Et premiers, messire François de Havesquerque; et
puis messire Gossuin le Sovage, devant messire François;
messire Lancelot la Personne, devant messire
Gossuin; messire Jehan de Helle, devant messire
10 Lancelot.
_Item_ s’ensieuwent cil qui portèrent les banières de
le bière et du tournoi:
Messire Mahieux de Humières, devant messire Jehan
de Helle; le seigneur des Abiaux, devant le dessus dit
15 sire Mahieu; messire Tiercelet de le Bare, devant le
seigneur des Abiaux; messire Jehan de Paris, devant
messire Tiercelet.
_Item_ chi après s’ensieuwent les noms des barons,
qui aidièrent à porter le corps dou conte de la porte
20 des Malades mouvant, en venant parmi la ville de Lille,
jusques à l’eglise Saint Pierre:
Et premiers, messire Jehans de Viane, amiraus
de France, au destre, et li seigneur de Ghistelle, au
senestre; messire Waleran de Raineval après, au
25 destre, et le castelain de Disquemue, au senestre;
le seigneur d’Escornais après, au destre; messire Ansel
de Salins, au senestre.
_Item_ chi s’ensieuwent li baron, qui aidièrent à porter
le corps de la contesse de Flandres, mouvant de la
30 porte Saint Ladre en venant, jusques à l’eglise Saint
Pière:
Et premiers, le seigneur de Sulli, au costé destre,
[160] et le seigneur de Castillon, au costé senestre; messire
Guis de Pontaliers, marescal de Bourgongne après,
au costé destre, et monsigneur Gerart de Ghistelle, au
costé senestre; et puis, messire Henri d’Antoing, au
5 destre, et le castellain de Furnes, au senestre.
§ 405. _Item_ chi après s’ensieuwent les ordonnances
dou jour de l’obsecque, lequel on fist en l’eglise Saint
Pierre à Lille, et comment les corps furent enterés,
et li seigneur qui i furent, et les escus; ossi les noms
10 des escuiers qui tinrent les escus toute la messe durant
jusques à l’ofertoire:
Le duc de Bourgongne tout seul; et le premier
escut fist porter devant lui de messire Raoul de Raineval
et dou seigneur de la Grutuse; et fu soustenu
15 l’escut de Lambequin de la Coustre et de Jehan de
Pontaliers, frère au mareschal de Bourgongne.
Après, le second escut, devant monseigneur Jehan
d’Artois, conte d’Eu, et messire Philippe de Bar:
l’escut fu tenus de Waleran de la Sale et de l’Esclave
20 d’Anechin.
Après, le conte de la Marce et messire Phelippe
d’Artois: l’escut fu tenus de Gillion de le Brest et de
Robin de Floregni.
Après, Robert, monseigneur de Namur, dalés lui
25 messire Guillaume de Namur, sen nepveu: l’escut fu
tenus de Cambernart et de Gerart d’Estervaille.
_Item_ pour les escus dou tournoi:
Le seigneur d’Enghien, dalés lui messire Jehan de
Namur: l’escut fu tenus de Eulart de Poucres et de
30 Hervi de Mouci.
Après, messire Hue de Chalon et le seigneur de Fère:
[161] l’escut fu tenus de Jehan de Halluin et de Oudart de
[Caserom].
Après, le seigneur d’Antoing et le seigneur de Ghistelle:
l’escut fu tenus de Tristran de Lambres et de
5 Jehan dou Beart.
Après, le seigneur de Moriamés et le seigneur de
Sulli: l’escut fu tenus de Jehan de Fressinghem et de
Damas de Bussi.
_Item_ s’ensieuwent chil qui offrirent les destriers de
10 la guerre:
Et premiers, le seigneur de Chastillon et messire
Simon de Lalaing, bailli de Hainnau, et estoient li seigneur
à piet, et li cheval armet et couvert; pour le
second, messire Waleran de Raineval et le castelain de
15 Disquemue; pour le tierch, messire Hue de Melun et
le seigneur d’Aussi; pour le quart, le seigneur de
Briffoel et le seigneur de Brimeu.
_Item_ s’ensieuwent chil qui offrirent les destriers dou
tournoi:
20 Et premiers, messire Henris d’Antoing et messire
G[e]rart de Ghistelle pour le premier; pour le second,
le seigneur de Montegni et le seigneur de Rassenghien;
pour le tierch, le seigneur de le Hamaide et le castelain
de Furnes; et pour le quart, le seigneur de Fagnoelles
25 et messire Rolant de le [Clite].
_Item_ s’ensieuwent chil qui offrirent les glaives de
la gherre:
Premiers, monseigneur l’amiral de France; [le]
second, le seigneur de [Rai]; le tierch, le mareschal
30 de Bourgogne; et le quart, le seigneur de Sempi.
_Item_ s’ensieuwent les noms de ceux qui offrirent les
espées dou tournoi:
[162] Premiers, messire Guillaume de Ponthieu; le second,
messire Guillaume de la Tremouille; le tierch, le castellain
d’Ippre; et le quart, messire Ghuis de Honcourt.
5 _Item_ s’ensieuwent cil qui offrirent les hiaumes de la
gherre:
Pour le premier, le seigneur de Villers, et dalés lui
le seigneur de Mailli; pour le second, messire Guillaumes
de Hornes et messire Ansiel de Salins; pour
10 le tierch, messire Jehan d’[Ophem] et le castelain de
Saint Omer; et pour le quart, messire Ghuis de Ghistelle
et le Galois d’Aulnoi.
_Item_ pour les heaumes dou tournoi:
Premiers, messire Josse de Halluwin et messire Olivier
15 de Gussi; pour le second, le seigneur de la Capelle
et le seigneur de Mornai; pour le tierch, le seigneur
de [Hollebeque] et le seigneur de Lalaing; et
pour le quart, messire Tristran dou Bois et messire
Jehan de Jeumont.
20 _Item_ s’ensieuwent chil qui offrirent les banières de
guerre:
Pour le premi[è]re, le seigneur de [Lichtervelde];
pour le seconde, messire Lionel d’Araines; pour le
tierce, messire Gille de la Grutuse; et pour le quarte,
25 messire Jehan de Linseillon.
_Item_ s’ensieuwent chil qui offrirent [les banières]
dou tournoi:
Pour la première, messire Orengois de Rilli; pour
la seconde, messire Jehan de Chevreuses; pour la
30 tierce, messire Jehan de Disquemue; et pour la quarte,
messire Guillaume de la [Clite].
_Item_ s’ensieuwent les noms des seigneurs qui, après
[163] l’obsèque fait, misent le corps dou conte de Flandres
en terre: messire Jehan de Viane, amiral de France,
le seigneur de Ghistelle, messire Walleran de Raineval,
le castellain de Disquemue, le seigneur de [Rai]
5 et messire Ansiau de Sallins.
§ 406. _Item_ s’ensieuwent les noms de ceux qui enterrèrent
le corps de la contesse, femme qui fu au conte:
monseigneur Ghuis de la Tremouille, le seigneur de Sulli,
le seigneur de Castillon, le mareschal de Bourgoingne,
10 monseigneur Gerard de Ghistelle, monseigneur Henri
d’Antoing et le castellain de Furnes. Et est assavoir
que tous ceux qui furent en office à l’entrer en l’eglise
de Saint Pierre de Lille, quant les corps i furent
aportés la vesprée, il demorèrent en l’office à l’endemain
15 à la messe, tant des chevaliers armés comme de
ceux qui portoient banières, et ossi des escuiers qui
menèrent les chevals.
_Item_ i eut à l’aporter les corps dou conte de Flandres
et de la contesse sa femme, parmi la ville de Lille,
20 venant jusques à l’eglise Saint Pierre, quatre cens
hommes, ou environ, tous noirs vestus. Et porta cascuns
desdis hommes une torse, pour convoier les corps
jusques à le dite eglise Saint Pierre; et ces quatre
cens hommes dessus dis tinrent les torses l’endemain
25 en l’eglise durant la messe, et tout chil qui les tenoient
estoient eschevin de bonne villes ou officier de son
hostel; et dist la messe li archevesques de Rains, et
estoit acompaigniés de l’evesque de Paris, de l’evesque
de Tournai, de l’evesque de Cambrai et de l’evesque
30 d’Arras, et si i furent avoecq eux cinc abbés.
_Item_, il est assavoir que il ot en l’eglise, à l’obsecque,
[164] ung traveil auquel il avoit set cens candeilles u environ,
cascune candeille de une livre pesant, et sus ledit traveil
avoit cinc banières: chelle dou milieu estoit de Flandres,
[et la destre d’Artois, et la senestre] au desous, de
5 la conté de Bourgongne, et la quatrime apriès, de la
conté de Nevers, et la cinquime, de la conté de Rethel.
Et estoit li travaux armoiés d’un lés d’escuchons de
Flandres, et au lés senestre de madame, d’escuchons
de Flandres et de Braibant. Et aval l’eglise avoit douse
10 cens candelles ou environ, pareilles à celles dou traveil,
et n’i avoit dame ne damoiselle de par monseigneur
de Bourgongne ne de par madame sa femme,
fors la gouverneresse de Lille, femme au gouverneur.
Et i fist on ung très biau disner, et furent delivret de
15 tous coustenges et frais, tant de bouce comme as hostels,
tous chevaliers et escuiers qui la nuit et le jour
de l’obsecque i furent ensonniiet, et leur furent envoiet
tout li noir drap de coi il furent vesti à ce jour.
Après toutes ces coses ensi faites, cascuns retourna
20 en son lieu, et laissa li dus de Bourgongne es garnisons
de Flandres et par toutes les villes chevaliers et
escuiers, quoi que les trieues fuissent jurées, acordées
et seellées en France et Engletière et de tous les païs
conjoins et ahers avoecques eux; et se tenoit cascuns
25 sour sa garde. Et puis retourna li dus de Bourgongne
en France, et madame sa femme demora un terme
en Artois.
§ 407. Vous avés bien chi dessus oï recorder comment
li signeur de France, qui au parlement avoient esté
30 en celle ville que on dist à Lolinghen, qui siet entre
Calais et Boulongne, se cargièrent à leur departement
[165] que il segnefieroient les trieues, qui prises estoient de
toutes parties entre eux et les Englès, as Escos et au
roi d’Escoce, par quoi guerre ne mautalens ne s’esmeuist
de païs à autre. Toutesfois, au voir dire, li
5 consaulx de France ne fissent pas de che si bonne
diligence comme il deuissent, car tantos il devoient
envoiier, et non fissent, ne sai à quoi che demora ne
peri fors en ce, espoir, que li dus de Bourgongne,
puis les parlemens fais, fu grandement cargiés et ensongniiés
10 pour la mort de son grant signeur, le conte
de Flandres, et pour l’ordenance de l’osèque ossi ensieuant
que on en fist en la ville de Lille, sicom chi
dessus vous avés oï recorder. Et ne quidoient pas
que les Englesc deuissent faire che qu’il fissent, car,
15 tantos apriès la Pasque, li contes de Northombrelande
et li contes de Nottinghem et li baron de Northombrelande
missent une chevauchie et armée sus, où il
pooit avoir deus mille lances et sis mille archiers; et
passèrent Beruich et Rosebourc, et entrèrent en Escoce,
20 et commenchièrent à ardoir la terre le conte [de]
Douglas et celle au signeur de Lindesée, et ne deportèrent
riens à ardoir jusques en Hainnedebourc.
