1º Quod horrendum est incidere in manus Dei viventis, quando iudicat
et punit. 1º Declara quod Deus est iustus et fortis, Psal. _Deus iudex
iustus et fortis_, et assigna rationem etc. 2º Quod sicut ostendit
altitudinem suam, bonitatem et misericordiam; ita tunc vult subtiliter
ostendere suam iustitiam. Psal. _Ego iustitias iudicabo_ etc. Vide hoc
per exemplum Judæorum. 3º Documenta versiculum: _Plorans ploraverunt_
etc. expone literaliter.
2º Ergo videtur quod Ecclesia sit prope ut incidat ex parte in
horrendum iudicium Dei; dico ex parte, quia non tantum destruetur,
quia remaneat fides. Hoc etiam dico ex conjecturis. Ubi nota quod,
stante prædestinatione, orationes Sanctorum sunt ordinatæ in adjutorium
Ecclesiæ. Sed ecce Sancti defecerunt nobis, forte ne videant malum
hoc, et ut non orent. Isaiæ, _Justus perit_ etc. Hierem. _Tu autem noli
orare_ etc. Et iam conspicitur, omnes esse tepidos ad orationem. Thren.
_Opposuisti nubem tibi_ etc. Deinde hoc declara melius, quod non est
quod consoletur oratione. 3º Documenta versiculum.
3º Quod anima peccatoris istam horribilitatem in inferno sentiet. 1º
Ostende quod in inferno omnia sunt ad pœnam. 2º Declara qualis sit ille
planctus. 3º Quod non habebit patrem nec amicos et quos caros habebat
consolatores. 4º Quod amici qui videbantur, scilicet dæmones, erunt ei
infesti. 5º Documenta versiculum.