que li uns des archiers à messire Richart de
25 Stafort avoit mort son escuier, celi ou monde que il
amoit le mieux, et la cause pour quoi on li dist que
ce avoit esté par la couppe de messire Nicle, ce chevalier
estraigne. Quant messires Jehans de Hollandes
fu enfourmés de ceste avenue, si quida bien foursener,
30 et dist: «Jamais ne buverai ne mengerai si sera
amendé.» Tantos il monta à ceval, et fait monter de
[262] ses hommes; et se part de son logis, et ja estoit tout
tart, et se traïst sour les camps, et fait enquerre où
cils messires Nicles estoit logiés. On li dist que on
pensoit bien que il estoit logiés en l’arière garde,
5 avoecques le conte de Devesiere et le conte de Staffort
et leurs gens. Messires Jehans de Hollandes prist
che cemin, et commencha à chevauchier à l’aventure,
pour trouver che messire Nicle. Enssi que ils et ses
gens chevauchoient entre haies et buissons droit sus
10 l’estroit d’un pas, où on ne se pooit destourner que
on n’encontrast l’un l’autre, messires Richars [de Stafort]
et messires Jehans de Hollandes s’entrecontrèrent.
Pour ce que il estoit nuis, il demandèrent en passant:
«Et qui est là?» et, en entrant l’un dedens l’autre:
15 «Je sui Stafort.»--«Et je sui Hollandes.» Dont dist
messires Jehans de Hollandes, qui estoit encores en sa
felonnie: «Stafort, Stafort, ossi te demandoiie; [tes]
gens m’ont mort mon escuier que bien amoie.» Et
à ces cops il lance une espée de Bourdiaux que il
20 tenoit toute nue. Li cops cheï sus messire Richart de
Stafort; [si] li bouta ou corps, et là l’abati mort, dont
che fu grans pités. Et puis passa oultre, et ne savoit
pas encores que il avoit assené, mais bien savoit que
il en avoit l’un mort. Là furent les gens de messire
25 Richart de Stafort mout courouchié, che fu raissons,
quant il veïrent leur maistre mort, et commenchièrent
à criier et à dire: «A! Hollandes, Hollandes, vous
avés mort le fil au conte de Stafort! Pesmes nouvelles
seront au père, quant il sara ce!» Aucunes des gens
30 à messire Jehan de Hollandes entendirent ce; [si] le
dissent à leur maistre: «Sire, vous avés mort messire
Richart de Stafort.»--«A le bonne heure,
[263] dist messires Jehans, j’ai plus chier que je l’aie mort
que menre de lui: or ai je tant mieux contrevengiet
mon varlet.»
Adont s’en vint messires Jehans de Hollandes en la
5 ville de Saint Jehan de [Buvrelé], et en prist la francisse,
et point ne se departi de là, car la ville est
francque, et bien savoit que il i aroit, pour la mort
dou chevalier, de ses amis grant tourble en l’ost, et
ne savoit que ses frères, li rois Richars d’Engletère,
10 en diroit. Dont, pour esquieuer tous perils, il s’enfrema
en la [ville].
§ 475. Les nouvelles vinrent au conte de Stafort
que ses fils estoit ochis par grant mesavenue. «Ochis!
dist li contes, et qui l’a mort?» On li recorda, cil
15 qui au fait avoient esté: «Monsigneur, li frères dou
roi, messires Jehans de Hollandes.» Adont li fu
recordé la cause, pour quoi et comment. Vous devés
connoistre et sentir que cils qui amoit son fil, car plus
n’en avoit, et si estoit biaux chevaliers, jones, hardis
20 et entreprendans, fu courouchiés oultre mesure, et
manda adont, quoi que il fust nuis, tous ses amis,
pour avoir conseil comment il en poroit user ne soi
contrevengier. Toutesfois, li plus sage et li mieux
avisé de son conseil le rafrenèrent, et li dissent que à
25 l’endemain on remonsteroit ce au roi d’Engletière, et
seroit requis que il en fesist loi et justice.
Enssi se passa la nuit, et fu messires Richars de
Stafort ensepvelis au matin en une eglise d’un village
qui là est; et i furent tout cil de son linage, baron et
30 chevalier, qui en ceste armée estoient.
Après le obsèque fait, li contes de Stafort et eux
[264] bien soissante de son linage et dou linage son fil montèrent
as chevaux, et s’en vinrent devers le roi, qui
ja estoit enfourmés de ceste aventure; si trouvèrent
le roi d’Engletière et ses oncles et grant fuisson
5 d’autres signeurs dalés lui. Li contes de Stafort, quant
il fu venus devant le roi, se mist en genouls, et puis
parla tout en plorant, et dist en grant angouse de
coer:«Rois, tu ies rois de toute Engletière, et as
juré solempnellement à tenir le roiaulme d’Engletière
10 en droit et faire justice, et tu sés comment ton frère,
sans nul title de raison, a mort mon fil et mon hiretier.
Si te requier que tu m’en faces droit et justice,
ou autrement tu n’aras pieur ennemit de moi, et voel
bien que tu saches que la mort de mon fil me touque
15 de si priès que, se je ne quidoie rompre et brissier
le voiage ouquel nous sommes, et recevoir par le
tourble que je meteroie en nostre host plus de damage
et de parolle que d’onneur, il seroit amendé et contrevengié
si hautement que à cent ans à venir on
20 en parleroit en Engletière. Mais à present je m’en
soufferai tant que nous serons sus ce voiage d’Escoce,
car je ne voel pas resjoïr nostres ennemis de mon
anoi.»--«Contes de Stafort, respondi li rois, soies
tous certains que je te tenrai justice et raison si avant
25 que li baron de men roiaulme oseront ou voront
jugier; ne ja pour frère que je aie, je ne m’en fainderai.»
Dont respondirent cil dou linage le conte
de Stafort: «Sire, vous avés bien parlé, et grant
merchis.»
30 Enssi furent li proïsme de messire Richart de Stafort
rapaisiet; et se parfist li voiages alant en Escoce,
sicom je vous recorderai, ne onques sus tout che
[265] cemin li contes de Stafort ne monstra samblant de la
mort de son fil, dont li baron tout l’en tinrent à sage.
§ 476. Or s’avanchièrent ces os dou roi d’Engletière
où bien avoit set mille hommes d’armes et soissante
5 mille archiers, ne riens n’estoit demoret derière, car
on dissoit parmi Engletière que messires Jehans de
Viane les combateroit; et voirement en estoit il en
grant volenté, et le disoit as barons d’Escoce par tele
manière: «Signeur, faites vostre mandement dou
10 plus grant que vous poés, car, se li Englès vienent si
avant que jusques en Escoce, je les combaterai.» Et
li Escoçois de premiers respondoient: «Dieux i ait
part!» Mais depuis orent il autre avis.
Tant esploitièrent les hos dou roi d’Engletière que
15 il passèrent Durem et le Noef Castiel et la rivière dou
Thin et toute la Northombrelande; et vint li rois à le
cité de Beruich, de laquelle messires Mahieux Rademen
estoit cappitaine, qui rechut le roi liement, car
la cité est à lui. Gaires ne séjourna li rois à Beruich,
20 quant il passa oultre et toute li hos; et passèrent la
rivière de Tuide, qui vient de Rosebourc et d’amont
des montaignes de Northombrelande; [et s’en vint li
avant garde] logier en l’abeïe de Miauros. Onques en
devant, par toutes les guerres d’Escoce et d’Engletère,
25 celle abeïe n’avoit eu nul damage, mais elle fu adont
toute arse et exsillie, et estoit li intencions des Englès
que, anchois que jamais il rentraissent en Engletère,
il destruiroient toute Escoce, pour la cause de ce que
il s’estoient en celle saisson fortefiiet des François.
30 Quant li amiraux de France sot les nouvelles que li
rois d’Engletère et li Englès avoient passet les rivières
[266] dou Thin et de la Tuide, et que il estoient à le Mourlane
et entré en Escoce, si dist as barons d’Escoce:
«Signeurs, pour quoi sejournons nous chi? Que ne
nous metons nous en lieu pour veoir et aviser nostres
5 ennemis et eux combatre? On nous avoit enfourmés,
anchois que nous venissons en che païs, que, se vous
aviés mille lances ou environ de bonnes gens de
France, vous seriés fort assés pour combatre les
Englois. Je me fai fors que vous en avés bien mille et
10 plus et cinc cens arbalestriers; et vous di que li chevalier
et li escuier, qui sont en ma compaignie, sont
droites gens d’armes et fleur de chevalerie, et point
ne fuiront, mais atenderont l’aventure telle que Dieux
le nous vaura envoier.»
15 § 477. A ches paroles respondirent li baron d’Escoche,
qui bien congnissoient les Englès et leur
poissance, et qui nulle vollenté n’avoient dou combatre:
«Par ma foi! monsigneur, nous creons bien
que vous et li vostre sont toutes gens de fait et de
20 vaillance, mais nous entendons que toute Engletère
est vuidie pour venir en ce païs, ne onques ne se
trouvèrent li Englès tant de gens ensamble comme il
sont ores, et nous vous metterons bien en tel lieu que
vous les porés bien veoir et avisser; et, se vous consilliés
25 que il soient combatu, il n’en seront ja de par
nous refusé, car voirement toutes les parolles que
vous avés dites et misses avant, avons nous dites.»--«De
par Dieu! dist li amiraulx, et je le voel.»
Depuis ne demora gaires de jours que li contes de
30 Douglas et li autre baron d’Escoce menèrent l’amiral
de France sus une forte montaigne en leur païs, où
[267] desoulx avoit un pas par où il convenoit passer les
Englès, cariages et toute l’ost. De celle montaigne où
li amiraulx estoit, et grant fuisson de chevalerie de
France en sa compaignie, veïrent il tout clèrement le
5 poissance des Englès; si les avisèrent au plus justement
comme il peurent, et les nombrèrent à sis mille
hommes d’armes et bien, que archiers que gros varlès,
soissante mille. Si dissent en eux meïsmes, tout consideret,
que il n’estoient pas gens assés pour eux
10 combatre, car des Escos il ne trouvoient point mille
lances et otant de leur costé, et environ trente mille
hommes d’autres gens et mout mal armés. Si dist li
amiraulx au conte de Douglas et au conte de Mouret:
«Vous avés asés raison de non voloir combatre ces
15 Englès, mais avissés vous que vous vorés faire. Il sont
bien si fort que pour chevauchier parmi vostre païs
et dou tout destruire, et, puisque combatre ne les
poons, je vous pri que vous me menés parmi vostre
païs et par cemins non hantés en Engletère. Si leur
20 ferons guerre à l’autre part, ensi comme il le nous
font ichi, se il est enssi que ce se puist faire.»--«Oïl,
sire,» ce respondirent li baron d’Escoce.
§ 478. Messires Jehans de Viane et li baron d’Escoce
orent là conseil ensamble, que il guerpriroient
25 leur païs et lairoient les Englès convenir, et chevaucheroient
oultre et enteroient en Galles et iroient
devant la cité de Karlion, et trouveroient là assés de
bon païs où il se contrevengeroient. Chils consaulx et
avis, par l’acord de tous, fu arestés entre eux. Si se
30 retraïssent toutes gens d’armes à l’oposite des Englès,
et prisent les forès et les montaignes; et enssi comme
[268] il chevauchoient parmi Escoce, eux meïsmes destruissoient
leur païs et ardoient villages et manoirs, et
faissoient hommes, femmes et enfans et pourveances
retraire ens es forès d’Escoce, car bien savoient que
5 li Englès ne les iroient jamais là querir. Et passèrent
tout au travers de leur païs; et s’en ala li rois, pour
tant que il n’estoit pas en boin point pour chevauchier,
en la sauvage Escoce, et là se tint toute leur guerre
durant, et laissa ses gens convenir. Si passèrent li
10 François et li Escot les montaignes qui sont à l’encontre
dou païs de Northombrelande et d’Escoce, et
entrèrent en la terre de Galles, et commenchièrent à
ardoir païs et villes, et à faire mout de desrois en la
terre de Moutbrai, qui est au conte de Notinghem, et
15 en la conté de Stafort et en la terre dou baron de
Grisop et dou signeur de Mousegrave, et prisent leur
chemin pour venir devant la cité de Karlion.
