous jours la souverainnité
en retournoit au roi de Navare: laquelle cose li
Englès prisoient moult pour le cause de che que il
pooient avoir une belle entrée en Normendie, qui
15 leur estoit trop bien seant. Et devoit li rois d’Engleterre,
en celle saison, envoiier mil lances et deux mil
archiers par la rivière de Geronde à Bourdiaux ou
à Bayone, et ces gens d’armes entrer en Navare et
faire guerre au roi de Castille. Et ne se devoient partir
20 dou roiaume de Navare tant que il y heust point
de guerre as Espaignolz; mais, ces gens d’armez et
archiers, yaux entrés en Navare, li rois de Navare
les devoit [païer] de tous poins [et] estoffer, ensi que à
yaux appertenoit et que li rois d’Engleterre a coustume
25 et usage de paiier ses gens. Pluisieurs traictiés,
ordenances et alliances furent là faictes, escriptes et
seellées et jurées à tenir entre le roi d’Engleterre et
le roi de Navare, qui assés bien se tinrent. Et furent
là nommet dou conseil dou roi d’Engleterre, liquel
30 iroient en Normendie et liquel en Navare; et pour
tant que li dus de Lenclastre et li contes de [Cantebruge]
n’estoient mies à ces traictiés, mais li dus de
[63] Bretaigne y estoit, fu là dit et parlementet que on
leur envoieroit tous ces traictiés seellez, affin que il se
hastassent d’entrer en Normendie.
§ 45. Li rois Charles de France, qui fu sages et
5 soutieus, et bien le moustra tant que il vesqui,
estoit tout plainement enfourmés de l’armée d’Engleterre;
mais mies ne sçavoit ne pooit sçavoir,
fors par supposicion, là où elle se volroit traire ou
en Normendie ou en Bretaigne. Et pour ces doubtes
10 il se tenoit en Bretaigne grans gens d’armes, des
quels li sires de Clichon, li sires de Laval, li viscontes
de Rohem, li sires de Biaumanoir et li sires de
Rochefort en estoient cappitaine et gouverneur; et
avoient assis Brest par bastides, non autrement, par coi
15 on ne les peuwist avitaillier. De Brest estoit cappitaine
uns escuiers englès, vaillant homme, qui s’appielloit
Jaque Clercq. Et pour ce que li rois de France savoit
bien que li rois de Navare estoit allés en Engleterre
et esperoit bien que, ains son retour, il feroit couvenances
20 et alloiances à son adversaire d’Engleterre, et
se doubtoit de ceste armée qui se tenoit sus mer que
de force il ne presissent terre en Normendie et de
fait il se boutassent ens es castiaux qui se tenoient
dou roi de Navare, il envoia hasteement devers le
25 seigneur de Coucy et le seigneur de la Rivière, en
remoustrant ces besoingnes, que il se delivrassent de
reconquerir ces castiaux, n’eussent cure comment,
par traictiés ou par acas, et par especial les plus
prochains des bordes de le mer. Bien sçavoient que
30 Chierebourcq n’estoit mies à prendre legierement. Et
affin que par terre chiaus de Chierebourcq ne se
[64] peussent ravitailler, li rois de France envoia à Valoingne
grant gens d’armes des basses marces de Bretaigne
et de Normendie: desquels, pour les Bretons, estoit
capitains messires Oliviers de Claiequin et, des Normans,
5 li sires de Yvery et messires Perchevaus d’Aineval.
§ 46. Li sires de Couci et li sires de la Rivière
avoient à grant poissance assis la cité d’Evreux, et
tous jours leur venoient gens de tous costés que li
10 rois de France leur envoioit. Ewrueux est une cité
qui est belle et forte et près de le mer ou clos de
Costentin, qui pour ce temps se tenoit au roi de
Navare, car elle est de la conté d’Ewreuses. Chil
d’Evreuses, qui se veoient enclos et assegiés de leur
15 voisins, qui leur prommettoient que, se de force il
se faisoient prendre, il seroient sans remède tous
perdus, hommes et femmes et enfans mors, et la
ville repueplée d’autres gens, se doubtoient grandement,
car confort ne leur apparoit de nul costé.
