Nasnebanac ti nasaem á sasainnec, ay ayat!
ta díman la agtanac ti lac-amec á tuoc quen rigat;
isuna cadin, isunan; alá isunan yantangay detoy biag
diac duaduaenen á suminan itoy baguic á dacsan gasat.
¡Ay ayat, ayaúnayen ti sanaang
ni patay sumquen nacalcaldang,
ta iti maysa nga agayat á dida pagayatan
nacasacsaquit naquem á maimatangan.
Narangas daguita laingmo quen sayacsacmo naulpit
nadaoel, quítaem man toy silaladingit,
ta naal-lilao man daguitoy matac idi á buybuyaec
ta iti inanama quen talec isuda caniac ti namatalgued.
Ngem eppes man daguidi á inanama
ta diac impapan á castoy man ti tungpalna
tungpal taném quet itan ti nagbanaganna
detoy baguic ta isú caicarianna.