(Francesco Foscari, nota 26).
_1447, die XXVIII augusti_.
Cum notum sit omnibus quanto studio et quanta arte multi domini
forenses, elapso tempore et modo nuper, enixi sunt contrafacere
ducatos, et soldos et alias nostras monetas, et licet nunquam fieri
potuerit tanta similitudo stamparum, quin semper cognita fuerit, tamen
querendum est et providendum, quod proprius et verus cunius ceche
nostre non possit unquam pervenire in manus alicuius forensis aut
hominis levis conditionis, propter periculum quod sequeretur in
ducatis et grossis, propter similitudinem stamparum: Et propterea,
Vadit pars, quod nemo possit unquam accipi magister cuniorum aut
stamparum nostrarum in cecha nostra, qui non sit civis origine
Venetiarum, sub pena officialibus qui eligerent ducatorum centum.
De parte omnes alii; -- non sinceri 0; -- de non 1.
(Senato, _Terra_, registro 2, carte 43.)