Sâse uduiau-nù bîfâ thoizânai gåthå dangman. Phâre âzi âzi khâli khâli
bî gedet zâbâ sânse bîmânî-au sùngnaise "Ai, âglâ zangfùrhâ âfâ-i-â
lai mâ maunânai zâdangman?" hanbâ, bîmâiâ hâmâ sunânai khithânaise
"Namfâiâ desù desù fâlângî khâmnânai zâdangman. Bî thâblâ, dâ
zangfrâ esebù dukhu zâiâman" hanbâ, bî bungnaise. "Uh! obâ bî hâbâ-khô
âng hâiâ nâ! Bese thâkâ dang, ângnù dîhonnânai hù!" Hanbâ, bîmâiâ
bungnaise "Âfâ nang bîbaidî khâmnù nânggâ. Âng bîùi gâpùi nangnù
zâhùgan. Nang mâlainî dekhuau thângnânai mâbruibâ thoibâ betbâ âng
mâbrùi thâgan?" Theobù gåthå â khnâsongâlâbâ embrâ-brâ bîmâ-nî-au
thâkâ bînâ-nai lânânai bastu bainaise, ârù nau gongse nâmainânai
lânaise, ârù gâsenù zå zâbâ, mânsùi sânùi-sù homnânai bîmâ buruikhô
khulumnânai mâlainî dekhu-au nau zang thângnaise. Bebaidînù thângùi
thângùi gâmî dåtse dùi-gâthan-au naukhô khânânai, gâmî gâmi bastu
phân-hù-naise. Bî gâgai nau ne-ù. Bebaidînù thâùi thâùi beau-nù
sùrbâ brai burui sâ-nùi-hâ hângsù gufut mâse dangman. Bînù bîsùrnù
dùi laiùi mikham songùi hùgrâ-man. Bîkhônù sânse bî gåthåâ dùi
gathânau gagainî hângsù-bîgur-khô khùnanai din-nânai ârù mazâng
sikhlâ-sâ zânânai duguinai nunaise. Bînîfrainù boi hângsù-nî girimâ
brai-bùrùi-khô on-sù-nânai thau ârù bînî nau-au zî zî bastu dang,
ozâinù bângai bângai hùnù homnaise. Bîbaidînù bastufùrkhô fânùi
fânùi fân-zap-bâ nåiau fainai so-nai-khai bî brai buruinî nå-iau
thângnânai thâkâ zâbrâ hùnânai, hângsù khô bîbâ, brai bùrùiâ
"Erenù lâng" hannânai bungdangman, khintu bî fâfù- [8]nâng zânù
gînânai, brai-nî-gnâng bastu-khai embrâ-brâ thâkâ hùnânai hângsùkhô
lâbônaise. Bînîfrai nau lânânai fai-ùi faiùi nå man-fai-nânai, âzibù
thâiù khâli-bù thâiù bî hângsù mânsùi zâ-i-e nunânai, sânfrimbù
hâmlângnaise. Bîkhônù nunânai bîmâ buruiâ mâlainîau sùngbai baibâ
raubù mungbù khithânù hâiâ Khintu biaunù bùrùi sâse dangman. Bînîau
sùngbâ, bî bungnaise "Âgùi, nang bîkhônù mithiâkhùi nâ? Bî fâlângi
khâmnai thângnai-au bîhâ mâbâ manse zâdang. Nang bîkhô buddî khâmbâ,
mithînù hâgan." Hanbâ, bîmâ bùrùiâ bungnaise "Khithâ-hor-hai,
ai bùrùi, dhorom mangan." Hanbâ, bî khithânaise "Nang sânse sâse
sikhlâsa lâbônânai nangnî gåthånî themâ nainù thin. Arù themâ
naibai thânai-au-nù gâpthînânai sùng-thâng. "Nang mânù sânfrimbù
hâm-lâng-dang?" Obânù bî bîkhô on-khâng-nânai bînî monau zî khorâng
dang, bî khithâgan." Hanbâ, bimâ bîbaidînù khâmnaise. Hingzausâ-iâ
themâ nainaiau-nù gâpthînânai gongrai surukhù surukhù [9] sùngnaise
"Adâ-lùi, nang-hâ-lai mâ zâdang? Nang bekhô khithâiâbâ, âng bù khâm
dùi zâiâ," hannaikhai gåthåâ hâmâ sunânai, bînù lâse lâse khithânaise
"Ang fâlângî khâmnù thângnai-i-au dâ ângnî nå-iau zî hângsù gufut
mâse dang, bîkhô mânsùi zânai nudangman. Khintu bî dâ baidî-sùi-ùi-nù
thâbai. Bînîkhai âng erebaidî zâdang." Themâ nai-khângbâ be gâsenù
khorâng hingzausâiâ bînî bîmâ-nù khithânaise. Bekhô bîmâiâ khnânânai
boi bùrùinù khithâ hùi-naise lâiù. Buruiâ bîkhô khnânânai buddî
hùnaise lâiu: "Nang dinî boi hingzausâkhô lâbonânai khithânânai
hù, bî dinî horau udu-lâng-thî-nânai thâthang. Hor gezerbâ hângsùâ
mânsùi zânânai gagainî modaifùrkhô khulumbai thâiù. Beaunù bî hângsù
bîgurkhô zuzai-mù-au sùnânai hùbâ, obâniâ mânsùi-i-nù thâ-sî-gan." Be
buddi hùnai-baidînù bîmâiâ hingzausâ-nù khithânaise, ârù hingzausâiâ
bù gåthånù khithânânai hùnaikhai, sânse gåthåâ khurui gongseau
khârezang thauzang golainânai dinnai, ârù songor manse dinnaise. Hor
zâbâ bî udui-thî-lâng-nânai thâbâ, hângsùâ horau sikhângnânai âkhaiau
âthengau modom au-bù khepthu-bai-dang. [10] Theobù bî khet-khut
khâmâ-khuise. Bînîkhai bî udu-lângmâtbai nungnânai, gagainî
hângsù bîgùr khô lâsehai khunânai dinnânai gâgainî modai-fùr-khô mon
hùnânai khulumbâi thâdangman. Ere-au-nù srî-srî lâsehai sikhângnânai
boi hângsù bîgùrkhô thâpnehai zuzai-mù-au efopnânai dinnaise. Unau
bigurâ khâmnânai manâm-khang-bâ, bîkhô manâmnânai mannânai "Ângkhô mâ
khâmkhù, mâ khâmkhù?" hannânai, fâtdrâp-dô gaglainánai khânggrâng-nânai
thoi-hâp-nânai thânaise. Obâsù gåthåâ mâmâr fainânai khuruinî thaukhô
khårå-modom-âtheng-âkhai-au hùnânai, songor zang sîpbai thânaise,
ârù bîbaidînu sîpùi sîpùi thâblâ, gabâu-zang hâmâ sukhângnaise,
ârù thâng-khâng-naise. Bîbaidî-nù mânsùi zânânai, sânùi-zang hâbâ
khâm-lai-nânai zâbrâ dinhâ lâgi fisâ fisù zang rozo-rù-man zâlai-bai
thânai-se. Zapbai!