_Deliberazione che nomina la Commissione, per esaminare i frati_.[979]
Cives ad examinandum fratres.
Dicta die XI mensis aprilis 1498. — Item, dicti Domini, simul adunati
etc., attendentes quod superioribus diebus verbotenus commiserunt
et preceperunt spectabilibus viris Carulo Danielis de Canigianis,
Ioanni domini Giannozii de Manettis, Ioanni Antonii de Canaccis,
Bartolo Pieri de Zatis, Baldassarri Bernardi de Brunettis, Piero
Danielis de Albertis, Benedicto Tanay de Nerlis, Doffo Angeli Scolai
de Spinis, Tommasio Nicolaii de Antinoris, Francisco Luce de Albizis,
Iuliano Bernardi de Mazinghis, Piero Bertoldi de Corsinis, Braccio
domini Dominici de Martellis, Laurentio Mattei de Morellis, Andree
Ioannis de Larionibus, Antonio Iacobi de Rodulfus, et Alfonso Filippi
de Stroziis, omnibus civibus florentinis, quod examinarent Fratrem
Hieronimum Savonarolam de Ferraria, Fratrem Dominicum de Piscia, et
fratrem Silvestrum, fratres ex ordine Predicatorum sancti Dominici, et
omnes alios fratres et alios quoscumque; et ut dicta eorum commissio et
preceptum validiori et efficaciori modo possit sortiri suum effectum.
Ideo, obtento inter eos partito, secundum ordinem, et omnibus serratis
etc., deliberaverunt et deliberando preceperunt prefatis civibus,
quatenus in dicta examinatione prosequantur eorum auctoritate quolibet
remedio opportuno.[980] Confirmantes ex nunc omne et totum id quod
in dicta examinatione facta, vigore dicte auctoritatis et precepti
verbotenus eis facti, fecissent vel exeguissent. Ac etiam ad cautelam
confirmantes ex nunc prout ex tunc, et ex tunc prout ex nunc, quicquid
facient in futurum in predictis et circa predictas examinationes, modo
et forma supradictis.