69Pieri intànt al era sintàt là di fòu tal curtìl e una serva a ghi
è zuda visìn e a ghi à dita: Encja tu i ti èris cun Gjeù di
Galilea.
70Ma luj al à negàt dut davànt di dùcjus. I no capìs sè chi ti
vòus dii, al à dita.
71E al è sùbit zùt fòu dal puartòn, indulà che naltra serva al à
jodùt e a ghi à dita a la zent ca era lì: Stu chì al era cun
Gjeù di Nazaret.
72Al à negàt di nòuf, zurànt: I no cognòs chel omp!
73Dopo un tocùt, chej ca èrin lì inziru a ghi sòn zùs visìn e a
ghi àn dita: Ti sòs par sigùr un di lòu; la to parlada a ti
tradìs.
74Alora al à scuminsiàt a porconà e a zurà: I no lu cognòs!
A colp un gjal al à cjantàt. Al stes momènt Pieri a si à
recuardàt di sè cal veva dita Gjeù: Prima cal cjanti il gjal i
ti mi varàs rinegàt tre vòltis. Alora al è zùt fòu e a si à
metùt a planzi làgrimis amàris.