(Lib. IV, cap. II.)
_Deliberazioni della Signoria circa il predicare nel giorno
dell’Ascensione_.[624]
1.
Die III Maij, 1497.
Item dicti Domini simul adunati etc. Obtento partito secundum
ordinamenta et omnibus servatis etc.; advertentes ad publicam
utilitatem et ad negocia occurrentia pro conservatione pacifici status
comunis Florentiæ; et advertentes etiam qualiter estas et tempus
estivum appropinquatur, et quod congregatio personarum posset inferre
periculum morbi, et pro obviando peste, et aliis iustis causis moti
etc.
Deliberaverunt quod in Civitate Florentiæ et in quacumque ecclesia
eiusdem civitatis, unicuique religioso et alijs ad quos pertinet,
liceat predicare et predicam suam exponere, modis et formis et prout
decet, et permictentes secundum sacros canones et sanctam ecclesiam
Dei; et hoc solum et dumtaxat per totam diem crastinam, quæ est dies
Ascensionis Domini et quarta presentis mensis maij, et non ultra
vel aliter quoquo modo. Declarantes insuper, quod elapsa dicta die
crastina, videlicet quarta presentis mensis maij, nequeat aliqua
persona cuiuscumque gradus vel qualitatis existat, nec religiosus
vel aliquis alius, aliquo modo, via vel forma, in dicta civitate
Florentiæ predicare et predicam vel sermones aliquos facere publice,
sine eorum expressa licentia, sub pena eorum indignatione. Et insuper
declaraverunt omnibus ad quos pertineret modo aliquo, quod omnia et
singula scanna et panche et panchette et alia similia, quæ essent vel
esse reperientur in aliqua ecclesia dictæ civitatis, posita vel facta
pro audiendo predicare etc., predictas debeant, post predicam cras
fiendam, immediate removeri; adeo quod per totam diem quintam presentis
mensis maij disgonbrentur, ad effectum ut supra eis dictæ predicationes
audiri non possint, et quod amplius durante eorum officio, non
predicetur sine licentia, ut supra. Mandantes etc.
Die 6. dicti mensis, Dominicus Donnini mazerius etc., retulit predicta
notificasse ecclesijs et presidentibus ecclesiæ sancti Spiritus et
sanctæ Mariæ del Carmino et sanctæ Felicitatis, et Tomasius Joannis
mazerius retulit predicta notificasse ecclesijs et presidentibus
ecclesiae sancti Petri maioris et sanctæ Reparatæ et sanctae Mariae
servorum et sancti Marci et santi Laurentij de Florentia.
2.
Dicta die III Maij, 1497.
Item dicti domini simul adunati etc.; obtento inter eos partito per
omnes novem eorum fabas nigras, et omnibus servatis etc. Quia ad eorum
aures pervenit, quod in eorum civitate et territorio factæ fuerunt
mulctæ, ut dicitur scommesse, per nonnullos, utrum predicabitur cras in
dicta civitate nec ne, contra formam legis et bonos mores; ideo, dictis
et alijs iustis causis moti etc., omni meliori modo etc., declaraverunt
etc.: dictas, ut vulgo dicitur, scommesse et seu pignora, ut supra
dicitur, factas non valuisse et non valere modo aliquo. Mandantes ex
nunc per partes quæ sic fecissent, reducendas esse et sic reduxerunt
dictas scommissas et pignora in pristinum statum et prout erant ante
predictas scommissas et ac si factæ non essent, et quod hic cedant in
augmentum aliarum legum de materia disponentium. Mandantes etc.
Item dicti domini simul adunati etc., obtento inter eos partito per
omnes novem eorum fabas nigras et omnibus servatis etc.; deliberaverunt
et mandaverunt, quod nullus cuiuscumque qualitatis audeat vel prosumat,
modo aliquo, per se vel alium, vel sub aliquo quesito colore impedire,
dicto vel facto aut opera, aliquem cras predicament, aut aliquem
religiosum, quod cras non predicet publice in quibuscumque ecclesia
dictæ civitatis cuiuscumque qualitatis, aut removere scanna vel panchas
seu panchettas etc., sub pena eorum indignatione. Mandantes etc.