Hermano freneziĝis. Li sin trovas en la Obuĥova malsanulejo[6],
en ĉambro n-ro 17, respondas neniujn demandojn kaj murmuretas tre
rapide: „trio-sepo-aso! trio-sepo-reĝino!...“
Lizaveta Ivanovna edziniĝis kun tre afabla juna homo; li havas
ian oficon kaj posedas sufiĉan monhavon: li estas filo de iama
bienadministranto de la maljuna grafino. Lizaveta Ivanovna edukas
malriĉan parencinon.
Tomski estas promociita kapitano kaj edziĝis kun princidino
Paŭlino.