19) Hastu aber eine wahr allein, so genieß derselben, doch machs
Brüderlich, laß einen andern auch was wagen vnd gewinnen.
20) Deine alte vnd gute kunden, verlaß nit gern, vnd truckhe sie nit
zuhardt, dann es thut jhnen weher als einen Frembden.
21) Neben einer würdigen wahr setze eine Vnwürdige, nemb von einer
jeden ein leidenlichen gewinn, daz ist dir nutzer vnd löblicher, alß
wann du eine zu hock spannest.
22) In den Märckhen vnd Meßen gilt es nit lang besünnens, was einmal
versaumbt, wird nit wieder gebracht.