7/647
[Illustration]
SUR LE LIVRE DES
VOYAGES
du Sieur de Champlain Capitaine
pour le Roy en la Marine.
Veux tu Voyageur hazardeux
Vers Canada tenter fortune?
Veux tu sur les flots escumeux
Recevoir l'ordre de Neptune?
Bien équipé fay chois soudain
D'un temps propice à ton dessain,
Et tu verras qu'en son empire
Le vent plus violent & fort
Pressant les flancs de ton navire
Te fera tost surgir au port.
Que si le Pilote est mal duict
Aux routes qu'il luy convient suivre
Il pourra estre mieux conduict
S'il se gouverne par le Livre
Qu'en sa faveur a fait Champlain,
A qui les Grâces ont à plain
Prodigué tout leur heritage:
De qui Pithon a prins le soing
D'orner son élégant langage,
Afin qu'il t'aide à ton besoing.
Va donc Pilote sans frayeur
Ancrer en la Nouvelle France;
Ne crain de Thetis la fureur
Ny des Autans la violence:
Champlain comme s'il estoit fils,
Ou de Neptune, ou de Typhys
8/648 Rendra ta nef si asseurée,
Que ny les monstres de la mer,
Ny tous les efforts de Borée
Ne la pourront faire abysmer.
Que si quelqu'un par vanité
Estime avoir cet advantage
De porter quelque Déité
Et ne pouvoir faire naufrage,
Reproche luy qu'en ce qu'il croit
Tu es fondé en meilleur droict,
Si la raison trouve en toy place;
Car deferant aux bons advis
DIEU favorise de sa grâce
Ceux qui tousjours les ont suivis.
PIERRE TRICHET
Advocat Bourdelois.
9/649
TABLE DES CHAPITRES
contenus en la première Partie.
LIVRE PREMIER.
Estendue de la Nouvelle France, & la bonté de ses terres. Sur
quoy fondé le dessein d'establir des Colonies à la Nouvelle
France Occidentale. Fleuves, lacs, estangs, bois, prairies, &
Isles de la nouvelle France, sa fertilité, ses peuples. Chap.
I. P. 1
Que les Roys & grands Princes doivent estre plus soigneux
d'augmenter la cognoissance du vray Dieu, & accroistre sa
gloire parmy les peuples barbares, que de multiplier leurs
Estats. Voyages des François faits es Terres neufves, depuis
l'an 1504. Chap. II. P. 8
Voyage en la Floride sous le règne du Roy Charles IX. par Jean
Ribaus. Fit bastir un fort, appellé le Fort de Charles, sur la
riviere de May. Albert Capitaine qu'il y laisse, demeure sans
vivres, & est tué des soldats. Sont r'amenez en Angleterre par
un Anglois. Voyage du Capitaine Laudonniere. Court risque
d'estre tué des siens: en fait pendre quatre. Est pressé de
famine. Recompense de l'Empereur Charles V à ceux qui firent la
descouverte des Indes. François chassez de la riviere de May
par les Espagnols. Attaquent Laudonniere. François tuez, &
pendus avec des escriteaux. Chap. III. P. 16
Le Roy de France dissimule pour un temps l'injure qu'il receut
des Espagnols en la cruauté qu'ils exercèrent envers les
François. La vengeance en fut reservée au sieur Chevalier de
Gourgues. Son voyage: son arrivée aux costes de la Floride. Est
assailly des Espagnols, qu'il défait, & les traitte comme ils
avoient fait les François. Chap. IIII. P. 23
Voyage que fit faire le sieur de Roberval. Envoye Alphonse
Xainctongeois vers Labrador. Son parlement: son arrivée.
Retourne à cause des glaces. Voyages des estrangers au Nort,
pour aller aux Indes Occidentales. Voyage du Marquis de la
Roche sans fruict. Sa mort. Défaut remarquable en son
entreprise. Chap. V.P. 36
Voyage du sieur Chauvin. Son dessein. Remonstrances que luy
fait du Pont Gravé. Le Sieur de Mons voyage avec luy. Retour
dudit Sieur Chauvin & du Pont en France. Second voyage de
Chauvin: son entreprise blasmable. Chap. VI. P. 40
Quatriesme entreprise en la Nouvelle France par le Commandeur
de Charte. Le sieur de Pont Gravé eslu pour le voyage de
10/650 Tadoussac. L'Autheur se met en voyage avec ledit sieur
Commandeur. Leur arrivée au Grand sault Sainct Louis. Sa
difficulté à le passer. Leur retraite. Mort dudit Commandeur,
qui rompt le 6e voyage. Chap. VII. P. 44
Voyage du sieur de Mons. Veut poursuivre le dessein du feu
Commandeur de Chaste. Obtient commission du Roy pour aller
descouvrir plus avant vers Midy. S'associe avec les marchands
de Rouen & de la Rochelle. L'Autheur voyage avec luy. Arrivent
au Cap de Héve. Descouvrent plusieurs ports & rivieres. Le
sieur de Poitrincourt va avec le sieur de Mons. Plaintes dudit
sieur de Mons. Sa commission revoquée. Chap. VIII. P. 48
Livre Second.
Description de la Héve. Du port au Mouton. Du port du Cap
Nègre. Du Cap & Baye de Sable. De l'isle aux Cormorans. Du Cap
Fourchu. De l'isle Longue. De la Baye Saincte Marie. Du port de
Saincte Marguerite, & de toutes les choses remarquables qui
sont le long de la coste d'Acadie. Chap. I. P. 55
Description du Port Royal, & des particularitez d'iceluy. De
l'isle Haute. Du port aux Mines. De la grande baye Françoise.
De la riviere sainct Jean, & ce que nous avons remarqué depuis
le port aux Mines jusques à icelle. De l'isle appellée par les
Sauvages Manthane. De la riviere des Etechemins, & de plusieurs
belles isles qui y sont. De l'isle de saincte Croix, & autres
choses remarquables d'icelle coste. Chap. II. P. 60