Li baron et li chevalier d’Escoce n’estoient de noient
segnefiiet de ceste avenue, et prissent ceste cose en
25 grant despit, et dissent que il l’amenderoient à leur
pooir, et oultre il disoient que li Englès devoient
avoir trieues à eux, sicomme on leur avoit raporté,
mais riens n’en savoient, car encores, au voir dire,
il n’en estoient noient segnefiiet. Bien savoient que
30 de leur costé il n’avoient eu nul traitié as Englès; si
estoit la guerre ouverte, mais toutesfois il avoient
premiers comparé, dont mout leur desplaisoit.
[166] Vous savés que nouvelles s’espandent tantos en
pluiseurs lieux. Il fu sceu en Flandres et par especial
à l’Escluse, par marceans qui issirent hors d’Escoce,
comment li Englès estoient entré en Escoce, et ossi
5 li rois Robers d’Escoce et li signeur d’Escoce faissoient
leur mandement et leur semonse très grande,
pour venir combatre les Englès.
Ossi fu il sceu en France que li Englès et li Escot
estoient as camps, sicom on disoit, l’un contre l’autre,
10 et ne pooit remanoir que il n’i eust prochainement
bataille. Li dus de Berri et li dus de Bourgongne et li
consaulx dou roi de France, quant il entendirent ces
nouvelles, dissent que che estoit trop [follement] esploitié,
quant on n’avoit encores envoiiet segnefiier la
15 trieue en Escoce, enssi que on avoit promis à faire.
Adont furent ordonné de par le roi et ses oncles et
leurs consaulx d’aler en Escoce messire Ainmars de
Massé, sage chevalier et autentique, et messires Pière
Frainiel, et uns sergans d’armes dou roi, liquels estoit
20 de nacion d’Escoce, et s’apelloit Janekin Campenois;
et i fu ordonnés de aler pour tant que il savoit parler
le langage et que il congnissoit le païs.
§ 408. Endementrues que cil ambasadour de France
s’ordonnoient, et que pour venir en Engletière il s’aparilloient,
25 et que li Englès en Escoce couroient, dont
les nouvelles en pluiseurs lieux s’espardoient, avoit
gens d’armes à l’Escluse dou roiaulme de France qui
là dormoient et sejournoient, ne en quel lieu ne païs
que ce fust, pour honneur acquerre et eux avanchier,
30 aler ne traire il ne savoient, car les trieues entre
France, Flandres et Engletière se tenoient, et entendirent
[167] que li Escot et li Englès guerrioient; et disoit
on à l’Escluse pour certain que hastéement ensamble
il se combateroient. Chevalier et escuier qui ces nouvelles
entendirent, en furent tout resjoï et parlèrent
5 ensamble, tels que messires Joffrois de Charni, messire
Jehan de Blasi, messire Hue de Boulan, messires Sauvage
de Villers, messire Garniers de Quensegnich,
messire Oudille de Montiu, messire Rogier de Campigehem,
le Borgne de Montaillier, Jaque de Monfort,
10 Jehan de Haluin, Jehan de Nielles, Mikiel de le Bare
et Guillaume Gaubart, et pooient estre environ vint
hommes d’armes, chevaliers et escuiers. Si eurent
collation ensamble, pour l’avancement de leurs corps
et pour che que il ne savoient où trouver les armes
15 fors en Escoce, que il leueroient une noef par acord,
et s’en iroient en Escoce prendre l’aventure ensamble
avoecques les Escos. Sicom il l’avisèrent, il le fissent,
et se departirent de l’Escluse, et missent en une bonne
noef tout leur harnas d’armes, et puis entrèrent ens,
20 quant il orent le vent, et laissièrent tous leurs chevaux,
pour le dangier de la mer et pour le voiage qui
estoit trop longs, car bien savoient li maronnier
qui les menoient, que il ne pooient prendre tière en
Haindebourc ne à Dombare ne ens es havenes prochains,
25 car otant bien estoient la navie d’Engletière
par mer comme par terre, et estoient li Englès maistre
et signeur de ces premiers pors d’Escoce pour les
pourveances qui les sieuoient par mer.
En che tamps vinrent li desus dit ambasadour de
30 France en Engletière, et furent devers le roi et ses
oncles, qui leur fissent bonne chière, et se disimulèrent
à ce premiers un petit envers eux, pour la cause de
[168] leurs gens qui faissoient guerre as Escos. Et quant il
entendirent que leurs gens avoient fait leur fait et que
il se retrairoient en Engletière, il fissent partir les
mesages dou roi de France, messire Ainmart de
5 Marsé et les autres, et leur baillièrent deus sergans
d’armes dou roi d’Engletière, pour eux mener sauvement
parmi Engletière jusques en Escoce et faire
ouvrir villes et castiaulx encontre leur venue. Si se
missent au chemin li dessus dit pour venir vers Escoce.
10 § 409. Tant exploitièrent par mer li chevalier de
France dessus nommé, eux parti de l’Escluse, en costiant
Hollandes et Engletière, et eslongant les perils
dou rencontre des Englès sus mer, que il arivèrent
en Escoce sus un port que on dist Monstros. Quant les
15 gens escochois qui demoroient en la ville, entendirent
que ce estoient François qui estoient là venu pour
trouver les armes, si leur fissent bonne chière, et les
adrechièrent de tout che que il leur besongnoit, à leur
loial pooir. Quant chil chevalier et escuier se furent
20 rafresqui en celle ville là deus jours, et il orent apris
des nouvelles, il se departirent et montèrent sus
haguenées, et vinrent à Dondieu, et fissent tant, à quel
paine que che fust, que il vinrent à Saint Jehan Ston,
une bonne ville en Escoce où la rivière de Taie keurt,
25 et là a bon havene de mer pour aler par tout le monde.
Eux venu en la ville de Saint Jehan, il entendirent
que li Englès estoient retrait et que li rois d’Escoce
et li signeur d’Escoce estoient en Handebourc à parlement
ensamble. Adont ordonnèrent il que messires
30 Garniers de Quisegnich et Mikiels de le Bare iroient
devers le roi en Haindebourc et les barons et chevaliers
[169] dou païs, pour savoir quel cose il poroient faire,
et leur remonsteroient, à tout le mains, la bonne
volenté qui les avoit meus de partir de Flandres pour
venir en Escoce, et messires Joffrois de Carni et li
5 autre demor[r]oient là tant que il aroient leur relacion.
Sicom il fu ordonné, il fu fait. Il se partirent de Saint
Jehan, et chevauchièrent tant que il vinrent en Haindebourc
où li rois, li contes de Douglas, li jones, qui
10 s’appelloit James, car li contes ses pères, messires
Guillaumes, estoit nouvellement mors, et là estoient
li contes de Moret, li contes de le Mare, li contes de
Surlant, li contes d’Orkenai, li sires de Verssi, l[i]
signeur de Lindesée qui estoient sis frère et tous chevaliers;
15 et fissent chil signeur d’Escoce au chevalier
de France et à Mikiel de le Bare très bonne chière.
Messires Garniers remonstra au roi et as barons d’Escoce
l’intencion de ses compaignons et pour quoi il
estoient venu en Escoce.
20 En ces jours tout nouvellement estoient venu en
Haindebourc li ambasadeur de France, mesires Ainmars
de Marsé et mesires Pières Frainel et Janekin
Champenois, qui avoient aporté les trieues dessus dites
et devisées entre le roi de France et le roi d’Engletière.
25 Mais li Escochois i estoient rebelle, et s’en disimuloient,
et dissoient que trop tart on leur avoit segnefiiet
et que nulles il n’en tenroient, car li Englès leur
avoient en celle saison porté et fait trop grant contraire.
Li rois Robers leur brissoit leur pourpos ce que il
30 pooit, et disoit que boinement, puisque il en estoient
segnefiiet, que il ne se pooient disimuler que les trieues
n’i fuissent. Enssi estoient il en different, li rois et li
[170] chevalier de son païs l’un contre l’autre, et avint que
li contes de Douglas et li contes de Mouret et li enfant
de Lindesée et aucun jone chevalier et escuier d’Escoce,
qui desiroient les armes, orent un secret parlement
5 en Haindebourc ensamble, en l’eglise de Saint
Gille, et là furent appellé li chevalier de France, messires
Garniers et Mikiels de le Bare, et là leur fu dit
que il fesissent traire avant leur compaignons, et il
oroient bonnes nouvelles, et tout ce il tenissent en
10 secret. Sus cel estat s’en retournèrent il à Saint Jehan
Ston, et recordèrent à leurs compaignons tout che
que il avoient veu et trouvé.
§ 410. De ces nouvelles furent messires Joffrois de
Carni, li chevalier et li escuier tout resjoï, et se departirent
15 de là, et esploitièrent tant par leurs journées que
il vinrent en Haindebourc, et ne fissent nul samblant
de cose que il deuissent faire. Il n’eurent sejourné là pas
douse jours, que li contes [de] Douglas tout secretement
les manda et leur envoia chevaulx, que il venissent
20 parler à lui en son castel à Dalquest; il i vinrent. A
l’endemain que il furent venu, il les enmena avoecques
lui sus un certain lieu et marce, où li baron et li chevalier
d’Escoce faissoient leur mandement, et se trouvèrent
sus trois jours plus de eux quinse mille, as
25 chevaux et tous armés selonc l’usage de leur païs.
Adont, quant il se trouvèrent tout ensamble, vorent
il faire leur chevaucie, et dissent que il se
contre-vengeroient des despis et damages que li Englès leur
avoient fais. Si se missent au chemin, et passèrent les
30 bos et les forès de leur païs, et entrèrent en Northombrelande
en la terre le signeur de Persi, et le commenchièrent
[171] à pillier et à ardoir, et le chevauchièrent
mout très avant, et puis s’en retournèrent parmi la
terre le conte de Nottinghem, le signeur de Moutbrai,
et i fissent mout de desrois, et passèrent à leur
5 retour devant Rosebourc, mais point n’i arestèrent.
Et avoient grant pillage avoec eulx de hommes et de
bestail, et rentrèrent en leur païs sans damage, car li
Englois estoient ja retrait: si ne se fuissent jamais
sitos remis ensamble que pour combatre les Escos,
10 et leur convint porter et souffrir celle bufe, car il en
avoient donné une as Escos.
§ 411. De ceste chevauchie se pooit bonnement escuser
li rois d’Escoce, car de l’asamblée et dou departement
il ne savoit riens, et puis que li païs estoit
15 d’acord, il ne convenoit point qui le seuist; et, se seut
l’eust, ou cas qu’il n’i eust eu entre les Escos et les
Englès autre convenance que il n’i avoit, [si] n’en
euissent il nooient fait pour lui. Et quoi que chil baron
et chevalier d’Escoche et li chevalier et escuier de
20 France, chevauchassent et eussent chevauchié en Engletière,
se tenoient en Handebourc dalés le roi
Robert messires Hainmars de Marsé et messires Pières
Frainel, et laissoient les Escos convenir, car il n’en
pooient [el] avoir. Mais par conseil, et afin que les
25 Englès ne peuissent mies dire que che fust leur coupe,
et que eux, estant en Escoce et dalés le roi d’Escoche,
et que il vosissent rompre les traitiés qui avoient
estet [fait] et acordé à Lolinghem, dalés la ville de
Wissan, des nobles et consaulx de France, d’Engletière
30 et de Castille, li rois d’Escoce et li ambasadour de
France envoièrent un hiraut des leurs en Engletière
[172] devers le roi et ses oncles et le conseil d’Engletière,
cargiet et enfourmet quel cose il diroit et devoit dire.
