Sâse brai bùrùi dangman. Bi-sùr-hâ sâse gåthå dangman. Bî sânse
brai-bùrùi-ni-au mosô bainu lâgi thâkâ bînaise. Khintu brai bùrùi
gåthåkhô âzlâ nunànai thâkâ hùâman. Gåthåâ embrâ-brâ bînai-khai thâkâ
zakhai-brùi hùnaise. Phâre gåthåâ mosô bainù lâgi thângùi thângùi
manthâm âlî-nî khâthi-au gahâm mosô mâse nunânai, be âlî-au thâkâ
dinnânai mosôkhô khânânai lâbonaise. Thângùi thângùi bîhâ khînù
on-khâtnânai mosôkhô hâgra daise-au khânanai dinnânai khîhùibâ mosoâ
bething khâtlângnaise, Phâre be khînainîfrai fainânai mosôkhô nuekhai
hâgrâ hâgrâ nâmaibainaise.
Ârù bî mùi zonthrâ mâse nunânai, bîkhônù bînî mosô hannânai, hùsùbaie
hùsùbaie unau mùiâ hâgrâ zethap-au gongâ nângnânai thâpthânânai
thânaise. Obâsù bî mùikhô gådåiau dîdungzang khânânai nå hâ lâgi didung
zorai zorai nå manfai-naise. Beaunù bîmâ bifâiâ sùngnaise "Nang mosô
bainù thângnaia, hùrù?" Obâsù bî bungnaise "Be dîdungkhô bùbânù,
zangfùr mosô mangan." Erù hannânai sâthâm zang dîdungau homnânai
bùnaise. Bùî bùî mùiâ nå man-fai-bâ, boibù gî-khrongnaise. Phâre
bîmâ bîfâiâ mùi-khô buthâtnânai mai salai-nù lâgi gâmînîmânsùinù
bângan hùnaise.
Beaunù gåthå âbrâiâ ai âfâiâ mosô buthâtnai zâbai hannânai mâlainî
gâme gâme khithâbainaise. Khintu bîkhô âbrâ nunânai mansùifrâ bînî
khorâng khô fathiâ-khùise.
Bînî unau, âjî-bù thâiù kâli-bù-thâiù, âbrâiâ bângai detbùnânai gâgainî
hingzau namainù lâgi ârú brai bùrùi-nî-au thâkâ bînaise. Beaubù
hùâ gârâ, thâkâ zokhai-brùi brainîfrai lânânai hingzau ânmainânai
thângnaise. Thângùi thângùi gâmî mânsùi-nî dùi gathân-au zombai
thânaise. Phâre unau sâse mazâng hingzausâ dùi lângnù fainai nunânai,
dùi gâthan-au bi lângnai hingzausâkhô homnânai lâbonaise.
Phâre fai-ùi fai-ùi nâmâ-i-au mengnânai bongfâng fângse nî singau
zirainaise, ârù mosô halwâ mâse lânânai mânsùi sâse bù beaunù
ziraidangman. Bîbaidî bîsùr ziraibâ thâbâ homnai lâng-zâ-nai
hingzausâiâ zingâsi-nânai gâbùi gâbùi megon-dùiâ hâ-hâlâgi
bùhi-lâng-naise. Bîkhô nunânai mosô lânai mânsùia âbrâ-nù khithânaise
"Nang be hingzau-sâ-khô mau mannai? ârù nang bîkhô nainânai lâbodang,
na naiâlabâ lâbodang?" Obâ âbrâiâ bungnaise "Ang bîkhô mazâng nunânai
bîsurnî dùi-gathân-nî-frai thâkâ zokhai-brui dinnânai lâbodang." Obânú
bî buddi grângâ bungnaise "Nang khânâ dang: be hingzausâ mazâng-bâ-bù,
bînî megon thaine-â betnai. Nang nuakhùi nù? Honùi, dùiâ so so
bùhîlângdang. Bîbaidi hingzausâkhô nang mâ khâmnù?" Be khorâng
khnânânai âbrâiâ bînî mosô zang slainù nâmainaise. Khintu bî mânsùiâ
misainù hùnù nâmâiâ. Theobù embrâbrâ bînaikhai: "lâ, le, lâ!" hannânai,
mosôzang mânsùisang slainânai, gâgai gâgai monau gahâm mannânai azang
sâse azang sâse mâmâr thânglainaise. Bebaidînù thângùi thângùi âbrâiâ
bongfâng fângse singau burmâ lânai mânsùi sâse zåbai thânai nunânai,
