(Monete Anonime, nota 6).
_MCCCCXIIII, die XXVII aprilis_.
Capta.
Cum alias provisum foret in hoc consilio, propter diversas monetas que
expendebantur in Jadra forenses cum danno nostri communis et monetarum
cunij nostri, ac captum quod deberet cudi et fieri una moneta que
teneret tres uncias argenti pro marcha, et irent XLIIII soldi pro
untia, faciendo figuram Sancti Marci apparati ab uno latere, et ab
altero unum scutum altum in quo nichil sit. Et ut dicta experientia
videri posset, cudi deberet usque ducatos mille de dictis monetis
novis et mitti ad partes Jadre, expendendo de ipsa et recipiendo in
solutionem introytuum, ut daretur cursus ipsi monete; postea vero
positum foret ad hoc consilium et captum de revocando ipsam partem,
dubitando quod factum ipsius monete non deberet bene succedere. Et sic
hucusque dilata est res, sed tamen continue moneta predicta expendita
fuit, in tantum quod, secundum informationem quam habemus per Johanem
de Bonisio notarium nostrum qui nuper venit a rectore Jadre, capit tam
optimum cursum, quod non repperitur una moneta in Jadra, nam tota
portata est per morlacos infra terram. Et propterea multum fuimus
confortati ut fatiamus fieri de alia; et quod omnes contentantur ipsam
recipere et expendere. Et considerato quod talis moneta venit
redundare ad utilitatem et comodum nostri communis, bonum est quod,
sicut inceptum fuit, sic dari debeat executio ad fatiendum fieri et
cudi de ipsa moneta cum stampa suprascripta, que moneta tenere debeat
tres untias et quartum unum; et de tempore in tempus facere laborari
in illa quantitate que placuerit dominio, et mittere ad partes Jadre
et Dalmatie ut ibidem expendentur, Et quod factum dictarum monetarum
melius succedat de die in diem.
De parte omnes alii; -- de non 10; -- non sinceri 2.
(Senato, _Misti_, registro 50, carte 102 tergo.)
[Nuova pagina]