宴公係江西临江府人，名戊子，宋朝时代人。既然中开进士，奉命出海，一往一来，唔曾遭倒有危险，因咁样有功劳，封佢做侯爵。至仁宗当时，辞职做子民，在後得病死开。今下人想倒佢在生忠厚，走海冇失误，作为宴公能保水道，故所以有好多冇知识嘅船户拜佢为神。殊不知行船嘅人，若使入新港口，或遇急滩，必爱请本土人，习惯水路嘅做稍公，揸舵来带水路，或使晓行水路嘅人唔曾到，船就唔敢行。可知所倚靠係在乎人，唔在乎晏公。今下做乜嘅咁愚蠢，唔晓醒悟呢？