20 Et vëoient, se vëoir le voloient, leur jone heritier
Charle de Navare, auquel li heritages de la conté
d’Evrueux devoit appartenir de par madame sa
mère et la succession de lui; et ooient par ces
deux seigneurs, le seigneur de Coucy et le seigneur
25 de la Rivière, qui bien estoient enlangaigiet
et qui biel leur savoient remoustrer, toutes les incidences
où il pooient encourir. Et ossi li evesques dou
lieu s’enclinoit de la partie dou roi de France. S’avisèrent,
tout consideret, que mieux leur valloit à rendre
30 leur cité en amour, puisque requis de leur seigneur
en estoient, que demorer en peril. Si prisent
[65] chiaux d’Evreuses une trieuwe à durer trois jours;
et en celle trieuwe chil d’Evreuses pooient paisiblement
venir en l’ost et chil de l’ost en Evreuses. En
ces troix jours furent li traictiet si bien ordonné et
5 acordé que li sires de Couci et li sires de la Rivière
entrèrent en la cité et en prisent le possession de
par le roi de France, comme commissaire autentique
là envoiiet et procureur général pour l’enfant de Navare,
qui present estoit à tous ces traictiés. Et renouvellèrent
10 chil doi seigneur toutes manières d’officiers;
et, quant il s’en partirent, il le pourveïrent, pour le
doubte des rebellions, de boines gens d’armes, et
puis s’en partirent et vinrent mettre le siège devant
Carenton, une belle ville et fort chastel, seant sur mer
15 et sus les marces de Kem.
§ 47. Chil de Carenton n’avoient point de cappitaine
de nom, ne heu despuis la mort messire Eustasse
d’Aubrecicourt, qui là morut et qui leur capitaine
avoit esté bien quatre ans, et ne se veoient
20 conseilliet ne confortet de nullui, fors que d’iaux
meïsmes, et sentoient sus mer l’amiral de France
messire Jehan de Viane, et l’amiral d’Espaigne avoec
lui, gisant à l’ancre à grant gent devant Chierebourcq.
Et ne sçavoient nul des traictiés dou roi de
25 Navare ne quel cose il avoit fait ne esploitié en
Engleterre, et estoient tous les jours assaillis par deux
manières, les unes par armes, et les aultres par parolles,
car li sires de Coucy et li sires de la Rivière songnoient
grandement que il heussent [chiaux] de Carenton.
30 Et tant en songnièrent que par traictié il [les]
heurent; et se misent et rendirent en l’obeïssance dou
[66] roi de France, reservé pour le temps advenir le droit
que leurs jones heritiers messires Charles de Navare
y pooit avoir.
A tous traictiés chil seigneur de France s’enclinoient
5 pour eux delivrer d’estre en saisine et possession
des villes et castiaux que il desiroient à avoir.
Si prisent Carenton, ville et castiel, et le rafresquirent
de nouvelles gens. Et puis s’en partirent et vinrent
devant le castel de Mouliniaux, et n’y furent
10 que trois jours, quant par traictiés il l’eurent; et puis
vinrent devant Conches. Si se logièrent sus celle
belle rivière d’Orne qui queurt à Kem, et s’i rafresquirent
tant que il sceurent la volenté de ceux de
Conces, liquel par traictiés se rendirent, car che
15 que li sires de Coucy et li sires de la Rivière avoient
l’enfant de Navare avoec iaux, enbellissoit grandement
leur fait. Et ossi en ces forteresses navaroises
avoit peu de gens dou roiaume de Navare, et che
que il en y avoit, si n’estoient ce mies seigneurs de
20 villes ne de castiaux ne de traictiés; mais quant on se
rendoit au roy de France ou ses commis, il estoient
ou traictiet par condicion telle que il se departoient,
se il voloient, et se traioient quelque part qu’il voloient
et qu’il leur plaisoit. Et tout chil qui s’en partoient,
25 ne se trayoient aultre part que à Evreux, dont
Ferrando, uns Navarois, estoit cappitaine.
§ 48. Après le conquès dou castel de Conches qui
se rendi par traictié, si comme vous avés oï, on s’en
vint devant Pasci, et là heut assault et des bleciés,
30 uns et aultres. Au second jour il se rendirent, et demora
li castiaux au roi de France. Et puis chevaucièrent
[67] oultre et raquisent finablement tout ce que li
rois de Navare en devant avoit tenu en Normendie,
exepté Evreux et Chierebourcq. Et quant il heurent
tout raquis, castiaux et petits fors, et que tous li païs
5 fu en leur obeïssance, il s’en vinrent mettre le siège
devant Ewrueux, là où il a cité, bourcq et chastel, et
tout separet l’un de l’autre. Et sont et ont tousjours
esté par usage li plus fort Navarois de Normendie,
ne n’i amèrent chil d’Ewrues onques parfaitement
10 seigneur autre que le roi de Navare. Si fu Ewrues
assiegie mout poissanment, et se tint là li sièges
longhement, car Ferandos en estoit cappitaines, qui
pluisieurs apertises d’armes y fist de soy meïsmes et
fist faire.