Quant li hiraus fu venus en Engletière devers le roi
et ses oncles, il trouva tout le païs esmeu, et voloient
5 chevalier et escuier de rechief mettre leur armée sus
et retourner sus Escoce. Mais li dus de Lancastre et
li contes de Cambruge, qui tiroient trop grandement
à aler dedens l’an en Portingal et en Castille, ou li uns
d’eus, à tout grant poissance de gens d’armes et d’archiers,
10 car il se tenoient hiretiers de par leurs femmes
et leurs enfans de toute Castille (et la guerre se tailloit
bien à renouveller entre le roi de Portingal et le roi
de Castille, car li rois dams Ferrans de Portingal estoit
mors, si avoient li Portingallois couronné à roi dam
15 Jehans son frère, un bastart très vaillant homme, qui
ne desiroit que la guerre as [Espagnos], mais que il
euist l’aliance des Englès et le confort et tout, de tout
ce estoient il seur et certefiiet), disimuloient ce qu’il
pooient et faissoient disimuler leurs amis, à le fin que
20 nulle emblavemence de guerre ne se remesist en Escoce.
§ 412. Quant li hiraus d’Escoce fu venus devers le
roi d’Engletière et ses oncles, bien enfourmés de ce
que il devoit dire, il se mist en jenouls, et pria et
requist que comme hiraus au roi d’Escoce il peuist
25 estre oïs à faire son mesage. Li rois et li signeur li
acordèrent, che fu raisons. Là leur remonstra il sur
quel estat il estoit là envoiés dou roi singulerement et
des ambasadours dou roi de France, et les excusa en
dissant que li rois d’Escoche avoit benignement recheu
30 les mesages dou roi de France et entendu à ses traitiés
tant que pour tenir la trieue, et avoit fait entendre
[173] et encliner, ce que il avoit peut, ses hommes; mais
li marcissant d’Escoce à la terre le signeur de Persi et
le conte de Notinghem tels que le conte [de] Douglas, le
conte de le Mare, son oncle, messires Archebaus, messires
5 [Jame], messires Pières, messires Guillaumes et
messires Thomas [de] Douglas et tout li frère de Lindesée
et chil de Ramesai et messires Guillaume Asneton
avoecques ne vorent onques demorer ens es parlemens
pour acepter la trieue, et dissoient que on leur
10 avoit fait et porté grant damage en leurs terres, lesquels
coses leur estoient desplaissans et à tous leurs
amis, et s’en contrevengeroient, quant il poroient.
«Et quant li signeur, mi chier signeur, que je vous ai
nommés, fissent leur asamblée pour aler en Engletière,
15 sicom il ont fait, onques il n’en parlèrent au roi ne à
ceux de sa cambre, car bien savoient que on ne leur
eust pas consenti, nonobstant que il dient en Escoce
que la première incidence de ceste guerre muet de
vous; car bien savés, mi signeur, che dient li nostre,
20 que la trieue estoit prise et acordée delà la mer, et en
deviens estre tantos, vous retourné de Callais en
Engletière, segnefiiet; et oultre il dient que les ambasadours
de France, qui par chi passèrent, furent
detriiet à non venir devers nous en Escoce, sicom il
25 deussent, et trop longuement les tenistes en sejour et
en solas, pour quoi li meschiés avenus est et encourus
entre Escoce et Engletière des parties qui se sont
regardé et avisé, et que soulx ombre de disimulacion
la plus grant part de ces coses sont faites et acomplies.
30 Mais mon très redoubté signeur le roi d’Escoce et
cil de sa cambre, et li ambasadour dou roi de France,
qui à present sejournent dalés li, s’excusent et voellent
[174] excuser que de la darraine armée que li baron et chevalier
aucun d’Escoce ont fait en Engletière, il n’en
savoient riens ne n’ont sceu, mais en ont ignoré et
ignorent. Et pour adrechier à toutes coses et remettre
5 et refourmer en bon estat, je sui cargiés de vous dire
que, se vous volés entendre as traitiés qui furent fais
darrainement delà la mer par le haulte et noble discretion
dou conseil le roi de France et le vostre, et confremer
la trieue à durer le terme que à durer a, mon
10 très redoubté signeur le roi d’Escoce et ses nobles
consaulx le confremeront et le jur[r]ont à tenir enterinement.
Et le fera mon très redoubté signeur, pour
la reverence dou roi de France et de son noble conseil,
tenir ses hommes, et de ce il vous en plaisse à
15 moi douner et faire response.»
Li rois d’Engletière et si oncle entendirent bien le
hiraut parler, et l’oïrent mout volentiers; et li respondi
li dus de Lancastre que voirement en seroit il
respondus. Adont le fissent il demorer à Londres, où
20 il les avoit trouvés, pour atendre et avoir response
dou roi d’Engletière.
§ 413. Au chief de deus jours, il fu respondus dou
conseil dou roi, et me semble que mesires Simons
Burlé, cambrelens dou roi, en fist la response. Et
25 furent les coses couchies et mises en bon parti, car,
au voir dire, tout consideré, li signeur d’Engletère
qui au parlement de Lolinghem avoient esté, n’avoient
pas trop honnerablement fait, quant il avoient consenti
ne envoiiet leurs gens courir en Escoce et ardoir
30 le païs, quant il savoient que trieues i avoit ou devoit
avoir; et l’escusance le plus belle que il poroient
[175] prendre, elle estoit que il ne le devoient pas segnefiier
as Escos, mais en devoient estre certefiiet par
les François. Si fu dit au hiraut que, ou nom de Dieu,
il fust li bien venus, et que ce estoit li intencion dou
5 roi d’Engletière, de ses oncles et de leurs consaulx,
que che que il avoient juré, proumis et seellé à tenir,
ne faissoit pas à enfraindre, mais le voloient confremer
et parmaintenir, et qui le plus i avoit mis, le plus
i euist perdu.
10 De toutes ces coses demanda li hiraux letres, afin
que il en fust mieux creux. On li bailla, et des biaux
dons et bons assés avoec, tant que il s’en contenta
grandement, et remerchia le roi et les signeurs, et se
parti de Londres, et exploita tant par ses journées
15 que il retourna en Escoce, [et vint à Haindebourc,
où li rois d’Escoce] et li mesagier de France l’atendoient
pour avoir response, et desiroient à savoir
comment li Englès se voroient maintenir. Quant il fu
sceu entre eux les responses dou roi et de ses oncles,
20 et par lettres seellées il les veïrent apparans, si s’en
con[ten]tèrent grandement, et en furent tout resjoï.
Enssi demora la trieue pour cel an entre Engletière et
Escoce, et fu denonchie et publiie par les deus roiaulmes
par voie et cause de plus grant seurté. Et retournèrent
25 li ambasadour de France parmi Engletière en leur
païs arière, tout sauvement et sans peril, et recordèrent
au roi de France et à ses oncles, à leur retour, comment
il avoient exploitié, et les empechemens que il
avoient eux, et toute la cose, sicom vous l’avés oï.
30 § 414. Quant messires Joffrois de Cargni et li chevalier
et escuier de France qui en Escoce estoient,
[176] veïrent que li roiaulmes d’Engletière et cils d’Escoce
s’estoient atrieués ensamble, si prissent congiet as barons
d’Escoce et par especial au conte [de] Douglas et au
conte de Mouret, qui leur avoient fait très bonne compaignie;
5 et me samble que chil baron d’Escoce leur dissent,
et aucun chevalier autre, ensi que on bourde et langage
d’armes ensamble: «Signeur, vous avés veu la
manière et condicion de nostre païs, mais vous n’avés
pas veu toute la poissance. Et sachiés que Escoche est
10 la terre ou monde que li Englès crièment et doubtent
le plus, car nous poons, sicom vous avés veu, entrer
en Engletière à nostre aise et chevauchier moult avant
sans nul dangier de mer; et, se nous estiens fort assés
de gens, nous leur porteriens plus de damages que
15 nous ne fachons. Si voelliés, quant vous serés retourné
en France, tout che dire et monstrer as compaignons,
chevaliers et escuiers, qui se desirent à avanchier, et
eux esmouvoir à venir de chà pour querir les armes.
Nous vous certefions que, se nous aviens ja jusques à
20 mille lances, chevaliers et escuiers de France, avoec
les bonnes gens que nous trouveriens par decha, nous
feriens un si grant treu en Engletière que il i par[r]oit
quarante ans à venir. Si vous en voelle souvenir, quant
vous venrés delà.» Li compaignon avoient respondu
25 que ossi feroient il et que ce n’estoit pas cose que on
deuist mettre en oubli.
Sur ce se departirent il, et entrèrent en mer, et
prisent et leuèrent une nef qui les devoit ramener à
l’Escluse; mais il orent vent contraire, quant il furent
30 en la mer, et les convint prendre havene et terre en
Zellandes, à une ville que on dist à le Brielle. Quant il
furent là venu et arivé, il quidièrent estre sauvement
[177] venu, mais non furent, car li Normant avoient par
mer nouvellement courut par celle bende là et porté,
sicom on dissoit, à Zelandois grant damage. Si en
furent en trop grant peril cil chevalier et escuier de
5 France, car, entrues que il se disnoient en la ville,
leur nef fu toute esquise, et leurs coffres rompus, et
leurs armeures prises; et eux encores furent en grant
peril de estre tout ochis.
§ 415. A che jour avoit en la ville un escuier dou
10 conte de Blois, qui s’apelloit Jacos, gracieux homme
et sage durement, qui les aida et conforta en toutes
coses, enssi qu’il apparut, car il parla pour eux as
mestres de la ville, et fist tant par sens et par langage
que leurs coses en partie leur furent toutes restituées.
15 Et pour eux oster dou peril où il les sentoit et veoit,
car bien congnissoit que ces gens estoient grandement
esmeu sus eux et s’ordonnoient et estoient en volenté
pour eux atendre sus le mer, et fort asés se fuissent
trouvé pour eux combatre, car il l’avoient ja segnefiiet
20 as villes voisines, li escuiers dou conte de Blois leur
fist celle courtoisie, et leur dist tout bellement et par
amours une partie dou peril où il estoient, et comment
li païs estoit esmeux sus eux, mais, pour l’onneur de
son signeur et dou roiaulme de France, ils les en deliveroit,
25 et leur dist que par lui il se laissaissent ordonner
et gouvrener. Il respondirent: «Volentiers.»
Que fist Jacop? Il s’en vint à un maronnier et leua une
nef, pour aler là où il li plaisoit et sa compagnie; et
dist que il avoit intencion de aler à Dourdrescq. Li
30 maronniers s’aconvenencha à li; il entra, et tout
entrèrent en la nef, et prisent de premiers le chemin
[178] de Dourdresc. Quant Jacop veï que il fu eure de tourner
le voille et de prendre un autre chemin, si dist as
maronniers: «Entendés à moi; je ai leué à mes
deniers ceste nef, pour faire sus ce voiage ma volenté
5 et pour aler où je voel. Tournés vostre single devers
Sconnehove, car je voel aler celle part.» Li maronnier
de che faire furent tout rebelle et disent que il
devoient aler à Dourdrescq. «Escoutés, fist Jacop,
faites ce que je voel, se vous ne vollés morir.» Sus
10 ces parolles n’osoient plus li maronnier estriver, car
li force n’estoit pas leur: si tournèrent leur voille tout
à une fois et leur gouvrenal, et singlèrent de bon vent
devers la ville de Sconnehove, et là vinrent sans peril,
car elle est au conte de Blois. Si se rafresquirent, et
15 puis s’en partirent, quant bon leur [sambla], et s’en
retournèrent arière en leur pais par Braibant et par
Hainnau. Che service leur fist Jacop [d’Ostringh],
escuier à monsigneur le conte Gui de Blois.
