. . . . . . . . . . . . . .
E la to fava gera tuta sbusa:
L'ò semenada e no la xe nassuda;
E la to fava la gavea i carioi:
L'ò semenada e xe nassuo i fasioi.
_A Vito d'Asio, su quel di Udine:_ «I ghe semena de la calçina,
carboni, pagia, scartozzi su tuta la strada, scominziando da la porta
de la tosa fin ala porta del moroso, e questo se ciama _far la
porcita_, perchè la vien a esser na cosa sporca.»
[481] _Bottone di rosa. La festa di S. Marco ricorre il 25 aprile, e
quindi questo regalo, che in altro tempo sarebbe di poco o niun conto,
in quel giorno ha un pregio non indifferente, come primizia della
nuova stagione._
_E a proposito di fiori, ecco una nina-nana che dà a conoscere il
conto in cui è tenuta dagli amanti l'erba odorifera denominata
maggiorana:_
Fame la nana, pomo inzucarà,
Viso da mazorana strapiantada!
La mazorana è 'l megio fior di erba:
Meterla in boca par che la ve inçenda;
Meterla in sen, la sa da mile odori,
E la xe quela che sostien l'amore.
[482]
— Quel fazzoleto che ti porti al colo
L'astu rubato, o l'astu tolto a nolo? —
— No l'ò rubato e gnanca tolto a nolo;
La mia morosa me l'à messo al colo! —
[483]
Sia benedete le ricamadore,
Che ghe ricama el cuor ai so morosi!
Punto per punto le ghe fa 'na stela,
E in mezo 'l peto le ghe forma el cuore.
[484] _Ad altri impegni probabilmente va incontro il_ compare, _e chi
amasse saperne, legga:_
«El compare del'anelo xe de consueto anca el compare del primo putelo,
che vol dir _el compare de san Zuane_.
»Apena che el xe avisà che la sposa ga partorìo, el ga dover de
mandarghe una strica de carne, un polastro, e do vovi su un çestelo.
»Dopo i destina el giorno che i ga da batizar. El pare e el compare i
va in ciesa a pie, e la comare-levatriçe, cola tosa che porta la
creatura e co quela che porta l'arzentaria, le va in gondola.
»La gondola e la candela per el batizo ghe toca al pare, e al compare
ghe toca pagar la comare-levatriçe, la tosa che porta la creatura e
quela che porta l'arzentaria, e i do nonzoli.
»Dopo el batizo i fa el rinfresco: alora el compare va al leto de la
partoriente, e, dandoghe la man, el ghe sporze el regalo per ela e per
la creatura: a ela el ghe dà diese, dodese e anca quindese lire, e per
la creatura, se la xe 'na putela, el ghe dà un bel per de recini, e se
el xe un putelo, un per de veroni (recini da putei), o se de no, un
granelo de diamante per meterlo a la recia dreta.
»Come _santolo_ de sto putelo, o de sta putela, se sta creatura resta
senza genitori, bisogna che el se la toga con elo, perchè el vien a
esser so pare. Se po el bambin morisse, alora el ga dover de mandar la
zogia, 'na bandina e quatro mazzeti de fiori per la cassa.
»Dopo vien la cresema, e se el xe un putelo, sta cresema la fa el
_santolo_, e se la xe 'na putela, so mugier.
»E po, se sa, ghe xe i regai, e cussì el compare nol la termina più.»
[485] _Ad Azzano, provincia di Udine:_ «I giorni per le nozze xe el
luni, el mercore e el sabo. El marti no se deve mai far nozze, e
gnanca po el zioba, perchè el zioba xe el giorno che le strighe se
petena per andar a spasso.»
_Così a Vito d'Asio:_ «De zioba no se se marida, e gnanca po se se
petena, e quele che se petena xe rimarcae.»
_A Burano, in provincia di Venezia:_ «El zioba xe el giorno che le
strighe se parecia per andar a far strighezzi, e cussì de zioba nissun
se marida.»
[486] _A Clauzetto, su quel di Udine:_ «La domenega prima de
maridarse, la sposa va _a grim_, che vol dir ala çerca. La va co una
so àmia, o co un'altra dona, in tute le case del paese e anca fora
via. Va avanti l'àmia, o la dona, e la dise: «eco qua la sposa»; alora
quei dela famegia va e i ghe regala quelo che i crede: 'na tovagia, un
tovagiol, del canevo, cussì... o anca soldi.»
[487] _La_ vera _è d'oro:_
Gegia bela! co' te vedarò i anèi,
Alora podarò dir che ti è novizza;
E co' te vedarò la vera d'oro,
Alora mi dirò che per ti moro.
