pont; s’aroient mains à faire et se logeroient plus seurement
en leurs bastides. Adont ordonnèrent il par
5 quel manière. Il fissent venir de la Rocelle nefs toutes
armées et apparillies contremont la Carente, et missent
dedens grant fuisson d’arbalestriers et de Jenevois,
et envoiièrent ces gens escarmuchier à ceux dou pont.
Là ot dur assault, car li Englès et li Gascon avoient
10 mallement le pont fortefiiet, si se deffendoient aigrement
et vaillaument, et ossi il estoient assailli de grant
volenté par terre et par la rivière. Et là fu fais chevaliers
à cel assault li ainsnés fils au conte de Harcourt,
Jehans, et bouta banière hors; et le fist chevalier
15 ses oncles li dus de Bourbon. Cils assaulx au pont
à Taillebourc fu moult biaux et mout fors et bien continués,
et i ot fait tamainte appertisse d’armes, et
traioient cil Jenevois et arbalestrier qui estoient en ces
nefs, à ceux dou pont, si roit et si dur et si ouniement,
20 que à paines se osoit nuls amonstrer à deffence.
Que vous feroie jou lonc compte? Par biel assaut li
pons de la rivière sus le passage de Taillebourc fu conquis,
et tout cil [ochis] ou noiiet, qui dedens furent
trouvé; onques nuls n’en escapa. Ensi orent li François
25 le pont à Taillebourc; si en fu plus biaux leur
sièges, car il siet à trois lieues de Saint Jehan l’Angelier,
et à deus lieues de Saintes, ou milleur païs dou
monde.
§ 439. De la prise dou pont de Taillebourc furent
30 cil dou castel, Durandons et li autre, tout esbahi et courouchié;
et bien i avoit cause, car il avoient perdu le
[211] passage de la rivière. Nonpourquant il ne se voloient
pas rendre, car il se sentoient en forte place, et si
atendoient confort de Bourdiaux, car on dissoit adont
là en celle saison sus le frontière de Bourdelois, et s’i
5 aseuroient li Gascon et les forterèces englesces, que
li dus de Lancastre, ou li contes de Bouquighen, atout
deus mille hommes d’armes et quatre mille archiers,
venroit à Bourdiaux pour combatre les François et
pour lever tous les sièges. En che avoient il grant
10 esperance, mais les coses se taillièrent aultrement,
sicom je vous dirai, car voirement, avant que li armée
de l’amiral de France s’aparillast pour aler en Escoce,
estoit il ordonné en Engletière que li dus de Lancastre
et messires Jehans de Hollandes, frères dou
15 roi, et messires Thomas de Persi, messires Thomas
Trivet, li sires de Fil Watier, messires Guillaumes de
Windesore, messires Ions Fil Warin et autre baron et
chevalier, atout mille lanches et trois mille archiers,
venroient prendre tière à Bourdiaux, et là se tenroient
20 tout un esté, et rafresquiroient Mortaigne, Bouteville
et tous les fors qui se tenoient pour eux en Gascongne
et en la Languedock, et combateroient les
François, se il les trouvoient ou païs; et quant il se
seroient la tenu une saison, il s’en iroient en Castille
25 par Baïonne et parmi Navare, car il estoient en traitiés
devers le roi de Navare.
Tout enssi l’avoient en lor imaginacion et pourpos
li Englès jeté, mais tout tourna à noient, car quant il
seurent de verité que li amiraulx de France, atout
30 mille lances de chevaliers et escuiers, gens d’eslite,
venroit en Escoce, leurs pourpos et consaulx se transmuèrent,
et ne s’osèrent bouter hors ne mettre de
[212] leur païs hors nulles gens d’armes ne archiers, ne eux
afoiblir, car il doubtoient grandement le fait des Escos
et des François ensemble.
Encores couroit une vois en Engletière que en celle
5 saisson il seroient assalli des François en trois pars:
l’une [par] Bretaigne, et que li dus de Bretaigne
estoit bons François; et l’autre par Normendie, et
que li connestables de France faissoit ses pourveances
à Harflues et à Diepe et tout sus la marine jusques à
10 Saint Waleri et au Crotoi; et la tierche, par Escoce.
Ces doubtes ne laissièrent onques en cel an partir
ne vuidier chevalier ne escuier hors de Engletière,
mais entendirent à pourveïr et à garnir leurs havenes
et leurs pors de chief en cor [d’]Engletière, et fu pour
15 celle saison li contes [Richars] d’Arondel, amiraulx de
la mer, en Engletière, et tenoit sus la mer entre cent
et quatre vins gros vaissaulx tous armés, pourveus
de gens d’armes et d’archiers, et avoient balenghiers,
qui couroient sus les bendes des illes de Normendie,
20 pour savoir des nouvelles.
Nous nos soufferons un petit à parler dou duc de
Bourbon et dou siège de Taillebourc, où il fu plus de
noef sepmaines, et recorderons comment li amiraulx
de France et li armée de mer françoise prisent terre
25 en Escoce, et quel samblant de belle requelloite on
leur fist ou païs.
§ 440. Li armée de France qui s’en aloient en
Escoce, avoient vent à vollenté, car il estoit li mois de
mai que les aiges sont en leur douceur, et s’est li airs
30 sieris et quois. Si costiièrent de commenchement
Flandres, et puis Zellandes et Hollandes et Frise, et
[213] exploitèrent tant que il aprochièrent Escoce et que il
le veïrent; mais, anchois qu’il i peuissent parvenir,
il mesavint par grant infortuneté à un bon et jone
chevalier de France, appert homme d’armes, qui s’appelloit
5 messires Aubiers de Hangiers. Li chevaliers
estoit jones et de grant volenté, et pour monstrer
apertisse de corps, tous armés il se mist à monter
amont et à ramper contre le cable de la nef où il
estoit. En chela faissant, li piés li falli, il fu reversés
10 en la mer et là [peris], ne onques on ne le pot aidier,
car tantos il fu effondrés pour les armeures dont il
estoit vestis, et ossi la nef fu tantos eslongie: à ce
n’avoit nulle remède. De la mort [et] de la mesaventure
dou chevalier furent tout li baron et li chevalier
15 courouchié, mais passer leur convint, car amender ne
le porent.
Depuis singlèrent il tant que il arivèrent et prissent
terre en Haindebourc, la souveraine ville d’Escoce, et
là où li rois se tient le plus, quant il est ou païs. Li
20 contes de Douglas et li contes de Mouret, qui les atendoient
et qui estoient tout avisé et enfourmé de leur
venue, se tenoient en la ville de Haindebourc. Sitos
que il seurent que li armée de France estoit venue, il
vinrent contre eux sus le havene, et les requellièrent
25 mout doucement, et leur dissent que à bien fuissent il
venu et arivé ou païs. Et recongneurent cil baron
d’Escoce, tout premiers, messire Joffroi de Carni, car
il avoit esté la saison pasée en Escoce et bien deus
mois en leur compaignie. Messires Joffrois, car bien
30 le sot faire, les aquinta de l’amiral et des barons de
France. Pour ce tamps li rois d’Escoce n’estoit point
encores venus en Haindebourc, mais se tenoit en la
[214] sauvage Escoce, où par usage il se tient plus volentiers
que ailleurs; mais il avoit là trois ou quatre de
ses fils qui rechurent ces signeurs mout doucement, et
leur dissent que li rois venroit temprement.
5 De ces parolle[s] il se contentèrent, et se logièrent
li signeur et leurs gens en Haindebourc au mieux qu’il
peurent; et qui ne pooit estre logiés en la ville, il se
logoit as villages environ, car Haindebourc, comment
que li rois d’Escoce i tiengne son siège et que ce soit
10 Paris en Escoce, n’est pas une telle ville comme est
Tournai ou Valenchiennes, car il n’i a pas en toute la
ville quatre cens maissons. Si convint les signeurs
prendre leurs logis environ aux villages, à Donfremelin,
à [Quineferri], à Cassel, à [Dombare], à Dalquest
15 et ens es autres villages, et ne les laissoit [on] entrer
en nuls des fors.
Ches nouvelles s’espardirent parmi Escoce, que il
avoit grant fuisson de gens d’armes de France venu
en leur païs. Si commenchièrent à murmurer li aucun
20 et dire: «Quels diables les a mandés? Ne savons
nous pas bien faire nostre guerre sans eux as Englès?
Nous ne ferons ja bonne besongne tant qu’il soient
avoec nous. On leur die que il s’en revoissent et que
nous sommes gens assés en Escoce, pour parmaintenir
25 nostre guerre, et que point nous ne volons leur
compaignie. Il ne nous [entendent] point, ne nous eux;
nous ne savons parler ensamble. Il aront tantos rifflé
et mengié tout ce qu’il i a en ce païs; il nous feront
plus de contraires, de despis et de damages, se nous
30 les laions convenir, que li Englès ne feroient, se il
estoient embatu entre nous sans ardoir. Et, se li
Englès ardent nos maisons, que puet calloir? Nous
[215] en avons refait une à bon marchié, nous n’i mettons
au refaire que trois jours, mais que nous aions quatre
ou sis [estaques] et de le ramée pour le loiier.»
§ 441. Enssi dissoient li Escochois en Escoce à le
5 venue des signeurs de France, et n’en faissoient nul
compte, mais les haioient en corage et les diffamoient
en langage ce que il poient, enssi comme rudes gens
et sans honneur certes qu’il sont. Et vous di, à tout
considerer, que ce fu de tant de nobles gens qu’il i ot
10 en celle saison de France en Escoce, une armée sans
raison; et mieux i vauroient vint ou trente chevaliers
de France que si grant route que cinc cens ne mille.
Raison pour quoi? En Escoce il ne veïrent onques nul
homme de bien, et sont enssi comme gent sauvage,
15 qui ne se sèvent avoir ne de nullui aquintier, et sont
trop grandement envieux dou bien d’autrui, et [si] se
doubtent de leurs biens à perdre, car il ont un povre
païs. Et quant li Englès i chevauchent ou i vont, enssi
qu’il ont esté pluiseurs fois, il convient que leurs
20 pourveances, se il voellent vivre, les sieuce[nt] toudis
au dos, car on ne trueve riens sus le païs. A grant
dur i recoevre on de fier pour fierer les chevaux, ne
de cuir pour faire harnas, selles ne brides. Les coses
toutes faites leur viennent par mer de Flandres, et,
25 quant chela leur deffaut, il n’ont nulle cose.
Quant cil baron et cil chevalier de France qui
avoient apris ces biaux hostels à trouver, ces salles
parées et ces castiaux et ces bons mos lis pour reposser,
se veïrent et trouvèrent en celle povreté, si commenchièrent
30 à rire et à dire: «En quel Prusce nous
a chi amenés li amiraulx? Nous ne seuimes onques
[216] que che fu de povreté ne de dureté, fors maintenant.
Nous trouvons bien les proumesses que nostres
signeur de pères et nostres dames de mères nous ont
promis dou tamps passé en dissant: «Va, va, tu aras
5 encores en ton tamps, se tu vis longes, des durs lis
et des povres nuis.» De tout che sommes nous bien
apparant de l’avoir.»--«Pour Dieu, dissoient li
compaignon l’un à l’autre, delivrons nous de faire
nostre rèse. Chevauchons sus Engletière; li [longhement]
10 sejourner en celle Escoce ne nous est point
pourfitable ne honnerable.» Et tout che remonstrèrent
li chevalier à messire Jehan de Viane, leur
cappitain, et li amiraulx les rapaisoit che qu’il pooit,
et leur dissoit: «Biau signeur, il nous faut souffrir et
15 atendre et parler bellement, puisque nous sommes
mis en che dangier. Il i a un trop grant rieu au
rapasser, et [si] ne poons retourner par Engletère.