§ 416. Quant messires Joffrois de Cargni et messires
20 Jehans de Blassi et li chevalier et escuier qui en Escoce
celle saison avoient esté, furent retourné en France,
si furent enquis et demandé des nouvelles et dou
roiaulme d’Escoce. Il en recordèrent ce que il en
savoient et que il en avoient veu et oï dire les barons
25 et les chevaliers d’Escoce. Messires Jehans de Viane,
amiraulx de France, en parla à mesire Joffroi de Cargni,
et il l’en dist tout che que vous avés oï. Adont
s’aresta sus li amiraulx, et ossi fissent pluiseur baron
de France, et dissoient enssi cil qui en quidoient
30 aucune cose savoir, que voirement par Escoce pooient
li François avoir une belle entrée en Engletière, car
[179] par li nature li Escochois ne pooient amer les Englès.
Ossi rapassa messires [Ainmars de Marssé] qui poursieui
ces parolles, car il en estoit cargiés dou roi
d’Escoce et de son conseil, que il en parlast au roi et
5 à ses oncles. Si eurent li François une imaginacion
sus que, les trieues falies, il envoieroient en Escoce si
poissaument que pour honnir Engletière; et fu chils
pourpos conclus à tenir entre le duc de Berri et le
duc de Bourgongne, pour tant que il avoient le gouvrenement
10 dou roiaulme, et plaisi li afaires grandement
bien au connestable de France; mais on tint toutes
les coses en secret.
§ 417. Vous avés bien chi dessus oï recorder comment
François Acremen, entrues que on estoit ou
15 voiage de Flandres devant Berghes et devant Bourbourc,
prist et embla la ville d’Audenarde, dont cil
de Tournai et des villes voisines furent mout esbahi.
La garnison d’Audenarde, avant que les trieues venissent,
avoient couru tout le païs et fait mout de damages
20 en Tournesis; et par especial toute la terre le signeur
d’Escornai estoit en leur obeïssance, et avoient au
Noël requelliet ses rentes et ses cappons en ses villes,
dont fort desplaisoit au dit seigneur et à ses amis, et
dissoit bien, quelconques trieue ne respit que il i eust
25 entre le roi de France et le roi d’Engletière et les
Flamens, il n’en tenroit nulle, mais leur porteroit
tousjours contraire et damage, car il li avoient fait et
porté, et encores faissoient et portoient, tant que che
estoit uns povres homs. Et avint que li sires d’Escornai
30 jeta son avis à reprendre et embler Audenarde, et
s’en vint à se entente parmi le aide de aucuns chevaliers
[180] et escuiers de France, de Flandres et de Hainnau,
qui li aidièrent à faire son fait. Et quant il escripsi
devers euls et ils les manda, li pluiseur ne savoient
quel cose il voloit faire. Et avint ceste cose ens ou
5 mois de mai le dis et setime jour; et seut li sires
d’Escornai par ses certainnes espies que François
Acremen estoit à Gand et point ne se tenoit à Audenarde,
car il s’afioit sus la trieue que il avoient
ensamble, li François et eux, dont il fist follie, quant
10 il ne fu plus songneux de garder Audenarde que il ne
fu, sicom je vous dirai.
§ 418. Li sires d’Escornai fist une embusque belle
et grosse de quatre cens compaignons, chevaliers et
escuiers et droites gens d’armes, que tous avoit priiés,
15 et s’en vint bouter ou bos de Lare, vers la porte de
Granmont, asés priès d’Audenarde. Et là estoient et
furent messires Jehans dou Moulin, messires Jaques
de [Lichtervelde], messires Ghillebert de Lieureughen,
messires Jehans Caquelan, messires Rollant d’Espière,
20 messires Blanchart de Calonne et le signeur de Astripoulle,
qui i fu fais chevaliers. Or vous recorderai la
manière de la devise et comment chil d’Audenarde
furent deceu. On prist deus chars cargiés de pourveances,
atout quatre caretons vestis de grises cotes
25 et armés desous, et estoient hardit varlet et entreprendant.
Chil careton et leurs cars s’en vinrent tout
acariant vers Audenarde, et segnefiièrent as gardes
que il amenoient pourveances de Hainnau, pour avitaillier
la ville. Les gardes qui n’i pensoient que tout
30 bien, vont ouvrir leur porte, et li premiers cars passe
avant, et s’areste desouls la porte couliche, et li autres
[181] sus le pont. Adont s’ensongnièrent li careton autour
de leur car, et ostent les deus martiaux où li trait
sont, et les jettent ens es fossés. Lors dissent les
gardes as caretons: «Pourquoi n’alés vous avant?»
5 Adont prissent les gardes les chevaulx et les tapèrent
avant, et li cheval passèrent oultre et laissièrent les
cars tous quois, car il estoient destelé. Lors perchurent
les gardes que il estoient decheu et trahi, et
commenchièrent à fraper après les caretons, et li
10 careton à eux deffendre, car il estoient bien armé
desouls leurs cotes et gens de fait et d’emprise: si
ochirent deus des gardes. Il furent tantos secouru,
car li sires d’Escornais et sa route les poursieuoient
fort, et vinrent jusques à la ville. Les gardes s’enfuirent
15 en la ville, criant: «Trahi! trahi!» Mais avant
que la ville fust estormie ne requelloite, ces gens
d’armes entrèrent dedens, en ociant tous ceulx que il
encontroient qui à deffence se mettoient, et crioient
en venant sur la place: «Ville gaegnie!» Enssi fu
20 Audenarde reprise; et i ot de Gantois, que mors, que
noiiés, bien trois cens, et i fu trouvés grans avoirs
qui estoit à François Acremen, et me fu dit qu’il i
avoit bien quinse mille frans.
§ 419. Ches nouvelles furent seues en pluiseurs
25 lieux, comment la ville d’Audenarde, en bonnes
trieues, avoit esté reprise des François. Si en furent
cil de Gand, par especial, courouchié durement, che
fu raisons, car il leur toukoit mout de priès, et en
parlèrent ensamble, et dissent que il envoieroient
30 devers le duc de Bourgongne, en remonstrant comment,
en bon respit et en seur estat, Audenarde
[182] estoit prise, et que il leur fesist ravoir, ou autrement
la trieue estoit enfrainte. Il i envoièrent, mais li dus
s’escusa, et dist que il ne s’en mesloit, et que, se
Dieus le peuist aidier, de l’emprise le signeur d’Escornai
5 il ne savoit riens, et dist que il en escriproit
volentiers à lui, ensi qu’il fist. Il en escripsi, en
mandant que il le vosist rendre arière, car ce n’estoit
pas cose honnerable ne aceptable de prendre en
trieues et en respit ville, castiel ne forterèce. Li sires
10 d’Escornai dist et respondi as lettres le duc de Bourgongne
et as messages, que tous jours li garnisons
d’Audenarde li avoient fait guerre en trieue et hors
trieue, et tolut son hiretage, et que à eux il n’avoit
donné ne acordé nulle trieue, et que il avoit pris
15 Audenarde en boine guerre, si le tenroit, jusques à
ce jour que Flandres et Gand seroient tout en un,
comme son bon hiretage, car point n’en avoit ailleurs
qui ne fust tous perdus par la guerre. Les coses
demorèrent en cel estat, ne on n’en pot autre cose
20 avoir. De la petite garde, François Acremen en fu
durement blasmés, et par especial dou signeur de
Harselles, et tant que François s’en couroucha au
chevalier, et em prist parolles dures et haïneuses, et
dist que en tous cas il estoit mieux aquités envers
25 cheux de Gant que il ne fust; et montepliièrent tant
les parolles, qu’il s’en desmentirent. Asés tos apriès,
li sires de Harselles fu ochis, et voellent li aucun dire
que François Acremen et Piètre dou Bos le fissent
ochire par envie.
30 En che tamps avoient requis li Gantois au roi d’Engletière
à avoir un gouvreneur, vaillant homme, qui
fust dou linage et dou sanc dou roi, sique li rois et
[183] ses consaulx envoiièrent à Gand un de leurs chevaliers,
vaillant homme et sage assés, pour avoir le
gouvrenement de la ville, liquels estoit nommés messires
Jehan [le] Boursier. Chils ot le gouvrenement de
5 Gant plus de an et demi.
§ 420. Vous avés bien chi dessus en ceste istore
oï recorder comment li dus d’Ango, qui s’escripsoit
rois de Secille et de Jherusalem, ala en Puille et en
Calabre, et conquist le païs tout jusques à Naples;
10 mais li Naplitain ne se vorent onques tourner pour sa
partie, anchois tenoient et soustenoient et avoient
toudis tenu et soustenu la [querelle] messire Charle
de la Pais. Li dus d’Ango demora sus che voiage
trois ans tous entiers. Si poés bien croire que che fu
15 à grans coustages, et qu’il n’est finance nulle, tant
soit grande, que gens d’armes n’[exillent] et mettent
à fin, car qui voelt avoir leur service, il faut que il
soient pascu, ou autrement il ne font cose qui vaille.
Certes, il coustèrent tant au duc d’Ango, que on ne
20 le poroit pas nombrer ne exprissier; et chil qui le
plus li effondroient son tresor et sa finance, che
furent li contes de Savoie et li Savoien. Toutesfois li
contes de Savoie, dont che fu damages, et mout de sa
chevalerie morurent en ce voiage; et afoibli li dus
25 d’Ango grandement de gens et de finance, et renvoia
à ces deus coses au secours en France. Si doi frère,
li dus de Berri et li dus de Bourgongne, ne le volrent
pas fallir à sen besoing, et dissent que il le reconforteroient
et rafresquiroient de gens et de finance. Si
30 avisèrent chil doi duc, liquel en France estoient tailliet
d’aler en che voiage. Tout regardé, avisé et imaginé,
[184] on n’i pooit milleurs ne plus propisses envoiier,
pour avoir connissance de toutes gens d’armes, que
le gentil signeur de Couchi, et avoec lui le signeur
d’Enghien, conte de Conversant, laquelle contés gist
5 en Puille. Chil doi signeur en furent priiet et requis
dou roi de France et de ses oncles. A ceste requeste
il descendirent mout volentiers, car elle leur estoit
hautement honnerable. Si ordonnèrent leurs besongnes
et se missent au cemin dou plus tos qu’il peurent,
10 avoecques belle carge de gens d’armes. Mais, quant
il furent venu jusques en Avignon, et entrues que il
entendoient à leur besongne pour passer oultre et faissoient
passer leurs gens, nouvelles certaines vinrent
que li dus d’Ango estoit mors en un castiel dalés
15 Naples. Li sires de Couchi, pour ces nouvelles, n’ala
plus avant, car bien veoit que ses voiages estoit
brissiés; mais li contes de Conversant passa oultre,
car il avoit à faire grandement en son païs en Puille
et en Conversant.
20 Ces nouvelles furent tantos sceues en France au
roi et à ses oncles: si portèrent et passèrent le mort
dou roi de Sesille au plus bel qu’il peurent.
§ 421. Quant madame d’Ango, qui se tenoit à
Anghiers, entendi ces nouvelles de son signeur que il
25 estoit mors, si poés et devés bien croire et savoir que
elle fu mout destourbée et desconfortée.
