Brai bùrùi sânùi dangman. Bîsùrhâ zânù lùngnù gùiâman. Bînîhai
sen-khokhâ sananai, zî nâ manù, bîzangnu mai slailânai mikhâm
zâiù. Bebaidînù khâmùi khâmùi sânse senau nâ mâsebù nângâlâbâ,
embu bonglâ gazâ senau thîp nângânai thâdang. Obâsù braiâ dâulâ
gesîpbâ sâünù thângnânai, sen nai-hùinaise, ârù sen khô dikhângnânai
ilit mannaikhai rong zânânai, mâmâr bîbân khânânai, nå-hâ-lâgi
bât-zret-bât-thet bân-bù-naise. Ârù bùrùi-khô phuzâ-nânai bungnaise
"Bùrùi, bùrùi, mâ dâbù uthiâ-lùi? Sân-zåbai!" Hannânai, phùzâbâ
bùrùiâ mâmâr sikhângnânai ot sunânai sâne-zang ot sailainaise. Ârù
braiâ bungnaise "Zangfùrhâ dinî khaphâl gâham! Senau nâ thîp-bungnânai
thâdang!" Obâsù bùrùiâ bungnaise "Hùrù, hùrù! nai-nî, lâbonai!" hanbâ,
braiâ mâmâr khithîfainaise. Ârù brai bùrùiâ sânùizang orau
gahâmùi nainânai nunaise gâsenù embubonglâ gazâ. Obâsù bùrùiâ
braikhô bungnaise "Dinî nanghâ khaphâlâ gahâm zâdang! Gahâmùînù
khâm manzâsîgan!" hannânai bungbâ braiâ senkhô dåkhånaise, ârù
buruikhô buthâtnù thin-bâ, bùrùiâ gon gongse lânânai thå thå
bù-thât-hù-lâng-naise. Emphâre bùthât-zap-bâ mâse âtheng bainânai
thoifrâmnânai bùrùi-nî khâmflai singau thâdangman. Unau gâsenù
embu-fùr-khô sâi-khâng-nânai, brai bùrùiâ bînîfrai uthîbâ ârù
khâmflai dikhângbâ, be thoifrâmnai embukhô nunânai, braiâ, "Bùrùi,
mâse embu thâbai, bùthât! bùthât!" Hanbâ, embuâ rai-dau-naise
"Âfâ lùi âng-khô dâ bùthât: âng nangnù hâli oinânai, khodâl
zaunânai, mai gainânai hùgan." Obâsù braiâ bungnaise: "Mobâthù
embu-bonglaia hâbâ maunânai hùnai nudang-lùi? Nang hâbâ maunânai
hùnaia gakhâ! Buthâtzânù gînânai nang bekhônù khithâdang." Bungbâ,
embu bonglâiâ gahâmùi khulum-bai-nai-khai, ârù sumai lâ-nai-khai,
braiâ bùrùiâ onnânai bîkhô buthârâlâbâ nå-i-au dinnaise. Obâsù âjibù
thâiù kâlibùthâiû dùilâng bùthùr såbâ, embu-bonglâiâ nângal lânânai
dubliau hâli oinù thângnaise. Ârù bî nângal-mothiau gâ-khù-nânai
hâli oibai thâbâ, bînî dubli thing sùrba rajâ sâse hâthi gânânai
fainai nubâ embubonglâ raihotnaise "Helùi, helùi, nang maunî mânsùi
lùi? Âng nî âli-fùr-khô gâphle-gâsi khâmdang!" Hanbâ râzâiâ, "Âng khô
bebaidî rainaiâ sùr?" Hannânai, mânsùi hotbâ, sâfrâ singau hâkhmânânai
thâiù. Bînîkhai mânsùiâ nunù hâekhai thâng-phâ-phinse. Bebaidînù
khonle khonle raiù, khon-frimbù bîkhô nunù hâekhai râzaiâ mosôkhônù
lânù thinnânai nå-hâ-lâgi lângnaise. Obâsù bî bù khîthu khîthu
thângnânai gogrâ nî nå sâïau thurui singau hâpsù-nânai thânânai
rajâ khô baidî baidî raibai thâ-sùnaise. Râjâiâ bîkhô khnânânai,
naibâbù nuekhai brâpnânai gogrâkhônù sefainù thinnaise. Khintu
bî bînîfrai thângkhmânânai saurâ nå sâ-i-au thânânâi ârù rainaise
Bebaidînù gâsenù nå sephainù gnâng zânaikhai, râzâiâ unau gînânai
bîkhô gahâmùi sùngnaise, "Helùi âfâ, nanglai modai nâ mânsùi? Âng
nangkhô mungbù khâmliâ." Hanbâ, bî bungnaise "Âng modai nunggâ,
mânsùi-sù. Ârù nang ângnî mosâ lâbonai-khai âng nângkhô raidang. Ârù
nang dâ nangnî phisazùkhô âng zang hâbâ khâmnânai hùgan hannânai sumai
lâiâ gô mâni, âng nangkhô bebaidînù nue zânânai raibai thâgan." Hanbâ,
râzaiâ sumai lânângnaise. Obânia bî nånîfrai onkhâtnaise. Onkhâtbâ
râzâiâ sumai lânaikhai, ârù mâbâ modai-fùr zânù hâgô nungnânai, hâbâ
khâmnânai hùnaise, ârù dolâ, hâthi, gorai gâ-khù-hù-lainânai nåhâlâgi
hotbâ ârù brai bùrùinî nå khâthî man-fai-ba, brai bùrùia gînânai,
nå-nîfrai khâtlângdang-man. Bîkhô embu-bongla fisâtlâiâ nunânai
"Gînù nânggâ" hannânai, mânsùi hotnânai lâbo-finnaise. Obâsù brai
bùrùi fisâtlâ ârù bîhâmzù boibù zå zânânai rong zâ-lainânai mânsùi
fùrkhô khâm-dùi zâhùnai lùnghùnaise. Bebaidînù thâùi dang, sânse
bîhâmzùâ embu-bonglâ-khô nainù bânânai embu-bongla-khô duguinù
thinnaise. Embu bonglaiâ bungnaise "Âng udui-nî-frai dùi-au-nù
thâiù. Dâ dùgùibâ ânghâ mâ zânù?" Obâsù hingzauâ bungnaise "Nang dui
gusu-au thânai-khô âng mithîdang. Khintu nangnî bîkhong-nî gâdi-mâlâ
nunânai-sù âng nangkhô thukuinù nâmaidang," hanba, embu bonglâiâ mânthi
zânaise. Zâbâ dùi glopglop phûdung-nânai hoâkhô linghotnaise. "Mâmâr
faidù! Âng thukuinù nânggo." Bî mâmâr fainânai, sùngbâ; "Nang âglâ
dùiau bât-sùm grù. Âng unau bîkhong hùnânai hùgan," hanbâ, bî bîau
bât-sùm-nânai khâng-grâng-nânai thoinânai thânaise. Zapbai!