Iech bi a gebergsch Mädl,
Bi frumm un bi ah gut
Und dreh zun Klippeln mei Fädl,
:/: So arm iech bi, ho iech doch Muth. :/:
Ho Ardeppln of men Tischl,
Ka Schminkel Buttr drbei
Un bi gesund wie a Fischl
:/: Un trog ah kän Dokt'r wos ei. :/:
Un ka iech net huchgelehrt redn
Su wie's in Kerngbuch stieht,
Su ka ich doch singe un batn
:/: Un ah monch gebergsch Lied. :/:
S' Karschettl, es Tichl, es Schärzl
Is olles neiwaschn un schie',
De schwäbischn Aermln an Leiwl,
:/: Die ho iech gemanglt heit frieh. :/:
N' Sunntig do thu iech mich putzn,
No her iech de Predig mit oh,
Nooch gieh iech zun Schwasterle hutzn,
:/: Do sanne mer enannr när ah. :/:
Wenn ohm'sd nooch häm werd gange,
Sieht Schatzl mich sehnetlich oh,
Un frogt mich: he host ke Verlange,
:/: He, Schatzel, he brauchste kän Mo? :/:
Wos latschte, wos patzschte mer wiedr,
Mach mir ner kän Meerettig noh,
De brauchst mich doch net erst ze froong,
De sist marsch an Aange schieh oh.