Sitos que li contes Guis de Blois qui li estoit cousins
germains, qui se tenoit pour le tamps em Blois,
sceut les nouvelles, il se parti de Blois atout son aroi,
30 et vint vers sa cousine à Anghiers, et se tint dallés li
un grant tamps, en li consillant et reconfortant à son
[185] loial pooir. Depuis s’en vint en France la roïne qui
s’escripsoit roïne de Naples, de Sesille, de Puille et de
Calabre et de Jherusalem, devers le roi et le duc de
Berri et le duc de Bourgongne, pour avoir le conseil
5 et le confort d’eux, et amena ses deus enffans
avoecques li, Loïs et Charle.
La dame fu consillie des nobles de France et de son
sanc que elle se traïsist en Avignon devers le pappe,
et presist la posession de la ducée de Prouvence,
10 qui est terre appartenans au roi de Sesille, et se
fesist couronner dou roiaulme d’Arle. La roïne crut
ce conseil, et se ordonna pour aler vers Avignon et
de là mener son ainsnet fil le jone Loeïs, que partout
on appelloit roi par la sucession dou roi son père.
15 Mais ces coses ne se peurent pas si trestos acomplir
comme je les devise.
§ 422. Tout cel ivier s’ordonnèrent li François à
envoiier en Escoce, et furent les trieues de France et
d’Engletère ralongies, et de tous les conjoins et ahers
20 à leur guerre, de la Saint Michiel jusques au premier
jour de mai. Si fissent faire grandes pourveances par
terre et par mer, et estoit li afections et intencions
dou conseil de France que à l’esté qui revint, on feroit
forte guerre à tous lès, et s’en iroit en Escoce li amiraulx
25 de France, atout deus mille lances, chevaliers
et escuiers, et d’autre part, en la Langedoc, en
Auvergne et en Limosin seroient envoiiet li dus Loeïs
de Bourbon et li contes de la Marce, atout deus mille
combatans, pour reconquerir aucuns castiaulx que
30 Englès et pillart tenoient, qui mout travilloient le
païs. Et faissoit on faire et ordonner en Picardie et
[186] en Hainnau grant fuisson de haches pour le voia[ge]
d’Escoce, et quire en Artois, à Lille, à Douai et à
Tournai grant plenté de besquit, et toutes autres pourveances
apparillier selonc la marine, en mouvant de
5 Harflues en venant toutes [les bendes] et les costières
de mer jusques à l’Escluse, car ce estoit li principaux
havenes là où on tendoit à monter.
§ 423. La ducoise Jehane de Braibant, qui estoit
vesve de son mari le duc Wincelin de Boesme, qui
10 mors estoit, pour lequel trespas elle avoit perdu
bonne compaignie et solacieuse, et en avoit eu grant
doleur à son coeur, et se tenoit à Brouxelles entre
ses gens, [si] li desplaisoit grandement li tourbles
que elle veoit en Flandres; et volentiers i euist mis
15 conseil, paix et atemprance, se elle peuist, car elle
veoit et entendoit tous les jours que li Gantois se fortefioient
des Englès, liquel leur proumetoient grant
confort, et si veoit son nepveu et sa nièche de Bourgongne,
qui devoient estre par droit si hiretier et qui
20 estoient des plus grans dou monde tant que de biaux
hiretages tenans et atendans, en grant touellement
par le fait de ceulx de Gand. Oultre encores veoit
elle le duc Aubert, bail de Hainnau, et la ducoise sa
femme avoir des biaux enfans, dont il en i avoit
25 jusques à deus fils et filles tous mariavles, et entendoit
que li dus de Lancastre rendoit et mettoit grant
paine à ce que Phelippe, sa fille, que il ot de la
bonne ducoise Blance, sa première femme, fu marié[e]
à l’ainsné fil dou duc Aubert, qui par droit devoit
30 estre hiretiers de la conté de Hainnau, de Hollandes
et de Zellandes. Si doutoit la dite dame que, se ces
[187] aliances de Hainnau et d’Engletière se faissoient, que
li François n’en euissent indinacion, et que li bons et
et jolis païs de Hainnau couvertement ou ouvertement
des passans de France alans en Flandres n’en fust
5 grevés, avoec tout ce que li dus Aubers pour la
cause des Hollandois et des Zellandois, cil qui marcissoient
sus le mer, confortoient en pluiseurs manières
les Gantois, dont li dus de Bourgongne et ses
consaulx estoient enfourmé. Si n’en amoient mies
10 mieux le duc Aubert, quoique à toutes ces coses il
n’euist nulles couppes, car, sicom li Hollandois et li
Zellandois [disoient], la guerre de Flandres ne les
regardoit en riens, ne il ne pooient ne devoient deffendre
à courir marcandise.
15 La bonne dame desus dite, considerans toutes ces
coses et les perils qui en pooient naistre et venir,
s’avisa que elle metteroit ces deus dus ensamble, le
duc de Bourgongne et le duc Aubert, et elle seroit
moienne de tous les traitiés, et ossi elle prieroit au
20 duc de Bourgongne pour ceux de Gand venir à merchi.
Adont la bonne dame sus son avis et imaginacion
ne se volt mies endormir, mais elle mist clers en
oevre et mesagiers, et fist tant par ses traitiés envers
le duc de Bourgongne et le duc Aubert, que uns parlemens
25 fu asignés à estre en la cité de Cambrai, et
l’acordèrent li doi duc et leurs consaulx, et ne savoit
encores nuls des dus, fors la bonne dame, sur quel
estat li parlemens se tenroit.
§ 424. A che parlement, pour tant que il avoient
30 seellé en la cité de Cambrai, ou mois de janvier, vers
l’Aparision des Trois Rois, vinrent li dus de Bourgongne
[188] et li dus Aubiers et leurs consaulx; et là vint
et fu la ducoise de Braibant, qui ouvri tous les traitiés,
et remonstra premièrement au duc de Bourgongne
comment il estoit en che monde uns grans
5 sires et avoit des biaux enfans: si estoit bien heure
que li uns ou li doi fussent assené et mis en lieu dont
il vausissent mieux, et pour le present, elle ne pooit
veoir lieu ne asene où il fussent mieux, que es
enffans de Hainnau, pour reconfremer tous les païs
10 ensamble, et pour donner grant doubte et cremeur à
ses ennemis. «Car, biaux niés, dist elle au duc de
Bourgongne, je sai de verité que li dus de Lancastre,
qui est fors et poissans en Engletière, procure fort
que sa fille fust assenée à mon nepveu Guillaume de
15 Hainnau, et je averoie plus chier un pourfit pour
vous et pour vos enfans que pour les Englès.»--«Ma
belle ante, respondi li dus de Bourgongne,
grant merchis, et je vous crerai et lairai convenir de
ma fille Marguerite au damoisel de Hainnau.»
20 Adont la bonne dame ala de l’un à l’autre, et commencha
à parlementer de che mariage. Li dus Aubers,
auquel ces parolles estoient assés nouvelles, en respondi
mout courtoisement, et dist que il n’avoit point
là de son conseil tel que il le voloit avoir. «Et quel
25 conseil, dist la ducoise, vous fault il avoir, pour bien
faire et de mettre et tenir vostre païs en pais?»--«Ma
femme, respondi li dus, car sans li je n’en
feroie riens. Otant a elle à mes enfans, comme jou
ai; et ossi, belle ante, il appartient que li noble de
30 mon païs en soient enfourmé.»
La ducoise respondi que Dieux i eust part, et se
avisa que bellement elle les feroit departir de là
[189] ensamble et leur prieroit que dedens le quaresme
elle les peuist remettre en celle propre cité ensamble,
et leurs femmes, madame de Bourgongne et madame
de Hainnau, et leurs consaulx. Et fist tout che la dame
5 si secré[e]ment que plenté de gens ne pooient savoir
pour quoi li parlemens avoit là estet. Sus cel estat li
doi duc se departirent de Cambrai; et s’en ala li dus
de Bourgongne en la citté d’Arras, où madame sa
femme estoit, et li dus Aubers s’en retourna en Hollandes,
10 où la ducoise sa femme estoit, et la ducoise
de Braibant retourna en son païs, qui songneusement
et couvertement escripsoit et envoioit de l’un à l’autre;
et mout en ot de paine et de frait, pour remettre ces
signeurs et ces dames en la cité de Cambrai ensamble,
15 car mout desiroit que li mariage se fesissent, pour
confremer en bonne amour et en unité Flandres,
Braibant et Hainnau ensamble.
§ 425. Tant exploita le ducoise de Braibant que ces
parties et leurs consaulx et elle meïsmes et ses consaulx
20 vinrent et furent tout à Cambrai; et là i ot fait
mout d’onneurs, car cascuns de ces dus s’efforchoient
à faire honneur l’un pour l’autre. Là estoient la
ducoise Marguerite de Bourgongne et la ducoise Marguerite
de Hainnau, qui se tenoit mout forte en ces
25 traitiés et disoit que, se on voloit que ses fils euist
Marguerite de Bourgongne, sa fille Marguerite aroit
ossi Jehan de Bourgongne, par quoi il i aroit plus
grant conjonction de toute amour. A envis marioit et
aloioit en un hostel li dus de Bourgongne deus de ses
30 enfans à une fois: de sa fille che li sambloit assés au
damoisel de Hainnau, et escusoit Jehan, son fil, encore
[190] à trop jone; et avoit adont li dus de Bourgongne
imaginacion que il le marieroit à Katerine de France,
suer de son nepveu, le roi de France. Et furent cil
traitiet et cil parlement priès sus le point dou fallir,
5 car la ducoise de Baivière disoit que ja li mariages ne
se feroit de l’un de ses enfans, se il ne se faissoit des
deus, et tint toudis ce pourpos, ne on ne l’en pot
onques brissier. La ducoise de Braibant avoit grant
paine d’aler de l’un à l’autre et de remettre les tretiés
10 en estat et ensamble; et tant s’esploita la bonne dame,
en remonstrant raisons raisonnables et verités, et par
especial au duc et à la ducoise de Bourgongne, que
les besongnes s’avanchièrent et confremèrent; et
furent li mariage aconvenenchié dou fil et de la fille
15 dou duc de Bourgongne au fil et à la fille dou duc
Aubert de Baivière. Et ce qui avoit detriiet et empechiet
bien cinc jours les mariages à aprochier, estoit
pour un different que li consaulx dou duc de Bourgongne
i trouvoient et mettoient; car il veoient et
20 entendoient que li dus Aubers n’estoit que baus de
Hainnau, car encores en ces jours vivoit li contes
Guillaumes de Hainnau, ses frères, liquels gissoit
malades au Kesnoi, et pooit bien cils contes Guillaumes
sourvivre sen frère le duc Aubert; et, se il le
25 sourvivoit, il estoit tout cler que si autre frère aroient
le bail et le gouvrenement de Hainnau, et en seroient
espulsé li enfant dou duc Aubert. Pour celle doute et
different s’en detrièrent cil mariage un terme, [et
furent à Cambrai] bien onse jours, tant que tout fu
30 esclarchi et prouvé que li dus Aubers n’avoit nuls
frères et que la conté de Hainnau ne li pooit eslongier
que li hiretages ne li revenist et à ses enffans.
[191] Quant ces coses furent sceues et trouvées en voir,
on ne detria gaires puisedi, mais furent li mariage
juré et aconvenenchiet de Guillaume de Hainnau avoir
à femme Marguerite de Bourgongne, et de Jehan de
5 Bourgongne avoir Marguerite de Hainnau; et devoient
retourner à Cambrai toutes ces parties, pour faire le
solempnité des espousailles, as octaves de Pasques
l’an de grace mille trois cens quatre vins et chiunc.