Prendés en gré ce que vous trouvés; vous ne poés
pas tousjours estre à Paris ne à Digon, à Biaune ne à
20 Chalon: il fault, qui voelt vivre en che monde et avoir
honneur, avoir dou bien et dou mal.»
§ 442. Enssi rapaissoit messires Jehans de Viane
et d’autres parolles, lesquelles je ne puis mies toutes
recorder, ses gens en Escoce, et se aquintoit che qu’il
25 pooit des barons et des chevaliers d’Escoce; mais il
en estoit si petit visetés que riens; car, sicom je vous
ai ja dit, il a petit d’amour, et sont gens mal aquintable.
Et la grignour visitacion et compaignie que cil
signeur de France avoient, c’estoit dou conte [de] Douglas
30 et dou conte de Moret: chil doi signeur leur
faissoient plus de solas que tous li demorans d’Escoce.
[217] Encores i ot pis, et une trop grant dureté pour les
François, car, quant il furent venu en Escoce et il se
vorent monter, il trouvèrent les chevaulx si chiers,
que che qui ne deuist valloir que dis florins, il en valloit
5 soissante ou cent. Encores à grant dur en pooit on
recouvrer, et quant on estoit monté, on ne pooit
trouver point de harnas, se il ne l’avoient fait venir
avoec eux de Flandres. En che dangier se trouvoient
li François; et oultre, quant leur varlet aloient en
10 fourage pour fouragier, on leur laissoit bien cargier
leurs chevaux de tout ce que il voloient prendre et
tourser, mais au retour on les atendoit sour un pas,
où il estoient villainement destoursé et batu, et souvent
ochis, et tant que nuls varlès n’osoit aler fouragier,
15 pour le cremeur de estre mors, car sour un
mois li François perdirent plus de cent varlès, car
quant il aloient en fourage troi ou quatre ensamble,
nuls n’en retournoit.
Enssi estoient il menet, et avoec tout che li rois
20 d’Escoce se faissoit dangerer de traire avant; ossi faissoient
chevalier et escuier d’Escoce, pour le cause de
ce que il dissoient que il ne voloient point celle saisson
faire de guerre as Englès, afin que il fuissent priiet
et acatet bien et chier. Et convint, avant que li rois
25 vosist issir de la sauvage Escoce et venir en Haindebourc,
que il euist une grant somme de florins pour
lui et pour ses gens; et promist et seella messires
Jehans de Viane, qui estoit là souverains chiés de tous,
que point il ne vuideroit dou païs [si] seroient li rois
30 et toutes ses gens satisfais: autrement il n’euissent
eu nulle aide des Escos; [si] li convenoit faire che
marchié ou pieur. Et encores, quant il ot tout le milleur
[218] acord et la grignour amour qu’il peut avoir à
eux, si ne fissent il gaires de leur pourfit, sicom je
vous recorderai avant en l’istoire. Mais je voel retourner
à parler un petit des avenues de Flandres et dou
5 mariage le jone roi de France, qui se maria en celle
saisson, et comment Ardembourc fu [près] prise et
emblée, où li viscontes de Miaux et messires Jehans
de Jeumont se tenoient en garnison.
§ 443. Depuis la desconfiture qui fu faite des gens
10 que messires Riflars de Flandres mena ens es Quatre
Mestiers oultre Gant, vint en Ardembourc et fu envoiiés
en garnison messires Robers de Biethune, viscontes
de Miaulx, et trouva là messire Jehan de Jeumont et
les compaignons; et ossi il i amena environ quarante
15 lances, chevaliers et escuiers, qui tout se desiroient à
aventurer. Quant li viscontes fu là venus, si entendi
à remparer et à refortefiier la ville de tous poins.
François Acremen et cil de Gand soutilloient et visoient,
nuit et jour, comment il poroient nuire leurs ennemis
20 et porter damage; et pour itant besongnoit il bien à
ceux qui leur estoient prochain, comme cil d’Audenarde,
de Tenremonde, de Ardembourc, de Bruges,
dou Dam et de l’Escluse estoient, que il fuissent sus
leur garde et songneus de leur ville, car, au voir
25 dire, chils François Acremen i estoit mout ables pour
embler, pour eskieller et pour faire des soutieues
emprises, et tenoit et avoit dalés lui gens et compaignons
mout ables et soutils à ce faire. Et avint que,
environ l’issue de mai, François Acremen, lui set
30 mille homme tous armés, se departi de Gand, sus
celle entente que pour embler et eskieller Ardembourc,
[219] pour le convoitise de prendre et de avoir les chevaliers
et les escuiers qui dedens estoient en garnisson,
et par especial le cappitaine messire Jehan de Jeumont,
lequel il desiroient plus à tenir que nuls des aultres,
5 car il leur avoit portés et fait tant de contraires et de
damages, de ochire et de mehagnier leurs gens, ou
de crever les yoelx, ou de copper piés, poins ou
oreilles, que il ne le [pooient] amer. Et sus celle
entente s’en vinrent il par un merquedi droit au point
10 dou jour à Ardembourc, et avoient avoec eulx leurs
eschielles toutes pourveues. Et dormoient en leurs lis
tout paisiblement, sus le fiance de leur gait, li viscontes
de Miaux, messires Jehans de Jeumont, messires
Riflars de Flandres, li sires de Donmart, messires
15 Tiercelès de Montegni, messires Perducas dou Pont
Saint Marc, li sires de Longeval et messires Jehans
ses fils, messires Hues [de Suel], li sires de Lalain et
messires Renaulx de [Lonvi] et pluiseurs autres. Or
regardés le grant aventure, car ja estoit li gais de la
20 nuit presque tous retrais, et la gaite montoit en sa
garde, quant evous venu François et ces Gantois,
esquielles à leurs cols, et entrèrent en ces fossés; et
passent oultre et vienent jusques as murs, et drèchent
esquielles contremont, et commenchent à monter et
25 à ramper. D’aventure à celle heure par dedens la
ville estoient li sires de Saint Obin et uns escuiers de
Pikardie, qui s’appelle Engueranmès Zendekin, et deus
ou trois pikenaires avoec eux, et aloient tout jeuant selonc
les murs; et croi que de la nuit il avoient esté dou
30 gait, mais point n’estoient encores retrait, car, au voir
dire, se il n’euissent là estet, sans nulle faute Ardembourc
estoit prise, et tout li chevalier en leurs lis.
[220] § 444. Quant messires Gossiaux de Saint Aubin et
Engerans Zendekins voient le convenant que cil
Gantois montoient par escielles as crestiaux, et ja en
i avoit un qui devoit mettre la jambe oultre pour
5 entrer en la ville, si furent tout esbahi et non pas
sique il ne presissent confort en eux, car il veoient
bien et congnissoient que, se il s’en fuioient, la ville
estoit prise et perdue, car il venoient si à point que
entre le gait fallant et rallant et la gaite montant en
10 sa garde. «Avant! avant! dissent messires Gossiaux
et Engerandins au[s] pikenaires, vechi les Gantois!
Deffendons nostre ville, ou elle est prise.» Lors s’en
vinrent chil troi à cel endroit où li escielle estoit drechie,
et où il voloient entrer dedens. Li pikenaires
15 eskeut se pike et lance celi, et reverse ens es fossés
qui s’avanchoit d’entrer dedens.
A ces cos monta li gaite qui les perchut comment
il estoient sus les fossés, et en es fossés une grosse
bataille; si sonna en sa trompette: «Trahi! trahi!»
20 Li ville s’esmut; li chevalier, qui estoient en leurs
hostels et en leurs lis, entendirent l’effroi et le hareu
et le convenant des Gantois qui voloient embler leur
ville. Si furent tout esmervilliet, et salirent sus, et
s’armèrent dou plus tos qu’il peurent, et sonnèrent
25 parmi la ville leurs trompettes de resvellement.
Nonobstant toutes ces coses, si metoient et rendoient
grant paine li Gantois d’entrer en la ville, et
cil troi le tenoient et tinrent vaillaument plus de
demi heure contre tous, et i fissent des grans apertises
30 d’armes, et leur doit bien estre tourné à loenge.
Adont vinrent li signeur en bonne estoffe et en grant
arroi, li viscontes de Miaulx, sa banière devant lui,
[221] messires Jehans de Jeumont, son pennon devant lui,
messires Riflars de Flandres et tout li autre, et trouvèrent
le chevalier et l’escuier et le pikenaire comment
il se combatoient et deffendoient l’entrée vaillaument.
5 Là criièrent il leurs cris à le rescouse!
Et quant François Acremen et cil Gantois perchurent
l’afaire que il avoient falli à leur entente, si se
retraïssent tout bellement et requellièrent leurs gens,
et se departirent de Ardembourc, et s’en ralèrent ens
10 es Quatre Mestiers. Et furent chil de la garnison d’Ardembourc
plus songneus de garder leur ville et d’ordonner
leurs gais que il n’euissent esté, et honnourèrent
grandement entre eux les trois dessus dis,
car, se il n’euissent esté, Ardembourc estoit perdue,
15 et il avoient tout les geulles coppées.
§ 445. Vous avés bien chi dessus oï recorder comment
li dus d’Ango qui se disoit rois de Napples, de
Sesille et de Jherusalem, fist le terme de trois ans
guerre en Puille et en Calabre et à Naples à messire
20 Charle de la Pais, et comment, celle guerre faissant,
il morut. Ossi fist messires Charles de la Pais, et
voellent li aucun dire que il fu mourdris ou roiaulme
de Honguerie, par le consentement de la roïne, car,
après la mort dou roi de Honguerie, pour tant que il
25 avoit esté fils de son frère, il voloit maintenir que li
roiaulmes [lui] devoit retourner, car de son oncle, le
roi Loeïs de Honguerie, n’estoient demoret que filles.
Si s’en doubta la roïne que il ne vosist deshireter ses
filles: si fist ochire messire Charle, de laquelle mort
30 il fu grant nouvelle partout, et en fu embellie la
guerre la roïne de Naples et de son fil, le jone roi
[222] Loïs, qui se tenoient en Avignon et faissoient guerre à
Prouvence.
Le roi de Honguerie vivant, li hault baron et li
prelat de Honguerie avoient jetté leur avis que l’ainnée
5 de leurs filles, madame Marguerite, qui estoit
belle damoiselle et hiretière de grant roiaulme, on le
donroit à Loïs de France, conte de Valois, fil et frère
de roi de France, pour la cause de ce que il leur sambloit
que il demor[r]oit entre eux en Honguerie, et
10 aroient le roi Loïs recouvré. Quant li rois de Honguerie
fu mors, on envoia grans mesages en France
devers le roi et ses oncles, en monstrant que la roïne
de Honguerie pour sa fille l’ainsnée voloit avoir Loïs,
le conte de Valois. Ceste requeste sambla au roi et à
15 ses oncles et as barons de France mout haute et mout
noble, exepté une cose, que li contes de Valois eslongoit
trop sa nacion et le noble roiaulme de France.
Nequedent, tout consideré, on ne pooit veoir que ce
ne fust très haulte cose et grans pourfis pour le conte
20 de Vallois de estre rois de Honguerie, qui est li uns
des grans roiaulmes crestiiens dou monde. Si furent
li Hongriien, qui là estoient envoiiet de par le roïne
et le païs, grandement bien requelliet, et leur furent
donné biaux dons et grans presens, et avoecq eux en
25 Hongueriie s’en alèrent ambasadour de France, li
evesques de [Maillezais] et messires Jehans la Personne,
liquels, par procuracion [general], quant il fu venus
en Honguerie, espousa ou nom dou conte de Valois la
dame. Et retourna en France li evesques, et ossi fist
30 messires Jehans, qui avoit espousé la dame, et jut sus
un lit dalés li tout courtoisement. Et de ce monstroient
il lettres patentes et instrumens publiques, et tant que
[223] il s’en contentoient bien en France; et s’escripsi un
lonc tamps li contes de Valois: «Loïs de France,
rois de Honguerie.»