§ 479. Entrue[s] que li amiraulx de France et cil
qui en sa compaignie estoient, li contes de Grant Pret,
20 li sires de Vodenai, li sires de Sainte Crois, messires
Joffrois de Cargni, messires Guillaumes de Viane, messires
Jakes de Viane et d’Espaigni, [li] sires de Hées,
li sires de Moruel, messires Walerant de Rainneval, li
sires de Biausaut, li sires de Wauvrin, messires Percevaulx
25 [d’Ainneval], le baron d’Iveri, cheli de Fontaines,
le signeur [de Riveri], messires Braquet de Braquemont,
le signeur de Landuri et bien mille lances
de barons et de chevaliers et escuiers de France, et
li signeur d’Escoce et leurs gens, ardoient et chevauchoient
30 en Northombrelande entre ces montages
sus les frontières de Galles, ardant et exillant villes,
[269] manoirs et païs. [Ossi] estoient li rois d’Engletière
et si oncle, et li baron et chevalier d’Engletère et
leurs routes entré en Escoce, et ardoient et exilloient
d’autre part; et s’en vinrent li rois et li Englès logier en
5 Haindebourc, la souverainne ville d’Escoce, et là fu li
rois cinc jours. A son departement, elle fu toute arse
que riens n’i demora, mais li castiaux n’ot garde, car
il est biaus et fors, et si estoit bien gardés. En che
sejour que li rois Richars fist en Haindebourc, li Englois
10 coururent tout le païs d’environ et i fissent mout de
desrois, mais nullui n’i trouvèrent, car tout avoient
retrait ens es forès et ens es grans bos, et là cachiet
tout leur bestail.
En l’ost le roi d’Engletière avoit plus de cent mille
15 hommes, et bien otant de chevaux: si leur convenoit
grans pourveances, car nulles n’en trouvoient en
Escoce, mais d’Engletière leur en venoient grant fuisson
par mer et par terre. Si se departirent li rois et
li signeur de Haindebourc, et chevauchièrent vers
20 Donfremelin, une ville assés bonne et où il i avoit une
belle et grosse abbeïe de noirs monnes, et là sont
ensepveli par usage li roi d’Escoce. Li rois d’Engletère
se loga en l’abbeïe, car ses gens prissent la ville,
ne riens ne leur dura. A leur departement, elle fu
25 toute arse, abbeïe et ville, et puis cheminèrent vers
Estrumelin, et passèrent au dessus d’Estrumelin la
rivière de Taie, qui queurt à Saint Jehan Ston.
[Au] castiel d’Estrumelin ot grant assaut, mais il
n’i conquissent riens, anchois i ot de leurs gens mors
30 et blechiés assés. Si s’en partirent, et ardirent la ville
et toute la tère au signeur de Versi, et ceminèrent
oultre.
[270] § 480. Li intencion dou duc de Lancastre et de ses
frères et de pluiseurs barons et chevaliers d’Engletère
estoit telle que il passeroient tout parmi l’Escoce, et
poursieuroient les François et les Escoçois, car bien
5 estoient enfourmé par leurs coureurs, que il avoient
pris le cemin de Galles, pour aler devers la chité de
Carlion, et les menroient si avant que il les encloroient
entre Escoce et Engletère, et par enssi les aroient il
à leur avantage, ne jamais piet n’en retourneroit, que
10 tout ne fuissent mort ou pris, car bien estoit en leur
poissance, mais que leurs pourveances fussent venues;
et ce conseil tenoient il entre eux et l’avoient aresté. Si
couroient leurs gens à leur volenté tout parmi Escoce,
ne nuls ne leur aloit au devant, car li païs estoit tous
15 vuis des gens d’armes, qui estoient avoecques l’amiral
de France. Et ardirent li Englès la ville de Saint Jehan
en Escoce, où la rivière de Taie keurt et i a un bon
havene pour aler par tout le monde, et puis la ville
de Dondé. Et n’espargnoient abeïes ne moustiers: tout
20 mettoient li Englès en feu et en flame, et coururent
jusques Abredane li coureur de l’avant garde, laquelle
cité siet sus mer et est à l’entrée de la sauvage
Escoce, mais nul mal n’i fissent. Si en furent cil dou
lieu assés effraé, et quidièrent bien avoir l’assaut et
25 que li rois d’Engletère i deuist venir.
§ 481. Tout en tel manière que li Englès se demenoient
en Escoce, se demenoient li François et li Escoçois
en Engletière, en la marce de Northombrelande
et de Galles, et ardirent et exsillièrent un grant païs,
30 au departement de Northombrelande, en entrant en
Galles, que on dist le Westlant; et passèrent parmi la
[271] terre dou baron de Graiscop et dou baron de Clifort,
et ardirent en celle marce là, en cheminant, pluiseurs
gros villages, où nuls homs de guerre n’avoit onques
mais esté, car li païs estoit tous vuis de gens d’armes,
5 car tout estoient en la chevauchie dou roi. [Si] ne leur
aloit nuls au devant, et fissent tant que il vinrent
devant la cité de Karlion en Galles, laquelle est bien
fremée de portes, de murs, de tours et de fossés, car
jadis li rois Artus i sejournoit plus volentiers que
10 ailleurs, pour les biaus bois qui sont environ et pour
che que les grans mervelles d’armes i avenoient.
En la cité de Karlion estoient en garnisson messires
Loïs de Cliffort, frère au signeur, messires Guillaumes
de Noefville, messires Thomas Mousegrave et ses fils,
15 David Houlegrave, messires Dagorissès et pluiseur
autres qui estoient de la marce et frontière de Galles,
car la cité de Karlion en est la [clef]; et bien leur
besongna que il i eust gens d’armes pour le garder,
car, quant li amiraulx de France et ses gens furent
20 venu devant, il le fist assallir par grant ordonnance,
et i ot assaut dur et fier, et ossi gens dedens de grant
deffence; et là furent faites devant Carlion pluiseurs
grans appertisses d’armes.
§ 482. Bien suposoient li oncle dou roi d’Engletière
25 et li signeur que li amiraulx de France et li Escochois
tenoient che cemin que il avoient pris, et que en la
marce de Galles et de Northombrelande il feroient dou
pis que il poroient. Si dissoient entre eux li Englès:
«Nous ne poons faire milleur exploit, mais que nos
30 pourveances soient toutes venues, que de aler che
chemin que nostre ennemi font, et tant cachier que
[272] nous les trouvons, et eux combatre. Il ne nous pueent
par nul chemin dou monde fuir ne eslongier, que nous
ne les aions à notre aisse et volenté.»
En che pourpos estoient li dus de Lancastre et si
5 frère et pluiseur haut baron d’Engletière et la grigneur
partie des communautés de l’ost. Et ja estoient leurs
pourveances toutes venues, tant par mer comme par
terre, et li rois meïsmement l’avoit, present ses oncles,
acordé et aresté, et tout estoient en celle volenté,
10 quant une nuit li contes d’Asquesuffort, qui estoit pour
che tamps tous li coers et li consaulx dou roi, ne li
rois d’Engletière n’amoit nul homme ne n’avoit parfaitement
fiance fors en lui, destourna et desconsilla
tout, ne sai mie sur quelle entente, mais il infourma
15 le roi, sicom on sot depuis, et li dist: «A! monsigneur,
à quoi pensés vous, qui volés faire che chemin
que vostre oncle vous conseillent à faire? Sachiés que,
se vous le faites ne allés aucunement, jamais n’en
retournerés; ne li dus de Lancastre ne tire ne tent à
20 autre cose que il soit rois, et que vous soiiés mors.
Comment vous poet il ne osse consillier à aler sus
l’ivier en païs que point ne [congnissiés] et passer les
montaignes de Northombrelande? Il i a tels trente
passages et destrois que, se nous estiens enclos dedens,
25 jamais n’en seriens hors fors par le dangier des Escos.
Nullement ne vous boutés en che dangier ne peril,
pour cose que on vous ait dit. Et, se li dus de Lancastre
i voelt aler, si voist, lui et sa carge, car ja par
mon conseil vous n’i enterés: vous en avés assés fait
30 pour une saisson. Onques li bons rois Edouwars,
vostre taiion, ne monsigneur le prinche, vostre père,
ne furent si avant en Escoce comme vous avés esté à
[273] celle fois; si vous doit bien souffire. Gardés vostre
corps, vous estes jones et à venir, et tels vous monstre
biau samblant, qui mout petit vous aime.» Li rois
d’Engletière entendi as parolles de ce conte dessus
5 nommé si parfaitement, que onques depuis ne li purent
issir hors de sa teste, sicomme je vous dirai enssieuant
chi après.
§ 483. Quant ce vint au matin, li signeur d’Engletière
et leurs gens s’ordonnoient au partir et tenir le
10 chemin de Galles, pour là aler, devant Karlion ou ailleurs,
combatre les François et les Escos, enssi que le
soir devant il avoient en conseil proposé et aresté; et
vint li dus de Lancastre devers son nepveu le roi, qui
riens ne savoit de ce tourble. Quant li rois le veï, qui
15 estoit en sa merancolie et irour par l’informacion dessus
dite, si li dist tout à certes: «Oncles, oncles de
Lancastre, vous ne venrés pas encores à vostre entente.
Penssés vous que pour vos parolles nous nos voellons
perdre, ne nostres gens ossi? Vous estes trop outrageux
20 de nous consillier follement, et plus ne crerai,
ne vous ne vostres consaulx, car en ce je voi plus de
damage et de peril que de pourfit, d’onneur ne d’avanchement
pour nous ne pour nos gens. Et, se vous
volés faire le voiage que vous nous mettés avant, [si]
25 le faites, car point ne le ferons; [anchois] retournerons
en Engletière. Et tout cil qui nous aiment
[si] nous sieuent!»
Dont respondi li dus de Lancastre, et dist: «Et je
vous sieurai, monsigneur, car vous n’avés homme en
30 vostre compaignie qui tant vous aime comme je fai,
et mi frère ossi. Et, se nuls voloit dire ne mettre
[274] oultre, excepté vostre corps, que je vosisse autre cose
que bien à vous et à vos gens, j’en bailleroie mon
gage.» Nuls ne releva ceste parolle, et li rois se
taissi, et parla à ceux qui le servoient d’autre[s] parolles,
5 en lui ordonnant que pour retourner en Engletière le
chemin que il estoient venu. Et li dus de Lancastre se
departi dou roi pour l’eure tous merancolieus, et
retourna entre ses gens, et fist nouvelles ordonnances,
car au matin il quidoient poursieuir jusques en Galles
10 les François et les Escos, mais non fissent, anchois
se missent tout au retour vers Engletière. Or regardés
comment li contes d’Asquesufort, qui estoit pour le
tamps tous li coers du roi, rompi che voiage. Bien
dissoient li aucun signeur que li rois estoit mal consilliés
15 ou cas que il avoit toutes ses pourveances avoec
lui, de ce que il ne poursieuoit les Escos jusques en
Galles, car toudis en faissant che cemin raproçoit il
Engletère; et li autre qui resongnoient le paine, tout
consideré, dissoient que non, et que il faisoit pour si
20 grant ost comme il estoient, trop dur sus le tamps
d’ivier [à] passer les montaignes entre Northombrelande
et Galles, et que plus i pooit on perdre que gaegnier
à faire che voiage.
