(Francesco Foscari, nota 36).
_MCCCCLVI, die XVI martii_.
Quia tempore belli, ob necessitates terre et multas expensas
occurrentes, provisum et ordinatum fuit quod ad cecham nostram fierent
quatrini et parvuli diversarum sortium, et de eis etiam facti sint
tempore pacis, qui adeo multiplicati sunt, ut nulla alia quasi
appareat vel expendatur in terris nostris moneta quam raminis. Et hoc
idem etiam inceptum est fieri in hac civitate, et propterea subditi
nostri permaxime graventur, nec cessent, sed in die magis multiplicent
eorum querelle. Et insuper ob multiplicationem dictarum monetarum alie
multe sequantur confusiones et inconvenientia ac nostro dominio damno;
sitque pro honore Dei et nostro etiam, et propria utilitate camerarum
nostrarum, et pro sedandis predictis querellis subditorum nostrorum,
omnino providendum;
Vadit pars quod mandetur, auctoritate huius consilii, officialibus
nostris ceche, et sub pena perpetue privationis ipsius officii, et
solvendi penam ac si refutassent, et ultra hoc libras quingentas pro
quolibet eorum, exigendas per advocatores communis, sine alio
consilio, habentes partem ut de aliis sui officii, (quod) fieri et
cuniari non faciant, neque consentiant fieri vel cuniari, nec
permittant etiam extrahi de cecha nostra, ullo modo, forma vel
ingenio, de suprascriptis quatrinis, parvulis, vel aliis monetis
raminis alicuius sortis vel maneriei, sine licentia huius consilii. Et
similiter stampatores non possint ex dictis monetis raminis stampire
sub pena privationis et standi sex menses in carceribus. Et hec pars
addatur in capitulari ipsorum officialium ceche. Et si pars vel
capitulare est contra sit revocatum quantum in hoc. Et cridetur hec
pars in cecha nostra. Hoc tamen declarato, quod unicuique qui
posuisset ad cecham nostram ramina, tornesios vel alias monotas
raminis forenses, restituantur sua.
De parte 357; -- de non 76; -- non sinceri 78.
(Maggior Consiglio, registro _Regina_, carte 5 tergo.)