§ 446. Encores avés vous chi dessus oï recorder
5 comment li dus de Bourgongne et li dus Aubers de
Baivière et sires de Hainnau, de Hollandes et de Zellandes
et de Frise par bail, avoient en la cité de
Cambrai mariet leurs enffans, cascun fil et fille, auquel
mariage li jones rois de France fu et vint de grant
10 abondance. Or voellent li aucun dire, sicom je fui
adont enfourmés, que en celle sepmaine que li rois de
France et si oncle li dus de Bourgongne et li dus de
Bourbon estoient là, et li dus Aubers et les dames,
madame de Braibant, madame de Bourgongne et
15 madame de Hainnau, [que] par le promovement la
ducoise de Braibant, on traita là un mariage secretement
dou jone roi de France et de madame Isabel,
fille au duc Estiène de Baivière; car li rois Charles de
France, de bonne memoire, ou lit de la mort, avoit
20 ordonné que Charles, ses fils, fust assegnés et mariés,
se on en pooit veoir lieu pour lui, en Alemaigne, par
quoi des Alemans plus grans aliances se fesissent as
François, car il veoit que li rois d’Engletière estoit
mariés à le soeur dou roi d’Allemaigne, dont il valoit
25 mieux.
La ducoise de Braibant, qui estoit une dame bien
imaginans, toutes ces coses remonstra as oncles dou
roi et à son conseil en le cité de Cambrai, comme
celle jone dame estoit fille d’un grant signeur en Allemaigne
30 et li plus grans des Baiviers, et que grans
aliances s’en feroient as Alemans, et pooit li dus
[224] Estièvenes rompre trop de pourpos de haus signeurs
en l’empire, car il i estoit ossi grans ou plus que li
rois d’Alemaigne. Che fu la condicion qui plus enclina
le conseil de France à perseverer en celle besongne,
5 et toutesfois il fu mout secretement demenés, et en
savoient trop petit de gens parler jusques à tant qu’il
fu fait. La raison pour quoi, vous l’orés. Il est d’usage
en France, que quelconques dame, com fille de hault
signeur que elle soit, que il convient que elle soit
10 regardée et avisée toute nue par dames, à savoir se
elle est propise et fourmée à porter enfans. Oultre,
pour ce que celle dame estoit de lontain païs et tant
que de Baivière, li amenée en France, on ne savoit se
elle seroit en la plaisance dou roi: autrement c’estoit
15 tout romput. Pour ces raisons furent ces coses tenues
en secret, et fu la dame environ le Pentecouste amenée
en Braibant, dalés la ducoise, qui le rechut liement
et qui l’ordonna à l’usage de France. Et estoit
en sa compaignie li dus Fedris de Baivière, ses oncles,
20 et par lequel li mariages, au voir dire, estoit premierement
promeus, par le manière et raison que je
vous dirai.
§ 447. Quant li dus Fedris de Baivière vint premierement
en France et il fu devant Bourbourc ou service
25 dou roi de France, voirs est que il fu festiiés et
conjoïs des oncles dou roi et des roiaulx mout grandement,
pour la cause de ce que il estoit venus servir
le roi de lonch païs de Baivière et de plus de deus
cens lieues loing. Si tinrent dou dit duc le service à
30 grand, et fu tousjours logiés mout priès dou roi, en
cause d’amour, et acompaigniés des oncles dou roi.
[225] Et quant il se departi de Baivière, il quida certainement
que li rois de France et li rois d’Engletière
deuissent avoir en la marce de Flandres ou de France
bataille adrechie ensamble, sicom la vois et renommée
5 couroient adont par tout[e] Alemaigne; et pour ce l’en
savoient li rois de France et si oncle plus grant gret.
Et estoit avenut, estant en che voiage de Berghes et
de Bourbourc, que li oncle dou roi, enssi que signeur
se devisent ensamble, li avoient demandé mout amiablement
10 se il n’avoit nulle fille à marier, et que il convenoit
une femme au roi de France, e[t] plus chier
l’aroient il à marier en Baivière que ailleurs, car li
Baivier anchiennement ont toudis esté dou conseil de
France. A ces parolles avoit respondu li dus Fredis et
15 dit que nenil, mais ses frères ainsnés li dus Estièvenes
de Baivière en avoit une belle. «Et de quel
eage?» avoient demandé li oncle dou roi. «Entre
trèse ans et quatorse,» avoit respondu li dus Fedris.
Dont dissent li oncle dou roi: «C’est tout ce que il
20 nous faut. Vous retourné en Baivière, parlés ent à
vostre frère, et amenés vostre [niepce] en pelerinage
à Saint Jehan d’Amiens, et li rois sera contre li. Se il
le voit, espoir le golousera il, car il voit volentiers
toutes belles coses et les aime; et, se elle li eschiet
25 en coer, elle sera roïne de France.»
Enssi alèrent les premières convenences, ne plus
n’i ot dit ne fait; et n’en savoit li rois de France noient
que on eust parlé de son mariage. Et quant li dus
Fedris fu retournés en Baivière, il remonstra toutes
30 ces parolles à son frère le duc Estièvene, qui pensa
mout longuement sus, et li respondi: «Biau frère,
je croi mout bien que il soit enssi que vous me dites,
[226] et ma fille seroit [bien] ewireuse, se elle pooit escheïr
ne venir à si haute honneur comme de estre roïne de
France; mais il est moult loing de chi, et si i a trop
grant regard à faire une roïne et femme dou roi. Si
5 seroie trop courouchiés, se on avoit mené en France
ma fille, et puis elle me fust renvoiie; je ai asés plus
chier que je le marie à mon aisse dalés moi.»
Che fu la response que li dus Estièvenes avoit donné
à son frère, de quoi li dus Fedris s’en contentoit
10 assés, et en avoit escript auques sus celle fourme as
oncles dou roi, à son oncle le duc Aubert et à
madame de Braibant, asquels il en avoit parlé à son
retour, et quidoit bien que on euist mis en noncalloir
toutes ces coses. Et ossi on parloit dou mariage dou
15 roi ailleurs, et se fust assés tos li rois accordés à la
fille dou duc de Loeraine, car elle estoit mout belle
damoisselle et de son eage ou assés priès, et de grant
et noble generacion de ceux de Blois. Et ossi parlé fu
de la fille dou duc de Lancastre, qui puis fu roïne de
20 Portingal, mais on n’i pooit trouver nul bon moiien
pour leur guerre: si convint la cose demorer.
Or remist sus la ducoise de Braibant, quant elle fu
à Cambrai as mariages dessus dis de Bourgongne et
de Hainnau (et li rois de France et si doi oncle i
25 furent, li dus de Bourgongne et li dus de Bourbon),
le mariage de Baivière, et dist bien que c’estoit le plus
pourfitable et le plus honnerable, pour la cause des
aliances qui en pooient descendre et venir des Allemans,
que elle seuist à present pour le roi. «Voire,
30 dame, respondirent li oncle dou roi, mais nous n’en
oons nulles nouvelles.»--«Or vous taissiés, dist la
ducoise, je le ferai traire avant, et en orés nouvelles
[227] en cel esté sans nulle faute.» Les promesses de la
ducoise furent averies, car elle fist tant que li dus
Fedris, ses oncles, en fina à son frère le duc Estièvene
de l’amener, sicom vous oés et orés enssieuant. Et
5 dissoient sus leur chemin que il aloient en pelerinage
à Saint Jehan d’Amiens; toutes gens le supposoient
ensi, car Alemant vont volentiers en pelerinage, et
l’ont eu et le tiennent d’usage.
§ 448. Quant li dus Fedris et sa [niepce], madamoisselle
10 Isabel de Baivière, orent esté à Brouxelles trois
jours dalés la ducoise, il s’en partirent et prissent
congiet; mais che fu bien li intencion de le ducoise,
et leur promist à leur departement, que elle seroit
ossi tos à Amiens comme eux, ou devant, et que elle
15 i vosist ossi aler en pelerinage; sus cel estat faisoit
elle ordonner ses besongnes. Or vinrent li dus Fedris
et sa [niepce] en Hainnau, et droitement au Quesnoi,
où il trouvèrent le duc et la ducoise, et Guillaume de
Hainnau, qui se nommoit et escripsoit contes d’Ostrevant,
20 et madame sa femme, fille au duc de Bourgongne,
liquel et lesquelles rechurent liement et doucement
le duc Fedri de Baivière, car li dus Aubers
en estoit oncles, et leur cousine ossi. «Et conment
en avés vous finet de l’amener?» demandèrent
25 li dus Aubers et sa femme, car bien savoient que
leurs cousins, li dus Estièvenes, pour les incidensses
dessus dites i avoit esté grandement rebelles. «Je le
vous dirai, respondi li dus Fredis, j’en ai eu mout de
paine, et toutesfois j’ai tant mené et tané mon frère
30 que je l’ai en ma compaignie. Mais, au congiet
prendre, après che que il ot baissié sa fille, il m’apella
[228] d’un lés, et me dist enssi: «Or, Fedri, biau
frère, vous en menés Isabiel, ma fille, et sans nul seur
estat, car, se li rois de France ne le voelt, elle sera
virgondée à tous les jours qu’elle vivera. Si vous avisés
5 bien au partir, car, se vous le me ramenés, vous
n’arés pieur ennemi de moi.» Or regardés dont, biaux
oncles, et vous, belle ante, en quel parti je me sui
mis pour l’avancement de ma [niepce]!» Dont respondi
la ducoise: «Biaus cousins, n’en faites nulles
10 doutes, Dieux i ouvera, elle sera roïne de France: si
serés quites de ces manaces, si arés le gret et l’amour
de vostre frère.»
§ 449. Enssi se tinrent au Quesnoi en Hainnau li
dus Fedris et sa [niepce], dalés leur oncle et la ducoise
15 et leurs enffans, bien trois sepmaines; et endoctrinoit
la ducoise, qui fu mout sage, tous les jours en manières
et en contenances le jone fille de Baivière,
quoique de sa nature elle estoit propre et pourveue de
sens et de doctrine, mais point de françois elle ne
20 savoit. La ducoise Marguerite de Hainnau ne laissa
mies sa cousine en l’abit ne en l’arroi où elle estoit
venue, car il estoit trop simples selonc l’estat de
France, mais le fist parer, vestir et ordonner de
toutes coses ossi richement et grandement que dont
25 que ce fust sa fille. Et quant tout fu acompli et li
jours vint que on deut partir, la ducoise et elle et sa
fille de Bourgongne en grant arroi se departirent dou
Kesnoi, et prissent le chemin de Cambrai, et esploitièrent
tant li dus Aubers, li dus Fedris, Guillaumes
30 de Hainnau et leur compaignie, que il vinrent à
Amiens.
[229] Ja i estoit venue par un autre chemin la ducoise de
Braibant; ossi estoient li rois, li dus de Bourgongne
et la ducoise de Bourgongne et li consaulx dou roi. Li
sires de la Rivière et messires Guis de la Tremoulle,
5 baron, chevalier et escuier issirent hors de la citté
d’Amiens contre la venue de la ducoise de Hainnau,
et la convoièrent jusques à son hostel. Or furent chil
signeur et ces dames enclos dedens Amiens, et commenchièrent
à viseter et à conjoïr l’un l’autre, et à faire
10 des honneurs grant fuisson; et trop petit de gens
savoient, fors li troi duc qui là estoient et les trois
ducoises et leurs enfans, et li sires de la Rivière et
messires Guis de la Tremoulle et li sires de Couchi
(car li dus de Berri l’en avoit un petit devant environ
15 le Saint Jehan parlé en Avignon, si estoit là venus en
grant quoite), pour quoi cil signeur et ces dames
estoient là asamblé. Mais à paines pooit li rois dormir
pour frefel de veoir celle qui fu puis sa femme,
et demandoit au signeur de la Rivière: «Et quant le
20 verai je?» De ces paroles avoient les dames bon ris.
