14 In ta chel timp là il tetrarca Erod al veva sintùt li
stòris ca contàvin di Gjeu, e a ghi à dita ai so consilièrs:
Stu chì al è Zuan il Batista risusitàt daj muàrs! A è par chèl
cal sta faìnt miracuj.
3Alora Erod al à arestàt Zuan e incjadenàt a butàt in preòn
par caua di Erodia, la fèmina di so fradi Filip, parsè che
Zuan a ghi veva dita: A no ti è lècit di tègnila. Erod al
voleva copà Zuan, ma al veva poura dal pòpul, parsè ca lu
consideràvin un profèt.
6Tal dì dal compleàn di Erod la fìja di Erodia a à balàt par
lòu, e Erod al era restàt cussì contènt ca ghi veva prometùt
sot zuramìnt di dàjghi cualsìasi roba ca voleva. E ic,
stusigada da la mari, a ghi à dita: Dami ta un plat il cjaf di
Zuan il Batista. Il re al era puc contènt, ma a caua dal so
zuramìnt e daj so invidàs, al à ordinàt ca si fès coma ca
voleva ic, e Zuan al è stàt decapitàt ta la so preòn. Il so cjaf
al è stàt partàt dentri ta un plat e a ghi è stàt dàt a la fantata,
e ic a ghi lu à partàt a so mari. I disèpuj di Zuan a sòn
vegnùs a cjoj il so cuarp e a lu àn soteràt. Dopo a sòn zùs a
dìighilu a Gjeù.