(Pasquale Malipiero, nota 4).
_MCCCCLVIII, die XXVIIII julii_.
Expedit omnino, prout omnes intelligere possunt, providere et
occurrere inconvenientiis hucusque secutis in Brixia et Brixiensi
districtu, occasione parvulorum, propter multas fraudes in re ista
commissas; propterea
Vadit pars, quod omnes parvuli falsi qui quomodolibet inveniri seu
haberi poterunt, incidantur omnino et totaliter extirpentur, nec
aliqualiter acceptari, dari seu expendi possint. Et si quis inventus
fuerit quoquomodo contrafecisse cadat in penam ammittendi X parvulos
bonos pro uno quoque parvulo in quo fuerit contrafactum; cuius pene
medietas sit accusatoris, et alia medietas rectorum, camerariorum
Brixie; remanentibus etiam firmis aliis conditionibus et stricturis
alias in parte super hoc capta contentis.
Statuatur preterea et mandetur, Quod omnes teneantur et debeant per
totum mensem augusti proximum presentare ad cameram nostram Brixie
omnes parvulos bonos cunei nostri, sub pena predieta; de quibus
reservari debeant ducatos quatuor mille. Alii vero omnes fundantur et
de eis fiant _quatrini sive duine_. Cum hoc tamen, quod illi quorum
erunt dicte _duine_, habeant seu solvant, sicut honestum est, expensas
reformationis et stampe predicte. Prefati autem parvuli qui
reservabuntur nullo modo acceptari possint ad cameram nostram, sed
solummodo expendantur et currant in Brixia et Brixiensi pro comoditate
omnium, presertimque pauperum personarum. Cum hoc tamen quod in una
vice expendi non possit ultra unum soldum ipsorum parvulorum, et
abinde infra. Ad ipsam vero cameram nostram solvi et acceptari debeant
solum monete auri, et argenti ac quatrini seu duine predicte,
videlicet medietas in auro et argento, et alia medietas in duinis, que
nullo modo dari, acceptari seu solvi possint in scartociis, sed in
contatis, ut bene videri possint pro fraudibus evitandis, sub pena
amittendi tantumdem cuilibet contrafacienti.
Utque res ista melius et diligentius per plures vias inquiratur, et
contrafacientes puniantur, committatur rectoribus Brixie, quod
provideant cum deputatis nomine illius fidelissime communitatis quod
ad hoc eligat aliquas personas idoneas, sicut se facturam obtulit pro
bona et votiva executione huius deliberationis nostre.
De parte 113; -- de non 3; -- non sinceri 5.
Facte fuerunt littere.
(Senato, _Terra_, registro 4, carte 78 tergo.)