Le venredi, quant le jone dame fu parée et ordonnée
enssi comme à li appartenoit, les trois ducoises
l’amenèrent devers le roi. Quant elle fu devant le roi,
elle s’engenilla tout bas; li rois vint vers li, et le prist
25 par le main, et le fist lever et le regarda de grant
manière. En che regart, plaisance et amour li entrèrent
ou coer, car il le veï belle et jone, et si avoit grant
desir dou veoir et de l’avoir. Adont dist li connestables
de France au signeur de Couchi et au signeur
30 de la Rivière: «Ceste dame nous demor[r]a; li rois
n’en puet oster ses ioels.»
Adont commenchièrent à parler ces dames et cil
[230] signeur ensamble, et la jone dame en estant se tenoit
toute quoie et ne mouvoit oel ne bouce, ne ossi à ce
jour elle ne savoit point de françois.
Quant on ot là esté une espasse, les dames prissent
5 congiet au roi, et se retraïssent et ramenèrent leur
fille; et retourna en le compaignie de madame de
Hainnau et de sa fille d’Ostrevans. Encores ne savoit
on point l’intencion dou roi, mais on le sceut asés tos,
car li dus de Bourgongne en carga le signeur de la
10 Rivière, quant li rois fust retrais, que il l’en parlast
et li demandast quel cose il li sambloit de la jone dame,
et se elle li plaisoit pour prendre à femme. Et le fist
li dus, pour ce que li rois s’en descouveroit plus hardiement
au signeur de la Rivière que à nullui. Si li
15 demanda sus son retrait: «Sire, que dites vous de
celle jone dame? Nous demor[r]a elle? Sera elle roïne
de France?»--«Par ma foi, ce dist li rois, oïl; nous
ne vollons autre, et dites à mon oncle de Bourgongne,
pour Dieu, que on s’en delivre.»
20 Li sires de la Rivière issi tantos hors de la cambre,
et rentra en une autre, où li dus de Bourgongne estoit;
[si] li fist celle responce: «Dieux i ait part, dist li
dus de Bourgongne, et nous le vollons ossi.» Tantos
il monta à cheval, acompaigniés de haulx barons, et
25 s’en vint à l’ostel de Hainnau, et i aporta ces nouvelles,
dont on fu tout resjoï, che fu raisons. A ces mos on
cria: «Noces!» Or furent li signeur et les dames
ensamble ce venredi, pour avoir conseil où on espouseroit.
Si fu ordonné que on se departiroit d’Amiens,
30 et venroit on à Arras espouser et faire les festes des
noces; c’estoit li intencion des oncles dou roi et dou
conseil de France. Et sus cel estat, le venredi au soir,
[231] on s’arresta, et ala on couchier. Le samedi au matin,
cambrelent et varlet se departirent pour chevauchier
vers Arras, [pour] prendre les hostels et apparillier
cambres. Et quidoient li signeur et les dames partir
5 après disner et venir jesir à Encre, ou à Bapaumes, ou
à Biauquesne; mais cils consaulx se transmua, car
quant li rois ot oï sa messe, il veï que varlet s’apar[i]lloient
et toursoient pour aler leur chemin; si demanda
au signeur de la Rivière: «Buriel, quel part irons
10 nous?»--«Sire, respondi cils, il est ordonné de
messire vostre oncle, que vous à Arras espouserés et
tenrés les noces.»--«Et pour quoi? dist li rois. Ne
somme[s] nous pas bien chi? Otant vault à espouser chi
comme à Arras.» A ces mos vint li dus de Bourgongne,
15 et entra en la cambre dou roi. Adont li dist li
rois: «Biaus oncles, nous volons chi espouser en celle
belle eglise d’Amiens; nous n’avons que faire de plus
detriier.»--«Monsigneur, dist li dus, à le bonne
heure! Il me faut dont aler devers ma cousine de
20 Hainnau, car elle estoit enfourmée de partir de chi et
traire autre part.» Adont se parti li dus de Bourgongne,
et li contes de Saint Pol s’en ala devers le
ducoise de Braibant dire ces nouvelles.
§ 450. Or vint li dus de Bourgongne devers
25 madame de Hainnau, le connestable, messire Gui de
la Tremoulle, le signeur de Couchi et pluiseurs autres
en sa compaignie. Si entra li dus en la cambre de la
ducoise, et le trouva et le mariée, qui seroit sa cousine,
dalés li. Li dus les enclina et salua, enssi comme
30 il appartenoit, car bien le sot faire, et puis dist à la
ducoise tout en riant: «Madame et belle cousine,
[232] monsigneur a brisiet nostre pourpos d’aler à Arras,
car la cose li touque de trop priès de ce mariage. Il
m’a congneut que il ne pot anuit dormir de penser à
sa femme qui sera: siques vous vos reposerés meshui
5 et demain en ceste ville, et lundi nous garirons ces
deus malades.» La ducoise commencha à rire, et dist
au duc: «Dieux i ait part!» Li dus se departi, et
retourna devers le roi. Enssi demora la cose en cel
estat le samedi et le dimence tout le jour, et s’ordena
10 on pour espouser à l’endemain.
§ 451. Che propre samedi au soir estoit partis des
Quatre Mestiers François Acremen, là où il s’estoit
retrais, atout bien set mille hommes, quant il ot falli
à prendre Ardembourc; et avoit en convenant à ceux
15 de Gand, à messire Jehan [le] Boursier, à Piètre dou
Bos et as autres cappitaines, que jamais ne renteroit
en Gant si aroit pris ou Bruges, ou Ardembourc, ou le
Dam, ou l’Escluse, car li Gantois, qui estoient enfourmé
dou voiage d’Escoce, où li amiraulx de France et grant
20 fuisson de bonne chevalerie en sa compaignie [devoit
aller] pour guerriier Engletière, metoient grant paine
que li rois de France et les gens d’armes de France,
qui estoient demoret ou roiaulme, fussent si ensonniiet
que plus n’en passassent la mer, car vois et renommée
25 couroient, et on en veoit aucuns apparans, que
li connestables et li sires de Saint Pol et li sires de
Couchi, à grant fuisson de gens d’armes et de Jenevois,
devoient entrer en Engletère, pour reconforter
leurs gens. François Acremen, qui estoit appers homs
30 en armes et soutils, metoit toutes ses ententes à grever
ses ennemis, pour avoir la grace et l’amour de
[233] ceux de Gand; et issi che samedi hors, sicomme je
vous ai dit, d’un païs que on dist les Quatre Mestiers,
et vint toute nuit costiier Bruges, et le quida prendre
et embler, mais il ne pot, car elle estoit trop bien
5 gardée. Quant il veï que il avoit falli, il s’en alla vers
le Dam, et vint là au point dou jour, et encontra
ses espies que il avoit envoiiet le samedi, car en
un bosquet près de là, entre le Dam et Ardembourc,
il avoit jetté une embusque. Ses espies, quant il
10 l’encontrèrent, si li dissent: «Sire, il fait bon au Dam.
Messires Rogiers de Ghistelle, la cappitaine, n’i est
point; il n’i a que dames.» Il dissoi[en]t voir, car che
samedi il estoit venus à Bruges atout vint lances; si
n’en estoit encores rallés, dont il fu depuis grandement
15 blasmés. Mais, au partir, il se confioit en ceux
de la ville qui estoient, che li sambloit, gens assés,
[et] en son lieutenant.
§ 452. Quant François Acremen entendi ses espies
qui venoient dou Dam, [et] que messires Rogiers de
20 Gistelle n’estoit point ou Dam, et que il i avoit foible
garde, si en fu tous resjoïs. Et lors parti ses gens en
deus, et prist la menre part pour faire mains de friente,
et leur dist: «Alés tout le pas devers celle porte, et
ne faites point de noise. Quant vous oés corner, si vous
25 traiés vers les bailles; rompés et decopés tout. Nous
abaterons d’autre part la porte. Tant de gens que nous
sommes, n’i enteriens jamais par eschielles. La ville
est nostre, je n’en fai nulle doubte.» Enssi comme il
ordonna, il fu fait. Il s’en vint avoec ceulx que il volt
30 prendre, et laissa la grignour part de ses gens derière;
et s’en vinrent li premier atout esquielles, et entrèrent
[234] ens es fossés, onques n’i ot contredit, et passèrent le
bourbe, et apoièrent leurs eschielles as murs et i
montèrent: onques nuls ne s’en perchut. Si furent en
la ville, et vinrent sans dangier, en sonnant leurs cornès
5 à le porte, et en furent signeur, car encores dormoient
li bon homme de la ville en leurs lis, et li gais
de la nuit s’estoit retrais, car li jours estoit biaux et
clers. Che fu le dis et setime jour de jullet, que François
Acremen eschiella la ville dou Dam.
10 Quant il furent venu à la porte, tantos, de bonnes
haches et quingnies que il avoient, il coppèrent le
flaiiel; et cil de dehors rompirent et coppèrent ossi
les bailles, et fissent voie toute apparillie. Li ville dou
Dam se commencha à esmouvoir et à resvillier, mais
15 che fu trop tart, car li homme furent pris en leurs
hostels et en leurs lis, et ceux que on trouvoit armés,
on ochioit sans merchi. Enssi conquissent che diemence
au matin li Gantois la bonne ville dou Dam, et
grant avoir dedens, et par especial de vins de Malvesies
20 et de Grenaces. Li cellier en estoient tout plain:
si eurent desquels qu’il vorent, ne il n’i avoit point de
contredit; et me fu dit que, de l’avoir de ceulx de
Bruges, il trouvèrent assez là dedens, que il i avoient
mis et porté sus le fiance dou fort lieu, et par especial
25 li rice homme de Bruges, pour le doubtance des
rebellions dou menu peuple.
§ 453. François Acremen, quant il se veï sires dou
Dam, fu grandement resjoïs, et dist: «Or, ai je bien
tenu à nostres gens de Gand ce que je leur ai promis,
30 que jamais en Gand je ne renteroie si aroie pris une
bonne ville en Flandres. Ceste ville dou Dam est
[235] bonne assés; elle nous venra bien à point, pour mestriier
Bruges et l’Escluse et Ardembourc, et tout le
païs jusques à Ippre.»
Il fist tantos un ban et un commandement, et sus la
5 teste, que as gentils dames et damoisselles, qui dedens
le Dam estoient, nul n’atouchast ne fesist mal. Si en
i avoit il des dames jusques à set, toutes femmes
de chevaliers de Flandres, qui estoient venues veoir
la dame de Duisielles, la femme à messire Rogier de
10 Gistelle, qui estoit si enchainte que sus ses jours.
Tout li homme dou Dam, qui ne vorent estre, et tantos,
de la partie François Acremen, furent mort. La
ville conquise, tantos on entendi au remparer.
Quant les nouvelles furent venues à Bruges de la
15 ville dou Dam comment elle estoit prise, si en furent
grandement esbahi, et à bonne cause, car elle leur
estoit trop prochaine. Tantos, sicom pour le rescoure,
on cria: «A l’arme!» et s’armèrent tout cil de la ville et li
chevalier qui dedens estoient, et s’en vinrent banières
20 desploiies jusques au Dam, et commenchièrent [à]
escarmuchier as barières et à livrer assault; mais il
trouvèrent gens assés pour le garder et deffendre, et
perdirent plus à l’asallir que il ne gaaignièrent. Quant
il veïrent que il ne feroient autre cose, si retournèrent,
25 car il perdoient là leur tamps, ne elle n’estoit pas à
prendre si legierement sans lonc siège. Quant les nouvelles
en vinrent en la ville de Gand, vous poés bien
croire et savoir que il en furent grandement resjoï,
et tinrent ceste emprise à hautaine et François Acremen
30 à vaillant homme et sage guerieur.
