_Confirmatio privilegiorum portus facta per dom. Humbertum
episcopum._[A]
GESTARUM memoriam rerum fideliter scripta servant. Idcirco ego Vmbertus,
Dei gratia Valentinus episcopus, tam presentis etatis quam future
posteritatis hominibus, notum facere dignum duximus quod, sicut Falco bone
memorie predecessor noster Bernardo de Belregart portum de Burgo habere
concessit[1] ut ea perhenniter gaudeat libertate qua[2] in carta sigillo
suo munita continetur, nos eidem habere laudamus &, ut illibatum
perhenniter maneat, presentem cartam sigilli nostri patrocinio confirmamus.
Verum predictus Bernardus pontonarios debet habere fideles qui redditus
portus fideliter percipiant & quod a transeuntibus aliquid extorquere non
presumant, nisi tantum ea que de iusta consuetudine in eo percipere solent
dicti portus possessores, & si in aliquo deliquerint pontonarii, ex quo
dictus B. vel sui successores certificati fuerint & infra mensem congrua
satisfactione delictum non emendaverint, dictus B. & sui successores de
transgressione & delicto tenebuntur: aliter vero prefatus B. nec sui
successores a nobis sive a successoribus nostris de delicto pontonariorum
nullo modo poterunt conveniri. Hec autem laudacio & confirmatio facta fuit
anno Incarnationis Dominice M^{o} CC^{o} X^{o}, iji^{o} nonas julii,
indictione xiji, currente C littera dominicali, in camera inferiori de
turre.
[sigillum] Ego Jacobus domini episcopi notarius, xi. anno pontificatus
ipsius, presentem cartam mandato eius scripsi, sedente in Urbe Innocentio
papa III^{o}, regnante Othone Romanorum imperatore[3].
[A] Transcription de l'original, parch. de 11 lig.; au bas pend un fragment
de sceau attaché par des fils de soie rouge & jaune. Le dos ajoute au
titre: _Et ultra continet infra quod punitio pontoneriorum spectat ad
[ilios] quorum est portus, & quod infra mensem si invenerit deliquisse
pontonarios instituat justiciam_.
[1] Voir la concession de l'évêque Falques à Bernard de Beauregard, ch.
XIV.
[2] _Que ... continetur_, serait plus régulier.
[3] Les notes chronologiques sont toutes exactes. Othon IV, rival de
Frédéric II, fut empereur du 27 sept. 1209 au 19 mai 1218.
* * * * *