客问：汝等入教人，唔设立神主牌，唔烧纸钱银宝。照汝等讲，实在有道理。但係父母死後，入开殓当时，做子女应当爱在侧边，来表明哀切嘅孝心，但係汝等入教嘅人，做乜嘅唔在侧边来拜死尸呢？ 答话：父母死後，灵魂离开肉身，就到上帝面前爱受审判，或者赏，或者罚。该等死尸，係冇知觉，拜佢有乜嘅益呢？虽然跪到尔膝头腫开，佢也唔晓回答汝。若使尔父母在世当时，其灵魂在本身，佢係睡开，汝也必定唔拜佢。设使死後，灵魂离身，尸骸同木石噔，唔知唔觉，时好拜死尸吗？