355. Item, en cel an, ou moys de juing, deffierent les Arminalx le duc de
Bourgongne et toute sa puissance, et devoit estre la journée le IIe
mercredy d'aoust, et le XIIe jour dudit moys, et devoit estre la bataille
en leurs marches sur la riviere de Loire vers la Charité-sur-Loire[713].
Si fist le duc de Bourgongne une tres belle assemblée, et vint en la
place où estoit devisé que la bataille serait[714], et là fut devant la
journée que ce devoit estre et après iii ou iiii jours. Mais les
Arminalx, quant ilz sceurent sa puissance, ilz ne se oserent oncques[715]
monstrer, et n'orent point de honte de eulx enfouir sans cop frapper, et
tant que le duc de Bourgongne les attendoit, qui les avoit bel attendre,
car ilz savoient que le plus des [grans] garnisons de Normendie estoient
venus en l'aide du duc de Bourgongne; là tournerent ilz et firent
occisions grandes[716], bouterent feus, ardirent eglises et tous les
maulx que on peut pencer, comme eussent fait Sarazins.
[713] L'auteur du Journal relate ici d'une manière assez confuse
la campagne dirigée par le duc de Bourgogne contre les troupes
dauphinoises, qui, après s'être emparées de la Charité, avaient
mis le siège devant Cosne; d'après un arrangement intervenu le 30
juin, la garnison anglo-bourguignonne de cette ville devait
capituler le 16 août, si elle n'était secourue avant cette
époque. Philippe le Bon se présenta le 15 août sous les murs de
la place et y attendit vainement le Dauphin; c'est alors que ce
prince fit sans résultat appréciable une pointe sur la Charité,
l'attitude résolue des dauphinois ayant déterminé sa retraite.
[714] Ms. de Paris: se feroit.
[715] «Oncques» manque dans le ms. de Rome.
[716] «Grandes» manque dans le même ms.
356. Item, en ce moys d'aoust, le darrain jour, à ung dimenche, trespassa
le roy d'Angleterre Henry au Boys de Vincennes[717], qui pour lors estoit
regent de France, comme davant est dit; et fut audit Boys tout mort, pour
l'ordonner comme à tel prince affiert, jusques [au jour de] l'Exaltacion
Saincte Croix en septembre. Et ce jour après disner fut porté à
Sainct-Denis sans entrer à Paris, et le lendemain, jour des octabes
Nostre Dame, fut fait son service à Sainct-Denis en France, et tousjours
y avoit cent torches ardans en chemin comme aux eglises.
[717] Henri V rendit le dernier soupir au château de Vincennes le
lundi 31 août à deux heures du matin, entouré de son frère le duc
de Bedford, de son oncle le duc d'Exeter et de quelques autres
grands dignitaires; son corps fut transporté le 15 septembre en
l'abbaye de Saint-Denis (Arch. nat., X{la} 1480, fol. 257, 259).