§ 484. Ensi se portèrent en celle saisson ces
25 besongnes, et se desrompi ceste chevauchie. Et [s’en]
retournèrent li rois d’Engletière et si baron arière tout
le chemin que il estoient venu en Engletière; mais il
avoient destruit la grignour partie dou roiaulme d’Escoce.
Ches nouvelles vinrent à l’amiral de France et
30 as barons de France et d’Escoce, que li Englois
retournoient et s’en raloient en leur païs: si orent
[275] entre eux conseil comment il se maintenroient. Consilliet
fu et aresté que il s’en retourneroient ossi, car
pourveances leur commenchoient à fallir, et si se
trouvoient en povre païs, car il avoient tout destruit
5 le marce de Karlion et la terre le baron de Clifort et
le signeur de Moutbrai et l’evesquiet de Karlion, mais
la cité ne peurent il avoir. Et disoient li François entre
eux que il avoient ars en l’evesquiet de Durem et en
l’eveskiet de Karlion tels quatre villes qui mieux
10 valoient que toutes les villes dou roiaulme d’Escoce
ne fesissent. Si retournèrent en leur païs li Escochois
et li François auques le chemin que il avoient fait; et,
quant il rentrèrent en la douce Escoce, il trouvèrent
tout le païs destruit. Mais les gens dou païs n’en faissoient
15 compte, et dissoient que sus sis ou wit estaces
il aroient tantos fait nouvelles mancions. De bestes
pour vivre trouvoient il assés, car li Escoçois les
avoient sauvées ens es hautes forès, mais, sachiés,
tout ce que li François prendroient, il leur convenoit
20 paier et acater bien chier, et furent, telle fois fu, en
grant aventure li François et li Escot de mesler par
rihote et debat l’un à l’autre. [Et] dissoient li Escot que
li François leur avoient porté plus de damage que li
Englois; et, quant on leur demandoit en quoi, il respondoient:
25 «En ce que, en chevauchant parmi nostre
païs, il ont foullé et abatu les blés, les orges et les
avaines, et que il ne dagnoient chevauchier les chemins.»
Desquels damages il voloient avoir restorier,
ainchois que il se departesissent d’Escoce, et que il ne
30 trouveroient vaissel ne maronnier oultre leur volenté,
qui les mesist oultre la mer. Et pluiseur chevalier et
escuier se plaindoient des bos que on leur avoit copés
[276] et desertés, et tout avoient fait li François pour eux
logier.
§ 485. Quant li amiraux de France et li baron de
France, chevalier et escuier qui en sa compaignie
5 estoient, furent retourné en le marce de Haindebourc,
il orent mout de dissettes et de souffrètes, et ne trouvoient
à paines riens pour leurs deniers. De vins
n’avoient il nuls: à grant paine pooient il avoir de la
petite cervoise et dou pain d’orge ou d’avaine, et
10 estoient leur cheval mort de froit et effondu de povreté
et de fain; et, quant il les voloient vendre, il ne
savoient à qui ne qui leur en donnast maille ne denier,
ne de leur harnas ossi. Si remonstrèrent che li signeur
à leur cappitaine l’amiral, comment il estoient mené,
15 et ils ossi le savoit bien de li meïsmes; et li dissent
que il ne pooient longuement vivre en celle paine, car
li roiaulmes d’Escoce n’estoit pas uns païs pour ivrener
ne hostoiier, et que avant l’esté revenu, se il demoroient
là, il seroient tout mort de povreté, et, se il
20 s’espardoient sus le païs pour querre leur mieux, il
faissoient doubte que li Escot, qui les haioient pour
leurs varlès qui les avoient batus et villenés en fouragant,
ne les mourdresissent en leurs lis, quant il
seroient aseulés, car il en ooient bien aucunes
25 nouvelles.
Li amiraulx considera bien toutes ces coses, et veoit
assés clerement que il avoient droit et raison de ce
remonstrer, quoi que il euist imaginacion et pourpos
de là ivrener et de remander tout son estat au roi de
30 France et au duc de Bourgongne, et devissoit que,
pour eux rafresquir, sus l’esté, on li renvoieroit gens,
[277] or et argent et pourveances, et feroit bonne guerre
as Englès; mais bien veoit, tout consideré, la mauvaisté
des Escos, et le povreté dou païs, et le peril où
ses gens seroient qui demor[r]oient, et ils meïsmes,
5 que il ne pooient là ivrener. Si donna congiet à tous
ceulx qui partir voloient, qu’il partesissent. Mais au
departement fu li meschiefs, car li baron ne pooient
trouver passage pour eux ne pour leurs gens. On
voloit bien en Escoce que li povre compaignon [et]
10 aucun petit chevalier et escuier qui n’avoient nulle
grant carge, se partesissent, pour plus afoiblir et
esmestriier le demorant des signeurs de France, de
Bourgongne, de Normendie, de Picardie et de Bretaigne
qui là estoient, et leur fu bien dit: «Vos gens
15 se departiront bien quant il voront; mais point de
che païs ne isterés ne partirés [si] serons tout satisfait
des dames que en celle saisson, pour faire vostre
armée, nous avons eu.»
§ 486. Ches nouvelles et monstrances furent mout
20 dures à messire Jehan de Viane, au conte de Grand
Pret, au signeur de Vodenai et as barons dou roiaulme
de France, et remonstrèrent au conte de Douglas et
au conte de Mouret, qui par samblant en estoient courouchiet,
de la dureté que il trouvoient ens es Escos,
25 et que il ne faissoient mies en Escosse enssi que bonnes
gens d’armes et amis au roiaulme de France devoient
faire, quant enssi il les voloient mener et hausagiier,
et que il se metoient bien en parti que jamais chevaliers
d’Escoce n’aroit que faire de venir en France.
30 Chil doi conte dessus dit, qui assés propisse estoient
as barons de France, le remonstrèrent à leurs gens.
[278] Li aucun dissoient que il se disimulloient avoecq eux
et que il estoient participant à toutes ces demandes,
car otant bien i avoient il perdu que li autre. Et en
respondirent à l’amiral et as barons de France que il
5 n’en pooient riens faire, et convenoit que, se il voloient
issir d’Escoce, à ce s’estoit tous li païs arestés, li
damage fussent restoret. Quant li amiraulx veï que il
n’en aroit autre cose, si ne volt pas perdre le plus
pour le mains, car il se trouvoit en sus de tous confors
10 et enclos de la mer, et veoit les Escos de sauvage
oppinion. Si descendi à toutes leurs ententes, et fist
faire un cri parmi le roiaulme d’Escoce que quiconques
savoit riens à demander à lui ne à ses gens, mais que
le damage on le peuist monstrer justement, on se traïsist
15 devers lui, et tout seroit satifait, paiiet et restitué.
Ches parolles amoliièrent bien ceux dou païs, et en
fist li amiraulx sa debte envers tous, et dist bien que
jamais d’Escoce ne partiroit ne isteroit [si] seroient
tout li plaindant paiet et plainement satiffait.
20 Adont eurent pluiseur chevalier et escuier voiage
et passage, et retournèrent en Flandres à l’Escluse ou
là [où arriver] pooient, tout affamé et riens monté,
sans armeures. Et maudissoient Escoce quant onques
il i avoient entret, et dissoient que onques si durs
25 voiages ne fu, et que, se Dieus les peuist aidier, il
veroient volentiers que li rois de France s’acordast ou
atrieuast as Englès un an ou deus, et puis alast en
Escoce tout pardestruire, car onques si malles gens
que Escos sont en nul païs il ne veïrent, ne trouvèrent
30 si faus ne si traïtres, ne de si petite congnissance.
§ 487. Li amiraulx de France, par les premiers
[279] retournans dechà le mer et par ceux de son hostel,
escripsi tout son estat au roi de France et au duc de
Bourgongne, et comment li Escot le menoient et
avoient menet, et que, se on le voloit ravoir, on li
5 envoiast toute la somme telle que il l’avoit faite as
Escos et dont il s’estoit endebtés, [et] tant des gages
qu’il estoit tenus par promesses as chevaliers et as
escuiers dou païs d’Escoce, car li Escot dissoient que
celle saison il avoient guerriiet pour le roi de France,
10 non pour eux, et que [il convenoit que] les damages
que li François leur avoient fait, tant en bois coper,
pour eulx logier et ardoir, que les blés et les avaines
et les fourages des camps que il avoient pris et
foullés à chevauchier parmi, en sejournant ou païs et
15 en faissant leur guerre, [fussent restituet], et que sans
tout ce satiffaire il ne pooit retourner, car enssi
il l’avoit juret et promis as barons d’Escoce, et que
dou roi [d’Escosce] en toutes ces demandes il n’avoit
en riens esté aidiés.
20 Li rois de France, li dus de Bourgongne et leurs
consaulx estoient tenu de racater l’amiral, car il
l’avoient là envoiiet. Si fissent tantos finance en
deniers apparilliés; et en furent paiement fait en la
ville de Bruges, et toutes les demandes des Escos là
25 païes et satifaites, tant que tout s’en contemptèrent.
Et se departi d’Escoce, quant il ot bien paiiet, li ami[r]aulx
amiablement, autrement ne le seuist il faire, et
prist congiet au roi qui estoit en le sauvage Escoce, là se
tient il trop volentiers, et puis au conte Jame [de] Douglas
30 et au conte de Mouret, qui le raconvoiièrent jusques
à la mer. Et monta à Haindebourc, et ot vent à
volenté, et ariva en Flandres à l’Escluse. Aucuns
[280] chevaliers et escuiers qui en sa compaignie avoient alé,
ne tinrent pas son chemin, mais vorent veoir le païs
oultre Escoce: si en alèrent li aucun en Norvègue, en
Denemarce, en [Suede] ou en Irlande. Et si en ot qui
5 alèrent en Irlande, pour veoir le Purgatore Saint
Patris, et ossi li autre et retournèrent par mer celle
saisson en Prusse; mais la grignour partie revinrent
en France et arivèrent, ou à l’Escluse, ou au Crotoi;
et, quel part que il arivaissent, il estoient si povre
10 que il ne se savoient de quoi monter, et se montoient
li aucun, especiaulment li Bourgignon, li Campegnois,
li Barrois et li Lorrain, des chevaux des ahaniers
que il trouvoient sus les camps. Enssi se porta li
rèse d’Escoce.
15 § 488. Quant li amiraulx de France fu retournés
arière en France devers le roi Charle et le duc de
Bourgongne, on li fist bonne chière, che fu raisons,
et li demanda on des nouvelles d’Escoce et de la condicion
et de la nature dou roi et des barons et dou
20 païs. Il en recorda assés, et dist bien que Escot se
retraioient par nature auques sus le condicion des
Englès, car il sont envieux sus les estraigniers, et
que à grant dur il les avoit esmeus à faire chevauchier,
et leur dist que, se Dieux li aidast, il aroit plus
25 chier à estre conte de Savoie ou d’Artois ou d’un tel
païs, que rois d’Escose, et que toute la poissance
d’Escoce il le veï ensamble, sicomme li Escoçois le
dissoient, mais de chevaliers et d’escuiers il ne se
trouvèrent onques cinc cens lances; environ trente
30 mille hommes pooient il estre d’autres gens, si mal
armés que contre les archiers d’Engletère ou contre
[281] gens d’armes il n’aroient nulle durée. Adont fu li
amiraulx demandés se il avoit veu les Englès ne leur
poissance: «Oïl, respondi il, car quant je veï le
manière des Escos que il refusoient et fuioient les
5 Englès, je leur priai que il me mesissent en lieu où je
les peuisse avisser, et ossi fissent il. Je fui mis sus
un destroit par où il passèrent tout, et pooient bien
estre soissante mille hommes, archiers et gros varlès,
et sis mille hommes d’armes, et dissoient li Escot.»--«Amiraulx,
10 che demandèrent li signeur, estoit là
toute la poissance d’Engletière?»--«Par ma foi!
respondi li amiraulx, il me dissent que oïl, et que
nuls n’estoit demorés derière.» Dont pensèrent li
signeur un petit, et puis dissent: «C’est grant cose
15 de soissante mille archiers et de sis ou wit mille
hommes d’armes.»--«Tant pueent il bien estre,
ou plus, ce [dist] li connestables de France, mais je les
aroie plus chier à combatre, pour eux legièrement
ruer jus en leur païs, que je ne feroie le moitiet mains
20 de chà, et che dissoit toudis mes maistres, li dus Henris
de Lancastre, qui me nouri de ma jonèce.»--«Par
ma foi, connestables, dist messires Jehans de
Viane, se vous i eussiés esté atout une bonne carge
de gens d’armes et de Jenevois, sicom je le supposoie,
25 et que consillié fu quant je emprins le voiage, nous
les eussons combatu enmi le roiaulme d’Escoce ou
afamé de leurs pourveances, car il fu telle fois que il
en avoient grant faulte; et nous n’estiens pas gens
pour les tollir et enclore.» Enssi se devissoient li
30 connestables et li amiraulx ensamble, et mettoient le
duc de Bourgongne en grant vollenté que de faire un
voiage grant et estoffé en Engletière.
