[280] Do it.
+ _Of the two men, that dranke a pynte of whyte wyne to gether._ xcvii.
+ There came two homely men of the countreye in to a tauerne on a tyme
to drinke a pynte of wine. So they satte stylle, and wyste not what wyne
to calle for. At last, herynge euerye man call for white wyne as clere
as water of the rocke, they bad the drawer brynge them a pynte of whyte
wyne as clere as water of the rocke. The drawer, seyng and perceyuyng by
their wordes that they were but blont felowes, he brought them a pinte
of clere water. The one of them fylled the cuppe, and dranke to his
felow, and sayd: holde, neighbour, by masse, chadde[282] as lefe drynke
water, saue only for the name of wyne.[283]