(Monete Anonime, nota 3).
_MCCCCX, die ultimo maij_.
Capta. -- Cum in civitate nostra Jadre et partibus illis currant et
expendantur alie monete quam nostre, videlicet monete trium
condicionum, videlicet: moneta quam cudit Creuoia et aliqui alii,
videlicet grossos de bono argento valoris soldorum trium et minus, et
expenduntur pro soldis quatuor; et soldini hungari qui non valent
denarios VIII, et expenduntur pro uno soldo; et frignachi qui non
tenent tres uncias argenti pro marcha, et etiam expenduntur pro uno
soldo. Et hoc modo moneta nostra, videlicet grossi nostri qui valent
quatuor soldos, et soldus noster, exeunt de bursis nostris, et dantur
venientibus Jadram et ad partes illas, qui ipsam monetam nostram
imbursant et dimittunt monetas suas, que sunt multo minoris valoris,
cum tanto damno nostro; ita quod bonum ymo necessarium est providere,
consideratis magnis expensis deinde, et quod in omni parte mondi
(_sic_) quilibet dominus et quodlibet dominium multam advertentiam et
provisionem semper habet ad factum monetarum;
Vadit pars, quod possint ed debeant cudi et fieri una moneta, que
teneat tres uncias argenti pro marcha, et vadant XLII pro uncia,
faciendo figuram Sancti Marci apparati ab uno latere, et ab altero
latere unum schutum altum, in quo sit nihil, ita quod erit ita modica
differencia, quod considerato, quod de dictis fringnachis fiunt et
cudiuntur cum diversis stampis, dicta nostra moneta capiet subito
cursum. Et mandetur rectoribus Jadre, quod teneant modum quod
expendatur dicta moneta, faciendo etiam ipsa recipi in solutionem
nostrorum introytuum. Et ut fiat de ipsa experiencia, debeant cudi et
fieri pro nunc de dictis frignachis usque ad ducatos mille, mittendo
ad partem ad partes Jadre sicut erunt facti. Et secundum quod
videbitur dictam monetam novam respondere utilitati nostre, poterit
provideri per hoc consilium prout bonum videbitur.
(Senato, Deliberazioni _Secrete_, registro 4, carte 118 tergo.)