36Nisùn a nol sà nè il dì nè lora, nencja i ànzuj dal cjel o il
Fì, ma doma il Pari. Coma ca era taj dìs di Noè, cussì a sarà
cuant cal vegnarà il Fì dal Omp. Parsè che taj dìs prima da la
aluviòn, la zent a mangjava e a beveva, a si maridava e a
dava in matrimoni, fin ta chel dì cuant che Noè al è zùt
dentri da larca; e a no saveva nuja di sè ca veva da susedi
fin ca è vegnuda laluviòn e a ju à dùcjus partàs via. Cussì a
sarà cuant cal vegnarà il Fì dal Omp. Doj òmis a saràn tal
cjamp: un al vegnarà partàt via; chel altri al sarà lasàt lì. Do
fèminis a maenaràn cu na muela: una a vegnarà partada via;
che altra a sarà lasada lì.
42Alora stèit atèns, parsè chi no savèis in ta cual dì cal
vegnarà il vustri Signòu. Ma chistu i vèis da capì: Se il
paròn di cjaa al vès savùt lora da la nòt cuant che il lari al
sarès vegnùt, al sarès stàt atènt e a nol varès lasàt che la so
cjaa a vegnès scasinada.. Cussì i vèis da stà atèns encja
vuàltris, parsè che il Fì dal Omp al vegnarà ta na ora cuant
che mancu i si la spetàis. 45Cual alora al ee chel servitòu
fidàt e prudènt incaricàt dal so paròn di stàjghi davòu daj
altri servitòus e siguràsi ca vèdin da mangjà cuant ca ghi
ocòr? A ghi zarà ben a chel servitòu se cuant cal torna il
paròn al cjata fòu cal à fàt cussì.
47I vi dìs la veretàt ca lu incaricarà di tègnighi cont duta la so
proprietàt. Ma suponìn che stu servitòu al sedi trist e ca la
pensi cussì: Il me paròn al è via da tant timp; e dopo al
taca a dàjghi bòtis a chej altri servitòus, e a mangjà e bevi
cuj cjochetòns. Il paròn di chel servitòu lì al tornarà indavòu
ta na zornada cuant che il servitòu a no lu stà spetànt e ta na
ora ca nol cognòs. A lu cunsarà benòn e a lu mandarà là daj
ipòcris, indulà cal sarà il planzi e il strisulà daj dincj.