Mâse sessâ ârù mùkhrâ zang fisikhî man. Bîsùr sânùi zang ozainù
lùgùse thâiù, lùgùse zâiù, ârù lùgùse thâbaibaiù. Obâsù sânse sâse
Darrangârùi mânsùi goe thâlit lânânai, âlâsî zânù thângnai nâmau
lùgù mannânai, bîsùr railainaise "Be mânsùi-nî goe thâlit-fùr-khô
zânù lâgî zangfùr buddî manse khâmnù nânggô," hannânai, sessâ-khô
nâmau-nù thânù thinnânai mùkhrâia hâgrâ-iaù hâkhmânai thânaise. Phâre
mânsùiâ manfaibâ, sessakhô nunânai, bîbân dinnânai, hùsùnaise. Hùsùbâ,
mùkhraia hâgrânîfrai mâmâr onkhâtnânai thâlitfùrkhô lânânai bongfângau
gâ-khù-hùi-naise. Ârù "sessâ-faigan" hannânai, thâlit goe-fùrkhô
mâmâr zâ-grù-naise. Ârù thâlit bigùr buâ sessânù dinnaise.
Emphâre unau sessâkhô mânsùiâ homnù hâiâkhùise ârù unau nåiau
thâng-phâ-phin-naise. Obâsù sessaiâ gâbzrî-ùi gâbzrî-ùi thângnânai,
fisikhîkhô lùgù man-hùi-nânai, gur thâlit bîbâ, thâlit bigùr bùa
hùnaise. Bînîkhai sessâiâ brâpnânai "Bekhô bângai dukhu hùgan," monau
nungnânai, thâsobâre singau thâhùnaise. Unau mukhrâiâ bongfângnîfrai
onkhâtnânai: "Sikhî lùi! sikhî lùi! hanùi hanùi gâbzrî gâbzrî
thângbâ, sessâiâ brâpnânai bungnaise "Mâthù sikhî-sikhî lùi! Âng
beaunù razânî khuser ne-fai-dang. Nangnù ângkhô mânu nânggô?" Obâsù
mukhrâiâ nuzâhùinânai bungnaise "He sikhî! khuserkhô ângnù thåse ù,
herâ! Bese gathâu âng zâ-nai-nî;" hanbâ, sessâ bungnaise; "Âng nang-nù
hùnù hâiâ. Razâ khnâbâ ângkhô bugan." Theobù bî embrâ-brâ-bînaikhai
"Zâ lùi zâ, âng nangzang hâ-liâ" hannânai, zânù hùnaise. Phâre bî
zânânai, sâlâiau mânbâ "Sikhî âng thoinaise" hannânai, bâbrâpbaibâ,
sessâ bungnaise "Nang gagainù dukhu mandang. Âng dâ nangkhô mâ
khâmgan?" hannânai, bere jåthâ nî bâhâ singau thâ-hùi-naise. Mùkhrâ
bù un un gâbzrînânai thângnânai ârù nu-zâ-hùi-nai-sui-lâiù "Sikhî
nang mâ khâmdang, herâ" bungbâ, sessâ khithânaise "âng razâ nî
zåthâ nedang" hanbâ "Sikhî, ângnù bângai dâmnai-nù hù, herâ!" Sessâiâ
bungnaise "Uh âng hâiâ, herâ; râzâ khnâbâ ângkhô buthâtgân," bungbâ
bù, embrâbrâ "Âng lâsui-sù dâmgan, herâ," hannânai, bere bâhâkhô
âkhâi-phât-ne zang bu-zâp-naise. Obânu berefrâ mukhâng, megon, modom
gasenú ot phop-bâ mùkhrâiâ gâp-khrau gâp-sî bâbrâp-bai naise. Obâniâ
sessâiâ bungnaise: Âng dù-hùi-nù nang-nù khithâ-dangman, theobû nang
khorâng lâia. Âng mâ khâmgan?" hannânai, ârù dâpseau zîbô-gowâl-nî
khâthîau thâ-hûi-naise. Azùnghâ mùkhrâ bù khîthû khîthû thângnânai
bungnaise "Ârù beau lai nang mâ khâmdang, herâ?" Sessâ bungnaise
"Âng razâ-lùnghâ-nî [18] sâmâ-lauthî nedang, herâ." Bungbâ "Sikhî,
âng-nù bù hù, herâ! âng bângai dângnai-nî!" Bî "hùâ" hanbâbú,
embrâ-brâ, dangnainânai, beaubù bî zîbô-zang ot-zâ-naise. Bînîfrai
sessâ thângnânai photobâreau thâ-hui-naise. Mùkhrâ bù gâbzrî gâbzri
thângnânai, ârù lùgù lâ-hùi-nânai sessâ-khô súngbâ, bi bungnaise:
Bekhônù razânî dolâ hannânai bungù. Mùkhrâ bungnaise: "Sikhî, âng
bângai uthî-nai nî, herâ!" bungbâ "Uh! âng hùnù haiâ. Razâ khnâbâ,
âng-khô mâ bunggan? Nang mâbâ âbrâ mânsùi, herâ! Khorâng khithâbâ-bù
khnâsonggâ," bungbâbù, mùkhraiâ "Nonggâ, herâ, sikhî dåse buâ uthîgan"
hannânai, phåtåbâreau bât-drumbâ, gådåhâ lâgi thrùp thângnaise. Obâsù
sessâ khithânaise "Duhui thâlit zânânai bîgur hùnaiâ, benù,
herâsikhî, nang beaunù thâ-dù! Âng nangkhô khulumbai! âng thângnaise"
hannânai, bî mu-khrâ-khô beaunù gâr-lai-naise.
