9Zìnt via di lì, Gjeù al à jodùt un omp ca si clamava Mateo
sintàt tal banc di chèl cal coletava li tàsis. Vèn davòu di
me, a ghia dita, e Mateo al è levàt sù e a ghi è zùt davòu.
10Mentri che Gjeù al era cal senava ta la cjaa di Mateo,
tàncjus di chej da li tàsis e altri pecjadòus a sòn vegnùs a
mangjà cun luj e cuj so disèpuj.Cuant che i Farièos a àn
jodùt chistu, a ghi àn domandàt ai so disèpuj: Parsè al sènia
il vustri maestri cun chej ca colètin tàsis e cun altri
pecjadòus?
12Sintìnt chistu, Gjeù al à dita: A no è la zent sana ca à
bisùgna dal miedi, ma chè malada. Ma zèit a cjatà fòu sè che
chistu al vòu dii: jò i vuèj la miericordia, no il sacrifìsi.
Parsè che jò i no soj vegnùt par clamà chej bojs, ma i
pecjadòus.
14Alora i disèpuj a sòn vegnùs e a ghi àn domandàt: Coma a
ee che nu e i Farisèos i fìn diùn, ma i to disèpuj a no lu
fàn?15Gjeù al a rispundùt: Coma a pòsini i invidàs dal
spou èsi in lut mentri che luj al è cun lòu? Al rivarà il timp
cuant che il spou a nol sarà pì cun lòu, e alora a diunaràn.
16Nisùn al cuìs un tocùt di stòfa grea ta un vistìt vecju,
parsè che il tacòn al và a distacàsi dal vistìt e a sbregàlu pì
encjamò. E nencja a no zarà nisùn a meti vin nòuf in ta
bàghis vècjs, che sinò li bàghis a si romparàn e il vin al zarà
a spàndisi e li bàghis a ruvinàsi. No, al zarà invensi a meti il
vin in ta bàghis nòvis, che cussì chèl e che àltris a si
preservaràn.