[282] Nous nos soufferons un petit à parler d’eux, et
retournerons as besongnes de Flandres.
§ 489. Bien est verités que li dus de Bourgongne
avoit grant imaginacion de faire, à le saisson qui
5 retourneroit que on compteroit l’an mil trois cens
quatre vins et sis, un voiage poissant et estoffé de
gens d’armes et de Genevois en Engletière, et i esmouvoit
le roi de France ce qu’il pooit. Li rois, qui pour
che tamps estoit jones et de grant volenté, ne desiroit
10 autre cose que il peuist aler et veoir le roiaulme
d’Engletière et ses ennemis. D’autre part ossi, li connestables
de France, qui estoit uns chevaliers plains
de hautes emprises et bien creus ou roiaulme de
France, et qui de sa jonèce avoit esté nouris ou
15 roiaulme d’Engletière, le consilloit tout entirement,
et ossi faissoient messires Guis de la Tremoulle et li
amiraulx de France.
Pour ce tamps, li dus de Berri estoit en Poito et
sus le Limosin: [si] ne savoit riens de ces consaulx
20 ne de ces emprisses. Li dus de Bourgongne, qui estoit
en France uns grans chiés, et tous li plus grans dalés
le roi, et qui tiroit à faire che voiage de mer, avoit
pluiseurs imaginacions, car bien savoit que tant que
la guerre se tenist en Flandres et que li Gantois leur
25 fussent contraire, li voiages de mer ne se pooit faire.
Si estoit assés plus doulx et plus enclins as priières
et aux traitiés de ceux de Gand, car, quoi que il
euissent aliances au roi d’Engletère et là avoecques eux
messire Jehan [le] Boursier, un chevalier que li rois
30 Richars d’Engletère leur avoit envoiiet pour eux consillier
et gouvrener, [si] desiroient il à venir à paix,
[283] car il estoient si menet de la guerre que li plus riche
et li plus notable de la ville n’estoient pas signeur
dou leur, mais mescheans gens et saudoiier, par lesquels
il convenoit que il fussent menet et gouvrenet;
5 et bien savoient li sage que en fin de tamps il ne
poroient tant durer que il ne fuissent en trop grant
peril de estre tout perdut. Encores s’esmervilloient
li aucun, quant il estoient ensamble, et il en parloient,
comment en une unité il se pooient estre si longhement
10 tenu. Mais li aucun savoient bien, quant il en
parloient ensamble, que li unités qui i estoit, venoit le
plus par force et cremeur et le mains par amours, car
li mauvais et li rebelle avoient si sourmonté les paisieules
et les bons, que nuls n’osoit parler à l’encontre
15 de ce que Piètres dou Bos vosist mettre ne
porter sus. Et bien savoit chils Piètres dou Bos que,
se cil de Gand venoient à paix, que il en moroit. [Si]
voloit perseverer en sa mauvaisté; et de paix ne de
tretiet de paix, fors de guerre et de montepliier tousjours
20 mal, on n’osoit parler devant lui ne en deriere
de lui, où on le sceuist, car, sitos que il le savoit,
quiconques en parloit, com preudons ne sages homs
qu’il fust, il estoit tantos mors et sans merchi.
§ 490. Cheste guerre de Flandres, que chil de Gand
25 avoient maintenu contre leur signeur le conte Loeïs
et le duc de Bourgongne, avoit duret près de set ans,
et tant de malefisses en estoient venu et descendu,
que che seroit mervelles à recorder. Proprement li
Turc, li paiien et li Sarrasin s’en doloient, car marcandisses
30 par mer en estoient toutes refroidies et
toutes perdues. Toutes les bendes de la mer, de soleil
[284] levant jusques à soleil esconsant, et tout le septentrion
s’en sentoient, car voirs est que de dis et set roiaulmes
crestiiens li avoirs et les marcandisses viennent et
arive[n]t à l’Escluse en Flandres, et tout ont la delivrance
5 ou au Dam ou à Bruges. Or regardés dont, à
considerer raison, quant li lontain s’en doloient, se li
païs prochain ne le devoient bien sentir, celle guerre!
Et [si] n’i pooit nuls savoir trouver moïen, et croi
que, quant li pais i fu premièrement avisée, que che
10 fu par la grace de Dieu et inspiracion divine, et que
Dieux ouvri ses orelles à aucunes priières des bonnes
gens et ot pité de son peuple, car mout de menu
peuple gissoient et estoient en grant povreté en
Flandres, ens es bonnes villes et ou plat païs, par le
15 fait de le guerre. Et comment la pais vint de ceux de
Gand envers leur signeur le duc de Bourgongne, je le
vous recorderai de point en point, sicom, ou commencement
des haïnes par quoi les guerres s’esmurent,
je vous ai dit et causé toutes les avenues
20 de Jehan Bar, de Jehan Piet, de Ghisebrest Mahieu et
de Jehan Lion et de leurs complisses; et je vous pri
que vous i voelliés entendre.
§ 491. En la ville de Gand, pour les jours que je
vous parolle, messire Jehan [le] Boursier resgnant pour
25 le roi d’Engletère, et Piètre dou Bos, qui li aidoit à
soustenir son fait et l’oppinion des mauvais, avoit
aucuns sages hommes et preudommes, auxquels ces
dissensses et haïnes desplaisoient trop grandement,
et leur touchoient mout priès dou coer. Et si ne s’en
30 osoient descouvrir, fors l’un à l’autre quoiement et
secréement, car, se Piètres dou Bos le seust que nuls
[285] fesist ne monstrast samblant de voloir pais, il fust tantos
mors sans merchi, com rices, com grans de linages,
com sages ne com preudons qu’il fust, et
exemple de sire Simon Bette et de sire Ghisebrest
5 Grute, que Piètres dou Bos et Phelippes d’Artevelle
ochirent en la ville, present les jurés; et encores depuis,
pour ceux de Gand tenir en cremeur, en avoient
il tamaint fait morir.
En celle saisson, après che que li rois de France ot
10 bouté hors François Acremen de la ville dou Dam, et
tout ars et destruit les Quatre Mestiers, et qu’il fu
retournés en France, sicom chi dessus est contenu,
chil de Gand petit à petit se commenchièrent à doubter,
et suposoient bien li notable de la ville que à
15 l’esté li rois de France à poissance retourneroit devant
la ville de Gand. Piètres dou Bos ne chil de sa secte
n’en faissoient nul compte, et dissoient que volentiers
il veroient le roi et les François devant leur ville, car
il avoient si grandes aliances au roi d’Engletière que
20 il en seroient bien conforté. En ces jours que je di,
avoit en la ville de Gand deus vaillans hommes, sages
et preudons, de belle vie et bonne, et de conversacion,
de nacion et de linage moiien, non des plus
grans ne des plus petis de la dite ville, auxquels par
25 especial il desplaisoit trop grandement le different
que il veoient et la guerre que en la ville il sentoient
envers leur naturel signeur, le duc de Bourgogne, et
ne l’ossoient monstrer pour les exemples dessus dis
de Piètre dou Bos. Li uns estoit naviières et li uns
30 des plus grans entre les navieurs qui i fust, quoi que
li naviages en la ville de Gand, la guerre durant, n’i
valoit riens, et s’appelloit sire Rogier Evrewin; et
[286] li autres estoit bouchiers, li plus grans de la boucherie
et qui le plus i avoit de vois, de linage et d’amis,
et l’appelloit on sire Jaque d’Ardembourc.
§ 492. Par ces deus hommes fu la cose premièrement
5 entamée, avoecques che que uns chevaliers de
Flandres, qui s’apelloit messire Jehan d’Elle, sage
homme et traitable, i rendi grant paine; mais, sans
le moiien des dessus dis, il n’i fust jamais entrés ens
es traitiés ne venus. Ossi ne fuissent tout li chevalier
10 de Flandres, c’est cose posible à croire. Chils messires
Jehans d’Elle estoit de pluiseurs gens bien amés
en la ville de Gand, et i aloit et venoit à le fois quant
il li plaissoit, ne nulle soupechon de li on n’avoit; et
ossi à nullui, dou commenchement, de paix ne de
15 guerre il ne parloit, ne n’euist ossé parler, se li mouvement
ne fuissent premièrement issu des dessus dis
sire Rogier Evrewin et sire Jaque d’Ardembourc. Et
la maniere comment che fu, je le vous dirai.
Chil doi dessus nommet prendoient grant desplaissance
20 au tourble que il veoient ou païs de Flandres,
et tant que il en parlèrent ensamble, et dist cils Rogiers
à Jaqueme: «Qui poroit mettre remède et
atemprance entre la ville de Gand, dont nous sommes
de nacion, qui gist en dur parti, et monsigneur de
25 Bourgongne, nostre naturel signeur, che seroit grant
aumosne; et en aroient chil qui che feroient, grace à
Dieu et loenge au monde, car li differens et li tourbles
n’i sont pas bien seant.»--«Vous dites voir, Rogier,
che respondi chils Jaquemes, mais c’est dur et
30 fort à faire, car Piètres dou Bos est trop perilleux. Si
n’ose nuls mettre avant paix, amour ne concorde,
[287] pour la doutance de li, car là où il le saroit, on seroit
mort sans merchi, et ja en ont esté mort tamaint
preudomme, qui pour bien en parloient et s’en ensonniioient
ou ensonniier voloient, sicom vous savés.»--«Et
5 dont, dist Rogiers, demo[r]ra la cose toudis
en cel estat? Il fault que, quant que soit, elle ait une
fin, et, par Dieu, qui l’i poroit mettre, onques si
bonne journée ne fu.»--«Or me monstrés voie,
dist Jaquemes, et je l’orai volentiers.» Rogiers respondi:
10 «Vous estes en la boucherie uns des notables,
des ainnés et des cremus qui i soit: si porés tout secretement
parler et remonstrer vostre corage à vos
plus grans amis. Et quant vous verés que il i entenderont,
petit à petit vous enterés ens. Et je, [d’]autre
15 part, je sui bien de tous les navieurs, et sai tant de
leurs corages que la guerre leur desplaist grandement,
car il i ont grant damage: [si] le remonsterai à aucuns,
et cil ratrairont les autres et meteront à bonne voie.
Et quant nous averons ces deus mestiers d’acord, qui
20 sont grant et poissant, li autre mestier et les bonnes
gens qui desirent pais à avoir, s’i enclineront.»--«Or
bien, respondi Jaques, j’en parlerai as miens;
or en parlés as vostres.»
