查考三山，係三只山名，一只係巾山，一只係明山，一只係独山。相传宋朝当时，有只帝昞，被元兵追迫到三山地方，有三只人，手揸利器，打退元兵。在後问这三只人嘅姓名，但係佢话，我三侪係兄弟，居信在前面山中，讲妥以後，该三只人就走开。在後去寻佢寻唔倒，冇的踪迹，因为咁样就造谣言话，这三只人，係三山嘅神，加封到三山国王，可见这等事，如同摹风捉影一样。在後帝昞又兵败，又走到零丁洋来死，又唔见这三只人再来打救，佢就知这件事，确实係假，唔使思疑啰。