Diāna cum in valle quādam aestivō tempore
ex assiduā vēnātiōne dēfatīgāta esset, ad
fontem ut lavārētur sē contulit. Actaeōn
autem vēnātor, cum ad eundem locum ut sē
[Image: ACTAEŌN VĒNĀTOR Ā CANIBUS SUĪS LACERĀTUR.]
et canēs suōs refrīgerāret vēnisset, in cōnspectum
deae incidit. Cum tamen nēminī
mortālī deam invītam vidēre licēret, Actaeōn,
nē glōriārī posset sē Diānam vīdisse, in cervum
est conversus, ita ut prō ferā ā suīs ipse
canibus est lacerātus.