§ 426. Sus cel estat se departirent de Cambrai
10 toutes les parties, et s’en retourna li dus de Bourgongne
en France devers le roi, et sa femme la
ducoise s’en ala à Arras, et li dus Aubers et la
ducoise sa femme s’en retournèrent en la ville dou
Kesnoi en Hainnau, et madame de Braibant en son
15 païs. Adont furent ouvrier, carpentier et machon, mis
en oeuvre pour apparillier et mettre à point les hostels
en la chité de Cambrai, et i envoia on gens, pour
faire les pourveances si grandes et si grosses que
mervelles est à considerer; et furent publiies et criies
20 ou roiaulme de France et en l’Empire unes joustes si
grandes et si belles c’à mervelles, à estre à Cambrai
en le sepmaine après les octaves de Pasques. Quant li
rois de France en fu enfourmés, si dist que il voloit
estre as noces de ses cousins et de ses cousines. Si
25 envoièrent tantos si mestre d’ostel ses pourveances
faire à Cambrai [si] grandes et si grosses comme à lui
appartenoit, et avoit on retenu le palais de l’evesque
pour le duc de Bourgongne, et ja i faissoit on ses
pourveances, mais il les en convint partir et vuidier
30 pour le roi. Si furent au palais de Cambrai carpentier
et machon ensonniiet de ouvrer et dou mettre en estat
[192] roial, enssi comme encores il appert, car en devant
ceste feste il n’estoit pas enssi. Il n’estoit pas en souvenance
d’omme ne en memoire, que depuis deus
cens ans si grant feste euist esté à Cambrai comme
5 elle se tailloit de l’avoir; ne li signeur, pour eux
apparillier et joliier et pour exauchier leur estat,
n’espargnoient non plus or ne argent que dont que
il apleuist des nues. Tout s’efforçoient l’un pour
l’autre.
10 § 427. Ches nouvelles vinrent en Engletère de ces
mariages, comment li dus de Bourgongne et li dus
Aubers marioient leurs enfans ensamble. Li dus de
Lancastre, qui tousjours avoit eu esperance que Guillaumes
de Hainnau prenderoit à femme sa fille (à tout
15 le mains on li avoit fait et donné à entendre), fu tous
pensieux et merancolieux de ces nouvelles; et, tout
imaginé, pour mieux ent savoir le verité, il envoiia
mesages et escuiers de son ostel à Gand, et les endita
et enforma de parler au duc Aubert. Quant cil de
20 par le duc de Lancastre furent venu à Gant, il trouvèrent
messire Jehan [le] Boursier et les eschevins de
Gand et Piètre dou Bos et François Acremen, qui leur
fissent bonne chière; et se rafresquirent là deus ou
trois jours, et puis s’en partirent, et vinrent à Mons
25 en Hainnau, et de là alèrent il au Kesnoi, et se
traïssent devers le duc, car il s’i tenoit pour ce tamps,
et la ducoise sa femme et si enfant. Pour l’onneur dou
duc de Lancastre, il requellièrent liement les Englès,
et leur fist li dus bonne chière; ossi fist li sires de
30 Gonmignies.
Li maistres de l’estaple des lainnes de toute Engletière
[193] parla premiers, quant il ot monstré ses lettres
de creance, et recommanda mout grandement le duc
de Lancastre [à] son cousin le duc Aubert, et puis parla
de pluiseurs coses dont il estoient cargiet. Entre les
5 autres coses il demanda au duc Aubert, sicom je fui
adont infourmés, se ce estoit se entente de perseverer
avant en che mariage as enffans le duc de Bourgongne.
De ceste parolle li dus Aubers mua un petit couleur,
et dist: «Oïl, sire. Par ma foi! pour quoi le demandés
10 vous?»--«Monsigneur, dist il, j’en parolle
pour ce que monsigneur le duc de Lancastre a tousjours
esperé jusques à chi, que madamoiselle Phelippe
sa fille aroit Guillaume, monsigneur vostre fil.» Lors
dist li dus Aubers: «Compains, dites à mon cousin
15 que quant il a mariet ou mariera ses enffans, que
point je ne m’en ensonnierai. Ossi ne s’a il que faire
d’ensonniier de mes enffans, ne quant je les voel
marier, ne où, ne comment, ne à qui.» Che fu la response
que li Englès [orent] adont dou duc Aubert. Chil
20 maistres de l’[estaple] et si compaignon prisent congiet
au duc apriès disner, et s’en vinrent jesir à
Valenchiennes, et à l’endemain il s’en retournèrent à
Gand. De eux je ne sai plus avant: je croi bien que
il retournèrent en Engletière.
25 § 428. Or vint le Pasque que on compta en l’an de
grace mille trois cens quatre vins et cinc, et li termes
que li rois de France, li dus de Bourgongne, li dus de
Bourbon, li dus Aubers, la ducoise sa femme, la
ducoise de Braibant, la ducoise de Bourgongne, messires
30 Guillaumes et messires Jehans de Namur vinrent
à Cambrai. Li rois se traïst au palais, car c’estoit ses
[194] hostels; cascuns sires et cascune dame se traïssent à
leurs hostels. Vous poés et devés bien croire et savoir,
où li rois de France estoit et où tant avoit de haulx
et de nobles princes et de hautes et nobles dames,
5 que il i avoit grant fuisson de chevalerie. Li rois
entra le lundi à heure de disner en Cambrai, et ja
estoient tout li signeur venut et les dames ossi. Tout
alèrent contre lui au dehors de la cité, et fu amenés
et convoiiés à grant fuisson de trompes et de menestrés
10 jusques au palais.
Che lundi furent, present le roi et les haulx barons,
renouvellées les convenences des mariages, et [deubt]
Guillaumes d’Ostrevant avoir la conté d’Ostrevant, et
fu madame Marguerite, sa femme, doée de toute la
15 terre et casteleriie d’Ath, c’on dist en Braibant, et
donnoit li dus de Bourgongne à sa fille cent mille frans,
et Jehans de Bourgongne devoit estre contes de Nevers,
et en estoit madame Marguerite de Hainnau doée, et
donnoit li dus Aubers à sa fille cent mille frans: enssi
20 se faisoient les parchons.
Le mardi, à heure de la haute messe, il furent
espousé, en l’eglise catedral Nostre Dame de Cambrai,
à grant solempnité; et les espousa li evesques de Cambrai,
qui ot à non Jehan et estoit nés de Brouxelles.
25 Là ot au palais au disner très grant noblèce, et sist li
rois de France à table, li doi mariet et les deus
mariées; et tout li autre signeur servoient sus haulx
destriers, et aseoit à table li connestables de France,
et li amiraulx de France et messires Guis de la Tremoulle
30 et messires Guillaumes de Namur servoient, et
pluiseur autre hault baron de France. Onques en Cambrai
n’ot puis cinc chens ans si haute solempnité ne si
[195] renommée, comme il ot en ces jours dont je parolle.
Après ce noble et haut disner fait, grant fuisson de
signeurs et de chevaliers furent armet et aparilliet
pour le jouste, et joustèrent sus le marchiet; et i avoit
5 quarante chevaliers de dedens, et jousta li jones rois
Charles de France à un chevalier de Hainnau, qui s’appelloit
messires Nicolles d’Espinoit. Et furent ces joustes
très belles et très bien joustées et continuées, et en ot
le pris uns jones chevaliers de Hainnau, qui s’appelloit
10 Jehans, et sires de Donstienne dalés Biaumont en
Hainnau; et jousta li chevaliers au plaisir des signeurs
et des dames très bien, et i ot pour le pris un fermail
d’or à pières precieuses que madame de Bourgongne
prist en sa poitrine et li presentèrent li amiraulx de
15 France et messires Guis de la Tremoulle. Si se continua
toute la sepmaine en grant reviel, et se continuèrent
les festes, et le venredi, après disner, on prist
congiet au roi, et li rois as signeurs et as dames, et
se departi de Cambrai. Ossi fissent tout li duc et les
20 ducoises. Si enmena vers à Arras madame de Bourgongne
Marguerite de Hainnau, sa fille; et madame
de Hainnau enmena au Quesnoi Marguerite de Bourgongne.
Enssi se perseverèrent les besongnes.
§ 429. En celle saison fu ossi fais et traitiés li
25 mariages de Loïs de Blois, fils au conte Gui de Blois,
et de madame Marie de Berri, fille au duc Jehan de
Berri. Et, environ le mois de mai, s’en alèrent li contes
de Blois et madame de Blois, sa femme, en la ducé de
Berri, et enmenèrent Loïs, leur fil, bien acompaigniet
30 de grant fuisson de signeurs, de dames et de damoisselles,
et vinrent à Bourghes en Berri, où li dus et la
[196] ducoise estoient, qui là les atendoient et qui très
poissaument les requellièrent, conjoïrent et festiièrent,
et toute leur compaignie. Si furent là confremées les
convenenches des fianchailles, et les fiança li arcevesques
5 de Bourges, et là ot grant fuisson de
signeurs. Et n’espousèrent pas lors, car li fils et la
fille estoient pour le tamps mout jone, mais les convenances
dou perseverer avant ou mariage furent
prisses, presens pluiseurs haulx barons et chevaliers;
10 et i ot à ces fianchailles grans festes de disners, de
soupers, de danses, de carolles; et puis s’en retournèrent
li contes et la contesse de Blois et leurs fils
arrière en la conté de Blois, et là se tinrent; et la
fille demora, dalés sa dame de mère, en Berri, en un
15 très bel castiel dalés [Bourges], que on dist [Meun]
sus Ievre.
§ 430. En che tamps se departi li dus de Berri,
pour aler en Auvergne et en la Langhed’oc, et
jusques en Avignon veoir le pappe Clement. Et estoit
20 ordonné en devant que li dus de Bourbon et li contes
de la Marche, à tout deus mille hommes d’armes, s’en
iroient en Limosin et deliveroient le païs des Englois
et des larons, qui pilloient et roboient le païs, car en
Poito avoient encore aucuns fors et en Saintonge,
25 qui i faissoient mout de damage, dont les plaintes en
estoient venues au duc de Berri, liquels dus i voloit
remediier. [Et] avoit priiet au duc de Bourbon, son
cousin, par especial, que la garnisson de [Vretuel], lui
venut en Saintonge et en Limosin, il ne deportast nullement
30 que elle ne fust conquise, car c’estoit li fors
qui plus donnoit à faire et à souffrir au païs; et li dus
[197] de Bourbon li avoit en convenant. Si avoit fait son
mandement à Moulins en Auvergne à estre le premier
jour de juing, et là se traioient et sus le païs, en alant
vers Limoges, toutes gens d’armes. Et avoit pour le
5 tamps li dus de Bourbon dalés lui un escuier, gentil
homme et gracieux et vaillant homme durement, qui
s’appelloit Jehan Bonne Lance, maistre et cappitaine
de ses gens d’armes, et certes li escuiiers le valoit
bien que il le fust. Si faissoit li contes de la Marce,
10 qui devoit estre en ceste chevauchie et compains au
duc de Bourbon, son mandement en la citté de Tours.
§ 431. En celle saison s’en vinrent à l’Escluse en
Flandres toutes gens d’armes qui estoient escript, ordonné
et passé et monstré, pour aler oultre en Escoce
15 en la compaignie de monsigneur Jehan de Viane, amiral
de France; et en devoit mener mille lanches,
chevaliers et escuiers, et croi bien que tout i furent,
car il i aloient de si très grant volenté, que tels n’estoit
mies priiés ne mandés, qui, pour son avanchement,
20 se metoit en la route de l’amiral et ou voiage.