15 En ce [temps] estoit li rois de Navare retournés en
son païs et cuidoit autrement avoir esté aidiés des
Englès qu’il ne fu, quoyque li Englès n’y heussent
point de pourfit, ensi qu’il apparut, car li dus de
Lenclastre et li conte [de Cantebruge], endevant tous
20 ces traictiés, avoient heu vent contraire pour arriver
en Normendie; et ossi ung grant mandement que
il avoient fait de quatre mil hommes d’armes et de
uit mil archiers, il n’estoient pas sitost venu à [Hantonne],
où tout montèrent en leurs nefs chargies
25 de pourveances. Pour coi il fu ainçois la Saint Jehan
que tout ensamble, ensi que gens d’armes doivent
partir, il se partirent des pors d’Engleterre. Et encores,
quant il se departirent des havenes d’Engleterre,
il trouvèrent à Plewemoude le conte de Salebrin et
30 messire Jehan d’Arondiel qui s’en devoient aller en
Bretaigne pour ravitaillier et rafresquir chiaux de
Brest et chiaux de Hainbon, qui n’avoient peu avoir
[68] vent. Et se misent chil doi seigneur en l’armée dou
duc de Lenclastre et de son frère, le conte [de Cantebruge];
mais il prisent terre en l’ille de Wisque, et là
sejournèrent un grant temps pour aprendre des nouvelles
5 et où il se trairoient, ou en Bretaigne ou en
Normendie. Là oïrent nouvelles que li armée de
France estoit sus mer: si fu renvoiiés messires
Jehans d’Arondiel, à tout deus cens hommes d’armes
et quatre cens archiers, à Hantonne, pour
10 esquieuwer les perils qui leur pooient venir sus mer.
§ 49. Pour le cause de ce que li rois de France
estoit veritablement enfourmés de par les Normans
que li Englès estoient trop poissant sur mer et ne
savoient où il voloient traire, avoit il par tout son
15 roiaume fait un especial mandement que cascuns fust
apparilliés, chevaliers et escuiers, montés à cheval et
armés de toutes armes, ensi comme à lui appartenoit,
pour venir et aller là où il les manderoit. Ossi
li dus d’Ango, toute celle saison, avoit retenu gens
20 d’armes de tous costés sus l’intencion que de mettre
le siège devant Bourdiaux et Blaves, et avoit sen
frère, le duc de Berry, et le connestable de France en
se compaignie et toute la fleur de chevalerie de
Gascoingne, d’Auvergne, de Poito et de Limosin. Et pour
25 ceste emprise traire à bon chief et pour avoir plus
grant quantité de gens d’armes, par le consentement
dou roi de France, sen frère, il avoit en la Langhe
d’Oc queillie une aide si grande et si grosse que elle
avoit bien monté douse cens mil frans. Et ne [pot] en
30 celle saison li dus d’Ango faire sa emprise, car li rois
de France remanda le duc de Berri, son frère, et le
[69] connestable de France et tous les hauls barons dont
il pensoit à yestre aidiés et servis, car bien estoit
segneffiés que les Englès estoient sus mer, mais il ne
[sçavoit] où il voloient traire; et quoique ceste emprise
5 de la Langhe d’Och se rompesist, les povres
gens qui avoient esté traveilliet de paier le grande
somme, je vous sçai bien à dire que il ne reurent
mies leurs deniers.
§ 50. En ce temps tenoit siège, à bien vint mil
10 Espaignols et Castellans, li rois Henris de Castille
devant le cité de Bayone, et le assiega très en yvier,
et y fut toute le saison. Et y ot faites tant maintes
grandes apiertises d’armes par mer et par terre, car
dans Radigos de Roulz et dans Ferrans de Sebille et
15 Ambroise Boukenègre, Pière Walesque et Ambroise
de Caletrave estoient à l’ancre devant Bayone à
bien deus cens vaissiaux et donnoient trop à faire à
chiaux de Bayone, de laquelle ville, pour le temps,
estoit gardiens et cappitaine uns mout vaillans chevaliers
20 d’Engleterre, qui s’appelloit messire Mahieu de
Gournay. Li sens et li proèche de lui reconforta grandement
la ville. Et voellent li aucun dire, et le sçai
par chiaux qui dedens furent enclos, que li Espaignol
fussent venu à leur entente de Bayone, mais
25 uns si grans mortoires se bouta en l’ost que des cinc
en moroient les troix; et avoit là li rois Henris avoec
lui un nigromacien de Toulette, qui disoit que li airs
estoit tous envenimés et corrompus, et que à ce on
ne pooit mettre remède que tous ne fussent en peril
30 de mort. Pour celle doubte, li rois se desloga,
et se deffist li sièges. Mais li Espaignol et li Breton
[70] avoient sus le païs conquis grant fuison de castiaux
et de petis fors; si se boutèrent ens. Et li
rois s’en vint rafreschir à la [Couroingne] et envoia
mettre le siège son connestable devant Panpelune
5 en Navare, à tout bien dis mil Espaignols, en laquelle
cité li viscontes de Castielbon et li sires de
Lescut et li Bascles estoient à tout deus cens lances,
qui grandement de la cité songnoient. Et li rois
de Navare, qui tout nouvellement estoit revenus
10 d’Engleterre, se tenoit à Thudèle et atendoit grant
confort de jour en jour, qui lui devoit venir d’Engleterre.
