57Chej ca vèvin arestàt Gjeù a lu àn partàt davànt di Caifa, il
capopredi, indulà che i maèstris da la les e i ansiàns dal
pòpul a si vèvin riunìs. Ma Pieri a ghi à zùt davòu da lontàn,
fin visìn dal plasàl dal capopredi. Al è zùt dentri e a si a
sintàt jù cuj servitòus par jodi sè ca sarès susedùt.
59I capoprèdis e dut il Sinedri a zèvin in sercja di
testimoniansa falsa cuntra di Gjeù par podej condanalu a
muart. Ma a no àn cjatàt nuja, encja se tancju testimònis fals
a si sòn fàs avànt.
Ma a la fin doj di lòu a si sòn fàs avànt e a àn declaràt: Stu
chì al à dita, Jò i pòl distrui il templi di Diu e rifalu in tre
dìs.
62Alora il capopredi al è levàt sù e a ghi à dita a Gjeu: I no
rispunditu? Sè ca è sta testimoniansa che chiscju òmis a
pàrtin cuntra di te? Ma Gjeù al taeva.
Il capopredi a ghi à dita: I ti scongjuri in nòn dal Diu
vivìnt: Diini si ti sòs il Crist, il fì di Diu.
64Sì, a è coma chi ti dìs tu, al à rispundùt Gjeù. Ma i vi
dìs a dùcjus vuàltris: Da adès indavànt i jodarèis il Fì dal
Omp sintàt a la destra dal Onipotènt cal vèn fòu da li nùlis
dal cjel.
65Alora il capopredi a ghi à sbreghàt i vistìs e al à dita: Al à
bestemàt! Parsè i vinu biugna di altri testimònis? Èco, adès
i vèis sintùt la bestema. Sè pensàju?
Al mereta la muart, a àn rispundùt.
67E alora a si sòn metùs a spudàjghi in mua e a dàjghi pùis.
Àltris a ghi dèvin sbèrlis, diìnt: Profetièini, Crist. Cuj ti àja
malmenàt?