bîbù beau-nù zånaise. Bebaidî zåbai thâbâ, mosoâ hâ-sudangman. Phâre
bî burmâ lânai mânsùiâ bungnaise "Be mosô nî uduiâ goblongbai,
ârù sân sese thâbâ be thoisigan. Beaubù bî âbrâiâ gomâ nungnânai,
mosôkhô bînî burmâzang slainaise. Bebaidî thângùi, ârù sâse thâlit
lânai mânsùi bebaidî-nù bongfang singau zånai mânsùi lùgù mannânai,
âbrâiâ bú zådangman. Khintu burmâiâ gângsu ukhuinânai bâbrâp bainaiau
bî zånu sukhu man-e-khai, burmâ khô bubâ, burmâ bâ bâ hannaise. Obânu;
"Ese mengnaiu âng nangkhô mâbrui bâgan?" hannânai, brâpnânai, gârnu
lubuibâ, be thâlit lânai mânsùiâ, thâlit khô âbrânù hùnânai bî burmâ
khô lângnaise. Bîbaidî nù bîsùr bînîfrai thânglainaise. Ereaunù sâse
mânsùi bînî sigâng-thing âsî khrep-khrep [21] dâmnânai faidang. Obâsu
khâthiau lùgù manbâ âbrâiâ bungnaise "Âng burmâ mâse mânî
hùnânai be thâlit-khô, lâbodang. Theobù ângnîau thâlit bîù?" Erùi
hannânai "nang thâlit zânù lubuidang-bâ nang-nî bidyâkhô ângnù hù;"
hannânai, bî biaunù hurâsemâni sùlùngnânai, zenthe-nùi hânânai,
thâlit-khô bînù hùnânai âsî khrep khrep dâmnânai thângnaise. Thângùi
thângui, mai gezer dâpseau khînù onkhâtnânai khînaiau bînî bidyâkhô
baugârnaise. Ârù be mai gezeraunù gamâbai hannânai, maikhô themâ
nainaibaidî nainaise. Beaunù mainî girimaiâ mai hâbai thâdangman,
nunânai, bîkhô sùngnaise "Nanghâ beau mâ gamâdang? Ângnî mai-fùrâ
hâmâ zâthrobai!" Âbrâ bungnaise "Anghâ thâkâ zokhai-brùi nî bidyâ
manse beaunù gamâbai. Nang bù âng zang namai-phâ-bâ, âng nangkhô
gahâm mangan," hannaikhai, bî bù nâmaiùi nâmaiùi, manekhai brâpnânai:
"nang nî khorângâ misâ," hannânai, âsi dâmbâ: "Âfâ, dâ âng manbâi;"
hannânai âbrâiâ khâtlângnaise.
Ârù bebaidî thângùi thângùi fukuri manse manhùibâ beaubù bî khînânai
bînî bidyâ khô baugârnaise. Phâre bî nâmaie nâmaie manâkhùi. Ereaunù
sâse mânsùi lùgù mannânai sùngnaise: "Nanghâ beau ma gamâdang?" hanbâ;
"Âfâ, ânghâ beau gahâm basthu manse gamâbai, nangbù namaibâ, âng
gahâm mangô;" bungnai-au bîbù bîzang namaifânaise, ârù unau nâmaiùi
nâmaiùi hâbru zang musunlâ-musunlî zânânai, theobù manekhai,
bî mânsùiâ brâpnânai âsi dâmnaise. Obâ bî "o âfâ, dâsù âng bekhô
manbai!" hannânai, rong zânânai, nå-hâ-lâgi khrep-khrep dâmnânai nå
manhúinaise. Bikhô nunânai brai bùrùiâ minî-sù-naise. Agla bîkhô
sinai manâkhùiman, unau sùngnânai mithînaise. "Ârù thâkâfurâ mâ
khâm-khù?" hanbâ, bungnaise "Âng hingzau sâse lâbodangman, Behâ
megon thaine bù betnai. Bînîkhai ârù mosô slainaise, Bihâ bù udui
goblong zânai, ârù burmâ mâse zang bîkhô slainaise. Bîbù ângkhô bânù
thinnaikhai brâpnânai, thâlit slainaise. Thâlit khô nunânai, sâse
mânsùiâ bînaikhai, be mânsùinîfrai be bidyâ khô sùlùngnânai thâlit
hùnani lâbodang. Ârù âng mâ khâmnù nânggò?" Zapbai!