_Reverendo magistro meo et amico singulari Johanni Paston armigero
detur._
[Sidenote: 1460 / OCT. (?)]
Jhesus, Maria, Raphael, Johannes Baptista, Johannes Ewangelista,
Franciscus Guardianus, cum Sanctis omnibus, succurant mæstis in
tribulationibus. Amen. Præcordialissime domine et amice maxime
singularis, Omissis pro præsenti vestri gratitudinis beneficiis mihi
sæpius impensis, me humilime vestræ reverenciæ recommendo. Pensetis,
quæso, cum omni festinatione possibili instabilem virum, utinam
Hibernicum[229.2] non ingratissimum, cujus nacionis aliquales
proprietates sunt istæ:--animo sæva, vultu ferox, torva affatu,
versupellis moribus et inconstancia in omnibus bonis viis suis; qui
inter cætera magistro Clementi retulit quod expensæ annuales magistri
Johannis Fastolff, bonæ memoriæ, secundum fidelem compotum se extendunt
omni anno ad octingentas marcas in Norfolch et Suffolch, &c., et quod
idem miles vobiscum faciens pactum pro iiij. M^l, &c., fuit purus
fatuus; et quod idem vobis donatoriam literarum faciens fuit major
fatuus, &c., et quod idem Hibernicus scit deteriorare, et diminuere bona
militis ad summam viginti m^l marcarum, &c. Ob reverentiam Jhesu
Christi, cavete quod impediatur omnino a suscipiendo onus testamenti
quousque verum et integrum compotum reddiderit de defuncti bonis per eum
receptis tot annorum evolutis et transactis curriculis, &c. Item, quod
non vendat nec alienet maneria, terras, tenementa cum pertinentiis, nec
commutat jocalia nec evidenciales literas, nec pecunias per vestrum
germanum, W. P., et per ipsum receptas London, Bermondyseye, &c., cum
jam sciat de multis ubi sunt, &c. Videtur mihi, salvo saltem vestro
meliori judicio, quod de aliis personis et locis est cum omni celeritate
possibili prudenter providendum et politice, ne idem W. W. oculis luscus
et denigrato colore, in facie fuscus, sit cum W. Yelverton judice
confederatus, et per Ducem Exoniæ satis tiranizantem supportatus et per
suos complices, &c. Sapienti loquor; nam philosophorum princeps ait
‘Cave ab hiis quos natura signavit’; et metrice dicitur:
‘Nam fallax faciens mens, mores ac pariformes
Concludunt mutuo quod sit quasi fraudis ymago.’
Dixi vobis quod non esset pro vobis nec vestris utile in W. W. aliquam
confidentiam gerere. Post vestrum didici recessum in 4^or nostri
collegii famulis duplicibus et falsis cum omni perfidia contra
voluntatem militis et ejus executores iniquitatis vinculo confederatis
et astrictis, scilicet Colino Gallico, coquinæ clerico, W. W., militis
secretario et W. Eton; nunc in promptuario propter Jhesum Christum
deleantur de libro vertuose et unanimiter viventium et a modo cum justis
nequaquam conscribantur, &c. Est vulgare proverbium ‘Accordyng to ryte
reson that to oftyn it is in ceson, that in trust is gret treson.’ Ideo
cavete quod Sapiens dicit ‘Qui cito credit, levis est corde.’[230.1] Et
audite scripturæ sacræ sententiam ‘A malo inquit consiliario serva
animam tuam,’[230.2] &c. Nam alibi Sapientis proclamat eloquium: ‘Non
est sapientia, non est prudentia, non est consilium contra
Dominum.’[230.3] Hæc ibi. In alienis negociis velox, nec vivax erit, qui
in propriis causis piger existit. Rogo attendite et menti imprimite
diligenter quod revolvite quomodo poteritis resistere homini tam
perverso noxam volenti et nocumentum executoribus inferre. Mens mea
particulam evangelii retinet: ‘Si in viridi ligno hoc faciunt in arido
quid fiet?’[230.4] Quasi diceret, si iste W. W. executorum ultimus et
merito novissimus et per vestram et magistri Thomæ Howes diligenciam
inscriptus tantam proterviam gerit, in hoc quasi exordio, quid in fine
maliciose sit facturus? Hoc penitus ignoro. Deo vos vestros et vestra
commendo et præsentem causam. Recommendetis me si placeat
recommendandis, &c. Scriptum festinanter, hora prima post prandium.
W. B., lator præsentis, intendit vobis si placeat humilime et verissime
servitorum. Ex Castre in die Sabbathi.
Vester ad vota promptissimus,
FRATER J. B., Minorum minimus.
[Footnote 229.1: [Add. MS. 34,888, f. 158.] This letter appears
to be holograph. If we are right that it was written just before
No. 418, we may place it early in October 1460.]
[Footnote 229.2: _See_ p. 213.]
[Footnote 230.1: Eccles. xix. 4.]
[Footnote 230.2: _Ibid._ xxxvii. 9 (8).]
[Footnote 230.3: Prov. xxi. 30.]
[Footnote 230.4: Luke xxiii. 31.]
418