§ 454. Nous retournerons as espousailles le roi
[236] Charle de France, et conterons comment on en persevera.
Quant che vint [le lundi], la ducoise Marguerite
de Hainnau, qui avoit en son hostel la jone dame
qui devoit estre roïne de France, ordonna et aparilla
5 la marié[e] enssi comme à li appartenoit et que bien
le savoit faire; et là vint la ducoise de Braibant bien
aconpaignie de dames et de damoisselles, et puis vint
ossi la ducoise de Bourgongne. Ces trois ducoises
amenèrent en cars couvers, si rices que il ne fait pas
10 à demander, la jone dame Isabel de Baivière, la couronne
ou chief qui valoit l’avoir d’un païs, que li rois
le diemence li avoit envoïe. Et là estoient en grant
arroi li dus Aubers, li dus Fedris, Guillaumes de
Hainnau et baron et chevalier de leur costé; et descendirent
15 tout devant la belle eglise catedral d’Amiens.
Tantos vint li rois et li dus de Bourgongne, et Jehans
de Bourgongne, et le grande baronnie de France. Si
fu la jone dame amenée en l’eglise de ces dames et
de ces seigneurs très exellentement; et là furent
20 espousé solempnellement li rois et elle, et les espousa
li evesques dou dit lieu.
Après la haute messe et les solempnités faites qui
en mariage appartenoient à faire, on se retraïst ou
palais de l’evesque, où li rois estoit logiés; et là fu li
25 disners des dames à par elles, et dou roi et des
signeurs à par eux, et ne servoient que conte et
baron. Enssi se persevera celle journée en grans sollas
et en grans reviaux; et au soir les dames couchièrent
le mariée, car à elles appartenoit li offices,
30 et puis se coucha li rois qui le desiroit à trouver en
son lit. Si furent en deduit celle nuit, che poés vous
bien croire.
[237] Ordonné estoit le lundi au soir que, le mardi après
boire, signeur et dames se partiroient, et s’en retourneroient
cascuns et cascune en son païs, et prenderoient
congiet au roi et à la roïne. Evous que che
5 mardi, environ noef heures, nouvelles vont venir à
Amiens que François Acremen avoit pris et eskiellet
le ville dou Dam. Ces nouvelles s’espardirent partout.
Li François, che fu raisons, en furent tourblé, mais
par samblant il n’en fissent compte. Li rois de France,
10 après sa messe, le sceut: si pensa sus un petit. Ossi
fissent li dus de Bourgongne et li connestables de
France, et tantos il n’en fissent compte, car en celle
propre heure autres nouvelles vinrent de Poito, qui
fissent entroubliier celles de la prise dou Dam, car
15 uns hiraus de par le duc de Bourbon vint là, qui
aporta lettres au roi, au duc de Bourgongne et au
connestable, qui faisoient mencion et [cer]tefioient que
Thaillebourc, pont et castiel, sus la Carente, estoient
rendu; et s’en aloient li dus de Bourbon et ses routes
20 mettre le siège devant [Vretuel], et avoient en Poito,
en Saintonge et en Limosin li François raquis sis
forterèces englesces.
§ 455. Ches nouvelles resjoïrent le court dou roi
et les signeurs, et mist on en noncalloir celles dou
25 Dam, fors tant que il fu là consilliet et dit que li rois
n’entenderoit jamais à autre cose si aroit esté en
Flandres et reconquis le Dam, car ce estoit uns trop
perilleux voisins pour ceux de Bruges et de l’Escluse,
et iroit si avant en ces Quatre Mestiers, dont cil
30 venins estoit issus, que il n’i demor[r]oit maison ne
buiron, que tout ne fust ars et exilliet.
[238] Adont furent mis clerc en oevre, et mesagier envoiiet
par toutes les mettes et chaingles dou roiaulme de
France, et en mandant et commandant que le premier
jour d’aoust cascuns fust venus en Picardie pour
5 aler devant le Dam.
Cil mandement s’espardirent parmi le roiaulme de
France. Si se ordonnèrent et aparillièrent chevalier et
escuier pour estre à amour devers le roi.
Che mardi que les nouvelles vinrent à Amiens au
10 roi, se departirent tout signeur et toutes dames après
disner, et prissent congiet au roi et à la roïne.
Au congiet prendre, li rois requist à Guillaume de
Hainnau que il vosist venir avoecques lui devant le
Dam par amour et par linage. Guillaumes, qui estoit
15 jones bacelers, li acorda liement et legierement. Or
se partirent signeur et dames, et retournèrent en lors
lieux. Li dus Fedris s’en retourna en Hainnau avoec
sen bel oncle et sa belle ante; et, quant il ot là
sejourné dis jours, il prist congiet et s’en retourna
20 en Baivière devers le duc Estièvene, son frère, qui le
rechut liement, che fu raisons, car il avoit, par la
grace de Dieu, si bien esploitié que sa fille Isabel
estoit li une des plus grandes dames dou monde.
§ 456. Li rois de France, qui avoit fait son mandement
25 par tout son roiaulme, dist que jamais ne
retourneroit à Paris si aroit esté devant le Dam; et
se departi de [Amiens], le vint et cinquime jour dou
mois de jullet, son oncle et li connestables, le conte
de Saint Pol et le signeur de Couchi et grant barongnie
30 en sa compaignie, et s’en vint à Arras; et ne fu
là que une nuit. Quant il s’en parti, et vint à l’endemain
[239] jesir à Lens; et toudis venoient gens d’armes de
tous costés. Puis vint li rois à Seclin et à Lille, et
passa oultre, et vint à Ippre, et à l’endemain, le premier
jour d’aoust, il fu devant le Dam, et se loga si
5 priès de la ville que li très passoit par dessus sa [tente].
Trois jours après, vint Guillaumes de Hainnau, qui fu
li bien venus dou roi et dou duc de Bourgongne. Là
fu mis li sièges devant le Dam, grans et biaulx, et
enclos François Acremen dedens, qui s’i porta vaillaument;
10 et tous les jours, se il n’i avoit trieues ou
respis, i avoit assaus ou escarmuces de ceux dehors à
ceux dedens. Et fu li sires de Clari, vermendissiens,
qui estoit maistres des canons le signeur de Couchi,
en alant vers la ville veoir les canons, trais d’un quarel
15 de canon de ceux de dedens, dou quel trait il
moru, dont che fu damages.
Au siège dou Dam vinrent cil des bonnes villes de
Flandres, de Bruges, d’Ippre et de tout le Franc de
Bruges; et i avoit à ce siège plus de cent mille
20 hommes. Et estoit li rois logiés entre le Dam et Gand;
et estoit cappitaines de toutes ces communautés de
Flandres li sires de Sempi, et avoit à compaignon le
signeur de Ghistielles, atout vint et cinc cens lances,
[et] estoient logiet droit enmi eux, afin que il ne se
25 revelaissent.
§ 457. A un assaut qui fu fais devant le Dam, où
tout li signeur furent, qui fu très grans et très durs
et qui dura un jour tout entier, fu fais chevaliers nouviaux
Guillaumes de Hainnau de la main et de la bouce
30 dou roi de France; et bouta hors ce jour ses banières,
et fu très bons chevaliers en sa nouvelle chevalerie.
[240] A cel assaut ne conquissent riens li François, mais
i perdirent plus que il n’i gaegnièrent, car François
Acremen avoit avoecques lui là dedens des archiers
d’Engletière, qui grevoient moult les assallans; et ossi
5 il i avoit grant fuisson d’artellerie, car la ville, en
devant que elle fust prise, en estoit bien pourveue,
et ossi il en avoient fait venir et aporter de Gand,
quant il seurent que il aroient le siège.
Entrues que on seoit devant le Dam, furent li
10 homme de l’Escluse, voire li aucun et li plus notable
de la ville qui pour le tamps l’avoient à gouvrener,
encoupet de une grant trahison que il voloient faire
au roi de France, car il devoient delivrer l’Escluse à
ses ennemis, et devoient leur cappitaine et toutes ses
15 gens (un chevalier qui s’appelloit le signeur de Herbaumés)
mourdrir en leurs lis; et devoient bouter le
feu en la navie dou roi de France, qui là s’arestoit à
l’ancre, qui estoit grande et grosse, et mout i avoit
de belles pourveances, car, en devant la prise dou
20 Dam, li rois de France avoit intencion d’aler en
Escoce apriès son amiral. Encores devoient ces
malles gens de l’Escluse rompre les diques de la mer,
pour noiier toute l’ost, et de che avoient il marcandé
à ceux de Gand, sicom il fu sceu depuis. Et devoient
25 toutes ces traïsons faire sus une nuit, et l’euissent
fait, mais uns preudons de la ville, sicom Dieulx le
volt consentir, entendi, en un hosteil où il pourparloient
leur traïson, toutes leurs parolles. Si vint tantos
au signeur de Herbaumés, et li dist: «Il est
30 enssi: tels gens et tels ([si] les nomma tous par non
et par surnon, car bien les congnissoit) doient faire
telle traïsson.» Et quant li chevaliers l’entendi, si en
[241] fu tous esbahis, et prist tantos ceux de sa carge, où
bien avoit soissante lances, et s’en ala de maison en
maison de ceux [qui la traïson avoient pourpensée],
et les prist tous, et les fist mettre en diverses prisons
5 et bien garder, et puis monta tantos à cheval et vint
devant le Dam en la tente dou roi. A celle heure i
estoit li dus de Bourgongne. Là leur recorda li chevaliers
tout l’afaire enssi comme il aloit, et comment
la ville de l’Escluse avoit esté en grant aventure de
10 estre prise et trahie, et toute li ost sus une nuit estre
en l’aighe jusques à le boudinne.
De ces nouvelles furent li signeur mout esmervilliet,
et dist li dus de Bourgongne au chevalier:
«Sire de Herbaumés, retournés à l’Escluse, et ne les
15 gardés point longhement; faites les tous morir, il ont
bien deservi mort.» A ces parolles se departi li
chevaliers, et s’en retourna à l’Escluse, et furent tantos
decollé cil qui ceste traïson avoient pourparlé.
En celle propre sepmaine, jeta son avis li dus de
20 Bourgongne à faire traitier devers son cousin messire
Guillaume de Namur, pour avoir l’Escluse en hiretage
et ajouster avoecques la conté de Flandres, et li
rendre terre ailleurs en France ou en Artois, par
manière d’escange, qui li fust ossi pourfitables en
25 rentes et en revenues comme la terre de l’Escluse est.
Et [de] tout ce avisa le dit duc messires Guis de la Tremoulle,
car en l’esté atout grant gent d’armes il avoit
sejourné à l’Escluse. Si en fist traitier li dus devers
son cousin par ceulx de son conseil, car il estoit là en
30 l’ost à grant gent d’armes venus servir le roi.
§ 458. Quant messires Guillaumes de Namur fu
[242] premierement aparlés de ceste marcandisse, [si] li
vint à grant contraire et desplaissance, car li ville de
l’Escluse, et les appendances parmi les avenues de la
mer, est uns biaux et grans et pourfitables hiretages,
5 et si leur estoit venus à ceux de Namur par partage
de frères, car li contes Gui de Flandres et li contes
Jehans de Namur avoient esté doi frère; si en amoit
mieux la terre messires Guillaumes de Namur.
