[718] Le cortège funéraire, accompagné des princes anglais, entra
à Rouen le 19 septembre et, après la célébration d'un service
dans la cathédrale, s'achemina vers Abbeville, Hesdin, Boulogne
et Calais; la dépouille mortelle du roi, confiée à un navire le 5
octobre, arriva à Londres le 12 novembre et fut inhumée dans
l'abbaye de Westminster (Voyez dans Rymer, t. IV, 4, p. 81, les
ordres donnés les 5 et 15 octobre pour les funérailles de Henri
V.--Cf. P. Cochon, p. 445; Chastellain, t. I, p. 333).
358. Item, le sabmedi après la Saincte Croix en septembre, vint le roy de
France et la royne à Paris[719], qui moult avoit esté grant piece à
Senliz; et moult fut le peuple de Paris joyeulx de leur venue et
crioient, parmy les rues où ilz passoient, moult haultement «Nouel!» et
faisoient bien signe que moult amoient leur souverain signeur loyalment.
[719] Charles VI fit son entrée à Paris le samedi 19 septembre et
retourna à l'hôtel de Saint-Paul où il devait bientôt s'éteindre
dans le plus triste abandon (Arch. nat., X{la} 1480, fol. 259
rº).
359. Item, ilz firent au soir des feuz parmy Paris, et dançoient et
monstroient signe de leesce moult grant de la venue dudit signeur.
360. Item, le sabmedy ensuivant après la venue du roy et de la royne, qui
fut le XXVe jour de septembre l'an mil IIIIc XXII, fut decollé et
escartellé es halles de Paris ung nommé messire de Bloquiaulx[720],
chevalier et grant terrien et grant signeur, lequel estoit de la maldicte
bande ung des souverains; et congnut et confessa que par lui estoit ou
avoit esté tué et murdry, de laboureurs et autres, [plus] de VI à VIIc
hommes, sans ce qu'il avoit bouté feux, pillié eglises, efforcé pucelles
et femmes de religion et autres, et si fut le principal de piller la
ville de Soissons.
[720] Raoul de Boqueaux, chambellan du roi, institué le 13
novembre 1413 capitaine et garde du château et de la tour du pont
de Choisy (-sur-Oise), fut fait prisonnier dans cette forteresse
vers le mois de novembre 1422; on lui imputait, entre autres
méfaits, la mort de Guy de Harcourt, bailli de Vermandois. C'est
en 1418 que le même personnage enleva par surprise la cité de
Soissons qui fut alors «desnuée de tous biens.» (Monstrelet, t.
III, p. 292; t. IV, p. 131; Arch. nat., X{la} 4793, fol. 251 vº.)
361. Item, le XXIe jour du moys d'octobre, vigille de XIm Vierges,
trespassa de ce siecle le bon roy Charles, qui plus longuement regna que
nul roy chrestien dont on eust memoire, car il regna roy de France XLIII
ans. Et fut en (son) hostel de Sainct-Pol comme il estoit trespassé
dedens son lict en sa chambre, le visaige tretout descouvert deux ou
trois jours, la croix aux piez de son lict, et bel luminaire; et là le
veoit chascun qui vouloit, pour prier pour luy.
362. Item, il fut ordonné à Sainct-Paul, comme à tel prince appartenoit,
et y mist on, tant pour l'ordonnance comme pour attendre aucun des
signeurs du sanc de France pour le compaigner à mettre en terre; car il
fut à Sainct-Paul depuis le jour de son trespassement devantdit jusques
au XIe jour de novembre ensuivant, jour Sainct Martin. Mais oncques n'y
ot à le compaigner cellui jour nul du sanc de France quant il fut porté à
Nostre-Dame de Paris ne en terre, ne nul signeur que ung duc
[d'Engleterre], nommé le duc de Betefort[721], frere de feu le roy Henry
d'Angleterre, et son peuple et ses serviteurs, qui moult faisoient grant
deul pour leur perte, et especialment le menu commun de Paris crioit
quant on le portoit parmy les rues: «A! tres cher prince, jamais n'arons
si bon, jamais ne te verrons. Maldicte soit la mort! jamais n'arons que
guerre, puisque tu nous as laissé. Tu vas en repos, nous demourons en
toute tribulacion et en toute douleur, car nous sommes bien taillez que
nous ne soions en la maniere de la chetyvoison des enffans de Israël,
quant ilz furent menez en Babilonie.» Ainsi disoit le peuple en faisant
grans plains, parfons suspirs et piteux.
[721] Jean, duc de Bedford, de retour à Paris depuis le 5
novembre, avait fait visite le jour même de son arrivée à la
reine Isabeau en l'hôtel de Saint-Paul, où était exposé le corps
du roi.