[466]
Me vogio maridar, e no sò co chi;
Se passa Nane, ghe vôi dir de sì;
Se passa Toni, ghe vôi far de oceto,
Se passa Bepi: siestu benedeto!
[467]
L'omo senza la dona è 'na pignata
Piena de aqua, lontana dal fogo;
Chi ga giudizio pol considerare:
L'omo senza la dona no pol stare.
[468] _Eccone un saggio:_
Dago la bona sera a questa casa,
Al pare e mare e quanta gente siete!
E la Marieta xe mia inamorata,
Quela che in casa vostra voi tenete.
Mi passo per de qua e no la vedo;
Ela xe in leto, e mi tremo dal fredo:
Ela xe in leto col papà e la mama,
E mi, meschin, la piova me bagna.
_E così le seguenti che diconsi_ serenade:
Vieni, cara, ala finestra,
Dal balcon butite fora;
Dame almanco un quarto d'ora,
Che co ti vorìa parlar.
Vieni, bela, a la finestra:
Xe 'l tuo amante che ti ciama,
E l'è quelo che ti ama,
Che te porta tanto amor.
Mi son soto i tuoi balconi
Co le mani giunte al peto:
Vieni, vieni, el mio dileto,
No me fare più penar.
Vegna lampi e vegna toni
Che paura no i me fa:
Co' so' soto i tuoi balconi
No me pare da morir.
[469] _Nelle campagne di Spilimbergo, sopra Udine, e precisamente a
Barcis:_ «El toso ciapa un soco (_zocco_) e el lo mete su la porta de
la casa in dove che stà la regazza che el ga in idea, e se ela lo tira
drento, l'è segno che la xe contenta de farghe l'amor; e se la lo
lassa là, gnente, no la ghe ne vol saver.»
_A Polcenigo, pure in provincia di Udine:_ «I se impianta co le nosele
(_nocciuoli_). A la festa, dopo vesparo, i tosi va a ziron co ste
nosele, e i ghe ne esibisse ale tose che i ga in idea: se le açeta,
bisogna che le ghe ne toga çinque, perchè
Una no xe da dar,
Do no xe da tor,
Tre xe d'amor,
Quatro xe da mati,
Çinque xe da inamorati.
[470]
Moroso belo, fe' come i morosi:
Dal padre mio andeme a dimandare;
E se mio pare ve darà risposta,
Vegnì da mi, che so' la sposa vostra.
[471] _La più comune è questa:_
Ti passi per de qua, ti passi indano:
Ti frui le scarpe e no ti ga guadagno;
Ti frui le scarpe e po anca le siole:
No t'aspetar da mi bone parole.
[472] _A mantenere viva questa usanza sembrami ispirato questo canto:_
Mio pare e mia mare
I gera sul camin
E i fava discorseti
Per maridarme mi;
Ma mi so' stà più scaltra,
Me l'ò trovato mi:
M'ò tolto un ziogadore
Che zioga note e dì;
El m'à ziogà la dota,
E 'l m'à ziogà anca mi.
[473] _Sfoglio la mia raccolta edita ed inedita dei Canti popolari, ed
omettendo ogni commento, riporto i seguenti:_
No vogio più garofoli in pitèri
E gnanca far l'amor co marineri;
I marineri spuzza da catrame:
Tute le pute i fa morir da fame.
Tuti sti marineri, quando piove,
Tira la paga e ghe ne magna nove;
Tuti sti marineri, co' è bon tempo,
Tira la paga e ghe ne magna çento.
Done, no ghe ste' crede a marineri:
I xe gelosi e pieni de sospeto;
'Na cossa sola mi ve vogio dir:
'Na note a l'ano i dorme sul so leto.
Tuti me dise: Bela, no lo tor
Lo mariner, chè 'l te farà morire;
Se el me farà morir, e cussì sia:
Sposar lo vogio, el xe l'anima mia.
No vogio nè limoni, nè naranze,
E gnanca pescaori cole calze;
No vogio nè limoni, nè çedroni,
E gnanca pescaori coi calzoni.
Ti credi d'esser nata 'na regina!
De un pescaor no ti te vol degnare;
E ti te degnarà d'un fornareto,
Ch'el te portarà el pan co'l fazzoleto.
No vogio un pescaor che sa da pesse;
Nè manco un ortolan che va sui orti;
Nè manco un mariner che va in marina:
Ma vogio un bel mercante da farina.
Pute, no fe' l'amor co calegheri!
I calegheri ga 'na trista fama;
I calegheri ga 'na trista fama,
Che tuto quel che i ciapa i se lo fragia.
No vogio nè garofoli, nè fiori,
E gnanca far l'amor co servitori;
I servitori toca come i gati,
La sera e la matina i lica i piati.
[474]
Ti passi per de qua gramo e dolente,
Ti credi de parlar col padre mio;
E ti te porti un _aneleto_ in deo,
Ma el to pensier no 'l se confà col meo.
El to pensier no val 'na gazeta:
Ti ti xe rico e mi so' povareta.