Nonobstant tout ce, puis que li dus de Bourgongne
10 l’avoit encargié, il convenoit que il se fesist, car ce
estoit li intencion dou duc, mais que il fust sires [de
l’Escluse], et de son conseil, que il feroit là faire l’un
des fors et des biaux castiaux dou monde, enssi
comme il i a à Calais, à Harflues ou à Chierebourc,
15 pour esmestriier le mer, les alans et les venans
entrans ou havene de l’Escluse, et issans ossi et courans
parmi la mer, et le feroit tousjours bien garder
de gens d’armes et d’arbalestriers, de barges et de
balenghiers; ne nuls n’iroit ne ne cour[r]oit par mer
20 que ce ne fust par leur congiet, se il n’estoient plus
fort d’eux, et seroit fais si haux que pour veoir vint
lieues en la mer. Tant fu messires Guillaumes de
Namur menés et priiés dou duc et de son conseil, que
il s’acorda à ce, et faire li convenoit, autrement il
25 eust eu le mautalent dou duc, que il rendi et ahireta
le duc de Bourgongne de la terre de l’Escluse et de
toute la signourie; et li rendi en che lieu toute la
terre de Bethune, qui est uns biaux hiretages et grans,
pour lui et pour ses hoirs. Enssi fu fais li escanges de
30 ces deus terres, et tantos li dus de Bourgongne mist
ouvriers en oevre, et fu commenchiés à edefiier li
castiaux de l’Escluse.
[243] § 459. Nous parlerons dou siège dou Dam et conterons
comment il se persevera. Priesque tous les
jours i avoit assaut ou de jour à autre, et entre les
assaux i avoit ossi as portes et as barières escarmuces,
5 et des gens mors et blechiés; et ne pooit on
aisse avenir as murs de la ville, pour les fossés qui
estoient plain de bourbe et d’ordure, et, se il euist fait
un tamps pleuvieux, cil de l’ost euissent eu trop à
faire, et les convenist estre deslogiés, vosissent ou
10 nom. Mais, un mois ou environ que li sièges fu là
devant le Dam, onques ne pleut, mais faissoit biel et
chaut et seck, et avoient en l’ost assés largement de
tous vivres, et pour le punaisie des bestes que on
tuoit en l’ost et des chevaux qui i moroient, li airs en
15 estoit ensi que demi corrompus, dont mout de bons
chevaliers et escuiers furent malade, et s’en aloient li
aucun rafreskir à Bruges. Et vint li rois de France
logier, tels fois fu, à Malle, pour eslongier ce mauvais
air; mais toudis estoient ses tentes et si pavillon
20 tendu sus les camps. Li intencion de François Acremen
estoit telle que il tenroit là le roi si longuement
que secours d’Engletière leur venroit pour lever le
siège; et il est tout certain que sus cel espoir se
tenoient il dedens le Dam, et avoient envoiiet en
25 Engletière querre confort et secours, et i fuissent
venu li oncle dou roi, il n’est nulle doubte, fors assés
à leur avis de gens d’armes et d’archiers pour combatre
le roi et les François, se li amiraux de France
et sa carge de gens d’armes ne fust en Escoce. Mais
30 ce que li signeur d’Engletère sentoient les François
fors ou roiaulme d’Escoce, et leur disoit on encores
que li connestables de France atout grant [gent]
[244] d’armes venroit par mer en Engletière, les detria à
nom venir en Flandres, et n’en furent point conforté
cil dou Dam, dont il leur convint faire un mauvais
marchiet.
5 § 460. Le vint et setime jour d’aoust, l’an dessus
dit, fu la ville dou Dam reprise dou roi de France et
des François, je vous dirai par quelle manière. Quant
François ot là tenu le roi de France à siège environ
un mois, et que il veï que artellerie leur defalloit en
10 la ville et que nuls secours ne leur apparoit de nul
costé, si se commencha à esbahir, et dist à ceux de
son conseil le jour au soir dont il se parti la nuit:
«Je voel que entre nous de Gand en alons nostre
chemin anuit arière en nostre ville, et le dites enssi
15 l’un à l’autre, et tout ce soit tenu en secret, car, se li
homme de ceste ville le savoient que nous les vosissons
laissier, il feroient, pour eux sauver leurs
femmes et leurs enffans et le leur, aucun traitiet
mauvais pour nous au roi de France, et nous renderoient;
20 parmi tant il demor[r]oient en paix, et nous
seriens tout mort. Mais je les en garderai bien; nous
nos tenrons tout ensamble, et irons autour de la ville
veoir le gait, et meterons hommes et femmes ens ou
moustier, et leur dirons que nous les mettons là pour
25 la cause de ce que à l’endemain matin nous devons
avoir l’assaut, et dirons à ceux dou gait à mienuit,
quant je ferai ouvrir la porte, que nous isterons hors
pour aler resvillier l’ost. Quant nous serons as camps,
nous en irons à quoite d’esperons à Gand: enssi n’arons
30 nous garde des François.» Chil de son conseil respondirent:
«Vous avés bien parlé.»
[245] Adont s’ordonnèrent il sus cel estat et fissent dou
soir tourser toutes leurs bonnes coses, et missent
femmes et enffans, prisonniers et prisonnières, ens ou
moustier, et proprement il i fissent entrer les dames
5 cevalereuses qui là estoient, madame de Douselles,
madame [d’Escornais], madame de Hesebete et
aultres, et leurs damoisselles, et leur dissent: «Nous
vous mettons chi pour la cause de ce que demain
nous devons avoir un trop grant assaut; si nous volons
10 pas que vous vos eshidés dou trait et des canons.»
Tout et toutes s’i apaissièrent, et quidièrent qu’il fust
enssi. Avoec tout che, après jour fallant, François
Acremen et se route alèrent autour de la ville pour
veoir le gait, et n’i avoit en che gait nul Gantois, fors
15 les hommes de la ville. [Si] leur dist François:
«Faites anuit bon gait, et ne vous partés point de
vos crestiaux pour cose que vous oés ne veés; nous
devons demain avoir l’assaut, mais je voel celle nuit
aler resvillier l’ost.»
20 Il estoit creus de sa parolle, car tout quidoient que
il desist voir. Quant François ot enssi fait et ordonné,
il s’en vint en la place où tout leur cheval estoient
ensellés. François et li Gantois montèrent, et issirent
hors par la porte devers Gand, et se missent au chemin.
25 Il n’orent pas la ville eslongnie une lieue, quant
il fu jours, et se perchurent chil dou Dam que François
Acremen et li Gantois s’en aloient. Adont se
tinrent il pour deceux, et commenchièrent les capitaines
de la ville à traitiier devers les gens dou roi, et
30 dissoient que il avoient le soir ochis François Acremen.
§ 461. Quant pluiseurs gens de la ville dou Dam
[246] perchurent que François Acremen et li Gantois s’en
aloient sans retourner et que la porte estoit ouverte,
si se missent ossi [au] chemin, cascuns après eux,
qui mieux mieux. Quant on sot ces nouvelles en l’ost,
5 pluiseurs gens, Bretons et Bourgignons par especial,
qui desiroient à gaegnier, montèrent as chevaux, et se
missent en cace et pourssieuirent les Gantois jusques
à deus lieues de Gand. Si ot des fuians ochis grant
fuison et pris plus de cinc cens, mais en ceux là i ot
10 petit de Gantois, fors que de ceux dou Dam qui s’enfuioient.
Et entrues que la cace se faissoit à toutes
pars, on assalloit la ville où point de deffense n’avoit.
Si entrèrent ens li François par eschielles, et passèrent
les fossés à grant paine. Quant il furent dedens,
15 il quidièrent avoir mervelles gaegné, mais il ne trouvèrent
rien fors que povres gens, femmes et enfans,
et grant fuisson de bons vins. Dont par despit et par
envie Breton et Bourgignon boutèrent le [feu] en la
ville, et fu priès toute arse, de quoi li rois de France
20 et li dus de Bourgongne furent grandement courouchié,
mais amender ne le peurent; [si] leur convint
passer. Si furent les gentils dames sauvées et gardées,
sans nul mal avoir.
§ 462. Apriès la reprisse dou Dam, que li rois de
25 France et li François reprissent, sicom chi dessus est
contenu, on ot conseil que on se deslogeroit, et iroit
li rois logier ad Artevelle, à deus petites lieues priès
de Gand; et entrues que li rois se tenroit là, gens
d’armes efforchiement chevaucheroient oultre ens es
30 Quatre Mestiers, et destruiroient tout celi païx, pour
le cause de che que toutes douceurs en estoient dou
[247] tamps passet venues à Gand, et avoient cil de che païs,
que on dist les Quatre Mestiers, plus conforté les
Gantois que nuls autres gens. Adont se departi on dou
Dam, et prist on le chemin d’Artevelle, et là vint li
5 rois logier.
Entrues entrèrent ses gens en che païs des Quatre
Mestiers, et l’ardirent et destruisirent tout entirement,
et abatirent tours et fors moustiers qui toudis
s’estoient tenu, et n’i laissièrent onques d’entier maison
10 ne hamiel, homme ne femme ne enfant: tout fu
cachiet en voie[s] ou tout ochis.
Quant li François eurent fait celle envaïe, il fu
ordonné que on iroit mettre le siège devant le castiel
de Gauvre, et puis retourneroit on sus Gand; mais il
15 n’en fu riens fait, je vous dirai pour quoi. Le roi de
France estant ad Artevelle, qui i fu environ douse
jours, nouvelles li vinrent de Honguerie de par la
roïne, car là vint li evesques de [Vassères] en [ambaxaderie],
et pluiseurs chevaliers et escuiers de Honguerie
20 en sa compaignie, et aportoient lettres de
creance, et venoient querre leur signeur, le frère dou
roi, Loïs de France, à ce jour conte de Vallois, pour
mener ent en Honguerie à sa femme, laquelle par procuracion
messires Jehans la Personne, uns chevaliers
25 de France, avoit espousé. Ces nouvelles plaissirent
grandement bien au roi de France et au duc de Bourgongne,
et fu regardé adont que pour entendre à l’estat
et arroi dou jone conte de Vallois, on retourneroit
en France, et que on en avoit assés fait pour
30 celle saison.
§ 463. Lors se departi li rois d’Artevelle, le dousime
[248] jour de septembre, et eurent congiet toutes
manieres de gens d’armes; et s’en ralla cascuns en
son lieu. Et ja estoit retrais, tantos apriès le prise
dou Dam, Guillaumes de Hainnau arière en son païs,
5 et avoit pris congiet au roi. De ce departement furent
li Gantois tout resjoï, car il quidoient bien avoir le
siège. Or s’en retourna li rois en France, et vint à
Craïl, où la roïne sa femme estoit, car, quant il se
departi d’Amiens pour aler en [Flandres], on l’envoia là
10 tenir son estat. Li rois fu, ne sai quans jours, à Craïl,
et la roïne; et puis s’en departirent. Si aprochièrent
Paris, et vint la roïne au bois de Vincenes, et là se
tint, et li rois à Paris. Et estoit on bien ensongniiet
d’entendre à l’ordenance et arroi dou conte de Vallois,
15 car on volloit que très estofféement il s’en alast
en Honguerie, dont on le tenoit pour roi; mais les
coses se transmuèrent dedens briefs jours ou roiaulme
de Honguerie autrement, sicom je vous recorderai
presentement.
