Besur sâne zang fisikhî man. Sânse lâmâiau thâbâ, sâse mânsùi
gur thâli mairang bânnânai lâbonai nùnaise. Bîkhô nunânai
mùkhraiâ fisikhînù khithânai-sùi: "Helùi sikhî, nang beaunù
zåbai thâ. Be fainai mânsùia bîbân dinnânai nangthângkhô hùsùbâ,
nangthâng khât." Erùi hannânai khusungkhô bî lâmâ-au-nù dinnânai
mùkhrâiâ hâgrâ singau hâpnânai ânda zânânai hâkhmânânai thânaisui
obâ be mânsùiâ khâthi zâbâ, khusungkhô nunânai, bîbân dinânai,
húsúnaise. Obânú mùkhrâiâ hâgrâ nî frai onkhâtnânai be thâli ârù gur
khô lângnânai bongfângau gâkhùhùinaise. Unau be mânsùiâ khusung-khô
manekhai, gaigainî nå-i-au thâng-fâ-fin-naise. Benî unau, khusungâ
hâgrâ-nî-frai onkhâtnânai fisîkhô nâmainânai man-nânai, thâlit ârù
gur bînaise. Khintu mùkhrâiâ thâlit zânânai bigur gazâ, gur zânânai,
thinkli gazâ khusungnù hùnaise. Beaunù khusungâ brâp-naikhai,
bîkhô bongfângau dikhâng-lâng-naise. "Nang âng-khô gur ârù thâlit
zânai nudang-man. Beau mâ dang, nang gagainù nai." Bebaidî bungnânai
mùkhrâiâ bongfâng-nî-frai onkhatnânai thângnaise Phâre khusungâ beaunù
thânânai onkhâtnù haiâkhùise. Be bongfângnî sing-thing baidî baidî omâ
thângdangman. Khintu raubô bîkhô on-â-khùise. Unau, gândâ brai mâse be
thing thângbâ bî bîkhô khulumnânai bungnaise "Âfâ, nang ângkhô onbâ
âng nangnî bîkhung sâïau bât-drùm-nù nâmâiù." Beaunù gândaiâ bîkhô
onnânai thinnaise. Thin-bâ, bî bât-drùm-naise. Obânù gândâ-hâ zânzi
bai-naise! Obâniâ, bîkhô khusungâ hâgrâ zang khupnânai dinnânai,
razânî nåau thângnânai razâ zånai khâmflai sing-au thâ-hùi-naise. Phâ
zeblâ mel khun khun zâdangman, obâ khusungâ khîphînâise. Razâ bîkhô
khnânânai "Sùr khîphîdang? Khîthù dân!" Beaunù boibô "Âng khîphîâkhùi"
hannânai bungnaise. Ârù bebaidînù khonnesùi khîphîni-au, sâse mânsùiâ
bîkhô razâ nî khâmflai singau nuhotnaise. Nunânai razâni sigângau
bung-naise "Âfâ, nangthâng âng-khô dân lâgi-bù, âng manse khorâng
khithânù nâmâiù. Nangthângnî khâmflai singau-nù mâbâ mâse dang. Âng
mithîgo bînù khîphîdang." Phâre razâiâ nainânai, bîkhô nunânai, khîthù
dânnù thinnaise. Obâniâ khusungâ bungnaise "Âfâ nang ângnî khîthû
dâ dân! Âng nangthâng-nù gândâ mâse hùgan." Beaunù razâiâ brâpnânai,
bîbînai-baidi-nù mânsùi zâbrâ bî zang hùnânai hotnaise. Bî thângnânai,
gândâ-khô boi bongfang guriau khithî-hui-naise. Mânsùifur gândâkhô
lâbonânai, razânî singau hùbâ, razâ hontoh zânânai bînù gorai mâse
hùnaise.
Be gorâiau uthînânai khâtbaibâ, mùkhrâiâ nunânai sùng-bâ, bî bungnaise
"Be goraikhô ângnù razâiâ hunai." Obânù bî sùngnaise "Mâbrùi razâiâ
nangnù hùnai?" Beaunù bî khithânaise, "Nang ângkhô zî bangfâng
sâiau gâr-bu-dangman; âng beaunù thânânai, lâmâkhândâ mâse-nî sâiau
bongfâng-nî-frai bât-drûmbâ, bî thoinaise. Unau âng bînî sâiau zâbrâ
zigâp hung-nânai hùsinnânai bîkhô dinnânai razânî sigâng-au gândâ nî
khorâng khithânaise. Beaunù razâiâ ângnù hontoh zânânai, be goraikhô
hùdang." Beaunù mùkhrâiâ bî khithânai baidî khamnaise. Râjâiâ bîkhô
nunânai brâpnânai khîthû dânnaise. Zapbai!