Ho mienste dat?
FRÂNSKE.
Sa astû nou libbest. It kin wêze dat de minsken dy net folle jowe, dat
leau ’k wol. Mar dû jowst hjar ek neat. Salang’t Hora libbe en alles
hjir yn ’e gloede fen syn bisieling en ljeafde stie, salang dieste mei
en joechst in bytsje fen de rykdom dy’t der yn dy is. Hy is gien en wy
moatte dêr nou sûnder. Hwêr bliuwt nou dyn eigen jaen? Moatste it nou
al wer ha fen oaren? Is dat nou keninklik?