20 § 464. Bien est verités que la roïne de Honguerie,
mère à la jone dame, qui hoirs estoit de Honguerie et
laquelle li contes de Vallois par procuracion, sicom
chi dessus est dit, avoit espousé, avoit grandement
son affection et plaissance à Loïs de France, conte de
25 Valois, et tenoit sa fille à très hautement et bien assegnée,
et ne desiroit autrui veoir ne avoir que le jone
conte à fil et à roi, et pour ce i avoit elle envoiiet
l’evesque de [Vassères] et grant fuisson de ses chevaliers,
afin que les besongnes s’aprochaissent. Or avint,
30 entrues que cil ambasadour vinrent en France, que le
roi d’Allemaigne, et qui rois des Roumains s’escripsoit,
[249] avoit un frère que on appelloit Henri, mainsné de lui
liquels estoit marquis de Blancquebourc. Li rois des
Roumains entendi et estoit tous enfourmés de l’estat
et des traitiés de Honguerie, et comment ses cousins,
5 li frères dou roi de France, devoit avoir à femme l’iretière
et roïne de Honguerie, et ja l’avoit espousé par
procuracion, et que li evesques de [Vassères] et aucun
chevalier de Hongueriie l’estoient alé querre. Chils
rois d’Alemaigne, qui ot plus chier un pourfit pour
10 son frère que pour son cousin de France, jeta son
avis sur che, et avoit jeté, ja longhement avoit; et
tout si pourpos, si conseil et si afaire estoient demenet
sagement et secretement, et bien le monstrèrent
en Alemaigne, car, se la roïne de Honguerie la mère
15 en euist esté en riens manchevie ne enfourmée, elle i
eust trop aisse pourveu de remède; mais nenil, enssi
comme il apparut.
Li consaulx dou roi d’Alemaigne sot que la roïne
de Honguerie la mère [et] ses filles estoient en
20 leur esbatement en un castiel sus les frontières
d’Alemaigne. Ches coses seues, li marquis de Blancquebourc
mist tantos sus une grande chevauchie de
gens d’armes, et estoient bien dis mille hommes, et
s’en vint mettre le siège devant che castiel et enclore
25 ces dames dedens. Quant la roïne de Honguerie se
veï enssi assegie, si fu toute esbahie, et envoia devers
Henri, le marquis de Blanquebourc, assavoir que il li
demandoit. Li marquis, par le conseil que il ot, li
remanda que ce n’estoit pour el que pour ce que elle
30 voloit marier sa fille ens estraignes terres au frère
dou roi de France, dont elle ne pooit jamais avoir
nul confort, et mieux li valoit et plus pourfitable li
[250] estoit, pour li et pour le roiaulme de Honguerie, que
il l’euist à femme, qui estoit ses voisins et frères dou
roi des Roumains, que li contes de Valois. La roïne
s’escusa, et dist que onques de li oï n’avoit requeste
5 ne nouvelle, et pour ce avoit elle sa fille acordée au
frère dou roi de France, et le roi de Honguerie, sen
marit vivant; [si] li estoit elle ordonnée. Li marquis
de Blancquebourc respondi à ce que de tout ce ne
faissoit il compte, et que il avoit l’acord et la vois de
10 la grignour partie de Honguerie, et que bellement ou
autrement l’aroit, et bien estoit en sa poissance. La
dame fu toute esbahie de ces parolles; nonpourquant
elle se tint ce qu’elle pot, et manda secours à ses
gens, dont elle penssoit à estre aidie, mais onques
15 nuls n’aparu ne se mist sus les camps contre le marquis
de Blancquebourc; et monstroient bien li Hongrien
que il avoient ossi chier le marcandise aux Alemans
comme aux François. Quant la dame veï que
elle ne seroit autrement confortée de ses gens, si se
20 laissa consillier, car li marquis li proumetoit, se par
force il le prendoit, que il le feroit enmurer en une
tour et là tenir au pain et à l’aigue, et vesquesist tant
que elle peuist. De ce point estoit la roïne toute
effraée, car elle ne se sentoit pas en trop fort lieu, et
25 si estoit là venue sans nulles pourveances, ne de gens,
ne de vivres. Si traita, et bailla sa fille au marquis de
Blancquebourc, qui tantos l’espousa et jut avoecques
li carnellement. Si fu rois de Honguerie.
§ 465. Anssi vint messires Henris de Boësme, marquis
30 de Blancquebourc, à l’hiretière dou roiaulme de
Honguerie, dont il fu rois, le plus par force et le
[251] mains par amours, tant que au consentement de la
vielle roïne; mais faire li convint ou cheïr en pieur
marchié.
Ches nouvelles furent tantos avollées en France
5 devers cel evesque et les Hongriiens, qui là estoient,
et qui au chemin mettre se voloient; et ja estoit li
contes de Valois partis et venus à Troies en Campaigne,
et avoit pris congiet au roi [et] à son oncle de
Bourgongne. Quant ces nouvelles li vinrent en le
10 main, porter li convint: autre cose n’en pot avoir.
Si partirent li Hongriien tout courouchié, bien i avoit
cause, et li contes de Valois retourna à Paris devers
le roi. Et li pluiseur de France, grant signeur et dou
sanc dou roi, ne fissent conte de ce contremariage
15 de Honguerie, et dissent que li contes de Valois estoit
bien ewireux, quant on li avoit tolut sa femme, car
Honguerie est uns trop lontains païs et mal en le
main pour les François, ne ja n’en eussent esté aidié
ne conforté. On mist ces coses en noncalloir: on
20 repensa à un autre mariage pour ledit conte à la fille
le signeur de Mellans, qui seroit hoirs de toute Lombardie,
laquelle terre est plus rice et plus crasse que
ne soit Honguerie, et mieux à main pour les François.
Nous lairons ester de ces mariages, et parlerons
25 dou duc de Bourbon, qui estoit en Poito, à siège
devant [Vretuel], et puis retournerons à l’amiral de
France, messire Jehan de Viane, qui estoit en Escoce,
et compterons comment il s’i porta.
§ 466. En celle saison que li rois de France fu en
30 Flandres tant devant le Dam comme ailleurs, li dus
de Bourbon, à belle carge de gens d’armes, fist sa
[252] chevauchie en Limosin et en Poito, et i reprist pluiseurs
fors et garnisons englesches qui s’i tenoient, tels que
[le Fam], Troncete, Arciach, Garnace, Montleu, à wit
lieues de Bourdiaux, et Thaillebourc, et Bourc sus
5 Carente, et puis s’en vint mettre le siége devant [Vretuel],
un mout bel et fort castiel en Poito, sus les
frontières de Limosin et de Saintonge. De [Vretuel]
estoient capitaines Andrieus Privars, englois, et Bertrans
de Mont Trivet, gascons, et avoient là dedens
10 avoec eux grant fuisson de bons compaignons. Si i ot
pluiseurs assaulx et escarmuces et fait pluiseurs grans
apertisses d’armes, et prièsque tous les jours aus
barières i avoit de ceux de dehors à ceux de dedens
escarmuce et fait d’armes, des mors et des blechiés. Et
15 bien dissoit li dus de Bourbon que de là point ne partiroit
si aroit le castiel à sa volenté, car enssi l’avoit
il promis au duc de Berri, la daraine fois que il avoit
parlé à lui. Et avint, le siége estant devant [Vretuel],
que Bertrans de Mont Trivet, qui estoit li uns des
20 cappitaines, devisoit à faire un fosset par dedens le
fort pour eux mieux fortefiier, et enssi comme il le
monstroit et devisoit l’ouvrage à ses gens, evous
le trait de une dondaine que cil de l’ost laissièrent
aler, douquel trait et par mesaventure Bertrans fu
25 aconsieuois et là ocis, liquels estoit en son tamps
escapés de sèse sieges tous perilleux.
De la mort de Bertran furent li compaignon de
Vretuel tout effraé et courouchié, mais amender ne
le peurent: si demora Andrieus Privars cappitains.
30 Depuis, environ quinse jours, fu uns traitiés fais de
ceux dou fort à ceux de l’ost, et se rendirent, le castiel
et les pourveances, salves lors vies, et furent
[253] aconduit jusques à Bouteville, dont Durandon de la
Perrade estoit cappitains. Enssi orent li François le
castiel de Vretuel; si le remparèrent et le rafresquirent
de nouvelles pourveances et d’artellerie et de gens
5 d’armes, et puis s’en partirent et s’en vinrent rafresquir
à Caros, une belle et grosse abeïe, et là environ
sus le païs. Et puis s’en vinrent à Limoges, et là se
tint li dus de Bourbon wit jours, et ot conseil de
retourner en France, ensi qu’il fist, et trouva le roi à
10 Paris et sen cousin de Valois, et tous [ses] mariages
brissiés. Or revenrons nous as besongnes d’Escoce et
de l’amiral de France, qui toutes avinrent en celle saison.
§ 467. Vous avés bien chi dessus oï recorder comment
li amiraulx de France, à tout grant carge de
15 gens d’armes, ariva ou havene de Handebourc en
Escoce, et comment ses gens trouvèrent autre païs
et aultres gens que il ne quidoient. Li baron d’Escoce
et li consaulx dou roi l’anée passée avoient enfourmé
les chevaliers qui i avoient esté, messire Joffroi de
20 Cargni et messire Ainmart de Marsé, que, se li amiraulx
de France, ou li connestables, ou li marescaux
de France passoient la mer en Escoce, atout mille
lances de bonnes gens et cinc cens arbalestriers, et
euissent avoec eux le harnas d’armes pour armer eux
25 mille en Escoce, avoec l’aide et le demorant dou
roiaulme d’Escoce il combateroient bien les Englès,
et feroient un si grant trau en Engletière que jamais
ne seroit recouvré. Sus cel estat avoient li amiraux
et li François passet la mer et estoient venu en Escoce.
30 Si ne trouvèrent point en voir assés de ces
proumesses. Tout premiers il trouvèrent dures gens
[254] et mal amis et povre païs, et ne seurent tantos li
signeur, chevalier et escuier de France qui là estoient,
où envoiier leurs varlès sour le païs pour fouragier;
ne aler il n’i osoient fors en grans routes, pour les
5 malandrins dou païs qui les atendoient aus pas et
les ruoient jus, mehaignoient et ochioient.
Or vint li rois Robers d’Escoce, uns grans boins
homs à uns rouges ioels rebrachiés (il sambloient de
chendal), et bien monstroit que il n’estoit pas as armes
10 trop vaillans homs et que il euist plus chier le sejourner
que le chevauchier; mais il avoit jusques à noef
fils, et cil amoient assés les armes. Quant li rois fu
venus en Handebourc, chil baron de France se
traïssent devers lui et s’aquintièrent de li, enssi comme
15 il appartenoit et que bien le savoient faire; et estoient
avoec eux à ces aquintances li contes de Douglas, li
contes de Mouret, li contes de le Marce, li contes de
Surlant et pluiseurs autres. Là requist li amiraulx et
pria au roi que, sus l’estat pour quoi il estoient venu
20 ou païs, on lui acomplesist, et dist que il voloit chevauchier
en Engletière. Li baron et li chevalier et
escuier d’Escoce, qui se desiroient à avanchier, en
furent tout resjoï, et respondirent que, se à Dieu
plaissoit, il feroient un tel voiage où il aroient honneur
25 et pourfit. Li rois d’Escoce fist son mandement
grant et fort, et vinrent à Haindebourc et là environ,
au jour qui asignés i fust, plus [de] trente mille hommes
et tout as chevaux; et ensi que il venoient, il se
logeoient à l’usage de leur païs, et n’avoient pas toutes
30 leurs aises.
