Dayta imnasmo agnanayon á dardarepdepec
tumungal rabiy no innac maridep
cas maquisasao-ac quenca á sumasainnec
quet iti yas-asugco, ti liday, tuoc á sagabaec.
Nenang, timudem daytoy ut-utec
á pagsasainnecac ití naap-gues
á gapu piman iti aoan á caicarianna quen pateg,
gupdecon á toy rigatco á sanaangec.
Oen imnas ta aniacad ti urayec
no gulibto met ti lac-amec
nasamsam-it la nga aoatec
ti patayco no sicat mangted.
Daytoy biagco adda quenca á sitatalec
no naquemmo uray magsat toy anges;
bang-aram cadin toy pusoc à sumasainnec
á umay umipeng cadaguita daeg.
Timudem detoy ut-utec
á pagsasaibbecac iti naapgues
ta no ni ayat mabati quenca à sumasainnec
quet ti tanemmo sangsangitan na canto met.
Daytoy bangcayco umasogto iti nabileg,
quet conanto ti tao á macangeg:
¡ay asipay unay ti gásatna á daques
ta napaay á aoan pateg!