_Altre Deliberazioni_.[981]
1.
Contra euntes ad Sanctum Marcum.
Die XII mensis aprilis 1498. — Item, dicti Domini, simul adunati etc.,
servatis etc., deliberaverunt quod banniatur et precipiatur in locis
publicis civitatis Florentie, quod ullus cuiuscumque gradus, status,
conditionis aut dignitatis existat, etiam mulieres, non audeat occulte
vel palam ire et intrare in ecclesiam et monasterium Sancti Marci de
Florentia; et si quis ad presens ibidem esset, exceptis fratribus dicti
conventus, statim discedat, sub pena ribellionis, in quam incurrat eo
ipso quo contrafecerit, absque aliqua alia declaratione fienda etc.
Mandantes etc.
Bannitum, dicta die, per Matteum Verdiani bannitorem dicte
Dominationis, ut retulit.
2.
Pro fratribus detentis in Palatio.
Dicta die V maii, 1498. — Item, dicti Domini, simul adunati etc.,
servatis etc., deliberaverunt etc., quod custodia Fratrum Ieronimi et
Dominici et Silvestri, detentorum in eorum Palatio, pertineat solum et
dumtaxat magnifico domino Buonaiuto de Butis, uno ex numero dictorum
Dominorum, et nullus alius, infrascriptis tamen exceptis, possit
ad dictos Fratres accedere, sine licentia dicti Buonaiuti. Possint
tamen ad eos accedere semel et pluries suprascripti Domini et eorum
notarius, simul, et de per se, et alii ad ipsorum Fratrum gubernationem
constituti etc. Mandantes etc.[982]