§ 468. Messires Jehans de Viane, qui grant desir
[255] avoit dou chevauchier et d’emploiier ses gens en
Engletière pour faire aucun bon exploit d’armes,
quant il veï ces Escos venus, dist que il estoit tamps
de chevauchier, et que trop avoient sejourné: si fu li
5 departemens segnefiiés à toutes gens. Dont se missent
il à voie, et prisent le chemin de Rosebourc. A celle
chevauchie ne fu point li rois, mais estoit demorés en
Haindebourc, et tout si enfant aloient en l’armée. Et
sachiés que jusques à douse cens pièces de harnas,
10 pour armer de piet en cape, furent delivret as chevaliers
et escuiers d’Escoce et de Norvège, qui estoient
mal armet, lesquels harnas li amiraux avoit fait venir
de Paris, dont li compaignon qui en furent ravesti,
orent grant joie. Or chevauchièrent ces gens d’armes
15 vers Northombrelande, et esploitièrent tant que il
vinrent à l’abeïe de [Miauros], et se logièrent li
signeur et toutes manières de gens autour sus celle
rivière. A l’endemain, il s’en vinrent à la Mourlane,
et puis devant Rosebourc.
20 Dou castiel de Rosebourc, de par messire Jehan de
Montagut à qui li castiaux est et toute la terre de là
environ, estoit gardiiens et cappitaines uns chevaliers,
qui s’appelloit messires Edouwars Clifors. Li amiraulx
de France et tout cil de sa route et li Escoçois s’arestèrent
25 devant, et bien l’avisèrent. Si regardèrent, tout
consideré, que à l’asallir il ne poroient riens conquester,
car li castiaux est biaux et grans et fors et
bien pourveus de gens et d’artellerie. Si passèrent
oultre, et vinrent tout contreval celle rivière de
30 Tuide, en raprochant Beruich et la mer, et chevauchièrent
tant que il vinrent devant deus tours quarées,
fortes assés, où dedens avoit deus chevaliers, le père
[256] et le fil, qui s’appellent tout doi messire Jehan Strende.
A ces tours avoit adont bon herbergage de une plate
maisson qui fu tantos arse, et les tours asalies, et
là ot fait des grans appertisses, et pluiseurs Escochois
5 blechiés dou trait et dou jet des pières. Finablement,
les tours furent prises, et li chevalier dedens,
par biel assaut, qui les deffendoient, et qui vaillaument
se deffendirent tant comme il peurent durer.
§ 469. Apriès le conquès de ces deus tours et que
10 li Escochois et li François en furent signeur, on s’en
vint devant un autre fort castiel, que on appelle ou
païs Werck, et est de l’hiretage monsigneur Jehan de
Montagut. Si en estoit gardiiens et cappitaine de par
lui messires Guillaumes de Luscebourne, liquels avoit
15 là dedens sa femme et ses enfans et tout sen cariage;
et bien savoit en devant que li François et li Escochois
devoient venir. Si avoit à son pooir grandement
bien pourveu le castiel de gens d’armes et d’artelleriie
pour atendre l’assaut. Devant le castiel de Werck
20 s’amanagièrent et arestèrent toute li host, car il sciet
sus une belle rivière qui rentre en la mer par le
Tuide desous Beruich. A ce castiel de Werck ot un
jour très grant assaut, et mout bien s’i portèrent li
François trop mieux que li Escot, car il entroient
25 ens es fossés et les passoient à grant paine tout
oultre. Et là ot fait de ceux d’amont à ceux d’aval
des grans apertisses d’armes, car li François montoient
amont sus eschielles, et se venoient combatre
main à main de daghes à ceux dou fort. Là fu messires
30 [Guillaumes] de Lusebourne, très bons chevaliers,
et se combati mout vassaument as chevaliers françois
[257] qui montoient sour les escielles, et là à cel assaut fu
ochis, dont che fu damages, uns chevaliers alemans
qui s’apelloit messires Weris Gastelin; et mout en i
ot ce jour de navrés et de blechiés, mais finablement
5 il i avoit si grant peuple, et fu li asaulx si continués,
que finablement li castiaux fu pris, et li chevaliers et
sa femme et si enfant dedens. Et orent là li François
qui premiers i entrèrent, plus de quarante prisonniers;
puis fu li castiaux ars et desenparés, car il
10 veoient que il ne faissoit pas à tenir, ne tenir ne le
poroient si avant en Engletière.
§ 470. Apriès les conquès dou castiel de Werck et
la prise de messire Guillaume de Luscebourne, li amiraulx
de France et li baron de France et d’Escoce
15 chevauchièrent vers Anwich, en la terre le signeur de
Persi, et se logièrent tout enmi, et ardirent et exillièrent
aucuns villages, et furent jusques à [Broel], un
biel castiel et fort qui est sus la marine, au conte de
Northombrelande; mais point n’i asaillirent, car il
20 savoient bien que il perderoient leur paine. Et chevauchièrent
toute celle frontière jusques à Mourepas,
en mi chemin de Beruich et de Noef Castiel sur Thin,
et là entendirent que li dus de Lancastre, li contes de
Northombrelant, li contes de Notinghen, li sires de
25 Noefville et li baron de la marce et de la frontière de
Northombrelande et de l’arcevesquiet d’Iorch et de
l’evesquiet de Durem venoient à grant effort. Quant la
nouvelle en fu venue jusques à l’amiral, si en fu tous
resjoïs; ossi furent li baron et li chevalier de France,
30 qui en se compagnie estoient, car il desiroient à avoir
la bataille, mais li Escoçois n’en faissoient compte.
[258] Là fu consilliet à Mourepas que il se retrairoient vers
la marce de Beruich, pour la cause de leurs pourveances
qui les sieuoient, et pour avoir leur païs au
dos, et là sur leur marce il atenderoient leurs ennemis.
5 Messires Jehans de Viane, qui point ne voloit
issir hors de conseil, les creï. Adont ne chevauchièrent
il plus av[an]t en Northombrelande, et s’en
vinrent devers Beruich, de laquelle cité messires
Mahieux Rademen estoit capitains, et avoit là dedens
10 avoecques lui grant fuisson de bonnes gens d’armes.
Li François et li Escoçois furent devant, mais point
n’i asallirent, ançois passèrent oultre, et prisent le
chemin de Dombare, pour rentrer en leur païs.
§ 471. Les nouvelles estoient venues en Engletière
15 que li François et li Escochois estoient entret en le
marce de Northombrelande, et ardoient et destruissoient
tout le païs. Et sachiés que endevant ces nouvelles
li roiaulmes d’Engletière estoit tous avissés et
pourveux de la venue l’amiral et des François en
20 Escoce; si estoient tout li signeur sur leur garde, et
avoit li rois fait son mandement par toute Engletière,
et estoient tout trait sus les camps, conte, baron, chevalier
et escuier, et prendoient, enssi que il venoient,
le chemin d’Escoce, et manechoient fors les Escos. Et
25 avoient li Englès tout cel estet fait les plus belles et
les plus grandes pourveances que onques mais il ne
fesissent, pour aler en Escoce, tant par mer comme
par terre, car il avoient sus la mer jusques à sis vins
vaissaux cargiés de pourveances, qui les sieuoient,
30 frontiant Engletière pour venir ou Hombre. Et venoit
li rois accompaigniés de ses oncles, le conte de Cambruge
[259] et le conte de Bouquighem, et de ses deus
frères, le conte de Kemt, messire Thomas de Hollandes,
et messire Jehan de Hollandes. Là estoient li contes
de Sasleberi, li contes d’Arondel, li contes d’Asquesuffort,
5 li jones contes de Pennebruch, li jones sires
Despensiers, li contes de Stanfort, li contes de
[Devensiere] et tant de barons et de chevaliers que il
estoient bien quatre mille lances, sans encore ceux
que li dus de Lancastre, li contes de Northombrelande,
10 li contes de Nothinghem, li sires de Lussi, li
sires de Noefville et li baron des frontières d’Escoce
avoient ja, qui poursieuoient les Escos et les François,
où bien avoit deus mille lances et vint mille
archiers; et li rois et li signeur qui venoient, avoient
15 en leurs routes bien cinquante mille archiers, sans les
gros varlès.
§ 472. Tant esploitièrent li rois d’Engletière et ses
os, en venant après le duc de Lancastre et les autres
qui estoient premiers, que il vinrent en la marce
20 d’Iorch, car sus le chemin nouvelles estoient venues
au roi et à ses gens que leurs gens se devoient combatre
as Escos en la marce de Northombrelande, et
pour ce se hastoient il le plus. Et s’en vint li rois
logier à Saint Jehan de [Buvrelé], oultre la cité d’Iorch
25 et la cité de Durem; et là leur vinrent nouvelles que
li Escot estoient retrait vers leur païs; et se logièrent
toutes manières de gens d’armes en la marce de Northombrelande.
Or vous voel je recorder une aventure
asés dure qui avint en l’ost le roi d’Engletère, par
30 quoi priès ses voiages en fu tous rompus, et li signeur
en guerre mortelle l’un à l’autre.
[260] § 473. En la marche de Saint Jehan de [Buvrelé],
en la diocesse d’Iorch, estoit li rois d’Engletière
logiés, et grant fuisson des contes, des barons et des
chevaliers de son roiaulme, car cascuns se logoit au
5 plus priès de lui, comme il pooit par raison; et par
especial si doi oncle, messires Thumas de Hollandes,
contes de Kemt, et messires Jehans, ses frères,
estoient là à belle compaignie de gens d’armes. En la
route dou roi avoit un chevalier de Boësme, qui estoit
10 venus veoir le roïne d’Engletère, et pour l’amour de
la roïne li rois et li baron li faisoient feste. Che chevalier
apelloit on messire Nicle; frisces et jolis chevaliers
estoit à l’usage d’Alemaigne. Et avint que sus
une remontière et sus les camps, au dehors d’un village
15 asés priès de Saint Jehan de [Buvrelé], doi
escuier qui estoient à messire Jehan de Hollandes, le
frère dou roi, s’entreprissent de parolles, et pour leur
logis, à messire Nicle, et le poursieuoient de près pour
li faire un grant desplaisir. Sur ces parolles que li
20 chevaliers avoit as escuiers, s’enbatirent doi archier à
messire Richart de Stafort, fils au conte de Stafort, et
tant que de parolles il commenchièrent à aidier le chevalier,
pour la cause de che que il estoit estraigniers, et
bla[s]mèrent les escuiers, en reprendant leurs parolles
25 et en dissant: «Vous avés grant tort, qui vous aherdés
à ce chevalier. Ja savés vous que il est à madame
la roïne et de son païs? si fait mieux à deporter que
uns autres.»--«Voires! dist li uns de ces escuiers
à l’archier qui avoit dit ceste parolle, et tu, herlos, en
30 voes tu parler? A toi qu’en monte, se je li blasme ses
follies?»--«A moi qu’en monte? dist li archiers; il
en monte assés, car il est compains à mon maistre.
[261] [Si] ne serai ja en lieu où il rechoive blasme ne villonnie.»--«Et
se je quidoie, dist li escuiers, herlos,
que tu le vosisses aidier ne porter contre moi, je
te bouteroie ceste espée ou corps.» Et fist en parlant
5 samblant de lui ferir. Li archiers reculla, qui
tenoit son arck tout apparilliet, et entoise bonne
saïète et laist aler, et fiert l’escuier de visée, et li
mait le saïette tout parmi le maimelle et le coer, et
l’abat là mort.
10 Li autres escuiers, quant il veï sen compaignon en
ce parti, s’enfui. Messires Nicles s’estoit ja partis et
ralés vers son logis. Li archier s’en revinrent viers leur
maistre, et li comptèrent l’aventure. Messires Richars
en fist bien compte, et dist que il avoient mal esploitiet.
15 «Par ma foi! respondi li archiers, sire, il convenoit
que ce avenist, se je ne voloie estre mors; et
encore ai je plus chier que je l’aie mort que il m’euist
mort.»--«Or, va, va, dist messires Richars; ne te
met point en voie que on te puist trouver. Je ferai
20 traitier de le pais à messire Jehan de Hollandes, par
monsigneur mon père ou par autrui.» Li archiers
respondi et dist: «Sire, volentiers.»