Enssi fu fait, comme proposé il l’avoient, et en
25 parlèrent si sagement et si secréement cascuns as
siens, que, par le grace dou saint Esperit, Jaques
d’Ardembourc trouva tous ceux de la boucerie enclins
à sa volenté; et Rogiers Evrewin[s], d’autre part, par
ses biaux langages, trouva ossi les navieurs, qui desiroient
30 au ravoir le naviage dont il n’estoit nulle
nouvelle, car il estoit clos, tous apparilliés à ce que il
voroit faire.
[288] § 493. Or se missent chil doi preudomme, ensamble
en iaulx descouvrant de leurs besongnes, et monstrèrent
l’un à l’autre comment il trouvoient leurs
gens apparilliés et desirans de venir à pais. Si dissent:
5 «Il nous faut un moien, sage homme et secret et
de creance, qui nostre afaire reporte et remonstre
à monsigneur de Bourgongne.» Messires Jehan
d’Elle leur cheï en la main, et tantos l’avisèrent, et
pour ce que il estoit antables de la ville de Gand, si
10 parlèrent à lui et se descouvrirent feablement de leur
secrés, en remonstrant et dissant: «Messire Jehan,
nous avons tant fait et labouré envers ceux de nos
mestiers qu’il sont tout enclin à la paix, là où messires
de Bourgongne voroit tout pardonner et nous
15 tenir ens es francisses anciennes, dont nous sommes
chartré et bullé, et renouveler celles.» Respondi messires
Jehans d’Elle: «J’en traiterai devers lui volentiers,
et vous dites bien.»
Lors se departi li chevaliers de la ville de Gand, et
20 vint vers le duc de Bourgongne, qui se tenoit en
France dalés le roi, et li remonstra tout bellement et
sagement les parolles dessus dites, et fist tant par bel
langage que li dus s’enclina à ce que il i entendi volentiers,
car, pour le fait dessus dit de mener le roi en
25 Engletère et de faire là un grant voiage et exploit
d’armes, il desiroit à venir à paix à ceux de Gand. Et
ses consaulx, messires Guis de la Tremoulle et messires
Jehans de Viane, li consilloient; ossi faissoient li
connestables de France et li sires de Couchi. Si respondi
30 au chevalier: «Je ferai tout che que vous
ordonnés, et retournés devers ceux qui chi vous
envoient.» Adont li demanda li dus se François Acremen
[289] avoit esté à ces traitiés. Il respondi: «Monsigneur,
nenil; il est gardiiens dou castiel de Gavre, je
ne sai se il voloient que il en seuist riens.»--«Dites
leur, dist li dus, que il en parollent hardiement à lui,
5 car il ne me portera nul contraire. Je sens et entens
que il desire grandement à venir à pais et à amour à
moi.» Tout ce que li dus dist, li chevaliers fist, et
retourna à Gand, et aporta ces deux bonnes nouvelles
tant que il s’en contentèrent; et puis ala devers François
10 Acremen au castel de Gavre, et se descouvri de
toutes ces besongnes secrètement à lui. François pensa
un petit sus, et puis respondi liement: «Là où messires
de Bourgongne volra tout pardonner, et la bonne
ville de Gand tenir en ses francisses, je n’i serai ja
15 rebelles, mais diligens grandement de venir à paix.»
Li chevaliers se parti de Gavre et de François, et s’en
retourna en France devers le duc de Bourgongne, et
remonstra tout son traitié. Li dus l’oï et i entendi
volentiers, et escripsi lettres ouvertes et lettres closes
20 qui furent seellées de son seel, mout douces et mout
amiables, à ceux de Gand adrechans; et les aporta li
chevaliers; et retourna en Flandres et vint à Gand.
Mais il n’avoit point les lettres adont avoecques lui,
mais il s’en fist fors à sire Rogier Evrewin et à sire
25 Jaque d’Ardembourc, par lesquels la cose estoit toute
demenée. Or regardés le grant peril où li chevaliers
et eux se metoient, car, se par nulle inspiracion ne
par quelconques voie que ce euist esté, messires
Jehans [li] Boursiers ne Piètres dou Bos l’euissent sceu,
30 il n’estoit riens de leur vie. Onques cose perilleuse ne
fu plus sagement demenée, et Dieus proprement i
ouvra.
[290] § 494. Or dissent sires Rogiers Evrewins et sires
Jaques d’Ardembourc à messire Jehan d’Elle: «Vous
venrés joedi en ceste ville sus le point de noef heures,
et aporterés avoecques vous les lettres de monsigneur
5 de Bourgongne. Si les monsterons, se nous poons
venir à nostre entente, à la communauté de Gand et
leur ferons lire, par quoi il i ajousteront plus de foi
et de creance, car, à l’eure que nous vous dissons,
nous serons tout signeur de la ville ou tout mort. Se
10 vous oés dire, à l’entrer en la ville, que nous soions au
desoulx, vous n’i avés que faire d’entrer, mais retournés
dou plus tos que vous poés, car, se on trouvoit les
lettres sour vous, se vous aviés mille vies, si seriés
vous mors; et, se vous oés dire que nos coses soient
15 en boin point, si venés avant hardiement; vous serés
liement requelliés.» Messires Jehans d’Elle respondi
que enssi seroit fait. Atant fina leurs consaulx, et ce
fu le lundi. Si se departirent li un de l’autre, et s’en
alèrent cascuns en leurs hostels, et messires Jehans
20 d’Elle vuida la ville tous enfourmés et avisés de ce
que il devoit faire. Li doi dessus nommé entrèrent en
grant soing, pour traire leur besongne à bon chief,
et songnièrent le mardi et le merquedi d’aler et
de parler à leurs plus feables amis, les doiiens des
25 mestiers, et tant que il en orent grant acord. Et
avoient d’ordenance que ce joedi, sus le point de wit
heures, il se departiroient de leurs hostels, la banière
le conte de Flandres en leur compaignie, et aroient
un cri, en criant enssi: «Flandre au lion! Le signeur
30 ou païs! Pais en le bonne ville de Gand, quité et pardonné
tous malefisses fais!» Onques ne peurent li
dessus dit, ne ne seurent, ceste cose demener si sagement
[291] ne si secréement que Piètres dou Bos ne le seuist.
Sitos que il en fu enfourmés, il s’en vint devers messire
Jehan [le] Boursier, le souverain cappitaine pour
lors de par le roi d’Engletière, et li dist: «Sire,
5 enssi et ensi va. Rogiers Evrewin[s] et Jaquemes d’Ardembourc
doient demain, sus le point de wit heures,
venir ou marchiet des devenres, la banière de Flandres
en leurs mains, et doient là, en venant parmi la ville,
criier: «Flandres au lion! Le signeur ou païs! Paix
10 à la bonne ville de Gand, et tenue en toutes ses francisses,
et quité et pardonné tous malefices fais!»
Enssi serons nous et le roi d’Engletère, se nous n’alons
au devant, bouté hors de nos juridicions.»--«Et
quel cose est bon, dist li sires [li] Boursier[s], que nous
15 en fachons?»--«Il est bon, dist Piètres dou Bos,
que demain au matin nous nos asamblons en l’ostel
de le Walle, et faites armer toutes vos gens, et nous
en venons, fendant parmi la ville, les banières dou roi
d’Engletère en nostre compaignie, et crions ensi:
20 «Flandres au lion! Le roi d’Engletère ou païs, et
signeur de la ville de Gand; et muirent tout li traïteur!»
Et quant nous serons venu ou marchié des
venredis, chil qui sont de nostre acord, se traient
avoecques nous, et là ochirons nous tous les rebelles
25 et les traïteurs envers le roi d’Engletère à qui nous
sommes.»--«Je le voel, dist li sires [li] Boursier[s],
et vous avés bien visé: enssi sera fait.»
§ 495. Or regardés se Dieux fu bien pour les deus
preudommes dessus dis, sire Rogier et sire Jaqueme,
30 car, de toute ceste ordonnance et de tout ce que il
devoient faire, il furent enfourmet. Quant il le seurent,
[292] si ne furent pas esbahi, ne point ne le convenoit estre,
mais ferme et fort, et tos consillié. Le soir, il alèrent
et envoiièrent devers les doiiens et leurs amis, en
dissant: «Nous deviens aler ou marchiet des devenres
5 à wit heures, mais il nous i faut estre à set heures.»
Et tout ce fissent il pour rompre le fait de Piètre dou
Bos. Tout s’i acordèrent, cil qui segnefiiet en furent,
et le fissent encores assavoir l’un à l’autre.
Quant ce vint le joedi au matin, messires Jehan[s]
10 [li] Boursier[s] et se route s’en vinrent en l’ostel que on
dist le Walle, et pooient estre de ses gens parmi les
archiers environ eux soissante. Là vint Piètres dou
Bos qui estoit, espoir, li quarantime. Tout s’armèrent et
missent en boine ordonnance. Rogier[s] Evrewin[s] et
15 Jaque[s] d’Ardembourc s’asamblèrent sus un certain
lieu où il devoient estre, et là vinrent la grignour partie
des doïens de Gand. Adont prissent il les banières
dou conte, et se partirent et se missent à voie parmi
la ville, en criant en hault: «Flandres au lion! Le
20 signeur ou païs! Pais à la bonne vile de Gand, quité
et pardonné tous malefices, et Gand tenue en toutes
ses francisses!» Chil qui ooient ce cri et qui veoient
les doiens de leurs mestiers et les banières dou conte,
se boutèrent en leurs routes, où il s’armoient, et les
25 sieuoient dou plus tos comme il pooient. Si s’en vinrent
sus le point de set heures ou marchiet des venredis,
et là s’arestèrent, et missent les banières dou
conte devant eux; et toudis leur venoient gens qui
s’ordonnoient avoec eux.
30 Nouvelles en vinrent à messire Jehan [le] Boursier
et à Piètre dou Bos, qui estoient à le Walle, et là faissoient
leur asamblée, comme Rogiers Evrewin[s] et
[293] Jakes d’Ardembourc avoient ja pris le marchiet des
venredis. Adont se departirent il et missent au chemin,
les banières dou roi d’Engletière en leurs mains,
et, enssi comme il venoient, il crioient et dissoient:
5 «Flandres au lion, et le roi d’Engletère, nostre
signeur, ou païs! Et mort tout li traïteur qui li sont
ou seront rebelle ne contraire!» Enssi s’en vinrent il
jusques ou marchiet des venredis, et là s’arestèrent
et se rengièrent devant les autres, et missent les
10 banières d’Engletère devant eux, et atendoient gens.
Mais trop peu de ceux qui venoient se boutoient en
leur route, ainchois se traioient devers les banières
dou conte, et tant que Rogiers Evrewin[s] et Jaquemes
d’Ardembourc en orent de cent les quatre vins, et plus
15 encores; et fu tous li marchiés couvers de gens d’armes,
et tout se tenoient quoi en regardant l’un l’autre.
§ 496. Quant Piètres dou Bos veï comment tout li
doïen des mestiers de Gand et toutes leurs gens se
traioient devers Rogier Evrewin et Jakeme d’Ardembourc,
20 si fu tous abus, et se doubta grandement de sa
vie, car bien veoit que chil qui le soloient servir et
encliner le fuioient. Si se bouta tout quoiement hors
de la presse, sans dire: «Je m’en vois,» et se disimula,
et ne prist point congiet à messire Jehan [le]
25 Boursier ne as Englès qui là estoient, et s’en ala
reponre, pour la doutance de la mort.