Obâsù unâù bîthîng gândâ mâse fainai nubâ, bîkhô mukhraiâ
dikhâng-nù thing-dangman. Gândâiâ bungnaise "Âng-hâ ukhui-sù-dang
ârù dùi-gâng-sùi-dang: âng nangkhô dikhângnù hâiâ," hannânai,
bî thângnaise.
Bînî unau ârù moesù mâse fainai-au bîkhô bù khithâdangman Bîbù
khnâsongâlâbâ blot thângnaise. Boinùkhrî khî-zap-au mosâ mâse
ukhui-sù-nânai bîthîng thângdangman. Mùkhrâ nunânai bungnaise
"He âfâ, nang ângkhô be dukhu nî frai dikhângâbâ, ârù raubô
dikhângliâ." Hannânai gahâmùi khulumnù homnaise. Theobú bî "Âng
nangkhô dikhângnânai mâ mangan?" hannânai, khozo-ne-sù [19] thângbâ,
mukhrâiâ bungnaise "Âfâ, nang ângkhô be photobâre-nî-frai dikhângnânai
hâbrùfùrkhô sù-srâ-nânai ângkhô nang zâ!" hanbâ, bî ukhui-sû-nai-khai,
be khorâng-au khnâ-song-nânai, bîkhô bungnaise "Âng nangkhô zânû mon
gúiâ, manâthù, bebaidî dukhuau gaglainaikhô dikhângbâ, ânghâ gahâm
zâgan. Theobù nang gaigainù zâsinânai hùnai-i-au, âng zânù hâgo,"
hannânai, bînî lânzai-khô pholau hotbâ, mùkhrâiâ bînî lânzâiau
hombâ, dikhâng-bù-naise, mù-khrâ khîthânaise "Âfâ nang ângkhô dâniâ
modom-fùr-khô gahâmui susrâ, emphâre rânbâ zâ," hannânai sândungau
dåse zåbai thâdangman. Ereaunu mosâ-iâ phâtsething naineau, bî
bongfângau fât-drâp gâ-khù-naise. Mosâ bekhô nunânai, brâp-nânai,
bongfâng guriaunù sânne sânthâm nebai thânaise. Bebaidî thânânai,
unau khugâ sînânai, hâthai hâzîzî khâmnânai, thoithî-nânai, thânaise,
ârù thâmfaifrâ khugâ-i-au brûng-brûng han-lai-nù homnaise. Beaunù
mukhrâiâ ose ose thoi-mâtbai nungnânai bongfâng bîzô nî frai lâse
lâse onkhâtbùnânai âglâ lâse-i-hai lânzai khugau sù-nai-grù-bâ-bù mosâ
mungbô khâmâkhuise. Ârù unau âtheng thângse sùnânai hùnai, beaubù
mungbô khâmâkhùise. Obâsù mùkhrâ bungnaise "Nang ângnî âthengfùrkhô
khrem-khrem otnânai zâgauman, lanzai-khô khrem khrem otnânai zâgauman,"
hannânai, rong zânânai: "Dâniâ ângnî khårokhô-nù zâ," hannânai, khugau
sùnânai hùbâ, obânù mosâiâ khrem ot-khrep-naise. Thoibai! Zapbai!