Et estoit la navie toute apparillie à l’Escluse, et les
pourveances toutes faites belles et grandes, et en
portoient et faissoient porter li signeur la garnison,
pour armer douse cens hommes d’armes de piet en
25 cappe, et avoit on pris che harnas d’armes ens ou
castiel de Biauté dalés Paris, et avoient esté les
armeures des Parisiiens, lesquelles, et encore grant
fuson, on leur avoit fait porter ou dit castel.
En la compaignie de l’amiral avoit grant fuisson de
30 bonnes gens d’armes, toute fleur de chevalerie et
d’esquirie, et estoit li intencion dou connestable de
[198] Franche et de cheux qui en che voiage aloient, pour
ce que cil qui l’anée en devant i avoient alé, messires
Joffrois de Cargni et li autre, avoient dit au roi et à
son conseil que en Escoce on estoit petitement et
5 povrement armés de bons harnas, ces armeures que il
en faissoient porter, li signeur avoec eux, il les deliv[e]roient
as chevaliers et escuiers dou roiaulme d’Escoce,
pour mieux faire la besongne. Or vous nommerai
une partie des signeurs de France, qui alèrent en celle
10 saison en Escoce: premièrement messire Jehan de
Viane, amiral de France, le conte de Grand Pret, le
signeur de Vodenai, le signeur de Sainte Crois, le
signeur de Montburi, messire Joffroi de Carni, messire
Guillaume de Viane, messire Jaque de Viane,
15 signeur d’Espagni, messire G[e]rart de Bourbonne, le
signeur de Hées, messire Florimont de Quissi, le
signeur de Moruel, messire Walerant de Rainneval, le
signeur de Biausaut, le signeur de Wauvrin, le signeur
de Riveri, le baron d’Iveri, le signeur de Coursi, messire
20 Perceval d’Ainneval, le signeur de Ferières, le
signeur de Fontaines, messire Braquet de Braquemont,
le signeur de Grantcourt, le signeur de Landom, breton,
messire Gui la Personne, messire Guillaume de Corroi,
le signeur de Hangiers, messire Charle et messire
25 [Aubert de Hangiers], messire Werri de Winselin, cousin
dou hault maistre de Pruse, et pluiseurs autres bons
chevaliers que je ne puis pas tous nommer, et tant
que il furent mille lances, chevaliers et escuiers, sans
les arbalestriers et les gros varlès. Et eurent bon vent
30 et biau voiage de mer, car li tamps estoit mout biaux
sicom ou mois de mai, et estoient les trieues faillies
entre France et Engletière et les Gantois et les Flamens,
[199] et de toutes les parties, car, de toutes pars,
sicom il le monstroient, il desiroient la guerre. Et très
liement cil chevalier et escuier desiroient la guerre,
qui s’en aloient en Escoce, et dissoient que, avoecques
5 l’aide et le confort des Escos, il aroient une bonne
saison et feroient un grant esploit d’armes sus leurs
ennemis en Engletière; et sachiés que li Englès, qui
estoient enfourmé de che voiage, s’en doubtoient
grandement.
10 § 432. Messires Jehans [le] Boursier, qui avoit en
gouvrenement, de par le roi Richart d’Engletière, la
ville de Gand, et les cappitaines de la communauté de
Gand, Piètre dou Bos, François Acremen et Piètre
le Witre, se tenoient tout pourveu, avisé et enfourmé
15 que il aroient la guerre. Si s’ordonnèrent selonc che;
et avoient, les trieues durant, grandement ravitaillié
et rafresqui leur ville de Gand de pourveances et de
toutes coses necessaires appartenans à guerre, et ossi
le castiel de Gauvre et tout che qui se tenoit pour eux.
20 En che tamps avoit une manière de gens routiers ens
es bos de le Raspaille que on appelloit les Pourcelès
de le Raspaille, et avoient en ces bos de le Raspaille
fortefiiet une maison tellement que on ne les pooit
ne prendre ne avoir. Et estoient gens escachiet de
25 Granmont et d’Alos et des autres terres de Flandres,
liquel avoient tout perdu le leur, et ne savoient de
quoi vivre, se il ne le pilloient et reuboient là partout
où il le pooient prendre; et ne parloit on adont fors
des Pourcelès de le Raspaille. Et siet cils bos entre
30 Regnais et Granmont, Enghien et Lessines; et faissoient
mout de maulx en le castelerie d’Ath et en la terre
[200] de Floberghe et de Lessines et en la terre d’Enghien,
et estoient cil avoé de ceux de Gand, car soubs
l’ombre d’eux, il faissoient mout de mourdres, de
larchins, de pillages et de roberiies, et venoient en
5 Hainnau querre et prendre les hommes en leurs lis,
et les en menoient en leur fort de le Raspaille, et
les ranchonnoient, et avoient guerre à tout homme,
puis que il le trouvoient. Li castelains d’Ath, qui estoit
pour le tamps sires Bauduins de le Motte, fist par
10 pluiseurs fois des agais, mais il ne les pooit avoir ne
atrapper, car il savoient trop de refuites; et les resongnoit
on tant en la frontière de Hainnau et de Braibant,
que nuls n’osoit aler che chemin, ne ens ou païs.
§ 433. Li dus de Bourgongne d’autre part avoit
15 garni et repourveu parmi Flandres, pour la guerre
que il atendoit, ses villes et ses castiaux; et estoit
cappitaine de Bruges li sires de Gistelles, et de l’Escluse
messires Guillaumes de Namur, car pour ce
[tamps] il en estoit sires, et dou Dam messires Guis de
20 Gistelles, et de Courtrai messires Jehans de Jeumont,
et de Ippre messires Pières de le [Sieppe]; et enssi
par toutes les villes et forterèces de Flandres i avoit
gens d’armes de par le duc de Bourgongne.
En la ville de Ardembourc parellement se tenoient
25 en garnison messires Guis de Pontarliés, mareschaus de
Bourgongne, messires Riflars de Flandres, messires Jehans
de Jeumont, messires Henris d’Antoing, li sires de
Montegni en Ostrevant, li sires de Longueval, messires
Jehans de Berlette, messires Pieres de Bailloel Bielle
30 Fourière, Phelippot de Gauci, Raoulin de la Follie et
pluiseurs autres, et estoient bien ces gens d’armes
[201] deus cens combatans. Si se avisèrent li un par l’autre
et se missent en volenté de chevauchier ens es Quatre
Mestiers et destruire celli païs, car mout de douceurs
en venoient à ceux de Gand. Si se departirent un
5 jour tout armé et apresté pour faire leur emprise, et
chevauchièrent celle part pour bien besongnier.
Che propre jour que li François chevauchoient,
environ deus mille hommes de Gand estoient hors,
tout appert compaignon, desquels François Acremen
10 estoit conduisières et cappitaines; et se trouvèrent
d’aventure ces gens d’armes de France et cil Gantois
en un village. Quant il sceurent li un de l’autre, il
convint que il euist bataille. Là missent li François
piet à terre vaillaument, et apoignèrent les glaves et
15 aprochièrent leurs ennemis, et li Gantois eux, qui
estoient grant fuisson. Là commenchièrent il à traire
et à lancier l’un contre l’autre, et estoient sus un pas
où li Gantois ne pooient passer à leur avantage. Et là
ot dur rencontre, et faite tamainte grande appertise
20 d’armes, et rués jus des uns et des autres; et là fu messires
Riflars de Flandres, très bons chevaliers, et i fist
pluiseurs grans prouèces et des belles appertises; et
se combatoient très vaillaument chevalier et escuier à
ces Gantois, et faire leur convenoit, car là n’avoit nulle
25 raençon. Finablement, li Gantois estoient si grant
fuisson que il obstinrent le place, et convint les François
partir et monter as chevaulx. Autrement il euissent
esté tout perdu, car li Gantois les efforchièrent, et
i furent mort messires Jehans de Berlette, messires
30 Pières de Bailluel Belle Fourrière, Phelippes de Gauchi,
Raoulin de le Follie et pluiseurs autres, dont che fu
damages, et convint le demorant fuir et rentrer en
[202] Ardembourc: autrement il euissent [esté] mort et perdu
sans recouvrer. Depuis celle avenue fu envoiiés li viscontes
de Miaulx en garnison en Ardembourc, et toute
sa carge de gens d’armes. Si aida à remparer et fortefiier
5 la ville de Ardembourc, et s’i tenoient avoecques
li pluiseur chevalier et escuier, liquel estoient bien
cent lances de bonnes gens. Et pour che tamps estoit
messires Jehans de Jeumont grans baillus de Flandres,
et avoit esté bien deus ans en devant, liquels estoit
10 mout cremus et resongniés par toute Flandres pour
les grans prouèces et appertises que il faisoit; et quant
il pooit atrapper des Gantois, il n’en presist nulle
raenchon que il ne les mesist à mort ou feïst crever
les ioelx ou copper les poins, les orelles ou les piés,
15 et puis les laissoit aler en cel estat pour exempliier
les autres; et estoit si renommés par toute Flandres
que de tenir justice sans point de pité et de corigier
cruellement les Gantois, on ne parloit d’autrui en
Flandres que de lui.
20 § 434. Enssi par toutes terres estoit en che tamps
li mondes entriboullés et empiriés, tant entre le roi
de France et le roi d’Engletière, comme [entre] le roi
Jehan de Castille et celi de Portingal, car là estoit la
guerre renouvelée. Et estoit madame d’Ango, qui
25 s’escripsoit roïne de Napples [et] de Jherusalem, venue
en Avignon dalés le pappe, et tenoit son hostel, et
son fil le roi Loeïs avoecq lui, qui s’appelloit rois, dou
title que ses pères avoit conquis; et avoit intencion
la roïne de faire guerre à Prouvence, se li Prouvencel
30 ne le reconnissoient à dame et venoient en se obeïssance,
et ja estoit messires Bernars de la Salle entrés
[203] en Prouvence et i faissoit guerre pour li. Et se tenoit
pour le tamps li sires de Couchi en Avignon, car bien
quinse sepmaines il fu au lit d’une keute de un cheval,
dont il ot la jambe durement mesaisie. Quant il
5 fu regaris, il visitoit souvent la roïne et le reconfortoit
enssi que bien faire le savoit, et atendoit le roïne
le duc de Berri, qui estoit mis au chemin, qui s’en
venoit en Avignon, pour parler au pappe et pour
aidier sa belle soer la roïne; car li rois de France et
10 si oncle envoioient en Prouvence messire Loeïs de
Sanssoire, mareschal de France, atout cinc cens
hommes d’armes, pour guerriier les Prouvenchiaux,
se il ne venoient à obeïssance. Li aucun i estoient
venu, et non pas tout; mais toutesfois la cittés de
15 Marselle et la grignour partie de Prouvence se rendoient
à la roïne, mais la cité de Ais en Provence et
Tarascon et aucun chevalier dou païs ne s’i voloient
rendre, car il dissoient que elle n’i avoit nul droit de
calengier et demander la duceé de Prouvence, jusques
20 adont que elle seroit paisiblement recheue à dame, et
ses fils receux à roi, à Puille, en Calabre, en Napples
et en Sesille; et quant elle en monsteroit possession
paisible, toute Prouvence obeïroit à li, et che seroit
raisons.