_Allo stesso modo che, nel concetto popolare, l'_anelo _e la_ vera
_hanno un diverso significato (essendo l'_anelo _il simbolo di un
legame tra amanti, e la_ vera _il simbolo di quello tra sposo e
sposa), così anche nella forma differenziano l'uno dall'altra.
L'_anelo _è propriamente quell'anello che si vede adorno di fregi o
che porta incastonata una corniola o qualche altra pietruzza, come la
così detta_ turchina, _e così pure quello che ha la forma di un
serpente attortigliato; e la_ vera _è invece quell'anello che non ha
fregi od ornamenti di sorta ed è affatto liscio, il quale con questa
sua semplicità e colla maggiore solidità che presenta, dinota come il
vincolo che reca sia forte, e come ormai per gli sposi sia giunto il
tempo dei serî propositi._
_A Polcenigo, Azzano, Budoja_: «La vera xe d'arzento, e cussì xe
d'arzento anca le çinque o sie verete che el sposo deve dar a la
sposa. L'anelo inveçe, che toca al compare, xe d'oro.»
[488] _Così anche a Burano_: «La sposa va in ciesa magari co l'indiana
o un sial su la testa; al pranzo po la va col vestito che la s'à fato
e co 'na bandina de fiori in testa.»
_A S. Giovanni di Polcenigo, in provincia di Udine_: «Tute le done che
compagna i sposi ga qualche fior in testa e i nastri da drio le spale,
e i omeni ga 'na girlanda sul capelo; ma la sposa e el sposo no ga
gnente, e cussì se conosse quei che xe sposi.»
_Ad Aviano, pure in provincia di Udine_: «Tuti quei dela compagnia,
omeni e done, porta sul capelo fiori e girlande, ma i sposi gnente, e
i se veste de scuro». _Da quest'uso trae argomento il seguente canto,
che ebbi da una donna di quei paesi_:
Se vado a nozze, vôi andar pulita,
Chè vôi parer più bon dela novizza;
Se vado a nozze, vôi andar galante,
Chè vôi parer più bon de tute quante.
_A Sotto-Marina di Chioggia_: «La sposa va in ciesa co un velo negro
in testa e co una palma de fiori sechi in man. Quando che la xe viçina
a l'altar, el campanaro ghe tol sta palma e el la mete su l'altar, e
dopo terminà la messa, el ghe la dà ancora, e cussì ela torna a casa
sempre co sta palma in man.»
[489] _Ad Azzano, in provincia di Udine:_ «La benedizion el pare ghe
la dà la sera avanti, dopo che xe stà stimà e portà via la dota: el
ciama sta so fia sula so camara, e el scominzia sempre co ste parole:
«Adesso xe andà via la to roba,. e.. e diman ti andarà via anca ti!..»
_Nella campagna di Chioggia la sposa in atto di abbandonare i genitori
così canta:_
Tiogo partenza, la tiogo pianzendo
E lagrimando per tuta la via;
La mano al peto e la boca disendo:
A revederse, cara mama mia!
[490] _Nella campagna di Chioggia allo sposo non è permesso entrare
nella casa della sposa, ma conviene che il padre, o altra persona
incaricata, si porti presso la sposa, e le dimandi formalmente se è
persuasa e disposta di mantenere la data parola. Avuta risposta
affermativa, entra colla sua compagnia, e allora si fa il così detto_
parentado, _cioè lo sposo si rivolge ad ognuno dei componenti la
famiglia della sposa, e dice ad alta voce: — alla sposa:_ vu sè mia
sposa; _al padre_: vu, mio missier; _alla madre_: vu, mia madona; _al
fratello_: vu, mio cugnà; _e così via via._
_A Roveredo, su quel di Udine:_ «El sposo lassa la compagnia su la
strada, e el va in casa, e el ghe dise a so pare e a so mare de la
sposa: — «Me permeteu che mena a messa vostra fia?» Lori ghe dise, che
el la mena pur; alora el va in camara de la sposa e el ghe toca la
man: — «Te dago la man da mario» — e ela ghe la dà a elo. Dopo el toco
de la man, el va a levar la compagnia, e va drento tuti, e el compare
va dala sposa e el ghe sporze la bona man (un fiorin), e la sposa ghe
sporze un fazzoleto rosso a ogio.»
_Lo stesso anche a Polcenigo di Udine:_ «El sposo lassa i parenti su
la strada, e el va drento in casa, e el dixe: — «Madona, missier, me
voleu dar la vostra fia?» — e lori ghe risponde: — «Tolevela pur e
menèvela via.»