Quant sires Rogiers Evrewins et Jaque[s] d’Ardembourc
veïrent le convenant, et que priès tous li peuples
de Gand estoit trais et mis desoubs leurs banières, si
30 en furent tout resjoï et reconforté, et à bonne cause,
car il congneurent bien que leurs coses estoient en
[294] boin estat et que li peuples de Gand voloit venir à
pais envers leur signeur. Adont se departirent il tout
doi de là où il estoient, une grant route de leurs gens
en leur compaignie, et portoient les banières de
5 Flandres devant eux, et li grosse route demoroit
derière. Et s’en vinrent devers messire Jehan [le]
Boursier et les Englès, qui ne furent pas trop asseur
de leurs vies, quant il les veïrent venir. Rogiers
Evrewin[s] s’aresta devant messire Jehan [le] Boursier,
10 et li demanda: «Quel cose avés vous fait de Piètre dou
Bos, ne quelle est vostre entente? Nous estes vous
amis ou ennemis? Nous le volons savoir.» Li chevaliers
respondi et dist qu’il quidoit Piètre dalés lui,
quant il veï que il estoit partis: «Je ne sai que
15 Piètres est devenus; je le cuidoie encores en ma compaignie,
mais je voel demorer au roi d’Engletère,
mon naturel et droiturier signeur, à qui je sui et voel
estre et obeïr, et qui m’a chi envoiiet à le prière et
requeste de vous: [si] vous en voelle souvenir.»--«C’est
20 verités, respondirent li dessus dit, car, se la
bonne ville de Gand ne vous euist mandé, autrement
vous seriés mors. Mais pour l’onneur dou roi d’Engletère
qui chi vous envoia à nostre requeste, vous
n’arés garde ne tout li vostre, mais vous sauverons
25 et garderons sans damage et sans peril, et vous conduirons,
ou ferons conduire, jusques en la ville de
Calais. Si vous departés de chi, vous et vos gens, tout
paisiblement, et vous retraiiés à vos ostels, et ne vous
mouvés de cose que vous oés ne veés, car nous
30 volons estre et demorer avoecques nostre naturel
signeur, monsigneur le duc de Bourgongne, et ne
volons plus guerriier.» Li chevaliers, qui fu tous
[295] joieux de ceste response, respondi: «Biau signeur,
puisque il ne puet estre autrement, Dieux i ait part;
et grant merchis de ce que vous nos offrés et presentés.»
5 § 497. Adont se departi tout paisiblement de la
place messires Jehan[s] [li] Boursier[s], et le sieuirent li
Englès, qui estoient de sa route; et li Gantois, qui
estoient en sa compaignie, se commenchièrent à demuchier
ou à retraire tout bellement entre les autres, et
10 bouter desoulx leurs banières.
Asés tos apriès entra en la ville de Gand messires
Jehans d’Elle, sicom il le devoit faire, et s’en vint ou
marchiet des devenres, pourveus et confortés de belles
lettres seellées et ordonnées de biaux langages et de
15 biaux traitiés qui estoient envoiiés, par manière de
moiien, de par le duc de Bourgongne à la ville de
Gand; et là furent monstré, leu et ouvert à toutes
gens, lesquels coses plaisirent grandement au peuple.
Adont fu François Acremen mandés ou castel de
20 Gavre, liquels vint tantos et s’acorda à tous ces tretiés,
et dist que c’estoit très bien fait, et que de avoir
paix par celle manière à son naturel signeur, il n’estoit
pas bons ne loiaux, qui le desvoloit.
Sus cel estat fu renvoiiés messires Jehans d’Elle
25 devers le duc de Bourgongne, qui se tenoit à Arras,
et la ducoise ossi, et leur recorda toutes les ordenances
de ceulx de Gand, et comment il avoient exploité
et esté armé sus le marchié des venredis, et comment
il estoient tout desirant de venir à paix, et que
30 Piètres dou Bos n’i avoit m[a]is ne vois ne audience,
mais avoit esté sus le point de estre ochis, se il fust
[296] demorés ou marchiet, et que François Acremen
s’aquitoit loiaulment et vaillaument de la pais.
Toutes ces coses plaisirent especiaulment au duc
de Bourgongne, et seella unes trie[ue]s et un boin respit
5 à durer jusques au premier jour de jenvier, et là
endedens un parlement et journée de pais à estre assignés
en la chité de Tournai. Et tout ce raporta il bien
escript et seellet en la ville de Gand, dont toutes gens
orent grant joie, car, à ce qu’il monstroient, il desiroient
10 mout à venir à pais; et François Acremen s’i
enclina grandement, et monstroit bien en toutes ses
parolles que il i estoit pour le duc de Bourgongne.
Encore se tenoient messire Jehan[s] [li] Boursier[s] et
li Englès et Piètres dou Bos en la ville de Gand, mais
15 on ne faissoit riens par eux des ordenances de la ville
ne de tous ces tretiés, car il voloient demorer Englès.
Et estoit tenus Piètres dou Bos en pais, parmi tant
que il avoit juret sus sa foi et loiauté que il ne traiteroit
ne procur[r]oit jamais nulle guerre ne rancune
20 des bonnes gens de Gand envers le duc de Bourgongne,
leur signeur; et de tous ces doubtes et perils
l’avoit osté François Acremen, qui avoit parlet pour
lui et remonstré à ceux de Gand que il se fourferoient
trop grandement et amenriroient de leur honneur, se
25 il ochioient ne travilloient Piètre dou Bos, qui leur
avoit esté si bons et si loiaulx que onques à nulle
souppechon ne traïson il ne le deveïrent.
Par ces parolles et par autres demora Piètres dou
Bos à paix envers ceulx de Gand, car bien savoient
30 toutes gens que François Acremen dissoit verité et que
Piètres leur avoit esté, tenant leur oppinion, bons cappitains.
[297] § 498. Les trieues durant, qui furent prises et
jurées, acordées et seellées entre le duc de Bourgongne
et la ville de Gand, furent ordonné tout cil
qui iroient à Tournai de par la bonne ville de Gand.
5 Et par especial François Acremen i fu esleus ou premier
chief, pour tant que il estoit gracieux homs et
traitables et bien congneus des signeurs; ossi i furent
principaument avoecq lui Rogiers Evrewins et Jaques
d’Ardembourc. Et vinrent as octaves de le Saint
10 Andrieu à Tournai, à cinquante chevaux, et se logièrent
tout ensamble à l’ostel au Saumon, en la rue
Saint Brisse.
Le cinquime jour dou mois de decembre, vinrent li
dus de Bourgongne, madame de Bourgongne et madame
15 de Nevers, leur fille; et entrèrent en Tournai
par la porte de Lille. Et issirent à l’encontre d’eux
sus les camps li Gantois, tout bien monté, ne onques
ne descendirent de leurs cevaulx, quant li dus et ces
dames vinrent, mais à [nus] chiefs, sus les camps et
20 sus leurs chevaux, il enclinèrent le duc et les dames.
Li dus de Bourgongne passa legierement oultre, car
il se hastoit pour aler contre la ducoise de Braibant
qui venoit; et vint ce jour, et entra en la cité de Tournai
par le porte de Marvis, et fu logie à l’ostel de
25 l’evesque.
Or s’entamèrent cil traitié et cil parlement qui ja
estoient tout acordé entre le duc de Bourgongne et le
ville de Gand; et aloit messires Jehans d’Elle, qui les
traitiés tous avoit fais et portés, de l’un à l’autre, et
30 en ot mout de paine. A le priière de madame de
Braibant, de madame de Bourgongne et de madame
de Nevers, li dus de Bourgongne pardonna tout, et fu
[298] la pais criée, acordée, escripte et seellée entre toutes
parties par le manière et ordenance qui chi après
s’enssieut:
§ 499. «Philippes, fils de roi de France, dus de
5 Bourgongne, contes de Flandres, d’Artois et de Bourgongne
palatins, sires de Salins, contes de Rethers et
signeur de Malines, et Marguerite, ducoise, contesse
et dame des dis païs et lieux, à tous ceulx qui ces
presentes lettres verront et orront, salut.
10 «Savoir faissons que, comme nos bien amés soubgés
les eschevins, doïens, conseil et communaulté de
nostre bonne ville de Gand aient humblement supplié
à nostre sire le roi et à nous que de eux vosissons
avoir pité, merchi et misericorde, et que nostre dit
15 signeur et nous leur vosissons pardonner toutes les
offences et mesfais par eux et leurs complisses commis
et perpetrés contre nostre dit signeur et nous, et
il soit enssi que nostre dit signeur et nous, aians pité
et compacion de nos dis subgés, par les autres lettres
20 [d’icelui] nostre signeur et les nostres, et pour les
causes contenues en icelles, aions remis et pardonné
à nostres dis subgés de Gand et leurs complisses les
dis offenses et mesfais, et enssi leur aions confremé
leurs privilèges, franchisses, coustumes et usages, ou
25 cas que il venront plainement à l’obeïssance de nostre
dit signeur et le nostre, laquelle grace et pardon les
dis de Gand et leurs complisses ont receu très humblement
de nostre dit signeur et de nous, et par leurs
lettres et mesagiers solempnels en grans nombres
30 que il ont envoiiés devers nous et les gens de nostre
dit signeur estans à Tournai, ont [remerchié] nostre
[299] dit signeur et nous des grâces [et] pardons dessus dis,
et sont retourné de bon coer à la vraie obeïssance de
nostre dit signeur et de nous, en prometant que
d’ores en avant il seront bons et loiaux et vrais subgés
5 à nostre dit signeur le roi, comme leur signeur
souverain, et de nous, comme leur signeur naturel,
à cause de Marguerite nostre compaigne, et de nous,
Marguerite, comme leur dame naturel et hiretière,
pour quoi, nostre dit signeur et nous nos dis subgés
10 de Gand et leurs complisses avons receu en nostre
garde, misericorde et obeïssance, et donné lettres
de grace, pardon et remission purement et absolutement,
avoec la restitucion de leurs privilèges,
coustumes et usages, sicomme ces coses et autres
15 poeuent plus plainement apparoir par le contenu des
dites lettres. Après lesquelles grasces et remisson,
nos dis subgés de nostre dite bonne ville de Gand
nous ont fait pluiseurs suplications, lesquelles nous
avons receues, fait veoir et viseter diliganment par
20 les gens de nostre conseil, à grant et à meure deliberacion,
lesquelles veues, pour le dit commun de tout
le païs, pour esquieuer toutes disencions qui d’ores
en avant s’en pueent sieurre, de nostre grace, pour
amour et contemplacion de nos bons subgés, avons
25 ordonné sus les dites suplicacions par le manière qui
s’enssieut:
«Premiers, sur ce que il nous ont supliiet que
nous vosissons confremer les privilèges des villes de
Courtrai, d’Audenarde, de Grantmont, Nievle, Tenremonde,
30 Ruplemonde, Alost, Halst, Axele, Bevreliet,
Donse et des casteleries et plat païs d’icelles villes,
nous avons ordonné que les abitans d’icelles dites
[300] villes venront par devers nous et nous aporteront
leurs dis priviléges, lesquels nous ferons veoir par les
gens de nostre conseil, et, iceulx veus, nous en ferons
tant que tous nos dis bons subgés de Gand, comme
5 ceux des bonnes villes, en deveront par raison estre
contens. Et, se aucuns des dis priviléges estoient perdus
par cas de fortune ou autrement, nous en ferons
faire bonne infourmacion, et, icelle veue, i pourverons
comme dit est.
10 «_Item_, sur ce qu’il nous ont supliiet dou fait de la
marcandise, avons volut et consentit que le marcandise
ait cours [francement] et licitement par nostre
païs de Flandres, en païant les deniers acoustumés.
«_Item_, sur ce qu’il suppliient que, se aucuns des
15 habitans de nostre dite ville de Gand ou de le[u]rs
complises estoient arestés ou tamps avenir, en aucun
païs hors de nostre dit païs de Flandres, pour ocasion
des debas et disencions dessus dis, que d’icelles [les]
feïssons tenir paisibles, et nous leur avons otroiet
20 que, se aucuns d’eus estoient aresté, comme dit est,
nous les aiderièmes et deffenderièmes et conforterièmes
de nostre pooir contre tous ceux qui, par
voie de fait, les voroiont grever ou empechier, comme
bons signeurs doivent faire leurs bons subgés.