25 En ces marces par de delà faissoient guerre pour
li contre ceux de la Paix et les Neapolitains, li contes
de Conversant et messires Jehans de Luxembourc, ses
fils, et, dalés la roïne en Avignon, de son conseil
especial se tenoit messires Jehans de [Bueil].
30 § 435. En celle saison avint une autre incidense
mervilleuse en Lombardie et de laquelle on parla
[204] mout par le monde, et fu dou conte de Vertus, qui
s’appelloit messires Galeas, à son oncle le plus grant
signeur de tous en Lombardie, messire Bernabos.
Messires Galeas et messires Bernabo, qui avoient esté
5 frère et resgné ensamble asés paisiblement et gouvrené
frarelment toute Lombardie, li uns i tenoit
de signourie nuef cités, et li autres dis; et Melans
aloit un an ou gouvrenement de l’un, et puis retournoit
à l’autre an ou gouvrenement de l’autre. Quant
10 messires Galeas, pères au conte de Vertus, fu mors, si
se eslongièrent les amours de l’oncle au nepveut, et
se doubta messires Galeas li jones, son père mort, de
son oncle messire Bernabo, que il ne le vosist sousmettre
et tollir ses signouriies, enssi comme ses pères
15 et ses oncles avoient dou tamps passet tolut sa signourie
à leur frère messire Maufé, et l’avoient fait morir.
Cils contes de Vertus s’en doubta trop grandement,
et bien le monstra que il n’en estoit pas asseurés.
Toutesfois, dou fait et de l’emprise qu’il fist, il ouvra
20 mout soutieu[e]ment: je vous dirai comment.
Messires Bernabo avoit un usage que toute la terre
de Lombardie, dont il estoit sires, il rançonnoit trop
durement, et tailloit les hommes desouls lui deus ou
trois fois l’an dou demi ou dou tierch de leur
25 chevanche, et si n’en osoit nuls parler mal pour lui,
qui s’en plaindesist. Messires Galeas, li contes de
Vertus, pour grace aquerre et loenge, en toute sa
terre ne prendoit nulle aide ne nulle taille, anchois
vivoit de ses rentes singulèrement, et tint ceste
30 ordonnance depuis le mort son père bien cinc ans. Et
avoit telle grace de toutes gens en Lombardie que cascuns
l’amoit et en dissoit bien et demoroit volentiers
[205] desouls li, et toutes gens disoient mal et se plaindoient
couvertement de messire Bernabo, car il ne leur laissoit
riens. Avint que li contes de Vertus qui tiroit à
faire son fait et qui se doubtoit trop grandement de
5 son oncle, et ja en avoit veu aucuns apparans, sicom
on dissoit, fist un mandement secréement de tous
ceuls où il se confioit le plus, et dist à aucuns son
entente, et non pas à tous, que il ne fust sceu et
revellé. Et sot une journée que messires Bernabos,
10 ses oncles, devoit chevauchier en ses deduis de castiel
à autre: sus cel estat et ordonnance il mist trois
embusques sus, et convenoit que messires Bernabo
passast dou mains parmi l’une des embusques. Il
estoit ordonné que dou prendre vif et non pas tuer,
15 se il ne se mettoit trop grandement à deffence.
Enssi que messires Bernabo chevauchoit de ville
à autre, qui nullement n’i pensoit et qui tous aseurés
quidoit estre, ne de son nepveu nulle doubte il ne
faissoit, evous qu’il s’embat sus l’une de ces embusques,
20 laquelle se ouvri tantos sour lui; et vinrent
sour lui en brochant des esperons et des lances abaissies.
Là ot un chevalier alemant qui estoit à messire
Bernabo, et li dist: «Sire, sauvés vous! je vois sur
vous venir gens de très mauvais convenant, et sont de
25 par vostre nepveu messire Galeas.» Messires Bernabo
respondi que il ne se saroit où sauver, se on avoit
aucune male volenté sur lui, et que il ne quidoit en
r[i]ens avoir fourfait à son nepveu, pour quoi il le convenist
fuir. Et toudis cil de l’embusque aprochoient
30 et venoient au plus droit que il pooient et fendant
parmi les camps sus messire Bernabo. Là ot un chevalier
d’Alemaigne, homs d’onneur estoit et chevaliers
[206] dou corps à messire Bernabo: quant il veï aprochier
ceux qui venoient sus son maistre et signeur (il
portoit l’espée à messire Bernabo devant lui), tantos
il le traïst hors dou fouriel et le mist ou poing de
5 messire Bernabo. Tout che li veïrent faire cil qui
venoient pour lui prendre; et puis traïst li chevaliers
son espée comme vaillans homs, pour li mettre à
deffense. Che ne li valli noient, car tantos il fu environnés,
et messire Bernabo ossi, et là fu li chevaliers
10 ochis pour tant que il avoit fait commenchement et
samblant de lui deffendre, dont messires Galeas fu
depuis pour la mort dou chevalier trop durement
courechiés. Là fu pris messires Bernabo (onques n’i ot
deffense en lui ne en ses gens) et menés en un castel
15 où ses nepveus estoit, qui ot grant joie de sa venue.
En che jour ossi furent pris sa femme et si enffant,
cil qui à marier estoient, et les tint li sires de Melans
em prison, qui prist tantos toutes les signouries,
villes, castiaux et cittés que messires Bernabo tenoit
20 en Lombardie; et se rendi li païs à lui, et demora
messires Galeas sires de toute Lombardie par le manière
que je vous di, car ses oncles morut, je ne sai mies
de quel mort; je croi bien qu’il fu sainniés ou hateriel,
enssi comme il ont d’usage de faire leurs sainnies
25 em Lombardie, quant il voellent un homme avanchier
sa fin.
Ces nouvelles s’e[s]pardirent tantos partout. Li aucun
en furent liet et li aucun courouchiet, car messires
Bernabo avoit fait en son tamps tant de cruels et
30 oribles fais et de piteuses justices sans raison, que
trop petit de gens qui en ooient parler, le plaindoient,
mais dissoient que c’estoit bien emploiet. Enssi fina,
[207] ou auques priès, messires Bernabos, qui avoit en son
tamps resgnet ens ou païs de Lombardie si
poissaument.
§ 436. Nous retournerons à l’armée que li dus de
5 Bourbon et li contes de le Marce fissent en Poito et en
Limosin. Il se departi de Moulins en Auvergne, et
chevaucha à belle route de chevaliers et d’escuiiers,
pour parfurnir son voiage, et avoit Jehan de Harcourt,
son nepveut, en sa compaignie. Li dus de Bourbon
10 avoit fait son especial et souverain mandement de
ceux de Beri, d’Auvergne, de Poito, de Roergue, de
Saintonge et de Limosin à estre à Niorth à quatre
lieues de Poitiers. Entrues que cil gens d’armes s’asambloient
et que cil mandement se faissoient, se tenoit
15 messires Guillaumes de Linac, un mout vaillans chevaliers,
senescaus de Saintonge de par le roi de France
et gouvrenères de La Millau, ens es marces par de
delà. Si s’en vint en Angoulemois à toute sa carge de
gens d’armes, où bien avoit deus chens combatans,
20 et s’aresta devant le castiel de l’[Aigre] que Englès
tenoient, que tout l’ivier et l’esté ensieuant avoient
mout heriiet le païs.
Quant messires Guillaumes fu là venus, il mist tantos
piet à terre et fist mettre ses gens; et aprochièrent
25 ce castiel, et ses gens asalirent de grant volenté. Et
là ot dur assaut et fort et bien continué, car cil qui
dedens estoient, se deffendoient pour leurs vies. Là fu
messires Guillaumes, bons chevaliers, et i fist mout
d’armes, et quoi que il fust capitains de tous, il leur
30 monstroit bonne volenté et comment on devoit asalir,
car mies ne s’espargnoit. Tant fu li asaus fors et bien
[208] continués que li castiaux fu conquis de force, et
entrèrent ens li François par eschielles, et furent mort
et pris chil qui dedens estoient. Ce premier conquès
en celle saison fist mesires Guillaumes de Lingnac, en
5 atendant le duc de Bourbon et se route.
§ 437. Quant li dus de Bourbon fut venus à Niorth,
si trouva là grant fuison de gens d’armes qui l’atendoient
et qui desiroient sa venue; et là estoit ses cousins,
li contes de la Marche, à grant route de gens
10 d’armes, li viscontes de Touwars, messires Ainmeris de
[Rochechouart], senescal de Limosin, li sires de Pons,
li sires de Pertenai, li sires de Tors, li sires de Poussauces
et pluiseur autre baron et chevalier de Poito et
de Saintonge; et là vint devers le duc messires Guillaumes
15 de Lingnach, qui avoit pris et tourné françois
le castel d’Aigre, dont li dus l’en sot bon gret.
Quant toutes ces gens d’armes furent mis ensamble,
il se trouvèrent bien set cent lances, sans les Genevois
et les gros varlès, et estoient bien en somme deus
20 mille combatans. Adont jetèrent il leur avis où il se
trairoient premierement, ou devant [Vretuel], ou devant
Taillebourc, ou devant Montleu. Tout consideré et
pour le milleur, il dissent que il iroient devant Montleu,
pour tant que c’est uns castiaulx sur les landes
25 de Bourdiaux et ou chemin de Bourdiaulx. Atout le
mains, se il se l’avoient, tout li autre en seroient plus
foible, et ne poroit nuls issir de Bourdiaulx, que il ne
le seuissent. Si cheminèrent celle part, et passèrent
Angoulesmois, et vinrent devant Montleu, et là missent
30 le siège; et estoient conduisseur des gens d’armes dou
duc de Bourbon et de toute l’ost messires Jakemes
[209] Poussart et Jehans Bonne Lance. Ces ge[ns] d’armes
n’arestèrent gaires devant Montleu, quant il s’ordonnèrent
à l’asallir, et aprestèrent leurs atournemens
d’assaut et leurs eschielles, et commenchièrent à environner
5 ce castiel et à l’asallir de grant manière, et
eux à deffendre de bonne volenté. Là ot, je vous di,
asaut dur et fier et bien continué, et fait des grans
appertisses d’armes sus escielles, car li François montoient
delivrement, et se combatoient sus les murs
10 main à main et de daghes; et fissent tant li François
que, par bon assaut, li castiaulx fu pris et conquis,
et cil dedens mort: petit en i ot de sauvés. Quant li
signeur de France eurent le posession de Montleu, il
le remparèrent et rafresquirent de nouvelles gens et
15 de pourveances, et puis s’en vinrent le chemin de
Taillebourc sus la Carente, de laquelle forterèce Durandon
de la Perade, uns Gascons, estoit capitains, appert
homme d’armes, et ne fist point grant compte des
François, quant il vinrent. En venant vers Taillebourc,
20 li dus de Bourbon et ses routes prisent deus petis
fors d’Englès, liquel toute la saisson avoient mout heriiet
les frontières de Poito et de Limosin, la Troncète et
Archiac, et furent mort tout cil qui dedens estoient,
et li castiel rendu à ceux dou païs environ, qui les
25 abatirent tous deus.
§ 438. Or fu li sièges mis devant le castiel de
Thaillebourc, et fu assis par quatre bastides et par
quatre lieux. A Taillebourc a un pont qui siet sus
la Carente, et l’avoient li Englès et li Gascon qui
30 le tenoient, fortefiiet; et toute le saison point de
navire alant en la Rocelle et en Sainctonge n’avoit
[210] peu passer, fors à grant dangier et par trieuage.