Vamos á terminar este capítulo, reproduciendo la composición que
dediqué al Papa Leon XIII por su jubileo sacerdotal, en el álbum
poético ofrecido por el que fué Arzobispo de Manila, Excmo. é
Ilustrísimo Sr. D. Fr. Pedro Payo.
LEON á naslag! ¿apayapay ayá,
á nupay nacalcaldaang á baludca,
napang-lao quet aoananca sanicuá,
amin á lubong agrucbab quenca itá?...
Essem, rag-ó, siddaao ti paltuadenna
ti agbuya cadaguiti adú á cumablaao quenca,
daguiti amin á cristiano ditoy dagá
quen ar-ari á hereje nga agcacapigsá.
Oh.... quet daguiti pay cabusormo
á gura quen apalda quenca di masao
luctanda ti Roma á carcelmo
quet cunada: dayaoenyo, umasideg cayó.
Ni Cristo incarina á dinacanto
parucmaen ti rungsot ti Infierno,
quet detoy á saona umanay á talguedmo
nupay agsasaramusam daguiti rigatmo.
Xerxes, Alejandro Magno, Napoleon...,
aoan cadaguitoy ti pumadpad quenca Leon;
aoan ti nacabutbuteng á ejércitom,
ngem ni Apo Dios quencat tumulong.
Iti tinartarigagayanda saanda á naala,
nupay adu quen agcacaingel daguidi buyotda;
ngem ti Langit impaayna quenca,
agsipud ti singpet, siribmo quen emma.
Iturayam daguiti amin nga il-ili
manipud Irlanda aguinga Ponapí,
quet mangruguí Carolinas agtungpal Scoresby
quet icutam daguiti adu á púsomi.
Isut gapuna, Amami, dica agladingit
ta inagaoandaca dagá quen gupit,
no masapulmo pagturayam á cas langit...
pagtoonem daguitoy púsomi iti taao á napait!