Bîsùr sâne zang âglânîfrai fisikhî man. Ârù bîsùr bongfâng fângseau
ozainù lùgùse thânaiman. Phâre sânse mùikhô sel mâseâ nunânai
bîkhô gufûng ârù zânù lâgi gahâm nunânai selâ raidaunaise "Helùi
khurmâ! Nang beau mâ nâmaidang? Âng nang khô nunânai on-sùdang ârù
nanghâ khusi dangbâ, âng nangzang khurmâ khâmgan." Beaunù mùiâ
bungnaise: "Nangzang ângzang mâbrùi khurmâ zânù hâgô? Nang ângni
hothru. Nang ângkhô manbâ, nang ângkhô zâgô. Âng nangnî bîdot." Be
khorang khnânânai selâ monau dukhu mannânai bungnaise "Nang zî
khorâng khithâdang, gâsenù nunggô. Ârù bînîkhâi ânghâ raubô
gùiliâ, thoithro-bai. Bînikhai âng dâ monau gunînânai gokhainî
[14] haran lâbai. Ârù nang boidî raunîbù mungbù khâme, omâzang
khurmâ khâmnù mon zâdang. Nang ângkhô beau mungbù dâ bung." Be
khorâng-au-nù mùiâ mânthî zânaise. Obâ bîsùr sâne zang bongfâng guriau
thâng-lai-naise. Beaunù daukhâ-dandâ-î-â sel-khô nunânai, bîkhô âgâr-nù
lâgi mùinù zâbrânù gahâm khorâng khithâdangman. Khintu be khorâng-khô
mùiâ khnâ-song-hiâ-khai, daukhâ dandâiâ sâkhthar manse khithânaise:
"Sâne fisikhî dangman-nù. Bîsùr sâne zang khorâng khâlainaise zî
"Zangfùr zebù dukhuau gârlainù nânggâ." Phâre sânse bîsùr maubâ
thângnaiau hâgrâ gezer gezer thângdangman. Beaunù lâmâ gezerau
mâfur mâse lùgù man-naise. Phâ bîsùr sânùi nî gezerau sâse bongfâng
gâkhùnù hâgoman, sâse haiâman. Zeblâ mâfurâ hù-sù-bù-dang, sâse
khâtnânai bongfângau gâkhùhùinaise. Sâseâ mungbô upai mane zânânai
hâiau khuglupnânai, hâng lâiabâ thânaise. Unau mâfurâ fainânai bikhô
manâm-su-nânai hâng gùie nunânai, gârlângnaise. Phâ bongfângnî
mânsùiâ sùngnaise "Helùi sikhî, nangkhô mâfurâ manâm-su-nânai mâ
khithânai?" Beaunù bî bungnaise "Bebaidî mânsùi-zang nang khurmâ
dâ khâm," erùi hannânai bungnai." Daukhâ dandâ bungnaise "Besùr
sânùi-nî baidi nang-hâ-bù zânù hâgô. Theobù mùiâ bînî khorâng khô
lâiâkhùise. Phâre âzi-bù-dang kâli-bù-dang sânse selâ phân nunânai
mùikhô bî thauni-hâ lâgi bîkhô phânau khùkhlainaise. Phâre bî phân-nî
deoling-khô ot-sonù thinbâ-bù, otnù manâ hannânai otsoâkhùise. Unau
daukhâiâ bîsùrnî khorângkhô mithînânai nâmai-lâng-nânai mùikhô
phânau nângnânai thânai nunaise. Nubâ, bîkhô gahâm khâmnù lâge upai
khâmnaise. Phâre, okhâ naise naise zâdangman, ereaunù bî bungnaise
"Sikhî nung uduikhô dukhrâng hùnânai hâng laiâlâbâ thâ. Ârù âng gâp-bâ,
nang khât. Be upai-au goâbâ, ârù gùiliâ-se." Bî khithanai-baidi-nù
mùiâ khâmnânai dang. Ereau-nù phân-nî girimaiâ fainânai mùi-khô
thoinai mon khâmnânai, zongkhô hâiau thunânai dinnânai phânnî
deoling khô kheonânai fahâm-dang-man. Ereau-nù daukhâiå gâpnânai
hùbâ, mùiâ sikhângnânai dophong khâtbâ, mânsùiâ zongkhô lânânai,
khubui hot-naise: khintu mùinî modomau nângâlâbâ selnî modomau
nâng-hùi-naise. Beaunù selâ thoinaise. Zapbai!