_Nella campagna di Conegliano lo sposo regala la sposa di un per de
scarpete. Ad Alpago invece il paio di scarpete è dallo sposo regalato
alla madre della sposa._
_Ad Annone, in provincia di Venezia, il compare dell'anello, nell'atto
di invitare la sposa a recarsi alla chiesa, fa scorrere nelle mani di
lei una moneta del valore di due o tre lire._
[491] _A Burano, in provincia di Venezia:_ «In ciesa no i va che in
çinque — i sposi, el compare, la comare, e un'amiga o 'na cugnada de la
sposa — e nissun altro: la sposa va avanti in mezo a le do done, e el
sposo stà da drio col compare.»
_Ad Annone, in provincia di Venezia: — Prima del rito religioso la
sposa è attorniata dai soli proprî parenti e lo sposo dai suoi: dopo
il rito succede lo scambio, e così i parenti dello sposo passano a
festeggiare la sposa, e quelli di questa passano allo sposo._
_A Malamocco:_ «Tuti quei de la compagnia se provede de confeture, e i
le buta a la zente che i incontra, e co' i va a casa i le buta dai
balconi.»
_Così anche a Sotto-Marina:_ «Quei de la compagnia tien confetura in
scarsela, e tanto ne l'andar, che nel ritornar dala ciesa, i la buta a
tuti quei che i trova per la strada, o che ghe va a drio.»
_A Burano:_ «Apena che la sposa entra in casa del sposo, el capo de la
famegia ghe va incontro e el ghe buta sul viso una brancada de
confeture, e po el fa istesso col sposo. Al pranzo po svola sempre per
aria confeture, nosele, bomboni, e se spande vin in tola.»
_A Vito d'Asio:_ «Per dove deve passar i sposi, i ghe buta dei fiori».
E ad Azzano: «Le famegie dei sposi tol del pan e i lo tagia a tochi e
i ghe ne dà ai povareti.»
_A Polcenigo:_ «El giorno che le spose va in ciesa per maridarse, le
se mete 'na cotola roversa perchè nissun ghe possa far strigarie. Una,
perchè no la s'aveva messo gnente, co' la xe stada in ciesa e che el
prete ga dimandà se la xe contenta, ela no la ga savesto risponder nè
de sì, nè de no, parchè i la gaveva strigada.»
_Ad Azzano, in provincia di Udine:_ «Parchè le strighe no possa far
gnente, la sposa destira un pinzo de la so traversa sula bancheta in
dove che i se sposa, e el sposo ghe mete un zenocio suso.»
_A Vito d'Asio:_ «Per no esser strigae, le spose, co' le va in ciesa,
se mete 'na cotola e un corpeto roverso.»
[492] «Becaria vol dir che la sposa partorirà malamente.»
[493] _E anche:_ i ga magnà fora del piato; _e a Burano:_ i ga rascà
la pignata; _e ad Azzano:_ i à licà la farzora.
[494] _A S. Giovanni di Polcenigo:_ «La vera, prima, el prete la
presenta al deo: po, el compare la manda più suso, e po el sposo el la
fa andar a so posto.»
[495] _Nella campagna di Chioggia, dopo il rito religioso, si fa un
momentaneo divorzio, poichè lo sposo con tutti gli uomini dell'una e
dell'altra parte, e la sposa con tutte le donne, si portano a pranzare
ognuno a casa propria._
_A Mezzamonte di Polcenigo, provincia di Udine:_ «La compagnia, co la
riva a casa del sposo, la se ferma in cortivo, la tol in mezo la
sposa, e la scominzia a cantar:
Portène l'onoranze su la porta,
Se no la sposa la ne torna nostra;
Portène l'onoranze sul cortivo,
Se no la sposa la menemo in drio;
Portène l'onoranze su la strada,
Se no la sposa la menemo a casa.
Alora uno de casa vien fora co del vin e el dà da bevar a tuti quanti,
e alora questi lassa la sposa, e alegri i va in casa, i va a tola e i
magna. Se no i ga del vin, i ghe dà del rosolio o dei altri liquori.»
_A Portogruaro, provincia di Venezia:_ «Apena che i vede rivar la
sposa co la so compagnia, el _mezzeta_ tira el colo a una galina, e el
se mete a zigar: «_Viva la sposa, la galina xe morta._» Alora va fora
el pare del sposo co del vin e el ghe ne dà a tuti, scominziando da la
sposa; e po va la mare che compagna la sposa a vedar la casa, e la ghe
dà la scoa in segno che la deve star soto la madona, che la xe
dipendente e che la madona ghe comanda.