25 «_Item_, sour ce que il nous ont supliiet que tous les
prisonniers qui ont tenu leur partie, qui sont detenus
par nous ou nos soubgés, feïssons delivrer, nous
avons ordonné et ordonnons que les dis prisonniers,
se il se sont mis à raenchon, seront delivret, en
30 païant leurs raenchons et despens raisonnables, parmi
ce que, se aucuns des dis prisonniers ou de leurs parens
ou amis carnels tiennent contre nous aucunes forterèces,
[301] il les meteront avant toute oeuvre en nostre
main; et parellement seront delivrés les prisonniers
detenus par nos dis subgés de Gand ou leurs complices.
5 «_Item_, en ampliant nostre dite grace, avons ordonné
et ordonnons que tous ceulx qui pour ocasion [des]
debas et dissencions qui ont esté darainement en
nostre dit païs de Flandres, ont esté banit de nostres
dites bonnes villes de Bruges, d’Ippre et dou païs dou
10 Franc ou d’autres villes ou lieux de nostre dit païs de
Flandres, soient remis et restitués francement as villes
et lieux desquels il ont esté banis; et auxi tous ceulx
qui ont esté bani par le justice et loi de nostre dite
ville de Gand, ou mis ou jugiés hors loi, ou qui se sont
15 absentés, seront restitués, et poront rentrer et demorer
en nostre dite ville, pourveu que ceux qui ont
tenu la partie de Gand et seront restitués es villes, es
lieux dou païs, comme dit est, feront en la ville de
Gand le serment chi desouls escript, et ossi celi serment
20 es mains de nos officiers, quant il deveront entrer
es villes es quelles il seront restitués. Et, en oultre,
il jur[r]ont qu’il garderont la paix et seurté des dites
villes ne as abitans d’icelles, et ne pourcaceront, par
aucune voie [directe] ne oblique, mal ne damage as
25 dites villes ne as abitans d’icelles, et parellement le
jur[r]ont chil qui enteront en nostre dite ville de Gand.
«_Item_, que tous ceux de nostre dite ville de Gand
et leurs complices, qui obeïront à le grace de nostre
dit signeur et la nostre, venront presentement à
30 nostre obeïssance; et, quant as absens, dedens le
tamps qui chi après sera ordonné, seront restitués à
leurs fiefs, maisons, rentes et hiretages, en quelque
[302] lieu que il seront, nonobstant quelconques malefices
ou forfaitures pour l’ocquison des disencions desus
dites, ensi que il les tenoient avant icelles disencions.
«_Item_, que, se aucuns des dis de Gand ou leurs
5 complices sont hors de la dite ville es païs de Braibant,
de Hainnau, de Hollandes, de Zellandes, de Cambresis
[et] de l’evesquiet de Liège, et il venront en
l’obeïssance de nostre dit signeur et de la nostre, et
feront les sermens qui chi après seront declairiés, à
10 nous ou à ceux que nous i cometterons, dedens deus
mois après la supplication de la paix dessus dite, il
joïront des pardons et des graces dessus dis. Et ceux
qui sont es païs d’Engleterre, de Frise ou d’Alemaigne
et autres dechà la grant mer, et venront à [o]beïsance
15 dedens quatre mois après le suplicacion dessus dite,
et ceux qui sont oultre la dite grant mer, ou à Rome
ou à Saint Jaque, et venront à icelle obeïssance dedens
un an apriès la dite supplicacion sans fraude, et
jur[r]ont comme dessus est dit, il joïront des graces
20 et pardons dessus dis. Et auxi ceuls qui aront esté
banis, jugiés hors loi ou absens de nostre dite ville
de Gand pour ocasions des dites disencions, seront
restitués en leurs fiefs, maisons, rentes et hiretages
toutes fois qu’il leur plaira.
25 «_Item_, que des biens meubles qui ont été pris
d’une part et d’autre, ne sera faite aucune restitucion,
mais en demor[r]ont quite tous ceuls qui les ont
pris, et auxi pour les obligacions faites pour l’ocquison
de ces biens meubles, se aucuns n’estoit, pour
30 descargier leurs consiences, en vausissent aucuns
rendre.
«_Item_, que les posesseurs ou detempteurs des
[303] maisons dessus dites auxquelles seront restitués,
tant ceux de l’une partie comme de l’autre, ne poront
d’icelles maisons riens oster tenant à plonc, à clau ou
à queville, et seront tenues les posessions d’icelles
5 maisons sans rentes et revenues des hiretages,
[demorans] sans restitucion; et ce qui en est deu et
auxi d’ores en avant les fruis, rentes et revenues
dessus dites seront levées paisiblement par ceuls à
qui il doivent appartenir.
10 «_Item_, ja soice que pluiseurs de nos dis subgés de
Gand et leurs complises aient fait hommage des fiefs
que il tiennent, as autres signeurs que ceux à qui il
apartient, et par ce leurs dis fiefs poeuent estre fourfais,
che nonobstant, nous volons de nostre grace que
15 ichaulx fiefs leur demor[r]ont, en faissant les homages
à nous de ce qui est tenu de nous, sans moïen, et à
nos vassaulx de ce qui doit estre tenu d’eux; et ainsi
nous otorissons de grace especial les deshiretemens
et aheritemens et recongnissances faites par loi, parties
20 presentes.
«_Item_, que nos dis subgés de Gand, eschevin,
doïen, conseil et toute la communaulté de nostre dite
ville de Gand et leurs complices, par nostre ordenance,
de leur bonne volenté ont renonchiet et renonchent
25 à toutes aliances, sermens et obligacions, [fois]
et hommages que eux ou aucuns d’eux avoient fais au
roi d’Engletère ou à ses commis, deputés, gens ou
officiers, et tous autres qui ne seroient bienvoellant
de nostre dit signeur et de nous; et nous ont fait serement
30 de estre d’ores en avant perpetuelle[ment] bons,
vrais et loiaux subgés et obeïssans de nostre dit
signeur, come leur signeur souverain, et de ses
[304] subcesseurs rois de France, et de nous, comme leurs
droituriers signeur et dame, et de nos sucesseurs
conte[s] de Flandres, et de nous faire tels services et
à nos dis sucesseurs, comme bons subgés doivent
5 faire à leurs bons signeur et dame, de garder nos
corps, honneurs et hiretages et drois, et empaichier
tous ceulx qui pourcachier vodroient le contraire, et
le faire savoir à nous ou à nos officiers, sauf leurs
priviléges et francisses.
10 «_Item_, que à ce que nos dis subgés de nostre dite
bonne ville de Gand demor[r]ont à tousjours en boine
pais et en la vraie obeïssance de nostre dit signeur le
roi et de nous et de nos hoirs contes de Flandres,
pour esquieuer tous autres debas et disencions qui
15 poroient sourvenir, nous volons et ordonnons que tous
les articles et poins dessus dis soient tenus et gardés
sans enfraindre; et deffendons à tous nos subgés, sur
quanques il se pueent meffaire envers nous, que pour
ocasion et debas et disencions dessus dis, il ne meffacent
20 ne facent meffaire par voie directe ne oblique,
de fait ne de parolles, aux dis de Gand ne à leurs
complices, et ne leur dient aucuns oprobres, reproces
ne injures.
«_Item_, que, se aucuns faisoit le contraire de ce
25 que dessus est dit, et que pour nous de fait il injuriast
ne portast damage à aucuns des dis de Gand ou
de leurs complices, ou aucuns de ceux de Gand ou de
leurs complises injuriast ne fesist damage à aucuns de
ceux qui ont tenu nostre partie, pour ocasion des
30 debas et dissencions dessus dites, de celle offence,
que, par le congnissance des officiers dou signeur et
des lois à qui il apartenra, le fait soit criminel, le
[305] malfaiteur, ses aidans et complices, et ceux qui le
rechepveront, sans fraude soient pugnis en corps et
en biens comme de paix enfrainte, tant par le justice
et officiers de nous ou d’autres signeurs, comme par
5 les lois dou païs, sicom à cascun [apartenra], et soit
faite satisfacion raisonnable à la partie blechie des biens
dou malfaiteur, et le sourplus aplicquié à nous ou aux
signeurs où il appartenra, sauf les previlléges des villes.
«_Item_, se aucuns des bourgois de nostre dite ville
10 de Grand estoient fais hors loi, ne banis pour fraction
de la dite paix, suposé que par les previlé[ge]s d’icelle
ville par avant ces presentes ne deuissent perdre leurs
biens, nientmains, pour mieux tenir celle presente
paix, il les perderont, et sur iceux biens sera faite
15 satisfacion à le partie blechie, comme dit est, et la
residue venra as drois hoirs d’iceux, comme se il
fuissent trespasset, sauf en tous autres cas les previléges
de nostre dite ville de Gand. Et, se tels malfaiteurs
ne pueent estre pris, il soient banis, fais hors
20 loi et aubanés; de leurs biens soit ordonné comme dit
est; et oultre volons et ordonnons que, en absence
des officiers et menistres de justice, cascuns puist
prendre tels malfaiteurs et les mener as officiers et
menistres de justice à qui il appartient.
25 «_Item_, se aucuns par parolle ou autrement que
dessus est dit, à la congnissance des officiiers et lois
des lieux, venront contre nostre ordenance, nous
volons et ordonnons qu’il soit pugnis d’amende arbitraire,
telle et si grande qu’il soit examplaire à tous
30 autres, par les officiiers et lois des lieux, enssi comme
à cascun de droit poet appartenir, sauf les previllé[ge]s
et francisses des lieux.
[306] «_Item_, que, se aucune personne d’eglise venoit contre
la dite paix, elle soit baillie à son [ordinaire], et il en
prengent pugnicion comme de paix enfrainte, selonc
ce que li cas le requiert.
5 «_Item_, que ceste dite pais d’ent[re] nous et nos
bons subgés de nostre dite bonne ville de Gand et
leurs complisses sera crié[e] et publiée solempnellement
en icelle ville et ens nos aultres bonnes villes
de nostre dit païs de Flandres.
10 «_Item_, que, se aucunes doubtes ou obscuretés
souvenoient ou tamps à venir sour les articles et poins
dessus dis, circonstances et dependances d’iceux,
nous les declar[r]iens et feriens declarier et interpetrer
par nostre conseil, raisonnablement et tellement
15 que tous ceux à qui il appartenroit, en deveroient
estre contens.
«Et nous, [eschevin], doiien et communaulté de la
ville de Gand, pour nous et nos complises quelconques
il estoient, avons reçu et recevons humblement
20 les graces, pardons et clemences dessus dis à nous
fais par le roi Charle, nostre souverain signeur, et par
les dis duc et ducoise, conte et contesse de Flandres,
nos droituriers et natureulx signeur et dame; et des
dites graces et pardons remerchions de nos bons coers,
25 tant que plus poons, le roi, nostre souverain signeur,
et nos dis signeur et dame; et prometons loiaulment
par nous et par nos dis complices, et sus les paines
dessus dites, tenir, entretenir et acomplir fermement
sans enfraindre tous les articles et poins dessus dis,
30 lesquels et cascuns d’eux nous avons agreables. Et,
ou cas que aucuns ou aucunes voroient venir à
l’encontre, nous prometons à aidier et à pourcachier
[307] de tout nostre pooir qu’il soient pugnis par le fourme
et manière qu’il appartenra, et mis en la vraie obeïssance
dou roi et de nos dis signeur et dame, comme
dessus est dit; et renonchons à toutes aliances, sermens,
5 obligacions, fois et homages que nous ou aucuns
de nous avons fais au roi d’Engletière ou à ses commis
et deputés, gens et officiers, et à tous autres qui
ne seroient bienvoellans de nostre dit souverain signeur
ou de nos dis naturel[s] signeur et dame.
