Now stood hir castel faste by the see,
And often with hir freendes walketh she (120)
Hir to disporte up-on the bank an heigh,
Wher-as she many a ship and barge seigh 850
Seilinge hir cours, wher-as hem liste go;
But than was that a parcel of hir wo.
For to hir-self ful ofte ‘allas!’ seith she,
‘Is ther no ship, of so manye as I see,
Wol bringen hom my lord? than were myn herte 855
Al warisshed of his bittre peynes smerte.’