[475] _Ecco come nelle campagne sopra Spilimbergo, su quel di Udine,
il giovane si presenta alla casa della fidanzata per chiederla ai
genitori:_ «Vien el zorno dela dimanda, e el toso va a casa dela
regazza, e co' el xe sula porta, el dise: «Se comandè che vegna
drento, vegno drento; se de no, resto de fora». Alora, se i genitori
dela regazza ghe risponde «vegnì drento che ghe xe logo anca per vu»,
l'è segno che i xe contenti de darghe la tosa; e se no i ghe risponde
gnente, no i vol saverghene de elo.»
_Questo uso può trovare spiegazione nella seguente villotta dettatami
da una donna di que' dintorni:_
Gaveva 'na chitera e l'ai venduda
Per no saver sonar napoletana;
Gaveva una morosa e l'hai perduda
Per no saver parlar cola so mama.
_A Carpenedo, piccolo villaggio del vicino comune di Mestre, si dà
alla dimanda un certo che di pubblicità:_ «La dimanda i la fa la terza
festa de Pasqua. In quel zorno se tien fiera de nose, nosele, carobe,
naranze, brustolini, e de botiglie de rosolio; e i tosi che fa la
dimanda va da sti frutarioi e i se compra un tovagiol pien de ste robe
e do o quatro botiglie. Alora i speta che sia terminà vesparo, e
quando la zente vien fora de ciesa, i tol suso sto tovagiol e i va a
casa dela morosa; e cussì tuti vede.»
[476] _Detto anche:_ el pegno, el tempo e l'anelo.
[477]
In mezo al mare ghe xe ciare case,
La Rizziolina che tanto me piase;
Se so papà me la volesse dare,
L'anelo d'oro ghe voria donare:
L'anelo d'oro e la veleta fina,
Per contentar la bela Rizziolina.
_Quest'altra ricorda forse un uso più antico:_
E vustu che te ama? dame ete,
E dame la corniola e 'l cura-rece;
E vustu che te ama? dame ò,
E dame la corniola e 'l figarò.
_Ad Alpago, in provincia di Belluno, lo sposo, per_ segno, _dà alla
sposa le_ gusele _e un_ guselon _(aghi d'argento da testa) co i
tremoli, e corre obbligo alla sposa di acconciarsene il capo per farne
mostra nel successivo primo giorno festivo, allorchè si porta alla
chiesa._
_A Polcenigo, in quel di Udine:_ «Una volta, _la capara_, gera un
talero; adesso invece squasi tuti ghe dà 'na forfe co una caenela, una
britola e i zocoli. Ela ghe dà un fazzoleto bianco e un altro
scarlato.»
_A Roveredo, pure in provincia di Udine:_ «El contrasegno xe _do
roche_, una da filar canevo e una da filar stopa, ben tornìe e co le
so figure de omo e de dona; un _famegio_ per tegnir sula roca; una
_britola_ per scarsela, e una _forfe_ cola so ranceta. Co se vede ste
robe se dise: quela xe impromessa. Per tuto el tempo che i fa l'amor
el toso ga da mantegnirghe ala tosa i zocoli e anca el capelo, e se lu
va via militar, bisogna che fazza el dover la famegia de elo.»
_Ad Azzano, pure su quel di Udine:_ «Per segno el toso ghe dà tre o
quatro file de corai co una stela d'oro, e ela ghe dà un fazzoleto o
un per de tirache.»
_A Clauzetto, stessa provincia:_ «Perchè la regazza comparissa el
moroso ghe dà un ciamisot (_veste a sacco_) cola so çintura, e un per
de scapini.»
[478]
De quindese ani m'ò fato novizza,
De sedese ani so andada a l'altare,
De disisete go cantà la nana,
E de disdoto i m'à ciamato mama.
[479] _Disgusti._
[480] _A Roveredo su quel di Udine:_ «El moroso tien conto de tuto, e
se caso mai ela lo lassa, bisogna che la ghe paga tuto dopio quel che
la ga avuo.» _E ad Azzano:_ «Se xe ela che lassa elo, bisogna che la
ghe daga tuto indrio, e bisogna anca che la ghe paga i giorni che lu
ga persi per ela e fin le scarpe che el ga fruà.»
_In quest'ultimo paese (Azzano) corre poi l'uso che segue:_ «Quando un
toso lassa la morosa, sto toso tol de le piante de fava e el buta sta
fava dala so porta fin a la porta de la morosa; e cussì tuti sa che la
tosa xe libera. El fa la _sterneta_ la domenega de matina a bonora, e
chi passa per andar a messa dise: «El fantat ga lassà la pupata.» _Da
ciò è derivato il detto_ dar la fava _che si adopera colà per
significare l'abbandono che fa un amante dell'altro e che
corrisponderebbe alla_ stincata _o_ gambata _dei Toscani, ed al_ balo
d'impianton _dei Veneziani. A questa usanza, che io credo diretta allo
scopo di rendere pubblica la libertà ridonata alla giovane anzichè
intesa a colpirla di spregio, allude il canto che qui riporto, sebbene
incompleto:_