10 «_Item_, avons nous juré et jurons en nos loiautés
que d’ores en avant perpetuellement nous sommes et
serons bons, vrais et loiaulx subgés au roi nostre dit
signeur souverain, et à ses subcesseurs rois de France,
et à nos droituriers et naturels signeur et dame dessus
15 dis, et à leurs sucesseurs, contes et contesse[s] de
Flandres; et que à nos signeur et dame dessus dis et
à leurs sucesseurs, contes et contesses de Flandres,
nous ferons les sermens que boins et loiaux subgés
doivent faire à leur droit signeur, et garderons leurs
20 corps et honneurs.
«En tesmoing desquelles coses, nous, duc et ducquesse
dessus dis, avons fait mettre nos seaulx à ces
lettres, et nous, eschevins, doïens et communaultés
de la ville de Gand, i avons ossi mis le grant seel
25 d’icelle ville.
«Et, en oultre, nous, duc et ducesse dessus dis,
avons priiet et requis, prions et requerons à nostre
très chière et très amée ante la ducesse de Lucembourc
et de Braibant, et à nostre très chier et très
30 amé frère le duc Aubert de Baivière; et ossi [nous],
eschevins, doïens, conseil et communaulté de la dite
ville de Gand, suplions à très haute et poissante
[308] princesse madame la ducoisse de Lucembourc et de
Braibant, et à très haut et poissant prince le duc
Aubert de Baivière, dessus nommé; et, en oultre,
nous, duc et ducoisse de Bourgongne, requerons, et
5 nous, eschevins, doïens, conseil et communauté de
Gand, prions as barons et nobles dou païs de Flandres
chi après nommés, as bonnes villes de Bruges, d’Ippre,
au terroir dou Franc et aux bonnes villes de Malignes
et d’Anviers, que, pour bien de pais et pour plus grant
10 seureté et en tesmoingnage de verité de toutes les
coses dessus dites et de cascune d’icelles, voellent
mettre leurs seaulx et les seaux des dites villes à ces
presentes.
«Et nous, Jehane, par la grace de Dieu ducoisse
15 de Lucembourc et de Braibant et de Lembourc; nous,
dus Aubers de Baivière, baus et gouvreneur et hiretier
des païs de Hainnau, de Hollandes et de Zellandes
et de la signourie de Frise; nous, Guillaumes, ainsnés
fils le conte de Namur, signeur de l’Escluse; Hue,
20 signeur d’Antoing, chastelain de Gand; Jehan, sire de
Ghistelle et de [Hornes]; Henri de [Bèvre], sire de
Disquemude et de Aure; Jehans, sires de Grimseberghe
et de la Grutuse; Ernouls de [Javre], sires d’Escornai;
Phelippes, sires d’Axelle; Loïs de le Halse, bastart de
25 Flandres; G[e]rart de Rassenghien, sires de Basserode;
Gautiers, sires de Haluin; Phelippes de Mamines, sires
de Eque; Jehan Villain, sire de Saint Jehan à [le
Piére]; Jehan d’Outre, chastelain d’Ipre, et Loïs, sires
de Lambres, chevaliers; et nous, burghemaistre, avoé,
30 eschevins et conseil des villes de Bruges et d’Ippre;
nous, Phelippes de Zeldeghien, Montfranc de Essine,
Phelippes de Monkanart, chevaliers, eschevin dou
[309] tereoir dou Franc, pour et ou non d’icellui terroir,
lequel n’a point de seel commun; et [nous, commune-maistre,
eschevin et] conseil des villes de Malignes et
d’Anwiers, avons à la dite priière et requeste, pour
5 bien de pais et en plus grant seurté et tesmongnage
de verité de toutes ces coses dessus dites et de cascune
d’icelles, fait mettre et mis nos seaulx et les seaulx
des villes dessus dites à ces presentes lettres, faites
et données à Tournai, le dis et witime jour dou mois
10 de decembre, l’an de grace mille trois cens quatre vins
et cinc.»
§ 500. Après toutes ces ordenances faites et ceste
chartre de la paix grosée et seellée, elle fu leute et
publiie par devant les parties. Et sachiés que cil de
15 Bruges ne se contentoient pas bien de l’article qui
contenoit que de toutes prises et pillages ne roberiies
[faites] la guerre durant, cil de Gand ne faissoient
nulle restitucion, mais qui plus i avoit mis, plus i avoit
perdu. Nequedent il n’en peurent avoir autre cose:
20 [si] leur convint passer, car il ne pooient pas tout seul
gueriier, mais bien disoient que ceulx de Gand parfaitement
il n’ameroient jamais. Des dessus dites cartres
et lettres de paix li dus de Bourgongne et ses
consaulx en eurent une partie, et cil de Gand otant
25 bien une autre; et qui le copie d’icelles voloit avoir,
mais que contrescrire on les fesist, on les avoit; si
furent copiies et escriptes en pluiseurs lieux. Quant
toutes ces coses furent bien faites au plaissir et à la
souffissance de toutes parties, François Acremen, qui
30 estoit là uns grans chiefs, avoecques ceulx de Gand,
sires Rogiers Evrewin, Jacob d’Ardembourc et li
[310] bourgois de Gand s’en vinrent tout premièrement
devers le ducoise de Braibant, et le remerchièrent
grandement de sa bonne diligence et dou grant travail
que elle avoit pris et eu en ces besongnes. Et puis
5 prissent [congié] à li, et en apriès à monsigneur de
Bourgongne, et à madame sa femme, et à madame lor
fille, contesse de Nevers, et à tous les signeurs; et puis
se departirent de Tournai, et s’en retournèrent à Gand.
Cil signeur et ces dames se departirent ossi et s’en
10 retournèrent cascuns en son lieu. Li dus de Bourgongne
et la ducoise vinrent à Lille, et de là à Arras,
et i fissent leurs festes de Noël.
Quant Piètres dou Bos veï que c’estoit tout acertes
que la pais estoit faite et confremée par les moiiens
15 dessus dis, et que toutes gens en Gand en avoient grant
joie, et ne se tailloit pas que pour ceste ordenance,
par nulle incidence, guerre renouvelast, si fu tout abus
et ot pluiseurs imaginacions à savoir se il demor[r]oit
à Gand avoecques les autres. Bien le pooit faire, se il
20 voloit, car tout estoit pardonné par le teneur et seellé
dou duch de Bourgongne et des signeurs dessus nommés,
ne on n’en devoit, pour guerre ne disencion qui
euist esté, jamais faire fait ne monstrer samblant.
Mais, quant il avoit bien examiné son coraige, son
25 coer ne s’i acordoit nullement que il i demorast, tant
pour les proïsmes et amis dou signeur de Harselles,
dont il avoit consenti la mort, quoi que François Acremen
en fust encoupés, que pour les mors ossi de sire
Simon Bette et sire Gisebrest Grute et de pluiseurs
30 autres, que il avoit fait, la guerre durant, ocire et
decoller en sa presence.
Si en ot colacion à François Acremen, et li demanda:
[311] «François, quelle est vostre entente? Demor[r]és vous
en ceste ville de Gand?»--«Oïl, par m’arme, respondi
François; monsigneur de Bourgongne le voelt,
et vous savés que par les poins et articles de la pais
5 tout est pardonné.»--«Ha! François, respondi
Piètres, vous ne l’entendés pas bien. Je croi assés que
monsigneur de Bourgongne ne voelt que bien et
loiauté, et tout li officiier de Flandres; mais il i a des
grans haïnes couvertes dedens Gand sur nous et qui
10 se descouveront temprement. Se chi demorons, je fai
[grant] doubte que nous ne compar[r]ons les mors dou
signeur de Harselles, de Simon Bette et de Ghisebrest
Grute et de pluisseurs autres que nous avons fait
ocire. Comment sarés vous aler tous seuls, et vous
15 solliés estre acompaigniés d’un cent ou de deus cens
[hommes tous armés et en vostre commandement]?
Comment sarés vous estre varlès où vous avés esté
maistres? Cil qui vous soloient encliner vous esquieueront
leur parolle. Sachiés, je considère bien tous ces
20 estas, et, se vous m’en creiés, vous en verriés en
Engletère avoecques moi, car briefment je partirai de
la ville de Gand, quant messires Jehans [li] Boursier[s]
et li Englès partiront. Or en faites che que vous volés:
vous estes à cues dou partir ou dou demorer.» Che
25 respondi François: «Je demor[r]ai. Je ne congnois
nullui en Engletère, et ja m’a monsigneur de Bourgongne
retenu de son hostel et ordonné mes besongnes.
Je m’en irai avoecques lui. Je croi que il
me fera bonne chière, et il le me dist bien à Tournai;
30 et ossi fist mesires Guis de la Tremoulle.»
§ 501. Atant finèrent il leur parlement. Ne demora
[312] gaires de tamps depuis que mesires Jehans [li] Boursier[s]
ordonna ses besongnes pour le partir. Piètres
dou Bos, de autre part, se ordonna aussi pour partir
avoecques lui, et fist une prière et requeste à ceulx
5 de Gand que, en nom de guerredon et de paiement
pour les biaux services que ils leur avoit fais dou
tamps passé et son corps par trop de fois aventuré
pour leurs besongnes, que il li fesissent celle grace
que sen corps et sa femme et ses enfans et sen meuble
10 paisiblement il laissassent partir de la ville de Gand,
en la compaignie de messire Jehan [le] Boursier,
car pour tousjours mais il se [esentoit] de la ville de
Gand.
En ces jours estoit nouvellement fait doiiens des
15 navieurs, de par le duch de Bourgongne, sire
Rogiers Evrewins, et doiiens des menus mestiers,
sires Jakemes d’Ardembourc. Chil doi estoient li plus
grant office de la communaulté de Gand; si rendirent
grant paine et grant conseil à ce que on li acordast,
20 car trop plus chier il avoient sen departement que
sen arest, et mout le doutoient. Acordé li fu, dont il
ot grant joie. Lors s’ordonna il de tous poins et se
departi li dis Piètres et toute sa mesnie, femme et
enfans, de la ville de Gand, en la compaignie de messire
25 Jehan [le] Boursier et des Englès. Et enmena grant
fuisson de bon et de bel [avoir et] de jeuiaulx d’or et
d’argent, car bien avoit eu le tamps pour le asambler.
Si furent aconduit de messire Jehan d’Elle et d’autres
gens, sus le conduit et seellé de monsigneur de Bourgongne,
30 jusques en la ville de Callais. Pour ce tamps
en estoit chappitaine messires Guillaumes de Biaucamp,
qui les requelli liement. Adont retourna li chevaliers
[313] de Flandres, et s’en vint à Saint Omer, et de
là en à Arras, devers le duch de Bourgongne.
§ 502. Ne demoura point gaires de tamps après que
messires Jehans [li] Boursier[s] se departi de Calais, et
5 s’en vint en Engletière, et vint devers le roi, qui pour
ces jours se tenoit à Widesore, et si oncle dalés lui.
Si fu li bien venus, et fu demandés des besongnes de
Flandres, quoi que il en seuissent assés. Il leur [en
re]corda tout de chief en cor, et puis representa Piètre
10 dou Bos au roi, et dist que cils avoit esté li plus loiaux
pour le roi de tous ceulx de Gand, et que hardiement,
se il euist eut sieute des Gantois, il euist ocis
tous les traïteurs, mais à ce qu’il avoient monstré, il
desiroient et avoient desiré grandement le paix. Li
15 rois d’Engletère respondi et dist: «On ne doit avoir
en nulle communaulté nulle trop grant fiance, et bien
l’avons esprouvé en nostre terre meïsmes.» Là donna
li rois d’Engletère cent livrées d’estrelins par an de
revenu à Piètre dou Bos, et fu asignés sur les estaples
20 des laines, et le retint de son conseil. Si vint Piètres
dou Bos demorer à Londres, et là tint son estat grant
assés, et estoit et fu bien dou roi et de tous les signeurs
d’Engletère. Et François Acremen se tint et demora
à Gand; mais longuement ne fu che pas, car il avint
25 de lui tout che que Piètres dou Bos li segnefia.