查考纲目，知双忠係两只人，一只係张巡，一只係许远，为睢阳太守。张巡做真源令，当时有只安禄山作乱，张巡起兵讨贼，极有能为，又爱其手下嘅士卒，故所以屡摆打败贼人。在後贼人，使尹子奇围困睢阳，张巡带兵入睢阳与远合做一营兵，与安禄山作乱贼日夜苦战，杀贼人好多，殊不知粮饷用尽，瞧阳城就失开。张巡与许远，被贼人捉倒，这两只人，虽然受苦死，佢也唔归服贼人。在後做史记侪，评论这两只人，尽忠完节，满下係天命。今下人唔学佢两侪嘅忠义，徒然用香烛来拜佢，係咁样有乜嘅益呢？