Et voirement en estoit il ordené, car de par le
roi et son conseil li sires de Nuefville et messires Thumas
Trivès estoient à Plewemoude ou sus le païs là
15 environ, à tout mil hommes d’armes et deus mil
archiers, et faisoient leurs pourveances grandes et
grosses pour venir arriver ou havene de Bourdiaux;
mais il n’avoient mie passage à leur volenté, car li
grande armée le duc de Lenclastre avoient presque
20 tous les grans vassiaux dou roiaume d’Engleterre:
pour quoi il furent en sejour à Plewemoude ou là
environ plus de quatre mois.
En ce temps, s’en vint li dus de Bretaigne en Flandres
dalés le conte de Flandres, sen cousin, qui le
25 rechut à grant joie, dont li rois de France heut
depuis grant indignacion de ce que il le tint dalés lui
plus d’[un] an et demi, si comme vous orrés recorder
avant en l’istore.
§ 51. Li dus de Lenclastre et li contes [de Cantebruge]
30 et leur armée qui estoit grande et grosse,
car là estoient tout li noble d’Engleterre, séjournèrent
[71] en l’isle de Wisque, à l’encontre de Normendie
et d’un païs que on appielle Cauls, et desiroient trop
à sçavoir l’estat de Franche, car nulle chertainneté
n’en avoient. Sitost que il peurent perchevoir que il
5 heurent point de vent, il entrèrent à leurs vassiaux,
cascuns sires à sa charge. Et estoit amiraux de la mer
le conte de Salebrin, et connestables de l’ost li contes
d’Aquesufort; là estoient li contes d’Arondiel, qui
s’apielloit Richart, [li contes] de Douvesiere, li contes
10 de Northombrelant, li contes de Notinghem, messires
Thumas de Hollandes, contes de Quent, messires
Jehans de Hollandes, ses frères, li contes de Stafort,
li contes de Suffort, messires Guillaumes de Montagut,
messires Hue de Cavrelée, messires Robert Canolles,
15 messires li canonnes de Robersart et pluisieurs vaillans
chevaliers et escuiers. Si singlèrent de celle marée
tout coiement au lés devers Normendie; et ne sçavoient
pas encores arresteement entr’iaux quelle part
il se trairoient ne où il prenderoient terre, car il
20 desiroient mout à trouver l’armée dou roi de France
sus mer; et leur avoit on dit, yaux estans à l’ancre
en l’isle de Wicq, par une nef balenghière qui s’estoit
emblée en Normendie, que li sièges des François
estoit devant Ewrues, et li armée de mer de par le
25 roi de France gisoit à l’ancre devant Chierebourcq.
Dont, sus celle entente, il s’en vinrent tout flotant
les bendes de Normendie et querant les aventures.
Et passèrent devant Chierebourcq, mais riens n’y
trouvèrent, car messires Jehans de Viane et son
30 armée estoient retrait ou havene de Harflues. Pour
che ne se veurrent mies là arrester la navie d’Engleterre,
car il avoient vent à volenté pour aller vers
[72] Bretaigne: si passèrent oultre, et s’en vinrent ferir
ens ou havene de Saint Malo de l’Ille, et là ancrèrent
et prisent terre, et yssirent de leurs vaissiaux
petit à petit et se logièrent. En ce temps,
5 estoit gardiens et capitaines de la ville de Saint Malo
uns escuiers bretons, bon homme d’armes durement,
qui s’apeloit Morfouache. Quant il veï les Englès
venus et qu’il se apparilloient pour là mettre le
siège, si ne fu mies trop esbahis; mais se pourveï et
10 ordonna sagement et vaillanment à l’encontre d’iaux.
Les nouvelles furent tantost sceues sus le païs que
li dus de Lenclastre et li armée d’Engleterre avoient
pris terre et arrest à Saint Malo, car li viscontes de
le Berlière, messires Henris de Malatrait et li sires de
15 Combourch s’en vinrent bouter dedens Saint Malo à
deus cens hommes d’armes, desquels Morfouache
fu grandement resjoïs et reconfortés, car autrement
il heust eu fort temps.