_Que el abogado nin el personero non deben seer testigos en los pleytos
que razonan._
Vocero non puede seer testigo sobre pleyto que hobiese comenzado á
razonar: pero si la parte contra quien razonase lo pidiese por testigo,
entonce bien lo podrie seer. Otrosi decimos que los personeros et
los guardadores de los huérfanos non pueden seer testigos en pleyto
que ellos amparasen ó demandasen, por aquellos cuyos personeros ó
guardadores fuesen.